በኢትዮጵያ የሚገኘው የከፍተኛው ፍርድ ቤት ተቋማዊ ብቃት አጅግ አሳሳቢ ሁኔታ ላይ እንደሚገኝ ባለ ጉዳዮች በስፍራው ይገኝ ለነበረው ለኢሳት ዘጋቢ ገለጹ::

ሐምሌ ፳፪(ሃያ ሁለት)ቀን ፳፻፭ ዓ/ም ኢሳት ዜና :-ባለጉዳዮቹ  የከፍተኛው ፍርድ ቤት በደርግ ጊዜ ከነበረው የቀበሌ ፍርድ ሸንጐ ማነሱንና በጥራትም በብቃትም እጅግ መውረዱን ገልጸዋል::

የከፍተኛው ፍርድ ቤት በሚሊዮን የሚቆጠር የገንዘብና የንብረት ክርክሮችን የሚዳኝ ሲሆን አልፎ አልፎ የወንጀል ጉዳዮችን ይመለከታል::

ይህ ፍርድ ቤት የተሟላ የህዝብ መጸዳጃ የሌለውክመሆኑም በላይ መብራት ሲቋረጥ ጀነሬተር ባለመኖሩና የፍርድ ቤቱ የድምጽ ቀረጻ ስለሚስተጎገል ባለጉዳዮችም ለተጨማሪ ቀጠሮ ይዳረጋሉ ።

ባለ ጉዳዮች ከዘረዘሩዋቸው ችግሮች መካከል ማስረጃ ከመሰባሰቡ በፊት በትዛዝ ዉሳኔዎችን መስጠት፣  የፍርድ ቤት እግድ ከተሰጠባቸው በኋላ ጉዳዮ ባልታወቀ ምክንያት እግዱን ማንሳት በዚህም የተነሳ ክስ የቀረበባቸው ግለሰቦች ንብረታችውን ሸጠው እንዲጠፉ ማመቻቸት፣  ክስ ከተከፈተባቸው ፋይሎች ከውስጣቸው ጠቃሚ የሆኑ ፋይሎች እንዲጠፉ ማድረግ፣  በከፍተኛ ፍርድ ቤት ተቀጥረው ያሉ አንዳንድ ግለሰቦች በድለላ ስራ ላይ በመሰማረታቸው ና ከዳኞቸ ባላቸው ቀረቤታ የፍርድ ውሳኔ ዎችን እንዲጣመሙ ማግባባት፣  ክስ የቀረበባቸውን ጉዳዩች ዳኞች ባግባቡ አለመረዳትና አለማንበብ ለጉዳዩም በቂ ትኩረት አለመስጠት፣  ክስ የቀረበባቸው ጉዳዩች የገንዘባቸው ልክ ብዙ በሚሆንበት ጊዜ ከግለሰቦች ጋር ለመገናኘት መሞከር ይጥቀሳሉ

በጉዳዪ ዙሪያ አንዳንድ ዳኞችን ለማነጋገር ቢሞከርም እነሱም ከአቅማቸው በላይ የክስ ፋይሎች እንደሚሰጣቸውና በዚህም የተነሳ ጉዳዮችን በንቃት ለመከታተል እንዳቃታቸው በመጥቀስ የፍርድ ቤቱ አስተዳደር ተጨማሪ የሰዉ ሃይል እንዲመድብላቸው ጠይቀዋል::

በሌላ ጉዳይ ደግሞ ኢትዮጵያ ውስጥ የሚካሄዱ የመሬትና የቤት ሽያጮች ችግር እያጋጠማቸው ነው
አንዳንድ ግለሰቦች መሬትና ቤት ከገዙ በሃላ ሌሎች ግለሰቦች ተመሳሳይ የቤት ካርታ ፕላን በማቅረባቸው በይዞታ ይገባኛል ጥያቄ ለችግር መዳረጋቸውን ገልጸዋል::

ምንቾች አንዳሉት የጸረ ሙስና ኮሚሽን በወቅቱ ማለትም ቤቶችና መረቶች ለሽያጭ በሚቀርቡባቸው ግዜ ጣልቃ መግባት ሲገባው ውሎችና ሽያጮች ከተፈጸሙ በሃላ ንበረቱን ለምርመራ እፈለገዋለው በማለት ገዝዎችን ሲያጉላላ ሻጮች  ገንዘባቸውን ይዘው ይሰወራሉ::

ከጸረ ሙስና በተገኘው መረጃ  ሙሰረት በሺዎች የሚቆጠር የቤቶችና የመሬት ይዞታወች ለምርመራ  እንደሚፈለጉ ታውቋል::

የት ይደርሳል የተባለ ጥጃ ወያኔ ግቢ ውስጥ ሲልከሰከስ ታዬ! ጦቢያን ገረመው

ኃይሌ በዜግነት ምክንያት ፕሬዝደንት ይሆናል አይሆንም የሚባለው ቀልድ ጉንጭ አልፋ ነው፡፡ ወቅታዊ ቀልድም ይመስለኛል፡፡ መለስ ዜናዊና በረከት ስምዖን በፍላጎታቸውና በወፍዘራሽ የዜግነት ፍልስፍናቸው ‹ኤርትራዉያን› ሆነው ሲያበቁ ‹የጎረቤት ሀገር ኢትዮጵያን› አንቅጥቅጠው እየመሩ ባሉበት ሁኔታ ኃይሌን ከኢትዮጵያዊነት አንጻር ማማት ለራሱም ሳያስቀው አይቀርም፡፡ ያ ዓይነቱ ጨዋታ የፖለቲካ ጨዋታ ነው፡፡ ‹በእውኑስ አሁን ኢትዮጵያ እየተመራች ያለችው በኢትዮጵያውን ነውን?› ብለንም መልሱ በአንድዬ እጅና በታሪክ ማሕጽን ውስጥ የሚገኝ ጥያቄ መጠየቅ እንችላለን - ለራሳችን፡፡ ኃይሌን በዜግነት ችግር ማንቀራበጥ ለወያኔ ድራማ ማጠናከሪያ ውሻል ማቀበል ይመስለኛል፡፡

 አንደኛ ነገር ወያኔ ሕግ ማውጣት እንጂ ማክበር አያውቅበትም፤ እንዲያውም ያቆመው ሕግ የማይጠቅምና በረዳቶቹ ዘንድ ትዝብት ውስጥ የሚጥለው መስሎ ካየው በአንድ አዳር ያን ሕግ ተብዬ ሰርዞ በምትኩ ሌላ ሊያወጣ የሚችል የዘመኑ መንግሥታዊ ጨቡዴ መሆኑ ለማንም ግልጽ ነው፡፡ እናም ችግሩ የዜግነት እንደማይሆን ይገባል ይልቁንስ፡፡ የኃይሌ ሀገርን መምራት ያለመቻል ችግር ያለው ከዜግነት አንጻር ሊመስለኝ አልፈልግም፡፡ ስንትና ስንት የፈጠጠ ጉድለት እያየንበት በዚህ ውሃ የማያነሳ ጉዳይ ጊዜ ማባከኑ በማይሠራ ሕግና ከ‹ተጻፈበት ቀለም› የዘለለ ዋጋ በሌለው ወረቀት ላይ በከንቱ ከመጯጯህ ያለፈ ፋይዳ የለውም፡፡

ከሰሞነኛ የሀገራችንና የዓለማችን አንዳንድ ሥራ ፈት የዜና ማዕከላት ወሬዎች መካከል አንዱ የኃይሌ ገ/ሥላሤ የሥልጣን አራራ መሆኑን በግሌ መረዳን ሳላሳውቅ ወደሁለተኛው አንቀጽ በመግባቴ ይቅርታ እጠይቃለሁ፡፡ እናም በግሌ - ጉዳዩ በቀጥታ እንደሚያገባው አንድ ኢትዮጵያዊ - ስለዚህ መካሪ ያጣ የገንዘብና የሥልጣን በሽተኛ ሰውዬ የሚሰማኝን ጥቂት ነገር ልበል፡፡ ያገባኛል ያልኩት ያለኝ ዜግነት አንድ ብቻ - ያም ኢትዮጵያዊነት ብቻ በመሆኑም ብቻ አይደለም፤ ያገባኛል ያልኩት ከኢትዮጵያ ውጪ ሌላ መመኪያና መኩሪያ ስለሌለኝ ብቻም አይደለም፤ ያገባኛል የምለው ይህን ሰው በሚገባ ስለማውቀው እንኳንስ ሀገርን የመሰለ ትልቅ ነገር ለመምራትና ቤቱንም በአግባቡ ለማስተዳደር የሚያቅተውና በዘመናዊ የቴክሎጂ መሣሪያ ቢመረመር የጤናማነቱ ጉዳይ ቤተሰብ ለመመሥረት ጭምር የማያስቸለው እንደሚሆን በከፍተኛ ደረጃ ስለምጠራጠር ነው - የኔ ‹ሥራ› መጠራጠር ነው - የ‹አልጠረጠርም› ባይ ሥራ ደግሞ ጥርጣሬን ማስወገድ የሚያስችል ማስረጃ ማቅረብና ጠርጣሪን ማሣፈር ነው፡፡ አዎ፣ ደደብን ደደብ ካላሉት ቤተ መንግሥት ውስጥ በማያውቀው ነገር ገብቶ ይፈተፍታል ይባላል፡፡  ኃይሌ እውነቱን ይረዳው - ሕዝቡ አብጠርጥሮ ያውቀዋል - ከዋናው በር እስከመኝታ ቤቱ እናውቃለንና ዝምተኝነታችንን አይበዝብዝብን፤ በሀብቱ ወይም በወያኔያዊ ጥገኝነቱ ፈርተን የማንናገር ከመሰለው ተሳስቷልና ከአሁኑ ይታረም - ቢያንስ እሱና እሱን መሰል ቅሌታሞች እንዲፈነጥዙብን አንፈቅድም - እውነቱን በመናገር የእሱነቱን ማንነት እናጋልጣለን፡፡ እናም ዘመድ ካለው በጊዜ ይምከረውና የሥነ ልቦና ዐዋቂ/ሐኪም እንዲያክመው ያድርግ፤ አለበለዚያ ብዙ ጣጣ ውስጥ ይገባል፤ በእልህ የጀመረውን የዕብድ ውሻ መንገድ እገፋበታለሁ ካለ በግል ሕይወቱ ጭምር እየገባሁ በምዘባርቃቸው አንዳንድ ጉዳዮች በጣም ላስከፋው ከወዲሁ ቃል እገባለሁ፤ ከዛሬ ጀመርኩ፡፡ ይሉኝታ የሚሠራው ይሉኝታ ላለው ነው፤ ከፈጣሪ መንገድ እንዳፈነገጥሁ ይገባኛል - ጊዜ ካለኝ ንስሃ እገባለሁ እንጂ እንዲህ ያለውን መናኛ ስብዕና ከማጋለጥ አልመለስም፡፡ በሚሆነው አዝናለሁ - ምርጫ ግን የለኝም፡፡

እርሱ በኛ ላይ ከሚያደርገው ብልግና ይልቅ የአንድን ሰው ገመና ገሃድ ማውጣትና ሀፍረትን የሚያውቅ ከሆነ በሀፍረት እንዲሸማቀቅ ማድረግ ከተቆርቋሪ ዜጎች ይጠበቃልና የእርሱን ብልግና የምታውቁ ሁሉ ከእንግዲህ አትሳሱለት፤ ለይሁዳ የሚሳሳ አንጀት ሊኖረን አይገባም፡፡ ገና ለገና ባንዲራችንን - ሊያውም ኋላ ኋላ ላይ ኢትዮጵያን በትክክል የማይወክል የወያኔን ደባደቦ ባንዲራ እየመረጠ - አውለብልቧል ብለን እላያችን ላይ ሲያቀረሽ ዝም ማለት የለብንም፡፡ ይሄ ቆሻሻ የውሻ ልጅ በኢትዮጵያማ እንዲህ አይጨማለቅም! የሌሎቹ አነሰንና ደግሞ ይህ ማይም የወያኔ እግር አጣቢ በስማችን ይነግድብን? አላሙዲንና ኃይሌን ለመሰሉ ውሾች - በአእምሮ ሣይሆን በሆድ የሚያስቡ ደንቆሮ ዓሣሞች የሚያዝን ኅሊና የለኝም፡፡

ይቅርታና ምሕረት ሌላ ነው - ሆን ብሎ ሀገርን ለገንዘብና ለዝና እንዲሁም ለሥልጣን የሚሸጥ የዲያብሎስ አጋንንት ግን በምንም መንገድ ሊታለፍ አይገባም፡፡ ወያኔ ጋር እየተሸራሞጡና ሣምባን ከካሊፕሶ እየጨፈሩ ሕይወቴን የቀን ጨለማ እንዲውጠው ያደረጉትን ሁሉ - ማንም ይሁኑ ማን - ምንም ይሁኑ ምን - በተቻለኝ ሁሉ ሌላው ቢቀር በብዕር እዋጋቸዋለሁ፡፡ የነዚህን ሰዎች ግፍና በደል ለመሸፈን የሚሞክር ሁሉ የነሱ ተባባሪና ረዳት ነውና በበኩሌ ጥቁር ውሻ እንዲወልድ እራገማለሁ፤ እናም ተራገምኩ - ‹ይህን መልእክት ሆን ብሎ ያፈነ  ወይ ያሳፈነ በዚህ መልእክት ውስጥ የተጠቀሰ የመርገምት ቃል ሁሉ በራሱና በትውልዱ ይድረስ!›፡፡ ከአሁን በኋላ ለኃይሌ የሚራራ አንጀት ያለውና ከእርሱ ጎን የሚቆም ሁሉ ከኢትዮጵያ ጠላቶች ጋር ተባብሮ ታሪክንና ሀገርን ለማጥፋት ከጥልቁ የእሳት ባህር የመጣ እንጂ ሕዝባዊ ወገናዊነት ያለው ጤናማ ዜጋ ሊሆን አይችልምና ኃይሌንና መሰል የወያኔ ቡችሎችን የማይቃወም ከወያኔ አንድ ነው - ስለሆነም እየመጣ ያለው የእሳት ዝናም በእርሱም ላይ ይዝነብ፡፡

ዕድሜውም ልክ እንደወያኔ ሁሉ አጭር ይሁን፤ የወያኔ ጣዕረሞት የርሱም ዕጣፋንታ እንዲሆን ፈቃደ መለኮት ይሁንልኝ - ‹እንዴት? በምን ምክንያት?› እያላችሁ አትጠይቁ (መጠየቅ ያስቀስፋል! Kidding … )- የወያኔ ዕድሜ በሰማያዊ የጊዜ አቆጣጠር በክፍልፋይ ሴከንዶች የምትቆጠር ናት - ወያኔ ጣር ላይ ነው፡፡ ጣር ላይ ያደረሰው የምሥኪኖች ዕንባና የሚዋኝበት የደም ባህር እንጂ የሌላ እንዳይመስላችሁ በተለይ አንዳንዶች በሰው ሥራ ላይ እንዳትመኩ - ማለቴ እንዳትኮፈሱ፡፡ የታዘዘው ኃይል ገና ተገቢ ሥራውን በቅጡ አልጀመረምና! (የነቢይነት ተሰጥዖ የለኝም - እምናገረው የውስጤ የሚነግረኝን እንጂ እንደሁሴን ጅብሪል ፊት ለፊቴ የተሰቀለ ጀንዲ ወይም አንሶላ ላይ የተነጠፉ ቃላተ ትንቢትን እያነበብኩ አይደለም - ስለዚህ ይህን ‹ስሜት ወለድ› ፈለገ-ሃሤት  ጠቅሶ ሰውን ማስደሰት እንዳይቻል በማይም ቃሌ ገዝቻለሁ - ቆዳ ታጣቂውና አንበጣ በሊታው ዮሐንስ በባዶ እግሩ በበረሃ እየዞረ ምን ነበር ያለው? … (አሃ፣ ወዴት ጠጋ ጠጋ - የስሙኒ ቲማቲም በኪሎ 25 ብር ገዝተው ‹እየቆረጡ›ና የአንድ ብሩን ነጭ ፊያሽኮ ቪኖ  በ45 ብር ገዝተው ‹እየኮመኮሙ› የምን ‹ጊዜው ቀርቧል፤ ንስሃ ግቡ› እያሉ በከተማ በረሃ ባስካርባ እየሄዱ መጮህ ነው?)ዓለም

ኃይሌ ፍጹማዊ ገብጋባ ነው - ከሚቋምጥለት ሥልጣን ጋር ምን አገናኘው እንዳትል - ትስስሩን  እናገራለሁ፡፡ ገብጋባነቱ ደግሞ አንድና ሁለት ብቻ ሣይሆን ዓለም የምትጠቀማቸው ቁጥሮች አይገልጹትም፡፡ እንዴ! ለመሆኑ ኃይሌ ከነአካቴው ሰው ነው ማለትስ ይቻላልን? ቀጣዩን የአንዲት ቀን ገጠመኝ (anecdotal episode) እዩና ራሳችሁ ፍረዱ፡፡ ይህ ሰው ልምራችሁ ሲልም ይታያችሁ፡፡

ኃይሌ ይህን እውነተኛ ታሪክ እንዲያስታውስ ወዳጆቹ ንገሩት - የዚህን ደብዳቤም ግልባጭ ላኩለት፡፡ አንድ ወቅት ወደርሱ ቤት የሚገባ የውሃ ጉድጓድ ይቆፈር ነበር፡፡ የቁፋሮው ሥራ እየተካሄደ ሳለ ከሚቆፍሩት ወዛደሮች አንድኛው በናዳ ሕይወቱ ያልፋል፡፡ ያን ሬሣ ወዳገሩ (ወደጎጃም) ለመላክ ሥራውን ይቆጣጠር በነበረ አንድ ጓደኛየ አማካይነት የአካባቢው ማኅበረሰብ ገንዘብ እንዲያዋጣ ይጠየቃል፡፡ ቦታው ቦሌ ነው፡፡ ሁሉም የቻለውን ረዳ፡፡ ያ ከዚያን ጊዜ በፊት ኃይሌን ከቆንቋናነት አንጻር የማያውቀው ጓደኛየ ኃይሌን ከቤቱ አስጠርቶ ችግሩን ይገልጥለትና የረድኤት እጁን እንዲዘረጋ ይጠይቀዋል፡፡ ሀገርና ወገን ወዳዱ ኃይሌ፣  በኦሎምፒክ ሜዳዎች ባንዲራ ሲሰቀል የዐዞ ዕንባውን የሚረጨው አስመሳዩ ኃይሌ ወዲያውኑ ሃያ ብር ያወጣና ይሰጣል፡፡ ጓደኛየ ክው ብሎ ይደነግጣል - እዚያ አካባቢ የነበሩ ወዛደሮችና አላፊ አግዳሚ ተራና በጣም ድሃ ዜጎች ከዚያ ገንዘብ እጅግ የሚበልጥ ሰጥተዋልና የጓደኛየ ድንጋጤ የሞት ያህል ሆኖ አጽናኝ አስፈልጎት እንደነበር ከብዙ ዓመታት በኋላም አሁን ድረስ እያንዘረዘረው ያስታውሰዋል፡፡ ጓደኛየ ሲረጋጋ “ምነው ኃይሌ? ይህን ያህልማ እኔም አያቅተኝም፤ ከአንተ እኮ የምንጠብቀው … ይህ ልጅ እኮ ሲሰራ የነበረው ወዳንተ ቤት ይገባ በነበረ መስመር ነው፡፡ ካንተማ …” በማለት ሲወተውተው “እንዴ - ደም ተፍቼ እኮ ነው የማገኘው፤ መሬት ወድቆ እኮ አላገኘሁትም …”ብሎ እያጉመተመተ ቤቱ ይገባና ያቺን ሃያ ብር አስቀርቶ 200 ብር ይሰጠዋል፡፡ ኃይሌ እኮ ለጫማ ጠራጊ አንድ ብር ሰጥቶ ሃያ አምስት ሣንቲም መልስ ለመቀበል ዝርዝር እስኪገኝ ድረስ ግማሽ ሰዓት የሚጠብቅ እጅግ ሰፍሳፋና ‹ሀገርና ወገን ወዳድ› ብርቅዬ ዜጋ ነው፡፡ …

መስጠት አለመስጠት የግል ጉዳይ ነው - በመሠረቱ፡፡ እኔ የምለው ግን የዚህ ዓይነት የተለዬ ጋብሮቭ ኢትዮጵያን ልምራ ብሎ መናገር ሳይሆን ማሰብም አይገባውም፡፡ ይቅርና በወያኔ የውሸት ሥልጣን፣ በነገይቱ ኢትዮጵያም ቢሆን ማሰብም የለበትም፡፡ አመራር ከቸርነት ይጀምራል፤ ያለውን አለምክንያት ይበትን ወይ ይዝራ ማለት አይደለም - ግን እስከዚህን አስተዛዛቢና አንጀትን እስከወዲያኛው የሚቆርጥ ደረጃ የሚንገበገብ ሰው የቤቱንም ቆሎና ስኳር እየቆጠረ - የሞሰብ እንጀራ ላይ በሣር ምልክት እያደረገ በሻይሎካዊ ባሕርይ ሌሎችን ሰላም መንሳቱ አይቀርምና ወደ ቁጩም ሆነ ወደእውነተኛ የሥልጣን ወንበር ሊጠጋ አይገባውም፡፡ ከነብሂሉ ‹ሆዳም ሰው ፍቅር አያውቅም›፡፡ ገብጋባ ሰው ሆዳም ነው፤ ሆዳም ሰው ገብጋባ ነው፤ ገብጋባ ሰው ራሱን አይወድም፤ ገብጋባ ሰው ሰውን አይወድም፤ ገብጋባ ሰው ሀገር አያውቅም፤ ገብጋባ ሰው ፍቅር አያውቅም፤ ሆዳም ሰው ለሆዱ ሲል ሀገሩንም ወገኑንም ቤተሰቡንም ይሸጣል፡፡ ኃይሌ ለገንዘብና ለዝና ሲል ዓለምን ሸጦኣል ፤ ዓለምም ዘወርዋራ ናትና ፊቷን አዞረችበት - በመጨረሻም የሀብትና የዝና ጥሙ አንጎሉ ላይ ሲያናፍልበት ተመልክታ ብታስጠነቅቀውም ሊሰማት ባለመቻሉ እሷም ናቀችው - ከሕዝብ ጋር ሲላተም እያየችም አላዘነችለትም፤ በቂ የጥሞና ጊዜ ስጥታው ነበርና - ዓለም እንዲህ ነች፤ ሕይወትም፡፡ ተፈጥሮው ለአመራር ሳይሆን ገንዘብና ዝና ለማሳደድ ነው - ኃይሌ ገንዘብና ዝና አይጠግብም - እሱን መሰሎችም እንዲሁ፡፡ ኃይሌ ያቋቋመው በጎ አድራጎት አለ? ኃይሌ እንዲህ ያለ መልካም ነገር ለእገሌ ሠራ ተብሎ ያውቃል? በመጀመሪያ ለዕርዳታና ለመሰል የበጎ አድራጎት ሥራዎች ወደኃይሌ ቤት የሚሄድ ሰው ያለም አይመስለኝም - ሁሉም ስለሚያውቀው - ማን አፉን ያበላሻል? ለወትሮ ጅብ ነበር ወደማያውቁት ሀገር ሄዶ ቁርበት አንጥፉልኝ የሚል፤ ዛሬ ደግሞ ዘመን ተዛወረና ደደቡና ማይሙ ኃይሌ በሚታወቅለት ለፍዳዳ አንደበቱ የሕዝብን የነጻነት ትግል ለማኮላሸት ከሀገር መሠሪ ጠላቶች ጋር ይለፋደድ ያዘ፡፡ ‹ልጅ አይውጣለት› ብዬ አልረግመው ነገር ሆኖብኝ ተቸገርኩ እንጂ ሰውዬው ብዙ ያናግራል፡፡ ብቻ እግዜር ይይለት - ዕድሜውንም እንደሚያመልክበት እንደመለስ ያድርገው! በቃ፡፡ ከጠሉ ወዲያ ልምምጥ የለም፤ የኛ ነበር - የኛነት አስጠላው - የዝና ሰይጣናዊ መንፈስ እኛን እንዲጠየፍ አስገደደው - በኛም ላይ ሽንቱንና ለከት ያጣ ቅርሻቱን ይለቅብን ጀመረ፡፡ ስለዚህ ሞቱን እንጂ ብልግናውን ላለማየት ቆርጫለሁ - ይሆናል፡፡ እንኳን ኃይሌ ጎብላላዎቹ ሐምሌና ነሐሴም ያልፋሉ፡፡

