ጎንደሮች በሰልፉ ለመገኘት የትኛውንም ዋጋ እንከፍላለን እያሉ ነው

በጎንደር የአንድነት አመራሮች ሲከበቡ ፖሊስ ካሜራ ነጥቋል

በ30/10/2005 በጎንደር ሰላማዊ ሰልፍ ለማከናወን አንድነት ለዴሞክራሲና ለፍትህ ፓርቲ ያቀረበውን ጥያቄ የከተማው አስተዳደር በሰነቀራቸው ምክንያቶች የተነሳ ፓርቲው ለህግ ያለውን ተገዢነት ለማሳየት በማሰብ ሰልፉን ለአንድ ሳምንት ማራዘሙ አይዘነጋም፡፡

ፓርቲው ጨዋነት በተሞላበት ሁኔታ የወሰደውን ውሳኔ እ...ንደ ፍርሃት የተመለከቱት አስተዳደሮች የአንድነትን አባላት በመለቃቀም ወህኒ ቤት አጉረዋል፡፡ዛሬ ማለዳ ደግሞ ብዛት ያላቸው የቀበሌ ካድሬዎች ፖሊሶችን በማስከተል የአንድነት የጎንደር ጽ/ቤትን በመክበብ ለቅስቀሳ ስራ ለመውጣት የተዘጋጁ አባላትን አግተዋል፡፡

 የቅስቀሳ ስራ የሚሰሩ አባላት በያዙት ካሜራ የፖሊሶቹንና የካድሬዎቹን ህገ ወጥ ድርጊት በካሜራቸው ቀርጸው ለማስቀረት ሲሞክሩ ፖሊስ ካሜራውን ነጥቆ ወስዷል፡፡ከሁሉም አስገራሚው ግን ካድሬዎቹ ለጽ/ቤት ቤታቸውን ያከራዩትን ወይዘሮ ለማስፈራራት መሞከራቸው ነው፡፡ወይዘሮዋም ለአመራሩ ቤቴን ለቅቃችሁ ውጡልኝ በማለት ተማጽንኦ አቅርበዋል፡፡

 ፖሊሶችና ካድሬዎች እጅና ጓንት ሆነው የአንድነትን ሰላማዊ እንቅስቃሴ ለማኮላሸት የሚፍጨረጨሩ ቢሆንም የጎንደርና የአካባቢዋ ነዋሪዎች ከሰልፉ የሚያስቀራቸው ምንም አይነት ምድራዊ ሃይል እንደሌለ እየተናገሩ ነው፡፡የአንድነት ፓርቲ ብሄራዊ ምክርቤት ሰብሳቢ አቶ ዘካሪያስ‹‹እኛ ሰላማዊ ታጋዮች ነን የያዝነው ጥያቄ እንጂ መሳሪያ አይደለም››በማለት የሰላማዊ ሰልፉ ተልእኮ ‹‹ሰላማዊነት››ብቻ መሆኑን መግለጻቸው አይዘነጋም፡፡
‪#‎Millionsofvoicesforfreedom‬ ‪#‎Ethiopia‬ ‪#‎UDJ

UDJ readying for Sunday’s mass demonstrations in Gonder and Dessie

ESAT News   July 11, 2013

Despite the continued arrest and harassment by the government, the Unity for Democracy and Justice (UDJ) has continued its campaign and promotion of the public demonstrations it has called in Dessie and Gonder towns, Northern Ethiopia on July 14, 2013. The demonstration is called to protest the human rights abuses, high cost of living and absence justice in Ethiopia.

The Party has said UDJ’s National Council Chair and Wondwosen Kinfe, journalist at UDJ’s Finote Netsanet Newspaper, who were on campaign promotion in Deissie, Zekariyas Yemanebirhan,  have been released after being seized for a while by the regional authorities.
Although the Mayor of Dessie town stated there will not be any demonstration on Sunday, Zekariyas said that nothing would prevent them from holding the demonstration.

Three members of UDJ namely Daniel Feysa, Abebe Kumelachew and Sintayehu Chekol, who have been detained on Tuesday in Addis Abeba, have appeared in Court yesterday. Police requested the judge 10 more days until it confirms the existence of a Party called UDJ. The detainees have been put behind bars.

In YekaSubcity, Addis Abeba, two members of UDJ, Wondeyefraw Tekle and Bruk Ashagre, have been released on bail after staying for a while in prison.

ገዢው ፓርቲ በደሴና ጎንደር የሚካሄዱትን ሰላማዊ ሰልፎች ለማደናቀፍ እየሞከረ ነው የፓርቲው ሰዎች በአቋማቸው ጸንተዋል

ሐምሌ ፬( አራት )ቀን ፳፻፭ ዓ/ም

ኢሳት ዜና :-ሀምሌ 7፣ 2005 ዓ/ም በደሴና ጎንደር ከተሞች አንድነት ፓርቲ የጠራቸው የተቃውሞ ሰላማዊ ሰልፎች በታቀደላቸው ጊዜ እንደሚካሄዱ ከመንግስት እውቅና የተሰጣቸው ቢሆንም፣ የገዢው ፓርቲ ካድሬዎችና ባለስልጣናት የቅስቀሳ ወረቀቶችን የሚበትኑትን ሰዎች ከማሰር እና ከማስፈራራት አልፈው ፣ ከአዲስ አበባ የሄዱ የፓርቲው አመራሮች አልጋ እንዳያገኙ የሆቴል ባለንብረቶችን እስከ ማስፈራራት መድረሳቸውን የፓርቲው አመራሮች ለኢሳት ገልጸዋል።

የአንድነት ፓርቲ የብሄራዊ ምክር ቤት ሰብሳቢ አቶ ዘካሪያስ የማነብርሀን ፣ የደሴ ከንቲባ ፣ አፈ ጉባኤውና 7 የምክር ቤት አባሎች በተገኙበት ውይይት ማድረጋቸውን ገልጸዋል። የደሴ ከንቲባ አቶ አለባቸው ፓርቲው ሰላማዊ ሰልፉን ከረመዳን ጾም በሁዋላ እንዲያካሂድ ጥያቄ አቅርበዋል።

ከንቲባው ካቀረቡዋቸው ምክንያቶች መካከል “ወሩ የረመዳን ጾም የተጀመረበት በመሆኑ ህዝበ ሙስሊሙ ጸጥ ብሎ እንዲጾም እና እንዳይረበሽ፣ በቅርቡ በደሴ ከተማ ተገደሉት ሼክ ሟች ቤተሰቦች ብስጭት ላይ ስለሆኑ በሰልፉ ላይ አደጋ ሊያስከትሉ ይችላሉ፣ ገዳዮችን ለማፈላለግ የጸጥታ ሀይሎችን ስላሰማራን ሀይል ባለመኖሩ” የሚሉት ይገኝበታል። ፓርቲው ” በቅዱስ ረመዳን ወቅት ጽዱስ ስራ መስራት ተገቢ ነው” በማለት በከንቲባው የቀረቡትን ምክንያቶች ውድቅ አድርጓል፡፡

ፓርቲው በጸጥታ ሀይሎች እየደረሱ ናቸው ያላቸውን ችግሮች ዘርዝሮ ለከንቲባው አቅርቧል። ከንቲባውም ስራችሁን ቀጥሉ ችግሮች ካሉ እንነጋገራለን ማለታቸውን አቶ ዛካሪያስ አስታውሳው ይሁን እንጅ ቅስቀሳ ለማድረግ የወጡ ሰዎች ለተወሰነ ጊዜ መታሳራቸውን ገልጸዋል።  የጸጥታ ሀይሎች በአንድነት አመራሮች ላይ የሚደርሱትን እንግልት የደሴ ከተማ ነዋሪዎች ” ለምን?’ በማለት ሲቃወሙ መታየታቸውንም አቶ ዘካሪያስ ገልጸዋል:: በከተማዋ የሚገኙ አንዳንድ ነዋሪዎች በመጪው እሁድ በሚደረገው ሰልፍ ላይ እንደሚገኙ ተናግረዋል

በጎንደር ከተማ ደግሞ ከአዲስ አበባ የሄዱ ፓርቲው አመራሮች አልጋ እንዳያገኙ እስከመከልከል የደረሰ እርምጃ መሰዱን የአንድነት ፓርቲ የሰሜን ጎንደር ዞን ተወካይ አቶ እእምሮ አወቀ ገልጸዋል ። በነገው እለት ከአዲስ አበባ ከሄዱት አባሎች ጋር በመሆን  ወረቀት ማሰራጨት እና በመኪና ላይ ቅስቀሳ እንደሚያደርጉ አቶ አእምሮ አስታውቀዋል።

የኢትዮጵያ ፌዴራላዊ ዲሞክራሲያዊ አንድነት መድረክ የሰላማዊ ሰልፍለማድረግ ያቀረበው ጥያቄ በአዲስ አበባ መስተዳድር ጽህፈት ቤት ተቀባይነት ሳያገኝ ቀረ።

ሐምሌ ፬( አራት )ቀን ፳፻፭ ዓ/ም

ኢሳት ዜና :-መስተዳድሩ-ለፓርቲው በጻፈው ደብዳቤ- መድረክ ለእሁድ ሐምሌ 7 ቀን 2005 ዓመተ ምህረት ከጧቱ 3፡00 ሰዓት እስከ 6 ፡00 ሰዓት የሚቆይና ከስድስት ኪሎ ተነስቶ በአራት ኪሎ፣ በፒያሳና በቸርችል ጎዳና በማድረግ  መዳረሻው ድላችን ሐውልት የሚያደርግ ሰላማዊ ሰልፍ ለማካሄድ ያቀረበውን ጥያቄ እንደተመለከተው በመጥቀስ፤ሰላማዊ ሰልፉ የሚደረግበት የጉዞ መስመር  በአሁኑ ጊዜ እየተዘረጋ ባለው የባቡር መስመር የትራፊክ መስመር እየተጨናነቀ ስለሆነ ለሰልፉ እውቅና እንዳልሰጠ ገልጿል።

በደብዳቤው ከምኒልክ አደባባይ እስከ አትክልት ተራ ድረስ ያለው  መንገድ በባቡር መንገድ ሥራ በመዘጋቱ አሁን ያለው ብቸኛ መንገድ የፒያሳና የቸርችል ጎዳና ነው ያለው መስተዳድሩ፤እንዲሁም ከመገናኛ ወደ ሜክሲኮ የሚወስደው መንገድ በመዘጋቱና ለሰልፉ የተመረጠው መንገድ ማስተንፈሻ በመሆኑ ፤ከዚህም በላይ በአካባቢው የመንግስት ተቋማትና ሆስፒታሎች ስለሚገኙና እነዚህም ስፍራዎች በአዋጁ የተከለከሉ በመሆናቸው ለሰላማዊ ሰልፉ እውቅና ለመስጠት አንችልም ብሏል።

የመድረክ የህዝብ ግንኙነት ሀላፊ ፕ/ር በየነ ጴጥሮስ መንግስት ሰላማዊ ሰልፉን መከልከሉን አረጋግጠዋል

“ወደ እናት ሀገራችሁ በመምጣት አዲስ አበባ ላይ በሚካሄደዉ ሰላማዊ ሰልፍ ላይ ተሳተፉ!” ፤ እስክንድር ነጋ

July 11, 2013

በበትረ ያዕቆብ

በአምባገነኑ የኢህአዴግ መንግስት የሐሰት ዉንጀላ ለእስር የተዳረገዉ ታዋቂዉና ተወዳጁ ጋዜጠኛና የፖለቲካ ተንታኝ እስክንድር ነጋ ዲያስፖራዉ በሀገር ዉስጥ እየተካሄደ ባለዉ ሠላማዊ ትግል ላይ በአካል ተገኝቶ እንዲሳተፍ መልዕክት አስተላለፈ፡፡

የፖለቲካና የህሊና እስረኞችን በአካል ለመጠየቅ ቃሊቲ ለተገኙ ጋዜጠኞች እና የአንድነት ለዲሞክራሲና ለፍትህ ፓርቲ ሕዝባዊ ንቅናቄ የግብር ሃይል አባላት አደራ ሲል ባስተላለፈዉ መልዕክቱ ከአገር ዉጭ የሚኖሩ ኢትዮጵያዉያን ቀጣይ በሚካሄዱ የተቃዉሞ ሰልፎች ላይ (በተለይም አዲስ አበባ ከተማ ላይ በቅርቡ ሊካሄድ በታቀደዉ ትልቅ ህዝባዊ የተቃዉሞ ሰልፍ ላይ) በአካል በመገኘት ተሳታፊ መሆን ይገባቸዋል ብሏል፡፡

