የኦሮሞ ሙስሊሞችን የበላይነትን በኦሮሞ ክርስቲያን ና ኦሮሞ ባልሆኑ ሙስሊሞች ላይ ለመጫን የታለመ ድብቅ አጀንዳ ይፋ ሆነ

December 28/2013

ጃዋር ማህመድ የተባለው ግለሰብ ባገኘው መድረክ ላይ ሁሉ በጣም የተሳሳቱ አዘናጊና አግላይ ንግግሮችን በማድረግ ይታወቃል :ባለፈው ወር በሙስሊም ኦሮሞች ስብሰባ ላይ በመገኘት የሰጠውም በጣም አደገኛ አስተያየት ብዙ ሰዎችን አስደንግጥዋል:: ጃዋር በንግግሩ ሙስሊሞች ያለኦሮሞ ነጻነት ሊሳካላቸው እንዳማይችልና የኦሮሞ ድል የ ሙስሊም ድል እንደሆነ ገልጽዋል::ክርስቲያን ኦሮሞዎችን እንዲሁም አማራና እንዲሁም ሌሎች ብሄሮችን ባገለለ መልኩ ጃዋር ጅቡቲ ና ሶማሊ ስላሉ ሙስሊሞች ሲናገር ተደምጥዋል:: የዘር ጉዳይና ሀይማኖት ሲደባለቁ ምን አይነት ችግር እንደሚፈጥሩ ያልተገነዘው ጃዋር በኢትዮጵያ ውስጥ ያለውን የተወሳሰብ የህዝብ ግንኙንት ባላገናዘብ መልኩ በየመድረኩ ላይ የሚሰጣቸው ይተጣመሙና በውሸት ላይ ይተመሰረቱ አስተያየቶች ብዙ ኢትዮጵያውያን እያስቆጣ ይገኛል::

‪ ጃዋር ሞሀመድ የፖለቲካ እብደት “እኔ ባለሁበት 99% ሙስሊም ነው ማንም ሰው ደፍሮ ቀና አይልም ‪#‎በሜንጫ‬ ነው አንገቱን የምንለው ” በአሜሪካ በተደረገ ስብሰባ ላይ ከተናገረው(ሜንጫ የማጭድ ቅርፅ ያለው ረዘም ያለ ባለስለት የቁጥቋጦ መቁረጫ መሳሪያ ነው)

ከሁሉ በባሰ ብዙ ኢትዮፕያውያንን ያስደነገጠው የሀጂ ነጅብ በጃዋር አስተያየት መስማማት ነው:: እንደ ሀጂ ነጅብ አስተያየት ከሆነ 50 ሚሊዮን ሙስሊም እንዳለና 80% ሚሊዮኑ ኦሮሞ እንደሆነ ተናግረዋል:: ይህም ማለት 40 ሚሊዮኑ ኦሮሞ ሙስሊም እንደሆነና ይህም ማለት መቶ በመቶ የኦሮሞ ህዝብ ሙስሊም ነው ማለት ነው:: የኦሮሞ ህዝብ ብዛት 34.4 ሚሊዮን መሆኑ መዘንጋት የለበትም::
ሀጂ ነጅብ በማስከተልም ኦሮሞች ሙስሊሙን ነጻ ማውጣት እንዳለባቸው አስምረውበታል::ይህ በውነቱ በጣም አሳዛኝና ከሙስሊም ትግል ጀርባ ያለውን ኢትዮጵያን እስላማዊ ለማድረግ የታለመውን እቅድ ያሳያል::
የሙስሊምን እንቅስቃሴ በመደገፍ ክርስቲያኖች ያረጉት አስትዋጾኦ ቀላል አይደለም ከ ጳጳስት ጀመሮ የፖለቲካ መሪዎች አክቲቭኢስቶች ጭምር ይህንን ትግል በመደገፍ የበኩላቸውን አስተዋጽኦ አድርገዋል:: ይህንን ያረጉት በኢትዮጵያዊንት መንፈስ እንጂ መስሊም ወይም ኦሮሞ ስለሆኑ አይደለም ::አቶ ነጂብ እንደ ኢትዮጵያ ሙስሊም ተወካይነታቸው ሁሉንም ሙስሊም መወከል ሲኖርባቸው ወደ ዘር በተደራጀና ሀይልን መሰረት ባደረገው የጃዋርና የአክራሪዎች ስብሰባ ላይ ተገኝቶ እናንተ ናቹ ነጻ ምታወጡን ማለት በጣም ሚያሳዝን ነገር ነው::
ጃዋር መሀመድ ሌሎች የኢትዮጵያ ሙስሊሞችን ባገለለ መልኩና የራሱን ዘር ባስቀደመ መልኩ ባድረገው ንግግርን መደገፍ የሙስሊም እንቅስቃሴ ከጀርባው የያዘው ድብቅ አጀንዳ እንዳለ ሚያመላከት ነው::

ጃዋር መሀመድ እስከቅርብ ጊዜ ድረስ ድምጻችን ይሰማ ከሚባለው የሙስሊም የዲያስፖራ እንቅስቃሴ ላይ ከፍተኛ አስተዋጾ ሲያድረግ እንደነበር ይታወቃል:: የጃዋር አጀንዳ የሆነውን የኦሮሞ ሙስሊሞች ስልጣን መያዝ ከመድረክ ጅርባ ይነጋግሩበት እንደነበር ሀጂ ነጅብ አምነዋል:: ኢትዮፕያውንን አብሮ ሚያኖረው የህግ የበላይነት, ዲሞክራሲ, ፍትህና እኩልነት መሆኑ እየታወቀና ኢትዮጵያ የብዙ ሀይማኖቶች ብሄሮች አገር እንደሆነች እየታወቀ በየመድረኩ ላይ እንደዚህ አይነት ሀላፊነት የጎደለውና ዘረኛ አስተያየት መስጠትና ያንንም መደገፍ በጣም ሚያሳዝን ነው::
የነጃዋር አላማ ይፍትህ የበላይነትን በኢትዮጵያ ምድር ለማምጣት አይደለም::አላማቸው ግልጽና ግልጽ ነው:: የኦሮሞ ሙስሊሞችን የበላይነትን በክርስቲያን ና ኦሮሞ ባልሆኑ ሙስሊሞች ላይ ለመጫን ነው::ይህንን ደግሞ በፍጹም ምንቀበለው አይሆንም::ክርስቲያኑ አንድ ነን በሚል መማማል አንድ መሆን እንደማይቻል ሊገነዘበው ይገባል::