የኃይሌ ተፈጥሮ ሀገርን መምራት ሳይሆን ሮጦ የራሱን ስምና የሀገርን ስም ማስጠራት ነው፡፡ ሁሉም ሰው የየራሱ ተፈጥሮ አለው፡፡ ለመሪነት የራሱ የሆነ ግርማ ሞገስና የዕውቀት ደረጃ አለው - እንዳሁኑም የወያኔ ዘመንም ሆነ እንዳለፉት መሪር አገዛዞች ሳይሆን እንደጥንቱ አፍላጦናዊ ፍልስፍና፡፡ ማይሙ ኃይሌ ተፈጥሮ የለገሰችው ችሎታ መሮጥን ነው - በቃ፤ እግርና ጭንቅላት ደግሞ ለዬቅል ናቸው - በአቀማመጣቸው እንኳን ተቃራኒዎች መሆናቸውን ያጤኗል፡፡ ከተፈጥሮ ችሎታው ከሩጫ አልፎ መሪ አድርጉኝ ቢል ግን ወጥ መርገጥና አሳዳጊ የበደለው መሆኑን በይፋ ማሳወቅ ነው - ለወያኔ ሥልጣን አይመጥንም ማለት እንዳልፈለግሁ ግን አስረግጬ መናገር እፈልጋለሁ - ለወያኔ ሹመት በትንሹ ግዑዝ ድንጋይ መሆን ከበቂ በላይ ነው - አምባሳደር ለመቀበልና ለመሸኘት ደግሞ እንደራስ ሆቴል አንበሣ በምሥል መልክ ወንበር ላይ የሚዘፈዘፍ ግርማ ወልደጊዮርጊሳዊ ጥውርም ሲበዛ ነው፡፡ ኃይሌን በሚመለከት አጥንቴ ድረስ ዘልቆ ክፉኛ የተሰማኝ የኢትዮጵያን ሕዝብ መናቁና ሀገር ሻጭ ወያኔን መጠጋቱ ነው - ምንም ነገር ሳይቸግረውና ማይማዊ ደደብነቱ አስገድዶት (በነገራችን ላይ እንደወያኔዎች ሁሉ በሰይጣናዊነት እንደሚታማም አውቃለሁ - በማስጠንቆል የደረሰበትን የሀብትና የዝና ጣሪያ የማናውቅ መስሎትም ከሆነ ተዘናግቷልና እንደምናውቅ ይወቅ፤ ከተመቸኝና ከፈለግሁ ወደፊት በዚህ ጉዳይ ዙሪያ እመለስበታለሁ)፡፡ እንኳንስ እርሱ እኔ ራሴ - ኃይሌ ንፍጡን እያዝረከረከ ደብተሮቹን በጉያው ወትፎ ወዳልጨረሰው ትምህርቱ ይሄድ በነበረበት ሰዓት ከፖለቲካው ባልራቀ ሁኔታ ሀገሬን አገለግል የነበርኩትና በመቶዎች የሚቆጠሩ ማኅበራዊና ፖለቲካዊ ይዘት ያላቸው መጣጥፎችን ለሀገሬ ያበረከትኩት ሰውዬ ለቀበሌ አመራር እንኳን እበቃለሁ ብዬ አላስብም፤ ምክንያቱም ተፈጥሮየ ለአመራር ሳይሆን ለመጻፍና ምናልባትም ለማላውቀው ለሌላ ነገር ነው፡፡ ምቹ ሁኔታ ተፈጠረልኝ ብዬ እንደኃይሌ ‹ለዚህ ቦታ ምረጡኝ› ብል መናገሩንና መወዳደሩን እንደምችል ባውቅም ካለተፈጥሮ ዝንባሌና ችሎታ ገብቼ መፈትፈቱ ግን የኋላ ኋላ ችግር እንደሚያመጣብኝ እረዳለሁና አልሞክረውም፡፡ ይህን የምለው ለጊዜው ሌላ እውነተኛ ማነጻጸሪያ ስላጣሁና እውነቴንም ስለሆነ ነው፤ ጊዜ ሰጠኝ ተብሎ ወደአንድ ነገር ቢሞጀሩበት ችግር ነው - የግብጹ ሞሐመድ ሞርሲን ልብ ይሏል - የተፈጥሮ ጥሪን መረዳት ተገቢ ነው ወንድሞቼ እንዲሁም እህቶቼ፡፡ እናም ኃይሌ መቶ ሀገር ቀርቶ አንድ ሺህ ሀገር ቢዞርም በኢሣት እንደሰማሁት  አዟዟሩ የሩጫ እንጂ ፖለቲካዊ የሥራ ጉብኝት ባለመሆኑ ዙረቱ እንደተባለው ዕቃ ለመሸመትና ያማረ ሆቴል ተከራይቶ ለመንፈላሰስ ካልሆነ በስተቀር ለምንም ዓይነት የፖለቲካ ተሹዋሚነት አያበቃውም፡፡ ይህ ሰው ጭንቅላት የሚባል ነገር በጭራሽ ስለሌለው እንጂ - እንደእንስሳ ሽምጥ ለመጋለብ ከሚጠቅም ደመነፍሳዊ አንጎል በስተቀር ማለት ነው - ትንጥዬ አንጎል ብትኖረው ኖሮ ወደዚህ ቅሌትና ውርደት አይገባም ነበር፡፡ በደደብነቱ ሳቢያ ልቦናው ታውሮበት እንጂ እኔና እርሱ እንደዮሐንስ መጥምቁ አባባል የጫማቸውን ማሠሪያ ለማሰር ወይ ለመፍታት የማንበቃ ስንትና ስንት ዶክተሮችና ፕሮፌሰሮች ኢትዮጵያውን ቀኒቱን እየተጠባበቁ ናቸው - በበሣል አመራራቸው እንደእስራኤል በጥቂት ዓመታት ውስጥ ኢትዮጵያን ሌሎች ሀገሮች ወደደረሱበት የሥልጣኔና የዕድገት ማማ ለማድረስ(አባብሌ ዲግሪው ላይ አለመሆኑን ‹ፕሊዝ› ተገንዘቡልኝ - ለዲግሪ ለዲግሪውማ ‹ፕሮፌሰሮች› ክንፈ አብርሃምና አንድርያስ እሼቴስ ነበሩን አይደል? በአካልም በመንፈስም በኅሊናም ሙታን ሆነው ሀገር ሻጮች ጋር ተባበሩብን እንጂ)፡፡ ከዚህ ሰው ሳይሆን ምቹ ሁኔታን የማጣታችን ሁኔታ አኳያ የዚህን ንፍጣም ሰውዬ ምኞትና የሕጻን ፍላጎት የሚመስል ጤንነት የጎደለው ቅዠት ስታዘብ አንዳች የመደፈር ጸጸት ይወረኛል፤ በምትንቀው መናኛ ሰው እንደመደፈር ያለ ደግሞ የጸጸት መንስኤ የለም - ደግሜ ልራገም መሰለኝ - የሥራውን ይስጠው፤ እሱ ሕዝብን እንደናቀ በዓለምም እንዳስገመተን ሞት ግን ውለታ ይዋልልንና ንቆ አይተወው፡፡  ራስን ያለማወቅ ችግር - እርግጥ ነው - የዓለማችን ራስ ምታት መሆኑ የታወቀ ነው፡፡ ይሁንና ራስን አለማወቅ የፈለገውን ያህል  ችግር ያስከትል እንጂ እንደኃይሌ ያለ ሰው በምናውቅለት የሥራና የትምህርት ወይም የችሎታና የልምድ ታሪክ ከመሬት ተነስቶ የጠላት መሣሪያ ልሁን ብሎ መነሳቱ ዕብደት ካልሆነ ሌላ ምንም ሊሆን አይችልም፡፡

 

‹ምላሴ ጥቁር ነው፤› እርግማኔ አይደርስም አልልም፡፡ በሥርዓት ደረጃ እየዘገየብኝ ተቸገርኩ እንጂ በግለሰብ ደረጃ እርግማኖቼ ዒላማዎቻቸውን መትተው ወደሰገባቸው የሚመለሱባቸውን ጊዜያት ማስታወስ አይከብደኝም፡፡ አበበ ገላው በመብረቃዊ የቁጣ ድምጹ የተሸሸገና በያዝ ለቀቅ የፖሊስና ሌባ ጨዋታ ከሟች ጋር ድብብቆሽ ይጫወት የነበረን ነቀርሣ አፋፍሞ የመለስን ሞት ማፋጠኑ አይዘነጋም፡፡ በዚያም ምክንያት የጎጃም ባላገር እንዲህ ብሎ ስንኝ መቋጠሩ በ‹ኢቲቪና በኢትዮጵያ ኤፍ ኤሞች› በስፋት ተዘግቧል፡፡

ሽጉጥ አልታጠቀ መትረየስ የለው፤

ባንደበቱ ገዳይ አበበ ገላው፡፡

እኔም በእርግማን ሰው መግደሌ ይፋ ሆኖ ወደሕዝብ ጆሮ የሚደርስልኝ ከሆነ ያገሬ ባላገር እንዲህ ብሎ ሳይቀኝልኝ እንደማይቀር ተስፋ አደርጋለሁ፤ ምኞት መቼም አይከለከልም፡፡

ሞይዘር አልታጠቀ ፊሻሌ የለው፤

በጠሎቱ ገዳይ ጦቢያን ገረመው፡፡

ስለዚህ ኃይሌን እረግሜያለሁና ‹ከኔ እርግማን› ነጻ መውጣት ከፈለገ አሁኑኑ ይቅርታ ጠይቆ ከ‹ውድድሩ› ይውጣና አርፎ ሌላ የሚችለውንና የሚገባውን ሥራ መሥራቱን ይቀጥል፡፡ በበኩሌ ጦሬን ሰክቻለሁ - በፈጣሪ ፊት ተንበርክኬ የእርሱን መጨረሻ እንዲያሳየኝ በዕንባ ጭምር ጠምጄ ይዠዋለሁ - ሌሎችም ዕርዱኝ - እንረዳዳና ይህን ተናግሮ አናጋሪ የወያኔ ዕብድ ውሻ እናስወግድ - የተከፋች ‹አብዮት ልጇን› እንደምትበላም እናሳየው፡፡ መዳኛው አንድና አንድ ብቻ ነው - ያም ተጸጽቶ ሕዝብንም ይቅርታ ጠይቆ መመለስ ብቻ ነው(በወያኔ ትዕዛዝ ወደ አሥመራ ተልኮ ሻዕቢያ ሥር በመደፋት የአማራውን ሕዝብ ለውርደት የዳረገው ንጉሤ አስገልጥ(?) የተባለ ቀልማዳ ከሃዲ እንዴት እንደሞተና ሕዝብ አድሞበት ሬሣው በኩሊ እንደተቀበረ ልብ ይሏል፤ ሕዝብ ከጠላ መድረሻ የለም - በተለይ የኢትዮጵያ! ያቆየንና ገና ብዙ እናያለን ውድ ወርቃማ ኢትዮጵያውያን!) ፡፡ ይህን ደግሞ ይወቅ - ከተገፋና በበደል ብዛት ከሚንተከተክ አእምሮ ኃይል ይመነጫል፤ ያ ኃይል ደግሞ አጥፊም አልሚም ሊሆን ይችላል - ጦርም ዳቦም ከአእምሮ ይፈልቃል፡፡ እየተረጋገምን ዘር ከምናጠፋ እየተሳሰብን ዘር ብናለማ ይሻላልና ይህን መልእክቴን - ሳታናንቁብኝ - ለርሱው ለደንቆሮው ኃይሌ አድርሱልኝ - ሁኔታዎች ቢመቻቹ በአካል ባገኘውና እስከዶቃ ማሰሪያው ብነግረው በወደድኩ - ግን … ፡፡ (እንዳስፈላጊነቱ እቀጥላለሁ!)

 THE MALEDA TIMES

 

የዘመኑ መንፈስ (በእውቀቱ ስዩም)

July 29, 2013

በእውቀቱ ስዩም
ባገራችን ባሁኑ ጊዜ ብዙ ተከታይ ያለው ሃይማኖት ብሄርተኝነት ይባላል፡፡የብሄርተኝነት ምእመን ከሆንክ የነፍስ አባት ይኖርሀል፣በጭፍን የምትቀበለው ቀኖና ይኖርሀል፣ነገ የምትገባባት የተስፋ ምድር ይኖርሀል፣ከሁሉ በላይ ደግሞ ብርቱ ችግርህን የምትደፈድፍበት የመስዋእት በግ ይኖርሀል፡፡

ሃይማኖቶች ምእመናንን ብቻ ሳይሆን መናፍቃንንም ያፈራሉ፡፡ብሄርተኞች በስሜት የሚነድደውን ምእመን ብቻ ሳይሆን የኔ ቢጤውን መነፍቅም እንደሚያፈሩ አንርሳ፡፡በነገራችን ላይ ሃይማኖትን መካድ ማለት ሃይማኖት የሚያነሳቸውን አብይ ጥያቄዎች መካድ ማለት አይደለም፡፡እንዲሁም፣ ብሄርተኝነትን መካድ ማለት የኢትዮጵያን ብሄር ብሄረሰቦች ህልውና መካድ ማለት አይደለም፡፡በዚህ ጉዳይ ፣መናፍቅ መሆን ማለት፣ የብሄርተኛ ነቢያት ሰለ ጭቆና ስለ ነጻነት ብሎም ስለ ኢትዮጵያዊነት የሚያቀርቡትን አጉል እምነት መጠራጠር ማለት ነው፡፡

ከኢትዮጵያዊነት እንጀምር፡፡

ከዘመናችን የብሔርተኝነት ነቢያት አንዱ ጃዋር መሐመድ በቅርቡ ከእንቁ መጽሔት ጋር ባደረገው ቃለመጠይቅ ላይ ስለኢትዮጵያዊነት የሚከተለውን ይላል፡፡

‹‹…ኢትዮጵያን የመሠረታት የሶሰትዮሽ ጦርነት ግብግብ ነው፡፡በአማራው፣በኦሮሞው፣በትግሬው ግብግብ ውስጥ ወደ መጨረሻ ላይ በአመራር ስር የበላይነቱን የያዘው አማራው ነበር፡፡በዚህ የተነሳ አሁን የምናያት ኢትዮጵያ ማንነቷ በአማራ ባህላዊ ሥርጭት እና በአማራ ፖለቲካ የተገነባች ነች፡፡…የኢትዮጵያ አገራዊ ማንነት የምንለው የአማራ ባህላዊ ማንነት ነው››
ጃዋር የኢትዮጵያን መሠረት የሦስት ብሄረሰቦች የስልጣን ግብግብ አድርጎ ወስኖታል፡፡ በመጀመርያ፣ ሌሎች ብሄረሰቦች በግብግቡ ተሳትፎ እንዳልነበራቸው አድርጎ ማቅረቡ አንድ ጉድለት ነው፡፡

 ግን ዋናው ቁምነገር ይሄ አይደለም፡፡ ኢትዮጵያ የግጭት ውጤት ብቻ እንደሆነች አድርጎ ማቅረቡ ነው ትልቁ ስሕተት፡፡ ሲጀምር፣ የግብግብ ታሪክ መሠረት ይንዳል እንጂ መሠረት አይገነባም፡፡ እንደኔ ግምት፣የኢትዮጵያ መሠረት የሆነው ብሄረሰቦች ለጋራ ሕልውና ሲሉ የሚያደርጉት የመደጋገፍ ታሪክ ነው፡፡

ዛሬ ዛሬ፣ ታሪክ ከላሾች፣የብሄሮችን የ‹‹ግብግብ››ታሪክ ሞቅ አድርገው፣አኳሽተው ሲጽፉ፣የብሄሮች መደጋገፍ ታሪክን ግን ቸል ይሉታል፡፡ አለያም እጅግ በቀዘቀዘ ስሜት፣ በጥቂት መስመሮች ብቻ ጨረፍ አድርገው ያልፉታል፡፡ለነገሩ፣ከፋፋይነትን ብቸኛ ያስተዳደር ፈሊጥ አድርጎ የሚቆጥር ሰው በታሪክ ገጾች ውስጥ መመልከት የሚፈልገው ክፍፍልን ብቻ ነው፡፡ታሪክ ግን ብዙ በጎ የትብብር ገጠመኞችን መዝግቧል፡፡ለምሳሌ ጀግናው አጼ ዮሐንስ አራተኛ በበዛሬይቱ ኤርትራ የግብጽን ወራሪ ጦር ድል የነሡት የትግራይ ጀግኖችን ብቻ አሠልፈው አልነበረም፡፡ በዚህ ጦርነት ከግብጽ ጎን ሆኖ፣የተዋጋው አሜሪካዊው ጋዜጠኛ ዊልያም ዴይ እንደመሠከረው ወልቃይቶች፣ጥልጣል የተባሉ የአፋር ንኡስ ክፍሎች፣የወረኢሉ ኦሮሞዎች ለንጉሰነገስቱ ድጋፍ ለማድረግ ተሸቀዳድመዋል፡፡በራስ ወሌ የሚመሩ የአማራ ወታደሮች ተሳትፈዋል፡፡የጎንደር ቀሳውስት ለጦርነቱ ድጋፍ ለማድረግ አድዋ ገብተዋል፡፡ የጎጃሙ ራስ አዳል የደርሼልሀለሁ አለኝታቸውን አሳይተዋል፡፡ የሸዋው ንጉስ ምኒልክ ሳይቀር በመቶ የሚቆጠሩ በቅሎዎችንና ማበረታቻ ልከዋል፡፡ ዝርዝሩን ማንበብ ለሚፈልግ Muslim Egypt Christian Abyssinia የተባለውን የዚህ ደራሲ ማስታወሻ ገጽ 291-292 ያንብብ፡፡ መጽሐፉን በኢንተርኔት ቤተ-መጻህፍት ውስጥ በብላሽ ማግኘት ይቻላል፡፡

ከተለያየ መአዘን የመጡ እኒህ ኢትዮጵያውን ከዘመቻው የሚያገኙት ድልን ብቻ አልነበረም፡፡ በዘመቻ ወቅት ባህል ይዋዋሳሉ፣ቃላት ይወራረሳሉ፣ ስንቅ ያዋጣሉ፣ ልምድ ይለዋወጣሉ፡፡ በሂደት ተቃራኒ ከሚመስሉ ልማዶች የነጠረ ኢትዮጵያዊ ባህል እንደ አረቄ ይወጣል፡፡ ይህን በመዋጮ የተገኘ ባህል ‹‹የአማራ ባህል ››ብሎ ማጥበብ የጸና ድጋፍ ያለው አይመስለኝም፡፡
ጃዋር‹‹አሁን የምናያት ኢትዮጵያ ማንነቷ በአማራ ባህላዊ ሥርጭትና በአማራ ፖለቲካ የተገነባች ነች›› በማለት ሳይወሰን ‹‹የኢትዮጵያ አገራዊ መለያ ማንነት የምንለው አማራ ብሄራዊ ማንነት ነው›› ሲል ይጨምራል፡፡ ጎበዝ ኧረ በህግ አምላክ!!! የኢትዮጵያ ባህልኮ ካንድ አለት የተጠረበ ሕንጻ አይደለም፡፡ ከብዙ የመዋጮ ጡቦች የተገነባ ነው፡፡ ጃዋር እያንዳንዱን ጡብ ቀርቦ ቢመረምረው እዚህ የደረሰበት እርግጠኝነት ውስጥ የሚደርስ አይመስለኝም፡፡

እስቲ ከደቃቅ ምሳሌ እንጀምር፡፡ ኢትዮጵያን የማስተዋወቅ ስራ ሲሠራ አስቀድሞ የሚመጣው የቡና ስነ-ስራታችን ነው፡፡ አንዲት ጠይም ፣ባለሹርባ ሴት፣ያበሻ ቀሚስ ለብሳ ቡና ስትቀዳ የሚያሳይ ምስል በየቦታው ማየት የተለመደ ነው፡፡ይህ ችክ ያለ ምስል በስነ-ስእል ብቻ የተወሰነ አይደለም፡፡ ቢዮንሴና ጆን ኬሪ አገራችንን በጎበኙበት ሰአት የቡና ስነስርአት ተሳታፊ እንዲሆኑ ተደርጓል፡፡ ይህ ማለት የውጭ እንግዳ የቡና ስርአታችንን እንደ ኢትዮጵየዊ መለዮ እንዲመዘግብልን ፈልገናል ማለት ነው፡፡ ለዋለልኝ መኮንን እና ለጃዋር መሀመድ ይህ የአማራ ባህል መሆን አለበት፡፡ በመጀመሪያ እይታ ይመስላል፡፡ ጉዱ ዝርዝሩ ላይ ነው፡፡ የሴትዮዋ ሹርባ ከሐማሴን ወይም ከተንቤን ሴቶች ልማድ ጋር ስምም ነው፡፡ ያበሻ ቀሚሱን የሽሮሜዳ ጋሞ የሸመነው ሊሆን ይችላል፡፡ ጀበናው የጂማ ሙስሊም ኦሮሞዎች ያስተዋወቁት ነው፡፡ አቦል ቶና በረካ አረብኛ ወይም የተወላገደ አረብኛ የተገኙ ቃላት ናቸው፡፡ ዛሬ በክርስቶስ ትንሳኤ በአል በሉባንጃ የሚታጀብ ቡና የማያፈላ ክርስትያን ኢትዮጵያዊ ማግኘት ይከብዳል፡፡ ከጥቂት መቶ አመታት በፊት ግን ቡና የእስላም ልማድ ተደርጎ ይቆጠር ነበር፡፡ የቡና ትርኢት የሙስሊም አበው በኢትዮጵያ ባህል ላይ የጨመሩት በጎ መዋጮ እድርገን ልንቆጥረው እንችላለን፡፡ ኢትዮጵያ ጊዜ በተባለው አናጢ ከብዙ ጡቦች የተገነባች ናት የምንለው ለዚህ ነው፡፡

ጃዋር አማራው የራሱን ባህል በኦሮሞው ላይ እንደጫነ ሲያምን ተገላቢጦሹ ያለው አይታየውም፡፡ ኦሮሞ በረጅም ዘመን፣በሠፊ ምድር፣ ሰፍሮ የመኖሩን ያክል በጎረቤቶቹና በወደረኞቹ ላይ የባህል ተጽእኖ አላሳደረም ማለት ብርቱ ባህል የለውም ከማለት አይለይም፡፡ ባገራችን ዋና ዋናዎቹ የባህል ቀራጺዎች ጦርነትና ሐይማኖት ናቸው፡፡ ለምሳሌ ፣ጀግኖችን እና ነገስታትን አባ በዝብዝ አባ ታጠቅ፣ አባ ዳኘው አባ ነጋ ወዘተ እያሉ መሰየም ገናና ኢትዮጵያዊ ባህል መሆኑን ብዙዎቻችን እናውቃለን፡፡ ብዙዎቻችን የማናውቀው ይህንን ባህል ያስተዋወቁት ለግማሽ ምእተአመት ያክል ኢትዮጵያን ያስተዳደሩት የየጁ ኦሮሞዎች መሆናቸውን ነው፡፡
ብላቴን ጌታ ማህተመ ሥላሴ ወልደ መስቀል ቼ በለው በተሰኘው መጽሐፋቸው ይህንን እንዲህ በማለት ያረጋግጣሉ-
‹‹ነገስታቱ በ‹‹አባ›› ወይም የእገሌ ባለቤት በሚል ቅጽል ስም መጥራት የጀመሩት የኦሮሞዎችን ወይም የወረሸሆችን ልምድ በመከተል ነው ከ1838 ዓም ወዲህ እንደሆነ ታሪክ ይነግረናል፡፡ ወትሮ ግን በተለይም 1474-1713 ዓም ባለው ጊዜ ውስጥ ቅብዓ መንግሥቱ በሚደረግላቸው ሰአት ይወጣላችው የነበረው የግርማ ስም ወይም ስመ መንግስት ‹‹ሰገድ›› የሚል ኃይለቃል በመጨመር እንደነበር ቀጥሎ ያለው ያረጋግጣል፡፡ ወናገድ ሰገድ፣ አጽናፍ ሰገድ፣ አድማስ ሰገድ፣ መለክ ሰገድ፣አድያም ሰገድ ሉል ሰገድ››በማለት ይዘረዝራሉ፡፡

ከጥቅሱ ሦስት ፍሬ ነገሮችን መረዳት ይቻላል፡፡

1- ይህ ባህል ባንድ የዘመን ምዕራፍ ላይ ከኦሮሞ ብሄረሰብ የመነጨ የኢትዮጵያ ባህል ነው፡፡

2- ባህሉ ብርቱ ተጽእኖ ከመፍጠሩ የተነሳ አማራና ትግራይ ነገስታት ለረጅም ዘመን ይጠቀሙበት የነበረውን የስያሜ ዘይቤ ሽሯል፡፡

3- አማራው ታሪክ ጸሀፊ ለባህሉ አስተዋዋቂዎች የባለቤትነት እውቅና ሰጥተዋል፡፡

በሃይማኖት ረገድም ተመሳሳይ ነገር ነው የሚገጥመን፡፡ ለምሳሌ አቴቴ የሚለውን ቃል ደስታ ተክለወልድ ሲተረጉሙ ‹‹ዛር፣በሴት ስም የምትጠራ፣ ውቃቤ ፣ አማሮች ከኦሮሞዎች የወረሷት ጨሌ የሚያጠልቁላት አቴቴ ጊንቢ ሐራ አቴቴ ዱላ እያሉ እንቀት የሚቀቅሉላት አምልኮ ባእድ፣ትርጓሜ ጠባቂ ማለት ነው››ይላሉ፡፡

‹‹አምልኮ ባእድ ››የሚለውን አሉታዊ ሐረግ፣የክርስትያን አድልኦ ያለበት ፍርድ አድርገን እንለፈው፡፡ ዋናው ፍሬ ነገር፣ የአሮሞው ባህል በአማራው ባህል ላይ ተጽእኖ ማሳደሩን ማወቃችን ነው፡፡ ይህም አንዱ ብሄረሰብ ሁልጊዜ ጫኝ ፣ ሌላው ብሄረሰብ ሁልጊዜ ተሸካሚ እንደነበረ አድርገው ሊነግሩን የሚፈልጉትን ሰዎች ያስተባብላል፡፡ በሁለቱ ግዙፍ ብሄረሰቦች መካከል የነበረው ግኑኝነት የእኩዮች ልውውጥ ነው፡፡ የባህሎች ውርርስ ነው ማለት እንችላለን፡፡ ነገርን ነገር ያነሳዋልና፣ የማንኩሳ ዘመዶቼ የሚያስደነግጥ ነገር ሲገጥማቸው ‹‹አቲቲን ወሰድከው›› ይላሉ፡፡ ቀልቤን ገፈፍከው ለማለት ነው፡፡ የኦሮሞ ባህላዊ ተጽእኖ በወለጋ ድንበር ላይ ቆሟል ያለው ማነው?