“ዲያስፖራዉ በአካል ተገኝቶ የሚያደርገዉ ተሳትፎ ትግሉን የበለጠ ያጠናክረዋል” ሲል ለጠያቂዎች የተናገረዉ እስክንድር ነጋ ፤ አያይዞም “ዲያስፖራዉ ማንኛዉንም መስዋትነት ለመክፈል ዝግጁ ሊሆን ይገባል” ብሏል፡፡ በተጨማሪም በግብፅ አቢዎት የግብፅ ዲያስፖራዎች የነበራቸዉን ቀጥተኛ ተሳትፎና ጉልህ ሚና በዝርዝር በመጥቀስ “እኛ ኢትዮጵያዉያን ከእነርሱ ብዙ ልንማር ይገባል” በማለት ተናግሯል፡፡

እስክንድር ደጋግሞ በቅርቡ አዲስ አበባ ከተማ ላይ ሊካሄድ የታቀደዉ ህዝባዊ የተቃዉሞ ሰልፍ ዲያስፖራዉ ለሀገሩ ያለዉን ቀናኢነት እንዲሁም ለወገኑ ያለዉን ፍቅርና ወገንተኝነት በተግባር የሚያሳይበት ትልቅ አጋጣሚ ነዉ ያለ ሲሆን፡፡ ይህን በመረዳት “በዉጭ ሀገራት የሚኖሩ ሀገር ወዳድ ኢትዮጵያዉያን ከአሁኑ በዚህ ታሪካዊ ክስተት ላይ ለመሳተፍ ሊዘጋጁ ይገባል” ብሏል፡፡

አገራችን ኢትዮጵያ እንደ አገር በመቀጠልና ባለመቀጠል አጣብቂኝ ዉስጥ እንዳለች እና ዜጎችም በጭቆና ፍዳቸዉን እያዩ እንደሚገኝ የጠቆመዉ እስክንድር ነጋ ችግሩን ከስር መሰረቱ ለመቅረፍ የግድ ሰላማዊ ትግል ማካሄድ ያስፈልጋል ሲል ተናግሯል፡፡

አያይዞም “አሁን በአንድነት ለዲሞክራሲና ለፍትህ ፓርቲ መሪነት “የሚሊዎኖች ድምፅ ለነፃነት” በሚል መሪ ቃል የተጀመረዉ የትግል እንቅስቃሴ ይበል የሚያስብልና የሚያበረታታ ነዉ” ያለ ሲሆን፡፡ “ትግሉ በዚሁ ተጠናክሮ ከቀጠለ እንዲሁም የሁላችንም ተሳትፎ ከታከለበት ያለምንም ጥርጥር ወደ ነፃነት ጎዳና ያደርሰናል” ብሏል፡፡

“አትፍሩ! ለአንባገነኖች ዛቻ ቦታ አትስጡ!” በማለት የተናገረዉ እስክንድር ነጋ “ፍርሐት የጨቋኞች ዋንኛ የአፈና መሳሪያ መሆኑን በመገንዘብ ሁሉም በድፍረት ድል ሊያደርገዉ ይገባል ሲል አብራርቷል፡፡” አያይዞም “መቁሰል ፣ መታሰር እና መንገላታት ሊኖር ይችላል ሆኖም ግን ይህ የምንከፍለዉ መስዋትነት አገር አልባ ከመሆን ያድነናል ፤ የተሻለች አገር ለመገንባት እና ለቀጣዩ ትዉልድ ለማስተላለፍ ይረዳናል” ብሏል፡፡ በመጨረሻም “ወደ እናት ሀገራችሁ በመምጣት አዲስ አበባ ላይ በሚካሄደዉ ሰላማዊ ሰልፍ ላይ ተሳተፉ፡፡” ሲል ከአደራ ጋር ለዲያስፖራዉ ጥሪ አስተላልፏል፡፡

በቦንድ ሽያጭ ያልተሳካው የገንዘብ ዘረፋ በኮንደሚኒየም ሰበብ መሳካት የለበትም!!!

 July 11, 2013  
ወያኔ በጠመንጃ ኃይል ሥልጣን ከተቆጣጠረበት 1983 ጀምሮ በከተሞች አካባቢ ምንም አይነት ሕዝባዊ ተቀባይነት ኖሮት አያውቅም። ለዚህም የሚሰጠው ምክንያት ከተሞች በጠላትነት በተፈረጀው አማራና የቀድሞ ሥርዓት ናፋቂዎች የተሞሉ ስለሆነ ነው ይላል። ዋና ከተማችን አዲስ አበባ በዚህ ውንጀላ ዋጋ ከከፈሉት ከተሞች ግንባር ቀደሟ ናት። በተለይ በመጀመሪያው የወያኔ 10 (አሥር) የሥልጣን አመታት የከተማዋን የነዋሪዎች አሰፋፈር ስብጥር ሆን ብሎ ለመቀየር ከመሞከር ጀምሮ የተለያዩ የአገልግሎት መስጫ ተቋሞችን አቅም ለማዳከም በርካታ አሳዛኝ እርምጃዎች ተወስደዋል።

ታሪክን ወደኋላ መለስ ብለን እንቃኝ። የፋሺስት ጣልያን ጦር በእንግሊዝ ጦር ትብብር በኢትዮጵያ አርበኞች ከተደመሰሰ በኋላ በአሸናፊነው ወደከተሞች የገባው የእንግሊዝ ጦር ያገኘውን ንብረት በወቅቱ የቅኝ ግዛቶቹ ወደ ነበሩት ኬንያና ሱማሌ አሽሽቷል።

ከብዙ ዓስርተ ዓመታት በኋላ ወያኔ ይህንኑ እኩይ ተግባር ደገመው። ወያኔ በያዛቸው ከተሞች ውስጥ ያገኘኛቸውን ውድ ዋጋና ትላልቅ ጥቅሞች የሚሰጡ በርካታ ንብረቶችን ከተለያዩ መንግሥታዊና ወታደራዊ ተቋሞች፤ ዩኒቨርስቲዎች፤ ሆስፒታሎች፤ ማህበራዊና ኤኮኖሚያዊ አገልግሎት መስጫዎች ዘርፎ እስከዛሬ ትክክለኛ አደራሻው ለሕዝብ ይፋ ወደ አልተደረገ የሰሜን አካባቢ አይናችን እያየ በረጃጅም የጭነት መኪናዎች አጓጉዞአል። በቀድሞ መንግሥት ዘመን ምንም ዕጥረት እንዳልነበረው የሚታወቀውን የንጹህ መጠጥ ውሃ አቅርቦትና የ24 ሰዓት መብራት አገልግሎትን እንኳ ሳይቀር በማስተጓጎል የከተማውን ሕዝብ ተበቅሎአል።

ወያኔ አዲስ አበባ ከተማ ላይ ያለውን ጥላቻ በጥቂቱም ቢሆን ረገብ ያደረገ የሚያስመስል እንቅስቃሴዎችን ማድረግ የጀመረው በሁለት ዋና ዋና ምክንያቶች ነው። አንደኛው ምክንያት በቃኝ የማያውቁት የቀድሞ ተጋዳላዮች የአገሪቱን አንጡራ ሃብት እንዲበዘብዙ በተመቻቸላቸው እድል ዘርፈው የያዙትን ገንዘብ ከውልደታቸው ጀምሮ ከሚታወቁበት አካባቢ ሕዝብ እይታ አርቀው “ለደም ካሳ” በዋና ከተማችን እምብርት በነፃ በታደላቸው የከተማ ቦታዎች ላይ ህንጻዎችን በመገንባት ንብረት እንዲይዙ ሁኔታዎችን ለማመቻቸት ሁለተኛው ምክንያት ደግሞ በርካታ የአለም አቀፍ ድርጅቶችና ዲፕሎማቶች መቀመጫ በሆነቺው አዲስ አበባ ምርጫ 97ን ተከትሎ ገጥሞት የነበረው ሽንፈት ባስከተለው መዘዝ የተበላሸ ገጽታውን በህንጻና መንገዶች ግንባታ ስም ለማሳመር መጣር ናቸው።
የአዲስ አበባ ኮንደሚኒዬም ቤቶቾ ግንባታ ከምርጫ 97 ቦኋላ በመኖሪያ ቤቶች እጥረት የሚሰቃየውን ሕዝብ ልብ ለማማለልና የፖለቲካ ድጋፍ ለመግዛት ያስችላል ተብሎ የታሰበ ብቻ ሳይሆን የሚከተሉት ድብቅ ዓላማዎችም አሉት።

1. በዘረፋ የከበሩ የቀድሞ ተጋዳላዮችና የጥቅም ተካፋዮቻቸው አይናቸው ያረፈባቸውን ቁልፍ የመኖሪያና የንግድ ቦታዎች ሁሉ ለዘመናት በባለይዞታነት ይዘው የኖሩትን በልማትና በእንቨስትመንት ሥም በማፈናቀል ወደ ግላቸው ላማዞር ያስችላቸዋል፤
2. በተለያዩ ሥም የተቋቋሙ የህንጻ ሥራ ተቋራጭ ድርጅቶቻቸው በግንባታው ሥራ በመሳተፍ መጠነ ሰፊ የሆነ ትርፍ ለማግበስበስ ያመቻቸዋል፤
3. የሥርዓቱን ደጋፊዎችና አቀንቃኞች ከሌላ ቦታ አምጥቶ በማስፈር በጠላትነት የተፈረጀውን የኅብረተሰብ ክፍል ተጽዕኖ ለማምከን ይረዳል፤
4. በሀብት ዘረፋው ለመሳተፍ እድል የሌላቸው የበታች ካድሬዎችና ታማኝ አገልጋዮችን ተጠቃሚ በማድረግ በአለቆቻቸው ዘረፋ ተማረው ልባቸው እንዳይሸፍት ይከላከላል ፤
5. ከተወለዱበትና ካደጉበት የግልና የቀበሌ ቤቶች ያለውደታቸው የተፈናቀሉ ዜጎች የኮኖዶሚኒየሙን ሂሳብ መክፈል እስከቻሉ ድረስ “ከቤታችን ተፈናቅለን ሜዳ ላይ ተጣልን” የሚል እሮሮ በማሰማት መንግስት ላይ አመጽ እንዳያስነሱ ስጋት ለመቀነስ ይረዳል፤
6. ከሰሞኑ 40 ከመቶ ተብሎ በወጣው ፖሊሲ እንደታዘብነው ደግሞ ዜጎችን በማጓጓት ተቸግረው ያጠራቀሙትን ገንዘብ ዝግ የባንክ ሂሳብ ውስጥ እንዲከቱ በማድረግ የገንዘብ እጥረት አንገቱ ድረስ የዘለቀውን አገዛዝ ለመታደግ ያስችላል (በ16 የሥራ ቀናት ብቻ ከተመዘገበው 750, 000 የኮንዶሚንዬም ቤት አመልካች 750 000 000 (ሰባት መቶ ሃምሳ ሚሊዮን) ብር መሰብሰቡን ልብ ይሏል)

ከዚህም በተጨማሪ የኮንደሚኒዬም ቤቶች ግንባታ በቂ ጥናትና ዝግጅት ያልተደረገበት የይድረስ ይድረስ ሥራ መሆኑን የቤቶቹ ርክክብ በተፈጸመ ማግሥት ስለ ህንጻው መሬት ውስጥ መስጠምና መጣመም መጀመር እየወጥ ያሉ ዜገባዎች ዋቤ ምስክር ናቸው።

የወያኔ መሪዎችና ታማኝ አገልጋዮቻቸው ከኮንደሚኒዬም ግንባታ በተጨማሪ ከምርጫ 97 ወዲህ ከፍተኛ ገንዘብ እያግበሰበሱ ያሉት የከተማ ቦታዎችን በውድ ዋጋ የልጅ ልጆቻቸው እንኳ ሊደርሱበት ለማይችል የግዜ ገደብ በሊዝ በመቸብቸብ ነው። በዚህ የመሬት ቅሪሚያ አንዳንድ ስግብግቦች “የአባትህ ቤት ሲዘረፍ አብረህ ዝረፍ” እንዲሉ “ወያኔዎች መሬታችንን እየተቀራመቱ ስለሆነ ተሻምተን ማስቆም አለብን” በሚል ብልጣ ብልጥነት ከሚኖሩበት የስደት አገር እየተጓዙ የወያኔን ገቢያ በማድራት ላይ መሆናቸውን የኢትዮጵያ ሕዝብ በትዝብት ተመልክቶአል። አገርን ዘርፎ ለዘራፊ እየሰጠ ያለ መንግሥት ሴራ ተባባሪ መሆን በሞራልም ሆነ በህሊና ዳኝነት የሚያስጠይቅ ወንጀል መሆኑ ሳያንስ እነዚህ በስግብግብነት የተጠመዱ ወገኖች ለንብረታቸው ደህንነት ሲባል ወያኔ ዓይናቸው እያየ ጆሮአቸው እየሰማ በሌሎች ወገኖቻቸው ላይ የሚፈጽማቸውን ሰቆቃዎች እንኳ ለመቃወም ድፍረት በማጣት ሌላ ትዝብት ውስጥ ሲወድቁ ተስተውለዋል:: ለመሆኑ እነዚህ ወገኖች ለፍተው ባገኙት ገንዘብ የገዙት ባርነትን ነው ወይስ የንብረት ባለቤትነትን ለሚለው ጥያቄ ምላሽ ይኖራቸዋል?