ይድረስ ለብአዴን አባላት

December 28/2013

በረከት ስምዖንና አዲሱ ለገሰ ወደ ባህር ዳር አቅንተው ነበር። መቸስ በረከት ስምዖን አማራ ካልሆንኩ ሞቼ እገኛለሁ ብሎ አለመንደሩ የአማራ ህዝብ መሪ እኔ ነኝ ብሎ ከአማራ ህዝብ ፊት ሲቆም አለማፈሩ ያስገርማል። አዲሱ ለገሰም እንደ በረከት ራሱን የአማራ ህዝብ ወኪል እኔ ነኝ ይላል።እነዚህ ሁሉት ህወሃት የሠራቸው ፍጡራን ባህር ዳር እንዲወርዱ ያደረጋቸው ብአዴን ተዳክሟል ተብሎ መታሠቡ ነበር።

እንግዲህ በእንበረከት የአስተሳሰብ ደረጃ ብአዴን ተዳከመ ሲባል ምን ማለት ይሆን?

ከጥቂት ደካማ ካድሬዎች በቀር ሌሎች እንደ ሰው ማሰብ የሚችሉ የብአዴን አባላት አገሪቷ እየሄደች ያለችበት መንገድ ያሳስባቸዋል። ህወሃት በአማራ ህዝብ ላይ እያደረሰ ያለው ግፍ የሚያንገበግባቸው በርካታ ናቸው። ጉርፋርዳ እና ቤንሻንጉል አገራችሁ አይደለም ተብለው አማሮች ከኖሩበት ቀየ ተፈናቀለው ሜዳ ላይ የመውደቃቸው ድርጊት የእግር እሳት ሁኖ የሚለበልባቸው ብዙዎች አሉ። በዚህ ሁኔታ ያዘኑና የተቆጡ የብአዴን ካድሬዎች ድርጅቱ ቆሜለታለው የሚለው ፍትህ የት አለ፤ እኩልነትስ ከወዴት አለ፤ ኢትዮጵያስ የሁላችን አገር ነች የምትባለው መገለጫው ምንድ ነው እያሉ ይጠይቃሉ። እነዚህ ጥያቄዎች በካድሬዎች መካከል መመላለስ ሲጀምሩ ድርጅቱ ተዳክሟል ተብሎ ግምገማ ይካሄዳል።

በረከት እና አዲሱ ነፃነትን ሳያውቁ ራሳቸውን ነፃ አውጪ አድርገው የሚቆጥሩ የህወሃትን ዙፋን ከመጠበቅ የዘለለ ምንም ሚና የሌላቸው ያልሆኑትን ለመሆን የሚውተረተሩ ደካሞች መሆናቸውን እናውቃለን። እነዚህ ግለሰቦች ስለ አማራ ህዝብ ነፃነትና ክብር ይሠራሉ ብሎ ማሰብ የሚቻልበት ሁኔታ የለም። በረከትና አዲሱ በህዝብ መካከል እየኖሩ የህዝብ ፍቅር የሌላቸው፤ ከህዝቡ ጋር መኖርንም የማያውቁ፤ እለት ዕለት በሚፈጥሩት የፍርሃት አረንቋ ውስጥ የሚኖሩ እና ሠላም የራቃቸው ግለሰቦች ናቸው። ከእነዚህ ግለሰቦች እውነትን ፈልጎ ማግኘት፤ ነፃነትን ጠይቆ መቀዳጀት፤ ለፍትህ ጥያቄዎች መልስ ማግኘት የሚቻል አይደለም። የአማራ ህዝብ ከጉራፋርዳ እንዲወጣ የተደረገበት ምክንያት ምንድ ነው ተብለው ሲጠየቁ የጠባቦች ጥያቄ ብለው ይሳደባሉ። አያቶቻችን በደምና አጥንታቸው ያቆዩልንን ድንበር አፍርሳችሁ ለባእዳን ለምን ትሰጣላችሁ ሲባሉ የጦርነት ናፋቂ ጥያቄ እያሉ ይዘባበታሉ። እንደምን ሁኖ ከሁለት ሚሊዮን በላይ አማራ ከቁጥሩ ጎድሎ ተገኘ ሲባሉ የትምክህተኞች ወሬ እያሉ ይሳለቃሉ። አዎን እነበረከት ስምዖን የሚፈልጉት ዜጎች ስድባቸውን ተሸከመው እንዲኖሩላቸው እንጂ እውነትን፤ ፍትህን እና እኩልነትን እንዲጠይቁ አይደለም።