ስለጉዲፈቻ ባህል ብዙ ሰዉ የሚያውቅ ይመስለኛል፡፡ በጦርነት ወቅት ምርኮኞችን ባርያ ማድረግ ወይም መግደል በብዙ ማህበረሰቦች የተለመደ ነው፡፡ በኦሮሞ አበዋዊ ባህል ውስጥ ግን ምርኮኞች በልጅነት ይታቀፋሉ፡፡ ከሌላ ብሄረሰብ ቢመጡም የኦሮሞ ብሄረሰብ የሚያገኘውን መብት ሳይነፈጋቸው ያድጋሉ፡፡ ይህንን ልማድ በአማራው ማህበረሰብ ውስጥም እናገኘዋለን፡፡
 ለምሳሌ በጎጃሙ ንጎስ ተክለይማኖትና በወለጋ መሳፍንት መሀል በተደረገው ጦርነት የተማረከው ብላቴና ነገሮ ዋቅጅራን እንደልጅ አሳድገውታል፡፡ ክርስትና አስነስተው ተክለኢየሱስ አሰኝተውታል፡፡ ራሱ በጻፈው ማስታወሻ ‹‹በጠጅና በስጋ አደግሁ›› በማለት የመሳፍንት ልጆች ያገኙት የነበረውን ምቾት ሳይነፈገው ማደጉን ይመሰክራል፡፡ ነገሮ ፣ ከማእረግ ወደ ማእረግ እየወጣ የንጉሱ ጸሐፌ ትዝዛዝ እስከመሆን ደርሷል፡፡ ተመሳሳይ መልኩ በሸዋ ምርኮኛው ቆሴ ዲነግዴ በቤተመንግስት እየተቀማጠለ አድጎ ሐብተጊዎርጊስ በሚል ስመ ክርስትና የኢትዮጵያ የጦር ምኒስትር እስከመሆን ደርሷል፡፡ ሰዎችን በልዩ ቋንቋቸው ምክንያት ባይተዋር ማድረግ ኢትዮጵያዊ ባህል አልነበረም፡፡

እኩዋን ባህላችን አማርኛችን እንኳ የጉራማይሌነታችን ምስክር ነው፡፡ አሁን ኦሮምኛ ያልተነካካ አማርኛ ማግኘት ይቻላል?፡፡ እሰቲ ለናሙና ያክል ‹‹ተወርዋሪ ኮከብ›› ከተባለው የዮሐንስ አድማሱ ምርጥ የአማርኛ ግጥም ውስጥ ጥቂት መስመሮች ልቆንጥር፡፡

1) ተወርዋሪ ኮከብ በራሱ ነበልባል በራሱ ነዲድ ተቃጥሎ የጠፋ
ተወርዋሪ ኮከብ በምናውቀው ሰማይ ነበረ በይፋ

2) ሜዳና ተራራ በመሐል ሸለቆ
ጨፌውና መስኩ በኒህ ተደብቆ

3) ሐቀኛ ጠፍቶበት በዋለበት መልቲ
ጌጥ ነው ድንቁርና የገዳዮች ሎቲ

4) ብልጭ ብሎ ጠፋ
ተወርዋሪ ኮከብ የሐሳብ አንጋፋ

በመረጥኳቸው መስመሮች ውስጥ የሚገኙት ‹‹ይፋ፣ ጨፌ፣ መልቲ፣ ሎቲ፣ አንጋፋ፣›› የተባሉት ቃላት ኦሮሚኛ ናቸው፡፡ ካንድ የአማርኛ ግጥም ይህን ያህል ኦሮሚኛ ከተገኘ በሙሉ መዝገበ ቃላት ውስጥ ምን ያህል ሊገኝ እንደሚችል አስቡት፡፡ ይህን ያክል ነው የተዋሀድነው፡፡

የኢትዮጵያ ባህል የተውጣጣ ባህል እንጂ ጃዋር እንደሚለው የአማራ ባህል ብቻ አለመሆኑን በመጠኑም ቢሆን ያሳየሁ ይመስለኛል፡፡ ጃዋርን እዚህ ላይ ላሰናብትና ለማጠናቀቂያ የምትሆን አንዲት አንቀጽ ልጨምር፡፡

ባህልን ማክበር ጥሩ ነው፡፡ ይሁን እንጂ በስሜት ሚነድደው የብሄርብሄረሰብ ፖለቲካችን፣ ዜጎች ለባህል ያላቸውን ፍቅር ወደ ጭፍን አምልኮአዊ ፍቅር እያዘቀጠው ነው፡፡

ባባቶቻችንና በእኛ መካከል የባህል ፋይዳ ልዩነት ያለ ይመስለኛል፡፡ አባቶች ባህላቸውን ያገኙት በኑሮ ጣጣ አስገዳጅነት ነው፡፡ ለምሳሌ የኔ አያት ቁምጣ ሱሪ የሚታጠቀው ከሌሎች ብሄረሰቦች ለየት ብሎ ለመታየት አይመሰለኝም፡፡ በቂ አቡጀዲ ስላላገኘ ነው፡፡

 ወይም ለስራ እንዲያመቸው ባጭር መታጠቁ ይሆናል፡፡ እኔ ግን የብሄረሰቦች ቀን ሲከበር ቁምጣ ለብሼ ራሴን በማስጎብኘት እንድኮራ ይጠበቅብኛል፡፡ ጉድ እኮ ነው!!! ጋቢ በጥንት ጊዜ የሙቀት ምንጭ ነበር፡፡ ዘንድሮ የኩራት ምንጭ ሊሆን ይቃጣዋል፡፡

የዛሬዎቹ ባህል አምላኪዎች ባህል ሲያስቡ ለውጥን ይረሳሉ፡፡ ባንድ ወቅት የሚያኮራው ያንድ ብሄረሰብ ባህል በሌላው ወቅት ይናቃል፡፡ ባንድ ወቅት የሚያስሸልመው በሌላ ጊዜ ያስቀጣል፡፡ ከጥቂት መቶ አመት በፊት ዝሆን መግደል በማህበረሰቡ ዘንድ ትልቅ ከበሬታ የሚያጎናጽፍ ተግባር ነበር፡፡ ዝሆን የገደለ ልዩ አምባር ክንዱ ላይ ያጠልቃል፡፡ እስኪ ዛሬ ያባቶቼን ባህል ለማክበር ነው ብለህ ፓርክ ውስጥ አርፎ የተኛውን ዝሆን ግደል፡፡ በአምባር ምትክ ካቴና ይጠልቅልሀል፡፡

የብሄር ብሄረሰቦች አልባሳት የተባለውን የተደጋገመ ግን ያልታሰበበት ቃል ከዚህ አንጻር ቃኙት፡፡ ሲጀምር ፣ዛፍ እንኳ ቅርፊቱን በሚቀያይርበት ዓለም፣ብሄር ብሄረሰቦች በየጊዜው አልባሳታቸውን አይቀያይሩም ወይ?፡፡ የብሄረሰቡ አልባስ ሲባል በየትኛው ዘመን የሚለበሰው ነው? የእንዳለጌታ ከበደ እናት ሲነግሩን፣ ዛሬ በጉራጌ ዘፈን ላይ በቲቪ የምናየው የሴቶች ሻማ ቀሚስ በደርግ ዘመን የተጀመረ ነው፡፡ ከዚያ በፊት የነበረው ሸማ ነው፡፡ ከሸማው በፊት ደግሞ የቆዳ ቀሚስ ይለበስ ነበር፡፡

ሌላው፣ አንድ ማህበረሰብ አልባሳት በየማእረጉ ልዩ ልዩ ልብሶች ይኖሩታል፡፡ ወታደሩ ያባ ገዳውን ልብስ የሚለብስ አይመስለኝም፡፡ ባሮች ከጌቶች ልብስ ጋር የሚመሳሰል ልብስ እንዲለብሱ አይፈቀድላቸውም ነበር፡፡ በፊውዳል ማህበረሰብ ከላይ አስከታች መልበስ መከናነብ የጨዋነት ምልክት ነው፡፡ ይህንን በሸዋና በትግራይ ብቻ ሳይሆን በቅድመ ምኒልክ ከፋ ውስጥ እናገኘዋለን፡፡ ባንጻሩ፣ባሮች በከፊል ተራቁተው መታየት አለባቸው፡፡ ባጠቃላይ በኢትዮጵያ እስከቅርብ ጊዜ ድረስ አለባበስ በበሄረሰብ ላይ ሳይሆን በመደብ ላይ የተመሰረተ ሆኖ እናገኘዋለን፡፡ ስለዚህ የብሄር አልባሳት የሚባለው እንደ ማንኛውም ሾላ በድፍን ሐሳብ በጥርጣሬ መታየት አለበት፡፡

ትውልዱ የባህል ፈጣሪ መሆን ሲገባው፣የባህል ሙዚየም ሆኖ ተተክሏል፡፡አፈወርቅ ገብረኢየሱስ ባንድ ወቅት እንዳለው ‹‹ካባቶቹ የማይበልጥ ትውልድ፣ እንዳልተፈጠረ ይቆጠራል››

ማሳረጊያ

ኢትዮጵያን አንድ አድርጎ ያቆያት የነገስታቱ ጉልበት ብቻ ነው ብለው የሚያስቡ ሰዎች ኢትዮጵያ የተሸመነችበትን ውስብስብ ክር ማየት ያልታደሉ ናቸው፡፡ዛሬ ኢትዮጵያን በታትነን ክልላችንን እናድናለን ብለው ባደባባይ ሳያፍሩ የሚናገሩ ሰዎችን የምናይበት ዘመን ላይ ደርሰናል፡፡በርግጥ ኢትዮጵያ ማእበል ከበረታባት እንደ ታይታኒክ ትሰጥም ይሆናል፡፡ግን መርከቢቱ ስትሰጥም የመርከቢቱ ሳሎን ብቻውን አይንሳፈፍም፡፡የመርከቢቱ ጓዳ ብቻውን አይተርፍም፡፡ኢትዮጵያ ስትከስም ብሄሮች ተነጥለው ይለመልማሉ ማለት ተፈጥሮ አመሏን እንደ ግትቻ የትም ጥላለች ማለት ነው፡፡

የአማራ ብሔር ተወላጆች ዳግም ከጉራፈርዳ እየተፈናቀሉ ናቸው ተባለ

28 July 2013 ተጻፈ በ  ታምሩ ጽጌ 
             

-    ሰማያዊ ፓርቲና መኢአድ ክስ እንመሠርታለን አሉ

በደቡብ ክልል በቤንቺ ማጂ ዞን ጉራፈርዳ ወረዳ እየሩሳሌም ቀበሌ ገበሬ ማኅበር ውስጥ ነዋሪ የሆኑ የአማራ ብሔር ተወላጆች፣ ዳግም እየተፈናቀሉ መሆኑን ሰማያዊ ፓርቲና የመላው ኢትዮጵያ አንድነት ድርጅት (መኢአድ) አስታወቁ፡፡
 

ሁለቱ ፓርቲዎች ሐምሌ 18 ቀን 2005 ዓ.ም. በጋራ በሰጡት ጋዜጣዊ መግለጫ እንዳስታወቁት መንግሥት ቀደም ብሎ በጉራፈርዳ ወረዳ፣ በሸፒ ቀበሌና በተለያዩ ወረዳዎችና ቀበሌዎች ነዋሪ የነበሩት የአማራና የኦሮሞ ተወላጆች መፈናቀላቸውን ተከትሎ፣ መንግሥት በአፈናቃዮቹ ላይ ዕርምጃ እንደሚወስድ ቢያሳውቅም፣ ዜጐቹ ግን እስካሁን እየተፈናቀሉ መሆኑን ተናግረዋል፡፡

የመላው ኢትዮጵያ አንድነት ድርጅት ተወካይ አቶ ተስፋዬ ታሪኩ፣ ‹‹ጠቅላይ ሚኒስትር ኃይለ ማርያም ደሳለኝ በኢትዮጵያ ቴሌቪዥን ቀርበው ለዓለም ሕዝብ ጭምር በሰጡት ማብራሪያ፣ ከቤኒሻንጉል ጉሙዝ እንዲፈናቀሉ የተደረጉ የአማራና የኦሮሞ (የዘር ማጥራት ወንጀል እንዳይመስል) ተወላጆችን ያፈናቀሉ ኪራይ ሰብሳቢዎች ላይ፣ መንግሥት ዕርምጃ እንደሚወስድና ተፈናቃዮችም ወደ ቀያቸው በአስቸኳይ እንደሚመለሱ የተናገሩ ቢሆንም ተግባራዊ አልሆነም፤›› በማለት አስረድተዋል፡፡

ቀደም ብሎ ከ21 ሺሕ በላይ የአማራ ተወላጆች ከተፈናቀሉበት፣ ከቤንቺ ማጂ ዞን ጉራፈርዳ ወረዳ እየሩሳሌም ቀበሌ ገበሬ ማኅበር ከሐምሌ 15 ቀን 2005 ዓ.ም. ጀምሮ የአማራ ብሔር ተወላጆች እየተፈናቀሉ መሆኑን ገልጸዋል፡፡

የሰማያዊ ፓርቲ ሊቀመንበር ኢንጂነር ይልቃል ጌታሁን በበኩላቸው፣ ‹‹መንግሥት በአሁኑ ጊዜ ተቃዋሚ የፖለቲካ ፓርቲዎች አጀንዳ ስላጡ ትኩረታቸውን ወደ ቤኒሻንጉል ጉሙዝ ማድረጋቸውን ይናገራል፡፡ ነገር ግን ኢትዮጵያ በድህነት በዓለም ካሉ አገሮች ከመጨረሻዎቹ ሁለተኛና ሦስተኛ ደረጃ ላይ በሆነችበት ሁኔታ በመንግሥት ላይ አጀንዳ ለማንሳትና ለመንቀፍ ከበቂ በላይ ምክንያት አለ፤›› ሲሉ አስረድተዋል፡፡

‹‹መንግሥት በመገናኛ ብዙኀን ቀርቦ ለዓለም ጭምር ያሰማውን ዲስኩር ተግባራዊ ቢያደርገውና ተፈናቃይ ዜጐች ወደቤታቸው ቢመለሱ፣ መሬታቸው ቢመለስላቸው፣ ለጠፋባቸው ንብረት ካሳ ቢከፈላቸውና በድጋሚ ሌላ የማፈናቀል ወንጀል እንዳይደረስባቸው ጥበቃ ቢያደርግላቸው እኛ ሌላ ምን እንፈልጋለን?›› ሲሉ ጠይቀዋል፡፡

ፓርቲዎቹ ክልሉ ድረስ በመጓዝና ተፈናቃዮቹን ቃለ መጠይቅ በማድረግ፣ በክልሉ ተወላጆቹ ከተፈናቀሉባቸው ቀበሌዎች፣ የአማራ ተወላጆች በሦስት ቀናት ለቀው እንዲወጡ የተለጠፈውን ስም ዝርዝራቸውን ጭምር በማስረጃነት በመሰብሰብ፣ ሙሉ ማስረጃው ተጨምሮ ለጠቅላይ ሚኒስትር ኃይለ ማርያም ደሳለኝ ሰኔ 5 ቀን 2005 ዓ.ም. ደብዳቤ መጻፉን ገልጸዋል፡፡

ለጊዜው በዓለም አቀፍ ደረጃ የተነሳውን ተቃውሞ ለማብረድ መንግሥት ልዩ ትኩረት ያለው በማስመሰል የተወሰኑ ግለሰቦች መታሰራቸውንና ክስ መመሥረቱን፣ ተፈናቃዮቹ ወደመጡበት መመለሳቸውን የገለጸ ቢሆንም፣ በአሁኑ ጊዜ ተፈናቃዮቹ ወደቤታቸው አለመመለሳቸውን፣ ገሚሶቹ ወደተለያዩ አካባቢዎች ተሰደው በቀን ሥራ የልጆቻቸውን ነፍስ ለመታደግ እየሠሩ መሆኑን አስረድተዋል፡፡

በመሆኑም ጠቅላይ ሚኒስትሩ የአገሪቱ ርዕሰ መስተዳድር በመሆናቸው የተናገሩትን ይፈጽሙ ዘንድ፣ በዓለም አቀፍ የሕግ ምሁሩ፣ ጠበቃና የሕግ አማካሪው ዶ/ር ያዕቆብ ኃይለ ማርያም ከነማስረጃው ደብዳቤ ቢጽፉላቸውም፣ ጆሮ ዳባ ልበስ በማለት ምላሽ ሳይሰጧቸው መቅረቱን የፓርቲዎቹ ተወካዮች ተናግረዋል፡፡

‹‹ኢትዮጵያ ጥንታዊና የረጋ መንግሥት ያላት አገር ነች፤ ሌሎች የአፍሪካ አገሮች በቅርብ ዘመናት ማንነታቸውን አግኝተው እንኳን እንደኛ አገር የሚያዋርድ ተግባር አይፈጽሙም፤›› ያሉት የሰማያዊ ፓርቲ ሊቀመንበር፣ በዚህ ዘመን የዘር ማጥራት ወንጀል ሥራ መሥራት ፍፁም ስህተትና ዓለም አቀፍ ሕግጋትን የጣሰ መሆኑን ጠቁመዋል፡፡  

ከቤኒሻንጉል ጉሙዝ ክልል የተባረሩ ኢትዮጵያውያን የተፈጸመባቸው ወንጀል በይርጋ የማይታገድ መሆኑን የገለጹት ፓርቲዎቹ፣ በተፈናቃዮቹ ላይ ለተፈጸመው ጉዳት የመጀመሪያው ተጠያቂ የአገሪቱ ርዕሰ መስተዳድር ጠቅላይ ሚኒስትር ኃይለ ማርያም በመሆናቸው፣ እሳቸውን ጨምሮ በክልሉ ያሉ ባለሥልጣናት ደረጃውን ጠብቆ በቅርቡ ክስ የሚመሠረትባቸው መሆኑን አስረድተዋል፡፡

በአገር ውስጥ ባሉ የፍትሕ ተቋማት ክሱ ተጀምሮ ውጤታማ የማይሆን ከሆነም፣ በዓለም አቀፍ ፍርድ ቤት እንደሚቀጥልም ተናግረዋል፡፡

ከቤኒሻንጉል ጉሙዝ ክልል ተባርረው እንዲመለሱ መንግሥት ካዘዘ በኋላ እንዳልተመለሱና ከፍተኛ በደል እየደረሰባቸው ነው ስለተባሉት የአማራ ተወላጆች ምላሽ እንዲሰጡን፣ የክልሉን ርዕሰ መስተዳድር አቶ አህመድ ናስርን በስልክ ብናገኛቸውም፣ ስብሰባ ላይ መሆናቸውን ከመግለጽ ውጭ ምላሽ ሊሰጡን አልቻሉም፡:

ሪፖርተር
 

‹‹የቢሮ ፖለቲካ ስለበቃን ወደ ሕዝቡ ሄደን ማስተማርና መቀስቀስ አለብን›› አቶ አስራት ጣሴ፣ የአንድነት ፓርቲ ዋና ጸሐፊ

28 July 2013

ሰሞኑን በኢትዮጵያ ተቃውሞ ፖለቲካ ጎራ ብዙም ባልተለመደ ሁኔታ የምርጫ ወቅት ከመድረሱ ‹‹እጅግ›› ቀደም ብሎ ሕዝባዊ ስብሰባና ሠልፍ እዚህም እዚያም እየተካሄደ ይገኛል፡፡ በቀጣይነትም በተለያዩ ፖለቲካዊ አጀንዳዎች ጥላ ሥር በርካታ ሠልፎችንና ሕዝባዊ ስብሰባዎችን ለመጥራት ዝግጅት እየተደረገ መሆኑ ታውቋል፡፡

ባለፉት ሳምንታት ሕዝባዊ ሠልፎችንና ስብሰባዎችን ካካሄዱ ተቃዋሚ ድርጅቶች መካከል በቅርቡ የተመሠረተው ሰማያዊ ፓርቲ፣ በተቃውሞ ፖለቲካ ውስጥ የጎላ ተሳትፎ ያለው አንድነት ለዲሞክራሲና ለፍትሕ (አንድነት) ፓርቲና የስድስት ፓርቲዎች ግንባር የሆነው የኢትዮጵያ ፌዴራላዊ ዲሞክራሲያዊ አንድነት መድረክ (መድረክ) ናቸው፡፡ እነዚህ የፖለቲካ ድርጅቶች በአዲስ አበባ፣ በመቀሌ፣ በጎንደርና በደሴ ከተሞች ሕዝባዊ ሠልፎችንና የተቃውሞ ስብሰባዎች አካሂደዋል፡፡ እነዚህ ድርጅቶች በቀጣይነትም በተለያዩ ቦታዎች የተቃውሞ አንቅስቃሴዎችን ለማካሄድ እየተዘጋጁ መሆኑ ታውቋል፡፡ ይህንን ወቅታዊ ጉዳይ በተመለከተ የመድረክ ሥራ አስፈጻሚ አባልና የአንድነት ፓርቲ ዋና ጸሐፊ አቶ አስራት ጣሴን ውድነህ ዘነበ አነጋግሯቸዋል፡፡ አቶ አስራት በኢትዮጵያ የተቃውሞ ፖለቲካ ዙርያ የነቃ ተሳትፎ ከሚያደርጉ ግለሰቦች መካከል ተጠቃሽ ናቸው፡፡

ሪፖርተር፡- ሰሞኑን የእርስዎ ፓርቲ በጎንደርና በደሴ የተቃውሞ ትዕይንተ ሕዝብ አካሂዷል፡፡ ፓርቲው ለሕዝቡ ምን ማሳየትና ምን ማድረግ ፈልጐ ነው ትዕይንቱን ያካሄደው?

አቶ አስራት፡- ለዚህ ጥያቄ መልስ ለመስጠት ትንሽ ወደኋላ መለስ ማለት ያስፈልጋል፡፡ ከ2002 ምርጫ በኋላ አንድነትም እንደ አንድነት፣ ሌሎቹም ተቃዋሚ ፓርቲዎችም ቢሆኑ ሕዝብ ውስጥ ገብተው የማንቃት ሥራና ሕዝባዊ እንቅስቃሴ የመፍጠር ሥራ በተገቢው አልሠሩም፡፡ በጭራሽ በተገቢው መንገድ አልተሠራም፡፡ እርግጥ ሁልጊዜ ማማኸኛ አለን፡፡ ጥርጥር የለውም አዳራሽ ማግኘት አይቻልም፡፡ ሰላማዊ ሠልፍ መውጣትም አይቻልም፡፡ ብዙ ጊዜ አዳራሽ እየተከራየን ገንዘባችሁን መልሳችሁ ውሰዱ እየተባልን ተቸግረን ነበር፡፡ በሌላ በኩልም ስናየው ፍኖተ ነፃነት ጋዜጣ ለአንድነት ፓርቲ ትልቁ መሣርያ ነበር፡፡ ሕዝብን ለማደራጀትና ለማንቃት፤ እንደገና ከሕዝቡም የሚመጡ ሐሳቦችን የምናገኝበት ነበር፡፡ በተለያዩ ስልቶች ጋዜጣው ከሕትመት እንዲወጣ ተደረገ፡፡ መጀመርያ ብርሃንና ሰላም ማተሚያ ቤት እንዳያትም ተደረገ፡፡ ጋዜጣው እንዳይታተም ለተደረገበት የሚሰጡ ምክንያቶች ሁሉ በቀልድና ሹፈት ደረጃ የሚታዩ ናቸው፡፡  

በግል ማተሚያ ቤቶችም አንድ ጊዜ ያትሙልንና በድጋሚ ልናሳትም ስንሄድ ‹‹እባካችሁ ልጆቻችንን እናሳድግ›› ይሉናል፡፡ ቀብድ ወስደውም የማያትሙና ገንዘቡን አሻፈረኝ ብለው የሚመልሱ አሉ፡፡

ይህንን ያነሳሁት ሕዝብን ለማንቀሳቀስ ዕድሎቹ በጣም ጠበቡ ለማለት ነው፡፡ ይህ ውጫዊ ችግራችን ነው፡፡ ነገር ግን ወደዚህ እንቅስቃሴ ከመግባታችን በፊት አንዳንዶቻችን ራሳችን ማፈር ጀምረን ነበር፡፡ እኔ በግሌ ማፈር ከጀመርኩ ቆይቻለሁ፡፡ የፖለቲካ ፓርቲ ሆኖ የፖለቲካ ሥራ መሥራት ወይም መምራት ካልተቻለ አስቸጋሪ ነው፡፡ አንዳንዶቻችን ኢንተርቪው ሰጪዎች ብቻ ሆንን፡፡ ኢንተርቪው ሰጪ የቢሮ ፖለቲከኞች ከሆንን ይህ አካሄድ የፖለቲካ ሥራን አይመጥንም፡፡ ፖለቲካን በቢሮ ውስጥ ሆኖ መሥራት አመራሮቻችንን አይመጥንም፡፡ አጥራችንን ሰብረን መውጣት አለብን፡፡ ሕዝቡ መሀል ገብተን ሕዝባዊ እንቅስቃሴ መፍጠር አለብን፡፡ ያለበለዚያ በአንዳንዶቻችን እምነት በእውነት አስፈላጊዎች አይደለንም፡፡ ምናልባት ረዥም ጊዜ ፖለቲካው ቦታ ላይ ኃላፊነት ይዘን በመቆየታችን፣ በወጣቶች ሊሠራ የሚችለውን ሥራ የዘነጋን ይመስለናል፡፡ ራሳችንን መታዘብ ደረጃ ላይ በመድረሳችን የሆነ ነገር መደረግ አለበት አልን፡፡ አጥራችን መሰበር አለበት፡፡ ሕገ መንግሥታዊ መብታችንን ማስከበር አለብን፡፡ ይህንን መሠረት አድርገን ወደ ሕዝብ እንሂድ ብለን ነው የተነሳነው፡፡

ሪፖርተር፡- ሰላማዊ ሠልፎችን ከዚህ ቀደም ማካሄድ የተዘጋ ነው ብለውኛል፡፡ በአሁኑ ወቅት በጎንደርና በደሴ ማካሄድ ችላችኋል፡፡ አሁን መንግሥት ተለሳልሶ ምቹ ሁኔታ ፈጥሯል ማለት ይቻላል?

