ሰበር ዜና - የእንግሊዝ ከፍተኛው ፍርድ ቤት ከእንግሊዝ ለኢትዮጵያ ዕርዳታ የሚሰጡ ድርጅቶች በሙሉ (የእንግሊዝ መንግሥትንም ጨምሮ) ለኢትዮጵያ የሰብዓዊ መብት ይዞታ ቅድምያ መስጠታቸውን እና አለመስጠታቸውን በሚያጣራ መልኩ ሕጋዊ ምርመራ እንዲደረግ አዘዘ

July14/2014

ዓለም አቀፉ የሰብዓዊ መብት ተሟጋች ድርጅት (ሁማን ራይት) ዛሬ ከጥቂት ሰዓታት በፊት ባሰራጨው ዜና  የእንግሊዝ ከፍተኛው ፍርድ ቤት ከእንግሊዝ ለኢትዮጵያ  ዕርዳታ የሚሰጡ ድርጅቶች በሙሉ (የእንግሊዝ መንግሥትንም ጨምሮ) ለኢትዮጵያ የሰብዓዊ  መብት ይዞታ ቅድምያ መስጠታቸውን እና አለመስጠታቸውን በሚያጣራ መልኩ ሕጋዊ ምርመራ እንዲደረግ ያሳለፈውን ውሳኔ  ''ጠቃሚ እርምጃ'' በማለት አሞካሽቶታል።
ውሳኔው በተለይ በቅርቡ ከአርበኛ አንዳርጋቸው ፅጌ መታገት በኃላ የእንግሊዝ መንግስት  ''የባህር ማዶ የልማት ትብብር ድርጅት'' (UK Department for International Development (DFID) ) ለኢትዮጵያ መንግስት የገንዘብ ድጎማ ሊያደርግ የነበረ ከመሆኑ አንፃር የዛሬው ውሳኔ ከፍተኛ መልዕክት ማስተላለፉ አይቀርም።በሌላ በኩል የዛሬው የፍርድቤቱ ውሳኔ ይሄው የልማት ድርጅት (DFID) በበቂ ሁኔታ የኢትዮጵያን የሰብዓዊ ይዞታ ጉዳይ አለመመርመሩን ጠቁሞ በእዚሁ አዲሱ የፍርድ ቤት ውሳኔ መሰረት ሕጋዊ ምርመራ እንዲደረግበት ማዘዙን ያብራራል።
የዓለም አቀፉ የሰብዓዊ መብት ተሟጋች ድርጅት የእርምጃውን ፋይዳ ሲያስረዳ  የድርጅቱ የአፍሪካ ክፍል ተጠሪ የተናገሩትን በመጥቀስ ነው።እንዲህ ይነበባል -

''የእንግሊዝ ከፍተኛው ፍርድቤት ውሳኔ ለሌሎች መንግሥታት እና እርዳታ ሰጪ ድርጅቶች የማንቅያ ጥሪ ነው።ምክንያቱም ሀገራትም ሆኑ ግብረ ሰናይ ድርጅቶች የሚሰጡትን የልማት ፕሮግራም ሁሉ ቅድምያ ከሰብዓዊ ይዞታ አንፃር እንዲመለከቱ ያደርጋል''ይላል።

የዓለም ዓቀፍ የሰብዓዊ መብት ተሟጋች ድርጅት (ሁማን ራይት) ስለ እንግሊዙ ከፍተኛ ፍርድቤት የዛሬ ውሳኔ አስመልክቶ ያወጣውን ዘገባ ከእዚህ በታች ይመልከቱ።

Ethiopia: UK Aid Should Respect Rights
Ruling Permits Review of Development Agency’s Compliance
JULY 14, 2014

(London) – A UK High Court ruling allowing judicial review of the UK aid agency’s compliance with its own human rights policies in Ethiopia is an important step toward greater accountability in development assistance.

In its decision of July 14, 2014, the High Court ruled that allegations that the UK Department for International Development (DFID) did not adequately assess evidence of human rights violations in Ethiopia deserve a full judicial review.

“The UK high court ruling is just a first step, but it should be a wake-up call for the government and other donors that they need rigorous monitoring to make sure their development programs are upholding their commitments to human rights,” said Leslie Lefkow, deputy Africa director. “UK development aid to Ethiopia can help reduce poverty, but serious rights abuses should never be ignored.”

The case involves Mr. O (not his real name), a farmer from Gambella in western Ethiopia, who alleges that DFID violated its own human rights policy by failing to properly investigate and respond to human rights violations linked to an Ethiopian government resettlement program known as “villagization.” Mr. O is now a refugee in a neighboring country.

Human Rights Watch has documented serious human rights violations in connection with the first year of the villagization program in Gambella in 2011 and in other regions of Ethiopia in recent years.

A January 2012 Human Rights Watch report based on more than 100 interviews with Gambella residents, including site visits to 16 villages, concluded that villagization had been marked by forced displacement, arbitrary detentions, mistreatment, and inadequate consultation, and that villagers had not been compensated for their losses in the relocation process.

People resettled in new villages often found the land infertile and frequently had to clear the land and build their own huts under military supervision. Services they had been promised, such as schools, clinics, and water pumps, were not in place when they arrived. In many cases villagers had to abandon their crops, and pledges of food aid in the new villages never materialized.

The UK, along with the World Bank and other donors, fund a nationwide development program in Ethiopia called the Promotion of Basic Services program (PBS). The program started after the UK and other donors cut direct budget support to Ethiopia after the country’s controversial 2005 elections.

The PBS program is intended to improve access to education, health care, and other services by providing block grants to regional governments. Donors do not directly fund the villagization program, but through PBS, donors pay a portion of the salaries of government officials who are carrying out the villagization policy.

The UK development agency’s monitoring systems and its response to these serious allegations of abuse have been inadequate and complacent, Human Rights Watch said. While the agency and other donors to the Promotion of Basic Services program have visited Gambella and conducted assessments, villagers told Human Rights Watch that government officials sometimes visited communities in Gambella in advance of donor visits to warn them not to voice complaints over villagization, or threatened them after the visits. The result has been that local people were reluctant to speak out for fear of reprisals.

The UK development agency has apparently made little or no effort to interview villagers from Gambella who have fled the abuses and are now refugees in neighboring countries, where they can speak about their experiences in a more secure environment. The Ethiopian government’s increasing repression of independent media and human rights reporting, and denials of any serious human rights violations, have had a profoundly chilling effect on freedom of speech among rural villagers.

“The UK is providing more than £300 million a year in aid to Ethiopia while the country’s human rights record is steadily deteriorating,” Lefkow said. “If DFID is serious about supporting rights-respecting development, it needs to overhaul its monitoring processes and use its influence and the UK’s to press for an end to serious rights abuses in the villagization program – and elsewhere.”

ምንጭ - http://www.hrw.org/news/2014/07/14/ethiopia-uk-aid-should-respect-rights

እየነጋ ነው! (እስከመቼ)

July14/2014

አሁን ደግሞ ሀብታሙ አያሌው፣ የሺዋስ አሰፋ፣ ዳንዔል ሺበሽ፣ አብረሃ ደስታን አሰሩ። አንዳርጋቸው ፅጌን የማሠራቸው ዜና ገና አቦሉ ሳይጠጣ እኒህን ደገሙ። ለምን? አጭሩ መልስ እየነጋ ስለሆነ ነው። ኢትዮጵያዊ ሆኖ የእኒህን ታጋዮች ማንነትና ተግባር የማያውቅ የለም፤ ቢያንስ በትግሉ ዙሪያ ያለነው ኢትዮጵያዊያን። ታዲያ መንጋቱ እኮ፤ የአውራ ደሮውን ጩኸት፣ የጎኅን መፈንጠቅ፣ የጨለማውን መገፈፍ ይጠይቃል። ይህ ደግሞ በገዛ ፈቃዱና ቁጭ ብለው ስለጠበቁት የሚሆን አይደለም። የመሬትን በፀሐይ ዙሪያ መሽከርከር ተፈጥሯዊ ግዴታ ተከታይ ነው። በጭቆና የሚማቅቅ ሕዝብ፤ ለነፃነቱ መነሳቱና ከመካከሉ ቆራጦቹ ጧፍ ሆነው ከፊት መቅለጣቸው ግዴታ ነው። ይህ ነው የኒህ ቆራጥ ታጋዮች ሕይወት ትርጉሙ። እንደኛው ቤተሰብ፣ ንብረትና ምቾት አልጠሉም። ለወገንና ለሀገር ሠጡት። የሕይወታቸውን ትርጉም፤ በጣሊያን ጊዜ ከፋሽስቶች ለመጋፈጥ ከየመንደሩ በባዶ እግራቸው፤ ከመላ ኢትዮጵያ ጫፍ እስከጫፍ ወጥተው እንደቀሩት አርበኞቻችን፤ የኔ ሕይወት ለነገዋ ኢትዮጵያ ሕልውና ይሁን ብለው ያለማመንታት፤ ፀረ-ኢትዮጵያ የሆነውን ራሱን የትግሬዎች ነፃ አውጪ ግንባር ብሎ የሚጠራውን መንግሥት በመቃወማቸው እስር ቤት ገቡ። ከኛ የተለዩ ልዩ ፍጡር ሆነው አይደለም። እንደኛ አባትና እናት፣ እህትና ወንድም፣ አክስትና አጎት፣ ባለቤትና ልጆች ያሏቸው ናቸው። ሰው ናቸው። አርበኛ ያደረጋቸው ተፈጥሯዊ ልዩነታቸው ሳይሆን፤ ለሕይወታቸው የሠጡት ትርጉም ነው። የብዙኀኑን የኢትዮጵያዊያን ሕይወት የኔ ብለው፣ ስቃያቸውን እነሱ ተሸክመው፣ ለሕዝቡ ጭዳ ሆነው ተሰለፉ። እንደነ አንዱዓለም አራጌ፣ እስክንደር ነጋ፣ ርዕዩት ዓለሙ፤ ሰግዶ ማደርን አልፈልግም ብለው፤ አረዓያችን ሆኑ። እንዲነጋ ምን ማድረግ አለብን።

አይቀሬው ንጋት እየመጣ ነው። የኛ ኃላፊነት ብዙና የተቆላለፈ አይደለም። እኒህ ቆራጦች የነገሩን ምንድን ነው? ፍርሃትን፤ ራሱን የትግሬዎች ነፃ አውጪ ግንባር ብሎ የሚጠራው መንግሥት ቀምቶናል። ከኛ በኩል ፍርሃት ቦታ የለውም። የኢትዮጵያዊያን ጠላት የሆነው ራሱን የትግሬዎች ነፃ አውጪ ግንባር ብሎ የሚጠራው መንግሥት በፍርሃት ተውጧል። ምስክርነቱ፤ ማንንም የሚፈራውንና በሕዝቡ ዘንድ ተቀባይነት አለው የሚለውን ግለሰብ ሁሉ እያሠረ ነው። እኒህ ጀግኖች የታሠሩት የዚህ ወይንም የዚያ ድርጅት አባል ስለሆኑ አይደለም። ከሕዝቡ ጋር ስለወገኑ ብቻ ነው። ለዚህ ፀረ-ኢትዮጵያ መንግሥት፤ ማንኛውም ከሱ ቁጥጥር ውጪ የተደራጀ ክፍል ጠላቱ ነው። እናም የዚህ ወይንም የዚያ ድርጅት አባል መሆን አይደለም የመታሰሪያ ወንጀሉ፤ ከሕዝቡ ጋር የቆመ መሆኑ ብቻ ነው። የሚያስበረግገውና የሚያንቀጠቅጠው የሕዝብ ወገን የሆነ ማንኛውም ድርጅት ነው። ታዲያ ድርጅቶች በሙሉ አንድ ዓላማ እስከያዙ ድረስ፤ ሕዝቡ አሁን ነው ትግሉ ወደፊት መሄድ ያለበት እስካለ ድረስ፣ ንጋቱ በር አያንኳኳ እስከሆነ ድረስ፤ ተልዕኳችንን አንድ አድርገን ሌቱን እናንጋው።

ምንድን ነው የአሁን ጥያቄ? ይፈቱልን ብሎ ልመና አይደለም። ይህ በታሠሩት ቆራጦች ዓይን ጥቃት ነው። ይህን ብናደርግ ለገዥው ቡድን ኩራት ነው። እንኳን ያሠራቸውን ሊፈታ፤ የሚቀጥሉትን ታሳሪዎች እያዘጋጀ ነው። እነሱም ሆኑ መታሠራቸው፤ ጧፍ ሆኖ መንገዱን መሪያችን እንጂ፤ የመንገዱ ማብቂያ አይደለም። ገና የራሱን ጥላ ለማሠር የሚሯሯጥ ጠላት ነው ያለን። አጥንት ቆጠራውን ለገዥው ክፍል እንተውለት። እሱም እንኳ ለአጥንት ቆጠራው ቦታ እንደማይሠጠው አብርሃ ደስታን በማሠር አሳይቶናል። አብርሃ ደስታ በትግራይነቱ፣ ትግሬዎች እየተጠቁ ነው ብሎ የተደራጀ ነበር። አልሆነም። ኢትዮጵያዊነታችንን እንጎናጸፈው። በኢትዮጵያዊነታችን ይኼን ፀረ-ኢትዮጵያ መንግሥት እንታገለው። ሁላችንን ሊያስተባብሩን የሚችሉ አራት የትግል ዕሴቶች አሉን።

፩ኛ፤     የኢትዮጵያዊያን ሉዓላዊነት                                    ፪ኛ፤     የኢትዮጵያ ሀገራዊ አንድነት
፫ኛ፤     የእያንዳንዱ ኢትዮጵያዊ ዴሞክራሲያዊ መብቶች        ፬ኛ፤     በኢትዮጵያ የሕግ የበላይነት

እኒህ ናቸው የታጋዮችን አንድነት የሚጠይቁ የትግል ዕሴቶቻችን። በነዚህ ዙሪያ ሁላችን መጠማጠም አለብን። የየድርጅቶች ታሣሪዎች መሆናችንን ለነፃነቱ ጊዜ እንተወውና፤ ለኢትዮጵያዊያን በሙሉ፣ ለሀገራችን አንድነት፣ በየእስር ቤቱ ለሚማቅቁ ጀግኖቻችንና አሁን በየዕለቱ ለሚታገቱት ቆራጥ ኢትዮጵያዊያን አርበኞቻችን አንድነታችንን እናጠንክር። ይህ ወደ ድል ይወስደናል። እነዚህን ሁሉን አቀፍ የሆኑ አራት ነጥቦች በሚያኩ ዙሪያ ሀገራዊ አጣዳፊ ጥሪዎች ሰሞኑን ድረገፆቻችንን አሙቀውታል። ጥሪዎቻችሁ ወደ መሰባሰቡ እንዲያመራ ፈልጋችኋል በማለት፤ ጥሪዎችን በተደጋጋሚ ያደረጋችሁ ግለሰቦች፤ እኛው ጀማሪዎች እንሁን የሚል ጥሪ በማስቀደም እንድንገናኝ ይኼው በ ( eske.meche@yahoo.com ) እገኛለሁ።

የአቶ አዳርጋቸዉ መያዝና እንድምታዉ

July13/2014

የአቶ አንዳርጋቸዉ መያዝ በተሰማ-በ16ኛዉ ቀን ባለፈዉ ማክስኞ የኢትዮጵያ መንግሥት በሚቆጣጠረዉ ቴሊቪዥን ጣቢያ ባሠራጨዉ መግለጫ ግን «የአሸባሪ ድርጅት አመራርና በጥብቅ የሚፈለጉ » ያላቸዉ አቶ አንዳርጋቸዉ እና ሌሎች ሰዎች መታሰራቸዉን አረጋግጧል::

ጤና ይስጥልኝ እንደምን አመሻችዉ።የኢትዮጵያ መንግሥት ከዚሕ ቀደም ባሸባሪነት ወንጅሎ በሌሉበት ሞት ያስፈረደባቸዉ፤ የግቦት ሰባት የፍትሕ፤ የነፃነትና የዴሞክራሲ ንቅናቄ ዋና ፀሐፊ አቶ አንዳርጋቸዉ ፅጌ ሰነዓ-የመን ተይዘዉ ወደ ኢትዮጵያ መጋዛቸዉ ብዙ እያነጋገረ ነዉ።አቶ አንዳርጋቸዉ የብሪታንያ ዜጋ ናቸዉ።

ግንቦት ሰባት የኢትዮጵያንና የየመን መንግሥታትን እርምጃ አዉግዟል።የብሪታንያ መንግሥት በበኩሉ የየመን መንግሥት አቶ አዳርጋቸዉን ለኢትዮጵያ አሳልፎ መስጠቱን የጄኔቫ-ሥምምነትን የጣሰ ብሎታል።በአቶ አንዳርጋቸዉ ላይ ግርፋት ወይም ሌላ በደል እንዳይፈፀምባቸዉ፤ ከኤምባሲና ከሕግ ባለሙያዎች ጋር የመነጋገር መብታቸዉ እንዲጠበቅ ጠይቋል።በተለይ በሌሉበት የተወሰነባቸዉ የሞት ቅጣት እንዳይፀና አሳስቧል።

አምንስቲ ኢንተርናሽናል፤ ሑዩማን ራይትስ ዋች እና ሌሎች የተለያዩ የመብት ተሟጋች ድርጅቶችም አቶ አንዳርጋቸዉ መጋዛቸዉን ተቃዉመዉ፤ «ሰብአዊ ምብት ይጥሳል» የሚሉት የኢትዮጵያ መንግሥት አቶ አንዳርጋቸዉን ያሰቃያል ብለዉ እንደሚሰጉ እያስታወቁ ነዉ።

Die Gesellschaft für bedrohte Völker(ለተበደለ ሕዝብ ተሟጋች ማሕበር እንደማለት ነዉ) የተሰኝዉ የጀርመን የመብት ተሟጋች ድርጅት ደግሞ አቶ አንዳርጋቸዉን ለማስፈታት የአዉሮጳ ሕብረትና የተባበሩት መንግሥታት ድርጅት ጣልቃ እንዲገቡ ጠይቋል።አዉሮጳ እና ሰሜን አሜሪካ የሚኖረዉ ኢትዮጵያዊ በየከተማዉ ባደረገዉ የተቃዉሞ ሠልፍ የአቶ አንዳርጋቸዉን መያዝና መጋዝ አዉግዟል።የኢትዮጵያ መንግሥትን ባለሥልጣናትን ሥለ ጉዳዩ ለማነጋገር፤ ቢቻል በዚሕ ዉይይት እንዲሳተፉ ለመጋበዝ ለተከታታይ ቀናት ሞክረን ነበር-ያገኘናቸዉ እስተያየት ለመስጠት ፈቃደኛ አይደሉም።ሌሎቹ ን ልናገኛቸዉ አልቻልንም።

የአቶ አንዳርጋቸዉ መያዝ በተሰማ-በ16ኛዉ ቀን ባለፈዉ ማክስኞ የኢትዮጵያ መንግሥት በሚቆጣጠረዉ ቴሊቪዥን ጣቢያ ባሠራጨዉ መግለጫ ግን «የአሸባሪ ድርጅት አመራርና በጥብቅ የሚፈለጉ » ያላቸዉ አቶ አንዳርጋቸዉ እና ሌሎች ሰዎች መታሰራቸዉን አረጋግጧል።በአምደ መረብ የሚፃፈዉ ዉግዘት፤ ክርክርም፤ እንደቀጠለ ነዉ።የእርምጃዉ ሕጋዊ፤ ሠብኣዊና ፖለቲካዊ እድምታ የዛሬ ዉይይታችን ትኩረት ነዉ።

ነጋሽ መሐመድ

አርያም ተክሌ

AUDIOS AND VIDEOS ON THE TOPIC

የአቶ አዳርጋቸዉ መጋዝና እንድምታዉ

እኔም አንዳርጋቸዉ ነኝ!