የሰሞኑ የባህር ዳር አስቸኳይ ስብሰባ ምክንያትም በብአዴን ካድሬዎች መካከል የፍትህ፤ የነፃነት እና የእኩልነት ጥያቄዎች ሥር እየሰደዱ መምጣታችው ነው። በካድሬዎቹ መካከል እንደ እሳት ሰደደ እየተሰራጩ ላሉ የፍትህ፤ የነፃነት እና የእኩልነት እጦት ጥያቄዎች ከህወሃት መራሹ “መንግስት መሰል” አካል በቀላሉ መልስ ማግኘት የሚቻል አይደለም። ይሄ ቡድን ነፃነትን ሳያውቅ ነፃ አወጣኋችሁ ማለትን ብቻ የሚያውቅ፤ራሱ ለሠራው ህግ መገዛትን ሳይወድ ስለ ህገ-መንግስት የበላይነት የሚሰብክ፤ ራሱ ከሁሉ በላይ እኔ ነኝ ብሎ ሲያበቃ ስለ እኩልነት ለመስበክ የማያቅማማ የነውረኞች ስብሰብ ነው። በረከትና አዲሱም የዚህ ነውረኛ ቡድን አካል እንጂ የአማራ ህዝብ አካል ናቸው ለማለት ለአማራ ህዝብ የሠሩት በጎ ነገርን ፈልጎ ማግኘት አይቻልም።

የብአዴን ካድሬዎች ሆይ !

ብአዴን ከተመሠረተ በኋላ ከሁለት ሚሊዮን በላይ አማራ መጥፋቱን በፓርላማ ሪፖርት መደረጉን ሰምተችኋል።ለመሆኑ ከሁለት ሚሊዮን በላይ አማራ የት ጠፋ? በአገሪቷ ካሉ ብሄረ ብሄረሰቦች መካከል እንደምን ሁኖ የአማራ ቁጥር ብቻ ሊቀንስ ቻለ? ከአማራ ክልል ወጥተው በሌላ ክልል የሚኖሩ አማሮች ይሄ አገራችሁ አይደለም፤ ወደ አገራችሁ ሂዱ ተብለው የሚባረሩት ለምንድ ነው? ኢትዮጵያ አገራቸው ካልሆነች የእነዚህ አማሮች አገር ወደየት አለች? ከጉራፈርዳ እና ከቤንሻንጉል ተነቅለው ሜዳ ላይ እንዲወድቁ የተደረጉ አማሮች በደላቸው ምንድ ነው? ለነዚህ ጥያቄዎች አማራ ካልሆንን ሞተን እንገኛለን የሚሉት በረከት ስምዖንና አዲሱ ለገሰ መልስ አይሰጡም። እነርሱ የቆሙት በህወሃት “የትግራይ ህዝብ ቀንደኛ ጠላት አማራ ነው” ተብሎ የተያዘውን እምነት በተግባር ለማስፈፀም እንጂ ለአማራ ህዝብ ደህንነት እንዳለሆነ ምግባራቸው ህያው ምስክር ነው።

ብአዴን ከተመሠረተ ዘመን ጀምሮ በአማራ ህዝብ ላይ የደረሰውን ግፍ እናውቃለን። የአማራን ቅስም መሰበር፤ ትምክህቱን ማስተንፈስ፤ ኢትዮጵያዊ ማንነቱን ማዋረድ የሚሉት የእነበረከት ስምዖን ዋነኛው መፈክሮቻቸው ናቸው።በዚህ መፈክር መሪነት ከሁለት ሚሊዮን በላይ አማሮች ጠፍተዋል፤ኢትዮጵያ አገራችሁ አይደለችም ተብለው ከጉራፈርዳ እና ከቤንሻንጉል ውጡ ተብለው ሜዳ ላይ ተጥለዋል። ከንግዱ አምባም ሳይቀር ቀስ በቀስ አማሮች እንዲጠፉ ተደርገው ሥፍራቸውን ለሌላ እንዲለቁ ሁነዋል። ከፕሮፌሰር አሥራት ጀምሮ ለአማራ ህዝብ ብቻ ሳይሆን አጠቃላይ ለኢትዮጵያ ህዝብ ምልክት እና ጥሩ ምሳሌ ሊሆኑ የሚችሉ አማሮች ቀስ በቀስ እንዲጠፉ መደረጋቸውን በአይናችን አይተናል በጆሮአችንም ሰምተናል። ብአዴን የተባለው ድርጅት በአማራ ስም ቢቋቋምም አማሮችን ከውርደትና ከሚደርስባቸው በደል ሊታደጋቸው አልቻለም።እንዲያውም ግፉንና በደሉን ለማስፈፀም የተወከለ ድርጅት ሁኗል።

እንግዲህ የብአዴን ካድሬዎች ሆይ እናንተም ከበረክተ ስምዖንና ከአዲሱ ለገሰ ጋር ተሰልፋችሁ ህዝባችሁን ትወጉ ዘንድ አይገባም። ዙሮ መግቢያችሁ ዛሬ እንወክለዋለን ያላችሁት ግን ደግሞ በአሣር በመከራ ውስጥ ያለው ህዝብ እንጂ ሌላ ዙሮ መግቢያ እንደሌላችሁ እወቁ። የወከላችሁት ህዝብ ሲረገጥ የለም ህዝቤን አትበድሉ ማለት ይጠበቅባችኋል። አማራ ከቁጥሩ ጎደለ ሲባል ምን ሆኖ እንደጎደለ በመጠየቅ የችግሩን ምንጭ ማወቅ ሥራችሁ ነው። አማራ ወደ “አገርህ” ሂድ ተብሎ ከኖረበት ሲነቀል ኢትዮጵያ አገሩ ካልሆነች የአማራ አገሩ የት ነው ብላችሁ መጠይቅ አለባችሁ።