አቶ አስራት፡- እኔ ከኢሕአዴግ በኩል ምንም የመለሳለስ ሁኔታ አላየሁም፡፡ የመለሳለስ ሁኔታ አላየሁም ስል በሁለቱም ቦታዎች ያካሄድናቸውንና በአዲስ አበባ ለማካሄድ ያሰብነውን መሠረት በማድረግ ነው፡፡ ደሴ ላይ በጭራሽ ልናደርግ እንዳንችል ተገቢ ባልሆነ መንገድ እንቅፋት ሲፈጥሩ ነበር፡፡ በተለይ በጎንደር እኔ በነበርኩበት ቦታ እገታ ጭምር ነበር፡፡ የእኛ የሥራ አስፈጻሚ አባላት፣ የብሔራዊ ምክር ቤት ሰብሳቢው፣ የብሔራዊ ምክር ቤት አባሎቻችንና መኪኖቻቸው ሳይቀሩ እንዳይንቀሳቀሱ ተደርገው ነበር፡፡ የከተማው ከንቲባና የዞኑ መስተዳድር አናነጋግራችሁም፣ እንዲያውም አልፎ ተርፎ በዚህ ከተማ ምንም ዓይነት ሰላማዊ ሠልፍ አይሞከርም ብለው ነበር፡፡

ምክንያታቸውም አካባቢው የፀጥታ ችግር ያለበት ስለሆነ እዚህ የመጣችሁት ግርግር ለመፍጠር ነው የሚል ነው፡፡ በአደባባይ ሰው በሚሰማበት ቦታ ላይ ‹‹እደፋሃለሁ፣ እንደፋችኋለን፤›› እየተባልን ነበር፡፡ እስከ መጨረሻው ድረስ ያነጋገረን ኃይል አልነበረም፡፡ የትኛውም መስዋዕትነት ይከፈል፣ የሚያስከፍለውን ያህል ዋጋ ያስከፍል እንጂ ሰላማዊ ሠልፉን እንወጣለን አልን፡፡ በሕጉ መሠረት መከልከል አይችሉም፡፡ የሚፈለገው ማሳወቅ ነው፡፡ ሠልፍ እንደምናካሂድ አሳውቀናል፡፡ በዚህ መሠረት ተዘጋጅተን ስንጠብቅ ከፖሊስ ውይይት እናድርግ የሚል ጥሪ ቀረበልን፡፡ ከተወያየን በኋላም ብዙ ተፅዕኖ ተደርጎብንም ቢሆን ሠልፉን አድርገናል፡፡      
 
ሪፖርተር፡- ሠልፎቹን ከማካሄዳችሁ በፊት ግምት ይኖራችኋል ብዬ አስባለሁ፡፡ እናንተ ያሰባችሁትን ያህል ሠልፈኛ መጥቶላችኋል? ይህንን የምጠይቅዎ በተፅዕኖም ሆነ በሌላ ምክንያት የወጣው ሕዝብ ቁጥር አነስተኛ ነው የሚሉ ስላሉ ነው፡፡

አቶ አስራት፡- እኛ ቁጥርን በሁለተኛ ደረጃ ነው የምናየው፡፡ አንደኛው መርህ ነው፡፡ የቢሮ ፖለቲካ በቃ፡፡ የቢሮ ፖለቲካ ስለበቃን ወደ ሕዝብ ሄደን ማስተማርና መቀስቀስ አለብን፡፡ ሕዝቡ ለሕገ መንግሥታዊ መብቱ እንዲቆም መቀስቀስ አለብን፡፡ ከገባበት የፍርኃት ቆፈን እንዲወጣ ወደ ሕዝቡ ሄደን ሊከፈል የሚገባውን መስዋዕትነት ከፍለን መሥራት አለብን የሚለው አንዱ ትልቁ ስኬት ወይም ግኝት ነው፡፡ ከስምንት ዓመት በኋላ ነው በጎንደር ሰላማዊ ሠልፍ የተካሄደው፡፡ በሁለተኛ ደረጃ እንዳልከው ብዙ ሕዝብ መጠበቅ አንድ ሰላማዊ ሠልፍ የሚጠራ ክፍል ተግባር ነው፡፡ ብዙ ሕዝብ ባገኘ ቁጥር የፖለቲካ ትርጉሙ ትልቅ ይሆናል፡፡ ነገር ግን በኢትዮጵያ ተጨባጭ ሁኔታ በአሁኑ ጊዜ ለመጀመርያ ጊዜ በሚካሄዱ ሰላማዊ ሠልፎች በእውነት የናረ ቁጥር አዕምሮአችን ውስጥ የለም፡፡ መቼስ የወጣውን ሰው አትቆጥርም፡፡

መንግሥትም ታች አውርዶ ይገምታል፡፡ እኛም ትንሽ ከፍ እናደርግ ይሁን አናውቅም በጎንደር ከ20 እስከ 25 ሺሕ ሰው ወጥቷል፡፡ በደሴ ደግሞ እስከ 50 ሺሕ ሰው ወጥቷል፡፡ በአሁኑ ጊዜ ለእኔ ቁጥር ሁለተኛ ደረጃ ነው፤ ወደፊት ግን ቁጥርም አስፈላጊ ነው፡፡ ሕዝቡ በገፍ ወጥቶ ያለውን ችግር በመግለጽ ያለውንም ድጋፍ ለተቃዋሚዎች ካላሳየ አስቸጋሪ ነው፡፡ ችግር አለ ማለት ነው፡፡ እኛ ውጤታማ ነበርን ነው የምንለው፡፡
  
ሪፖርተር፡- በሕጉ መሠረት ሰላማዊ ሠልፍ ለማካሄድ ማሳወቅ እንጂ ማስፈቀድ አይጠበቅም፡፡ ቀደም ሲል ሰላማዊ ሠልፍ ለማካሄድ ተከለከልን ትሉ ነበር፡፡ በአሁኑ ወቅት ሰላማዊ ሠልፍ እያካሄዳችሁ ነው፡፡ ምን የተለየ አሠራር መጣ?

አቶ አስራት፡- ጥያቄው ትንሽ ከበድ ይላል፡፡ ከበድ ይላል የምልበት ከምን አንፃር ነው? ቅድም ካነሳሁት አንፃር በእውነት ቀደም ሲልም አሳውቀን መውጣት ነበረብን፡፡ እኛ ዝም ብለን ይህ ነው በማንለው ምክንያት [አልወጣንም]፡፡ አንዱ ፍርኃት መሆን አለበት፡፡ መቼም በ1997 ዓ.ም. የደረሰውን የሕዝብ እልቂት አይተናል፡፡ የሥርዓቱን የመጨረሻ የአምባገነንነት ደረጃም ተመልክተነዋል፡፡ ለሃያ ሁለት ወራት እስር ቤት በነበርንበት ጊዜ ያለምንም ምክንያትና ማስረጃ በዘር ማጥፋት መክሰስ የሚችል ሥርዓት መሆኑን ተረድተናል፡፡ እንደምታውቀው ከጥቅምት 1998 ዓ.ም. ጀምሮ 100 ሺዎች ለእስር ተዳርገው ነበር፡፡ በክፉ ቦታዎች ነበር እስሩ፡፡ በሰውነታቸው ላይ የደረሰ ጉዳት ነበር፡፡

ቅንጅትን ደግፎ የተነሳው ክፍልም ተመቷል፡፡ እኛም በእነዚህ ምክንያቶች ረጋ ብለን እንድናስብ ሆነናል፡፡ ያ ጊዜ ተመልሶ ይመጣል የሚል ሥጋት በመኖሩ ረዘም ላለ ጊዜ ማለትም ለአራት ዓመት የአየሩንና የሕዝቡን ሁኔታ ስንለካ ነበር፡፡ አንድ ወቅት ግን መቆም አለበት፡፡ ወይ ፖለቲካውን ፖለቲካ አድርገን እንሥራው ወይ እንተወው፡፡ ካልሠራነው ለሚሠሩ ሰዎች እንተው በሚለው ጉዳይ ደጋግመን ተነጋገርንበት፡፡ ከዚያም ሕገ መንግሥቱንና መብታችንን እናስከብራለን፡፡ መብታችንን ለማስከበር በምናደርገው እንቅስቃሴ የሚደርስብንን ሁሉ እንቀበላለን በሚል ነው ይህ እንቅስቃሴ የተጀመረው፡፡
   
ሪፖርተር፡- ብዙ ጊዜ ተቃዋሚዎች ሰላማዊ ሠልፍና ቅስቀሳዎችን የምታካሂዱት ምርጫ በሚደርስበት ወቅት ነው፡፡ በአሁኑ ጊዜ ደግሞ አንድነትና ሌሎች የፖለቲካ ፓርቲዎች ምርጫ ከመድረሱ በጣም ቀደም ብላችሁ ፖለቲካዊ እንቅስቃሴ በማድረግ ላይ ናችሁ፡፡ ይህንን ልታደርጉ የቻላችሁበት የፖለቲካ ትንታኔ ምንድነው? በፖለቲካ ፓርቲዎች አካባቢ የአካሄድ ለውጥ ሊታይ የቻለበት ምክንያትስ ምንድነው?

አቶ አስራት፡- ያለንበት ሁኔታ ነው፡፡ አገራችን አደገኛ ወቅት ላይ ነው ያለችው፡፡ ጥናቶችን ልጥቀስ፡፡ ‹‹ዘ ኢኮኖሚስት ኢንተለጀንት ዩኒት›› የዲሞክራሲ ደረጃን ለመለየት 60 መመዘኛዎችን ተጠቅሞ አገሮችን በአራት ከፍሏል፡፡ በዚህ መሠረት ሙሉ ዲሞክራሲ፣ እንከን ያለበት ዲሞክራሲ፣ ድቅል አገዛዝ (አንዳንዴ ዲሞክራሲ አንዳንዴ አምባገነን) እና የመጨረሻው የለየላቸው አምባገነን በሚሉ ክፍሎች ከፍሏል፡፡ በዚህ መመዘኛ ኢትዮጵያ የተመደበችው ፍፁም አምባገነኖች ከሚባሉት ውስጥ ነው፡፡

ሌላ ጥናት አለ፡፡ ‹‹ፍሪደም ሐውስ›› የሚባል ተቋም የነፃነት ደረጃን በሚመለከት አጥንቷል፡፡ ይህ ጥናት አገሮችን በሦስት ከፍሏል፡፡ ነፃ፣ ከፊል ነፃ፣ ነፃ ያልሆኑ በሚል ከፍሏል፡፡ አሁንም ኢትዮጵያ ነፃ ያልሆኑ በሚሉት ጎራ ውስጥ ነው የተመደበችው፡፡ መመዘኛዎቹ ግልጽ፣ ተዓማኒና ነፃ ምርጫ መካሄዱ፣ ውድድር ያለበት የመድበለ ፓርቲ ሥርዓት መኖሩ፣ ፖለቲካዊ ፉክክር ያለበት ምርጫ መካሄዱ፣ የምርጫ ሚስጥራዊነት የተጠበቀ መሆኑና የነቃ የሕዝብ ተሳትፎ ያለበት መሆኑ እንደ መስፈርት ተቀምጧል ይላል፡፡ በዚህም ብትመለከት ኢትዮጵያ የተመደበችው ፍፁም ነፃ ያልሆኑ አገሮች ምድብ ውስጥ ነው፡፡

ከዚህ ሁሉ የሚያሰጋው ‹‹ፎሬን ፖሊሲ ሜጋዚንና ፈንድ ፎር ፒስ›› የሚባል ድርጅት ባደረገው ጥናት የዓለም አገሮች የሚገኙበትን የመረጋጋት ሁኔታ በተወሰኑ መስፈርቶች አወዳድሮ፣ ኢትዮጵያ ዝቅተኛ ነጥብ በማግኘት የመከነ አገር (ፌልድ ስቴት) ለመሆን ከተቃረቡትና አሳሳቢ ከተባሉት አገሮች ቀጥላ አደጋ ዞን ውስጥ ተመድባለች፡፡

እነዚህን ነጥቦች ያነሳሁት ጉዳዩ የሥልጣን ጉዳይ ስለሆነ ብቻ አይደለም፡፡ ጉዳዩ የአገር ህልውናም ጭምር ነው፡፡ ባለንበት ሁኔታ የሙስናውን ሁኔታ ታዩታላችሁ፡፡ እ.ኤ.አ. ከ2000 እስከ 2013 ድረስ 16.5 ቢሊዮን ዶላር ከኢትዮጵያ ወጥቷል፡፡ ገንዘቡ የወጣው በሙስናና በሕገወጥ የገንዘብ ዝውውር አማካይነት ነው፡፡ በህዳሴ ግድብ ዋጋ ተመን ብንመለከተው ሦስት የህዳሴ ግድቦችን ይገነባል፡፡ ሕዝቡ በገፍ ይሰደዳል የኑሮ ውድነቱ ከፍቷል፡፡ ይኼ ጉዳይ አቅጣጫውን ስቶ ከመሄዱ በፊት የምንችለውን ያህል አገር የማዳን ሥራ መሠራት አለበት በማለት ነው የተነሳነው፡፡ እንደ አገርና እንደ ሕዝብ ለመቀጠል ጥያቄ ውስጥ ነው ያለነው፡፡   

ሪፖርተር፡-  የፖለቲካ ድርጅቶች ሁሉ እንቅስቃሴ የጀመራችሁት ይህንን አስባችሁ ነው? ከምርጫ በፊት እንቅስቃሴ ውስጥ የገባችሁት በዚህ መነሻነት ነው ማለት ይቻላል?

አቶ አስራት፡- የአንድነትን በድፍረት መናገር እችላለሁ፡፡ ሌሎችም ቢሆኑ ከዚህ የተለየ ሊሆኑ አይችሉም፡፡ የአገሪቷን ተጨባጭ ሁኔታ፣ የሰፈነውን አምባገነናዊነት፣ የሰፈነውን የሰብዓዊ መብት ረገጣ፣ የፍርድ ቤቶችን ነፃ ያለመሆንና የሕግ የበላይነት የመሳሰሉት ችግሮች መከበር አለባቸው በሚል ነው፡፡ የፀረ ሽብርተኝነት አዋጁ ሕገ መንግሥቱን ስድስትና ሰባት ቦታ ይጥሳል፡፡ በዚህ ምክንያት ነው የተነሳነው፡፡   

ሪፖርተር፡- ሕዝቡ እነዚህን ጉዳዮች እንዲረዳላችሁ ፈለጋችሁ እንበል፡፡ ከዚያ የሚቀጥለው መንግሥት እነዚህን ነጥቦች እንዲያስተካክል ነው? ወይስ በሥልጣን ጥያቄ ትገፋላችሁ?

አቶ አስራት፡- ግልጽ ነው፡፡ አንደኛ የፀረ ሽብር አዋጅ እንዲሰረዝ ነው የምንጠይቀው፡፡ ሁለተኛ የሕዝቡ ሰብዓዊና ዲሞክራሲያዊ መብቶች ይከበሩ፡፡ መብትህን አስከብር ነው የምንለው፡፡ ሕዝቡ ነፃ ዳኝነት ያግኝ የሕግ የበላይነት ይከበር፡፡ መልካም አስተዳደር ከነጭራሹ የለም፡፡ መልካም አስተዳዳር መስፈን አለበት፡፡ ሙስና የሥርዓቱ መገለጫ ሆኗል፤ መቆም አለበት፡፡ ጥፋተኞች መቀጣት አለባቸው፡፡ መንግሥት በሕዝቡ ውስጥ ተገቢውን መረጋጋትና መግባባት ለመፍጠር አልቻለም፡፡ መንግሥት የሕዝብ አመኔታ ሊያገኝ አልቻለም፡፡ ይህ ሊሆን ይችል ዘንድ ከጉዳዩ ባለቤት፣ ይመለከተናል ከሚሉ ባለድርሻዎች፣ ከፖለቲካ ፓርቲዎች፣ ከሲቪክ ማኅበራት፣ ከአገር ሽማግሌዎችና ከምሁራን ጋር ቁጭ ብሎ ብሔራዊ መግባቢያና ብሔራዊ የውይይት መድረክ መክፈት አለበት፡፡ ምክንያቱም አሁን ባለው ሁኔታ መንግሥት ሕዝቡንና አገሪቱን እያስተዳደረ አይደለም፡፡ መነጋገርና መወያየት አለበት፡፡

በምንም መንገድ ግን ተቃዋሚ ፓርቲ አንድነትም ሆነ እኔ በቅርብ የማውቀው መድረክም ከመንግሥት በአቋራጭ የሚጠይቁት የሥልጣን ጉዳይ የለም፡፡ ሥልጣን የሚመነጨው ከምርጫ ሳጥን ነው ብለን ነው የምናምነው፡፡ በዚህ ሕዝባዊ እንቅስቃሴ አንዱ ሕዝብ ለመብቱ እንዲቆምና በ2007 ምርጫ ተገቢ ነው ብሎ የሚያስበውን ፓርቲ መርጦ ወደ ሥልጣን እንዲያመጣ፣ ኢትዮጵያ እንደ አገር አቅጣጫዋን እንድትይዝ ነው፡፡    

ሪፖርተር፡- የእርስዎ ፓርቲም ሆነ የታቀፈበት መድረክ በተካሄዱ ምርጫዎች ብዙም ተሳታፊ አይደሉም፡፡ በ2007 ዓ.ም. በሚካሄደው ምርጫ አቋማችሁን አሁን ላይ መናገር ከባድ ሊሆን ይችላል፡፡ ነገር ግን በምርጫ ንቁ ተሳታፊ ሳትሆኑ እነዚህ ቅስቀሳዎችን እንዴት ልትጠቀሙባቸው አስባችኋል? ከዚህ ጋር ደግሞ ሁለት ጊዜ ያልተወዳደረ ፓርቲ ከጨዋታ ውጭ ይሆናል የሚል የምርጫ ቦርድ ሕግ አለ፡፡

አቶ አስራት፡- ከምርጫ መሰረዝ ከሚለው ልነሳ፡፡ ይኼ የራሴ የግል እምነቴ ነው፡፡ አንድ የፖለቲካ ፓርቲ ነፃ፣ ፍትሐዊና ሚስጥራዊነቱ ባልተጠበቀ ምርጫ ከመሳተፍ ሁለት ጊዜ ሳይወዳደር ቢቀር የተሻለ ነው፡፡ ምክንያቱም ምርጫ ዲሞክራሲያዊ ሥርዓትን ያሰፍናል፣ የሕግ የበላይነትን ያመጣል፡፡ የምንለው ትልቁ መሣሪያ ካልተስተካከለና ፍትሐዊና ግልጽ ካልሆነ በስተቀር በአገራችን እየተዳደርን ያለነው በ2002 ዓ.ም. በተካሄደው የውሸት ምርጫ ነው፡፡ በውሸት ምርጫ መሳተፍ የሕዝብን ብሶትና መከራ ለማራዘም መተባበር ነው፡፡ ስለዚህ ያ ሊያሳስበን አይገባም፡፡

በአዲስ አበባ የአካባቢ ምርጫ ያልተሳተፍንባቸው ምክንያቶች ግልጽ ናቸው፡፡ 18 ጥያቄዎችን ለምርጫ ቦርድና ለጠቅላይ ሚኒስትሩ አቅርበናል፡፡ ሊያወያዩንና ሊያነጋግሩን አልፈለጉም፡፡ 99.6 በመቶ [አሸንፈናል] ያሉትን ልንደግመው አንፈልግም፡፡   

ሪፖርተር፡- በርካታ አገሮች የፀረ ሽብር ሕጎች አሏቸው፡፡ የኢትዮጵያ መንግሥትም እንደሌሎች አገሮች የፀረ ሽብር ሕግ አውጥቷል፡፡ አንድነት የፀረ ሽብር ሕጉ ይሰረዝ ሲል አማራጭ አቅርቦ ነው? ሌላ ዓይነት አማራጭ ይጠቀማል? ወይስ ከነጭራሹ አያስፈልግም ነው የሚለው?

አቶ አስራት፡- በመሠረቱ በምናውቀው የኢትዮጵያ ታሪክና ባለው ተጨባጭ ሁኔታ ኢትዮጵያ ለሽብር ተጋላጭ አይደለችም፡፡ በአገራችን ሽብር የሚፈጥሩ አሉ ብለን አናምንም፡፡ ሽብር ቀልድ አይደለም፡፡ ሽብርን የምናውቀው በአፍጋኒስታን ታሊባን የሚያካሂደውን ሽብር ነው፡፡ የነአልቃይዳ ትልቅ ሽብር ነው፡፡ የሶማሊያ አልሸባብ ትልቅ ሽብር ነው፡፡ የናይጀሪያው ቦኮሐራም ትልቅ ሽብር ነው፡፡ ኢትዮጵያ ለእንደዚህ ዓይነት ሽብር የተጋለጠች አገር አይደለችም፡፡ መልክዓ ምድራዊ አቀማመጧ አሳሳቢ ቢሆንም፣ በተጨባጭ ግን ይህ የሽብር አዋጅ በወጣበት ጊዜ ኢትዮጵያ እንደዚህ ዓይነት የሽብር ሥጋት አልነበረባትም፡፡

ይህ የፀረ ሽብር አዋጅ የወጣው ኢትዮጵያ ለሽብር ተጋልጣ ሳይሆን ተቃዋሚ ፓርቲዎችን፣ በነፃ ፕሬስ ላይ የተሰማሩትንና በሲቪክ ማኅበራት የተሰማሩትን ለማፈን ነው፡፡ በእኛ በኩል ኢትዮጵያን ለሽብር የሚያጋልጡ ሁኔታዎች ሲፈጠሩ ተመጣጣኝ የሆነ ሕግ፣ ተመጣጣኝ የሆነ አዋጅ እንዲኖር እናደርጋለን፡፡ ነገር ግን መኪና በሌለበት አገር የትራፊክ ሕግ ለማውጣት የመሞከር ዓይነት ነው መንግሥት እያደረገ ያለው፡፡ በዚህ ፀረ ሽብር ሕግ ሌላው መታየት ያለበት ኢትዮጵያ ውስጥ ለጥፋት ወይም ለወንጀል የሚሰማሩ ካሉ የኢትዮጵያ ሕግ ይዳኛቸዋል፡፡ ይህ እኮ በቀጥታ መብትን መንፈግ ነው፡፡ ያለፍርድ ቤት ትዕዛዝ እኮ ነው ሕጉ ሊያስር፣ ቤት ሊበረብርና ደም መውሰድ የሚችለው፡፡  

ሪፖርተር፡- ኢትዮጵያ ውስጥ በተለያዩ አካባቢዎችና ጊዜያት የቦምብ ፍንዳታዎች ተከስተው የሰው ሕይወት እንደጠፋ ይታወቃል፡፡ አደጋ ከመድረሱ በፊትም ከነጦር መሣርያዎቻቸው የተያዙ አሉ፡፡ የፀረ ሽብር ሕጉ እንዲወጣ ካደረጉት ምክንያቶች መካከል እነዚህ ተጠቃሽ መሆናቸውን መንግሥት ገልጿል፡፡ እነዚህን በተመለከተ የእናንተ ሐሳብ ምንድነው?

አቶ አስራት፡- እንደ ግለሰብ በእነዚህ ክስተቶች የአሸባሪነት ባህሪ እየመጣ ነው የሚል ሥጋት ለመፍጠር ተፈልጎ እንጂ፣ ለአንዱም ጉዳይ በትክክል የምናገኘው መረጃ የለም፡፡ እስከ መጨረሻ ወጥቶ ለምሳሌ ለፕሬስ በትክክል እነዚህ ሰዎች ማናቸው? ምን አደረጉ? የሚባለው ነገር ተመርምሮ አልቀረበም፡፡ ሕዝብ እኮ መረጃው ቀርቦለት እውነትም አላለም፡፡ እንዲሁ ትንሽ ችግር በመፍጠር ወቅቱን እየተከተሉ ተቃዋሚዎችን ወይም ሊያጠቁ የሚፈልጉትን ክፍል ለማጥቂያ የሚደረግ አካሄድ ነው ብዬ ነው የማየው፡፡ በአገርና በሕዝብ ላይ ትልቅ ሥጋት መጥቶ ነበር የሚል እምነት የለኝም፡፡ 
 
ሪፖርተር፡- አንድነትና ዓረና የመድረክ አባል ድርጅቶች እንደሆኑ ይታወቃል፡፡ አንድነትና ዓረና ከመድረክ ውጭ ራሳቸውን ችለው ቅስቀሳ ማካሄዳቸው ታይቷል፡፡ በተለይ አንድነት ከመድረክ ጋር በቅርቡ በጀመረው እሰጥ እገባ ይሆን ለብቻው ቅስቀሳውን ያካሄደው?

አቶ አስራት፡- አንድ መረጃ ላስተካክልልህ፡፡ መቀሌ የተካሄደው ሕዝባዊ ስብሰባ በመድረክ አማካይነት ነው፡፡ እኛም [አንድነት] ትግራይ ቤዝ አለን፡፡ ዓረናም ትግራይ ቤዝ አለው፡፡ በአብዛኛው በዚያ አካባቢ ንቁ ተሳትፎ የሚያደርገው ዓረና በመሆኑ የዓረና መስሎ ነው እንጂ ስብሰባው በመድረክ ስም የተካሄደ ነው፡፡

ሌላው እውነት ነው በመድረክና በአንድነት መካከል የተወሰኑ አለመግባባቶች ተፈጥረዋል፡፡ ለእነዚያ አለመግባባቶች መንስዔ የነበረው አንድነት ስትራቴጂካዊ ፕላኑ በሚመራው አቅጣጫ መሠረት ከመድረክ ጋር ያለውን ግንኙነት እንዲገመገም ግምገማው ተካሄደ፡፡ የግምገማውን ውጤት ለመድረክ ሰጠን፡፡ በወቅቱ ቴክኒካዊ የሆነ አንድ ችግር ተፈጠረ፡፡ በወቅቱ የግምገማው ውጤት መድረክ ዘንድ ሳይደርስ ሾልኮ ጋዜጣ ላይ ወጣ፡፡ ቅሬታው የተፈጠረው እዚያ ላይ ነው፡፡ የሚያጣላን የጥናቱ ፍሬ ነገር አይደለም፡፡ የግምገማው ዓላማ መድረክ ካለበት የቆመ የፖለቲካ ሁኔታ ተነስቶ መንቀሳቀስ ካለበት ምን እናድርግ የሚለውን ለማመላከት ነው፡፡

መድረክ ሲባል አንድነትንም ይጨምራል፡፡ የፖለቲካ ሥራ መሥራት ባለመቻላችን ሕዝቡን ልናንቀሳቅስ አልቻልንም እንፈትሸው ተባለ፡፡ መድረክ ካለበት እንዲያኮበኩብ ለማድረግ ነው፡፡ እኔም የአጥኝው ቡድን አባል ስለነበርኩ አውቀዋለሁ፡፡ ግን መጀመሪያ በጋዜጣ ከመውጣቱ በፊት ለመድረክ መድረስ ነበረበት፤ ቀጥሎም መምከር ነበረብን በሚል ነው፡፡

ይኼ ማለት ግን አካሄዱ ችግር ነበረበት ማለት እንጂ የግምገማው ፍሬ ነገር ልክ አይደለም ማለት አይደለም፡፡ በዚህ ነው እንግዲህ መሻከር የመጣው፡፡ በአሁኑ ወቅት ግን እያረገብነው ነው፡፡ ነገር ግን በተወሰኑ ሰዎች ብቻ ችግሮች አይረግቡም፡፡ ያልሆነ ሚና ወስደው የሚጫወቱም አሉ፡፡ ያ አንዳንዴ ችግሩን ያሰፋዋል፡፡ በዚህ በኩልም ጋዜጦችም ጉዳዩ እንዳይበርድ ትፈልጋላችሁ፡፡ ኢሕአዴግም ይፈልጋል፡፡   
 
ሪፖርተር፡- ስለዚህ ችግራችሁን ስላልፈታችሁ ነው እናንተ ከመድረክ ተለይታችሁ የፖለቲካ ቅስቀሳ የጀመራችሁት?