July13/2014

አንድን ሰዉ ጀግና የሚያሰኙ ብዙ መለኪያዎች አሉ፤ የእነዚህ መመዘኛዎች ስፋትና ጥልቀት ደግሞ እንደያገሩ ባህልና ወግ ይለያያል። የጀግንነት ትልቁ መለኪያ ጦር ሜዳ ዘምቶ ጠላትን ቁጭ ብድግ እያሰኙ መቅጣት ነዉ ብለዉ በሚያምኑ ኢትዮጵያን በመሳሰሉ አገሮች ዉስጥ “ ጀግንነት” የሚለዉን ጽንሰ ሀሳብ ጽንሰ ሀሳቡ በሚነካካዉ ሁሉም መልኩ መግለጽ አስቸጋሪ ነዉ። አንዳርጋቸዉ ጽጌ ግን በዬትኛዉም አገርና ባህል አንድን ሰዉ ጀግና ሊያሰኙ የሚችሉ መስፈርቶችን በሙሉ ከወጣትነት ዘመኑ ጀምሮ ያሟላ ሙሉ ህይወቱን ለፍትህ፤ ለነጻነትና ለዲሞክራሲ አሳልፎ የሰጠ ኢትዮጵያዊ ጀግና ነዉ። አገርህን አድን እያልንም ሆነ ወይም በርዕዮተአለም እየቀሰቀስን እልፍ አዕላፋትን ወደ ጦር ሜዳ ማዝመት ተችሏል፤ ለወደፊትም ይቻላል። ግን ይህ ስራ በራሱ ብዙም ጀግንነት የሚጠይቅ ስራ አይደለም። ለጦርነት ከቀሰቀስናችዉ ሰዎች ጎን ተሰልፈን ጦር ሜዳ ድረስ መዝመት ግን እሱ አሱ ወደር የለሽ ጀግንነት ነዉ። አንዳርጋቸዉ ጽጌ የነጻነትና የፍትህ አርበኞችን ያፈራ ብቻ ሳይሆን እሱ እራሱ አንደ አንድ አርበኛ ዉግያዉ ወረዳ ድረስ ሄዶ አብሯቸዉ ሊዋደቅ የተዘጋጀ ቆራጥ ሰዉ ነዉ።

አንዳርጋቸዉ ፍትህ በሌለባቸዉ ቦታዎች መኖርን የሚጸየፍ ፍትህን የቀመሙትን ሰዎች ወይም ተቋሞች ደግሞ ባሉበት ቦታ ሁሉ በጽናት የሚታገል አሁንም የፍትህና የነጻነት ጠላቶች በመታገል ላይ እንዳለ በየመን ከሀዲዎች አዉሮፕላን ጣቢያ ዉስጥ ታግቶ ለወያኔ ዘረኞች ተላልፎ የተሰጠ ዘመን ስራዉን የማያደበዝዘዉ ጀግናና የኢትዮጵያ ህዝብ የቁርጥ ቀን ልጅ ነዉ።

አንዳርጋቸዉ ጽጌ ዕድሜዉ ከሃያ አመት በታች ከነበረበት ግዜ አንስቶ የፊዉዳሉን ስርዐት፤ የደርግን ስርዐት ዛሬ ደግሞ የዘረኞችን ስርዐት የተቃወመ ብቻ ሳይሆን የተፋለመ እዉነተኛ ጀግና ነዉ። አብረዉት ትግል የጀመሩ ግለሰቦች የራሳቸዉ ህይወት ከህዝብ አደራ በልጦባቸዉ ከትግል አለም ሲለዩ፤ አንዳንዶች በቃን ደከመን ብለዉ ወኔ ሲከዳቸዉ ፤ አንዳንዶች ደግሞ ለስልጣንና ግዜያዊ ጥቅም ሚኒልክ ቤ/መንግስትን ከተቆጣጠረ ሁሉ ጋር ቤተኛ ሲሆኑ አንዳርጋቸዉ ግን በአካሉም በመንፈሱም ያልተሸነፈ፤ ለገንዘብም ለስልጣንም ሲል ህሊናዉን ያልሸጠ ህዝብና አገር የሰጡትን የፍትህና የነጻነት አደራ እንደተሸከመ ከአርባ አመታት በላይ ጸንቶ የቆመ እዉነተኛ የነጻነት አርበኛ ነዉ። እንዳርጋቸዉ ጀግና ብቻ ሳይሆን በዘመናት ዉስጥ አንዴ ብቅ ብለዉ ሰማይን በብርሃን አድምቀዉ አንደሚሰወሩ ሰማያዊ አካላት ወይም ከዋክብት ለዚህ ዘመን ኢትዮጵያዉያን በድፍረት የነጻነት ችቦ የለኮሰ የህዝብ ባለአደራ ነዉ። የኢትዮጵያ ህዝብ ጠላት የሆኑት የወያኔ ዘረኞችም ይህንን የህዝብ ልጅ አፍሪካ አዉሮፓና መካከለኛዉ ምስራቅ ዉስጥ በየሄደበት የተከታተሉትና በመጨረሻም እነሱን በመሳሰሉ ከሀዲ መንግስታት አማካይነት እንዲያዝ ያደረጉት አንዳርጋቸዉ ኢትዮጵያ ዉስጥ የለኮሰዉ የፍትህና የነጻነት ችቦ እንደሚያጋልጣቸዉ ብቻ ሳይሆን ጠራርጎ እንደሚያጠፋቸዉም ስለሚያዉቁ ነዉ።

አገራችን ኢትዮጵያ ዉስጥ “እባብን መመታት ጭንቅላቱን ነዉ” የሚባል የቆየ አባባል አለ። በእርግጥም እባብን ለመግደል ከጭንቅላቱ የበለጠ ጉዳት የሚያደርስበት ሌላ ቦታ የለም። ሆኖም እዚህ ላይ አንድ መርሳት የሌለብን ነገር አለ፤ እሱም እባብን ጭንቅላቱን መትተን ስንገድለዉ የሚሞተዉ አንድ እባብ ብቻ ነዉ፤ ብዙ እባቦች በህይወት ይኖራሉ፤ አዳደሶች ደግሞ ይወለዳሉ። ጅሎቹ የወያኔ ዘረኞች “እባብን መምታት” በሚለዉ ተረት ተሞኝተዉ አንዳርጋቸዉን ይዘዉ በማሰቃየት ወይም በመግደል ህዝባዊ ትግሉን አኮላሽተነዋል ብለዉ አስበዉ ከሆነ እጅግ በጣም ተሳስተዋል። የወያኔ ዘረኞች አንዳርጋቸዉን አሰሩ አላሰሩ የኢትዮጵያ ህዝብ እነሱን መታገሉን የሚያቆመዉ መብቱን፤ ነጻነቱንና የአገሩን አንድነት ለሱ ለራሱ ዉሳኔ ሲተዉለት ብቻ ነዉ። የሰዉ ልጅ እባብን መቀጥቀጡን የሚያቆመዉ እባብ መናደፉን ሲያቆም ብቻ ነዉ፤ የወያኔም ነገር እንደዚሁ ነዉ፤ ዘረኝነቱን፤ መብት ረጋጭነቱንና የአገር ድንበር መሸርሸሩን እስካላቆመ ድረስ የኢትዮጵያ ህዝብ ይታገለዋል ፤ መታገል ብቻ ሳይሆን የሚገባዉን ቅጣት ይሰጠዋል።

የወያኔ ዘረኞች እነሱ በእራሳቸዉ ሞክረዉ ሞክረዉ ያቃታቸዉን ነገር በዉንብድናና በክህደት እነሱን ከሚመስል የሌላ አገር መንግስት ጋር በመተባበር አንዳርጋቸዉ በህገወጥ መንገድ ታግቶ በህገወጥ መንገድ እጃቸዉ ዉስጥ እንዲገባ በማድረግ ለግዜዉም ቢሆን አንዳርጋቸዉን ከትግሉ ሜዳና ከትግል ጓደኞቹ ነጥለዉት ይሆናል፤ ሆኖም ግን የአንዳርጋቸዉ መታሰር በተሰማበት በአጭር ግዜ ዉስጥ ኢትዮጵያ ዉስጥና ከኢትዮጵያ ዉጭ እልፍ አዕላፋት ጀግኖች በቅጽበት ተፈጥረዉ አንዳርጋቸዉ ያበራዉን ችቦ አንግበዉ “እኔም አንዳርጋቸዉ ነኝ” እያሉ ትግሉን ተቀላቅለዋል።

ወያኔና የመን በመመሳጠር በጋራ አስረዉ የሚያሰቃዩት አንዳርጋቸዉ ጽጌ ሰነዓ ላይ ሲታሰርና ለወያኔ ተላልፎ ሲሰጥ አንድ ብቻዉን ነበር። ዛሬ ግን በየመኖች መታገቱና ለወያኔ ተላልፎ መሰጠቱ የኢትዮጵያ ህዝብ ጆሮ በገባ ሳምንት በማይሞላዉ ግዜ አንድ ብቻዉን የታሰረዉ አንዳርጋቸዉ ጽጌ “እኔም አንዳርጋቸዉ ነኝ” ብለዉ እስከ መጨረሻዉ ወያንን ለመፋለም የቆረጡ በብዙ ሚሊዮኖች የሚቆጠሩ ቆራጥ ኢትዮጵያዉያንን ከጎኑ ማሰለፍ ችሏል። ዛሬ ከዉጭዉ አለም ወደ ኢትዮጵያ የሚገባዉና ከኢትዮጵያ ወደ ዉጪዉ አለም የሚወጣዉ ድምጽ “እኔም አንዳርጋቸዉ ነኝ” የሚል የትግል ጥሪ ድምጽ ነዉ።

አንዳርጋቸዉን በህገወጥ መንገድ አግተዉ ለወያኔ ያሰረከቡት የመኖችም ሆኑ ዘረኞቹ የወያኔ ባለስልጣኖች አንዳርጋቸዉ ዬት አንዳለ አናዉቅም ብለዉ አይክዱ ክህደት ክደዉ ነበር፤ ሆኖም አዉነትን ደብቀዉ ማቆየት እንደማይችሉ ስለተረዱ አንዳርጋቸዉን ለሁለት ሳምንታት ያክል ሲቀጠቅጡ ከቆዩ በኋላ ባለፈዉ ማክሰኞ አንዳርጋቸዉ እጃቸዉ ላይ እንደሚገኝ አምነዋል። በጥላቻ ተወልደዉ በጥላቻ ያደጉት የወያኔ መሪዎች አንዳርጋቸዉ ጽጌን የግንቦት 7 ከፍተኛ አመራር አባል ስለሆነ ብቻ አይደለም እንደዚህ አክርረዉ የሚጠሉት። አንዳርጋቸዉ ለነጻነቱና ለእናት አገሩ ደር ድንበር መከበር አጥብቆ የሚሞግትና ሌሎችም እንደሱ ለነጻነታቸዉና ለአገራቸዉ አንድነት እንዲሟገቱ የሚገፋፋ የመብት፤ የነጻነትና የአገር አንድነት ጠበቃ ነዉ። ለዚህ ነዉ ይህንን የአገር አለኝታ የሆነ ሰዉ እስክ ግማሽ ቢሊዮን ዶላር ድረስ የሚሆን ገንዘብ ለየመኖች ሰጥተዉ ታግቶ እንዲሰጣቸዉ ያደረጉት።

የወያኔ ዘረኞች ይህንን አገርና የወገን አለኝታ የሆነ ሰዉ አስረዉ የሰዉ ልጅ አይቶትም ሰምቶትም የማያዉቀዉን ሰቆቃ ሁሉ እንደሚያወርዱበት ጥርጥር የለንም።አንዳርጋቸዉ ጽጌ ለኢትዮጵያ ህዝብ መብት፤ ነጻነትና የግዛት አንድነት መከበር ህይወቴ ታልፋለች ብሎ በአንድ ህይወቱ የተወራረደ ሰዉ ነዉ፡ እንደተናገረዉም ቃሉንም ያከበረ ሰዉ ነዉ። የወያኔ ዘረኞች ይህንን ጀግና ሰዉ ባሰቃዩና የስቃይ ድራማቸዉን በዚያ እንደ ቤት ዉስጥ ዕቃችዉ በሚቆጣጠሩት ቴሌቪዥን ላይ ባሳዩን ቁጥር ማድረግ የሚገባን ነገር ቢኖር በቁጣና በእልህ ተነሳስተን “እኔም አንዳርጋቸዉ ነኝ” እያልን ትግሉን መቀላቀል ነዉ እንጂ አንገታችንን ደፍተን እነዚህ ዘረኞች እንድንሆንላቸዉ የሚፈልጉትን መሆን የለብንም።ህዝባዊ ትግሉ አምርሯል፤ ትንቅንቁ ተጀምሯል። ጎንበስ ቀና እያለ እንደ ህፃን ልጅ በእንብርክኩ ይጓዝ የነበረዉ የቱኒዝያ አብዮት በሁለት እግሩ ቆሞ እንዲሄድ መሐመድ ቦአዚዝ እራሱን መስዋዕት አድርጎ ማቅርብ ነበረበት። አይነካም አይሞከርም ሲባል የነበረዉን ሞባረክን በ15 ቀናት ከስልጣን አባርሮ ለፍርድ ያቀረበዉ የግብጹ አብዮት ከዳር ዳር እንዲቀጣጠል የሃያ ስምንት አመቱ ወጣት ከሊል መሐመድ ሰይድ መሞት ብቻ ሳይሆን አንደ ክትፎ መከታተፍ ነበረበት።

ኢትዮጵያን የሚጠብቅ አይተኛምና ለእኛም እንደ ሙሴ መርቶ ወደ ተስፋዉ አገር እንዲያደርሰን አንዳርጋቸዉ ጽጌን አድሎናል። አንዳርጋቸዉ ልክ እንደ ሙሴ የታገለለትን ማየት አይችል ይሆናል- እሱ የታገለለት አላማ ግን ምንም ጥርጥር የለንም ግቡን ይመታል። አንዳርጋቸዉ ከአርባ አመታት በላይ ለፍትህ፤ ለነጻነትና ለእኩልነት የታገለዉ አልበቃ ብሎት እራሱን መስዋዕት አድርጎ አቅርቦልናል፤ በዚህ ጀግና ሰዉ መስዋዕትነት የማይቀሰቀስና ትግሉን በቀጥታ የማይቀላቀል ኢትዮጵያዊ ካለ እሱ ከክብር ዉርደትን፤ ከነጻነት ዉርደትን የሚወድ ደሙ ከደማችን ያልተቀላቀለ ሰዉ መሆን አለበት። እኔ አንዳርጋቸዉ ነኝ የሚል ኢትዮጵያዊ፤ አገሩን ኢትዮጵያን የሚወድ ኢትዮጵያዊ፤ ጉልበትና አቅም ያለዉ ኢትዮጵያዊ ሁሉ ይህንን አንዳርጋቸዉ የጀመረዉን ትገል ነገ ሳይሆን ዛሬዉኑ መቀላቀል አገራዊ ግዴታዉ ነዉ።

አንዳርጋቸዉ ጽጌ ወያኔን መቃወም ብቻ ሳይሆን ከመቃወም አልፎ የወያኔን ሰርዐት ለማሰወገድ ዱርቤቴ ብሎ በአይን የሚታይ ተግባራዊ እንቅስቃሴ የጀመረና የጀመረዉን ተግባራዊ እንቅስቃሴ ወያኔን ፊት ለፊት ተፋልሞ ማስወገድ በሚችልበት አስተማማኝ ቦታ ላይ ያደረሰ ቆራጥና ደከመኝን የማያዉቅ ጀግና ነዉ።ለዚህ ነዉ የአንዳርጋቸዉ እንቅስቃሴ እንቅልፍ የነሳዉ ወያኔ በመንግስት ደረጃ ብቻ ሳይሆን በመንግስታት ደረጃ ተመሳጥሮ ይህንን ጀግና ሰዉ በህገ ወጥ መንገድ በዉንብድና የያዘዉ። አንዳርጋቸዉ ጽጌ ደብዝዞ የነበረዉን ህዝባዊ ትግል ህይወት የዘራበት እሱ አራሱ ግን አንደ ሻማ የቀለጠ እኛ ኢትዮጵያዉያን እንደ ቱኒዝያዉ ቦዚኦዚዝና እንደ ግብጹ ከሊድ ልንመለከተዉ የሚገባን የትግላችን አቀጣጣይ ችቦ የሆነ ሰዉ ነዉ። ዛሬ አንዳርጋቸዉ የሚፈልገዉና የሚመኘዉ በመታሰሩ ከንፈራችንን እየመጠጥን እንድንዘናጋና ሀሞታችን እንዲፈስ አይደለም። ይልቁንም የሱ ምኞትና ፍላጎት በሱ መታሰርና ስቃይ የእኛ ክንድ እንዲበረታና ሞራላችን እናሸንፋለን በሚል ጥርጥር የለሌለዉ ጽኑ ፍላጎት እንዲገነባ ነዉ።የአንዳርጋቸዉ ፍላጎት ቀፎዉ አንደተነካበት ንብ ‘ሆ’ ብለን ተነስተን እሱንና ሌሎች ተቆጥረዉ የማያልቁ ዜጎቻችንን የሚገድሉትንና እያሰሩ የሚያሰቃዩትን የወያኔ ዘረኞች ከአገራችን ምድር ጠራርገን እንድናጠፋ ነዉ።