ዛሬ እናንተን ትምክህተኞች እያለ የሚገመግማችሁ በረከት ስምዖን አያሌው ጎበዜን አስነስቶ ገዱ አንዳርጋቸው እንዲተካ አድርጓል። የአያሌው መሄድና የገዱ መምጣት ለአማራ ህዝብ ነፃነት እና ክብር የሚፈይደው አንዳችም ቁም ነገር የለም። አያሌውም ሆነ ገዱ ለቆሙለት ህዝብ ይቅርና ለራሳቸውም ክብር የሌላቸው ደካሞች መሆናቸው የታወቀ ነው። ለራሱ ክብር ያለው የህዝብ ወኪል እወክለዋለው የሚለው ህዝብ ከኖረበት ቀየ እየተነቀለ ሜዳ ላይ ሲጣል አይቶ ዝምታን አይመርጥም። አያሌውና ገዱ ከአማራ ህዝብ አብራክ ወጥተው ደሃውን አማራ በሙሉ ነፍጠኛ፤ ትምክህተኛ፤ ሌላም ሌላም እያሉ እየሰደቡ ለሳዳቢ አሳላፈው የሰጡ ደካሞች ናቸው። ካድሬ ሆይ ስማን! የገዱ በአያሌው መተካት የተዋረደውን ክብርህን አይመልሰውም። ያጣኸውን ነፃነት መልሶ አያቀዳጅህም። ለሱዳን ተቆርሶ የተሰጠውን በአያቶችህ ደምና አጥንት የቆየውን መሬትም አይመልስልህም። የብአዴን ካድሬዎች ሆይ ስሙ ለክብራችሁ፤ ለማንነታችሁ፤ ለነፃነታችሁ ቀናዒ እንድትሆኑ ሁኑ እንጂ የህወሃትን ትርፍራፊ የምትለቃቅሙ አትሁኑ።

በብአዴን ውስጥ ያላችሁ የንቅናቄያችን አባሎች ሆይ !!

የህወሃት ስንቅና ትጥቁ ጥላቻ መሆኑን ታውቃላችሁ። ህወሃት “አማራ የትግራይ ህዝብ ቀንደኛ ጠላት ነው” ብሎ የሚያምን ቡድን ነው። ከዚህ ቡድን ፍትህ፣ እኩልነትና ነፃነት ያለመስዋእትነት እንደማይገኝ መዘንጋት አያስፈልግም። እስከ አሁን የንቅናቄያችንን መሠረት ለማሲያዝ ያደረጋችሁት አስተዋፅኦ በቀላሉ የሚታይ አይደለም። በህወሃት የተነጠቀው ነፃነታችን፤ የተዋረደው ክብራችንና ማንነታችን በቀላሉ እንደማይመለስ መገንዘብ ይኖርብናል። ትግሉ መራራ የሚሆንበት ግዜ መጥቷል። ለነፃነትና ለማንነት የሚከፈል መሥዋእትነት ደግሞ አስፈላጊ መሥዋዕትነት ነው።ጥቂት ዘረኞች አንገታችንን አስደፍተው በማንነታችን ላይ ተሳልቀው፤ ህዝባችንን አጎሳቁለውና ረግጠው ሲገዙ በአይናችን እያየንና በጆሮአችን እየሰማን ተንጋለን ለመተኛት አልተፈጠርንም። እንዲህ ዓይነቱን ሥንፍና ከቀደሙት ከኩሮዎቹ አያቶቻችንና አባቶቻችን አልተማርንም።

በአውሬው መረብ ውስጥ ሁናችሁ የለውጥ ኃዋሪያ ለመሆን መነሳታችሁ የሚደነቅ ነው።የለውጥ ኃዋሪያነት ትልቅ ሸከም ያለው ነው።ጥላቻን ወደ ፍቅር የሚቀይር፤ ለይቅርታ ራስን ማዘጋጀት፤ ከግዜያዊ ጥቅም ይልቅ ትውልድን አሻግሮ የማየት ራዕይን የሚጠይቅ ነው። ህወሃት አገሪቷን እያፈረሰ ያለው ከፍቅር ይልቅ በጥላቻ ስለተሞላ፤ ከይቅርታ ይልቅ በበቀል ልቦና የሚመላለስ በመሆኑን፤ ትውልድን አሻግሮ ከማየት ይልቅ የስግብግብነት ስሜቱ ያየለበት ሆኖ በመገኘቱ ነው። ንቅናቄያችን ይህን ከመሰለ አገር አጥፊ አስተሳሰብ በላይ ነው። ንቅናቄያችን ሁል ግዜ ለይቅርታ የተዘጋጀ ልቦና አለው። ይሄ ሲባል ግን የበቀለኞችን ሠይፍ ለመመከት ራሱን አያዘጋጅም ማለት አይደለም። እንዲያውም ሰይፋችን ከእነርሱ ሠይፍ በላይ የሳለ መሆኑን ያውቁት ዘንድ እንወዳለን። ንቅናቄያችን ትውልድን አሻግሮ የሚያይ ባለ ረዥም ራዕይ ነው። እንደ ህወሃት ለዘረፋ የተሠለፈ፤ እኔ ከሞትኩ ሠርዶ አይብቀል የሚል አይደለም። ዘራፊውንና እኔ ከሞትኩ ሠርዶ አይበቀል የሚለውን ሁሉ ነቅሎ ሥፍራውን ለማስለቀቅ ሳያቅማማ በፅናት የሚሠራ ነው።

በብአዴን ውስጥ ያላችሁ የንቅናቄው አባላት ሆይ!!