አቶ አስራት፡- ፕሮግራምና ደንብ አለን፡፡ በደንባችን መሠረት የፓርቲው ነፃነት አለ፡፡ ውህደት አልፈጸምንም፡፡ መድረክ ግንባር ነው፡፡ እንደ ግንባርነቱም መድረክ በጋራ ካቀደው ሰላማዊ ሠልፍም ሆነ ስብሰባ ውጭ ፓርቲዎች ሊያካሂዱ ይችላሉ፡፡ በጋራ ያቀድናቸውን በጋራ እናካሂዳለን፡፡ መድረክ አቅሙ ውስን ነው፡፡ አንድነት ደግሞ በራሱ የተሻለ የፋይናንስ አቅም አለው፡፡ ከአባላት መዋጮና ከውጭም ድጋፍ አለው፡፡ [መድረክ] በዚያው ፍጥነት መሄድ አልቻለም፤ አልፈለገምም፡፡  
 
ሪፖርተር፡- የፖለቲካ ቅስቀሳችሁን የጀመራችሁት በክልል ከተሞች ነው፡፡ ብዙ ጊዜ አዲስ አበባ ላይ ነበር የዚህ ዓይነቱን ሥራ ስትሠሩ የምትስተዋሉት፡፡ የስትራቴጂ ለውጥ አለ? ማግኘት የፈለጋችሁት ውጤትስ ምንድነው?

አቶ አስራት፡- ግብረ ኃይሉ የተሻለ ይመልሰው ነበር፡፡ ግብረ ኃይሉ ይህን ሲያቅድ ፈትሾ ገምግሞ ነው ብዬ ነው የማስበው፡፡ ነገር ግን ጎንደርና ደሴ በተደጋጋሚ ጥያቄ በማቅረባቸው ነው፡፡ ከተሞቹ በተደጋጋሚ ጠይቀዋል፡፡ በዚህ ምክንያት ነው ብዬ አስባለሁ፡፡

አዲስ አበባ ላይ ለማካሄድ እየሞከርን ነው፡፡ ካነሳህልኝ ያለንበትን ችግር ልግለጽልህ፡፡ ባለፈው በራሪ ወረቀቶችንና ማስታወቂያዎችን ለማሠራጨት ከፍተኛ እንቅስቃሴ አድርገናል፡፡ እንቅስቃሴ ውስጥ ስንገባ ቀጥታ ወደ ሰላማዊ ሠልፉ ለመግባት ነበር፡፡ ነገር ግን በጭራሽ ሊያላውሱን አልቻሉም፡፡ በሁለት ቀናት ውስጥ 42 አባሎቻችን ተያዙብን፡፡ ሲያዙ በራሪ ወረቀት በተናችሁ ነው የተባሉት፡፡ በራሪ ወረቀቱ ለሚቀጥለው ሰላማዊ ሠልፍ ሕዝባዊ ስብሰባ ለመጥራት መንደርደሪያ መንገዳችን ነው፡፡

 ፈርሜ የላኩትን አዳራሽ ለማግኘት የሚጠይቁ ደብዳቤዎችን ብዛት ብታይ ታዝናለህ፡፡ ከ30 በላይ ናቸው፡፡ የተሻሻለው የፖለቲካ ፓርቲዎች ምዝገባ አዋጅ ቁጥር 573/2000 አንቀጽ 46 ለፓርቲዎች የዕለት ተዕለት ተግባር ማከናወኛ የሚሰጥ ድጋፍ ስለሚመራበት አሠራር ይደነግጋል፡፡ የፖለቲካ ፓርቲ የሚሰጠውን ድጋፍ ለተመደበለት ተግባር ብቻ ማዋል አለበት ይላል፡፡ የፖለቲካ ፓርቲ የዕለት ተዕለት ተግባር የሚከተሉትን ያካትታል፡፡ አንዱ የሕዝቡን የፖለቲካ ግንዛቤ ማዳበር፤ የፓርቲውን ዓላማ ለሕዝብ ማስረፅ፡፡ ዜጎች በአገሪቱ ፖለቲካ ውስጥ ንቁ ተሳትፎ እንዲኖራቸው መቀስቀስን ያካትታል፡፡

ይህ በራሪ ወረቀት የሚሠራው ይኼንን ነው፡፡ 42 አባላቶቻችን የተያዙት ፈቃድ የላችሁም ተብሎ ነው፡፡ ስለዚህ የፖለቲካ ሥራ ማከናወን እንዳንችል የሚያደርገን አየር እየፈጠሩ ነው፡፡ ከሚመለከተው የመንግሥት አካል ጋር በጉዳዩ ላይ ለመነጋገር ጥያቄ አቅርበን በተደጋጋሚ በራቸውን አንኳኳን እስካሁን ምላሽ የለም፡፡
     
ሪፖርተር

Massive crackdown underway in Ethiopia

July 28, 2013

The Horn Times Newsletter July 28, 2013
by Getahune Bekele, South Africa

Massive crackdown underway on opposition stronghold of South Wollo, Ethiopia

It was a pre-dawn assault by hundreds of heavily armed federal police members backed by pro-TPLF local militia on the opposition UDJP strong hold of South Wollo province.

According to Finotenetsanet newspaper reporters, yesterday’s dawn- to- dusk raid targeted the twin towns of Haiq and Worebabu; and more heavy handed attacks are set to continue in other nearby towns and villages of the historic province.

Worebabu area UDJP leader Ato Edris Saed told Finotenetsanet that the police tried to disguise their act by telling people that they are looking for weapons.

Arage Hussein, UDJP’s financial officer in the town of Haiq said the police and the feared local militia searched the homes of all 16 members of UDJP leadership, each search lasting for up to two hours and more.

“I pleaded with the five police men and the militias who came to my home at dawn that I am a man of peace and never owned a firearm but they proceeded with the search and left empty-handed.” Ato Arage Added.

Moreover, according to South Wollo zone UDJP chairman Ato Bisrat Abi, the ruling party is on a campaign trail in the area, on a burgeoning run to discredit the UDJP leadership and its members. TPLF cadres have already organized anti UDJP meetings and demonstrations as part of the well planned crack down on dissenting voices in the region.

“Since the recent mass anti TPLF rallies organized in Dessie and Gonder cities, UDJP has been on the rise. The ruling junta’s cadres now have an implacable enemy right under their noses with the potential of bringing down the conjugal dictatorship. Therefore, I see it as normal for the authoritarian and corruption-ridden regime to wage an all-out war on the UDJP.” A respected political analyst who requested anonymity told the Horn Times from Addis Ababa.

Asked if UDJP has any chance of surviving the onslaught with no international support, with western powers still generously endowing the ruling minority junta; turning a blind eye on its undemocratic practices, the elderly analyst said it is up to the people of Ethiopia to rally around the party and its young and energetic leadership.

“Look, we all thought UDJP was hanging on life support system after the loss of its patriotic leaders in Andualem Arage and Natinael Mekonnen. Am astonished by how the current young leaders filled the leadership vacuum and make the party grow from strength to strength. I hope they will keep the momentum, keep the pressure on the junta and get serious violations and abuses such as this one in south Wollo quickly to the media. We are in better times today than yesterday.”
infohorntimes@gmail.com
 

July 27, 2013

ትዝታ ዘ ባንዲራ፤ ጠቅላይ ሚኒስትሩ የዘቀዘቁት ባንዲራ
ትላንት በሙስሊም ኢትዮጵያውያን ተቃውሞ ላይ ኢቲቪ አንድ ግለሰብ የሆነ ነገር ሲያውለበልብ አሳየንናተቃዋሚዎቹ  ለባንዲራ የሚሰጠውን ክብር በማንቋሸሽ የተቀዳደደ ባንዲራ ሲያውለበልቡ ነበር ብሎ አሳየን… 1ኛ … ያ ሰውዬ የተቃዋሚዎቹ ተወካይ ስለመሆኑ ምንም ማስረጃ የለም፡፡ 2ኛ የያዘው ነገር ባንዲራ ስለመሆኑም መለየት አልተቻለኝም… የሆነ ሆኖ… ይቺ ዜና ወሬ ከየት ትዝ እንዳለችኝ እንጃላቷ…  ድጋሚ አትሜያታለሁ….

ጤና ይስጥልጅ ወዳጄ እንዴት አሉልኝ። ጤና ኑሮ ሁሉ አማን ሁሉ ሰላም ነው? የኔ ነገር መቼም ሰሞኑን ሳቀርባቸው የነበሩ አጫጭር ጨዋታዎች ላይ አንድም ግዜ እንኳ ሰላም ሳልልዎት ቀጥታ ወደ ወሬዬ ስገባ “እንዴት ያለው ወሬኛ ወጥቶታል!?” ብለው ሳይታዘቡኝ አይቀሩም። ለዚህ ነው ዛሬም ሌላ ትዝብት ሳይከተለኝ ቀድሜ ሰላምታ ያቀረብኩት። “ምናለ ሁሉ ሰው እንዳተ ከጥፋቱ ቢፀፀት” ይበሉና ያኩሩኝ እንጂ…

እኔ የምልዎ ወዳጄ እኒህ ጠቅላይ ሚኒስትራችን ከዚህ በፊት ባንዲራን “ጨርቅ” ብለውት አስኮርፈውን አልነበር? ከዛ በስንት ግዜው “የባንዲራ ቀን” ብለው አሳውጀው ክብረ በዓል ክብረ በዓል ሲያንበሻብሹን ህዝቡ “በአስራ ምናምን አመታቸውም ቢሆን እንኳን ተፀፀቱ” ብሎ ይቅር ብሏቸው ሲያበቃ፤ አሁን ደግሞ ሰው አያየኝም ብለው ነው መሰል፣ በጎረቤት አገር ኬኒያ ባንዲራውን እንዴት እንዴት እንደዘቀዘቁት ተመለከቱልኝ?

አይዬ… እኚህ ሰውዬ ምን እየነካቸው እንደሆን እንጃ? ጠቅላይ ሚኒስትር ሆነውብኝ እንጂ (አድሮ ቃሪያ ሆኑሳ! ብዬ ብተርትባቸው ደስታዬ ነበር።)

የምር ግን ጠቅላይ ሚኒስትራችን ምን እየነካቸው ነው እንዲህ ህዝባቸው እንደ አይኑ የሚያየውን ነገር ሁላ ማጣጣል እና ማንቋሸሽ የሚቀናቸው። አንዳንድ በነገሩ ብስጭት ያሉ ግለሰቦች ምን እያሉ እንደሚናገሩ ሰምተውልኛል? “አቶ መለስ ልክ እኛን በጠቅላይ ሚኒስትርነት መጠቅለል የጀመሩ ግዜ እርኩስ መንፈስ ደግሞ እርሳቸውን ጠቅሏሏቸዋል!” እያሉ እየተናገሩቸው እኮ ነው።
ባንዲራ የሀገራችን ሰው በጣም የሚያከብረው ትልቅ ዋጋ የሚሰጠው ነገር ነው። (እኔ ራሴ አሁን “ነገር ነው” ስላልኩ ህዝቤን ይቅርታ ጠይቃለሁ።) የኛ ሰው ሲለምን እንኳ “አረ በባንዲራው…” ብሎ ከጠየቀ “የለኝም” አይባልም። በአዲሱ የባንዲራ አዋጅ ሳይከለከል አይቀርም እንጂ፤ ህዝቡ ባንዲራውን ከመውደዱ የተነሳ በሰርጉ፣ በለቅሶው፣ በቤት ምርቃቱ ሁሉ አይለየውም።

በነገራችን ላይ አዲሱን የባንዲራ አዋጅ ጠንቅቀው ያውቁታል? (ይሄኔ በሆድዎ… በየቀኑ አዳዲስ አዋጅ ይወጣልና ስንቱን አውቀዋለሁ? ብለው ሊጠይቁኝ እንደሚችሉ እጠረጥራለሁ።) የምርም ግን አገራችን በኢኮኖሚ እድገት ብቻ ሳይሆን በአዋአጅ እድገትም ከሌሎች አገራት ጋር ስትነፃፀር ታላቅ እመርታ እያሳየች እኮ ነው። የመያድ አዋጅ፣ የሽበርተኞች አዋጅ፣ የመሬት አዋጅ የባንዲራ አዋጅ… የወዘተ አዋጅ… (ይህንን ልብ ያለ አንድ ወዳጄ ምን አለ መሰልዎ…? ይቺ ሀገር ከዚህ በፊት በምን ነበር የምትተዳደረው…? ብሎ ጠይቆናል። አንድ ችኩል መላሽ ታድያ “በግብርና” ብሎ መልሶለታል።
በሰንደቅ አላማው አዋጅ በርካታ ነገሮች ተካተዋል። አብዛኛዎቹ በኮከቧ ለይ ያጠነጠኑ ሲሆኑ፤ በጥቅሉ ግን “ባንዲራን ያዋረደ ይዋረዳል” አይነት ትርጉም አለው።

እና ታድያ ጠቅላይ ሚኒስትሩ፤ አዲሱ አዋጅም ህዝቡም እንዲህ የሚያከብረውን ሰንደቅ እየደጋገሙ ክብሩን ዝቅ ማድረግ ምን ይሉት ፈሊጥ ነው…? ደሞስ ሰሊጥ እንጂ ፈሊት ኤክስፖርት አይደረግ፣ አይለጠለጥ፣ አየሸጥ፣ አይለወጥ…! እውነቴን እኮ ነው በአጉል ፈሊጥ ከህዝብ ጋር ከመቀያየም አራዳ መሆኑ አይሻልም ይላሉ ወዳጄ? ለነገሩ እርድናውስ ከየት ይመጣል? ነገር ግን ቢያንስ ምክር በመስማት አራዳ መሆን ይቻላል።

አረ ጎበዝ፤ ጠቅላይ ሚኒስትሩን መክሮ አራዳ የሚያደርጋቸው፤ አንድ ሰው እንዴት ይጠፋል? አስቲ በቅርብ የምታገኟቸው ከሰሙ በምክር ካልሰሙ በአሽሙር ንገሯቸው፤ ለነፍስ ይሆናችኋል።

እውነቴን እኮ ነው፤ መቼም ጆሮ ለባቤቱ ባዳ ነው። የሳቸውንም ጆሮ ደፍረን ባዳ ነው ባንለው እንኳ ቢያንስ ግን “ያኮረፈ ዘመድ” ከመሆን አያመልጥም እና፤ ስለርሳቸው የሚባለውን በሙሉ አጥርቶ የሚሰማላቸው አልመሰለኝም።

ቢሰሙማ ኖሮ ቢያንስ ትንሽ ትንሽ ጥንቃቄ ያደርጉ ነበር። ይህው ባለፈው ሰሞን አያታቸው፤ የአቶ ዜናዊ አባት የሆኑት አቶ አስረስ ለጣልያን በባንዳነት አገልግለዋል። የሚል በፎቶ የተደገፈ መረጃ በፌስ ቡክ ላይ ተለጥፎ ነበር። ይህንን ተከትሎም ጠቅላይ ሚኒስትሩ በተደጋጋሚ ያሳዩዋቸው ያልተገቡ ባህሪያት ከዛ የተነሳ ነው ብለው የሚጠረጥሩ በርካቶች አስተያየት ሰጪዎች መጥተዋል።

ለምሳሌ ከኤርትራ ጋር ያንን ሁሉ ጦርነት አድርገን ስናበቃ ራሳችን ባሸነፍነው ጦርነት ባድመ ስትሰጥ ዝም ማለታቸው፣ ከዛ በፊትም ቢሆን አሰብን ያህል ወደብ ለመከራከር የሚያስችላቸው በርካታ ታሪካዊ ማስረጃዎች እየነበሩዋቸው “ግመል ውሃ አጠጡበት” ብለው እንደዋዛ መተዋቸው፣ “የአክሱም ሀውልት ለደቡብ ምኑ ነው?” ብለው ህዝብ እና ህዝብን ማራራቃቸው፣ ባንዲራን ጨርቅ ነው ማለታቸው፣ አሁን ደግሞ ይለይላችሁ ብለው፤ ባንዲራውን መዘቅዘቃቸው… ይሄንን ሁሉ ከአያታቸው አቶ አሰረስ ጋር እያያዙት አሁንም ሰውዬው ሀገሪቷን ጥምድ አድርገገው ከያዙ ጥቅመኛ ባንዳዎች ጋር እያመሳሰሏቸው ነው። ቀድሞ ያደረጉትን እንኳ ይሁን ጉርምስናም ጉልምስናም ይዟቸው ነበር ብለን እናስብ…!

ይሄ የሆነው ግን አሁን በቅርቡ ነው። ኬኒያ፣ ደቡብ ሱዳን፣ እና የኛ
ይቱ ኢትዮጵያ ላሙ የተባለ የጋራ ወደብ ለመገንባት ኬኒያ ላይ ተገናኝተው ነበር። እንግዲህ በዚህ ዝግጅት ላይ ነበር ክቡር ጠቅላይ ሚኒስትራችን ክቡሩን ባንዲራ (ለዛውም ኮከብ ያለበትን… ምን ያስቅዎታል?) እውነቴን ነውኮ አዲሱ የባንዲራ አዋጅ “ኮከብ የሌለው ባንዲራ መያዝ ነውር ነው” ብሎናል…! በርግጥ በዛው ልክ ባንዲራውን መዘቅዘቅም ነውር ነው። እርሳቸው ግን ዘቅዝቀው ይዘውታል።

እስከ ዛሬ ድረስ እንደምናውቀው ባንዲራ የሚዘቀዘቀው ወይም የሚቃጠለውና የሚቀደደው በሀገሩ መንግስት ላይ ተቃውሞን ለመግፅ ነበር። ታድያ ጠቅላይ ሚኒስትሩ ህዝቡን ነው የራሳቸውን መንግስት ነው የሚቃወሙት…!?
ልቦና ይስጣቸው ወይም ሌላ የሚወዱት ሀገር እና የሚወዱት ባንዲራ ይስጣቸው ብዬ በአንድ እግሬ ቆሜ እፀልያለሁ! ያግዙኝ ወዳጄ!
በመጨረሻም
“ይሄን ጉድ አየህው?” ብሎ ፎቶግራፉን የላከልኝን የልብ ወዳጄ ሲሳይን አመስግኑልኝ።
ትዝታ ዘ ባንዲራ፤ ጠቅላይ ሚኒስትሩ የዘቀዘቁት ባንዲራ
ትላንት በሙስሊም ኢትዮጵያውያን ተቃውሞ ላይ ኢቲቪ አንድ ግለሰብ የሆነ ነገር ሲያውለበልብ አሳየንናተቃዋሚዎቹ  ለባንዲራ የሚሰጠውን ክብር በማንቋሸሽ የተቀዳደደ ባንዲራ ሲያውለበልቡ ነበር ብሎ አሳየን… 1ኛ … ያ ሰውዬ የተቃዋሚዎቹ ተወካይ ስለመሆኑ ምንም ማስረጃ የለም፡፡ 2ኛ የያዘው ነገር ባንዲራ ስለመሆኑም መለየት አልተቻለኝም… የሆነ ሆኖ… ይቺ ዜና ወሬ ከየት ትዝ እንዳለችኝ እንጃላቷ…  ድጋሚ አትሜያታለሁ….

ጤና ይስጥልጅ ወዳጄ እንዴት አሉልኝ። ጤና ኑሮ ሁሉ አማን ሁሉ ሰላም ነው? የኔ ነገር መቼም ሰሞኑን ሳቀርባቸው የነበሩ አጫጭር ጨዋታዎች ላይ አንድም ግዜ እንኳ ሰላም ሳልልዎት ቀጥታ ወደ ወሬዬ ስገባ “እንዴት ያለው ወሬኛ ወጥቶታል!?” ብለው ሳይታዘቡኝ አይቀሩም። ለዚህ ነው ዛሬም ሌላ ትዝብት ሳይከተለኝ ቀድሜ ሰላምታ ያቀረብኩት። “ምናለ ሁሉ ሰው እንዳተ ከጥፋቱ ቢፀፀት” ይበሉና ያኩሩኝ እንጂ…

እኔ የምልዎ ወዳጄ እኒህ ጠቅላይ ሚኒስትራችን ከዚህ በፊት ባንዲራን “ጨርቅ” ብለውት አስኮርፈውን አልነበር? ከዛ በስንት ግዜው “የባንዲራ ቀን” ብለው አሳውጀው ክብረ በዓል ክብረ በዓል ሲያንበሻብሹን ህዝቡ “በአስራ ምናምን አመታቸውም ቢሆን እንኳን ተፀፀቱ” ብሎ ይቅር ብሏቸው ሲያበቃ፤ አሁን ደግሞ ሰው አያየኝም ብለው ነው መሰል፣ በጎረቤት አገር ኬኒያ ባንዲራውን እንዴት እንዴት እንደዘቀዘቁት ተመለከቱልኝ?

አይዬ… እኚህ ሰውዬ ምን እየነካቸው እንደሆን እንጃ? ጠቅላይ ሚኒስትር ሆነውብኝ እንጂ (አድሮ ቃሪያ ሆኑሳ! ብዬ ብተርትባቸው ደስታዬ ነበር።)

የምር ግን ጠቅላይ ሚኒስትራችን ምን እየነካቸው ነው እንዲህ ህዝባቸው እንደ አይኑ የሚያየውን ነገር ሁላ ማጣጣል እና ማንቋሸሽ የሚቀናቸው። አንዳንድ በነገሩ ብስጭት ያሉ ግለሰቦች ምን እያሉ እንደሚናገሩ ሰምተውልኛል? “አቶ መለስ ልክ እኛን በጠቅላይ ሚኒስትርነት መጠቅለል የጀመሩ ግዜ እርኩስ መንፈስ ደግሞ እርሳቸውን ጠቅሏሏቸዋል!” እያሉ እየተናገሩቸው እኮ ነው።

ባንዲራ የሀገራችን ሰው በጣም የሚያከብረው ትልቅ ዋጋ የሚሰጠው ነገር ነው። (እኔ ራሴ አሁን “ነገር ነው” ስላልኩ ህዝቤን ይቅርታ ጠይቃለሁ።) የኛ ሰው ሲለምን እንኳ “አረ በባንዲራው…” ብሎ ከጠየቀ “የለኝም” አይባልም። በአዲሱ የባንዲራ አዋጅ ሳይከለከል አይቀርም እንጂ፤ ህዝቡ ባንዲራውን ከመውደዱ የተነሳ በሰርጉ፣ በለቅሶው፣ በቤት ምርቃቱ ሁሉ አይለየውም።

በነገራችን ላይ አዲሱን የባንዲራ አዋጅ ጠንቅቀው ያውቁታል? (ይሄኔ በሆድዎ… በየቀኑ አዳዲስ አዋጅ ይወጣልና ስንቱን አውቀዋለሁ? ብለው ሊጠይቁኝ እንደሚችሉ እጠረጥራለሁ።) የምርም ግን አገራችን በኢኮኖሚ እድገት ብቻ ሳይሆን በአዋአጅ እድገትም ከሌሎች አገራት ጋር ስትነፃፀር ታላቅ እመርታ እያሳየች እኮ ነው። የመያድ አዋጅ፣ የሽበርተኞች አዋጅ፣ የመሬት አዋጅ የባንዲራ አዋጅ… የወዘተ አዋጅ… (ይህንን ልብ ያለ አንድ ወዳጄ ምን አለ መሰልዎ…? ይቺ ሀገር ከዚህ በፊት በምን ነበር የምትተዳደረው…? ብሎ ጠይቆናል። አንድ ችኩል መላሽ ታድያ “በግብርና” ብሎ መልሶለታል።

በሰንደቅ አላማው አዋጅ በርካታ ነገሮች ተካተዋል። አብዛኛዎቹ በኮከቧ ለይ ያጠነጠኑ ሲሆኑ፤ በጥቅሉ ግን “ባንዲራን ያዋረደ ይዋረዳል” አይነት ትርጉም አለው።

እና ታድያ ጠቅላይ ሚኒስትሩ፤ አዲሱ አዋጅም ህዝቡም እንዲህ የሚያከብረውን ሰንደቅ እየደጋገሙ ክብሩን ዝቅ ማድረግ ምን ይሉት ፈሊጥ ነው…? ደሞስ ሰሊጥ እንጂ ፈሊት ኤክስፖርት አይደረግ፣ አይለጠለጥ፣ አየሸጥ፣ አይለወጥ…! እውነቴን እኮ ነው በአጉል ፈሊጥ ከህዝብ ጋር ከመቀያየም አራዳ መሆኑ አይሻልም ይላሉ ወዳጄ? ለነገሩ እርድናውስ ከየት ይመጣል? ነገር ግን ቢያንስ ምክር በመስማት አራዳ መሆን ይቻላል።

አረ ጎበዝ፤ ጠቅላይ ሚኒስትሩን መክሮ አራዳ የሚያደርጋቸው፤ አንድ ሰው እንዴት ይጠፋል? አስቲ በቅርብ የምታገኟቸው ከሰሙ በምክር ካልሰሙ በአሽሙር ንገሯቸው፤ ለነፍስ ይሆናችኋል።

እውነቴን እኮ ነው፤ መቼም ጆሮ ለባቤቱ ባዳ ነው። የሳቸውንም ጆሮ ደፍረን ባዳ ነው ባንለው እንኳ ቢያንስ ግን “ያኮረፈ ዘመድ” ከመሆን አያመልጥም እና፤ ስለርሳቸው የሚባለውን በሙሉ አጥርቶ የሚሰማላቸው አልመሰለኝም።

ቢሰሙማ ኖሮ ቢያንስ ትንሽ ትንሽ ጥንቃቄ ያደርጉ ነበር። ይህው ባለፈው ሰሞን አያታቸው፤ የአቶ ዜናዊ አባት የሆኑት አቶ አስረስ ለጣልያን በባንዳነት አገልግለዋል። የሚል በፎቶ የተደገፈ መረጃ በፌስ ቡክ ላይ ተለጥፎ ነበር። ይህንን ተከትሎም ጠቅላይ ሚኒስትሩ በተደጋጋሚ ያሳዩዋቸው ያልተገቡ ባህሪያት ከዛ የተነሳ ነው ብለው የሚጠረጥሩ በርካቶች አስተያየት ሰጪዎች መጥተዋል።

ለምሳሌ ከኤርትራ ጋር ያንን ሁሉ ጦርነት አድርገን ስናበቃ ራሳችን ባሸነፍነው ጦርነት ባድመ ስትሰጥ ዝም ማለታቸው፣ ከዛ በፊትም ቢሆን አሰብን ያህል ወደብ ለመከራከር የሚያስችላቸው በርካታ ታሪካዊ ማስረጃዎች እየነበሩዋቸው “ግመል ውሃ አጠጡበት” ብለው እንደዋዛ መተዋቸው፣ “የአክሱም ሀውልት ለደቡብ ምኑ ነው?” ብለው ህዝብ እና ህዝብን ማራራቃቸው፣ ባንዲራን ጨርቅ ነው ማለታቸው፣ አሁን ደግሞ ይለይላችሁ ብለው፤ ባንዲራውን መዘቅዘቃቸው… ይሄንን ሁሉ ከአያታቸው አቶ አሰረስ ጋር እያያዙት አሁንም ሰውዬው ሀገሪቷን ጥምድ አድርገገው ከያዙ ጥቅመኛ ባንዳዎች ጋር እያመሳሰሏቸው ነው። ቀድሞ ያደረጉትን እንኳ ይሁን ጉርምስናም ጉልምስናም ይዟቸው ነበር ብለን እናስብ…!