አንዳርጋቸዉ እንደ ብዙዎቻችን አባት አለዉ፤ እናት አለዉ፤ ባለትዳርና የልጆች አባት ነዉ፤ ወንድም፤ እህትና ጓደኞችም አሉት። እሱ ግን ከእናቱ፤ ከአባቱ፤ ከልጆቹና ከትዳሩ አገሬ ኢትዮጵያ ትበልጥብኛለች ብሎ የአዉሮፓን ትኩስ ምግብና የተሞናሞነ ህይወት ምን ሊሆነኝ ብሎ ምግብና ዉሃ ብርቅ ወደ ሆነበት በረሃ ሄዶ ለኢትዮጵያ ዳግም ትንሳኤ ጠንካራ መሠረት ያኖረ ሰዉ ነዉ። አንዳርጋቸዉ የኢትዮጵያ ህዝብ የጀግና ያለህ ብሎ ለግማሽ ምዕተ አመት አርግዞ በጣር የወለደዉ የቁርጥ ቀን ልጁ ነዉ። አንዳርጋቸዉ ወያኔ ሃያ ሶስት አመት ሙሉ በዘር፤ በቋንቋ፤ በከልልና በሃይማኖት ሲከፋፍል የከረመዉን ህዝብ ካልሰበሰብኩ እንዳለ እንደ ወጣ የቀረ ጀግናችን ነዉ፡፡ አዎ አንዳርጋቸዉ እንደ ስሙ አንድ ሊያደርገን ጎንበስ ቀና ሲል የለየላቸዉ የኢትዮጵያ ህዝብ ጠላቶች እጅ ወድቋል። አንዳርጋቸዉን የምንወድና የአንዳርጋቸዉ በድንገት ከትግል ሜዳ መለየት ያንገበገብን በብዙ ሚሊዮኖች የምንቆጠር ኢትዮጵያዉያን ወደድንም ጠላን ዛሬ ያለን ምርጫ ከወያኔ ጋር ተናንቀን እኛንም አገራችንንም ነጻ ማዉጣት ወይም በወያኔ እየተረገጥን ልጆቻችንን፤ ጓደኞቻችንንና ወዳጅ ዘመዶቻችንን ተራ በተራ እየገበርን መኖር ብቻ ነዉ። አንዳርጋቸዉ ዛሬ እጁ በዘረኞች ተይዞ የሚሰቃየዉ ከባርነት ነጻነት፤ በግሉ ከሚያገኘዉ ህብትና ብልጽግና የአገሩ ህልዉና በልጦበት ነዉ። አንዳርጋቸዉንና አገሬን የምንል ኢትዮጵያዉያን ከዛሬ በኋላ ይህ አንዳርጋቸዉ ያቀጣጠለዉ ህዝባዊ ትግል ወያኔንና ወያኔ የገነባዉን ዘረኛ ስርዐት እስካልደመሰስ ድረስ ለአንድም ቀን ቢሆን እንቅልፍ ሊወስደን አይገባም። አንዳርጋቸዉ የሂሊናም ሆነ የአካል እረፍት አግኝቶ እፎይ የሚለዉ እሱ ከወያኔ ቁጥጥር ስር ነጻ ሲወጣ አይደለም። አንዳርጋቸዉ እፎይ ብሎ የሰላም እንቅልፍ የሚተኛዉ እሱ የጀመረዉን የፍትህ፤ የነጻነትና የዲሞክራሲ ጉዞ እኛ ስንጨርስለት ብቻ ነዉ። ስለዚህ ጉልበት ያለህ በጉልበትህ፤ ገንዘብ ያለህ በገንዘብህ፤ እዉቀት ያለህ ደግሞ በእዉቀትህ ነገ ዛሬ ሳትል ይህንን ትግል ተቀላቀል።

ድል ለኢትዮጵያ ህዝብ!!

አዋጅ አዋጅ !!!……….. ልብ ያለዉ ልብ ይበል ጆሮ ያለዉ ይስማ !!

July12/2014

አዋጅ አዋጅ !!!……….. ልብ ያለዉ ልብ ይበል ጆሮ ያለዉ ይስማ !!

የግንቦት 7 ሕዝባዊ ሃይል የተሰጠ መግለጫ

አዋጅ አዋጅ !!!

ልብ ያለህ ልብ በል ጆሮ ያለህ ስማ !!

የግንቦት7 ህዝባዊ ሃይል የአቶ አንዳርጋቸው ጽጌን በየመን መታገት አስመልክቶ አጭር መግለጫ ማውጣቱ ይታወቃል።በመግለጫችን የመን ታጋዩን ልታግት የምትችልበት የጸጉር ስንጣቂ የምታክል ምክንያት እንደሌላት ሊኖራትም እንደማይችል ስለሆነም ታጋዩ ባስቸኳይ እንዲለቀቅ በተደጋጋሚ ጠይቀን፣ ይህ ሳይሆን ቀርቶ የነጻነት ታጋዩ ለፋሽስቱ የወያኔ ቡድን ተላልፎ ቢሰጥ የመን የማይሰረዝ ታሪካዊ ስህተት የምትሰራ መሆኑን ህዝባዊ ሃይላችንም የበቀል እርምጃዎችን እንደሚወስድ አሳውቀን ወያኔም ምናልባት ትግሉን አስቆማለሁ በሚል የሞኝ ስሌት ያደረገው ከሆነ ድርጊቱ ትግሉን በዕልህ እና በበቀል አጅቦ ከመውሰድ እና ከማፋጠን የዘለለ ትልቁ የሃሳብ አባት አንዳርጋቸው በሃገሪቱ ሰማይ ላይ የለቀቀውን የኢትዮጵያዊነት ጸረ ወያኔ መንፈስ አስሮ አሰቃይቶ፣ገሎ ማስቆም እንደማይችል አሳስበን አስገንዝበን ነበር። መግለጫችን የተጻፈበት ቀለም ሳይደርቅ ግን የየመን መንግስት እንደሰጋነው ትልቁን የቁርጥ ቀን ልጅ ለወያኔ አሳልፎ መስጠቱን አውቀናል።

የተከበርከው የታላቅ ታሪክ ባለቤት የሆንከው የኢትዮጵያ ህዝብ ሆይ አሁንስ ምን ትጠብቃለህ?? ምንቀረህ ?? ያለህበትን ሁኔታ የሚገልጽ ከዚህ በላይ ገላጭ ነገር ከቶ ከወዴት ይመጣል??ወያኔ የአንዳርጋቸው በእጁ መግባት ለጊዜውም ቢሆን ከሚፈጥርለት ፌሽታ ጎን ለጎን እገታው በይፋ ከተገለጸበት ቅጽበት ጀምሮ ግን የሚፈራው የሚጠላው ነገር ብቅ ብሏል፦የአንድነት መንፈስ!! የጋራ ድምጽ!!እገታው ለኢትዮጵያ ህዝብ በይፋ ከተነገረ በኋላ በሁሉም አቅጣጫ የሚኖር መላው ኢትዮጵያዊ የፖለቲካ አመለካከት እና ፍልስፍና ሳያግደው ለአንዳርጋቸው ያለውን ድጋፍ እና ያገባኛል ባይነቱን አሳይቷል፣እያሳየ ነው፤ገልጿል እየገለጸ ነው።

ይህ መጥፎ አጋጣሚ ለተቃውሞ የፖለቲካ ትግሉ ይዞት የመጣው መልካም ሁኔታ እና ክስተት ይኸው ነው:፤ተባብሮ መጮህ!! የተባበረ ነጎድጓዳዊ ቁጣ!!

በእውኑ ከዚህ በላይ ወያኔን የሚያሸብር ዙፋኑን የሚያርድ ጉዳይ ከወዴት ይገኛል?? የትም።

የተከበርከው የኢትዮጵያ ህዝብ ሆይ ከቶ በምን አይነት አመክንዮ እና የታሪክ ምጸት ነው ወያኔን የመሰለ አንድ ተንቀሳቃሽ የሽፍታ ቡድን ተሰደን እንኳን መተንፈስ እንዳንችል አድርጎ ለ 23 ዓመታት ቀጥቅጦ እና አዋርዶ ሊገዛን የቻለው??

እራሳችን በዘር፣ በሃይማኖት፣ በፖለቲካ አመለካከት ልዩነት ከፍለን የተባበረ ክንዳችን የጋራ ጠላታችን ላይ ማንሳት ባለመቻላችን አይደለምን?? ነው እንጅ!!!

የግንቦት 7 ህዝባዊ ሃይል በዚህ ታሪካዊ ወቅት የታሪክ ጠርዝ ላይ ቆሞ የሚያስተላልፈው መልዕክት አለው፦

እስከመቸ ነው ጥቁሩን በሬ ጅብ ሲበላው ነጩ በሬ ሳይደንቀው፣ያጣማጁ ደም ሳይሸተው ፣ ነጩን በሬ ጅብ ሲከበው ጥቁሩ በሬ አደጋውን የነጩ ብቻ አድርጎት ጉዳዩን ችላ ሲለው በመጨረሻ ግን ሁለቱም የጅብ መንጋ ሲሳዮች ሲሆኑ ተረት እየተተረተብን የምንጓዘው???? ሃገራችን ጨርሳ እስክትጠፋ ማህበረሰባችን እስኪበተን ነውን?? ብዙዎቻችን የምናውቀውን አንድ ታሪክ እዚህ ላይ ብንጠቅስ ያለንበትን ሁኔታ በተወሰነም ደረጃ ቢሆን ለማሳየት የሚረዳ ይመስለናል።ናዚ ወደ ስልጣን ሲመጣ እና የስልጣን ማማ ላይ ቆሞ የሚሰራውን እየሰራ በነበረበት ወቅት ላይ የወቅቱ የጀርመን ልሂቃን ዝምታ የገረመው አንድ አስተዋይ ታላቅ ሰው ይህን ታዝቦ ነበር፦

በቅድሚያ ኮሚንስቶች ላይ አነጣጠሩ

የዚያን ጊዜ ኮሚንስት ስላልነበርኩ ዝም አልኩ

ቀጥለው በሶሻሊስቶች ላይ አነጣጠሩ

የዚያን ጊዜ ሶሺያሊስት ስላልነበርኩ ዝም አልኩ

ለጥቀው ወደ ሰራተኛው ማህበር አነጣጠሩ

የዚያን ጊዜ የሰራተኛው ማህበር አባል ስላልነበርኩ ዝም አልኩ

በመጨረሻ ወደ እኔ መጡ በዚያን ጊዜ ለኔ የሚጮህልኝ አንድም ሰው አልተረፈም ነበር።

እስከመቼ ነው አንዳንችን ለአንዳችን እና ተባብረን እንዳንጮህ የዘር፣የእምነት እና የፖለቲካ አስተሳሰብ ልዩነት አሎሎ ትናጋችን ውስጥ ተቀርቅሮ በጩሀት እንኳን እንዳንደጋገፍ የሚያንቀን???? በ እውኑ ከላይ የተቀመጠው ትዝብት በትክክል ወቅታችንን አያንጸባርቅምን??!

ስለዚህ የአንዳርጋቸው መታገት እና ለወያኔ ተላልፎ መሰጠት የፈጠረው የአንድነት ስሜት በስርዓት ተኮትኩቶ በፍጥነት ፋፍቶ ወያኔን ወደመጣል እና ዴሞክራሲያዊ ስርዓት የመገንባት ዋና ዓላማችን ድረስ ሊወስደን ይገባል።ምንድን ነው የምንጠብቀው? እንዴትስ ነው በዚህ ደረጃ ያፍዝ ያደንግዝ የተደገመብን?? ምን ዓይነት የመንፈስ ክሽፈት ነው እግር ከዎርች ያሰረን??

ምናልባት የምናሳድጋቸው ልጆች ይኖሩናል።አንዳርጋቸውም እኮ እንደሰው የወለዳቸው ህጻን ልጆች አሉት ።አንድም ቀን አብሯቸው ውሎ አያቅም እንጅ። እዚህ በረሃ ውሃ እና ትርፍ ስዓት ሲገኝ የታጋዩን ልብስ የሚችለውን ያህል ያጥብ ነበር፣ የልጆቹን ልብስ እንዳላጠበ ግን እርግጠኝ ሆኖ መናገር ይቻላል:፡ ከ ዓመት በላይ በረሃ ውስጥ ከረሃብ እና ጥም ጋር ሲታገል ልጆቼ የሚል ቃል ካፉ ወጥቶ አያቅም ። እንደሰው ልጆቹን ስለማይናፍቅ ግን አይደለም። ለዚች መከረኛ ሃገር ሙሉ ራሱን ስለሰጠ የልጅና የቤተሰብ ናፍቆት የመሰሉ ሰዋዊ ፈተናዎችን ታላቅ ራዕይን በሰነቀች ልቡ ውስጥ አስቀምጦት እንጅ። እና አንዳርጋቸው ልጆቹን ስለሚጠላ አይደለም የት እንደሚሄድ እንኳን ሳይነግራቸው ወደ በረሃ ሹልክ ያለው። ልጁን ማን ይጠላል!! የአንዳርጋቸው ጭንቀት ልጆቻችን ያለ ሃገር ወልደናቸው ምን ሊሆኑ ነው የሚል ነበርና ሃገር ሰርቶ፣ ማህበረሰብ ገንብቶ የማስረከብ ስራውን ቅድሚያ ሰጠው።

ምናልባት ሃብት፣ ትዳር ይኖረን ይሆናል። ግን ያለሃገር እና ያለነጻነት ሃብትና ትዳር ምንምን ይላል?? ይጣፍጣል?? አይመስለንም።በዘርህ እና በፖለቲካ አስተሳሰብ ልዩነትህ ምክንያት ከሞያሌ አሜሪካ፣ ከጎንደር አውስትራሊያ፣ ከጋምቤላ ካናዳ ድረስ በምትሳደድበት እና በምትታደንበት ሁኔታና ዘመን ውስጥ እስከ አፍንጫ ተነክሮ ሃብትና ትዳር ምንድን ናቸው?? ምናልባት እንደቀንድ አውጣ ራሳችንን የምንቀብርባቸው ቅርፊቶች ካልሆኑ በስተቀር። አንዳርጋቸው ለዚች ጣጣዋ ያላላቀ ሃገር፣ለዚች የምትንገላታ ባንዴራ ኪሱ ውስጥ 5 የአሜሪካን ዶላር እስኪቀረውና አላላውስ እስኪለው ኢትዮጵያዊ እምነቱን ለመግለጽ፣ለማስተማር፣ ለመቀስቀስ ዞሯል ወጥቶ ወርዷል።

ምናልባት_________እያልን ብዙ እንደምክንያት የሚጠቀሱ ነገሮችን ስንደረድር ልንውል እንችላለን። አንድን ሃገር እና ትውልድ ሙሉ በሙሉ ሊያጠፋ እየጣረ ያለ ስርዓትን በግልጽ እስከ ህይወት መስዋዕትነት ላለመታገል ብዙ ምክንያት እያነሳን ራሳችን ልንሸነግል እንችላለን። ከቁም ሞት እያዳነን አይደለም እንጅ!!

ከቶ በምን ዓይነት ተፈጥሯዊ ወይ ሰው ሰራሽ ተጠየቅ ይሆን አንድ የሽፍታ ቡድን 97 ሚሊዮን ህዝብ ለ 23 ዓመታት አምበርክኮ ለገዛ የሚሞክረው?? ለቆመ አይደለም ለሞተ የሚገርም ጉድ አይደለምን?? ከዚህ በላይ አሳፋሪ ነገርስ በየትኛው የዓለም ጫፍ ቢታሰስ ይገኛል??? ይህ አዋጅ ለተደራጁ የፖለቲካ ሃይሎች ብቻ አይደለም፣ ለሲቪክ ተቋማት ብቻ አይደለም፣ ለወጣቱ ሃይል ብቻ አይደለም፣ ለወንዶች ብቻም አይደለም። ለሁሉም ኢትዮጵያዊ የታወጀ አዋጅነው። ተነስ !!! መሳሪያ አንሳ !!! ወያኔን በጉልበትህ ከራስህ ላይ አውርድ!!! የመከራ እና የውርደት ዘመን ይብቃ !!! ያለበለዚያ ሁለት ምርጫዎች እጃችን ላይ አሉ፦ አንድ በጋራ ታግለን ነጻነታችን ማዎጅ ሁለት ባርነትን መርጦ ፣ባርነትን ተቀብሎ እንደባሪያ መገዛት!! በቃ !!