የገዱ በአያሌው መተካት የሚያመጣው ለውጥ የለም።አያሌው ሄደ ገዱ መጣ ሁለቱም ከአንድ ምንጭ የተቀዱ ደካሞች ናቸው። ገዱ የነፃነትን፤የፍትህንና የእኩልነትን ዋጋ የሚያውቅ አይደለም። ገዱ ሲሊኩት ወደየት፤ ሲጠሩት አቤት ከማለት የዘለለ ለዚያች አገር ለውጥ የሚፈይደው አንዳችም ነገር እንደማይኖር እወቁ። ስለሆነም የተጀመረውን ትግል ከዳር ለማድረስ ሳታቅማሙ በፅናት ቁሙ። ፍርሃትን ግደሉት። ከፍርሃት አርነት የሚያወጣን ነፃነት፤ ፍትህና እኩልነት ብቻ ነው። እነዚህ ለሰው ልጆች መሠረታዊ ቁም ነገሮች በአገሪቷ ሰፍነው ዜጎች ሁሉ እፎይ እሰከሚሉ ድረስ የሚከፈለውን መሥዋ ዕትነት ለመክፈል ወደ ኋላ እንዳትሉ። በእኛም በኩል አስፈላጊውን መሥዋዕትነት ለመክፈል የምንችለውን ሁሉ እናደርጋለን። የጀመርነውንም ትግል ሳናቅማማ እና ሳናፈገፍግ እንቀጥላለን።

ድል ለኢትዮጵያ ህዝብ !!!

“ካልተሳፈርኩ” ብሎ የታክሲ ሹፌሩን በሽጉጥ ገደለ

December 28/2013

መገናኛ አካባቢ ወደ ጉርድ ሾላ በሚወስደው መስመር፣ አንድ መንገደኛ ትናንት ከምሽቱ 12 ሰዓት ላይ ሚኒባስ ታክሲ ውስጥ ካልተሳፈርኩ ብሎ ሾፌሩን ወንደሰን ደምሴን በሽጉጥ ገደለ፡፡ “ታክሲው ውስጥ ካልተሳፈርኩ፣ አትሳፈርም” በሚል በተነሳው ጭቅጭቅ፣ ሾፌሩን ገድሏል የተባለውን ደጀኔ ገመቹ በቁጥጥር ስር እንደዋለ የገለፀው ፖሊስ፤ የአይን ምስክሮችን ቃል በመቀበል ምርመራ እያካሄደ ነው፡፡ ታክሲ እየጠበቁ የነበሩ የአይን ምስክሮች በወቅቱ አቶ ደጀኔ እጁን በማወዛወዝ ሚኒባስ ታክሲውን እንዳስቆመ ተናግረው፣ ከሾፌሩ ጋር ጭቅጭቅ እንደተፈጠረ ገልፀዋል፡፡ 

አቶ ደጀኔ በታክሲው ለመሳፈር ሲጠይቅ፣ ሾፌሩ “ቤተሰቤን ነው የጫንኩት፣ ሌላ ሰው አላስገባም” በማለት ምላሽ እንደሰጠው በአካባቢው የነበሩ መንገደኞች ተናግረዋል፡፡ ታክሲ የሚጠባበቁ ብዙ ሰዎች በአካባቢው ስለነበሩ፣ ጭቅጭቁን ከመነሻው እስከ መጨረሻው የተመለከቱ እማኞች በርካታ ናቸው፡፡ የፖሊስ መረጃ እንደሚጠቁመው፤ የሾፌሩ አባት ታክሲው ውስጥ ነበሩ፡፡ “አትሳፈርም የምትለኝ ንቀት ነው” በሚል ክርክርና “የጫንኩት ቤተሰቦቼን ስለሆነ ሌላ ሰው አልጭንም” በሚል ምላሽ በተባባሰው ጭቅጭቅ፣ አቶ ደጀኔ ሽጉጥ እንዳወጣ እማኞች ተናግረዋል፡፡

 ሽጉጡን ሾፌሩ አንገት ስር በመደገን ነው የተኮሰው ብለዋል-ምስክሮች፡፡ በጉዳዩ ላይ ያነጋገርናቸው የአዲስ አበባ ፖሊስ ኮሚሽን የሰው መግደል ዲቪዥን ክፍል ተወካይ፣ ተጠርጣሪውን በቁጥጥር ስር በማዋል ምርመራ እየተካሄደ መሆኑን ገልፀዋል።

የጋዜጠኞች እስር መንግስትን፣ ማህበራትንና ፓርቲዎችን እያወዛገበ ነው

December 28/2013

           መቀመጫውን በኒውዮርክ ያደረገው ሲፒጄ የተሠኘው የጋዜጠኞች መብት ተሟጋች ድርጅት ጋዜጠኞችን በማሠርና በማንገላታት ኢትዮጵያ ከአለም ሁለተኛ ናት ማለቱን መንግስት እና በሃገሪቱ የሚገኙ የጋዜጠኞች ማህበራት አምርረው ሲያወግዙ፣ የተቃዋሚ ፓርቲ አመራሮች በበኩላቸው፤ በእርግጥም ሃገሪቱ ጋዜጠኞችን እያሠረች ነው፤ ደረጃው ይገባታል ብለዋል፡፡ የኢትዮጵያ ብሄራዊ ጋዜጠኞች ህብረት ፕሬዚዳንት አቶ አንተነህ አብርሃም፤ “ሲፒጄ የሃገራችንን ስም ለማጥፋት ስለሚፈልግ ነው እንጂ፣ በፃፈው ፅሁፍ የታሠረ አንድም ጋዜጠኛ የለም፡፡ 3 ጋዜጠኞች የታሠሩት አሸባሪ ተብለው ነው” ብለዋል፡፡ በማህበራችን ጥረት በኢትዮጵያ የጋዜጠኞች እስር ቆሟል ሲሉም ተናግረዋል አቶ አንተነህ። የኢትዮጵያ ነፃ ጋዜጠኞች ማህበር (ኢነጋማ) ሊቀመንበር አቶ ወንደሰን መኮንን በበኩላቸው፤ ኢትዮጵያ ውስጥ ከሙያው ጋር በተያያዘ የታሠረ ጋዜጠኛ እንደሌለ ገልፀው፣ የታሠሩ ጋዜጠኞች ጉዳያቸው ሌላ ቢሆንም መፈታት አለባቸው ብለው እንደሚያምኑ ተናግረዋል፡፡