ይሄ የሆነው ግን አሁን በቅርቡ ነው። ኬኒያ፣ ደቡብ ሱዳን፣ እና የኛይቱ ኢትዮጵያ ላሙ የተባለ የጋራ ወደብ ለመገንባት ኬኒያ ላይ ተገናኝተው ነበር። እንግዲህ በዚህ ዝግጅት ላይ ነበር ክቡር ጠቅላይ ሚኒስትራችን ክቡሩን ባንዲራ (ለዛውም ኮከብ ያለበትን… ምን ያስቅዎታል?) እውነቴን ነውኮ አዲሱ የባንዲራ አዋጅ “ኮከብ የሌለው ባንዲራ መያዝ ነውር ነው” ብሎናል…! በርግጥ በዛው ልክ ባንዲራውን መዘቅዘቅም ነውር ነው። እርሳቸው ግን ዘቅዝቀው ይዘውታል።

እስከ ዛሬ ድረስ እንደምናውቀው ባንዲራ የሚዘቀዘቀው ወይም የሚቃጠለውና የሚቀደደው በሀገሩ መንግስት ላይ ተቃውሞን ለመግፅ ነበር። ታድያ ጠቅላይ ሚኒስትሩ ህዝቡን ነው የራሳቸውን መንግስት ነው የሚቃወሙት…!?

ልቦና ይስጣቸው ወይም ሌላ የሚወዱት ሀገር እና የሚወዱት ባንዲራ ይስጣቸው ብዬ በአንድ እግሬ ቆሜ እፀልያለሁ! ያግዙኝ ወዳጄ!

በመጨረሻም

“ይሄን ጉድ አየህው?” ብሎ ፎቶግራፉን የላከልኝን የልብ ወዳጄ ሲሳይን አመስግኑልኝ።

አቤ ቶኪቻው http://www.abetokichaw.com/

ግልፅ ደብዳቤ ለጠቅላይ ሚኒስትር ኃ/ማሪያም ደሳለኝ (ዶ/ር ያዕቆብ ኃ/ማሪያም)

የቤኒሻንጉል ተፈናቃዮች አሁንም በችግር ላይ ናቸው” (መኢአድና ሠማያዊ ፓርቲ) ከቤኒሻንጉል ክልል ተፈናቅለው ከነበሩት የአማራ ክልል ተወላጆች ጋር በተያያዘ የክልሉን የስራ ሃላፊዎችና መንግስትን ለመክሰስ….. ሰማያዊ ፓርቲና መላው ኢትዮጵያ አንድነት ድርጅት (መኢአድ) ጥብቅና ያቆሟቸው አለም አቀፍ የህግ ባለሙያው ዶ/ር ያዕቆብ ኃይለማሪያም፤ ለጠቅላይ ሚኒስትር ኃ/ማሪያም ደሳለኝ ግልፅ ደብዳቤ መፃፋቸው ተገለፀ፡፡ ሁለቱ ፓርቲዎች ከትናንት በስቲያ ከሠዓት በኋላ በሠማያዊ ፓርቲ ጽ/ቤት በጋራ በሠጡት መግለጫ፤

ተፈናቃዮቹ አሁንም ችግር ላይ መሆናቸውን፣ ልጆቻቸው ትምህርት ማቋረጣቸውን፤ በሚዲያ እንደሚነገረው ወደ ቀድሞ ኑሯቸው አለመመለሳቸውንና በአጠቃላይ ችግር ላይ መሆናቸውን በማስረጃ በማስደገፍ፣ የጉራፈርዳንና የቤኒሻንጉል ተፈናቃዮችን በማነጋገርና በበርካታ መረጃዎች የተደገፉ ዶክሜንቶችን በማያያዝ ዶ/ር ያዕቆብ ለጠቅላይ ሚኒስትሩ የላኩትን ደብዳቤ የጠቅላይ ሚኒስትሩ ጽ/ቤት ፈርሞ መቀበሉንም ፓርቲዎቹ ገልፀዋል፡፡

የሠማያዊ ፓርቲ ሊቀመንበር ኢ/ር ይልቃል ጌትነት እንደተናገሩት፤ ጠቅላይ ሚኒስትሩ ችግሩን በፓርላማ ቀርበው ማመናቸውን፣ ድርጊቱን ፈፅመዋል የተባሉት የክልልና የወረዳ ስራ አስፈፃሚዎች ከስራ መሰናበታቸውን፣ ተፈናቃዮቹ ወደነበሩበት ተመልሠው በሠላም እየኖሩ እንደሆነ የገለፁ ቢሆንም እውነታው ግን ከዚህ በተቃራኒው መሆኑን ዶ/ር ያዕቆብ ከተፈናቃዮች ጋር በመነጋገር ማረጋገጣቸውን ጠቁመው፣ ጉዳዩ ወደ ፍ/ቤት ከመሄዱ በፊት ጠቅላይ ሚኒስትሩ አፋጣኝ ምላሽ እንዲሠጡ ዶ/ር ያዕቆብ ለጠ/ሚኒስትሩ በላኩት ደብዳቤ አስታውቀዋል፡፡ ዶ/ር ያዕቆብ፤ አፋጣኝ ምላሽ ያሻቸዋል ያሏቸውን አራት ዋና ዋና ነጥቦች በደብዳቤያቸው ላይ ያሰፈሩ ሲሆን ከእነዚህም ውስጥ ተፈናቃዮቹ ወደ ቀድሞ ቦታቸው በመንግስት ወጪ ተመልሠው መሬታቸው፣ የንግድ ተቋሞቻቸውና ቤት ንብረታቸው በአስቸኳይ እንዲመለስላቸው፣ ተፈናቃዮቹ ለደረሰባቸው ቁሳዊ ጉዳት፣ አካላዊና ሞራላዊ እንግልት መንግስት ተመጣጣኝ ካሳ እንዲከፍላቸው የሚመለከታቸውን አካላት እንዲያዝዙ፣ በቤኒሻንጉል የሚኖሩ የማንኛውም ብሄር ተወላጆች ተመሳሳይ ወንጀል እንዳይፈፀምባቸው ጥበቃ እንዲደረግላቸው እና ተዋዶና ተፋቅሮ የሚኖረውን ህዝብ በመከፋፈል የማፈናቀል ድርጊት የፈፀሙ የመንግስት ባለስልጣናት ህግ ፊት ቀርበው ቅጣት እንዲያገኙ ውሳኔ እንዲያሳልፉ የሚሉት ነጥቦች ተቀምጠዋል፡፡

መንግስት ወንጀለኞች ያላቸውን የወረዳ ስራ አስፈፃሚዎች ከስራ ማሠናበቱንና ጉዳያቸው በፍ/ቤት እየታዩ ያለ ባለስልጣናት እንዳሉ፣ ተፈናቃዮቹም ወደ ቀድሞ ህይወታቸው ተመልሠዋል እየተባለ ነው የተፈናቃዮቹን ጉዳይ ለምን በተደጋጋሚ ማንሳት ፈለጋችሁ በሚል ከጋዜጠኞች ለተነሳው ጥያቄ “ኢትዮጵያ ውስጥ ፖለቲከኛ ለመሆን በርካታ ምክንያቶች አሉ” ያሉት ኢ/ር ይልቃል፤ ነገር ግን ተፈናቃዮች አሁንም በችግር ላይ ናቸው ቤት ንብረታቸውን የአካባቢው ባለስልጣናት ተቀራምተውት በክረምት ሜዳ ላይ የወደቁ አሉ፣ በፋሲካ በዓል ቤታቸው የተቃጠለባቸው ተፈናቃዮች አሉ፣ ወደ ቀድሞ ቦታቸው ያልተመለሱትም በርካቶች ናቸው ካሉ በኋላ “ጠበቃችን ዶ/ር ያዕቆብ ይህንን ጉዳይ ከተፈናቃዮቹ በተጨባጭ አረጋግጠዋል” ሲሉም አክለዋል፡፡ የመኢአድ ዋና ፀሀፊ አቶ ተስፋዬ ታሪኩ በበኩላቸው፤ የጉራፈርዳ ተፈናቃዮች በችግር ላይ ለመሆናቸው ጋዜጣዊ መግለጫውን እስከሠጡበት ሰዓት እንኳን መረጃዎች እየደረሷቸው እንደሆነ ገልፀው፣ በጠበቃው ዶ/ር ያዕቆብ በኩል ደብዳቤ መፃፋችን ጉዳዩ በፍ/ቤት እልባት እስኪያገኝ አስቸኳይ መፍትሄ እንዲሠጣቸው ነው ብለዋል፡፡

ችግሩ መቆም ያልቻለው ከመረጃ እጥረት ይሆናል በሚል ምን ያህል ሰዎች በችግር ላይ እንዳሉ፣ ቤት ንብረታቸውን ቆጥረው የተመዘገቡበት መረጃ ከየምርጫ ጣቢያው የወሠዱትን ካርድ መልሠውና ንብረታቸውን አስመዝግበው እንዲወጡ በሀላፊዎች ፊርማና በመንግስት ማህተም የታዘዙበት ደብዳቤና በርካታ ዶክሜንቶችን ለጠቅላይ ሚኒስትሩ ከደብዳቤው ጋር አያይዘው መላካቸውም ተገልጿል፡፡ ጠቅላይ ሚኒስትሩ የአገሪቱ መሪ እንደመሆናቸው ችግሩንም በፓርላማ ቀርበው ማመናቸው እንደ ማስረጃ ተቆጥሮ የአገሪቱ የስራ አስፈፃሚ ከፍተኛ አካል በመሆናቸው ስለሚከሰሱ “መረጃው የለኝም አላየሁም” እንዳይሉ ታስቦ፣ ዶክሜንቱ እንደተላከላቸውም በፓርቲዎቹ ተገልጿል፡፡ ወደ ክስ ከሄዳችሁ ደብዳቤው ለምን አስፈለገ? ጠ/ሚኒስትሩ ምላሽ ከሠጡስ ክሱ ይቆማል ተብሎ ከጋዜጠኞች ለተነሳው ጥያቄ “ችግሮች መፍትሄ ካገኙ ክሱ ቀድሞውኑ ለምን ያስፈልጋል” ያሉት ኢ/ር ይልቃል፤ “መንግስት ይህን ወንጀል የፈፀሙትን አስሬያለሁ ከስራ አሠናብቻለሁ” የሚለው ጉዳዩ አለም አቀፍ ስለሆነበት ውጥረቱን ለማርገብ ነው ብለዋል፡፡ ምላሽ ካላገኛችሁ በትክክል ክስ መቼ ትጀምራላችሁ ለሚለውም፤ ወንጀሉ የይርጋ ጊዜ ስለሌለው ዶ/ር ያዕቆብ ለህክምና ከሄዱበት አሜሪካ ሲመለሱ ይጀመራል፣ በአገር ውስጥ ፍ/ቤት ካልተሳካ ጉዳዩ ወደ አለም አቀፍ ፍርድ ቤቶች ያመራል ብለዋል – የመኢአድ ዋና ፀሀፊ አቶ ተስፋዬ ታሪኩ፡፡ እስካሁንም በጉራፈርዳ ከሚኖሩ 78ሺህ የአማራ ተወላጆች መካከል 21ሺህ ያህሉ መፈናቀላቸውንና በቤኒሻንጉልም ከአምስት ሺህ በላይ ተፈናቃዮች አፋጣኝ መፍትሔ እንደሚሹ የፓርቲው አመራሮች ተናግረዋል፡፡

ሰበር ዜና፣ የአንድነት ፓርቲ አመራሮች ቤት በፖሊሶች እየተበረበረ ነው

July 27, 2013

ብርበራው ቀኑን ሙሉ እንደሚደረግ ታውቋል

በደቡብ ወሎ ዞን በሀይቅ ከተማ የሚገኙ የአንድነት ፓርቲ አመራሮችና አባላት ቤት ላይ ዛሬ ከማለዳው 12 ሰዓት ጀምሮ ብርበራ እንደተጀመረ የዞኑ የአንድነት ፓርቲ አመራሮች ለፍኖተ ነፃነት አስታወቁ፡፡

የአንድነት ፓርቲ የወረባቡ ወረዳ ሰብሳቢ አቶ እድሪስ ሰኢድ ለፍኖተ ነፃነት እንዳስታወቁት ዛሬ ከማለዳው 12 ሰዓት ጀምሮ “የጦር መሳሪያ ሰውራችኋል” በሚል ፖሊሶችና ሚኒሻዎች በሀይቅ ከተማ ባሉ ከ16 በላይ በሚሆኑ የአንድነት ፓርቲ አመራሮችና አባላት መኖሪያ ቤት ውስጥ ብርበራ አካሂደዋል፡፡ ብርበራው ከተካሄደባቸው አመራሮች መሀከል አንዱ የሆኑት የወረዳው የአንድነት ፓርቲ የፋይናንስ ኃላፊ አቶ አራጌ ሑሴን ለሪፖርተራችን እንደገለፁት 5 ፖሊሶችና 1 ሚሊሻ ከማለዳው 12 ሰዓት ጀምረው መኖሪያ ቤታቸውን ፈትሸዋል፡፡ አቶ አራጌ ሁሴን አክለውም “እኔ ሰላማዊ ሰው ነኝ ምንም አታገኙም አልኳቸው፤እንዳልኩትም 2 ሰዓት የፈጀ ብርበራ አድርገውም አንዳች ሳያገኙ ወጥተዋል” በማለት ገልፀዋል፡፡

“ብርበራው መንግስት በአንድነት አባላት ቤት ውስጥ የጦር መሳሪያ አገኘሁ በሚል የተለመደ ድራማ ለመስራት እንደተዘጋጀ የሚያስረዳ ነው” ያሉት የአንድነት ፓርቲ የደቡብ ወሎ ዞን ሰብሳቢ አቶ ብስራት አቢ ኢህአዴግ የደቡብ ወሎ ህዝብ በግዳጅ አንድነት ፓርቲን እንዲያወግዝ በተለያዩ ከተሞች ስብሰባና ሰላማዊ ሰልፎችን እንደጠራ አስረድተዋል፡፡ በአንድነት አባላት ቤት የሚደረገው ብርበራ እስከ ምሽት ሊቀጥል እንደሚችልም ለፍኖተ ነፃነት የደረሱ መረጃዎች አመላክተዋል፡፡

Semehal Meles Zenawi, the daughter of the late Ethiopian Prime Minister Meles Zenawi, has deposited $5 billion in one of the banks in New York.

July 26, 2013

የመለስ ዜናዊ የመጀመሪያ ልጅ ሰመሃል መለስ ኒው ዮርክ ውስጥ በሚገኝ አንድ ባንክ ውስጥ 5 ቢሊዮን ዶላር በ2011 ኣስገብታለች። ይህን ያሉት እንግሊዝ አገር እሚገኙት ምሁር እና የመንግስት ተቃዋሚ የሆኑት ዶክተር ወንድሙ መኮንን ናቸው። ዶክተር ወንድሙ የቼኩን ኮፒ አያይዘው ለእንግሊዝ ፓርላማ ሃውስ ኦፍ ኮመንስ አቅርበዋል።

.Semehal Meles Zenawi, the daughter of the late Ethiopian Prime Minister Meles Zenawi, “has deposited $5 billion in one of the banks in New York”, said Dr. Wondimu Mekonnen, an academic and opposition figure, during a recent presentation at the House of Commons in the U.K.

Semehal Meles Zenawi, the daughter of the late Ethiopian Prime Minister Meles Zenawi

Wondimu also showed and distributed to the members of the House who attended his presentation, what he called a “copy of the cheque of the money” she lodged.

 

Celebrity Net Worth site said Meles Zenawi got a net worth of $3 billion. What a shame! That is wrong guys. Absolutely wrong. I have got a copy of a cheque signed by Semhal Meles Zenawi, the daughter of Meles Zenawi himself, depositing in one of the New York banks $5 billion. I have got and I will give you the copy. Don’t ask me how it came in to our possession but that is a fact.

Wondimu further said ”I think, Celebrity Net Worth, got it entirely all wrong. If that was the case, how come, a check in the name of his elder daughter Semhal Meles Zenawi, for US5 billion was deposited into a bank in New York? We will leave the investigation to Department of Fraud and Money Laundering Investigation of the United States”.In the 10 minute presentation, also posted on Youtube, Wondimu extensively discussed the prevalent corruption in Ethiopia and how the ruling Front is in the core of the corruption scandal titling it “legally corrupt”.

 

Concluding his speech, Wondimu said

Ethiopians are determined to get rid of these human rights abusers. All we ask the United Kingdom and United States is not stand on our way, by financing and sustaining it to exist. A regime that terrorises its people cannot be an ally against terrorism. I know that, the Ethiopian Regime is playing the Chinese card. This is black-mailing. Just abandon it. Trust us. It will collapse. If you, particularly the British Government, take the right action now, you will remain with friends and trustworthy allies forever – the people of Ethiopia. 

You can read http://debirhan.com/?p=1938

 

ታሪኩ ተፅፏል! (ድምፃችን ይሰማ)

July 27, 2013

ጆሮ ያለው ይሰማል! አይን ያለው ይመለከታል! ጆሮ ኖሮት የማይሰማ፣ ዓይን ኖሮት የማይመለከትስ?

የኢቴቪ ከ‹‹ጥቂቶች›› ወደ ‹‹የተወሰኑ›› የቃል ሽግግር!

እያንዳንዷ ጁምአ ለኢትዮጵያ ሙስሊሞች ታሪክ የሚጻፍባት ገጽ ከሆነች ቆይታለች። ጁምአ የፍትሕ፣ የነጻነትና የህዝብ ድምጽ ቀን ናት ለእኛ። የዛሬዋ ጁምአ ደግሞ በበኩሏ ታሪካዊ ሆና ውላለች። እጅግ ከፍተኛ ቁጥር ያለው ህዝብ በአለም አቀፍ ደረጃ አገሪቱ ውስጥ እየተፈጸመ ላለው የሃይማኖት ጭቆና ድምጹን አሰምቷል። ዛሬ በታሪክ ለመጀመሪያ ጊዜ በተጠራው አለም አቀፍ ተቃውሞ በመላው አለም የሚገኙ ኢትዮጵያውያን ሙስሊሞች እለቱን ስለ ፍትህ በመጣራት ሲያሳልፉት ውለዋል፡፡

በኢትዮጵያ ያለው የሃይማኖት ነጻነት እጦት፣ ተደጋጋሚ ፖለቲካዊ ክሶችና እስሮች፣ ሙስሊሞች ላይ እየተፈጸመ ያለው የሰብአዊ መብት ረገጣ፣ የህገ መንግስት ጥሰት፣ የመስጊድ ቅሚያ እና መታሸግ፣ በመንግስት ሚዲያዎች ሙስሊሞች ላይ የሚሰነዘረው የፕሮፖጋንዳ ጦርነት፣ የመሪዎቻችን እስርና ወዘተ የመብት ጥሰቶችን በአንድ አንደበት ግን በተለያዩ አሕጉራት ሆኖ ለመቃወም የተጠራው የዛሬው ተቃውሞ እጅግ ባማረና ባስደነቀ ትእይንቶች ታጅቦ ተካሄዷል፡፡ በዚህ ሪፖርታዣችን በአገር ውስጥ ብቻ የተካሄዱትን የተቃውሞ መርሐ ግብሮች አፈጻጸም የምናስቃኛችሁ ሲሆን በነገው ሪፖርታዣችን ከአገር ውጪ የተካሄዱትንና ዛሬ ምሽት እንዲሁም ነገ ቀጥለው የሚካሄዱትን የቤት ውስጥና ከቤት ውጪ ተቃውሞዎች ሙሉ ዘገባ እናቀርባለን፡፡

አዲስ አበባ ገና ከማለዳው ነበር የተለመደ መንገዳቸውን ትተው ወደ ፒያሳው ኑር መስጂድ በሚፈሱ ሙስሊሞች መሞላት የጀመረው፡፡ ለወትሮው በአንዋር መስጂድ ጁምአን ለመፈጸም የሚሄደው ሙስሊም ህብረተሰብ በሚሊዮን ሆኖ የተቃጠረበትን ኑር መስጂድን በማሰብ ነበር ወደ ኑር መስጂድ የነጎደው፡፡ ኑር መስጂድ ከመርካቶ፣ ቦሌ፣ ልደታ ካዛንቺስ እና ፒያሳ አቅጣጫ የሚመጡ ሙስሊሞች ለመሞላት የጁምአ ሰላት መድረስ እንኳ አላስፈለገውም ነበር፡፡ ገና በጊዜ መስጂዱ ሞልቶ ጎዳና ላይ መፍሰስ የጀመረው ሙስሊም በፒያሳ፣ ተ/ሃይማኖት እና አንዋር መስጂድ አቅጣጫ መፍሰሱን ተያያዘው፡፡ ሕዝቡ እንደጉድ ይመጣል፤ ጎዳናውም መሙላቱን ቀጥላል፡፡ ከጁምአ ሁለተኛ አዛን በፊት ወደ ተ/ሃይማኖት የወረደው ሙስሊም በላይ ዋናውን ጎዳና ለመዳረስ ጥቂት ቀርቶት ነበር፡፡

የጁምአ ሰላት እንደተጠናቀቀም ሁሉም በየፊናው የያዘውን መፈክር ከፍ በማድረግ ‹‹አላሁ አክበር›› በማለትና አላህን በማተለቅ ተቃውሞውን አሀዱ አለ፡፡ አንድ ሁለት እያሉ መፈክሮች ተከተሉ፡፡ የአካባቢው ድባብም ተቀየረ፡፡ መብቱ የተነካው ሙስሊም ‹‹ኢ-ፍትሃዊነትን የምሸከምበት ትከሻ የለኝም!›› በማለት እየተፈጸመበት ያለው በደል እንዲያከትም፣ የመንግስት ያልተገደበ ጣልቃ ገብነት እንዲያበቃ ደጋግሞ በመፈክሩ አስተጋባ፡፡ ደቂቃዎች እየነጎዱ፣ ጾመኛ የሆነው ሕዝብ ሀይልና ወኔ ግን እየጨመረ ነበር የሄደው – እስከ ተቃውሞው መጠናቀቂያ ወቅት ድረስ፡፡ ሙስሊሙ ተቃውሞውን አጠናቆም ዱአውን በማስከተል ወደየአካባቢው መመለስ ጀመረ፡፡ በአካባቢው የነበረው ሕዝብ ብዛት በታሪክ ያልታየና አካባቢውም ሆነ ኑር መስጂድ አስተናግዶት የማያውቅ እንደነበርም በብዙ የአይን እማኞች ምስክርነት ተሰጥቶታል፡፡ የአዲስ አበባውን የኑር መስጂድ ተቃውሞ ለታደመ መንግስት ባለበት ሃገር ዳግም ህዝባዊ ተቃውሞ መጥራት እንደማያስፈልግ ይረዳል። የህዝብ ሃላፊነት ድምፁን ማሰማቱ፣ የመንግስት ግዴታው ደግሞ የህዝቡን ድምፅ ማድመጡ ነውና። መቶ ሺዎች በአዲስ አበባ ብቻ ሲጠሩት ያልሰማ መንግስት የቱን ሃላፊነት በመወጣት ላይ ይሆን? ህዝብስ መብቱን እንዴት እንዲጠይቀው እየገፋፋ ይሆን?