አንድ አለመሆናችንን የታዘቡ እናም የናቁን፣ በየስርቻው መወሸቃችንን የተገነዘቡ እናም የተጸየፉን የተጻፈ እና ያልተጻፈ የረጅም ጊዜ ፖሊሲ ያላቸው የብሄራዊ ቤተሰብ ምስረታ ሂደታችን አደናቃፊ ብሄራዊ ጠላቶቻችን ነጻነታችንን ስለማይፈልጉ ቅኝ ገዝዎቻችን ሌት ተቀን እየተባበሯቸው ነው። የሚፈልጉትን ሰው አንስተው እየሰጧቸው ነው።

እልፍ አዕላፍ ኢትዮዮጵያዊያን ከተጠጉበት እየታደኑ ለእርድ ሲቀርቡ ይሀው ድፍን 23 ዓመት ሞላን። አንዱ ከሆነ ሃገር ሲያዝ እና ተላልፎ ሲሰጥ እንደነጩ በሬ የጓዳ አጋራችን ደም አልከረፋ ሲለን፣ እኔ ምን አገባኝን ስንቀኝ፣ይህ እኮ የኮሚኒስቶች ጉዳይነው፣የነከበደ ጣጣ ነው እዛው ይወጡት ስንል በየተራ እየተለቀምን እያለቅን ነው።

አንዳርጋቸው ለዕርድ ቀርቧል!!ምናልባት ታሪካዊ ጠላቶቻችን የእርድ ቢላዎቻቸውን ስለው ደም በቋጠረ የበቀል አይን ከበው እያዩት ይሆናል።ሊያርዱት!!እንደታሳሪ ፈርቶ ሳይሆን መልካም ስራ ሰርቶ ክርስቶስ/አላህ ዙፋን ፊት እንደቀረበ ጻድቅ በኩራት ቆሞ አንገቱን እንደሚሰጥ ግን ጥርጥር የለንም። ታዲያ የኛ አዋጅ አንኳር መልዕክትም ያለው እዚህ ጋር ነው። አንዳርጋቸው በየሰርጡ እና በየእርሻው እየዞረ የዘራው የአንድነት፣ የኢትዮጵያዊነት፣ የነጻነት፣ የፍትህ ፣የዴሞክራሲ ዘር የሱ በድን ላይ ይብቀል፣ደሙን ጠጥቶ ይፋፋ ከሱ በኋላ ግን ይብቃ የሚል ነው። ኢትዮጵያዊዪ አንድ ሆኖ ተቆጥቶ እንደ አንበሳ ያገሳ ዕለት የሰሜን ነፋስ እንደነካው ጉም በነው እንደሚጠፉ እናውቃለን።ያውቃሉ። ማድረግ ያቃተን ተደጋግፈን መቆም፣ እጅለ እጅ መያያዝ፣ አንድ ላይ መጮህ አንድ ላይ የቁጣ ክንዳችን መሰንዘር ብቻ ነው። ታዲያ ካሁን በኋላ የአንዳርጋቸውን አንገት የቆረጠ ካራ ለሌሎች ተረኞችም ተስሎ እንዲቀመጥ እንፈልጋለን?? የማንፈልግ ከሆነ እጆቻችንን እርስ በርስ አጣምረን መብረቅ እናስተፋቸው፣ ነጎድጓድ እንሙላቸው። ከዚያ ውጤቱን በታሪክ ገጽ ላይ ጎልቶ ተጽፎ እናየዋለን። ያለበለዚያ ኢትዮጵያዊያን የለንም ጨርሰን ጠፍተናል ማለትነው። ስለዚህ ከዛሬ ጀምሮ አዋጅ አዋጅ፣ ልብ ያለው ልብ ይበል፣ ጆሮ ያለው ይስማ !!!ምታ ነጋሪት ክተት ሰራዊት ሳትጠፋ ጠላቶችህን አጥፋ !!!!

ድል ለኢትዮጵያ ህዝብ!!

በኖርዌ የሚኖሩ ኢትዮጵያኖች እኔም እንዳርጋቸው ጽጌ ነኝ በሚል ታላቅ ሕዝባዊ ውይይት አደረጉ

July 13/2014

ቅዳሜ ጁለይ 12/2014 በዲሞክራሲያዊ ለውጥ በኢትዮጵያ ድጋፍ ድርጅት በኖርዌይ አዘጋጅነት ሁላችንም እንዳርጋቸው ጽጌዎች ነን በሚል አላማ በኖርዌ የሚገኙ ኢትዮጵያውያን የግንቦት 7፣ የፍትህ፣ የነፃነትና የዲሞክራሲ ንቅናቄ ዋና ፀሐፊ አቶ አንዳርጋቸው ጽጌ በየመን የደንነት ሀይሎች መታፈንና ለአምባገነኑ የወያኔ መንግስት ታላልፈው መሰጠታቸውን በተመለከተ ወደ ፊት ምን ማድረግ እንዳለባቸው ከተለያዩ ከተሞች በመሰባሰብ በኖርዌ ኦስሎ ለአምስት ሰዓታት የፈጀ ውይይት ሲያደርጉ ውለዋል::

ሕዝባዊ ውይይቱ ከቀኑ 15: 00 ሰአት ላይ የተጀመረ ሲሆን ቁጥራቸው በርከት ያሉ ኢትዮጵያኖች የአቶ እንዳርጋቸው ምስል ያለበትና ሁላችንም እንዳርጋቸው ጽጌዎች ነን የሚል ጹሁፍ የተጻፉበትን ቲሸርት በመልበስ ለስብሰባው ድምቀት የሰጡት ሲሆን ለአቶ አንዳርጋቸው ያላቸውንም የትግል አጋርነት አስማስክራዋል እነዚህን ቲሸርቶች የዲሞክራሲያዊ ለውጥ በኢትዮጵያ ድጋፍ ድርጅት በኖርዌይ የበርገን ቅርንጫፍ በራሳቸው አነሳሽነት የሰሩ ሲሆን የድጋፍ ድርጅታችን ወጪውን በመሸፈን ለተሰብሳቢው በነጻ ኣድሏል።

ስብሰባውን የዲሞክራሲያዊ ለውጥ በኢትዮጵያ ድጋፍ ድርጅት በኖርዌይ ሕዝብ ግንኙነት አላፊ አቶ አቢ አማራ በሃያ ሶስት አመታት በወያኔ ጨካኝ አገዛዝ በግፍ ለተገደሉትና በግፍ ለሚሰቃይዩ ወገኖቻችን የአንድ ደቂቃ የህሊና ፀሎት በማስደረግ አስጀምረውታል በመቀጠልም አቶ ዮሀንስ አለሙ የዲሞክራሲያዊ ለውጥ በኢትዮጵያ ድጋፍ ድርጅት በኖርዌ ሊቀመንበር በስብሰባው ላይ የተገኛውን ሕዝብ እንኮን ደህና መጣችሁ በማለትና በማመስገን ፐሮግራሙን በንግግር የከፈቱት ሲሆን አቶ ዮሀንስ በንግግራቸው የወያኔ መንግስት በአቶ አንዳርጋቸው ላይ ባደረሰው አፈና ግንቦት 7 የክተት አዋጅ ማስተላለፉን ጠቅሰው አንባገነኑ የወያኔ መንግስት በአሁን ሰአት በሀገር ቤት በሰላማዊ ትግል እየታገሉ ባሉ ታጋዮች ላይ ሳይቀር እስር እያደረሰባቸው እንዳለ በማመልከት ሰሞንኑን እንኮን የሰመያዊ፣ የአንድነት፣ የአራና የፖለቲካ ድርጅት ከፍተኛ አመራሮች ለስር ተዳርገዋል ብለዋል::

ስለሆነም ህዝባችንን ለእስር እያደረገ ያለውን አገዛዝ ለመቃወም ሁሉም በአንድነት መሰባሰብ እንዳለበት አጠንክረው በመናገር በአሁን ሰአት የአቶ አንዳርጋቸው በወያኔ መታፈንና መታሰር መላውን ኢትዮጵያ ዳር እስከ ዳር እያንቀሳቀሰውና ሕዝቡም እኔም አንዳርጋቸው ጽጌ ነኝ በማለት በስፋት እየተንቀሳቀሰ እንደሆነ ጠቅሰው በአሁን ሰአት ትግሉ የግንቦት 7 ብቻ አይደለም ይህን ትግል በዚሁ አንድ ሆነን መቀጠል እለብን ብለዋል::

በመቀጠል አቶ ደባስ የዲሞክራሲያዊ ለውጥ በኢትዮጵያ ድጋፍ ድርጅት በኖርዌይ አባል የአቶ አንዳርጋቸውን ከወጣት እድሜያቸው ጀምሮ ያለውን የፖለቲካ አካሄድ አቶ እንዳርጋቸው ጽጌ ማን ነው ? በሚል ርእስ የአቶ አንዳርጋቸውን የትግል ጉዞ የሚዳስስ ዘገባ ሰፋ ባለ ትንታኔ በጹሁፍ ያቀረቡ ሲሆን በስብሰባው ላይ የኢሀፓ ፣ የአርበኞች ግንባር፣ የሸንጎ ፣የስደተኛው ማህበር ተወካዮች እና ሌሎችም ሰዎች በየተራ ንግግር ያደረጉ ሲሆን የየድርጅቷቹም ተወካዮች የግንቦት 7፣ የፍትህ፣ የነፃነትና የዲሞክራሲ ንቅናቄ ዋና ፀሐፊ አቶ አንዳርጋቸው ጽጌ በወያኔ መታፈንና ለእስር መዳረግን በተመለከተ የድርጅታቸውን አቋም ለተሰብሳቤው ያስረዱ ሲሆን የሁሉም ፖርቲ ተወካይች በአቶ አንዳርጋቸው መታፈንና ለእስር መደረግ ማዘናቸውን ገልጸው ሁሉም በአንድነት በመተባበር በማንኛውም የትግል እንቅስቃሴ የወያኔንን መንግስት ማስወገድ እንዳለባቸው አጽንኦት በመስጠት ተናግረዋል::

በየፕሮግራሞቹ መሀል ግጥሞችና ሌሏችም ፕሮግራሞች ቀርበው የመጀመሪያው ዞር ተጠናቋል::ከ30 ደቂቃ የእረፍት የሻይ እና የቡና ፕሮግራም በኋላ የሁለተኛው ክፍለ ጊዜ ፕሮግራም በተያዘለት ጊዜ ተጀምሮ የፕሮግራሙን ተሳታፊዎች ያሰተፈ ፕሮግራም በአቶ አብዱ የሱፍ የዲሞክራሲያዊ ለውጥ በኢትዮጵያ ድጋፍ ድርጅት በኖርዌይ ስታቫንገር ቅርንጫፍ ምክትል ሊቀመንበር ከግንቦት 7 የፍትህ፣ የነፃነትና የዲሞክራሲ ንቅናቄ የተሰጠ ልዩ መግለጫና ተግባሪዊ የመጀመሪያ እርከን የትግል ጥሪን ካብራሩ በኋላ ለተሰብሳቢው ለውይይት በማቅረብ በኖርዌ የምንኖር ኢትዮጵያኖች ይህን የትግል ጥሪ ለማስፈጸም ምን እናድርግ በማለት ለውይይት አቅርበው የፕሮግራሙ ተሳታፊዎች በአቶ ዮሀንስ የዲሞክራሲያዊ ለውጥ በኢትዮጵያ ድጋፍ ድርጅት በኖርዌ ሊቀመንበር አወያይ አማካኝነት በስፋት ተወያይተውበታል ::

ተሰብሳቢውም በብዙ ነገሮች ከተወያዩ በኋላ ይሄ ግንቦት 7 ያወጣውን የመጀመሪያ እንከን የትግል ጥሪ ተግባራዊ በየቦታው አለም አቀፍ ታክስ ፎርሶች እየተቋቋሙ እንዳለና በኖርዌይም ይህንኑ ጥሪ ተግባራዊ ለማድረግ የሁሉንም የፖለቲካ ድርጅቷች ያካተተ ታክስ ፎርስ እንዲቋቋም ተወስኖል:: በመቀጠልም በተሰብሰቢዎች በተመረጡ ሰዎች የተጻፋ ባለ ስድስት አሃዝ የተሰብሳቢው የአቋም መግለጫ ለጉባሄው በጹሁፍ ቀረቦል:: ተሰብሳቢው ያወጣው የአቋም መግለጫ

1. ሁላችንም አንዳርጋቸው ወይም አንድ አርጊያቸው ነን ስንል ለነፃነት፣ ለእኩልነት፣ ለፍትህና ለዲሞክራሲ በሐገራችን ኢትዮጵያ ለማስፈን የሚከፈለውን መስዋእትነት ሁሉ ለመክፈል ዝግጁዎች ነን ማለታችን ነው።
2. የተለያዩ የፖለቲካና ሲቪክ ማህበራት የሚያደርጉትን መጠላለፍ እንዲቀርና በጋራ ወይም አንድ በመሆን እንዲሰሩ ግፊት እናደርጋለን።
3. ለሚቀርብልን ሐገርን የማዳን ጥሪ ዝግጁ መሆናችንን እንገልፃለን።
4. የየመን መንግስት ከአለም አቀፍ ህግ ጋራ የሚፃረር ስራ በመስራት አቶ አንዳርጋቸው ፅጌን ለወያኔ አሳልፎ በመስጠት የሰራውን ወንጀል ለዓለም አቀፍ ህግ የማቅረብ ስራ በጋራ እንደምንሰራ።
5. የአቶ አንዳርጋቸው ፅጌ በወያኔ መታፈን ትግሉን የበለጠ እንደሚያጠናክረውና ወደ ውጤት እንዲያመራ የበኩላችንን አስተዋፅኦ እናደርጋለን።
6. ወያኔ የተለያየ ምክንያት በመፍጠር ኢትዮጵያውያንን እስርቤት ማስገባቱን እንዲቀርና የታሰሩትን ያለምንም ቅድመ ሁኔታ እንዲፈታ እንጠይቃለን በማለት የአቋም መግለጫ አውጥተዋል ።
በመጨረሻም አቶ ዳንሄል አበበ የዲሞክራሲያዊ ለውጥ በኢትዮጵያ ድጋፍ ድርጅት በኖርዌይ ምክትል ሰብሳቢ የዲሞክራሲያዊ ለውጥ በኢትዮጵያ ድጋፍ ድርጅት በኖርዌይ የአቋም መግለጫ ለተሰብሳቢው በጹሁፍ ያሰሙ ሲሆን በንግግራቸውም አቶ እንዳርጋቸው ጽጌ ለኢትዮጵያ አንድነትና ነጻነት የቋሙ የነጻነት ታጋይ ናቸው እኔም እንዳርጋቸው ጽጌ ነኝ የምንል ሁሉ ለሃያ ሶስት አመታት ህዝብን በዘረኝነት የከፋፈለውን ወያኔን በቃ ልንለው ይገባል ካሉ በኋላ በኢትዮጵያ ከመቸውም ጊዜ በላይ አፈና፣ ግድያው፣ እስራቱ መጨመሩን በመናገር ይኼን ጨቋኝና አፋኝ ስርአት ለማስወገድ እንነሳ በማለት ጥሪ ያስተላለፉ ሲሆን በመጨረሻ እኔ እንዳርጋቸው ጽጌ ነኝ እናንተስ በማለት የፕሮግራሙን ተሳታፊ በመጠየቅ ፕሮግራሙ በተያዘለት ሰዓት ከምሽቱ 20:00 ተጠናቋል ::
እኛ ሁላችንም እንዳርጋቸው ጽጌዎች ነን!!!
ድል ለኢትዮጵያ ሕዝብ !!!
በዲሞክራሲያዊ ለውጥ በኢትዮጵያ ድጋፍ ድርጅት በኖርዌይ

‹‹ቀዩ መስመር›› የቱ ጋር ነው? ጽዮን ግርማ

July12/2014

ኢትዮጵያ በፓርቲ ላይ የተመሰረተ ፖለቲካ ባህል ውስጥ የገባችው የ1960ዎቹን ፖለቲካዊ እንቅስቃሴ ተከትሎ ነው፡፡ በዚህም ምክንያት የተለያዩ ርዮተ ዓለሞች ተፋጭተው ዴሞክራሲያዊ ሥርዐት ይመሰረትባታል በሚል ተስፋ ቢጣልም የድርጅቶቹ የኋላ ታሪክ እንደሚያስረዳው ለሀገርና ለሕዝብ የሚጠቅም ለውጥ ከማምጣት ይልቅ እርስ በእርስ የመጨራረስ ባህል እንደነበራቸው ነው፡፡ ከበርካታ ንፁሃን ዜጎች ደም መፍሰስና እልቂት በኋላ ህወሓት ኢሕአዴግን መሥርቶ ወደ ሥልጣን ሲመጣም ከሻዕቢያ በስተቀር ሌሎቹ ድርጅቶች እስከ አመራሮቻቸው ደብዛቸው ጠፍቶ ነበር።ኢህአዲግ የሥልጣን ወንበሩን ከጨበጠ በኋላ በሽግግር መንግሥት ምስረታ ፓርቲዎች እንዲሳተፉ ይፋዊ ጥሪ በማስተላለፍ በፓርላማ መቀመጫ እንዲያገኙ በማድረግ ዴሞክራሲያዊ ሥርዐት የተመሰረተ ለማስመሰል ጥረት ቢያደርግም በተለያየ ምክንያት አባሮ መልሶ ለመበታተን ጊዜ አልወሰደበትም ነበር ፡፡

ለዓመታት በዘለቀ ቆይታውም ሀገሪቷ ዴሞክራሲያዊ የመኾን ተስፋዋ አንዴ ሲፈግግ ሌላ ጊዜ ደግሞ ጭርሱኑ ሲደበዝዝ ቆይቶ የምርጫ ታሪክ በተነሳ ቁጥር ምንግዜም ተጠቃሽ የኾነው ሦስተኛውና ታሪካዊው የ1997 ዓ.ም ሀገራዊ ምርጫ ተስተናገደ፡፡ በድህረ ምርጫውም ሀገሪቱ ሲቪልና ፖለቲካ መብቶችን በማክበር በኩል የበጎ ምግባር ምስክርነትን ማግኘት ጀምራ ነበር፡፡ ነገር ግን በሕዝቦች መራጭነት ዴሞክራሲያዊ የኾነ መንግሥት የሚያስተዳድራት ኢትዮጵያ ልትፈጠር ነው የሚለው የተስፋና የደስታ ስሜት ብዙም ሳይዘልቅ በአንድ ጊዜ ተንኮታክቶ ሀገሪቷን ወደ ሌላ እልቂትና የመከራ አረንቋ ውስጥ ከተታት፡፡ ፍጻሜውም ብዙዎችን ለሞት፣አካል ጉዳት፣እስራት ለስደት ዳረጋቸው፡፡ ሌሎቹን ደግሞ ፍርሃት ውስጥ ከተታቸው፡፡ ሀገሪቱም የተናፈቀው የመድብለ ፓርቲው ሥርዐት ግንባታው ቀርቶባት ላለፉት በአውራ ፓርቲ ሥርዐት ሥር ወደቀች፡፡