የሲፒጄን መግለጫ እንደማይቀበሉትና ድርጅቱ የራሱ ተልዕኮ እንዳለው አቶ ወንደሰን ጠቁመው፤ “ኢትዮጵያ ጋዜጠኞችን በማሠር በአለም ሁለተኛ መሆን አትችልም፤ ሆናም አታውቅም” ብለዋል። የመንግስት ኮሚኒኬሽን ጉዳዮች ፅ/ቤት ሚኒስትር ዲኤታ አቶ ሽመልስ ከማል በበኩላቸው፤ “ሲፒጄ የፖለቲካ አጀንዳ ያለውና መንግስትን በሃይል ለመለወጥ ከሚንቀሣቀሡ ድርጅቶች ጋር የተሰለፈ ድርጅት ስለሆነ፤ በተግባር ከጋዜጠኝነት ጋር ምንም ግንኙነት የለውም” ብለዋል፡፡ አቶ ሽመልስ፤ “እናንተ መቼ ታሠራችሁ? የማታውቁት ከማርስ የመጣና ‘የታሠረ ጋዜጠኛ አለ እንዴ?’ ሲሉም ጠይቀዋል። የሲፔጂ የአፍሪካ ወኪል፣ በ97 ምርጫ የቅንጅት አመራር የነበረና የኢትዮጵያን መንግስት በሃይል ለመገልበጥ የሞከረ ግለሠብ ያሉት አቶ ሽመልስ፤ እንዲህ ያሉግለሠቦች እየፈተፈቱ የሚያቀርቡለትን ነገር ሲፒጄ እየተቀበለ ያስተጋባል ብለዋል፡፡ ከተቃዋሚ ፓርቲ አመራሮች መካከል አንዱ የሆኑት ዶ/ር መረራ ጉዲና በሠጡት አስተያየት፤ መንግስት ጋዜጠኞችን እንደሚያስርና እንደሚያንገላታ ለማረጋገጥ እስር ቤት ሄዶ ማየት ይቻላል ብለዋል፡፡

የታሠረ ጋዜጠኛ የለም እየተባለ መነገሩ የተለመደ ቀልድ ነው ያሉት ዶ/ር መረራ፤ እነ እስክንድር፣ ውብሸት እና ርዕዮት በጋዜጠኝነታው እንጂ ሽጉጥ ሲሠርቁ አይደለም የታሠሩት ብለዋል፡፡ “ለመሆኑ እዚህ አገር ለጋዜጠኞች መብት የሚሟገት ማህበር አለ እንዴ?” በማለት የጠየቁት ዶ/ር መረራ፤ “የነፃ ጋዜጦች እና የጋዜጠኞች ህልውና ከፖለቲካ ምህዳሩ ጋር አብሮ የተዳፈነ ነው” ብለዋል። የአንድነት ለፍትህና ለዲሞክራሲ ፓርቲ የህዝብ ግንኙነት ሃላፊ አቶ ዳንኤል ተፈራ በበኩላቸው፤ ሲፔጂ መግለጫውን ሲያወጣ የራሱ መስፈርት እንዳለውና ዝም ብሎ እንደማይዘላብድ በመግለፅ፣ ሪፖርቱ ትክክለኛ መሆኑን ተናግረዋል። “ኢትዮጵያ ሃሣባቸውን በነፃነት የሚገልፁ ሠዎች በአደባባይ የሚሠቃዩባት፣ ጋዜጠኞች እስር ቤት የሚታጎሩባት ማተሚያ ቤቶች መንግስትን የሚተች ጋዜጣ አናትምም የሚሉባት፣ ጋዜጦች ተዘግተው ጋዜጠኞች የተሰደዱባት አገር መሆኗን በተጨባጭ እናውቃለን” ብለዋል አቶ ዳንኤል፡፡ የታሠሩት ጋዜጠኞች ከሙያው ጋር በተያያዘ አይደለም መባሉን እንደማይቀበሉት አቶ ዳንኤል ገልጸው፤ ከነፃው ፕሬስ ጀማሪዎች መካከል አንዱ የሆነው እስክንድር ነጋ፤ ለሃሣብ ነፃነት የቆመ የመብት ተከራካሪ መሆኑ መታሠብ አለበት ብለዋል፡፡

አሳዛኝ ግፍ የስምንት አመቷ ስለእናት ማስረሻ ቀኝ እጇ ላይ በጥይት ተመታች

December 27/2013

የስምንት አመቷ ስለእናት ማስረሻ ቀኝ እጇ ላይ በጥይት ተመታች፡፡ባለቤታቸውን በሞት የተነጠቁትና ምንም የማታውቀውን ህጻን ልጃቸውን አካለ ጎደሎ ያደረገባቸውን ጥይት ማን እንደተኮሰው ለማወቅ ለዳባት ወረዳ ፖሊስ ጣቢያ አቤት ሲሉ ‹‹ባለቤትዎ ሽፍታ እንደሆኑ መረጃ ስለደረሰን ግድያውን የፈጸመው የጸረ ሽብር ግብር ሃይል ነው››ተብለዋል፡፡

‹‹ሽፍታ እንዴት ባለ80 ቆርቆሮ ቤት ይሰራል?
ልጆቹን ያስተምራል?
ሞዴል አርሶ አደር ተብሎ ይሸለለማል?
በየት አገር በብአዴን ስብሰባ ላይ እንድትገኝ ተብሎ በደብዳቤ ይጠራል?
እንዴት ሽፍታ የመለስ ዜናዊን አደራ ለመወጣት በምንችልበት ሁኔታ ለመወያያት እንድንነጋገር ይባላል? ››