የዜጎች መብት በተከበረበት አገር ከዜግነት መብቶች አንዱ የግል ሀብት ባለቤት ለመሆን ገደብ የሌለው ነፃነትና እድል መኖሩ ነው::
ወያኔ በሚያስተዳድራት ኢትዮጵያችን ግን የንብረት ባለቤት ለመሆን የሥርዓቱ ባለሟል መሆን አለያም ከፖለቲካ ባላንጣነት መራቅ ዋና መስፈርት ናቸው። በዚህ መስፈርት ከወያኔ ጋር ተሻምተው ወይም ተሻርከው የንብረት ባለቤት ለመሆን እየተሽቀዳደሙ ያሉ ወገኖች ሊያውቁት የሚገባው ሃቅ ቢኖር አድሎአዊነት በሰፈነበት መንገድ የተገኘ ማንኛውም አይነት ሀብት ወይም ንብረት ወደፊት በወያኔ ከርሰ መቃብር ላይ በሚመሰረተው ዲሞክራሲያዊት ኢትዮጵያ ህገዊ ጥበቃ የሚኖረው አለመሆኑን ነው። ብሄራው የአገር ጥቅም ላይ ክህደት ከፈጸመ ፤ ዜጎችን በማፈን ሰቆቃ ካደረሰ ፤ የአገሪቷን ዜጎች ከቤት ንብረታቸው በማፈናቀል መሬታቸውን ቀምቶ ለሌሎች አሳልፎ ከሰጠ ፤ የመንግሥትና የሕዝብ ሀብት ዘርፎ ለዘራፍ ከሰጠ ወንጀለኛ መንግሥት ጉያ ውስጥ ተወሽቆ እስከ ወዲያኛው የህግ ጥበቃ ሊደረግለት የሚችል ንብረት ባለቤት መሆን ማሰብ እጅግ ይቸግራል። ዜጎች በራሳቸው ወዝ ለፍተው ያገኙትን ንብረት ሳይቀር በፖለቲካ አስተሳሰባቸው ምክንያት ብቻ በሽብርተኝነት እየፈርጀ የሚነጥቅ ሥርዓት ዕድሜ እንደምንጠብቀው ረዥም ሊሆን እንደማይችል ማሰብ ብልህነት ነው።

ግንቦት 7 የፍትህ የነፃነትና የዲሞክራሲ ንቅናቄ የወያኔ አገዛዝ በውጭው ዓለም በስደት ከሚኖረው ወገናችን በአባይ ግድብ የቦንድ ሺያጭ ሥም ለመሰብሰብ ሞክሮ ያልተሳካለትን ገንዘብ በመሬት ሺያጭ እና በኮንደሚኒዬም ቤት ግዥ ሥም እንዲያገኝ ሊፈቀድለት አይገባም ብሎ ያምናል:: ስለዚህም እያንዳንዱ ነፃነት ናፋቂ ኢትዮጵያዊ ከዚህ ከኮንደሚኒዬም ቤቶች በስተጀርባ ያለውን ድብቅ አጀንዳ በማጋለጥ ጥረቱን በማምከን የሕዝባዊ እምብተኝነት ትግል አካል እንዲሆን ግንቦት 7 የትግል ጥሪውን ያስተላልፋል።

ድል ለኢትዮጵያ ሕዝብ

July 11, 2013 
ወያኔ በጠመንጃ ኃይል ሥልጣን ከተቆጣጠረበት 1983 ጀምሮ በከተሞች አካባቢ ምንም አይነት ሕዝባዊ ተቀባይነት ኖሮት አያውቅም። ለዚህም የሚሰጠው ምክንያት ከተሞች በጠላትነት በተፈረጀው አማራና የቀድሞ ሥርዓት ናፋቂዎች የተሞሉ ስለሆነ ነው ይላል። ዋና ከተማችን አዲስ አበባ በዚህ ውንጀላ ዋጋ ከከፈሉት ከተሞች ግንባር ቀደሟ ናት። በተለይ በመጀመሪያው የወያኔ 10 (አሥር) የሥልጣን አመታት የከተማዋን የነዋሪዎች አሰፋፈር ስብጥር ሆን ብሎ ለመቀየር ከመሞከር ጀምሮ የተለያዩ የአገልግሎት መስጫ ተቋሞችን አቅም ለማዳከም በርካታ አሳዛኝ እርምጃዎች ተወስደዋል።
ታሪክን ወደኋላ መለስ ብለን እንቃኝ። የፋሺስት ጣልያን ጦር በእንግሊዝ ጦር ትብብር በኢትዮጵያ አርበኞች ከተደመሰሰ በኋላ በአሸናፊነው ወደከተሞች የገባው የእንግሊዝ ጦር ያገኘውን ንብረት በወቅቱ የቅኝ ግዛቶቹ ወደ ነበሩት ኬንያና ሱማሌ አሽሽቷል። ከብዙ ዓስርተ ዓመታት በኋላ ወያኔ ይህንኑ እኩይ ተግባር ደገመው። ወያኔ በያዛቸው ከተሞች ውስጥ ያገኘኛቸውን ውድ ዋጋና ትላልቅ ጥቅሞች የሚሰጡ በርካታ ንብረቶችን ከተለያዩ መንግሥታዊና ወታደራዊ ተቋሞች፤ ዩኒቨርስቲዎች፤ ሆስፒታሎች፤ ማህበራዊና ኤኮኖሚያዊ አገልግሎት መስጫዎች ዘርፎ እስከዛሬ ትክክለኛ አደራሻው ለሕዝብ ይፋ ወደ አልተደረገ የሰሜን አካባቢ አይናችን እያየ በረጃጅም የጭነት መኪናዎች አጓጉዞአል። በቀድሞ መንግሥት ዘመን ምንም ዕጥረት እንዳልነበረው የሚታወቀውን የንጹህ መጠጥ ውሃ አቅርቦትና የ24 ሰዓት መብራት አገልግሎትን እንኳ ሳይቀር በማስተጓጎል የከተማውን ሕዝብ ተበቅሎአል።
ወያኔ አዲስ አበባ ከተማ ላይ ያለውን ጥላቻ በጥቂቱም ቢሆን ረገብ ያደረገ የሚያስመስል እንቅስቃሴዎችን ማድረግ የጀመረው በሁለት ዋና ዋና ምክንያቶች ነው። አንደኛው ምክንያት በቃኝ የማያውቁት የቀድሞ ተጋዳላዮች የአገሪቱን አንጡራ ሃብት እንዲበዘብዙ በተመቻቸላቸው እድል ዘርፈው የያዙትን ገንዘብ ከውልደታቸው ጀምሮ ከሚታወቁበት አካባቢ ሕዝብ እይታ አርቀው “ለደም ካሳ” በዋና ከተማችን እምብርት በነፃ በታደላቸው የከተማ ቦታዎች ላይ ህንጻዎችን በመገንባት ንብረት እንዲይዙ ሁኔታዎችን ለማመቻቸት ሁለተኛው ምክንያት ደግሞ በርካታ የአለም አቀፍ ድርጅቶችና ዲፕሎማቶች መቀመጫ በሆነቺው አዲስ አበባ ምርጫ 97ን ተከትሎ ገጥሞት የነበረው ሽንፈት ባስከተለው መዘዝ የተበላሸ ገጽታውን በህንጻና መንገዶች ግንባታ ስም ለማሳመር መጣር ናቸው።
የአዲስ አበባ ኮንደሚኒዬም ቤቶቾ ግንባታ ከምርጫ 97 ቦኋላ በመኖሪያ ቤቶች እጥረት የሚሰቃየውን ሕዝብ ልብ ለማማለልና የፖለቲካ ድጋፍ ለመግዛት ያስችላል ተብሎ የታሰበ ብቻ ሳይሆን የሚከተሉት ድብቅ ዓላማዎችም አሉት።

1. በዘረፋ የከበሩ የቀድሞ ተጋዳላዮችና የጥቅም ተካፋዮቻቸው አይናቸው ያረፈባቸውን ቁልፍ የመኖሪያና የንግድ ቦታዎች ሁሉ ለዘመናት በባለይዞታነት ይዘው የኖሩትን በልማትና በእንቨስትመንት ሥም በማፈናቀል ወደ ግላቸው ላማዞር ያስችላቸዋል፤
2. በተለያዩ ሥም የተቋቋሙ የህንጻ ሥራ ተቋራጭ ድርጅቶቻቸው በግንባታው ሥራ በመሳተፍ መጠነ ሰፊ የሆነ ትርፍ ለማግበስበስ ያመቻቸዋል፤
3. የሥርዓቱን ደጋፊዎችና አቀንቃኞች ከሌላ ቦታ አምጥቶ በማስፈር በጠላትነት የተፈረጀውን የኅብረተሰብ ክፍል ተጽዕኖ ለማምከን ይረዳል፤
4. በሀብት ዘረፋው ለመሳተፍ እድል የሌላቸው የበታች ካድሬዎችና ታማኝ አገልጋዮችን ተጠቃሚ በማድረግ በአለቆቻቸው ዘረፋ ተማረው ልባቸው እንዳይሸፍት ይከላከላል ፤
5. ከተወለዱበትና ካደጉበት የግልና የቀበሌ ቤቶች ያለውደታቸው የተፈናቀሉ ዜጎች የኮኖዶሚኒየሙን ሂሳብ መክፈል እስከቻሉ ድረስ “ከቤታችን ተፈናቅለን ሜዳ ላይ ተጣልን” የሚል እሮሮ በማሰማት መንግስት ላይ አመጽ እንዳያስነሱ ስጋት ለመቀነስ ይረዳል፤
7. ከሰሞኑ 40 ከመቶ ተብሎ በወጣው ፖሊሲ እንደታዘብነው ደግሞ ዜጎችን በማጓጓት ተቸግረው ያጠራቀሙትን ገንዘብ ዝግ የባንክ ሂሳብ ውስጥ እንዲከቱ በማድረግ የገንዘብ እጥረት አንገቱ ድረስ የዘለቀውን አገዛዝ ለመታደግ ያስችላል (በ16 የሥራ ቀናት ብቻ ከተመዘገበው 750, 000 የኮንዶሚንዬም ቤት አመልካች 750 000 000 (ሰባት መቶ ሃምሳ ሚሊዮን) ብር መሰብሰቡን ልብ ይሏል)

ከዚህም በተጨማሪ የኮንደሚኒዬም ቤቶች ግንባታ በቂ ጥናትና ዝግጅት ያልተደረገበት የይድረስ ይድረስ ሥራ መሆኑን የቤቶቹ ርክክብ በተፈጸመ ማግሥት ስለ ህንጻው መሬት ውስጥ መስጠምና መጣመም መጀመር እየወጥ ያሉ ዜገባዎች ዋቤ ምስክር ናቸው።

የወያኔ መሪዎችና ታማኝ አገልጋዮቻቸው ከኮንደሚኒዬም ግንባታ በተጨማሪ ከምርጫ 97 ወዲህ ከፍተኛ ገንዘብ እያግበሰበሱ ያሉት የከተማ ቦታዎችን በውድ ዋጋ የልጅ ልጆቻቸው እንኳ ሊደርሱበት ለማይችል የግዜ ገደብ በሊዝ በመቸብቸብ ነው። በዚህ የመሬት ቅሪሚያ አንዳንድ ስግብግቦች “የአባትህ ቤት ሲዘረፍ አብረህ ዝረፍ” እንዲሉ “ወያኔዎች መሬታችንን እየተቀራመቱ ስለሆነ ተሻምተን ማስቆም አለብን” በሚል ብልጣ ብልጥነት ከሚኖሩበት የስደት አገር እየተጓዙ የወያኔን ገቢያ በማድራት ላይ መሆናቸውን የኢትዮጵያ ሕዝብ በትዝብት ተመልክቶአል። አገርን ዘርፎ ለዘራፊ እየሰጠ ያለ መንግሥት ሴራ ተባባሪ መሆን በሞራልም ሆነ በህሊና ዳኝነት የሚያስጠይቅ ወንጀል መሆኑ ሳያንስ እነዚህ በስግብግብነት የተጠመዱ ወገኖች ለንብረታቸው ደህንነት ሲባል ወያኔ ዓይናቸው እያየ ጆሮአቸው እየሰማ በሌሎች ወገኖቻቸው ላይ የሚፈጽማቸውን ሰቆቃዎች እንኳ ለመቃወም ድፍረት በማጣት ሌላ ትዝብት ውስጥ ሲወድቁ ተስተውለዋል:: ለመሆኑ እነዚህ ወገኖች ለፍተው ባገኙት ገንዘብ የገዙት ባርነትን ነው ወይስ የንብረት ባለቤትነትን ለሚለው ጥያቄ ምላሽ ይኖራቸዋል?