ዐንድ ዓመት የቀረውን ምርጫ ከፊቱ አስቀድሞ ያለፉት ዘጠኝ ዓመታት በሥልጣን ላይ የቆየው ገዢው ፓርቲ፤ [ኢትዮጵያ ዴሞክራሲያዊ ሥርዐት የሰፈነባት፣ ሰላማዊ ሰልፍ የማካሄድ መብት የተረጋገጠባት፣ የመምረጥና የመመረጥ፣የመናገርና የመጻፍ ነጻነት የተከበረባት፣የመድብለ ፓርቲ ሥርዐት የሰፈነባት፣የዜጎች በፈለጋቸው ቦታ ሠርቶ ሀብት የማፍራትና ሠርቶ የመኖር መብት የተረጋገጠበት፣የሕግ የበላይነት የተረጋገጠባት፣የብሔርና ብሔረሰቦች መብት የተከበረባት] በአጠቃላይ ለሰው ልጅ የሚያስፈልጉ መብቶች ኹሉ የተከበረባት ‹‹የተቀደሰች ሀገር›› መኾኗን ጠዋት ማታ ለሕዝቡ በማስታወስ በሕግ ከተደነገጉት መብቶቹ ውጪ በመጠቀም ይህችን ‹‹ቅድስት›› ሀገርና ሕዝቦቿን ለማተራመስ የሚንቀሳቀስ ማንኛውም ሰው ‹‹ቀዩን መስመር›› እንዳለፈ ተቆጥሮ እርምጃ እንደሚወሰድበት፣በዴሞክራሲያዊ የፖለቲካ ጨዋታ የማይረገጠውን ''ቀይ መስመር'' የረገጠ አካል ለሀገርና ለሕዝብ ሰላምና ደህንነት ሲባል በሕግ እንደሚጠየቅ እንደ ‹‹ፈንጂ ወረዳና ዐሥራ አንደኛው ሰዓት›› የመሳሰሉ ተጨማሪ ዐረፍተ ነገሮች እየታከሉበት ከአቶ መለስ ዜናዊ አገዛዝ ጀምሮ ሲሰጥ የቆየ ማስጠንቀቂያ ነው፡፡

ጠቅላይ ሚኒስትር ኃይለማርያም ደሳለኝ ሥልጣን ከያዙ በኋላም ቢኾን እርሳቸውና ሌሎች ባለሥልጣናት ባገኙትና ኾን ብለው በሚፈጥሩት አጋጣሚ፤ከምድራዊ ችግሮች ኹሉ የጸዳች፣ ሕዝቦቿ ከድህነት ወጥተው፣በዴሞክራሲያዊ ሥርዐት ታጅበው በሰላም የሚኖሩባት ኢትዮጵያ የምትተዳደርበትን ሕገ-መንግስታዊ ሥርዐት ለመናድ የሚንቀሳቀሱ ሓይሎች ‹‹ቀዩን መስመር›› እያለፉ መኾናቸውን ሲናገሩ ይደመጣሉ፡፡ የአገር ውስጥ የፖለቲካ ፓርቲ አመራሮችና አባላት፣በውጭ ሀገር የሚገኙ የተቃዋሚ ፓርቲ አመራሮችና አባላት፣ ሐይማኖታዊ መብት ጠያቂዎች፣ጋዜጠኞችና ጸሐፊዎች፣ተማሪዎችና የሰብዓዊ መብት ጠያቂዎች በተለያየ ጊዜ እየተሰበሰቡ ወደ እስር ቤት ሲላኩም አገሪቱን ለማተራመስ ‹‹ቀዩን መስመር›› አልፈው በመገኘታቸው እንደኾነ ከዶክመንተሪ ፊልም ጋራ ተዘጋጅቶ ይቀርባል፡፡

የአገር ውስጥ የፓርቲ አመራሮችና አባላት

ገዢው ፓርቲ ዴሞክራሲያዊ ሥርዐት የሰፈነባት፣ ሰላማዊ ሰልፍ የማካሄድ ፣የመምረጥና የመመረጥ መብትና ሌሎችም ሰብዓዊና ዴሞክርሲያዊ መብቶች የተረጋገጡባት ሀገር መኾኗን በሚሰብክላት ኢትዮጵያ ባለፉት ሁለትና ሦስት ዓመት ውስጥ፤ የአገር ውስጥ የፓርቲ አመራሮችና አባላት የራሳቸው ውስጥ ችግር እንደተጠበቀ ኾኖ በገዢው ፓርቲ በኩል የሚገጥማቸውን ድብደባ፣ማንገላታትና ክልከላ በተደጋጋሚ ሲገልጹ ይሰማሉ፡፡ ከዚህ ባስ ሲልም የአንድነት ፓርቲ ምክትል ሊቀመንበርና የሕዝብ ግንኙነት ኃላፊ የሆኑት አቶ አንዱአለም አራጌ፣ የኦፌዴን ምክትል ሊቀመንበር የሆኑት አቶ በቀለ ገርባና ሌሎች አመራሮች በእስር ላይ ይገኛሉ፡፡ በተጨማሪም እየታሰሩ የሚፈቱ፣የሚደበደቡ፣ሰልፍ የሚከለከሉ የፓርቲ አመራርና አባላት በየጊዜው ከሚሰጡት መግለጫ ይሰማል፡፡ ባሳለፍነው ማክሰኞ ከአንድነት ፓርቲ ሓላፊ አቶ ሀብታሙ አያሌውና አቶ ዳንኤል ሽበሺ፣ ከሰማያዊው ፓርቲ ደግሞ አቶ የሺዋስ አሰፋ ታስረዋል፡፡

በውጭ የሚገኙ የተቃዋሚ ፓርቲ አመራሮችና አባላት

መንግሥት በውጭ ሀገር የሚገኙ የተቃዋሚ ፓርቲ ድርጅቶች፣ አመራሩንና አባላቱን በሚመለከት የጸረ ሽብር ዐዋጁን ካጸደቀ በኋላ በሕዝብ ተወካዮች ምክር ቤት ግንቦት 7፣ አልቃይዳ፣ አልሸባብ፣ ኦነግና ኦብነግን በአሸባሪነት እንዲፈረጁ አድርጓል፡፡በዚህም መሠረት ከኢትዮጵያ ውጪ እየኖሩ ሓሳባቸውን በተለያየ መንገድ የሚገልጹ ጋዜጠኞችን፣ግለሰቦችንና ድርጅቶችን በሌሉበት በአሸባሪነት ክስ በመመስረት የእስር ውሳኔ የሚያወጣባቸው ሲኾን አገር ውስጥ ኾነው ከእነዚህ ግለሰቦችና ድርጅቶች ጋራ ተገናኝተዋል በሚል ታስረው የተፈረደባቸው ሰዎች ቁጥር እጅግ በርካታ ነው፡፡

በአሸባሪነት የተፈረጀው የግንቦት ሰባት ድርጅት አመራር አባላት፤‹‹አገር ውስጥ ካሉ ተባባሪዎቻቸው ጋራ በመኾን በህቡዕ ተደራጅተው ሕገ መንግሥቱንና ሕገ መንግሥታዊ ሥርዐቱን በሓይል ለማፍረስ ሲንቀሳቀሱ ተደርሶባቸዋል›› በሚል ክስ ተመሥርቶባቸው የነበሩት ብርጋዴር ጄኔራል ተፈራ ማሞ፣አቶ አሳምነው ጽጌ፣ዶ/ር ብርሃኑ ነጋና አቶ አንዳርጋቸው ጽጌ ሀገር ውስጥ የሚገኙት ጄኔራል ተፈራ ማሞና አሳምነው ጽጌ በዕድሜ ልክ እስራት እንዲቀጡ ሲወስን፣ ዶ/ር ብርሃኑ ነጋና አቶ አንዳርጋቸው ጽጌ በሞት እንዲቀጡ መወሰኑ ይታወሳል፡፡

ሰሞኑን በአገር ውስጥና በውጭ ሀገር መነጋገሪያ ኾነው የሰነበቱት የግንቦት ሰባት ንቅናቄ ዋና ጸሐፊ አቶ አንዳርጋቸው ጽጌ ከዱባይ ወደ አስመራ በመጓዝ የመን ውስጥ ሰንዓ ከተማ ዓለም አቀፍ አውሮፕላን ማረፊያ ለትራንዚት ሲወርዱ ታግተው መቆየታቸውና ለኢትዮጵያ መንግሥት ተላልፈው መሰጠታቸው፣ ‹‹የኢትዮጵያ መንግሥትም ተላልፈው አልተሰጡኝም›› ሲል ቆይቶ በመጨረሻም እጃቸው ከተያዘበት ሰኔ 16 ቀን 2006 ዓ.ም ጀምሮ በቁጥጥር ሥር ማዋሉን ጠቅሶ በምስል ጭምር አሳይቷቸዋል፡፡ በአኹኑ ሰዓትም በእስር ላይ ይገኛሉ፡፡

ሐይማኖታዊ መብት ጠያቂዎች

መንግሥት ከሃይማኖት ጣልቃ ገብነት እንዲወጣና መሪዎቻቸውን በራሳቸው መንገድ እንዲመርጡ ባነሱት የመብት ጥያቄ ሙስሊሞች ተቃውሞ ተጋግሎ በመጨረሻም የሀገር ሽማግሌዎች፣ ምሑራን፣ ጋዜጠኞች፣መጽሐፍ ጸሐፊዎች፣ ነጋዴዎችና ወጣቶች በገፍ እየተለቀሙ ታስረዋል፡፡ በሌላም በኩል ከተመሰረተ በርካታ ዓመታትን ያስቆጠረው በክርስትና እምነት ተከታዮች የተቋቋመው ‹‹ማኅበረ ቅዱሳ››ን ‹‹በኦርቶዶክስ ቤተክርስቲያን ብጥብጥና ትርምስ ለመፍጠር ይንቀሳቀሳል ›› የሚል ተቀጥላ ተለጥፎለት ማኅበሩ በመፍረስ አመራሮቹም በመታሰር ስጋት ውስጥ ናቸው፡፡

ጋዜጠኞችና ጸሐፊዎች

እንደ ገዢው ፓርቲ ተደጋጋሚ አነጋገር ከኾነ ሀገሪቱ የመጻፍና የመናገር መብትና ነጻነት ተከብሮባታል፡፡ጋዜጠኛ እስክንድር ነጋ፣ጋዜጠኛ ውብሸት ታዬና ጋዜጠኛ ርዮት ዓለሙ ሐሳቦቻቸውን ሲገልጹ የቆዩት በእነዚህ መብቶቻቸው ተጠቅመው ነበር፡፡ ስድስት የዞን ዘጠኝ ጦማሪዎችና ሦስት ጋዜጠኞች በኢሕአዴግ አነጋገር ከተከበረው መብታቸው ሽራፊዋን ብቻ ቆርሰው ሐሳባቸውን በጹሑፍ ሲገልጹ የነበሩ ምሑራን ወጣቶች ናቸው፡፡ አብርሃ ደስታ ሐሳቡን በነጻነት የመግለጽ መብቱን በመጠቀምና የሌሎችን የመናገር ነጻነት በማክበር በማኅበራዊ ድረ ግጽ ላይ የውይይት ባህል እንዲዳብር በመታገል የሚታወቅ ወጣት ነው፡፡ እንዚህ ኹሉ ጸሐፊዎች ‹‹ቀዩን መስመር›› አልፋችኋል በሚል በተለያየ ጊዜ ተይዘው በእስር ላይ ይገኛሉ፡፡

‹‹ቀዩ መስመር›› የቱ ጋር ነው?

በሞያቸውና በፖለቲካ እምነታቸው ምክንያት አኹን በእስር ላይ የሚገኙትም ኾነ ያልታሰሩ ግለሰቦችና ድርጅቶች ያነሷቸውና የሚያነሷቸው ጥያቄዎች፤መልካም አስተዳደር፣የሕግ የበላይነት፣የሰብዓዊና ዴሞክራሲያዊ ጥያቄዎች፣ የፀረ-ሽብር ዐዋጁ መደፍጠጥ እንደሌለበት፣ሐሳብን በነጻነት የመግለጽ፣ፍትሐዊ የሀብት ክፍፍል፣የሥራ እጥነት እንዲቀር፣ የመሬት ጥያቄ፣ የኑሮ ውድነትና የመሳሰሉ የሰብዓዊና ዴሞክራሲያዊ መብቶች ይከበሩ የሚሉ ጥያቄዎች ናቸው፡፡

ኢህአዴግ እነዚህን መብቶች እንዳከበረ በተደጋጋሚ ሲገልጽ ይሰማል፡፡ ጥያቄው የሚነሳው ችግሩ ኖሮ ሳይኾን ጥያቄውን የሚያነሱት ግለሰቦች፤ከውጭ ሓይል ገንዘብ ተቀብለው ሀገሪቱን ለማተራመስ የሚሠሩ ናቸው በሚል በሀገር ከሀዲነት ይፈርጃቸዋል፡፡ አሸባሪ፣ አክራሪና ተላላኪ የሚሉ ስሞችን በመለጠፍ ‹‹ቀዩን መስመር አለፋችሁ››በማለት ወደ እስር ቤት ይወረውራቸዋል፡፡

የመብት ጥያቄን የሚያነሳን አካል እጅ በመጠምዘዝ በአገሪቱ የሚከናወን ማንኛውም ጥያቄ በገዢው ፓርቲ መልካም ፈቃድ ላይ ብቻ የተመሰረተ እንዲኾን ያደርጋል፡፡ ከእዛ ውጭ ያለው ግን ለሀገሩ የማያስብ አፍራሽ አድርጎ ይስለዋል፡፡ ነገር ግን በየጊዜው የሚነሱት እነዚህ ጥያቄዎች በአገሪቱ ውስጥ ተከብሯል በሚባሉት መብቶች ሥር የሚጠቃለሉ ሊኾኑ ይገባቸው ነበር፡፡ እነዚህ መብቶች የተረጋገጡ ከኾኑ ጥያቄዎቹም ‹‹ቀዩን መስመር›› ያለፉ የሽብር ዓላማን ያነገቡ አይባሉም ነበር፡፡ጥያቄዎቹን የሚያነሱት ግለሰቦችም በሀገሪቱ ውስጥ በሰላም የመኖር መብታቸው ሊከበርላቸው የሚገባ እንጂ ‹‹አሸባሪዎች›› ተብለው ሊታሰሩና ሰብዓዊ መብታቸው ሊረገጥ አይገባውም ነበር፡፡

መብታቸውን በተግባር ለመተግበር የሚሞክሩና ጥያቄዎቻቸውን በተለያየ መንገድ የሚያሰሙ ሰዎች በተደጋጋሚ የሚታሰሩ ከኾነ ቢያንስ ከዚህ በኋላ በጸረ ሽብር ዐዋጁ ተከልሎ የተሰመረው ‹‹ቀዩ መስመር›› የቱ ጋር እንዳለ ግልጽ ሊደረግ ይገባል፡፡ በፊት ለፊት ዴሞክራሲያዊነት እየሰበኩ በጎን በኩል ሰው አፍንጫ ስር መልሶ ከማስመር መጀመሪያዉ ‹‹ቀዩ መስመር›› የት እንዳለ ግልጽ ቢደረግ ለጥንቃቄም ይረዳል፡፡

Twenty Ethiopia state journalists dismissed, in hiding By Tom Rhodes/CPJ East Africa Representative

July11/2014

People demonstrate in Addis Ababa on May 24 against security forces who shot at students at a peaceful rally weeks eearlier in Oromia state. (Reuters/Tiksa Negeri)
"If they cannot indoctrinate you into their thinking, they fire you," said one former staff member of the state-run Oromia Radio and Television Organization (ORTO), who was dismissed from work last month after six years of service. "Now we are in hiding since we fear they will find excuses to arrest us soon," the journalist, who asked not to be identified for fear of reprisal, told CPJ.

On June 25, 20 journalists from the state broadcaster in Oromia, the largest state in terms of area and population in Ethiopia, were denied entry to their station's headquarters, according to news reports. No letters of termination or explanations were presented, local journalists told CPJ; ORTO's management simply said the dismissals were orders given by the government. "Apparently this has become common practice when firing state employees in connection with politics," U.S.-based Ethiopian researcher Jawar Mohammed said in an email to CPJ. "The government seems to want to leave no documented trace."

The journalists, some of whom had worked for the state broadcaster for over five years, can only speculate on the reason for their dismissals. Two of them told CPJ they believe it is linked to student protests earlier in the year.

On April 25, students at Ambo University, Oromia State, protested the government's "Master Plan" to cede parts of Oromia State to the capital, Addis Ababa, a federal region, according to news reports. The state claimed in a statement that eight people died in violent protests in Ambo over a plan designed to provide urban services to rural areas. Oromo citizens say that many more died in Ambo at the hands of security forces for demonstrating against a proposal they fear will lead to the federal government grabbing their land and reducing local autonomy, news reports said. More student and civil society protests ensued soon after the Ambo University demonstrations and authorities were determined to quell any reporting on the unrest.

But the Oromo state broadcaster, listened to by millions of Oromo citizens, hardly covered the protests, according to local journalists. ORTO only discussed the protests after they had concluded, dismissing one of the region's largest social actions as an illegal initiative conducted by violent elements, one journalist said.

Prior to the protests, however, TV Oromia aired a short segment where ruling party members criticized the plan to cede parts of Oromia State to the capital, local journalists told me. Many were surprised by the critical coverage coming from the state broadcaster, the same sources said. Senior members of Ethiopia's ruling party may also have been surprised.

Last month, senior ruling party members such as former Communications Minister Bereket Simon and the pro-government Director of Fana Broadcasting, Waldu Yemasel, led an indoctrination program called "gimgama" (meaning "re-evaluation") for the ORTO staff at the station's headquarters in Adama, journalists who attended the program told me.

"The main purpose of the training was not to build the skill and profession of the journalists, but rather to identify the political positions of the staff," said one of the journalists in attendance. The 180 staff members were divided into 12 groups with two ruling party cadres in charge of evaluating the staff within each respective group, the journalist told me. Some of the ORTO staffers suspect the government decided to rid the broadcaster of staff who sympathized with the protesters. The management told one source that the government was not pleased with them for not producing "developmental journalism," a term local journalists define as "positive reporting on government projects."

The fear of being imprisoned next is not unfounded. Ethiopia is the second worst jailer of journalists in Africa, trailing only Eritrea, with 17 journalists currently behind bars. They are all imprisoned on trumped-up charges or none at all, according to CPJ research. Under such conditions, local journalists told CPJ, many resort to fleeing the country to evade arrest. CPJ has assisted 41 Ethiopian journalists in exile since 2009.

New employees, Jawar said, now fill the 20 positions and it is business as usual at the state broadcaster. Following this purge, the Oromo--Ethiopia's largest ethnic group with around 27 million people--will likely hear even less about civil society's concerns in the future.

Tom Rhodes 

ወያኔ አንዳርጋቸው ያፈነበት እለት የሚረግምበት ቀን ሩቅ አይደለም!