ጥያቄዎቹን ፖሊሶቹ ሊመልሱላቸው ባለመቻላቸው ወደ ክልሉ አስተዳደር አምርተዋል፡፡ክልሉ ለዞኑ ዞኑ ለወረዳው ደብዳቤ እየጻፈ እስካሁን ድረስ የአቶ ማስረሻ እውነተኛ የግድያ መንስኤ መታወቅ አልቻለም፡፡

ይህች ህጻንና ቤተሰቦቿ የሁላችሁንም ወገንተኝነት በአክብሮት ይጠይቃሉ
ሰሜን ጎንደር ዳባት ወረዳ ነዋሪ የነበሩት የ55 ዓመቱ አቶ ማስረሻ ጥላሁን የተመሰከረላቸው አርሶ አደር ገበሬ በመሆናቸው የክልሉ ግብርና ጽ/ቤት ሞዴል አርሶ አደር በማለት ሸልሟቸዋል፡፡የሁለት ወንድና የአምስት ሴት ልጆች አባት የሆኑት አቶ ማስረሻ ወሰኔን ገፍተሃል የሚል ክስ ቀርቦባቸው በዳባት ፍርድ ቤት 300 ብር መቀጮ ተጥሎባቸው በመክፈል ወደ እርሻቸው ቢመለሱም የገበሬ ቀበሌ ማህበሩ ሊያስቀምጣቸው አልቻለም፡፡

ጥቅምት 15/2006ዓ.ም ከሁለተኛ ልጃቸው ሰለሞን ማስረሻ ጋር አትክልት ተክለው አመሻሹ ለይ ተዳክመው መኖሪያ ቤታቸው ገብተዋል፡፡ማለዳ 12፡00 ከመኝታው ባላቋረጠው የውሾች ጩህት ከእንቅልፉ ተነሳው ሰለሞን በሩን ከፍቶ ሲወጣ የጥይት እሩምታ ይወርድበታል፡፡አባት ልጄን ብለው የሌሊት ልብሳቸውን እንደለበሱ ወደ ውጪ ሲወጡ የጥይቶቹ አቅጣጫ ወደ እርሳቸው በመዞሩ ማን እንደተኮሰባቸውና ማን እንደመታቸው ለማየት እንኳን ሳይታደሉ ይህችን ጨካኝ አለም ተሰናበቱ፡፡
መኖሪያ ቤቱ ላይ በሚወርደው የጥይት እሩምታ የተነሳ ሁለት ላሞችና አንዲት ጊደር ተገደሉ፡፡የስምንት አመቷ ስለእናት ማስረሻ ቀኝ እጇ ላይ በጥይት ተመታች፡፡

በደቡብ ሱዳን የሚገኙ ኢትዮጵያውያን መንግስት እንዲታደጋቸው እየተማጸኑ ነው

December 27/2013

ታህሳስ ፲፰ አስራ ስምንት )ቀን ፳፻፮ ዓ/ም ኢሳት ዜና :-ዩኒቲ በሚባለው ግዛት ውስጥ የሚገኙ ኢትዮጵያን በጦርነት አጣብቂኝ ውስጥ መገኘታቸውንና ህይወታቸው አደጋ ውስጥ መውደቁን ተናግረዋል።

በግዛቱ ውስጥ በአንድ የመንገድ ስራ ድርጅት ውስጥ ተቀጥረው የሚሰሩ 6 ኢትዮጵያውያን እንደተናገሩት በሁለቱ ተፋላሚ ሀይሎች መካከል የሚደረገውን የተኩስ ልውውጥ ለማምለጥ ያለፉትን ሁለት ቀናት በከባድ ማሽነሪዎች ውስጥ በመደበቅ ለማሳለፍ ተገደዋል። በአካባቢያቸው 2 ኢትዮጵያውያን መገደላቸውንና 3ቱ ደግሞ መቁሰላቸውን ተናግረዋል።

እስካሁን ድረስ ምን ያክል ኢትዮጵያውያን እንደሞቱ ባይታወቅም፣ የአሜሪካ ድምጽ ራዲዮ በአገሪቱ የሚገኙ ኢትዮጵያውያንን በማነጋገር እንደዘገበው የሞቱ ኢትዮጵያውያን ቁጥር እስከ ታህሳስ 17፣ 2006 ዓም ድረስ ቢያንስ 30 ይደርሳል።

ኢሳት ያነጋገራቸው ኢትዮጵያውያን እንደሚሉት መንግስት እስካሁን ድረስ ዜጎቹን ለመሰብሰብ ጥረት እያደረገ አይደለም። ጎረቤት አገሮች ኬንያና ኡጋንዳ ዜጎቻቸውን ሲያስወጡ የኢትዮጵያ መንግስት ምንም አይነት እርምጃ ለመውሰድ አለመፈለጉ ለብዙዎች እንቆቅልሽ ሆኗል። ኢትዮጵያውያን አሁንም መንግስት እንዲደርስላቸው ጥሪ አቅርበዋል

በጆንግሌ ግዛት የተደፈሩ 4 ኢትዮጵያውያን ጁባ ውስጥ በሚገኘው የተባበሩት መንግስታት ድርጅት ሆስፒታል ውስጥ ህክምና እንዲያገኙ ተድርጓል።x

ይህ በእንዲህ እንዳለ የምስራቅ አፍሪካ መንግስታት በናይሮቢ ኬንያ ያደረጉትን ስብሰባ ተከትሎ የደቡብ ሱዳን ፕሬዚዳንት ሳልቫ ኪር በግላቸው ተኩስ እንደሚያቆሙ አስታውቀዋል። አገራቱ የመንግስትን እርምጃ የደገፉ ሲሆን፣ የኬንያው መሪ ኡሁሩ ኬንያታ በዲሞክራሲያዊ መንገድ የተመረጠን መሪ በሀይል ለማውረድ የሚደረገውን እንቅስቃሴ እንደማይደግፉ ገልጸዋል።