በህብረተሰብ ስብጥር እና በማህበረ ፖለቲካው ረገድ ትልቅ ግምት የሚሰጣት ሻሸመኔ በልዩ ትኩረት የምትታይ ነች። በዚህች ከተማ የሚኖር መልካምም ሆነ መጥፎ ተሞክሮ እጅግ በርካታ በሆኑ የከተማና የገጠር ቀበሌዎች ላይ ቀጥተኛ ተፅእኖ አለው። እናም ሻሸመኔዎች ድምፃቸውን የወታደር ከበባ ጥሰው ሲያሰሙ የሃይል እርምጃ ፈፅሞ እንደማያዋጣ እና መዘዙም የከፋ መሆኑን በዙሪያቸው ባሉ ከተሞችና ቀበሌዎች ስም እያስደመጡ ነበር። በከተማዋ አል ሂከም መስጂድ ዛሬ የተደረገውን ተቃውሞ ተከትሎ ፌደራል ፖሊሶች መሰጂዱን ከበውት የቆዩ ሲሆን ህዝበ ሙስሊሙ ያካሄደው ሰላማዊ ተቃውሞ ከተጠናቀቀ በኋላ መስጂዱን ለቆ ለመውጣት ሳይችል ቀርቷል፡፡ ወደ ቤቱ ለመመለስ የሚወጣውንም ሕዝብ ፖሊስ ሲያፍን የነበረ በመሆኑ ሙስሊሙ እስከ አስር ሰላት ድረስ በመስጂዱ ለመቆየት ተገዷል፡፡ ከአስር ሰላት መጠናቀቅ በኋላ ህዝበ ሙስሊሙ በጋራ በመሆን ከመስጂድ ቢወጣም ፖሊስ ግለሰቦችን ነጥሎ ያስር እንደነበር የአይን እማኞች ገልጸዋል፡፡

በሂላል መስጂድ የተሰባሰቡ የአጋሮ ከተማ ሙስሊሞች አንደባለፈው ሳምንት ተቃውሞውን ለሴቶች ብቻ ከመተው ይልቅ በወንዶች በኩል የሳምንቱን በደል ለመካስ ሲሰባሰቡ ሴቶች ማንም ዝም ቢል ዝም ላይሉና ታሪክ ለመድገም ቃል ተግባብተዉ ነበር የመጡት፡፡ ዉጤቱ ወንዶች በደላቸዉን ሲክሱ ሴቶችም ወንዶችን አንድ እርምጃ በመቅደም በጀግንነት መዝገባቸዉ ላይ ስማቸዉን በደማቅ ቀለም ለሁለተኛ ግዜ አስመዝግበዋል፡፡ የመንግስት ኢማሞች ሕዝቡን ለማስፈራራት ቢሞክሩም ‹‹መብቴን ተነጥቄ ዝም አልልም›› ያለው የአጋሮ ሕዝብ ከሰላት መጠናቀቅ በኋላ በተክቢራ የጀመረውን ተቃውሞ በሌሎች መፈክሮች ታጅቦ በሰላም አጠናቆታል፡፡ የአጋሮ ድምፆች በመላው ሀገሪቱ የተሰሙ የመብት ጥያቄ ድምፆችን ተቀላቅለው ኢትዮጵያዊ ህብር ሰርተው ከተማው ደምቆ ውሏል።

በኦሮሚያዋ መቱ የነበረው የተቃውሞ ትእይንትም ልዩና የአገሬው ሕዝብ በሌሎች የአገሪቱ ክልሎች እንደሚገኙት ሙስሊሞች ፍትህ መነጠቁን የመሰከረበትና ለፍትህ እንደሚሟገት ያሳየበት ነበር፡፡ በከተማዋ ዋና መስጂድ ነጃሺ የተገኘው በርካታ ሕዝብ በእልህና በንዴት በተናጠ ገጽታ መሪዎቻችን እንዲፈቱ፣ መንግስት ሕገ መንግስቱን እንዲያከብር፣ ሙስሊሞችን መጨቆን እንዲያቆም ጠይቋል፡፡ በመቱ የነበረው ተቃውሞም የኢትዮጵያውያን ሙስሊሞች ድምፅ ሃገራዊ ጥሪ መሆኑን ለሚያስተባብሉ ሁሉ ተግባራዊ ምላሽ የሰጠ ደማቅ ተቃውሞ ነበር።

በደሌም ታላቅ ተቃውሞ አስተናግዳ ነበር፡፡ የኢሊባቡር ዞኗ በደሌ በረህማ መስጂድ ሲሆን በበደሌ ከተማ እስከዛሬ ታይቶ በማይታወቅ ሁኔታ እጅግ በጣም ብዛት ያላቸው በብዙ ሺዎች የሚቆጠሩ ሙስሊሞች ሰላማዊ ተቃውሞ አከናውነዋል፡፡ የዛሬው የበደሌ ተቃውሞ የተለያዩ መፈክሮች የተስተጋቡበት ሲሆን፤ ከግማሽ ሰዓታት በላይም ቆይቷል – እንደ ዘገባዎች፡፡ በኢሊባቡር ዞን በምትገኘውና ከበደሌ ከተማ 36 ኪ.ሜ ርቀት ላይ በምትገኘው ጮራ ከተማ ከረጅም ጊዜ ዝምታ በኋላ ተቃውሞ ተካሂዶባታል፡፡ የድምጽ ተቃውሞ በተካሄደባት በጮራ ከተማ ትዕይንቱ በሁለት ቀበሌዎች በሚገኙ በፈትህ እና በኑር መስጂዶች መካሄዱን ዘገባዎች አመልክተዋል፡፡

በኢሊባቦር ዞን በገቺ ከተማም እንዲሁ ከጁምአ ሰላት በኋላ ከባድ ተቃውሞ ተደርጓል:: የገቺ ከተማ ህዝበ ሙስሊም ተቃውሞውን እንዲያቆም የከተማው የፀጥታ ቢሮ ሃላፊዎች የከተማውን ሽማግሌዎች እና የከተማዋን ህዝብ ለያይተው ስብሰባ በመጥራት ማስፈራራታቸው የሚታወስ ሲሆን በዛሬው ጁምአ ግን ማስፈራሪያው ቦታ እንደሌለው በተግባር አሳይተዋል፡፡ በከተማዋ የፀጥታ ቢሮ ሃላፊዎች የተደረገው ማስፈራራት ሳይበግረው የገቺ ከተማ ህዝበ ሙስሊም እልህ እና ወኔ በተሞላበት ሁኔታ ከበፊቱ ይበልጥ በነቂስ በመውጣት ድምፁን ሲያሰማ መዋሉን ምንጮቻችን ዘግበዋል፡፡ የጁምአ ሰላት ከመሰገዱ በፊትም ለኮሚቴዎቻችን ዱአ የተደረገ ሲሆን በመስጂዱ የተገኘው ህዝበ ሙስሊምም በለቅሶ እና በእምባ ‹‹አሚን›› ሲል እንደነበር ተሰምቷል፡፡ በተካሄደው ተቃውሞ የሴቶች ተሳትፎ ከፍተኛ የነበረ ሲሆን የተለያዩ መፈክሮችም ተብለዋል፡፡

ጅማዎች በፖሊስ ተከበው በዋሉበት በዛሬው ጁምአ የፈጸሙት ጀግንነት በቃላት ብቻ የሚገለጽ አይደለም፡፡ በከተማዋ ፈትህ መስጂድ ከረፋዱ ጀምሮ ከቧቸው የነበረውን ታጣቂ ሀይል ሳይሰጉ ወደ መስጂድ አል ፈትህ ያመሩት ጅማዎች የሰላት መጠናቀቅን ተከትሎ በነፍስ ወከፍ ያዘጋጁትን መፈክር ከፍ አድርገው የድምጽ ተቃውሞአቸውን ጀመሩ፡፡ ‹‹ድምጻችን ይሰማ!›› ከሚለው መፈክር ተነስተው ‹‹አሻእቡ ዩሪድ ኢስቃጠል መጅሊስ›› የሚለውን መፈክር አቋርጠው ለታሳሪ ኮሚቴዎቻችን ጥብቅና እንደሚቆሙ ከፍ ባለ ድምጽ መስክረዋል፡፡ ‹‹መብትን በማሰር መንጠቅ አይቻልም!›› እያሉም ለመንግስት ግልጽ መልእክታቸውን አስተላልፈዋል፡፡ የጅማ የመብት ታጋዮች የእነሱን፣ በዙሪያቸው ያሉ ከተማ እና ገጠር ቀበሌዎችን ድምፅ ይዘው ሲወጡ ድምፃቸው ሃገራዊውን ተቃውሞ በሚደንቅ ውበት ተቀላቅሎ ውሏል።

ብዙዎች ‹‹ያልተጠበቀ ጀግንነት ነው›› ያሉት የወልቂጤው አስደማሚ ተቃውሞ ደግሞ እጅግ ውጥረት በሞላበትና የጦር ቀጠና በመሰለ ከባቢ ውስጥ በድምቀት ተካሂዷል። ወልቂጤዎች በዲናቸው የማይደራደሩ መሆናቸውን ለሚያውቅ ግን ‹‹ታሪክ ራሱን ደገመ›› እንጂ ሌላ አይልም፡፡ ውጥረት ነግሶበት የተከናወነው የወልቂጤው ተቃውሞ ባልተጠበቀው የህዝብ ማዕበል የበድረዲን መስጂድ ሜዳ በከተማው ሙስሊም ተጨናንቆ የጁመዓን አለም አቀፍ ተቃውሞ በከፍተኛ ድምቀት አከናውኗል፡፡ የጁመዓ ሰላት እንደተጠናቀቀ በተክቢራ የደመቀው በድረዲን መስጂድ ወዲያው ነበር ከፍተኛ ቁጥር ባላቸው ልዩ ሀይሎችና ፖሊሶች የተከበበው፡፡ ከበባውን ተከትሎ የተቃውሞው ድምፅ ከመቼው ጊዜ በበለጠ ከፍ ብሎ መሰማት ቀጠለ፡፡ ‹‹ጥያቄው ይመለስ!››፣ ‹‹ኮሚቴው ይፈታ!››፣ ‹‹ድምጻችን ይሰማ!››፣ ‹‹በአቋማችን እንፀናለን!›› እና ሌሎች መፈክሮች ተስተጋቡ፡፡ በስተመጨረሻ ህዝቡ ተቃውሞውን አጠናቆ አካባቢውን ከበውት የነበሩትን ልዩ ሀይሎችና ፖሊሶችን በመሀል ሰንጥቆ በማለፍ ከመስጂዱ ወጥቷል፡፡ ሆኖም ወደ 10 የሚጠጉ ሙስሊሞች መታሰራቸው የተሰማ ሲሆን ከፊሎቹም ድብደባ እንደተፈጸመባቸው ተዘግቧል፡፡

ምእራብ አርሲ ዞን ዶዶላ ወረዳ በዶዶላ ወረዳ ስር በሚገኘው ሄረሮ ከተማ በሦስት መስጂዶች ዛሬ ከጁምዓ ሰላት በኋላ ከፍተኛ የሆነ የድምፅ ተቃውሞ መደረጉና በሰላም መጠናቀቁም ተነግሯል፡፡ ተቃውሞው የተደረገው በኡሙ ቱርኪ ትልቁ መስጊድ፣ በቢላል መስጊድና በሳፊ መስጊድ ሲሆን በተቃውሞው ላይ ጎልተው ከተሰሙት መፈክሮች መካከል ‹‹አላሁ አክበር!››፣ ‹‹ድምፃችን ይሰማ!››፣ ‹‹ኮሚቴው ይፈታ!››፣ ‹‹መጅሊስ አይወክለንም!››፣ ‹‹ድራማው ይብቃ!››፣ ‹‹ህገ-መንግስቱ ይከበር!›› እና የመሳሰሉት ይገኙበታል፡፡ ሕዝቡ በተያዘው መርሀ ግብር መሰረት ተቃውሞውን አሰምቶም በሰላም ወደ መጣበት ተመልሷል፡፡

የሰሞኑ የፓሊስ እስር፣ ፍተሻ፣ ማስፈራራት፣ ዘመቻ እና የመንግስታዊው እስልምና ተከታታይ ፕሮፓጋንዳ ያልገደበው የወራቤ ሙስሊም የተቃውሞ መርሃ ግብሩን በብቃት አሳክቶ በድል ወደቤቱ ተመልሷል፡፡ በወራቤው ተቃውሞ ህጻን፣ አዋቂ፣ ሴት፣ ወንድ ሳይለይ በጋራ ‹‹ፍትህ ይከበር!›› ድምጹን ያስተጋባ ሲሆን የአካባቢው አስተዳደሮችም ሁከት በመፍጠር የተወሰኑ ሙስሊሞችን ለመያዝ ጥረት ሲያደርጉ ነበር፡፡ ነቀምቴዎችም በአለም አቀፉ የሙስሊም ኢትዮጵያውያን ተቃውሞ እለት ከቀሪው ኢትዮጵያዊ ጋር በዱዓ ተቃውሞ ተቀላቅለዋል። ከእነዚህ ከተጠቀሱት ከተሞች በተጨማሪ በሌሎች በርካታ ከተሞች ከበር መልስ የዱአ እና የመሰባሰብ ተቃውሞዎች ተደርገዋል፡፡

ይህ ህዝብ ድምጹን እንክን የለሽ በሆነና በሰለጠነ ሰላማዊ መንገድ እያሰማ ቢሆንም እስካሁንም ግን በመንግስት ባለስልጣናት ‹‹ጥቂት›› እየተባለ ከመሸርደድ፣ ‹‹አክራሪ›› እየተባለ ከመሸንቆጥ አለማለፉ ለብዙዎች የሚያሳዝናቸው እውነታ ሆኗል። ‹‹ጥቂት›› የሚለው ቃል ሌላ አዲስ ትርጉም የተበጀለት ይመስላል። በቀበሌ ካድሬዎች ማስፈራሪያ ተገደው ለሰልፍ የሚወጡ አንድ እፍኝ የማይሞሉ ሰዎችን ‹‹የእገሌ ከተማ ሙስሊም ህዝብ›› እያለ የሚያጭበረብረው ኢቲቪ የአዲስ አበባንና የሌሎች ከተሞችን ጎዳናዎች ሞልተው የፈሰሱና በየሳምንቱ ድምጻቸውን የሚያሰሙ ሚሊዮኖችን ግን ‹‹ጥቂት አክራሪዎች›› ለማለት አያመነታም። ዛሬ ደግሞ ይሄ ቃል ‹‹የተወሰኑ›› ወደሚል ቃል ተለውጦ አይተነዋል፡፡

መንግስት ሁለት አመት ሙሉ የሄደበትን የሀሰት አዘጋገብ በመከተል ሕዝቡን የተወሰነ ከማለቱ በተጨማሪ ሕዝበ ሙስሊሙን በጸረ ሰላምነትና ኢትዮጵያዊነት የማይሰማቸው ዜጎች አድርጎ ለማቅረብ ጥረት አድርጓል፡፡ ዛሬ በአንዋር መስጂድ የተቃውሞ ፕሮግራም ያልነበረ ቢሆንም የተቃውሞ ፕሮግራም እንደነበርና ሰላማዊው ህዝብ የመንግስትን ንብረት አወደመ ብሎ እጅግ አሳፋሪ ዜና ለሕዝቡ አቅርቧል፡፡ ምንም እንኳ የኢትዮጵያ ሕዝብ በዚህ መሰሉ የሀሰት ዜና የማይደለል ቢሆንም መንግስት እውነታውን ከማውራት ይልቅ በዚህ አይነቱ ‹‹አልሰማም አላይም›› ሁኔታ መቀጠሉ እንደ አገሪቱ ዜግነታችን በጣም ያሳስበናል፡፡ አንድ መንግስት የህዝቡን ልብ ትርታ በትክክል ለማዳመጥ ከዚህ የተሻለ ምን እድል ሊያገኝ ይችላል? የህዝበ ሙስሊሙን ፍላጎት በትክክል ለማወቅስ ከዚህ የተሻለ አጋጣሚ ይኖር ይሆን?

አዎን! የዛሬዋም ጁምአ ‹‹ህዝብን ማሸነፍ አይቻልም!›› የሚል መልእክቷን ነው ያስተላለፈችው! እናም ህዝብን ማሸነፍ አይቻልምና በከንቱ አትድከሙ። የሃይል እርምጃም ሆነ የግዳጅ ጠመቃ እንዳላዋጡ ለማየት የዛሬውን ተቃውሞ ብቻ ማየት ይበቃል። አዎን! እኛ ለምትወስዱብን የሃይል እርምጃ ምንዳችንን አናጣውም… ትግላችን ለፍትህና ለነጻነት እሴቶች ነውና! እናንተ ሰላማውያንን በመደብደብና በመግደል እያጣችሁት ያለው ተቀባይነትና እያተረፋችሁት ያለውን የህዝብ ቁጣ ግን በምን ታካክሱት ይሆን!?

አላሁ አክበር!

በቅርቡ በኦሮሞ ወንድሞቻችን ላይ የተፈጸመዉ ሰቆቃ ሊቆጨን፤ ሊያንገበግበንና ሊያስተባብረን ይገባል

የተባበሩት መንግስታት ድርጅት አለምአቀፋዊ የሰብዓዊ መብቶች ድንጋጌ አንቀጽ ዘጠኝ፤ አንቀጽ አስርና አንቀጽ አስራ አንድ የማንኛዉም አገር ዜጋ ያለ አግባብ መታሰር እንደሌለበት፤ በወንጀል ተጠርጥሮ የሚታሰር የማንም አገር ዜጋ በአስቸኳይ ፍርድ ቤት መቅረብ እንዳለበትና የፍርድ ቤቱ ሂደት አስከተፈጸመ ድርስ ደግሞ የተጠርጣሪዉ ዜጋ ንጽህና የተረጋገጠ መሆን እንዳለበት ይደነግጋል። በዚሁ የተመድ አለምአቀፋዊ ሰብዓዊ መብቶች ጥበቃ ድንጋጌ ሰነድ ላይ ተመስርቶ የተጻፈዉ የ1994ቱ የኢትዮጵያ ህገመንግሰት አንቀጽ 17 ንዑስ አንቀጽ ሁለት ደግሞ ማንም ዜጋ ያለ አግባብ መታሰር እንደሌለበት፤ ማንም ዜጋ ከፍርድ ቤት ትዕዛዝ ዉጭ መታሰር እንደሌለበትና በፍርድ ቤት ትዕዛዝ የታሰረ ዜጋም ቢሆን በአስቸኳይ ፍርድ ቤት መቅረብ እንዳለበት በግልጽ ይደነግጋል። ኢትዮጵያ ደግሞ የተመድ የሰብዓዊ መብቶች ድንጋጌ ያረቀቀችና ያጸደቀች አገር ብቻ ሳትሆን ከሃምሳ አንዱ የተመድ መስራች አገሮች ዉስጥ አንዷ ናት።

የ17 አመት የጫካ ዉስጥ ትግል ያካሄደዉና በ1983 ዓም አዲስ አበባ ገብቶ ላለፉት ሃያ ሁለት አመታት የኢትዮጵያን በትረ ስልጣን ጨብጦ የያዘዉ ህወሃት ኢትዮጵያ በፊርማዋ ያፀደቀችዉን የተመድን አለምአቀፋዊ የሰብዓዊ መብቶች ድንጋጌም ሆነ እሱ እራሱ አርቅቆ የጻፈዉን የኢትዮጵያ ህገመንግስት ማክበር ቀርቶ የሰነዶቹ ምንነት በዉል የጋባዉ ድርጅት አይደለም። ህወሀት የተወለደዉና ጥርሱን ነቅሎ ያደገዉ ጫካ ዉስጥ ሲሆን ዛሬም ከ22 አመታት የከተማ ዉስጥ ቆይታዉ በኋላ ኢትዮጵያን ያክል ትልቅ አገር የሚያስተዳድረዉ በዚያዉ ተወልዶ ባደገበትና በተካነዉ የጫካ ዉስጥ ህግ ነዉ። ህወሀትን ይዞት ካደገዉ ባህሉና ከዋና መገለጫ በህሪይዉ ተላቀቅ ማለት ዉኃ መዉቀጥ ሊሆን ይችላል፤ ሆኖም የጥቁር ህዝብ የነጻነት ምልክት የሆነዉን የኢትዮጵያን ህዝብ በጫካ ዉስጥ ህግ መዳኘትና ማስተዳደር ግን የኢትዮጵያ ህዝብ በፍጹም ሊቀበለዉ፤ አለም አቀፉ ህብረተሰብ ደግሞ አፉን ዘግቶ ሊመለከተዉ የማይገባ በህዝብና በአገር ላይ የሚፈጸም ከባድ ወንጀል ነዉ።

ዘረኛዉ የወያኔ አገዛዝ የተቃወመዉን ማሰር፤ ሀሳቡን በንግግር ወይም በጽሁፍ የገለጸዉን ማሰቃየትና የዘረኝነት ፖሊሲዉንና ኢትዮጵያን የማፍረስ አላማዉን ያወገዘን ዜጋ ሁሉ አስሮ ሰቆቃ መፈጸም ወይም ከአገር እንዲሰደድ ማድረግ ከመደበኛ አገር የመምራት ፖሊሲዎቹ ዉስጥ ዋና ዋናዎቹ ናቸዉ። በወያኔዋ ኢትዮጵያ ዉስጥ ወንጀል ተብለዉ ዜጎችን ከሞት እስከ ዕድሜ ልክ እስራት ድረስ የሚያስቀጡት የፈጠራ ክሶች አፍሪካን ጨምሮ በብዙዎቹ የአለማችን አገሮች ዉስጥ የማይገሰሱ የዜጎች መብቶች ናቸዉ። የሚገርመዉ ወረቀት ላይ የሰፈረዉ የወያኔ ህገመንግስትም ይህንኑ ይደነግጋል፤ ሆኖም ኢትዮጵያ ዉስጥ ሁለት አይነት ዜጎች ያሉ ይመስል በአንድ በኩል ህገመንግስቱ የሚቆምላቸዉ ዜጎች አሉ በሌላ በኩል ደግሞ ህገመንግስቱ የሚቆምባቸዉ ዜጎች አሉ። ዜጎችን በግልሰብ ደረጃ በባህሪያቸዉና በችሎታቸዉ ሳይሆን በቡድን ለይቶ በዘር ማንነታቸዉ የሚመለከተዉ ዘረኛዉ የወያኔ አገዛዝ ስልጣኔን ይቀናቀኑኛል ብሎ ካሰባቸዉ ከሁለቱ ግዙፍ የአገራችን ብሄረሰቦች ማለትም ከአማራዉና ከኦሮሞዉ ብሔረሰቦች ጋር ለብዙ ግዜ ጥርስ ተናክሶ ቆይቷል። ባለፉት ሁለት አመታት አማራዉን በአማራነቱ ብቻ እያሳደደ መድረሻ ያሳጣዉ ዘረኛዉ የወያኔ አገዛዝ በቅርቡ በግፍ ታስረዉ በቁጥጥሩ ስር በሚገኙ 69 የኦሮሞ ተወላጆች ላይ ይህ ነዉ ተብሎ በሰዉ አንደበት ሲነገር አጅግ በጣም የሚዘገንን ወንጀል ፈጽሞባቸዋል።

መለስ ዜናዊ ከመሞቱ ከአንድ አመት በፊት ከፍርድ ቤት ፈቃድ ዉጭ በግፍ ሰብስቦ ያሰራቸዉና ፍርድ ቤት ሳይቀርቡና ለምን እንደታሰሩ እንኳን ሳያዉቁ ለሁለት አመታት እስር ቤት ዉስጥ የከረሙት 69 የኦሮሞ ተወላጆች ባለፈዉ ሳምንት እስር ቤት ዉስጥ እንዳሉ እጅግ በጣም የሚዘገንን ወንጀል ተፈጽሞባቸዋል። ባለፈዉ ሀምሌ 6 ቀን ፍርድ ቤት ለመቅረብ በዝግጅት ላይ እንዳሉ ቀጠሯቸዉ በአራት ወር የተራዘመባቸዉ ስልሳ ዘጠኙ የኦሮሞ ተወላጆች የቀጠሮዉን መራዘም በመቃወም አቤቱታቸዉን ለጠቅላይ ሚኒስትሩ ጽ/ቤት ለማቅረብ ሲሞክሩ የማረሚያ ቤቱ አስተዳዳሪዎች እንዴት እንዲህ ይታሰባል በሚል በቂም በቀል በመነሳት እስረኞቹን በቡድን በቡድን በመከፋፈልና እጅና እግራቸዉን በማሰር ከፍተኛ ድብደባ መፈጸማቸዉን ከሆስፒታል ምንጮች የተገኘዉ መረጃ ያመለክታል። በዕለቱ ድብደባ ከፍተኛ የአካል ጉዳት ከደረሰባቸዉ እስረኞች ዉስጥ ስምንቱ በድብደባ ብዛት እራሳቸዉን በመሳታቸዉ ወደ ሆስፒታል ተወስደዋል። ስልሳ ዘጠኙ አስረኞች በሶስት ቡድን ተከፍለዉ ድብደባዉ የተፈጸመባቸዉን ክፍሎች በአይናቸዉ ከተመለከቱ ሰዎች በተገኘዉ መረጃ መሰረት እስረኞቹ የተደበደቡባቸዉ ክፍሎች በደም በመጨቅየታቸዉ አርብ ቀኑን ሙሉ በውሀ ሲታጠቡ አንደነበር ለማወቅ ተችሏል።

ይህ ወያኔ ቀድሞዉኑም ቢሆን ያለ አግባብ ባሰራቸዉ ንጹህ የኦሮሞ ተወላጆች ላይ የፈጸመዉ ወንጀል በኢትዮጵያ ህዝብ ላይ በየቀኑ የሚፈጽመዉ በደልና ወንጀል አካል በመሆኑ ግንቦት ሰባት የፍትህ የነጻነትና የዲሞክራሲ ንቅናቄ እያንዳንዱ ኢትዮጵያዊ የህንን ዘግናኝ ወንጀል በራሱ ላይ እንደተፈጸመ አገራዊ ወንጀል በመቁጠር ከወያኔና ከዘረኛ ስርዐቱ ለመገላገል የሚያደርገዉን ትግል በያለበት እንዲያፋፍም ወገናዊ ጥሪዉን ያስተላልፋል። ኦሮሞዉ ሲጠቃ አማራዉ ካልደረሰለት አማራዉ ሲረገጥ ሶማሌዉ ፤ አፋሩ፤ ሲዳማዉና ወላይታዉ ወዘተ ካልደረሱለት ከፋፋዩ የወያኔ ስርዐት እያንዳንዳችንን ተራ በተራ ማሰቃየቱንና መርገጡን መቀጠሉ የማይቀር ነዉ። ስለዚህ ከወያኔ ጋር በምናደርገዉ የሞት የሽረት ትግል የኛ ኃይል አንድነት የወያኔ ኃይል ደግሞ መነጣጠላችን መሆኑን አዉቀን ይህንን ዘረኛ ስርዐት በቃ ብለን ከጀርባችን ላይ አሽቀንጥረን ለመጣል በህብረት እንነሳ።

ድል ለኢትዮጵያ ህዝብ!!
 