July11/2014

የህወሃት ጉጅሌ እንደማንኛውም አምባገነን ከፊት ከነበሩ አምባገነኖች ቅንጣት ትምህርት አልተማረም። ወያኔዎች በእብሪት የያዙት ስልጣንና ከህዝብ የዘረፉትን ንብረት የሚያጡት እየመሰላቸው በባነኑ ቁጥር የነጻነት አርበኞችን በማፈን በመግደልና በማሰቃየት ፍርሃታቸው የተወገደ ይመስላቸዋል።

ወያኔ የእኛ መሪና የኢትዮጵያ ህዝብ የነጻነት አርበኛ በሆነው አንዳርጋቸው ጽጌ ላይ ያካሄደው አፈና ከአፈናውም በሆላ በሚያደርሱበት አካላዊ ስቃይ ፍርሃታቸው የሚወገድ ወይም ስርአታቸው ከሞት የሚተርፍ መስሏቸው ከሆነ በእጅጉ ተሳስተዋል። አንዳርጋቸው ዛሬ በእጃቸው ሆኖ በነጻነት ይኖር ከነበረበት በበለጠ የሚለበልባቸው የውስጥ እግር እሳት ይሆናል።

አንዳርጋቸው ሰበአዊ ምቾቱንና ለራሱና ለቤተሰቡ መኖርን አቁሞ የኢትዮጵያን ህዝብ ነጻነት በህይወቱ ሊጋፈጥ ከቆረጠ ቆይቷል። እኛ የትግል ጓዶቹና ለህዝብ ነጻነት የቆሙ ሃይሎች ሁሉ አንዳርጋቸውን እናውቀዋለን። ወያኔ በአካሉ ላይ የለመደውን ስቃይ ጀምሮበታል፣ ከዚህ የበለጠም ጉዳት እንደሚያደርስበትም እናውቃለን። የአንዳርጋቸውን ታላቅ የነጻነት ሰውነትና ክብረ ህሊናውን፣ በአርበኝነቱ የሚሰማውን የኩራት ስሜቱን ለግፈኞች ያለውን ንቀትና መጸየፍ ሊለውጡ እንደማይችሉ አስረግጠን እናውቃለን።

አንዳርጋቸው እንደሁላችን ሰው ነውና በፈሪዎች በትር የሚደርስበት አካላዊ ስቃይ ግን ለህዝባችን የገባነውን ቃል ውሳኒያችንን እና አቋማችንን እንደብረት ያጠነክረዋል እንጂ አያላላውም።ይልቁንም በአንዳርጋቸው መታፈን ምክንያት ከመላ ሀገራችን በአለም ዙሪያ ከተበተነው ኢትዮጵያውያን እና ሌሎች የነሰታነት ሃይሎች የምንሰማውና እየሰማን ያለነው የሚያስገመግም ህብረ ድምጽ ከብረት የሚያጠነክር ሃይል ሆኖኗል።

አንዳርጋቸው የዘራው የነጻነት የአርበኝነት ዘር ከመብቀል አልፎ እየጎመራ በመሄድ ላይ ነው። አንዳርጋቸው ሺ አንዳርጋቸውን ተክቷል። ወያኔ አንዳርጋቸውን በማፈንና በእጁ አስገብቶ በራሱ መስኮት ቲቪ ስቃዩን እንግልቱን በማሳየት ሊያላምጠው የማይችል የብረት እንክብል ነው የነከሰው። ይህንንም ሳይውል ሳያድር ያየዋል፡፡

መላው ህዝባችን በእልህና በቁጭት ላይ ያለህ ወገናችን ና የሀገራችን የነሰታነትና የዴሞክራሲ ሃይሎች በሙሉ፡- በአንዳርጋቸው ላይ ወያኔ የፈጸመው የአሸባሪዎች ውንብድና በየአንዳንዳችን ላይ የተፈጸመ በደል ግፍ ነው።

ይህንን የሽብርና የውንብድና ስርአት ለማስወገድ አብረን ከመነሳት ውጪ አማራጪ የለንም። የልዩነታችንን አጥር አፍርሰን የወየኔን እድሜ እንድናሳጥር ግንቦት 7 ለሁላችንም ጥሪውን ያቀርባል።

አንድ ሆነን የአንዳርጋቸውን ስምና ምግባር እንሁን!

አንዳርጋቸው የዘራው እና እየጎመራ ያለው የአርበኝነት ንቅናቄ ተጠናክሮ ይቀጥላል። ወያኔ አንዳርጋቸውን ያፈነበት ቀን የሚረግምበት ጊዜ ከዚህ በኋላ ሩቅ አይሆንም፡፡

ድል ለኢትዮጵያ ህዝብ!!!

አብርሀ ደስታ ከምሽቱ 12፡00 ሰዓት ላይ ፍርድ ቤት ቀረበ

July11/2014

• 338

   
  EmailShare

ካሳለፍነው ማክሰኞ ሐምሌ 1 ቀን 2006 ዓ.ም ጀምሮ በመንግስት ታጣቂዎች በቁጥጥር ስር ውለው በማዕከላዊ በእስር ላይ የሚገኙት ወጣቱ ፖለቲከኛ ሀብታሙ አያሌው የአንድነት ፓርቲ ህዝብ ግንኙነት ሀላፊ፣ ወጣቱ ፖለቲከኛ ዳንኤል ሺበሺ የአንድነት ፓርቲ ድርጅት ጉዳይ ም/ሀላፊ ወጣቱ መምህርና ፖለቲከኛ አብርሃ ደስታ የአረና ፓርቲ አመራር በትላንትው ዕለት ፍርድ ቤት ይቀርባሉ ተብሎ ቢጠበቅም ከምሽቱ 12፡16 ላይ የአረና ፓርቲ ህዝብ ግንኙነት ሀላፊ አብርሃ ደስታ ብቻውን በ3 ፌደራል ፖሊሶች ታጅቦ ፍርድ ቤት ቀርቧል፡፡ ማንም ወደ ፍርድ ቤቱ እንዳይገባ በፀጥታ ሀይሎችና ሲቪል በለበሱ የደህንነት ሀይሎች በመከልከሉ ምክንያት ስለቀረበበት ክስ ለማወቅ ያደረግነው ጥረት ሊሳካልን አልቻለም፡፡ በወጣቱ ፖለቲከኛ አብርሃ ደስታ ፊት ላይ ይታይ የነበረው ጉስቁልና ከፍተኛ የሀይል እርምጃዎች ሳይወሰድበት እንዳልቀረ አመላካች ነበር፡፡ ይህንን ዜና እስካጠናቀርንበት ጊዜ ድረስ የአንድነትና ሰማያዊ ፓርቲ አመራሮች ፍርድ ቤት አልቀረቡም፡፡

ትግል!!! ማንን? ለምን? ለማን? በማን? በምን? መቸና የት?

(ሠዓሊ አምሳሉ ገ/ኪዳን አርጋው)

ሀገራችን እድሜ ጠገብ፣ እድሜ እረጅም መሆኗን እናውቃለን፡፡ ከኖሕ ዘመን (ከጥፋት ውኃ) በኋላ ያለውን ብቻ እንኳን ብንይዝና ከመጀመሪያው ንጉሥ ከሰብታህ ጀምረን ብንቆጥር ከ4500 ዓመት በላይ ዕድሜ ያለው የመንግሥት መልክ የያዘ የአሥተዳደር ታሪክ ያላት ሀገር ናት፡፡ ይህች ሀገር ከዚህ ረጅም ታሪኳ ጋር እንደ ፀሐይ የሚያበራና አድማስ ተሻግሮ የሚሞቅ ብርቅዬ የነጻነት ታሪክ አላት፡፡ ሀገራችን ከ3 ሺህ ዓመታት በፊት ጀምሮ ይሄንን ዘውዷም ለመንጠቅ የሞከሩ እጅግ ከባባድ ፈተናዎችን አሳልፋለች፡፡ ፈተናው ያንን ያህል የከበደ ቢሆንም ያ ሕዝብ ከጠላቶቹ ከፈታኞቹ ከተገዳዳሪዎቹ ሁለንተናዊ አቅም የላቀ ጥንካሬ ብስለት ንቃት ወዘተ ስለነበረው ዘውዱን ሳያስነጥቅ ጠብቆ ለመቆየት ችሏል፡፡ ነገር ግን በመራር ጽናት ነጻነቱን ጠብቆ መቆየት ይቻል እንጅ ከጥንት ጀምሮ የነበረበት ፈተና ድምር ውጤት ይሁን ወይም ምድሪቱ አርጅታ አይታወቅም ከጥቂት ዐሥርት ዓመታት ወዲህ ያለውን ትውልድ ስናይ ከትውልዱ የሚበዛው ምርኮኛና ምንደኛ የሆነ ትውልድ አፍርታ ቁጭ ብላለች፡፡

እንዴት እንደምገልፀው አላውቅም አሳማኝ አይደለም ትንሽም እንኳን የሚመስል ምክንያት ሳይኖረው ለገዛ ማንነቱ፣ ታሪኩ፣ ሥልጣኔው ወዘተ. ከጠላቶቹ በላይ ጠላት የሆነን የትውልድ አካል እንደምን ባለ ቃል ሊገለጽ ይቻላል? ገና ሳስበው የሚያቅለሸልሸኝ ነገር ቢኖር ይህ ጉዳይ ብቻ ነው፡፡ ጨርሶ መልካምና ክፉውን መለየት አይችልም፡፡ ገደልም ይሁን ምን ማንም ቢሆን ና እያሉ መርተው ቢከቱት ዓይኑን ጨፍኖ የሚወረወር ሆኗል፡፡ እናት አባቶቹ ተነግሮ ሊያልቅ በማይችል መሥዋዕትነት ጠብቀው ያቆዩትን ነጻነት (ነጻነት ስል እንድታስቡት የሚፈልገው የግዛት ነጻነትን ብቻ ሳይሆን ከግዛት እስከ ሥነ-ልቡናዊ ያሉትን ዘርፈ ብዙ የነጻነት ዓይነቶችን ሁሉ ነው) እናም ይሄንን ነጻነቱን አውላላ ሜዳ ላይ ያለ ጠባቂ ቁጭ አድርጎ ለቀማኛ ለሌባ ለዘራፊ አጋልጦታል፡፡ ከፊሉን ሌቦች ወስደውታል ከፊሉን ደግሞ የአጋጣሚ ጉዳይ ሆኖ የሚወስድለት ቢያጣ አይሁድ በክርስቶስ መስቀል ላይ እንዳደረጉት ሁሉ የቆሻሻ ዓይነት እላዩ ላይ ሲደፋበት ሲደፋበት የቆሻሻው ክምር እንደ ተራራ ገዝፎ የነጻነት ዘውዱን ቀብሮታል፡፡ አውጥቶ የሚያከብረው ተቀዳጅቶ የሚያቀዳጅ እንደ እሌኒ ንግሥት ያለ አርበኛ ይፈልጋል፡፡

ከዚህ ትውልድ ራሱን ለጠላት ቀጥሮ የገዛ ማንነቱን በማውደም በማጥፋት ከተጠመደው አንሥቶ የእነኝህን ቅጥረኞች፣ ባንዶች የጥፋት ሥራ ልክና ቅጥ ባጣ እራስ ወዳድነት ፍርሐትና እንደ ዜጋ ሀገር የጣለችበትን ኃላፊነት ለመወጣት ቁርጠኝነትና ፍላጎት በማጣት እጁን አጣምሮ በዝምታ እስከ ሚመለከተው ድረስ ከትውልዱ የሚበዛው ቁጥር በእንደነዚህ ዓይነቶቹ ጃርቶች የተሞላ ሆኗል፡፡ “ምድር ሲያረጅ ጃርት ያበቅላል ወይም እሳት አመድን ወለደ” ይሏቹሀል እንዲህ ነው፡፡ እነዚህ እንከኖቻችን አንባገነን ገዥዎቻችንን ለመፍጠር ከመመቸቱም በላይ ለግፍ አገዛዛቸውም ምቹ መደላድል ሆኗቸዋል፡፡ በተለይም ከሁለት ዐሥርት ዓመታት ወዲህ ደግሞ በዓይነቱ አዲስ እንግዳና የተለየ ፍላጎት ጥቅምና ዓላማ የያዘ ገዥ ከመምጣቱ ጋር ተያይዞ ለትውልዱ ከድጡ ወደማጡ ሆኖበት ወደከፋ የሰብእና ደረጃ ለመዝቀጥ ግዴታ ሆኖበታል፡፡ ከዚህ አገዛዝ አስቀድሞ በነበረው ትውልድ ዘንድ ይዘቱና ዓይነቱ ያነጋግር ካልሆነ በስተቀር የነበረው የሀገር ፍቅር ጨርሶ የሚያጠያይቅ አልነበረምና፡፡ አሁን ያለው ገዥ ሥልጣን ከያዘ ጊዜ ወዲህ ግን ሊያሠራኝ አይችልም ብሎ ያሰበውን ለዜጎች ለትውልዱ እንደ ጋሻና ጦር ሆኖ የማንነት ፈተናዎችን ለመቋቋም ለመከላከል ይረዳው የነበረውን የሀገር ፍቅር ስሜቱን በየሕሊናው ረሽኖ ከገደለበት ጊዜ ወዲህ ግን የዘቀጠ የሰብእና ደረጃ ላይ ለመገኘት ግዴታ ሆኖበታል፡፡

ገዝው ፓርቲ (ወያኔ) ይሄንን ካደረገ በኋላ የሥልጣን እስትንፋሱን ካራዘሙለትና እንዲያራዝሙለት ከተጠቀመባቸውና ከሚጠቀምባቸው ዘዴዎች ዋነኞቹ ሕዝቡን በፍርሐት ቆፈን ጠፍንጎ ማሰርና አስቀድሞ ፋሽስት ጣሊያን እንዳደረገው ሁሉ በዘር በሃይማኖት በመደብ ከፋፍሎ እንዳይተማመን ማድረግ ነው፡፡ ለምን ቢባል በፍርሐት ገመድ የታሰረና የማይተማመን ኅብረተሰብ ተባብሮ ሊሠራራና ሊተባበር ቀርቶ አይናገርም መናገር ቀርቶ አያስብም አይመክርምና ነው፡፡ ጭራሽም እርስ በእርሱ ይፈራራል፡፡ ከመሀከሉ አንዱ ወይም ጥቂቶቹ ለማፈንገጥ ሲሞክሩም አስፈራሪው እሱው ራሱ ኅብረተሰቡ ወይም ከቅርቡ ያሉት የገዛ ወገኖቹ ይሆናሉ፡፡ ለታሪኩ ለነጻነቱ ለማንነቱ ለመለያው ቀናኢ አይሆንም፡፡ ስለዚህም እንደተፈለገ መርገጥ መጫወቻ መቀለጃ ማድረግ ይቻላል፡፡ በእርግጥ ገዥው ፓርቲ ከሚናገራቸውና በይፋ ሳይናገራቸውም ነገር ግን ለማስፈራራት በካድሬዎቹ በአባሎቹ በኩል ሆን ብሎ እንዲወሩና ወደ ሕዝቡ እንዲደርሱ ከሚያደርጋቸው ወሬዎች ሁሉ “አይ ለማስፈራራት እንጅ አያደርገውም” የሚባል አንድም ነገር የለውም፡፡

ምንም ዓይነት ድርጊት ቢሆን ምርጫው ላይ ያላካተተው የለም፡፡ ለሀገር ሳይሆን ለቡድኑ ሕልውና ሲባል ሰዎች መሞት ካለባቸው ሰዎቹ የማይተኩና ለሀገርም ዓይን ቢሆኑም እንኳ የትንኝ ነፍስ ያህል ዋጋ አይሰጣቸውም፡፡ ከዚህም አልፎ ሀገር መፍረስ ካለባት ያለ አንዳች ማመንታት ትፈራርሳለች፡፡ በሕገ መንግሥታቸው ሳይቀር ለህልውናቸው ዋስትና አድርገውት ይሄንን ቀርጸው እያስፈራሩን እንደኖሩትና እንዳሉት ሁሉ፡፡ ነገር ግን ሕዝቡ ሊረዳውና ሊያውቀው ለራሱም ሊመልሰው የሚገባው ነገር ቢኖር፡-

1. እንዲህ ሰላሙንና ደኅንነቱን ከነሳው ዋስትና ካሳጣው ፍርሐትና ጭንቀት ነጻ ለመውጣትና የእፎይታ አየር ለመተንፈስ እንደ ሰው ኖሮ ለማለፍ የግድ ዋጋ መክፈል ያለበት መሆኑን፡፡

2. ከገዥው ፓርቲ ወጥመዶች ማለትም ከፍርሐት፣ እርስ በእርስ ከመጠራጠር፣ ካለመተማመን ወይም ከክፍፍል ሴራ ራሱን ማላቀቅ ናቸው፡፡

መቸም እንደ ሰው በተለይም እንደ ኢትዮጵያዊ ነጻነቱን አጥብቆ የማይሻ የማይፈልግ ይኖራል ብሎ ማለት የሚያስቸግር ይመስለኛል፡፡ ነገር ግን ይህ ትውልድ ያንን ነጻነት ማግኘት የሚችልበትን መንገድ ዐውቆ ተግባራዊ እንቅስቃሴ ማድረጉ ላይ ግን እስከ አሁን አልተረዳም አልገባውምም፡፡ ለዚህም ዐቢዩን ሚና የተጫወተው የሥርዓቱ የማስፈራሪያ ቱልቱላ በሕዝቡ ሥነ-ልቡና ላይ በከፍተኛ ደረጃ መነፋቱ ነው፡፡ ማስፈራሪያው ገዥውን ፓርቲ ጨርሶ የሌለውን አቅም እንዳለው አድርጎ አሳምኖለታል፡፡ ከሕዝቡ አቅም አንጻር ቢገልጡና ቢያዩት ግን ባዶና አቅመቢስ ሸንበቆና ቀሽማዳ የሆነውን በወሬ ብቻ ገዝፎ ያለውን የቆመውን አገዛዝ አግዝፎ እንዲያየውና ጨርሶ የማይገፋ የማይገረሰስ የማይቻል ጭራሽም ከአየሩና ከነፋሱ ጋር ያሉ ሁሉንም ነገር ማወቅ መቆጣጠር የሚችሉ መናፍስት እንደሆኑ አድርጎ እንዲያስበውና በተጨባጭ ግን ፈጽሞ ባልሆነውና በሌለው አቅም ጉልበት ሕዝቡን አንቀጥቅጦና ቀጥቅጦ ለመግዛት እንዲችል አብቅቶታል፡፡

ደርግን አስወግዶ ሥልጣን ለመቆናጠጥ ያበቃውም ይሄ ስልቱ ነው፡፡ በከፍተኛ ደረጃ በዘመናዊ ወታደራዊ ዲሲፕሊን (አደረጃጀት) የተደራጀውን የደርግ ሠራዊት ከአንድ ሁለቱ በስተቀር በየግንባሩ ገና ውጊያ ከመጀመሩ በፊት እንዲበተን ያደርገው የነበረው ባዕዳንንና የተገዙትን የራሱን የደርግን አመራሮች ጭምር በመጠቀም በተለያየ አቅጣጫ ወያኔ አስቀድሞ በሚነዛውና ለሠራዊቱ እንዲደርስ በሚያደርገው የማስፈራሪያ ወሬ የሠራዊቱ ልብ እንዲፍረከረክ ያደርግ ስለነበር ከዐሥሩ አንዱ ብቻ መሣሪያ በታጠቀው ዘጠኙ ጀሌ (ያልታጠቀ) በነበረው በወያኔ ሠራዊት ሊገረሰስ ቻለ፡፡ እውነቱና የወያኔ ሠራዊት አቋም ወይም አቅም ግን የታወቀው ነገሩ ካለቀለት በኋላ በመሆኑ የደርግ ወታደሮች ያተረፉት ነገር ቢኖር የማይጠቅም ጸጸት ብቻ ሆኖ ቀርቷል፡፡ የወያኔ ሠራዊት ስንቅና ትጥቅ በሙሉ ማለት ይቻላል ከደርግ የተወረሰ ነበርና፡፡ ነገሩ ግልጽ ተአምር ነው፡፡ እግዚአብሔር ኢአማኒውን ደርግ በቃህ ሊለው ስለወደደ ይሆናል ተብሎ የማይታሰብና የማይገመት ነገር እውን ሆኖ ቁጭ አለ፡፡ ይሄ ጉዳይ እጅግ አስገራሚና አስደናቂ በሆነ ሁኔታ የስለላን ሥራ አቅም እጅግ እጅግ ወሳኝነት በሚገባ የሚያሳይ ነው፡፡ “ጦር ከፈታው ወሬ የፈታው” የሚባለውስ ለዚሁ አይደል?