የዜጎች መብት በተከበረበት አገር ከዜግነት መብቶች አንዱ የግል ሀብት ባለቤት ለመሆን ገደብ የሌለው ነፃነትና እድል መኖሩ ነው:: ወያኔ በሚያስተዳድራት ኢትዮጵያችን ግን የንብረት ባለቤት ለመሆን የሥርዓቱ ባለሟል መሆን አለያም ከፖለቲካ ባላንጣነት መራቅ ዋና መስፈርት ናቸው። በዚህ መስፈርት ከወያኔ ጋር ተሻምተው ወይም ተሻርከው የንብረት ባለቤት ለመሆን እየተሽቀዳደሙ ያሉ ወገኖች ሊያውቁት የሚገባው ሃቅ ቢኖር አድሎአዊነት በሰፈነበት መንገድ የተገኘ ማንኛውም አይነት ሀብት ወይም ንብረት ወደፊት በወያኔ ከርሰ መቃብር ላይ በሚመሰረተው ዲሞክራሲያዊት ኢትዮጵያ ህገዊ ጥበቃ የሚኖረው አለመሆኑን ነው። ብሄራው የአገር ጥቅም ላይ ክህደት ከፈጸመ ፤ ዜጎችን በማፈን ሰቆቃ ካደረሰ ፤ የአገሪቷን ዜጎች ከቤት ንብረታቸው በማፈናቀል መሬታቸውን ቀምቶ ለሌሎች አሳልፎ ከሰጠ ፤ የመንግሥትና የሕዝብ ሀብት ዘርፎ ለዘራፍ ከሰጠ ወንጀለኛ መንግሥት ጉያ ውስጥ ተወሽቆ እስከ ወዲያኛው የህግ ጥበቃ ሊደረግለት የሚችል ንብረት ባለቤት መሆን ማሰብ እጅግ ይቸግራል። ዜጎች በራሳቸው ወዝ ለፍተው ያገኙትን ንብረት ሳይቀር በፖለቲካ አስተሳሰባቸው ምክንያት ብቻ በሽብርተኝነት እየፈርጀ የሚነጥቅ ሥርዓት ዕድሜ እንደምንጠብቀው ረዥም ሊሆን እንደማይችል ማሰብ ብልህነት ነው።

ግንቦት 7 የፍትህ የነፃነትና የዲሞክራሲ ንቅናቄ የወያኔ አገዛዝ በውጭው ዓለም በስደት ከሚኖረው ወገናችን በአባይ ግድብ የቦንድ ሺያጭ ሥም ለመሰብሰብ ሞክሮ ያልተሳካለትን ገንዘብ በመሬት ሺያጭ እና በኮንደሚኒዬም ቤት ግዥ ሥም እንዲያገኝ ሊፈቀድለት አይገባም ብሎ ያምናል:: ስለዚህም እያንዳንዱ ነፃነት ናፋቂ ኢትዮጵያዊ ከዚህ ከኮንደሚኒዬም ቤቶች በስተጀርባ ያለውን ድብቅ አጀንዳ በማጋለጥ ጥረቱን በማምከን የሕዝባዊ እምብተኝነት ትግል አካል እንዲሆን ግንቦት 7 የትግል ጥሪውን ያስተላልፋል።

ድል ለኢትዮጵያ ሕዝብ

ጉዳዩ የመብት እንጂ የፖለቲካ አይደለም

ሐምሌ 4 ቀን 2005 ዓ.ም
እንደ ጆርጅያ፣ አላባማ፣ ሚሲሲፒና ቴክሳስ በመሳሰሉ የደቡብና የደቡብ ምዕራብ  የአሜሪካ ግዛቶች የጥቁር አሜሪካዉያን መብት በግፍ የሚረገጥበትና ወቅት ነበር። ነጮች የሚገቡበት ምግብ ቤቶችና ነጮች የሚማሩበት ትምህርት ቤቶች ጥቁሮች እንዳይገቡ ይታገዱ፣ በባስ ከተሳፈሩ ደግሞ ከኋላ ባሉ መቀመጫዎች ብቻ ነበር እንዲቀመጡ ይደረጉ ነበር። ድንገት ወደ መሃል ጠጋ ካሉና ሌላ ነጭ በባሱ ዉስጥ ከገባ ለነጩ መቀመጫ መልቀቅ ይጠበቅባቸዉ ነበር።

በዚያን ወቅት ነበር የሰብዓዊ መብት ትግል እናት፣ ሮዛ ፓርክ፣ በአርባ አራት አመታቸዉ የግፍና የዘረኛ  አገዛዙን «እምቢ» ያሉት። እኝህ እናት ያልተለመደና ጀግንነት የተሞላበት ታሪካዊ ሥራ ለመስራት ቻሉ። ነጮች ብቻ በሚቀመጡበት ቦታ «እኔም ሰዉ ነኝ።

እኔም ከማንም አላንስም» ብለዉ ለመብታቸዉ፣ ለነጻነታቸዉ፣ ለእኩልነታቸዉና ለክብራቸዉ ሲሉ  ተቀመጡ። ለነጮች ቦታ «አለቅም» ብለዉ አሻፈረኝ አሉ።

የባሱ ሹፌር «ተነሺ፣ ፈቀቅ በይ፣ ይህ  ቦታ ላንቺ አይነቱ አይደለም፣ አንቺ ከፊት ሳይሆን ከኋላ ነዉ መሆን ያላብሽ። ላንቺ ትራፊ ነዉ የሚገባሽ» ሲላቸዉ እኝህ እናት ግን «እግዚአብሄር ሰዉን ሁሉ አኩል አድርጎ ፈጥሯል። እምቢ ለዉርደት፣ እምቢ ለበታችነት፣ እምቢ ለባርነት» ሲሉ በተከለከለ  መቀመጫ ላይ ተቀመጡ።

በዚህ ወቅት ነበር በግሪንስቦሮ ደቡብ ካሮላይና በሚገኝ ምግብ ቤት፣ ዮሴፍ ማክኒል የሚባል ጥቁር አሜሪካዊ የኮሌጅ ተማሪ፣ ለነጮች ብቻ በተፈቀደ ምግብ ቤት ምግብ አዞ ለመመገብ ደፍሮ በወኔ የገባዉ። የምግብ ቤቱ ባለቤት ምግብ ለማቅረብ ፈቃደኛ ባይሆንም፣ ዮሴፍ ማክኒል ግን ተስፋ አልቆረጠም። በነጋታዉ ሌሎች ሶስት ጓደኞቹን ይዞ ተመልሶ መጣ። አሁንም የምግብ ቤቱ ባላቤት ምግብ አላቀርብም አለ። እንደገና መቀመጥ፣ እንደገና ምግብ መከልከል፣ እንደገና መቀመጥ እንደገና ምግብ መከልከል።
እነማክኒል ተስፋ ሊቆርጡ አልቻሉም። አላማቸዉን ከግብ ማድረስ ከባድ እንደሆነ ያዉቃሉ። ከፊታቸዉ ትልቅ ተራራ እንዳለ ያዉቃሉ። በፊታቸዉ የዮርዳኖስ ወንዝ ያጓራል። በፊታቸዉ ጥልቅ ሸለቆ አለ። ነገር ግን የተራራዉ ርዝመት አላስፈራቸዉም። የዮርዳኖስ ወንዝ ጩኸት አላስደነገጣቸዉም። የሸለቆዉም ጥልቀት ልባቸዉን አላቀለጠዉም።

በየቀኑ ለነጮች ብቻ በተፈቀደ ምግብ ቤት መቀመጣቸዉን ቀጠሉበት። ነገሮች ስለከረሩ ስፍራቸዉን ለቀዉ አልሄዱም። ትግሉን አልሸሹም። ነገር ግን እነርሱ መከራ እየተቀበሉ ለሌላዉ ምሳሌ ሆኑ። በአሥራ አምስት ቀናት ዉስጥ በየከተሞች ለነጻነት የሚደረግ የመቀመጥ ትግል ተጧጧፈ። በመቀመጥ ለመብት መቆም ተቻለ። ስጋ ተቀመጠ ልብ ግን ቆመ። ክፋት ስትበረታ፣ ትዕግስትም ልቃ በረታች። ጥላቻ ስትበረታ፣ ፍቅርም አይላ ወጣች።

አሁንም እኛ ኢትዮጵያዉያን በአገራችን ያለዉን ችግር ለመቅረፍ በቁርጠኝነት የምንነሳበት ጊዜዉ አሁን ነዉ ባይ ነኝ። አሁንም አገራችን ኢትዮጵያ ፈታኝ ወቅት ላይ ነዉ ያለችዉ። ተስፋ የቆረጥን፣ የሰላማዊዉን ትግል የተዉንና የማያዋጣ በሌሎች በመተማመን ላይ ያተኮረ የትግል መንገድ የተከተልን አለን። ብዙዎቻችን በ«አይቻልም» መንፈስ ተሞልተናል።

ይሄ መቀየር አለበት። በራሳችን መተማመን አለብን። ከስሜትና ከንዴት በጸዳ መልኩ የሚጠቀመዉንና የሚበጀዉን የሰለጠነዉንና በሕዝብ ጉልበት ላይ የተመሰረትዉን መንገድ መያዝ ይኖርብናል። ከበረታን፣ ከተባበርን ከግብ የማንደርስበት ምንም ምክንያት የለም።

የሰማያዊ ፓርቲ በቅርቡ በጠራዉ አንድነትና መኢአድም በደገፉት የአዲስ አበባዉ ሰላማዊ ሰልፍ፣ በመቶ ሺሆች የሚቆጠሩ ወገኖቻችን የፍርሃትን ካባ አዉልቀዉ ድምጻቸዉን ማሰማታቸው ይታወቃል። ሰሞኑን ደግሞ የአንድነት ፓርቲ በሌሎች አንጋፋ የኢትዮጵያ ከተሞች ሕዝብን እየቀሰቀሰ ነዉ። በጎንደርና በደሴ በመኪና ላይ ጡሩምባ በመንፋት፣ ወረቀቶችን በመበተን፣ በየመንደሩ ዜጎችን ፔቲሽን በማስፈረም፣ ሕዝቡ ቀና ብሎ ለመብቱና ለነጻነቱ እንዲነሳ እያደፋፈሩት ነዉ። በዚህም ምክንያት የአንድነት አስተባባሪዎች በመታሰር ላይ ናቸው።ትልቅ ዋጋ እየከፈሉ ነዉ።

ነገር ግን የጨዋታዉ ሕግ ተቀይሯል። እንደ ትላንትና ፈርቶ መመለስ ቀርቷል። «ጽ/ቤቶቻችን እስኪዘጉና ሁላችንንም አስረዉ እስኪጨርሱ ድረስ ለመብታችን መጮሃችንን አናቆምም» እያሉ ነዉ አንድነቶች።

እንግዲህ  «ከሚሊዮኖች አንዱ እንሁን» እላለሁ። በደሴና በጎንደር የምንኖር ሁሉ በነቂስ እንዉጣ። በርቀት ያለንም እየደወልን፣ በፌስቡክና በኢሜል በጎንደርና በደሴ ያሉ ዘመዶቻችን ፣ ጓደኞቻችን እንዲወጡ እናበረታታ። በፓርቲዉ የተዘጋጀዉን ፔቲሽን  በመፈረም በመንፈስ የሰልፉ ተካፋዮች እንሁን። የምናወቃቸዉን ሁሉ እናስፈረም። ለትግሉም ያለንን አጋራነት በተግባር እናሳይ።

በመጨረሻ አንድ አስፈላጊ ጉዳይ ላንሳ። በአገር ቤት የሚደረጉ እንቅስቃሴዎች ከፍተኛ ወጭ ይጠይቃሉ። እስከአሁን በብዛት ወጭዉ የሚሸፈነዉ፣  እዚያው አገር ቤት ካሉ፣ የኑሮ ዉድነት ቀንበር ወገባቸውን ካጎበጣቸው ወገኖቻችን  ነዉ። በዳያስፖራ ያለን በአካል ተገኝተን ሰልፍ መዉጣት ባንችልም፣ ቢያንስ በገንዘባችን ድጋፍ መስጠት መቻል አለብን። ኢትዮጵያን የሚወድ እንግዲህ አሁን ይነሳ! ብዙ አወራን ጊዜው አሁን የሥራ ነው!