ፒያሳ የሙስሊም ኢትዮጵያውያንን የተቃውሞ ድምጾች አስተናግዳ ዋለች

ሐምሌ ፲፱(አስራ ዘጠኝ)ቀን ፳፻፭ ዓ/ም ኢሳት ዜና :- ፒያሳ ከሚገኘው ኑር መስጊድ አንስቶ ዙሪያውን ባሉ መንገዶች ላይ ቆሞ የረመዳንን ጁመዓ ስግደት ሲሰግድ  የዋለው ሙስሊሙ ኢትዮጵያዊ ፣ ከአንድ አመት በላይ ሲያሰማው ነበረውን ድምጻችን ይሰማ የሚለውን ተቃውሞ በከፍተኛ ድምጽ በማሰማት የፒያሳን አየር ተቆጣጥሮት ውሎአል።

ድምጻችን ይሰማ፣ የተነጠቅነውን መስጂዶቻችን ለህዝቡ ይመለሱ፣ የተባረሩ ኢማሞች ይመለሱ፣ አሸባሪ አይደለንም፣ ኢማሞቻችን ይፈቱ፣ ጥያቄው ይመለስ፣ ህገ መንግስቱ ይከበር፣ መጅሊሱ አይወክለንም የሚሉትና ሌሎችም ጥያቄዎች ቀርበዋል።
የዛሬው ተቃውሞ ከአንዋር መስጊድ መውጣቱ ብቻ ሳይሆን በተቃውሞው ላይ የታየው የህዝብ ብዛትና የተሰማው ድምጽ ህዝብን ትኩረት ስቦአል።

ተቃውሞው ከአዲስ አበባ ውጭ በተለይም በሻሻመኔ የፌደራል ፖሊሶች  በብዛት በተገኙበት ሁኔታ ተካሂዷል።
መንግስት የሙስሊሙን  ጥያቄ የጥቂቶች ጥያቄ ነው ቢልም በተለያዩ አካባቢዎች በገሀድ የሚታየው እውነታ ይህን የሚያረጋግጥ አልሆነም።

የኢትዮጵያ መንግስት ሙስሊሙ ለሚያቀርበው ጥያቄ እስካሁን ድረስ ተገቢውን መልስ አልሰጠም።

የሰማያዊ ፓርቲ እንቅስቃሴ የወያኔን ቁንጮዎች ስጋት ላይ ጥሏል

ህዝብን ለማስፈራራት በታቀደ መለኩ እንደተለመደው የወያኔ ባለስልጣናት በአዲስ ዘመን ጋዜጣ ላይ እጅግ ስላሰጋቸው የሰማያዊ ፓርቲ እንቅስቃሴ የሚከተለውን አስፍረዋል፣

 

የሰማያዊው ፓርቲ ጥቁር ተግባራት

 

ሰማያዊ ፓርቲ በጠራው ሕዝባዊ ሰልፍ ላይ ያቀረባቸው ጥያቄዎች የተሰላፊዎች ጥንቅርና መሰረታዊ ዓላማ በእጅጉ አነጋጋሪ ለሆኑ ጉዳዮች መነሻና መንደርደሪያ ሆነውኛል።

 

ሰማያዊ ፓርቲ ከአንድነት ፓርቲ ባለመስማማትና በልዩነት ራሳቸውን ያገለሉ፣ መርህ ይከበር በሚል ተሰባስበው የነበሩ ግለሰቦች የመሰረቱት ፓርቲ ነው፡፡ ወደ ኋላ ስንመለስም በ1997 ዓ.ም ቅንጅትን ከመሰረቱትና የከሸፈውን አመጽ በማስተባበርና በመምራት ከፊትና ከኋላ የነበሩ፤ ዛሬ ደግሞ የቀድሞውን ማንነታቸውን ሳይለቁ በአዲስ መልክና በአዲስ ኮፍያ ለመንቀሳቀስ እየሞከሩ ያሉ ናቸው፡፡

 

አንድ ተቃዋሚ የፖለቲካ ፓርቲ ሕገ መንግስቱ በሰጠው መብት በሰላምና በሕጋዊ መንገድ ሕጉንና ስርዓቱን አሟልቶ መንቀሳቀስ ይጠበቅበታል፡፡

ሰማያዊም ፓርቲ ሆነ ሌሎቹ ተቃዋሚ ፓርቲዎች በውጭ ከሚገኘው ጽንፈኛና አክራሪ ኃይል ጋር በመቀናጀት በአረቡ ዓለም የታየውን አብዮት ወደ ኢትዮጵያ እናመጣለን በሚል ለረዥም ጊዜያት ውስጥ ውስጡን ሲንቀሳቀሱ ቆይተዋል፡፡ ሆኖም እውነቱን የተረዳው ሕዝብ በአንድም ሆነ በሌላ መልኩ ይህንን ሊቀበላቸው አልፈቀደም፡፡

 

ከውጭ የአሸባሪው ግንቦት ሰባት ቴሌቪዥን ጣቢያ «ኢሳት» ባለፉት አመታትም ሆነ አሁን ሰማያዊ ፓርቲ የጠራውን ሕዝባዊ ሰልፍ አይነት እንዲካሄድ በዚህም ጠንካራ ጸረ-መንግስት እንቅስቃሴና አመጽ በአዲስ አበባና በክልሎች እንዲቀጣጠል፤ሁኔታዎች ከቁጥጥር ውጭ እንዲሆኑ፤ ሀገሪቷ ሰላሟ ደፍርሶ ወደ ሁከት፣ ብጥብጥና ስርዓተ አልበኛ ሁኔታ እንድታመራ፤ ያልፈነቀሉት ድንጋይ ያልጫሩትና ለማቀጣጠል ያለኮሱት እሳት የለም፡፡ አሁንም ሕዝቡ የተረጋጋ ሰላማዊ ሕይወቱን፣ የሀገሩን ሰላምና ደህንነት አጥብቆ የሚፈልግ በመሆኑ ይኸው እኩይ ሙከራቸው ሳይሳካ ቀርቷል፡፡

 

ካለፈው አመት ጀምሮ በአዲስ አበባ የሚገኙ ተቃዋሚዎች በርቀት ካለው ጽንፈኛው አክራሪ ሀይል ጋር በውስጣዊ ትስስር በመቀናጀት፤ አጀንዳ በመጋራት ሌላው የሴራ መንገድ አላዋጣቸው ሲል፤የሙስሊም ወንድሞቻችንን ትግል እንደግፋለን፤ ከጎናቸው እንሰለፋለን፤ መንግስት በሙስሊሞች ጉዳይ ጣልቃ ገብቷል፣ የታሰሩት ይፈቱ፣ ወዘተ የሚሉ መፈክሮችን በአገር ውስጥ ደጋፊዎቻቸው በጋዜጦች በዌብ ሳይቶች (በተለይም በአረቡ ዓለም መገናኛ ብዙሀንና ድረ ገጾች) በመጠቀም የፖለቲካ ድጋፋቸውን ለማስፋት በእጅጉ ደክመዋል፡፡አሁንም ገፍተውበታል፡፡

 

በአሜሪካና በሌሎች አገሮች የሚገኙ የጽንፈኛው ግንቦት ሰባት አክራሪ ቡድን አባላትና ደጋፊዎች በጅምላው የሙስሊሙን ጥያቄ እንደግፋለን በሚል ስብሰባ አካሂደዋል፣ ሰልፍ ጠርተዋል፡፡ ከሂጅራ ፋውንዴሽን ጋር በመተባበር የገንዘብ እርዳታ አሰባስበዋል፡፡ ይህንን ሁሉ ሸብ ረብ ሲያካሂዱ በኢትዮጵያ የአክራሪ እስልምና አደጋ መሰረት እየጣለና የሸረሪት ድሩን እያደራ መሆኑን እያወቁም ቢሆን ይክዳሉ፡፡

 

እነሱ የሚፈልጉት ምንም ሆነ ምን ከጎናቸው ተሰልፎ ኢሕአዴግን የሚጥል ሀይል ማበራከት በሚለው የጨለማ አስተሳሰብ የተቃኘ ነው፡፡ ስለዚህም ጥቂት አክራሪ ሙስሊሞች በየሳምንቱ የዓርብ ጁምአ ጸሎት፤ለስግደት በወጣው ሕዝበ ሙስሊም መካከል መፈክር በማሰማትና በማስተጋባት ሲያካሂዱት የነበረውን እንቅስቃሴ ተቃዋሚው ሀይል አይኑን ጨፍኖ ሕጋዊ ጥያቄ ነው በማለት ድጋፉን እየሰጠ ይገኛል፡፡ ይህንኑ አንድነት፣ መድረክና ሰማያዊ ፓርቲ በአይዞአችሁ ባይነት እያጋፈሩና ስፖንሰር እያደረጉት ይገኛሉ፡፡ ጉዳዩ ኢሕአዴግን የመደገፍ ወይንም ያለመደገፍ ጉዳይ ሳይሆን የአክራሪ ሙስሊሞች እንቅስቃሴ በኢትዮጵያ መከሰት የኢትዮጵያ ሀገራዊ ሕልውናና የደህንነት ጉዳይ መሆኑን ከጥላቻ ወጥቶ ማስተዋል ያልቻለ ተቃዋሚ ይሏል ይህ ነው።

 

መንግስትና የኢትዮጵያ ሕዝብ የችግሩን መሰረታዊነትና አሳሳቢነት በውል የተረዳው በመሆኑ ይህንን አደጋ ለመቅረፍ በጋራ እየሰሩ ይገኛሉ፣ ውጤታማም ሆነዋል፡፡ ምንም እንኳ ሰማያዊ ፓርቲ ያካሄደው ሕዝባዊ ሰልፍ ለሌሎች ጸረ ሰላም ኃይሎች አጀንዳ ማራመጃነትና መጠቀሚያነት ያገለገለ ቢሆንም። ሁከትና ብጥብጥ ሳይነሳ፤ በትዕግስት ማስጨረሱ የመንግስትን ብስለት በገሀድ ያረጋግጣል፡፡

 

ይህንን እንደ መልካም አጋጣሚ የወሰደው ጽንፈኛ ተቃዋሚ በድርጊቱ በመግፋት በክልሎችም ሰልፉን እያስተባበረ ይገኛል፡፡ መድረክ በመቀሌ ሰልፍ ለማድረግ ተከለከልኩ ሲል አንድነት ደግሞ ሁለት ወር የሚዘልቅ ሰልፍ በየክልሉ ለማድረግ ፕሮግራም አውጥቷል፡፡ የግብፆች እቅድ፤በአገር ውስጥ ተቃዋሚ በመጠቀምና በገንዘብ በመርዳት መንግስትን ማዳከም፤መወጠር የሚለው ስትራቴጂያቸው በገሀድ ነፍስ ሲዘራ እያየን ነው ማለት ነው፡፡ በመሰረቱ ሀገር በስራ እንጂ በሰልፍና በጩኸት አትለወጥም፣ አታድግምም፡፡ የውጭ ሀይሎች ተላላኪና መሳሪያ መሆን፤ የሀገርን ልማትና እድገት ለማጨናገፍ በፖለቲካ ሽፋን መንቀሳቀስ በሀገር ላይ የሚፈጸም ከባድ ወንጀል ነው፡፡ በሰማያዊው ፓርቲ ሰልፍ ላይ የታየው የሌሎች ተቃዋሚ ፓርቲዎች መሪዎችና አባላት ብቻ ሳይሆኑ በአብዛኛው ለአክራሪዎች ወግኖ የቆመው ኃይል ነው፡፡ይህም ሰማያዊው ፓርቲ አስቀድሞ ውስጥ ውስጡን የማስተባበር ስራ መስራቱን በገሀድ ያረጋግጣል፡፡ መካከለኛ እድሜ ላይ ያሉና አዛውንቶች ጭርሱንም በሰልፍ ላይ የሉም ማለት ይቻላል፡፡

 

የሰልፈኛው ቁጥር አናሳ ከመሆኑ አንጻር ያን ያህልም ግምት የሚሰጠው እንዳልሆነ በግልጽ የሚታወቅ ቢሆንም፣ «ለራስ ሲቆርሱ አያሳንሱ» ዓይነት ተረት ሆነና 100 ሺ ሰው ሰልፍ ወጥቷል ሲሉ የሰማያዊ ፓርቲ ኃላፊ ከእውነታው የተጣላ መግለጫ ለተለያዩ ሚዲያዎች ሰጡ፡፡ ኢትዮ ምሕዳር ጋዜጣም ይህንኑ በማስተጋባት ይሁን በራሱ ስሜት ተነሳስቶ እንደሆነ አይታወቅም በመጀመሪያ ገጹ ላይ «100 ሺ ሰዎች ሰልፍ ወጡ» ሲል ግነቱን በመድገም ዘገባ አቅርቧል፡፡

 

መልእክቱ አያሻማም፣ ለቀጣዩ ሰልፍ ሰዎች እንዲሰናዱ በኋላም ብዙ መቶ ሺዎች ወጡ ለማለት እንዲመች የተዘጋጀ የቅድመ ፕሮፖጋንዳ ስራ ወይም የቅስቀሳ ማስታወቂያ መሆኑ ነው፡፡
 

ሌሎቹም የውስጥና የውጭ ሚዲያዎች ከ1997 በኋላ የነበረው ፍርሃት ተሰበረ በሚል በመቶ ሺዎች ሰልፍ ወጡ፤ መንግስት በሶስት ወራት ለቀረቡለት ጥያቄዎች መልስ ካልሰጠ ተቃውሞውና ሰልፉ ተጠናክሮ ይቀጥላል፤ ተቃዋሚውም የበለጡ የተቃውሞ ሰልፎችን ለማድረግ እቅድ እያወጣ ነው፣ ተባብሮ እየሰራ ነው የሚሉ ዘገባዎችንም አንብበናል፡፡
 

ለዚሁም ተግባራዊነት አሜሪካና አውሮፓ ከሚገኙ አክራሪ ተቃዋሚ ሀይሎች ገንዘብ የማሰባሰብ ስራ እየተካሄደና ከወዲሁም ለመንቀሳቀስና ለማስተባበሪያ የሚሆን ገንዘብ በተለያዩ ሽፋኖች ወደ ሀገር ውስጥ እየገባ መሆኑን አንዳንድ መረጃዎች ያሳያሉ፡፡ በቀጣይም መሰል የተቃውሞ ሰልፎችንና የአደባባይ ስብሰባዎችን ለማደራጀት እንደሚንቀሳቀሱ እየገለጹ ይገኛሉ።

የአረቡ ዓለም ዓይነት አብዮት በመፍጠር በሁከትና በትርምስ መንግስትን በኃይል ለመጣል ይቻላል ብለውም ዕምነት ይዘዋል። ይህ ግን ኢ-ሕገመንግሥ ታዊና ሕገወጥ ከመሆኑም በላይ የሃገራችን ነባራዊ ሁኔታ ሊያስተናግደው የማይችል ከንቱ ምኞት ከመሆን የዘለለ አይሆንም።፡፡ እነሱ እንዳሰቡት ሕብረተሰቡ የስውር ሴራቸውና የአመጻቸው ተባባሪ ይሆናል ተብሎም ጭራሽ አይታሰብም። በዚህ ዓይነቱ ድርጊት ጀርባ በቀጥታና በተዘዋዋሪ የእነማን እጅ አለ? የነማንን ጥቅም ለማስከበርና ዓላማ ለማሳካት ነው ይህ ሁሉ እየታሰበ ያለው? ለዚህ ዓላማ መሳካት ሲባልስ በተለያየ መንገድ ከውጭ የሚገባ ስውር ድጋፍ የለም ወይ? የተለያዩ ክፍተቶች እንዲፈጠሩ በማድረግ የራሳቸውን ጥቅም ለማስከበር የሚራወጡ የተለያዩ የውጭና የውስጥ ኃይሎች የሉም ወይ? ወዘተ የሚሉትን ጥያቄዎች አንስቶ በሚገባ መፈተሽ ተገቢ ይሆናል። የመንግሥትን ጥብቅ ክትትልና ቁጥጥር በመፍራት ኢትዮጵያ ውስጥ ባሉ በመንግስትም ሆነ በግል የገንዘብ ተቋማት በኩል ግዙፍ ገንዘብ በቀጥታ አይልኩም፡፡ ሽብርተኞች በውጭው ዓለም እንደሚያደርጉት ሁሉ እነዚህም ጨዋታውን የሚያካሂዱትና ገንዘብ የሚያስገቡት ሕጋዊ ባልሆኑ የተለያዩ ስውር መንገዶች ነው፡፡
 

ይህ ሁሉ ደፋ ቀና በእርግጥ በዚህች አገር የተሻለ ለውጥ ለማምጣት ሳይሆን የሀገሪቷን ሰላም በማደፍረስ ወደ ሁካታና ትርምስ ማዕከልነት ለመለወጥ በዚህም ጥፋትና ውድመት መካከል በሚፈጠር የመርፌ ቀዳዳ በሚያህል ክፍተት ተሽሎክሉኮ በሕገወጥነትና በኃይል ሥልጣን መጨበጥ ብቻ ነው፡፡ ይህ የቀን ቅዥታቸው ግን በምንም መንገድ ዳር የሚደርስ አይሆንም፡፡ የኢትዮጵያ ሕዝብ ለዚህ የኢትዮጵያ ጠላቶች ከጀርባ ሆነው በፋይናንስ በመርዳት ለሚያደርጉት ርብርብ ውስብስቡን ገጽታቸውን ስለሚረዳው ፈጽሞ አይንበረከክም፡፡
 

የታላቁን ሕዳሴ ግድብ ግንባታና ሌሎችን የተጀመሩ ፈጣን የልማት እንቅስቃሴዎችን ለመግታት የሚራወጡት በተቃዋሚነት ስም ያሉ ሰማያዊ ፓርቲን የመሳሰሉና ሌሎች የሃይማኖትና የፖለቲካ ጽንፈኞች እንቅስቃሴ በአንዳንድ የውጭ ሀይሎች ስለላና መረጃ እንዲሁም ቀጥተኛ የፋይናንስ ድጋፍ ሊታገዙ እንደሚችሉ መገመት ከእውነታው የራቀ አይሆንም። ይህን ለማለት የሚያስደፍረውም በአቋም ደረጃ እያራመዱት ያለውና በተግባርም እንተረጉመዋለን የሚሉት ሁሉ ያለው ተመሳሳይነት ነው። የሰማያዊ ፓርቲ፣የአንድነትም ሆነ የመድረክ ሽር ጉድ ለሰላም፣ለዕድገት፣ለፍትሕና ለዲሞክራሲ መስፈን ሳይሆን በአቋራጭ ራሳቸውን ለሥልጣን ለማብቃት የሚያደርጉት የህልም እሩጫ ነው።
 

ለዚህም ሕዝቡን ለማነሳሳት፣በዲሞክራሲና በሰብአዊ መብት ስም መነገድ፤የሕዝብ ስሜትን ይቀሰቅስልናል ብለው የሚያስቡትን የተዘጋና ፈጽሞ ተቀባይነት የሌለውን አጀንዳ ሁሉ ከተቀበረበት አውጥቶ የሌለ ሕይወት ለመስጠት አቧራ ማስነሳት፣ በአሸባሪነት ተጠርጥረው ጉዳያቸው በነጻ ፍርድ ቤት በመታየት ላይ ያሉ ሰዎችንና ቀደም ብሎም የፍርድ ውሳኔ የተላለፈባቸውን በተመለከተ ከፍርድ ቤት ይልቅ ራሳቸውን ፈራጅ አድርገው በመሰየም ይፈቱ ማለትና በዚህም አክራሪነትንና ጽንፈኝነትን መደገፍ ነው ስራየ ብለው የያዙት፡፡
 

ታላቅ የሆነ ሀገራዊ ጉዳይ እያለ ያንን ለማሰናከልና ለውጭ ሀይሎች መሳሪያ በመሆን ሕዝቡን ለመከፋፈል መሮጣቸው ማንነታቸውን ይበልጥ አጋልጦታል፡፡ ማንም በዚህ የሚዘናጋና የሚታለል አይኖርም፡፡ ጥሪያቸውም ሆነ ቅስቀሳቸው ተቀባይነት የለውም፡፡ የሰማያዊ ፓርቲ፣ የአንድነትና የመድረክ ጥቁር ተግባራት ሀገሪቷን ወደ ጥፋት አቅጣጫ ለመውሰድ ያነጣጠረ እንጂ ለሕዝብ ጥቅምና ክብር ከማሰብ የመነጨ አይደለም፡፡ በዚህ ድርጊታቸው ግን የታሪክና የትውልድ ተጠያቂነትም እንደሚኖርባቸው ጠንቅቀው ሊገነዘቡት ይገባል፡፡

አንድነትን ለመቃወም ኢህአዴግ ያዘጋጀው ሰላማዊ ሰልፍ ባለስልጣናቱን ከፋፈለ

በደቡብ ወሎ ዞን ኩታ በር ወረዳ ነዋሪዎች አንድነት ፓርቲ ሐምሌ 7 ቀን 2005ዓ.ም. በደሴ ከተማ ያደረገውን ሰላማዊ ሰልፍ እንዲያወግዙ በከፍተኛ ጫና እና ማስገደድ ጥረት ቢያደርግም የጠበቀውን ያህል ሰው እንዳልወጣለት ምንጮቻችን ከስፍራው ለፍኖተ ነፃነት ገለፁ፡፡
 
ኢህአዴግ ትናንት ሐምሌ 17 ቀን 2005ዓ.ም. ጠዋት በኩታ በር አንድነትን በሰላማዊ ሰልፍ እንዲቃወሙ የአስገዳጅ ጥሪ የተደረገላቸው አብዛኞቹ ነዋሪዎች ባለመሳተፋቸው ኢህአዴግ የወረዳውንና የዞኑን የኢህአዴግ ካድሬዎችና አመራሮችን በግምገማ እያስጨነቀ መሆኑም ተጠቁሟል፡፡ 

በጥቂት ሰዎች ተደረገው ሰልፍ ላይም ተሳታፊዎች በተለይ የአንድነት ፓርቲ ስምን እየጠቀሱ እንዲያወግዙ ቢነገራቸውም በሰልፉ ፊት ለፊት ያሉ ተሳታፊዎች ብቻ ስም እየጠሩ ሲያወግዙ እንደነበር በሰለፈፉ ላይ የተገኙ ምንጮቻችን አስታውቀዋል፡፡ ይህም የወረዳውንና የዞኑን ባለሰልጣናት መከፋፈሉ ተጠቁሟል፡፡ ስለጉዳዩ የወረዳውን ኃላፊዎች ለማናገር ብንሞክርም ተንቀሳቃሽ ስልካቸውን ባለማንሳታቸው አልተሳካም፡፡

በኢትዮጵያ የሚታየው የኤሌክትሪክ ኃይል መቆራረጥ ተባብሷል

ሐምሌ ፲፰(አስራ ስምንት)ቀን ፳፻፭ ዓ/ም ኢሳት ዜና :- የኢትዮጵያ ኤሌክትሪክ ኃይል ኮርፖሬሽን ኃይል በፈረቃ የማዳረስ ተግባር በሚስጢር ማከናወኑን አጠናክሮ መቀጠሉን ምንጮች ጠቆሙ፡፡ በተለይ በአዲስአበባ ከሰኔ ወር 2005 አጋማሽ ጀምሮ በተከታታይ የኤሌክትሪክ ኃይል በመቋረጥ ላይ የሚገኝ ሲሆን በአንዳንድ የከተማዋ አካባቢዎች የኃይል መቋረጡ በተከታታይ እስከሶስት ቀናት የሚወስድ ጭምር መሆኑ ነዋሪውን ሕዝብ ግራ የሚያጋባ ሆኗል፡፡

የኃይል መቆራረጡ እንደባንክ፣ አየር መንገድ ያሉ አገልግሎት ሰጪ ተቋማት የኢንተርኔት ኔትወርክ በማስተጓጎል ሥራዎቻቸውን እያስቆመ ከመሆኑም በላይ ተጠባባቂ ጄኔሬተር የሌላቸው በተለይ አነስተኛና መካከለኛ ኢንዱስትሪዎችን ማምረት ወደማይችሉበት ደረጃ ላይ አድርሷቸዋል፡፡

በተደጋጋሚ እያጋጠመ ያለውን የኃይል መቆራረጥ ከተራ የቴክኒክ ችግሮች ጋር ለማያያዝ ቢሞከርም የኮርፖሬሽኑ ምንጮች ግን በየጊዜው እያደገ የሚሄደውን የሃይል ፍላጎት ጋር አቅርቦቱ ተመጣጣኝ ባለመሆኑ ችግሩ መከሰቱን በመጠቆም በውስጠ ታዋቂ ኃይል በፈረቃ የማዳረሱ ሥራ እየተከናወነ መሆኑን አረጋግጠዋል፡፡ በዚህም ምክንያት ክልሎችን ጨምሮ በአዲስአበባም አካባቢዎች እየተለዩ ኃይል በፈረቃ የማዳረሱ ሥራ እየተሠራበት ነው ብለዋል፡፡

 ኮርፖሬሽኑ የፈረቃ የኃይል ዕደላውን በሚስጢር ለመያዝ የተገደደው ምናልባትም ለጎረቤት አገራት የኤሌክትሪክ ኃይል ከመሸጡ ጋር ተያይዞ እየተሰነዘረበት ያለውን ትችት ለማለዘብ ሊሆን ይችላል።

በኤሌክትሪክ ኃይል መቋረጥ ቀውስ ውስጥ የምትገኘው ኢትዮጵያ በአሁኑ ሰዓት ከ35 እስከ 40 ሜጋዋት የኤሌክትሪክ ኃይል ለጅቡቲ በመሸጥ በወር ከ 2 ነጥብ 1 ሚሊየን ዶላር በላይ ገቢ እያገኘች እንደሆነም ለኢሳት የደረሰው መረጃ የመለክታል።
በተጨማሪም በተመሳሳይ ሁኔታ ለኬንያ ኃይል ለመሸጥ እ.ኤ.አ በ2006 ኢትዮጵያና ኬንያ ስምምነት መፈራረማቸው ይታወቃል።

በኢትዮጵያ አቆጣጠር በ2004 አጋማሽ የሶማሌላንድና የኬንያ ሞያሌ ከተሞች ከኢትዮጵያ ኤሌክትሪክ ኃይል ኔትወርክ
ጋር እንዲገናኙ መደረጉና በዚህም ገቢ እየተገኘ መሆኑን መረጃዎች ያመለክታሉ።

የኤሌክትሪክ ኃይል አቅርቦት የአገር ውስጥ ፍላጎት ባልተሟላበት ሁኔታ ለጎረቤት አገራት ኤክስፖርት የማድረግ ፋይዳ ምን እንደሆነ የኮርፖሬሽኑ የስራ ሃላፊዎች በተደጋጋሚ ከመገናኛ ብዙሃን ለሚቀርብላቸው ጥያቄዎች ” አንድ ጊዜ የምንሸጠው የሚተርፈንን ኃይል ብቻ ነው፣ሌላ ጊዜ ደግሞ ኃይል ካነሰን መልሰን መውሰድ እንችላለን” በማለት እርስ በእርሱ የሚጋጭ መግለጫ ሲሰጡ መቆየታቸው የሚታወስ ነው::

በተለይ ካለፈው አንድ ወር ጀምሮ በተከታታይ የኀይል መቋረጥ ማጋጠሙ ለኤክስፖርት የሚያመርቱ ኢንዱስትሪዎችን ጭምር እየጎዳ መሆኑን በመጠቆም ጥናት ቢሰራ አገሪቷ ኃይል ሸጣ ከምታገኘው ይልቅ በዚህ መንገድ እያጣች ያለችው ከፍተኛ ሊሆን እንደሚችል ዘጋቢያችን አስተያየቱን አስፍራል። በመላ አገሪቱ በርካታ ፋብሪካዎች ተገንብተው በሀይል እጥረት ስራ አልጀመሩም። ስራ የጀመሩትም ቢሆኑ ብዙዎች በኪሳራ ሰራተኞቻቸውን እየቀነሱ ነው።

[Breaking News] Serkalem Fasil Joins Ethiopia’s Exiled Journalists

Awramba Times (Phoenix, Arizona) – Serkalem Fasil, award-winning Ethiopian journalist and former co-publisher of the weekly newspapers Asqual, Menilik, and Satenaw has left Ethiopia with her son yesterday.

According to our confidential sources, Serkalem has already departed to the United states and detail has not been given on the matter.

In November 2005, Serkalem was arrested along with thirteen newspaper editors including her husband, Award winning blogger, Eskinder Nega. Eskinder has been jailed seven times by the Ethiopian government and is still in prison under the nation’s sweeping anti-terror legislation. He has been convicted and sentenced to 18 years in June 2012 on trumped up terrorism and treason charges. Amnesty International, Human Rights Watch and CPJ have condemned the ruling as baseless and politically motivated.

Serkalem Fasil won a “Courage in Journalism Award” from the International Women’s Media Foundation in 2007