እኔ ይህ ጉዳይ እጅግ ትኩረቴን ስለሳበኝ የወያኔን ሠራዊት “ጀግንነት” ለማየት ፈልጌ ነገሩን መርምሬው ነበር፡፡ ያገኘሁት ወይም የተረዳሁት ነገር ግን ያልጠበኩት ማለትም የወያኔን ሠራዊት ጀግንነት ሳይሆን የደርግን ሠራዊት ደካማነት ነው፡፡ የደርግ ሠራዊት በሕዝቡ ካለመወደዱ ከመጠላቱ ተቀባይነት ከማጣቱ ካለመደገፉ በተጨማሪ በተቀናጀ መልኩ ከውጭ (CIA) እና ከውስጥ በተሠራበት ሥራ ልክ ምስጥ እንደበላው እንጨት ላይ ላዩን ሲያዩት ደኅና መስሎ ነገር ግን በቀላሉ ሲነኩት ፍርክክ በሚልበት የነቀዘ አቋም ላይ የነበረ ሆኖ ነበር፡፡ በመሆኑም እንኳን የሚዋጋው እራሱን ያደረጀ ሠራዊት እያለ ቀርቶ በነፋስ ሽውታ ሁሉ ሊደረማመስ ይችል የነበረ ሠራዊት ነበር፡፡ ይህ ምቹ ሁኔታ ነው ወያኔን ለድል ያበቃው፡፡

ከዚህም የተነሣ ነው ከአቶ መለስ፣ ከጀኔራል ሳሞራ፣ ከአቶ ሥዩምና ከሌሎቹም አንደበት ግንቦት ሃያ በመጣ ቁጥር በተደጋጋሚ ሲሉት እንደሰማነው “ምንም እንኳ ስንሠራው የነበረው ሥራ ልክ ሥልጣንን ለመያዝ እንደሚችል ያለመ ያሰበ ያወቀ ቢያስመስለንም እስከ 1982(83) ዓ.ም. ድረስ ምንአልባት በትውልድ ይሆን ይሆናል እንጅ በእኛ እድሜ ደርግን ጥለን ሥልጣል እንይዛለን የሚል ሕልምና ተስፋ ለቅጽበት እንኳን ታስቦን የማያውቅና ጨርሶም ያልጠበቅነው ነበር እኛ በረሀ የገባነው እንቢ አሻፈረኝ አንገዛም ለማለት ነበረ እንጅ ለዚህ እንበቃለን ብለን አልነበረም” በማለት የሚናገሩት፡፡ ጀግንነትስ የሚታየው አሁን ነበር! ወያኔ ትግል ላይ እያለ ጀምሮ ለኢትዮጵያ ሕዝብ የገባውን ቃል ሁሉ እንደማያደርገው ስለሚታወቅበት ሕዝቡም ይሄን በተረዳ ጊዜ ሊወስደው የሚችለውን እርምጃ ጠንቅቆ ስለሚገነዘብ ነው አስቀድሞ በታሪኩ እሱ ከሱዳንና ከሌሎችም ያገኘውን ሰፊ ድጋፍና ምቹ ሁኔታ የኢትዮጵያ ሕዝብ እንዳያገኝ የሀገሪቱን ብሔራዊ ጥቅሞች ሁሉ አሳልፎ በመስጠት ጎረቤት ሀገሮችን ሁሉ በጠበቀ ወዳጅነት የያዛቸው፡፡ እሱ ከሱዳን አግኝቶት የነበረውን ሁለንተናዊ ድጋፍ ሩብ ያህል ይሄም ቀርቶ ተገን ብቻ እንኳን የሚሰጥ ጎረቤት ሀገር አሁን የኢትዮጵያ ሕዝብ ቢያገኝ እነሱ የፈጀባቸውን 17ና 30 ዓመታት  አይደለም አንድ ዓመት እንኳን ሳይፈጅ ድራቸውን እንደሚያጠፋቸው ያውቃሉና፡፡

የአንድን መንግሥት በይነ-ሕዝባዊነት (ዲሞክራሲያዊነት) ወይም አንባገነንነት የሚያረጋግጡት ሦስት ነገሮች ናቸው፡፡

1. የራሱ “መንግሥት” የተባለው አካል ሥራ ወይም ድርጊት

2. ስለ ሥርዓቱ ማንነት ሕዝቡ የሚገልጸው

3. የሦስተኛ አካላት ነጻና ትክክለኛ ምስክርነት ናቸው

እንጅ ራሱ “መንግሥት” ሊሆን አይችልም በራሱ ላይ የሚመሰክር የለምና፡፡ እንደዛማ ቢሆን ኖሮ ደርግም እኮ ዲሞክራሲያዊ መንግሥት ነበር፡፡ እስካሁንም እኔ አንባገነን መንግሥት ነኝ እንዲህ እንዲህ ዓይነት የመብት ጥሰቶችን፣ እረገጣዎችን፣ ሰቆቃዎችን፣ ወንጀሎችን በሕዝቤ ላይ እፈጽማለሁ ያለ መንግሥት በዓለም ላይ ኖሮ አያውቅም፡፡ በየትም ያለ መንግሥት በይነ ሕዝባዊ መንግሥት ሆኖ እያለ ሥራው ወይም ድርጊቱ የከፋ ሆኖ አያውቅም፣ በገዛ ሕዝቡ ላይ ሰቆቃ ወይም ግፍ አይፈጽምም፣ ሕዝቡም በሚፈጸምበት የከፋ የሰብአዊ መብት አያያዝ ወይም እረገጣ ለማማረር አይገደድም፣ ነጻ ሦስተኛ አካላትም በክስ የሚጠመዱበት ምክንያት አይኖርም፡፡

አንድ ሕዝብ በሰላማዊ ትግል ለውጥ የማምጣት ዕድል እያለው ሳይቸግረው የግድ ደም ተፋስሸ፣ ተቸግሬ ወጥቸ ወርጀ፣ አላስፈላጊ መሥዋዕትነት ከፍየ፣ ተዋግቸ ሊል የሚችልበት አንዳችም አመክንዮአዊ ማስረጃ የለም ኖሮም አያውቅም፡፡ ስለሆነም የሕዝቡ ትግል ምን ዓይነት መልክ ይኑረው የሚለውን ወሳኝ ጉዳይ የሚወስነው እራሱ ሥርዓቱ ማለትም የራሱ “የመንግሥት” አስተዳደራዊ ገጽታ ነው ማለት ነው፡፡

ብዙ ሰዎች ግፍና በደልን የመቃወም ለእውነትና ለፍትሕ የመቆም ሕይዎት የተለያዩ ተሞክሮዎችን አሳልፈዋል እኔን ጨምሮ፡፡ በዚህ የዜግነት ግዴታ በሆነው የሕዎት ተሞክሮ ብዙ ዓይነት አማራሪ ፈተና ይደርሳል ዋጋም ያስከፍላል በግሌ እያስከፈለኝም ይገኛል፡፡ ባለፉት ዘመናት ብዙ የተማረርኩባቸው ወቅቶች ቢኖሩም ግን አስቀድሜ ባደረኩትና ለዚህ የግፍ ቅጣት ባበቁኝ ነገሮች ሁሉ በአንዱም አልጸጸትም ለማንና ለምን እንዳደረኩት አውቃለሁና፡፡ ሥጋዬ ቢጎዳም የለመለመና የረሰረሰ ኅሊና እንጅ ወቃሽና ከሳሽ በጸጸት እሳት የሚለበልብ የሕሊና ጥያቄ ወይም ዕዳ የለብኝምና አልጸጸትም፡፡ ሆዴ ቢራብም ሕሊናዬ ግን የጠገበ ነው፡፡ ሰው ደግሞ ሰው እንጅ እንስሳ አይደለምና ክፉውና ጎጅው ረሀቡ የሕሊናው እንጅ የሆዱ አይደለም፡፡ በመሆኑም አልቆጭም፡፡ ከደረሱብኝ ፈተናዎች በወያኔ በቀጥታ ከደረሱብኝ ይልቅ በወያኔ ማስፈራሪያ ጭንቅላታቸው ከልክ በላይ በፍርሐት ከተሞላና ከተበከሉ ዜጎች የደረሰብኝ ይከፋል፡፡ በዚሁ ምክንያት ከ13 ዓመታት በላይ ከሠራሁበት ድርጅት ተሸኝቸ ያለምንም ሥራ ከመቅረት አንሥቶ ቅርቤ ናቸው ከምላቸው ሰዎች ዓይተው እንዳላዩ በመሆን የእግዚአብሔርን ሰላምታ እስከመነፈግ የደረሰ ፈተና፤ ከኔ ጋር በመቆማቸው ወያኔን ያስቆጣብናል ብለው በሚያስቡ ሁሉ ነገር ግን ደግሞ እንደማንኛውም ዜጋ የወያኔን ህልውና በማይፈልጉ ዜጎች ደርሶብኛል፡፡ የማደርገው ትግል ለእነሱ መሆኑን መገንዘብ ተስኗቸው ከዜጎች እንዲህ ዓይነት ፈተና ሲደርስ ምን ያህል ስሜትን የሚነካና ቅስም የሚሰብር ተስፋም አስቆራጭ እንደሆነ በቃላት ለመግለጽ እጅግ እቸገራለሁ፡፡

ለእንደነዚህ ዓይነት ዜጎች ባጠቃላይ ለሕዝቡ ማስገንዘብና በቅጡ እንዲያጤነው የምፈልገው ነገር ቢኖር ወያኔ በረሀ ትግል ላይ እያለ አሁንም ቢሆን በመላ ሀገሪቱ ያሉ ደጋፊዎቹ ወይም ወገኖቹ በያገባኛልና በባለቤትነት ስሜት በቁርጠኝነት በከፍተኛ ምሥጢራዊነት ይሆናል ተብሎ ሊገመት በማይቻል ድብቅነት ብልጠትና ብስለት የተሞላበት ሁለንተናዊ ድጋፍና እንቅስቃሴ ወያኔን ለሥልጣን እንዳበቁትና አሁንም በሥልጣን ላይ ለመዝለቅ ዋነኛ አቅሙ እነሱው መሆናቸውን እንዲያስብና ከዚህ ተሞክሮ ምን እንማራለን በማለት እራሱን እንዲጠይቅ ከራሱ ጋር እንዲመክር፤ የሚመኘውን ነጻነት ለማግኘትም እሰከ አሁን ባለው ሁኔታ እንደምናየው አማራጭና ተስፋ ስለሌለ በተሻለ ብቃት እራሱን በማዘጋጀት ነገሩን እንዲያውቅበት፤ ከሚጠላውም የግፍ አገዛዝ በተመኘው ፍጥነት ነጻ መውጣት እንዲችል እያንዳንዱ ዜጋ ባመቸው መንገድ እንዲታገል አበክሬ ማስገንዘብ እወዳለሁ፡፡ ይህንን ለማድረግ ከላይ እንዳልኩት ብስለት ብልጠትና ቁርጠኝነት ይጠይቃል፡፡ ምናልባትም በአንድም በሌላም ምክንት የአንዳንዱ ዜጋ የዜግነት ግዴታ እንቅስቃሴ ቢደረስበትና እንደ ወንጀል ተቆጥሮ የሚጠየቅበት ሁኔታ ቢፈጠር የሚመጣውን ምንም ዓይነት ነገር በድፍረት ለመጋፈጥና ለሌላው አርዓያነት ባለው ጽናት ዋጋ ለመክፈል እራስን ማዘጋጀት ይጠይቃል፡፡

ምንጊዜም ቢሆን ታላቅ ድል ታላቅ ዋጋ ማስከፈሉ አይቀርምና፡፡ በዚህ ዓይነት ዝግጅትና አተገባበር መንቀሳቀስ ካልተቻለ የዘለዓለም ባርነት ውስጥ እንዳለ ይወቀው፡፡ መንቀሳቀስ ከቻለ ግን ሕዝቡ ትግሉን በጣም በአጭር ጊዜና በቀላሉ ለስኬት ማብቃት የሚችልበት በጣም ሰፊ ዕድልና አቅም አለው፡፡ አንድ ነገር ግልጽ ነው ሕዝቡ አገዛዙን እጅግ ተጸይፎታል ጠልቶታል እንዲወድቅለት እንዲወገድለትም በእጅጉ ይፈልጋል፤ ወገኔ እንግዲውስ ይሄ ከሆነ ፍላጎታችን ፍላጎታችንን ልናሳካ የምንችለው ቁርጠኝነት ድፍረት ብስለትና ብልጠት የተሞላበት ሁለንተናዊ እንቅስቃሴ ስናደርግ ጊዜ ብቻና ብቻ ነው፡፡ እንደ ጋንዲ ወይም እንደ ማንዴላ እንደ ቸጉቬራ አልላቹህም፡፡ ነገር ግን አገዛዙ እንደተወልን እንድናደርገው እንዳስገደደን አማራጭ ሁሉ እንጅ፡፡

የአንድ ለእናቱን የመይሳውን መንፈስ ግን ታጠቁ፡፡ ትልቁ ስንቃቹህ እሱ ይሁን፡፡ ባልተሰጠ ወይም በሌለ መንገድ ለመሄድ የሚፈልግ የሚሞክር ካለ ይሄ የሀገርና የትውልድ ኪሳራና ብክነት ነው፡፡ ከዚህ የባሰ ጅልነትም አለ ብየ አላስብም፡፡ ሰላማዊ የለውጥ አማራጭ መንገድ የሌለ ያልተሰጠ የተዘጋ ሆኖ እያለ ባለው አገዛዝ ሀገርና ሕዝብ እየጠፉ እየወደሙ እየፈራረሱ እየተሰቃዩ “አይ በቃ ከሰላማዊ አማራጭ ውጪ ሌላ አማራጭ ተገቢ አይደለም” ብሎ እጅና እግርን አጣምሮ የሀገርንና የሕዝብን ሞትና ጥፋት በዝምታ ለመመልከት መምረጥ ፍጹም ኃላፊነት የጎደለውና ያልበሰለ ኢትዮጵያዊም ያልሆነ አስተሳሰብ ነው፡፡ ሀገራችን በነጻነቷ ህልውናዋ ተጠብቆ ከእኛ የደረሰችው በዚህ ፈጽሞ ዋጋ ለመክፈል በማይፈልግ ሽባ አስተሳሰብ አይደለም፡፡ ይሄ የመከኑና ፈሪነታቸውን እራስ ወዳድነታቸውን በሰበብ መደበቅ የሚፈልጉ ዜጎች አገደኛ አስተሳሰብ ነው፡፡ ሀገርና ሕዝብ ሲጠፉ ዝም ብለን እንመልከት ማለት ታዲያ ምን የሚሉት ብስለት ነው ወገኔ?