አንዳንዶች ፖለቲካና ኮረንቲ በሩቅ ነዉ ይላሉ። ነገር ግን ወገንቼ ይሄ ፖለቲካ አይደለም። ይሄ የመብት፣ የፍትህ፣ የእኩልነት ጉዳይ ነዉ።

ፔትሽኖች ለመሙላት፣ በገንዘብ ለመደገፍ  እንዲሁም በአገር ቤት የሚደረጉ እንቅስቃሴዎች በቅርበት ለመከታተል የሚከተሉትን ድህረ ገጾች ይጎብኙ !

http://www.andinet.org/

http://www.semayawiparty.org/

የመልካም አስተዳደርና የኪራይ ሰብሳቢነት ችግሮች ያሽመደመዱት ተሰናባቹ አስተዳደር

በፍሬው አበበ

 ግንቦት 12 ቀን2000 ዓ.ም ከባለአደራ አስተዳደር ሥልጣኑን በመረከብ ሥራ የጀመረው ተሰናባቹ የአዲስአበባ ከተማ አስተዳደር የከተማዋን ማህበራዊ፣ኢኮኖሚያዊ ችግሮች ይፈታል በሚል የበዛ ተስፋ ተጥሎበት ነበር። የቀድሞ የከተማዋ ከንቲባ አቶ ኩማ ደመቅሳ ወደ ሥልጣን ከመጡ በኋላበተደጋጋሚ በሰጡዋቸው መግለጫዎች አውርተው የማይጠግቡት የመልካም አስተዳደርና የኪራይ ሰብሳቢነት ችግሮች በከተማዋ ሥር የመስደዱንጉዳይ ነበር። ወደሥልጣን ሲመጡም ሲሰናበቱም ይህ ወሬ ከአፋቸው አልተለየም። አንዳንዴ በከተማዋ ስለተንሰራፋው የመልካም አስተዳደርችግር፣ ሕዝቡም በዚህ ችግር የቱን ያህል እየተጎዳ፣ ዋጋ እየከፈለ መሆኑን አስተዛዝነው ሲናገሩ እሳቸው በከንቲባነት ስለሚመሩትከተማ ሳይሆን ስለአንድ ራቅ ያለ አፍሪካዊ ከተማ የሚተርኩ ሁሉ ይመስሉ ነበር። እናም ይህ የመልካም አስተዳደር ችግርና ኪራይ ሰብሳቢነትበእሳቸውም የሥልጣን ዘመን የሚያስታግሰው ሁነኛ መሪ ሳያገኝ እነሆ ለስንብት በቁ።

አቶ ኩማ ሰሞኑን በተካሄደውየአስተዳደሩ የመሰናበቻ ጉባዔ ላይ ባለፉት ዓመታት ኪራይ ሰብሳቢነትን ለመዋጋት አስተዳደራቸው ያደረገው ጥረት ቢኖርም ለማሸነፍአለመቻሉን ተናዘውልናል። ንግግራቸውን እዚህ ላይ እንጠቅሳለን። “ባለፉት አምስት ዓመታት በተደጋጋሚ ለመግለጽ እንደተሞከረው ሁሉበቀጣይ የማያቋርጥ ትግል የሚጠይቁ አራት ፈተናዎች እንደነበሩ ማንሳት ተገቢ ይሆናል። አንዱና ትልቁ ችግር አሁንም ልማታዊ ዴሞክራሲያዊአቅጣጫችንን መሰረት አድርገን ርብርብ እያደረግን ቢሆንም የኪራይ ሰብሳቢነት አመለካከትና ተግባር ቁልፍ ማነቆ የመሆኑ ጉዳይ ነው።ይህ አስተሳሰብና ድርጊት በቁልፍ የልማት እና የመልካም አስተዳደር ዘርፎቻችን መልኩን እየቀያየረ የሚከሰት በመሆኑ ምልዐተ ሕዝቡንየሚያሳትፍ የማያቋርጥ ትግል ማድረግን ይጠይቃል። በተለይ በመሬትና ግብር ጉዳዮች ላይ አተኩረን ኪራይ ሰብሳቢነትን ለማስወገድ ጥረትስናደርግ ብንቆይም በከተማችን ልማታዊ ዴሞክራሲያዊ አስተሳሰብና ተግባር የበላይነት የያዘበት ሁኔታ አልተፈጠረም።”

የቀድሞ ከንቲባ ኩማይቀጥላሉ። “በማስፈጸም አቅማችን ዙሪያ …በመዋቅራችን አዳዲስ ሰው ኃይል የማስገባት፣ ተከታታይ የአመለካከት ግንባታ የማካሄድ እናውጤታማ የለውጥ መሳሪያዎች አጠቃቀም የመፍጠር ሥራ ላይ አተኩረን አሠራርና አደረጃጀታችንን ለማሻሻል ጥረት ስናደርግ ብንቆይም የተደራጀየልማት ሠራዊት አልፈጠርንም።….”

አያይዘውም “የአገልግሎትአሰጣጥ የመልካም አስተዳዳር ግንባታ ማነቆ ነው። የችግሮቹ ዋንኛ ማጠንጠኛ ከላይ እስከ ያለው አመራርና ፈጻሚ የአመለካከት ፣የክህሎትእና የቁርጠኝነት መጓደል እንደሆነ ግልጽ ነው።….” በማለት ያስቀምጡታል።

በአራተኛ ደረጃ የከተማዋንሕዝብ የጎዳውን የዋጋ ንረትና የኑሮ ውድነት ችግር ሌላው ፈተና እንደነበር ይጠቅሳሉ።

እነዚህን ችግሮች ለመፍታትየአስተዳደሩ አካላት ጥረት ማድረጋቸውን ከመግለጽ ባለፈ መቼና የት ምን እንደተደረገ፣ በምን ምክንያትስ የእሳቸው ጥረት እንዳልተሳካበዝርዝር በንግግራቸው ላይ የጠቀሱት ነገር የለም። ከዚህም ባለፈ ይህ የመልካም አስተዳደርና የኪራይ ሰብሳቢነት ችግሮች ያንበረከኩትአመራር እንዴትስ አመኔታ አግኝቶ ሥልጣን ላይ ሊቆይ ቻለ የሚለውን ዝርዝር ምላሽን የሚሻ ነው። በእንዲህ ዓይነት ቁመና ላይ የከረመአስተዳደር ቢያንስ ለጥፋቶቹ ኃላፊነትን ለመውሰድ አለማሰቡም ያስገርማል።

አቶ ኩማ እንደከንቲባ

አቶ ኩማ ደመቅሳ አልፎአልፎ በቴሌቪዥን መስኮት ብቅ ብለው የሚሰጡዋቸው መግለጫዎች ያደመጠ ሁሉ የትኛውንም ዓይነት ችግር ለመፍታት ያላቸውን ቁርጠኝነትለደቂቃ ያህል አይጠራጠርም። አንደበተ ርቱዕ ናቸው። ችግሮቹን ነቅሰው ሲያስቀምጡ አድማጮችን ሁሉ አፍ ያስከፍታሉ። ችግሩ ግን አፈጻጸምላይ እሳቸውም ቢሆኑ ከባልደረቦቻቸው የተለዩ ሰው አለመሆናቸው ነው።

አንድ ሰማቸውን መግለጽያልፈለጉ ባለሃብት በአንድ ወቅት አቤቱታ ይዘው አቶ ኩማን በቢሮቸው ለማነጋገር ያዩትን ስቃይ እጅግ በማዘን ይናገራሉ። “አቶ ኩማንግግራቸውን በቴሌቪዥን ሰምቼ ቅንና አገር ወዳድ ሰው ናቸው በሚል አቤቱታዬን ለማሰማት ቢሮአቸው ሔጄ ነበር። በጣም የሚያስገርመውእንኳንስ አቤቱታ ማቅረብ ቀርቶ ቢሮአቸው አካባቢ መድረስ እንኳን አይታሰብም። ጥበቃዎች አያሳልፉም። አቤቱታ ካልዎት የጽ/ቤት ኃላፊውንያነጋግሩ ተባልኩ። እናም እንዲህ ዓይነት ራሱን ከሕዝብ ሰውሮ የተቀመጠ ከንቲባ ባለበት ከተማ ችግሮች ቢበዙ ምን ይገርማል” ሲሉይጠይቃሉ።

ሚዲያውን መሸሽ

አቶ አርከበ ዕቁባይእና የባለአደራ አስተዳደር አቶ ብርሃነ ደሬሳ በተሾሙ ማግስት በቅድሚያ ያደረጉት ከሚዲያው (ከመንግስትም ከግሉም) ጋር መተዋወቅነበር። በተለይ የአቶ አርከበ አቀራረብ “ነውጠኛ ነበሩ” በሚል መንግስት ክፉኛ ያወግዛቸው የነበሩ የግል ፕሬሶችን ሳይቀር የማረከእንደነበር የምናስታውሰው ነው። አቶ አርከበ በአጭሩ “የከተማዋ ጉዳይ የእኔ ብቻ ሳይሆን የሁላችንም ነው። ተጋግዘን ከተማዋን እንለውጥ።የሚዲያ ባለሙያዎችም አግዙኝ” የሚል መልዕክትን ያዘለ ነበር። ይህ ከዚህ ቀደም እምብዛም ያልተሞከረ ቁርጠኝነት በእርግጥም ለአቶአርከበ ጠቅሞአቸው እንደነበር ማስታወስ ተገቢ ነው። ከዚህ አንጻር ኩማ ሲመዘኑ ሚዲያን የሚሸሹ ሰው መሆናቸውን ቁልጭ ብሎ ይታያል።በሚጠሩዋቸው መግለጫዎች የሚጋበዙት የመንግስት መገናኛ ብዙሃን ብቻ ናቸው። ቢያንስ ከቀድሞ ጠ/ሚኒስትር አቶ መለስ ዜናዊ እና ከአሁኑጠ/ሚ አቶ ኃይለማርያም ደሳለኝ ትምህርት በመውሰድ ሁሉንም ሚዲያ በማሳተፍ ያሉትን የሕዝብ ችግሮች ምላሽ በመስጠት ረገድ መንቀሳቀስአለመቻላቸው ያስገርማል። በዚህ ረገድ አርአያ ሆነው ባለመገኘታቸውም በአዲስ አበባ በየእርከኑ የሚገኙ ሹመኞችና ባለሙያዎች በራቸውንለሚዲያ ለመክፈት ልዩ ትዕዛዝን ጠባቂ አድርገዋቸዋል። በዚህም ምክንያት በአስተዳደሩ መዋቅሮች ግልጽነት የሚባለው ነገር ከወሬ ማሳመሪያነትባለፈ ጥቅም ላይ መዋል አልቻለም።