ለ23 ዓመታት ያልተሰጠ ያልተፈቀደ ዕድል ከዚህ በኋላ ይሰጣል ይፈቀዳል ብላቹህ ታስባላቹህ? ነው ወይስ ለ23 ዓመታት ተታልላቹህ ተጃጅላቹህም አሁንም የማትነቁ ተላላና የዋሀን ናቹህ? በእነዚህ ሁሉ ዘመናት ለወያኔ የፕሮፖጋንዳ (የልፈፋ) ፍጆታ መጠቀሚያ ከመሆን የዘለለ ምን ትርፍ አስገኛቹህ? በዚህ ንቃት ነው አሁን ሀገር እንመራለን ብላቹህ የተሰለፋቹህ? በዚህ ወቅት ደግሞ የወያኔ ባለሥልጣናት በወንጀል በግፍና በሀገር ክህደት እስከ አፍንጫቸው የተነከሩበት ወቅት በመሆኑ ከመቸውም ጊዜ በላይ በሥልጣን መቆየታቸውን የሚፈልጉበት ወቅት ነው፡፡ ለ23 ዓመታት በእብሪትና በማናለብኝነት በሠሩት ሁሉ ለፍርድ እንደሚቀርቡ ጠንቅቀው ያውቁታልና፡፡ በመሆኑም በሰላማዊ የሥልጣን ሽግግር መንገድ ከወያኔ ሥልጣንን መረከብ የሚቻልበት ዕድል ጨርሶ ዝግ ነው፡፡

እናም ሕዝቡ በዚሁ በተተወልን የትግል አማራጭ ሁለንተናዊ እንቅስቃሴ ራሱን አነቃቅቶ ሥራውን ይሥራ፤ ነገ ሳሆን ዛሬ ከዛሬም ከአሁኑ ሰዓት ጀምሮ፡፡ ይሄንን ማድረግ በጀመረ ጊዜና በቁርጠኝነት በተንቀሳቀሰ ቁጥር የዛኑ ያህል ነጻነቱን ወደ ራሱ እያቀረባት እየሳባት መሆኑን ይወቅ፤ በዚህም ይደሰት ይጽናና፡፡ ይሄንን ባላደረገ ጊዜ ደግሞ ውጤቱ የዚህ ግልባጭና እጅግ የከፋ የማይወደውም መሆኑን ይወቅ፡፡ ነገር ግን ሕዝቡ ማድረግ ያለበትን ዐውቆ ትግሉን በቀጠለ ጊዜ እራሳቸውን ግልጽ ይፋ አውጥተው በተለያየ መንገድ ሥርዓቱን እየታገሉ ያሉ ዜጎች ከሚያገኙት ዘርፈ ብዙ ድጋፍ በበለጠ ዜጎች በዚያ የመነቃቃት ደረጃ መንቀሳቀሳቸው ከፍተኛ የሆነ ብርታት ጉልበትና ወኔ ይሰጣቸዋል፡፡ “ለማንና ለየትኛው ወገን ብየ ነው በከንቱ የምደክመው” የሚለው ቀቢጸ-ተስፋ አይፈታተናቸውም፡፡ ከፍተኛ መነቃቃት ያገኛሉ፡፡ በዓለማችን ታሪክ የትኛውም የትግል እንቅስቃሴ ከዚህ ውጭ በሆነ መንገድ ለስኬት በቅቶ አያውቅም፡፡ ምኞት ብቻ ከሆነ ግን ውጤቱም እንደምኞትነቱ ሁሉ ምናባዊ ወይም ቅዥት ብቻ ነው የሚሆነው፡፡ የሚጨበጥና በዓይን የሚታይ ነገር አይወጣውም፡፡ በመሆኑም ሕዝቡ ለራሱ ነጻነት ራሱ ካልተሳተፈ በስተቀር የዳር ተመልካች ሆኖ በጥቂቶች እንቅስቃሴ የሚመጣ ምንም ዓይነት ነጻነት ወይም ስኬት አይኖርም፡፡

ሕዝብ ያልተሳተፈበት ትግል ወይም እንቅስቃሴ በየትም ሀገር ለስኬት በቅቶ አያውቅምና፡፡ ይሄንን ከተረዳን የሚከፈለውና የግድ መከፈል ያለበት መሥዋዕትነት በተከፈለ ጊዜ የመጨረሻው ግብ ሀገርንና ሕዝብን ነጻ ማውጣቱ በጣም በተፋጠነና ቅርብ በሆነ ጊዜ እውን ይሆናል፡፡ የሀገራችን እጣ ፋንታ በዚህ ላይ የተመሠረተ ነው፡፡ ይሄንን ማድረግና መላውን ሕዝብ በዘር በሃይማኖት በመደብ ሳይለያይ በማሳተፍ ሀገሪቱ እንድትጠቀም የሚፈቅድ በይነ-ሕዝባዊ (ዲሞክራሲያዊ) መንግሥት መመሥረት የቻልን ጊዜ ሀገራችን በዓለም ታይቶ በማይታወቅ እጅግ አስደናቂ ፍጥነት የማደግና ትንሣኤዋን የማረጋገጫ አቅም፣ ዘርፈ ብዙ የሆነ እጅግ ሰፋፊ ዕድሎችም አሏት የሕቧ ወኔ ትልቁ አቅሟ ነው ይህ ሕዝብ ሌሎች ሀገራት የያዙትን የመልካም አስተዳደርና በይነ ሕዝባዊ የመንግሥት ሥርዓት ቢያገኝ ባለው የሀገር ፍቅርና ወኔ የት ሊደርስ ይችል እንደነበር ሳስብ ቁጭት ያንገበግበኛል፡፡ ይሄ ሳይሆን ቀርቶ እንደ እስካሁኑ ሁሉ አገዛዙ በየጊዜው እንደፈለገ ማነቆውን ወይም ሸምቀቆውን እንዲያጠብቅብን ከፈቀድን ግን ማነቆው እየጠበቀ በሄደ ቁጥር እስትንፋሳችን ድንገት ታንቃ ለሕልፈት መዳረጋችን አይቀሬ ይሆናል፡፡ ሄንን የጥፋት ውጤት የሚፈልግ አንድም ዜጋ ይኖራል ብየ አልገምትም፡፡

ሠዓሊ አምሳሉ ገ/ኪዳን አርጋው

እውነታው ይሄ ከሆነ ደግሞ እንዴት ነው ታዲያ ነቃ ነቃ ነቃ ነቃ ነዋ!! የምን መንገላጀጅ  የምን ማንቀላፋት ነው? ለመበላት??? እባካቹህ ከዶሮ እንኳን አንነስ፡፡ ዶሮ እግሩን ብታሥሩት የታሰረበትን ገመድ በአፉ እየነቆረ ለመፍታት ጥረት ከማድረግ አያርፍም፡፡ መብላትን ሁሉ ይረሳል፡፡ እንዴት ከዶሮ እንኳን እንነስ? ኧረ እባካቹህ እንፈር? ይሰማን? የመጨረሻ ወረድን እኮ! ምንም ቢያደርጉት የማይሰማው በድን እሬሳ ሆንን እኮ! እንደዚህ ሆነን እራሳችንን አመቻችተን ሰጥተን ምንም ቢያደርጉን በእነሱ ይፈረዳል እንዴ? ሰው እንዴት ለሆዱ ብሎ በዚህ ደረጃ ማንነቱን ያዋርዳል? ለሰው ልጅ እንደ ሰው ከሆዱና ከነጻነቱ ከክብሩ ከማንነቱ ማን ይበልጥበታል? ኧረ ሀፍረት ይሰማቹህ? እንዴ! ምንድን ነው የሆናቹህት? በተለይ የተማርን ነን የምትሉ ወገኖች ላልተማረው ወገናችን መጥፎ ምሳሌ ሆናቹህ እያሰናከላቹህብን ነው እባካቹህ? ነጻነታቹህን ክብራቹህን ማንነታቹህን አስቀድሙ ተባለ እንጅ አትብሉ መቸ ተባለ? እንደ እናት አባቶቻችን በነጻነታቹህ አትደራደሩ ተባለ እንጅ እያማረጣቹህም ቢሆን አትብሉ አትጠቱ ማን አለ?

ኢትዮጵያ ለዘለዓለም ትኑር!!!

amsalugkidan@gmail.com

መንግስታዊ ሽብርተኝነትን የሚሸከም ትከሻ አይኖረንም!!!

July10/2014


















ከሰማያዊ ፓርቲ የተሰጠ መግለጫ
ሀምሌ 3/2006ዓ/ም

የህወሓት/ኢህአዲግ አገዛዝ በኢትዮጵያ ስልጣን ላይ ከወጣበት ጊዜ ጀምሮ ዜጎችን በማፈንና በማሰቃየት ብሎም በመግደል የአፈና አገዛዙን ለረጅም ጊዜ ሲያራምድ መቆየቱ ዓለም የሚያውቀው ሀቅ ነው፡፡ በተለይም ባለፉት 10 ዓመታት የህዝብን ሰላማዊ እንቅስቃሴ ለማፈን እስራትና ግድያውን ህጋዊ ለማስመሰል የተለያዩ አፋኝ አዋጆችን አውጥቷል፡፡ እነዚህን አዋጆችንም ተገን አድርጎ በሰላማዊ መንገድ የሚታገሉ የፖለቲካ ፓርቲ መሪዎችንና አባለትን፣ ጋዜጠኞችንና ጦማርያንን፣ እንዲሁም የእምነት ተቋማት መሪዎችን እና በአገዛዙ ላይ ጥያቄ የሚያነሱ ዜጎችን ማሰሩን፣ ማሰቃየቱንና ግድያውን ተያይዞታል፡፡ በህገ መንግስቱ የተካተቱ የሰብዓዊ መብቶችንና ዓለም አቀፍ ስምምነቶችን በሙሉ የሚጥሰውና የአምባገነንነት ስልጣኑን ለማራዘም ሲል ያፀደቀው የፀረ-ሽብር አዋጅ ከፀደቀበት እለት አንስቶ ኢህአዴግ ለስልጣኔ ያሰጉኛል የሚላቸውን ፍፁም ሰላማዊ ታጋዮችንና ህገ መንግስታዊ መብታቸውን ተጠቅመው በድፍረት የፃፉ ጋዜጠኞችን ብሎም የእምነት ነፃነታችን ይከበር ብለው የጠየቁ የሀይማኖት መሪዎችን በጠራራ ፀሃይ ያለምንም ወንጀል በዚሁ ህገ ወጥ አዋጅ ‹‹የፀረ ሽብር ግብረ ሀይል›› በሚባል ማንነቱ በማይታወቅ የጨለማ ቡድን ወደ እስር ቤት እያጋዘ ይገኛል፡፡

ይህን የሚያጋልጡ ሚዲያዎችንም ለማፈን እስር ቤቶችን ጨምሮ በሚሊዮኖች የሚቆጠር ዶላር እያፈሰሰ የአየር ሞገድ ያውካል፤ በዚህ ሳያበቃ በሀገር ውስጥ በሰላማዊ መንገድ ተቃውሟቸውን የሚያሰሙ ፖለቲከኞችን ለማሸማቀቅ እንደ ኢሳት ያሉ ሚዲያዎችን የአሸባሪ ልሳን ብሎ በመፈረጅ ሚዲያውን የሚጠቀሙትን ደግሞ ከአሸባሪዎች ጋር ንክኪ እንዳላቸው አድርጎ መወንጀሉን ቀጥሎበታል፡፡ እንደሰማያዊ እምነት ማንም አካል መልእክት የሚያስተላለፍበትን የሚዲያ ተቋም ሊመርጥለት እንደማይችል መንግስት እንዲገነዘበው ከዚህ በፊት በግልፅ ያሳወቀ ሲሆን አሁንም ፓርቲው በዚሁ የፀና አቋሙ እንደሚቀጥል በድጋሚ ይገልፃል፡፡

ባጠቃለይ የዚህን ገዢ አካል የእውር ድንብር ሀገር የማስተዳደር ጉዞ ለመታገል በርካቶች በሰላማዊ መንገድ እየተንቀሳቀሱ ቢሆንም በህወሓት/ኢህአዲግ ግፍና መከራ ተገፍተው ስርዓቱን በሃይል እናስወግዳለን ብለው ሀገር ጥለው የተሰደዱ ዜጎችም እንዳሉ ይታወቃል፡፡ የህወሓት/ኢህአዲግ ማናለብኝነትና የስልጣን ጥመኝነትም በግለሰቦች ላይ ከሚያስከትለው ማህበራዊ ቀውስ በላይ በሀገሪቱ ኢኮኖሚያዊና ፖለቲካዊ ጉዳዮች ላይ ከፍተኛ አለመረጋጋትን አስከትሏል፡፡ በአሁኑ ሰዓትም ይህ ገዢ ፓርቲ የፈጠረው ስርዓት የሀገሪቷን ሰላማዊ የፖለቲካ ምህዳር በማጥበብ ሀገራችንን ወደ አልተፈለገ አለመረጋጋትና ቀውስ እየመራት ይገኛል፡፡ፓርቲያችንም እነዚህን ከላይ የተጠቀሱትና ሌሎችም በቅርቡ እየተፈፀሙ የሚገኙ ህገ ወጥ ድርጊቶች ስላሳሰበው ይህን መግለጫ ለማውጣት ተገዷል:-

1. ሰኔ 16 2006 ዓ.ም የየመን መንግስት የዓለም አቀፍ ስምምነቶችንና ድንጋጌዎችን በመጣስና በሰው ሀገር የውስጥ ጉዳይ በመግባት የአማፂ ቡድን ግንቦት ሰባት ዋና ፀሃፊ የሆኑትን አቶ አንዳርጋቸው ፅጌን መያዟ ይታወሳል፡፡ አቶ አንዳርጋቸው ፅጌ ህገ-ወጥ በሆነ መንገድ ለህወሓት/ ኢህአዴግ ተላልፈው መሰጠታቸውን ከ16 ቀናት በኋላ መታወቁና ይህንንም ሁለቱ ሀይሎች ማመናቸው ተሰምቷል፡፡ ነፃነት በሌለበት ሀገር ዜጎች ሰብዓዊ ክብራቸውን ለማስጠበቅ የሚያደርጉት ጥረት የሌሎች ሀገር መንግስታት የሚያደርጉትን ጣልቃ ገብነት በዓለም አቀፍ ስምምነቶችም ሆነ በተለይ በሁለቱ ሀገሮች ግንኙነት ላይ ከፍተኛ ጥላ የሚያጠላ መሆኑን ግንዛቤ አለመወሰዱ እጅግ የሚያሳዝን ድርጊት ነው፡፡ አቶ አንዳርጋቸው ፅጌ ከተያዙ በኋላ ላለፉት 16 ቀናት በምን አይነት ሁናቴ እንደቆዩ ህዝብና ቤተሰቦቻቸው እንዲያውቁት አለመደረጉ፤ ስለ አያያዛቸው ሁኔታም በማህበረሰቡና በፓርቲያችን ውስጥ ከፍተኛ ጥርጣሬ እንዲኖር አድርጓል፡፡ሰማያዊ ፓርቲ የአቶ አንዳርጋቸው ፅጌ ሰብዓዊ አያያዝ እያሳሰበው ህወሓት መራሹ የኢህአዴግ አገዛዝ አያያዛቸውን ግልፅ እንዲያደርግ ሰብዓዊ ክብራቸውም እንዲጠበቅ በጥብቅ ያሳስባል፡፡
2. በዚሁ ሳምንት ገዢው ፓርቲ ሐምሌ 1 ቀን 2006 ዓ.ም ፍፁም ሰላማዊ በሆነ መንገድ የአምባገነኑን መንግስት ህወሓት/ኢህአዲግን ሲታገሉ የነበሩ ፖለቲከኞችን በስመ አሸባሪ ከያሉበት እየለቀመ ህገ-ወጥ እስራት መፈፀሙ ይታወቃል፡፡ ህወሓት/ኢህአዲግ ይህ ግብታዊ ተግባሩ ምንም እንኳን አዲስ ባይሆንም በአሁኑ ወቅት ለውጥን ለማምጣት በቆራጥነት እየታገሉ ያሉ ሰላማዊ ታጋዮችን ማሰሩ በሀገር ውስጥ በህጋዊ መንገድ እየተንቀሳቀሱ የሚገኙ ፓርቲዎችን ከአማፂ ቡድኖች ጋር ግንኙነት ያላቸው በማስመሰል ሰላማዊ ትግሉን ለማዳከምና መጪውን 2007 ዓ/ም ምርጫ ያለ ተቀናቃኝ ለማለፍ የሚደረግ ህገ ወጥ እንቅስቃሴ መሆኑን ተገንዝበናል፡፡ የፓርቲያችን ብ/ም/ቤት ምክትል ሰብሳቢ የሆነው አቶ የሺዋስ አሰፋ በሰላማዊ ትግሉ በቁርጠኝነት እየተሳተፈ ባለበት ሁኔታ ለእስር መዳረጉ፤ የአንድነት ፓርቲ ህዝብ ግንኙነት ኃላፊ አቶ ሀብታሙ አያሌው፤ የአንድነት ፓርቲ የድርጅት ጉዳይ ምክትል ሀላፊ አቶ ዳንኤል ሺበሺ እና በሰሜኑ የሀገራችን ክፍል ከፍተኛ የህዝብ ንቅናቄን በመፍጠር ላይ ያለው የአረና /ትግራይ/ ፓርቲ አመራር አባል የሆኑትን አቶ አብረሃ ደስታ ለእስር መዳረጋቸው ህወኃት/ኢህአዴግ የመጨረሻው መጨረሻ ምዕራፍ ላይ መድረሱን ያረጋግጣል፡፡ በመሆኑም አገዛዙ እያካሄደ ያለውን መንግስታዊ ሽብር አቁሞ ለሀገርም ሆነ ለራሱ የሚበጀውን መንገድ እንዲከተል እያሳሰብን የታሰሩት የፓርቲ ከፍተኛ አመራሮች በአስቸኳይ እንዲፈቱ እንጠይቃለን፡፡

በመጨረሻም ፓርቲያችንን መንግስት እያደረገ ያለው ሽብርን የመንዛትና ህግን የመጣስ ተግባሩ መቼም ቢሆን ከሰላማዊ ትግሉ እንደማያቆመውና ሰላማዊ ትግሉን አጠናክሮ እንደሚቀጥል በአፅንኦት እየገለፀ እነዚህንና ከላይ የተጠቀሱትን የገዢውን ፓርቲ መርህ አልባነት፣ ህገ-ወጥነት እና የለየለት አምባገነንነትን አሁን ካለው ነባራዊ እውነታ ጋር አጣምሮ የትግል ስልቱን ደረጃ ከፍ ወዳለ ምዕራፍ ማሸጋገር እንዳለበት አምኗል፡፡ በመሆኑም ከዚህ በኋላ ለምናደርጋቸው ሀገር አቀፍ ንቅናቄዎች መላው የሀገሪቱ ህብረተሰብ በንቃት ተዘጋጅቶ እንዲጠብቅ ጥሪውን እያስተላለፈ ለዚህም ቁርጠኛ አመራር ለመስጠት ዝግጁነቱን ለመግለፅ ይወዳል፡፡በዚህ አምባገነንነትን ለመታገል በሚደረገው ንቅናቄም በሀገር ውስጥ የሚገኙ ህጋዊና ሰላማዊ ፓርቲዎች፤አለም አቀፍ ተቋማት፤የሰብአዊ መብት ተሟጋቾች፤ሲቪክ ማህበራት፤መላው ኢትዮጵያውያንና ትውልደ ኢትዮጵያውያን ከሰላማዊ ትግሉ ጎን በጋራ እንድንቆም እንጠይቃለን፡፡

ኢትዮጵያ በክብር ለዘላለም ትኑር
ሰማያዊ ፓርቲ
ሀምሌ 3/2006ዓ/ም