ሲፈለግ ብቻ የሚጠራ ሕዝብን መፍጠራቸው

ምርጫ ሲቃረብ ወይንምየተለየ ከሕዝብ የሚፈለግ ድጋፍ ሲኖር ካልሆነ በስተቀር ሕዝብ ማሳተፍ የሚባለው ጉዳይ የወረቀት ላይ ጌጥ ነው። አቶ ኩማን ጨምሮሌሎች የአስተዳደሩ አካላት በዓመት አንዴም ቢሆን ከሕዝብ ጋር ከተሰበሰቡ ሕዝብን እንዳሳተፉ በመግለጽ ወሬውን ለሪፖርት ፍጆታ የመጠቀምነገር ጎልቶ ይታያል። ሕዝብን ማሳተፍ ሲባል ግን ስብሰባ መጥራት ብቻ አይደለም። በእያንዳንዱ የአስተዳደሩ ውሳኔ ውስጥ አሻራውእንዲኖር ማድረግ መቻል ማለት ነው። ሕዝብን በየዕለቱ ማዳመጥ ኑሮውን መኖር ማለት ነው። በዚህ ረገድ ተሰናባቹ አስተዳደር ሲመዘንእዚህ ግባ የሚባል ታሪክ ያለው አይደለም። ከምንም በላይ ደግሞ ለይስሙላ በሚጠሩ መድረኮችም ላይ ቢሆን አባል፣ደጋፊ እየተባለ ሰዎችንለያይቶ የመጥራቱ ነገር አሁንም ሰፊ የህዝብ ድጋፍና ተቀባይነትን ከማግኘት አንጻር ጉድለቱ ግዙፍ ነው።

የተዘነጋው ሰብዓዊ ልማት

የመንገድ፣ የባቡርናሌሎች የመሠረተ ልማት ችግሮችን ለመፍታት የሚካሄዱ ግንባታዎች ለከተማዋ ዕድገት ቁልፍ ሚና ቢኖራቸውም ለከተማዋ ሕዝብ የሰብዓዊልማት የተሠጠው ቦታ አናሳ መሆን አንዳንዴ ከፈረሱ ጋሪው ማሳባሉ አልቀረም። ዛሬም የሕግ የበላይነት በመጥፋቱ ብዙ ዜጎች ፍትህፍለጋ ውድ ጊዜያቸውን በመንከራተት ያሳልፋሉ። ከአድልዎና ኪራይ ሰብሳቢነት የጸዳ ሲቪል ሰርቪስ ባለመኖሩ ዜጎች በየቢሮው የፍትህያለህ እያሉ ሲንከራተቱ፣ መንግስትንም ሲረግሙ የማየት ጉዳይ እምብዛም እንግዳ ነገር አለመሆኑን ለመታዘብ ለደቂቃዎች በአዲስአበባማዘጋጃ ቤት የአገልግሎት መስጫ ቢሮዎች ብቅ ማለት ብቻ ይበቃል።

ዜጎች በሕገመንገስቱበተሰጡዋቸው መብቶች መሠረት የመሰብሰብ፣ የመደራጀት መብቶቻቸው አሁንም በአስተዳደሩ ይሁንታ እስካላገኙ ድረስ የሚሞከር አይደለም።እናም ሰብዓዊ ፍላጎቱ ያልተሟላ ሕዝብ ይዞ ስለልማት እመርታ ብቻ ማውራት በአንድ እጅ እንደማጭብጨብ ይቆጠራል።

የአዲስአበባ ከተማ አስተዳደርአዲሱ ካቢኔ እነዚህን የተከማቹ የህዝብ ችግሮች ወደታች ወደሕዝቡ ወርዶ የመፍታት ታሪካዊ ኃላፊነትም ጭምር ይጠብቀዋል። ይህን ኃላፊነትበብቃት መወጣት ከቻለ በርግጥም ሕዝብ የሚረካበትን ለውጥ ማስመዝገብ ይችላል። አለበለዚያም እንደነአቶ ኩማ ችግሮችን በመናገር ብቻጊዜውን በልቶ በኪሳራ መሰናበቱና ሕዝብና መንግስትንም ማራራቁ የማይቀር ይሆናል።n (ምንጭ፡-ሰንደቅጋዜጣ 8ኛ ዓመት ቁጥር 409 ረቡዕ ሐምሌ 03/2005)

በኢትዮጵያ የ35 ሀገራት አምባሳደሮች የሰማያዊ ፓርቲ ሊቀመንበርን ጠርተው አነጋገሩ

ሐምሌ ፫( ሦስት )ቀን ፳፻፭ ዓ/ም

ኢሳት ዜና :-በአሜሪካን ኤምባሲ በተካሄደው የአምባሳደሮቹ ስብሰባ ላይ በቅርቡ የተመሰረተውንና በአዲስ አበባ ከተማ በርካታ የህብረተሰብ ክፍሎች የተገኙበትን ሰላማዊ ሰልፍ ማካሄድ የቻለውን ሰማያዊ ፓርቲን ብቻ ጠርተው አነጋግረዋል።

በተለምዶ ‘‘የኢትዮጵያ ለጋሾች ቡድን’’ የሚል መጠሪያ ያለውና የአሜሪካንን ጨምሮ በርካታ የአውሮፓ ሀገራት አምባሳደሮች በአባልነት የሚገኙበት የለጋሾች ቡድን በተለያዩ ጊዜያት በሀገሪቱ የሚንቀሳቀሱ ከፍተኛ የተቃዋሚ አመራሮች ጋር በሀገሪቱ ወቅታዊ የፖለቲካ ጉዳዮች ላይ የሚያወያዩ ሲሆን  የአምባሳደሮቹ ቡድን ትናንት በአሜሪካ ኤምባሲ ባካሄደው ስብሰባ ላይ ሰማያዊ ፓርቲ
በተለየ ሁኔታ መጋበዙን የፓርቲው  ሊቀመንበር  ገልፀዋል።

ኢንጂነር ይልቃል በፓርቲው የፖለቲካ መርሀ ግብሮች እና በአገሪቱ ወቅታዊ ጉዳዮች ዙሪያ ለ1 ሰአት ከ30 ደቂቃ  ያክል ውይይት ማድረጋቸውን ገልጸዋል

24 ሚሊየን ዶላር በመመዝበር የተጠረጠሩ የኢትዮጵያ ኤሌክትሪክ ሃይል ኮርፖሬሽን የስራ ሃላፊዎች ተከሰሱ

አዲስ አበባ ፣ሃምሌ 3፣ 2005 (ኤፍ ቢ ሲ) 24 ሚሊየን ዶላር መዘበሩ ባላቸው የኢትዮጵያ ኤሌክትሪክ ሃይል ኮርፖሬሽን ከፍተኛ የስራ ሃላፊዎች የፌደራሉ የስነ ምግባርና  ፀረ ሙስና ኮሚሽን ክስ መሰረተ።

በሙስና ወንጀል ተጠርጥረው በቁጥጥር ስር የዋሉት የኢትዮጵያ ኤሌክትሪክ ሃይል ኮርፖሬሽን ከፍተኛ የስራ ሃላፊዎችን ጨምሮ ዘጠኝ ተጠርጣሪዎች ዛሬ ፍርድ ቤት ቀርበዋል።

የኮሚሽኑ የምርመራ ቡድን በእነ አቶ መስፍን ብርሃኔ የኮርፖሬሽኑ የዲስትሪቢዩሽን ስራ አስፈጻሚ ላይ ያቀረበው ክስ ከአራት አመት በፊት ትራንስፎርመር ለመግዛት ኮርፖሬሽኑ ያወጣውን ጨረታ ይመለከታል።

በዚህ ጨረታ ላይ ኮርፖሬሽኑ 3 ሺህ 520 የተለያዩ መጠን ያላቸውን ትራንስፎርመሮች ለመግዛት ጨረታ ያወጣል። 

 የመርማሪ ቡድኑ ክስ ጉድ ላክ ስቲል የተባለው ኩባንያ ጨረታውን ካሸነፈ በኋላ ሪዘርቭ ባንክ ኦፍ ኢንዲያ ለተባለ ባንክ አቶ መስፍን ከኮርፖሬኝኑ እውቅና ውጭ ለጨረታው ውል ለመፈፀም ገንዘብ ለማግኘት ደብዳቤ ፅፈዋል ይላል።

በጨረታው 3 ሺህ 520 ትራንስፎርመሮችን ለመግዛት ቢታቀድም አሮጌና ያገለገሉ ትራንስፎርመሮች ቀርበዋል ፤ ግዥውም ያልተገባ አካሄድ የተከተለ ነው ሲል የኮሚሽኑ የምርመራ ቡድን ክሱን መስርቷል።

በዚህ መዝግብ የዲስትሪቢውሽንና ቴክኒክ ቡድን ክፍል መሪ አቶ መኮንን ብርሃኔ እንደ ዋነኛ ድርሻቸው ትራንስፎርመሮችን መርምረው መረከብ ሲገባቸው በቀጥታ ከአቶ መስፍን የመጣውን የግዥ ውል ተቀብለዋል በመባል ተጠርጥረዋል።

የምርመራ ቡድኑ ክስ በዚህም መነሻነት በመንግሰት ላይ 17 ሚሊዮን ዶላር ጉዳት ደርሷል ይላል።

ሁለተኛው የክስ መዝገብ በኮርፖሬሽኑ የሃገር አቀፍ የኤሌትሪክ ሃይል አቅርቦት ፕሮግራም ስራ አስፈፃሚ በሆኑት በአቶ ሽፈራው ተሊላ የተሰየመ ነው።
አቶ ሽፈራው የስልጣን ውክልና ሳይኖራቸውና የኮርፖሬሽኑን ይሁንታ ሳያገኙ ለሪዘርቭ ባንክ ኦፍ ኢንዲያ የውሉን ተቀባይነት ማረጋገጫ ደብዳቤ ፅፈዋል ሲባሉ ተጠርጥራው ክስ ተመስርቶባቸዋል።

በዚህ መዝገብ የኢንጅነሪንግ ክፍል ሃላፊው አቶ ሚሊዮን ማቱሳላ ደረጃውን ያልጠበቁና አሮጌ ትራንስፎሮቹን መርምረው ውድቅ ማድረግ ሲገባቸው ስራ ላይ አውለዋል ተብለው ተከሰዋል።

7 ሚሊየን ዶላር መንግስትን ባከሰረው በዚህ መዝገብ የሰፕላይ ቼን ሃላፊ አቶ ዳንዔል ገብረ ስላሴ ፣ የኢንግነሪንግ ፕሮሰስ የስራ ተወካይ አቶ ሠመረ አሳቤና የጨረታ ኮሚቴዎቹ አቶ ፋሪስ አደም ፣ አቶ ብሩክ ተገኝና ጌታቸው አዳነ በክስ መዝገቡ ተካተዋል።
በሁለቱ መዝገብ በአጠቃላይ ከ24 ሚሊዮን የአሜሪካ ዶላር በላይ በትራንስፎርመር ግዥ ጨረታ መንግስትን ያለ አግባብ እንዲመዘበር አድርገዋል ሲል የክስ መዝገቡ ያስረዳል።

ማክሰኞ ዕለት በቁጥጥር ስር የዋሉት ዘጠኝ የኮርፕሬሽኑ ሃላፊዎች ላይ የምስክር ቃል መቀበል ፣ የተጠርሪዎቹን ቃል ለመቀበልና ቀሪ ማስረጃ ለማሰባሰብ የኮሚሽኑ የምርመራ ቡድን ተጨማሪ የ14 ቀን የግዜ ቀጠሮ ጠይቋል።

ፍርድ ቤቱም ተከሳሾቹ ያቀረቡትን የዋስትና ጥያቄውን አሳማኝ ሆኖ ባለማግኘቱ ቀሪ ማስረጃን ለመስማት ለሐምሌ 17 ቀን 2005 ዓ ም ቀጠሮ ይዟል።

ምንጭ ፋና

ኢሕአዴጎች እንደራደር እያሉ ነዉ – በደሴ ፣ ጎንደር ቅስቀሳው ቀጥሏል

ሐምሌ 3 ቀን 2005 ዓ.ም

የአንድነት ፓርቲ አመራር አባላት፣ በጎንደርና በደሴ የሚያደርጉትን ቅስቀሳ ቀጥለዉበታል። በደሴ ወረቀቶች እየተበተኑ፣ ፔትሽኖችም እየተሞሉ ሲሆን፣ በመኪና ላይ በመሆንና በየሰፈሩ በመዘዋወር በላውድ ስፒከር የትግል ጥሪ እየተላለፈ ነዉ።

እንደዚያም ሆኖ ግን ገዢው ፓርቲ ኢሕአዴግ፣ ባህሪዉ ነዉና፣ አፍራሽ እርምጃዎችን ከመዉሰድ አልተቆጠበም። ላለፉት ሃያ አመታት እንዳደረገዉ፣ የሕዝብን መሰረታዊ የዴሞክራሲ ጥያቄዎችንና ሕገ መንግስታዊ መብቶች ለማፈን ደፋ ቀና እያለ ነዉ። አቶ ነብዩ ፣ የፍኖት ጋዜጣ ዋና ኤዲተር እንደገለጹት « መንግስታዊ ሽፍታነቱን ገፍቶበታል» ። ዛሬ ጠዋት ሐምሌ 3 ቀን በደሴ ከተማ የቅስቀሳ ተልእኳቸዉን ለመወጣት፣ ከአዲስ አበባ የተጓዙትን የአንድነት ፓርቲ ብሄራዊ ምክር ቤት ሰብሳቢ አቶ ዘካርያስ የማነብርሃንና የፍኖት ነጻነት ጋዜጠኛ የሆነዉን አቶ ወንደወሰን ክንፈን በማገት «እንደራደር» በማለት ላይ ይገኛል።

«አግተዉ እንደራደር የሚሉት ሽፍቶች ናቸው። መንግስት አግቶ እንደራደር ሲል ሽፍታነቱ በአደባባይ መረጋገጡ ነዉ» ያሉት አቶ ነብዩ «አንድነት የፓርቲዉ ጽ/ቤት እስኪዘጋና አባላቱ እሥር ቤቶችን እስኪሞሉ ሕዝባዊ ንቅናቄዉ ይቀጥላል» የሚል የጸና አቋም አባላቱና ደጋፊዎቹ እንዳላቸው አስረድተዋል። ፓርቲው ያነሳዉ ሕዝባዊ ጥያቄ በመሆኑ «የአንድነት አመራሮችና አባላት መስዋእት ቢሆኑም ሕዝቡ ትግሉን ከዳር እንደሚያደርሰው አንጠራጠርም» ሲሉም ትግሉ ወሳኝ ምእራፍ ላይ እንዳለ ሳይጠቁሙ አላለፉም።

የሰማያዊ ፓርቲ በቅርቡ በአዲስ አበባ በጠራው ፣ መኢአድና አንድነትም በደገፉት የሰላማዊ ሰልፍ፣ የአዲስ አበባ ሕዝብ በአገዛዙ ላይ ያለዉን ተቃዉሞ ማሰማቱ ይታወቃል። በወቅቱ ሰልፈኞቹ ባለፉባቸው መንገዶች ዙሪያ አንድ የተዘጋ ሱቅ እንዳለነበረ፣ አንድ ጠጠር እንዳልተወረወረና ፍጹም ሰላማዊ በሆነ መንገድ ሰልፉ እንደተጠናቀቀ የሚታወቅ ነዉ። የአንድነት ፓርቲ፣ በአንድ ጊዜ በደሴና በጎንደር ከተሞች የጠራቸው ሰላማዊ ሰልፎች ሕዝባዊ እንቅስቃሴዉ፣ አዲስ አበባ ብቻ የተወሰነ ሳይሆን፣ አገር አቀፍ መሆኑንም በግልጽ ያሳየ ነዉ።

ለሚደረጉት እንቅስቃሴዎች የሚያስፈልጉ ከፍተኛ ወጭዎችን አገር ቤት ያለው ድሃዉ ሕዝብ፣ በራሱ ተነሳሽነት በስፋት እየሸፈነዉ እንዳለ እየገለጹ ያሉት የአንድነት አመራር አባላት፣ ዳያስፖራዉ በአገሩ ጉዳይ ላይ እንግዳ ሆኖ፣ ተነጥሎ መቆም እንደሌለበት፣ ሁኔታዎችን በቅርበት እንዲከታታልና የድርሻዉንም ለመወጣት መዘጋጀት እንዳለበት አሳስበዋል።

Many detained, harassed in Southern Ethiopia after protest

ESAT News  July 9, 2013

Over 300 protesters, who called for the release of their leaders in Selam Ber town, Gamogofa Zone of Southern Ethiopia, have been detained and harassed by police on Sunday July 7, 2013.  Police have beaten and detained teenagers as young as 13 years old. Berhanu, a resident of the town said, the acts of the police was not even committed by the “ruthless Derg” during the previous regime.

Mesbo Madalcho, an elderly who was one of those that represented the protesters in Awasa city, said the police assailed the protesters when they gathered to voice their concerns peacefully.  A prison guard said to ESAT that although over 300 prisoners had appeared before Court, the prisoners said they had no confidence in the court and refused to be tried.  Severely beaten youth have been refused medical care.

Daniel Shibeshi, native of the area and representative of the Unity for Democracy and Justice (UDJ) Southern Ethiopia, said the main cause of the protest was the government’s refusal to respond to the “identity, good governance and development questions of the people”.  Daniel said, currently the only people seen roaming in the town are members of the Defense Force and police. Yesegat Sentan, Administrator of the Woreda, said he was in a meeting when approached by ESAT.

በቁጫ ወረዳ የተነሳውን ተቃውሞ ተከትሎ የታሰሩ ሰዎች ቁጥር ከ450 በላይ መድረሱ ታወቀ

ሐምሌ ፪( ሁለት )ቀን ፳፻፭ ዓ/ም

ኢሳት ዜና :-የኢሳት ምንጮች እንደገለጡት ካለፈው አርብ ጀምሮ ከማንነት ጥያቄ ጋር በተያያዘ በተፈጠረው ተቃውሞ ከ470 ያላናሱ ሰዎች እስከ ትናንት ድረስ ተይዘው የታሰሩ ሲሆን፣ ተቃውሞውን አስተባብረዋል ከተባሉት መካከል በዋና ከተማዋ ሰላም በር የሚኖሩ ከ13 በላይ የአገር ሽማግሌዎችና ታዋቂ ሰዎች ተመርጠው ወደ አርባ ምንጭ እስር ቤት መወሰዳቸው ታውቋል።

ወደ  አርባምንጭ እስር ቤት ከተላኩት መካከል አቶ አማኑኤል ጎቶሮ ፣ ደፋሩ ዶሬ ፣  እዮብ ጦና፣  ሻምበል ሻዋ፣ አልመሳ አርባ፣ አቶ ባንቲርጉ ሄባና፣ ወ/ሮ ጊፍታነህ ፈርአ፣ ባሻ ፋንታሁን ታደሰ፣ አቶ አበራ ገ/መስቀል፣ መ/ር ዶለቦ ቦንጃ ፣ መምህር መሸሻ ማላ፣ አቶ ጴጥሮስ ሀላላ እና አቶ ቲንኮ አሻንጎ ይገኙበታል።

የወረዳው ፖሊስ በዛሬው እለት 15 የሚሆኑ ወጣቶችን ከእስር ለመልቀቅ መፈለጉን ቢያስታውቅም፣ “እስረኞቹ ግን መጀመሪያውኑ ለምን አሰራችሁን አሁንስ በምን ምክንያት ትለቁናላችሁ” የሚል ጥያቄ በማቅረባቸው እስካሁን እንዳልተለቀቁ ታውቋል።

በጉዳዩ ዙሪያ አስተያየታቸውን የጠየቅናቸው በከተማዋ የሚገኙት የአንድነት ፓርቲ የደቡብ ተወካይ አቶ ዳንኤል ሺበሺ እንደተናገሩት ፖሊስ ምግብ ከሚያቀብሉ ሴቶች እና ልጆች  በስተቀር ሌሎች ነዋሪዎች ወደ አካባቢው እንዳይጠጉ በመከልከሉ የእስረኞችን ቁጥር በትክክል ለማወቅ እንዳልተቻለ ተናግረዋል። ይሁን እንጅ ከ470 በላይ ሰዎች መታሰራቸውን መረጃ እንደደረሳቸው ገልጸዋል።

ኢሳት ከ86  በላይ የታሰሩ ሰዎች ስም ዝርዝር ደርሶታል።  ከእስረኞች መካከል የመጀመሪያ ዲግሪ ያላቸው በሙያቸው ረዥም ዓመታትን ያገለገሉ  ከ22 የማያንሱት ደግሞ የኢህአዴግ አመራር አባላት የነበሩ ሲሆን፤ ቀሪዎቹ ደግሞ ነጋዴዎች፣ ተማሪዎች፣ ሥራ አጦች፣ የዩንቨርሲቲና የኮሌጅ ሌክቼሬሮች፣ የመንግሥት ሠራተኞች፤ የከተማ ነዋሪዎች ናቸው፡፡

አካባቢው ዛሬም በመከላከያ እና በልዩ ፖሊስ አባላት እየተጠበቀ መሆኑን ለማወቅ ተችሎአል
እሁድ ሰኔ 30፣ 2005 ዓም በደቡብ ክልል በጋሞ ጎፋ ዞን በቁጫ ወረዳ በሰላም በር ከተማና አካባቢዋ የሚኖሩ ከ7 ሺ በላይ ነዋሪዎች፣ የማንነት ጥያቄ በማንሳታቸው የታሰሩ መሪዎቻችን ይፈቱትልን የሚል ጥያቄያቸውን በወረዳ ጽህፈት ቤት ተገኝተው ለማቅረብ በተጓዙበት ወቅት የዞንና የወረዳ ፖሊሶች በነዋሪዎቹ ላይ ድበደባ መፈጸማቸውን እና በመቶዎች የሚቆጠሩትን ማሰራቸውን መዘገባችን ይታወሳል።

አንዱአለምና ጋዜጠኛ እስክንድር የኢትዮጵያ ህዝብ መልዕክት አስተላለፉ

የአንድነት ፓርቲ የህዝባዊ ንቅናቄ ግብረሀይል፣ የሶሻል ሚዲያ ኮሚቴ አባላት የነፃነት ታጋዮቹን አንዱአለም አራጌንና ጋዜጠኛ እስክንድር ነጋን ጎበኙ፡፡ የሶሻል ሚዲያ አባላቱ ትላንት በቃሊቲ እስር ቤት ባደረጉት ቆይታ የአንዱአለም እና የእስክንድር መንፈሳዊ ጥንካሬ እንዳስደሰታቸው ለፍኖተ ነፃነት ተናግረዋል፡፡
በጉብኝቱ ወቅት የነፃነት ታጋዮቹ አንዱአለም አራጌና ጋዜጠኛ እስክንድር ነጋ አንድነት ፓርቲ የጀመረውን ህዝባዊ ንቅናቄ አበረታች መሆኑን አስምረው ሁሉም ኢትዮጵያዊ በንቅናቄው መሳተፍ እንዳለበት መክረዋል፡፡ ታጋዮቹ ለኢትዮጵያ ህዝብ በተለይም ለጎንደርና ለደሴ መልዕክት እተላልፈዋል፡፡

ወጣቱ የነፃነት ታጋይ አንዱአለም አራጌ የኢትዮጵያ ህዝብ ለመብቱና ለነፃነቱ በሰላማዊ መንገድ መታገል አለበት ካለ በኋላ “በቅርቡ በአንድነት ፓርቲ በተጠሩት ሰላማዊ ሰልፎች ላይ የጎንደርና የደሴ ህዝብ በነቂስ ወጥቶ ድምፁን ማሰማት አለበት፡፡ ሰላማዊ መሆናችንን ለሁሉም ወገን ማስመስከር ዘለብን” ብሏል፡፡

ታዋቂው ጋዜጠኛ እስክንድር ነጋ በበኩሉ ኢትዮጵያ ያለችበት ነባራዊ ሁኔታ ብሔራዊ ውርደታችንን የሚያሳይ መሆኑን አስረድቶ “የጎንደርና የደሴ ነዋሪዎች በህዝባዊ ንቅናቄው ተሳተፉ፣ ሰላማዊ ሰልፉ ላይ በንቃት ተሳተፉ ድምፃችሁን ፍፁም ሰላማዊ በሆነ መንገድ አሰሙ፡፡ ሳር እንኳን እንዳይበጠስ ጠጠር እንኳን እንይወረወር” ብሏል፡፡

 ምንጭ ፍኖተ ነፃነት

ዳዊት ከበደ በዋሽንግተን ዲሲ የኢትዮጵያ (ወያኔ) ኢምባሲ

July 9, 2013

(ECADF) – ከቅርብ ጊዜ ወዲህ በተቃዋሚ ፖለቲከኞችና በተለይም በኢትዮጵያ ሳተላይት ቴሌቪዥን (ኢሳት) ላይ የፕሮፓጋንዳ ዘመቻ በማካሄድ የሚታወቀው የአውራምባ ታይምስ ኢዲተር ዳዊት ከበደ በዋሽንግተን ዲሲ የኢትዮጵያ ኢምባሲ (የወያኔ ኢምባሲ) ሲገባ መታየቱን ታማኝ ምንጮች ገልጸዋል።
ሰኞ፣ ጁላይ 8፣ በዋሽንግተን ሰዓት አቆጣጠር ከሰዓት በሗላ 4 ሰዓት ላይ ነው ዳዊት ከበደ ወደ ግርማ ብሩ ቢሮ ከሌሎች ካድሬዎች ጋር ሲገባ የታየው።

የዋሽንግተን ምንጮቻችን ጉዳዩን እንዳብራሩት ከሆነ የኢምባሲው ሰራተኞች አመሻሹ ላይ ወደየቤታቸው ሲሄዱ ያስተዋሉ ሲሆን ዳዊት ከበደ ግን ከገባበት ቢሮ ለሰዓታት ሲወጣ አልታየም።

ዳዊት ከበደ በባለቤትነት ያስተዳድረው የነበረው “የአውራምባ ተይምስ ጋዜጣ” ባልደረቦች በወያኔ ቁንጮዎች የሀሰት ክስ ተመስርቶባቸው በእስር ቤት በመሰቃየት ላይ እያሉ ነው ወደ አሜሪካን ሀገር ቪዛ ተመቶለት የወጣው። ሁኔታው በአንዳዶች ላይ ጥርጣሬን አጭሮ የነበረ ሲሆን፣ ይባስ ብሎ ዳዊት ከበደ አወጣጡን በተመለከተ የሚናገረው የተጣረሰ ታሪክ ይበልጥ

 እንዲጠራጠሩት አድርጓቸዋል።

በቅርቡ እየወጡ ባሉት መረጃዎች መሰረት ዳዊት ከበደ በኢትዮጵያ ሳተላይት ቴሌቪዥን (ኢሳት) የመቀጠር ፍላጎት አሳይቶ የነበረ ሲሆን.. በተለያዩ ምክንያቶች ጥያቄው ተቀባይነት ሳያገኝ ቀርቷል።

ይህ በዚህ እንዳለ “አለማቀፉ የበቃ ንቅናቄ በኢትዮጵያ” (BEKA – Global Civic Movement for Change in Ethiopia) ዳዊት ከበደ በውይይት መድረኩ እንዳይሳተፍ መታገዱን ለአባላቱ ባሰራጨው ደብዳቤ አሳውቋል።

የበቃ ንቅናቄ ባሰራጨው ደብዳቤ ጨምሮ እንደገለጸው ከሆነ፣ ከወራት በፊት ዳዊት ከበደ በአንድ የተቃዋሚ ፖለቲከኛ መኖሪያ ተጋብዞ በተገኘበት ወቅት በግብዣው ላይ የተገኙትን እንግዶች ተደብቆ ቪዲዮ ሲቀርጽ ተይዟል።

በጋሞጎፋ ዞን በተነሳው ተቃውሞ በመቶዎች የሚቆጠሩ ሰዎች ታሰሩ ብዙዎችም ተደበደቡ

ሐምሌ ፩( አንድ )ቀን ፳፻፭ ዓ/ም

ኢሳት ዜና :-እሁድ ሰኔ 30፣ 2005 ዓም በደቡብ ክልል በጋሞ ጎፋ ዞን በቁጫ ወረዳ በሰላም በር ከተማና አካባቢዋ የሚኖሩ ከ7 ሺ በላይ ነዋሪዎች፣ የታሰሩ መሪዎቻችን ይፈቱትልን የሚል ጥያቄያቸውን በወረዳ ጽህፈት ቤት ተገኝተው ለማቅረብ በተጓዙበት ወቅት የዞንና የወረዳ ፖሊሶች በነዋሪዎቹ ላይ ድበደባ መፈጸማቸውን 300 የሚሆኑትን   ደግሞ ማሰራቸውን ያነጋገርናቸው ሰዎች ገልጸዋል።

አንዳንድ ቤተሰቦች ለኢሳት እንደገለጹት ፖሊሶች እድሜያቸው ከ13 አመት በላይ የሆኑ ልጃገረዶችንና ወንዶችን ሳይቀር ከቤታቸው እያወጡ በመደብደብ አስረዋቸዋል።  አቶ ብርሀኑ የተባሉ ነዋሪ ፖሊሶች የፈጸሙት ድርጊት ጨካኝ በሚባለው የደረግ ስርአት ጊዜ እንኳን ያልታየ ነው ብለዋል ። የችግሩን አሳሳቢነት ለክልል ባለስልጣናት ለማስረዳት  አዋሳ ከሚገኙት የአገር ሽማግሌዎች መካከል አንዱ የሆኑት አቶ መሰቦ ማዳልጮ  እንደተናገሩት ፖሊሶቹ እርምጃውን የወሰዱት ጥያቄያቸውን ሰላማዊ በሆነ መንገድ ለማቅረብ በመሰባሰብ ላይ በነበሩበት ጊዜ ነው ።

አንድ ስሙ እንዳይጠቀስ የፈለገ የእስረኞች ጠባቂ ፖሊስ እንደተናገረው  300 የሚሆኑ እስረኞች በአንድ ክፍል ውስጥ  ታጉረው የሚገኙ ሲሆን፣ ፖሊስ በዛሬው እለት ፍርድ ቤት ቢያቀርባቸውም፣ እስረኞቹ ግን በወረዳው ፍርድ ቤት ላይ እምነት የለንም በሚል ጥለው መውጣታቸውን ገልጿል።  በድብደባው ከፍተኛ ጉዳት የደረሰባቸው ወጣቶች ህክምና እንደተከለከሉም ተናግሯል።
የአካባቢው ተወላጅ የአንድነት ፓርቲ የደቡብ ተወካይ የሆነው አቶ ዳንኤል ሽበሺ እንደገለጸው ችግሩ የተፈጠረው መንግስት የቀረበለትን የማንነት፣ የመልካም አስተዳደርና የልማት ጥያቄዎችን ለመመለስ ባለመቻሉ ነው።

በሰላም በር ከተማ ዛሬ ሀምሌ 1፣  ከመከላከያ ሰራዊት  ፣ ከልዩ ሀይሎችና ከአካባቢው ፖሊሶች በስተቀር  በከተማ የሚንቀሳቀስ ሰው አለመመልከታቸውን አቶ ዳንኤል ገልጸዋል።

በጉዳዩ ዙሪያ የወረዳው አስተዳዳሪ የሆኑትን አቶ የስጋት ስንታን ለማነጋገር ሙከራ ብናደርግም ስብሰባ ላይ መሆናቸውን በመግለጽ ሳይሰካልን ቀርቷል።

ሰበር ዜና, ኢህአዴግ ደንግጧል!! በአዲስ አበባ የአንድነት አባላትን ማሰር ተጀምሯል

በአዲስ አበባ የፀረ ሽብር ህጉ እንዲሰረዝ የሚጠይቅ በራሪ ወረቀት የበተነ የአንድነት አባል በአደራ ታሰረ፡፡

 አንድነት ፓርቲ ‹‹የሚሊዮኖች ድምፅ ለነፃነት›› በሚል መሪ ቃል የጀመረውን ህዝባዊ ንቅናቄ አጠናክሮ መቀጠሉን ተከትሎ መንግስት የማደናቀፍ ተግባሩን በአዲስ አበባም ጀምሯል፡፡ የአንድነት ፓርቲ አመራሮች ለፍኖተ ነፃነት እንደገለፁት ሙሉጌታ ተፈሪ የተባለውን የአንድነት ፓርቲ የወረዳ 15 አባል ካዛንችስ አካባቢ በህገወጥ መንገድ በፖሊስ ታስሯል፡፡... ሙሉጌታ ካዛንችስ አካባቢ የፀረ ሽብር ህጉ እንዲሰረዝ የሚጠይቅ በራሪ ወረቀት ሲያሰራጭ መታሰሩን ፖሊስ ተናግሯል፡፡

 የአባሉን መታሰር የሰሙት የአንድነት ከፍተኛ አመራሮች አቶ ግርማ ሰይፉና አቶ በላይ ፍቃዱ ካዛንችስ አካባቢ ፖሊስ ጣቢያ ተገኝተው ሙሉጌታ በህገወጥ መንገድ መታሰሩን በማስረዳት ተከራክረዋል፡፡ የጣቢያው ፖሊሶች ግን “ሙሉጌታን ያሰረው ፖሊስ ስለሌለ እሱ ሳይመጣ አይፈታም” በማለት “የአደራ እስር” ከጎንደር በተጨማሪ በአዲስ አበባም መኖሩን አረጋግጠዋል፡፡ አመራሮቹም “እኛም ወረቀቱን እየበተንን በመሆኑ እሰሩን” በማለት ተሟግተዋል፡፡

 ዘግይቶ በደረሰን ዜና የአንድነት አመራሮች የታሳሪውን ጉዳይ መከታተላቸውን ተከትሎ ሙሉጌታ ተፈሪ ክቤ በተባለች ፖሊስ “ተመርምሮ” ወደ 6ኛ ፖሊስ ጣቢያ ሊወሰድ መሆኑን የፍኖተ ነፃነት የፖሊስ ምንጮች አስታውቀዋል፡፡

 የአንድነት ፓርቲ አዲስ አበባ ዞን አባላት ዛሬ ጠዋት በፓርቲው ዋና ጽ/ቤት በመገኘት ከፓርቲው ከፍተኛ አመራሮች ህዝባዊ ንቅናቄውን በአዲስ አበባ ተደራሽ የማድረግ ተልዕኮ ተቀብለው ከቀኑ 7 ሰዓት ጀምሮ በእንቅስቃሴ ላይ ይገኛሉ፡፡ ከ100ሺ በላይ የሆነ በራሪ ወረቀትም በማሰራጨት ላይ ይገኛሉ፡፡
 ምንጭ ፍ ኖተ ነፃነት

የሰሜን ጎንደር የአንድነት ሰብሳቢ ህገወጥ እስር ተፈፀመባቸው

የሰሜን ጎንደር የአንደነት አመራሮችን ማሰር ቀጥሏል ዛሬ ዞኑ የአንድነት ፓርቲ ሰብሳቢ አቶ አለላቸው አታለለ ህገወጥ እስር ተፈፅሞባቸዋል፡፡ የክልሉ መንግስት በሚፈፅመው ህገወጥ እስርና እንግልት አንድነት ሰላማዊ ሰልፉን እንደማያስሰርዘው ገልጧል፡፡

አንድነት በጎንደር የጠራውን ሰላማዊ ሰልፍ ለማደናቀፍ እየተንቀሳቀሰ የሚገኘው የክልሉ መንግስት የሰሜን ጎንደር አንድነት የፓርቲውን አመራሮች የማሰር ዘመቻ ጀምሯል፡፡ በዚህም መሰረት ዛሬ አቶ አለላቸው አታለለ በህገወጥ መንገድ ታስረዋል፡፡

አንድነት ፓርቲ ሰላማዊ ሰልፉን በመንግስት ህገወጥ እርምጃ እንደማይቀለበስ አስታውቋል፡፡ ፓርቲው የጀመረውን ህዝባዊ ንቅናቄ አጠናክሮ እንደሚቀጥልና ከፍተኛ አመራሮቹም በንቅናቄው ላይ ግምባር ቀደም ተሰላፊ በመሆን የሚመጣውን መስዋዕትነት ከህዝቡ ጋር በመሆን ለመቀበል መዘጋጀታቸውን ፓርቲው አስታውቋል፡፡