የተቃዋሚዎች መሪ የሆኑት ሪክ ማቻርም በተመሳሳይ መንገድ ተኩስ እንዲያቆሙ የምስራቅ አፍሪካ መሪዎች ተማጽኖ አሰምተዋል። መሪዎቹ በሚቀጥሉት 4 ቀናት ፊት ለፊት ተገናኝተው እንዲወያዩ ኢጋድ ማስጠንቀቂያ ሰጥቷል።እስካሁን በተካሄደው የእርስ በርስ ጦርነት ከ1 ሺ በላይ ሰዎች መገደላቸውን አለማቀፍ የመገናኛ ብዙሀን ዘግበዋል;፡

በሳውድ አረቢያ የኢትዮጵያ ቆንስላ ጽህፈት ቤት ውስጥ ዘረኝነትና ሙስና ተስፋፍቷል ተባለ

December 27/2013

ታህሳስ ፲፰( አስራ ስምንት )ቀን ፳፻፮ ዓ/ም ኢሳት ዜና :-ኢሳት ከቆንስላው ባገኘው የውስጥ መረጃ በሃላፊነት ላይ የተመደቡት አምስቱ ዲፕሎማቶች በዘረኝነትና በሙስና ከመዘፈቃቸው ም በተጨማሪ ሊሴ ፓሴ ለማውጣት ወደ ቆንስላው የሚደውሉትን ስደተኞች በስብሰባ ሰበብ የሉም በማስባል ጉዳያቸውን እያስፈጸሙ እንደልሆነ ተመልክቷል። ከአንድ ወር በፊት ከ160 ሺ በላይ ህዝብ የተፈናቀለበትን ችግር ለማወቅ በቆንስላው የተገኙትና ከዲፕሎማቶች ውጭ ያሉ ሰራተኞችን ብቻ በመሰብሰብ ” የችግሩ ምንጭ ምንድነው በማለት?” የተወያዩት የውጭ ጉዳይ ሚ/ር ቴዎድሮስ አድሃኖም፣ ለዚህ ሁሉ ችግር መፈጠር መንስኤ በሆኑት ዲፕሎማቶች ላይ አፋጣኝ እርምጃ እንደሚወስዱ ተናግረው የነበረ ቢሆንም እስካሁን የወሰዱት እርምጃ አለመኖሩ ታውቋል።

“የመኖሪያ ፈቃድ የላችሁም” በሚል ምክንያት ኢትዮጵያውያን ከሳውድ አረቢያ እንዲወጡ ሲታዘዙ፣ ከዚህ ቀደም በቋሚነት ተቀጥረው ይሰሩ የነበሩ 24 የቆንስላው ሰራተኞችን የሚያግዙ በአገሪቱ የሚኖሩ 40 ድጋፍ ሰጪ ኢትዮጵያውያን ሰራተኞች ህዳር 12 ቀን 2006 ዓም ለ3 ወራት በሚቆይ የኮንትራት ጊዜ ተቀጥረዋል። ከተቀጠሩት 40 ሰራተኞች መካከል 30 ዎቹ  ሰራተኞች የተቀጠሩት የዲፕሎማቶች የቅርብ ቤተሰቦችና ዘመዶች ናቸው። አብዛኞቹ ሰራተኞችም የተቀጠሩት የዘር ማንነታቸው እየታየ ሲሆን ከተቀጣሪዎቹ መካከል እንግሊዝኛ፣ አማርኛና አርበኛ ከማይናገሩት ጀምሮ ማስተርስ እና የመጀመሪያ ዲግሪ ያላቸው ይገኙበታል።

ከተቀጣሪዎቹ መካከል የተሻለ የትምህርት ደረጃና ብቃት ያላቸው 10 ሰዎች ከአንድ ወር በሁዋላ ታህሳስ 14 ቀን  ተመርጠው እንዲባረሩ ሲደረግ 30 ዎቹ የዲፕሎማቶች ቤተሰቦች እንዲቆዩ ተደርጓል። አስሩ ሰዎች እንዲባረሩ የተደረጉት ከመባረራቸው ከአንድ ሳምንት በፊት  ከውጭ ጉዳይ መስሪያ ቤት ሰባቱበቋሚነት እንዲቀጠሩ ደብዳቤ መላኩን ተከትሎ ፣ በትምህርት ደረጃና በችሎታቸው የተቀጠሩትን አስቀድሞ በማባረር እና ውድድር ውስጥ እንዳይገቡ በማድረግ የዲፕሎማቶችን ቤተሰቦች  እድሉን እንዲያገኙ ለማድረግ መሆኑ ታውቋል። በቆንስላው ውስጥ የሚሰሩ ሰራተኞች ከ1 ሺ 300 እስከ 1 ሺ 500 ሪያድ የሚከፈላቸው ሲሆን፣ ለአዲሶቹ የሚከፈላቸው 2000 ሪያድ ነው።

የውጭ ጉዳይ ሚኒስትር ዶ/ር ቴዎድሮስ የቆንስላውን ዲፕሎማቶች በማግለል ሰራተኞችን በዝግ ስብሰባ ያነጋገሩ ሲሆን፣ ሰራተኞችም የሳውድ አረቢያ ችግር ከመፈጠሩ በፊት የነበረውን ችግር አንድ ባንድ ዘርዝረው በድፍረት ተናግረዋል። የውጭ ጉዳይ ሚኒስትሩ አፋጣኝ እርምጃ እንደሚወስዱ ለሰራተኞች ቃል ገብተው የሄዱ ቢሆንም እስካሁን ምንም እርምጃ ባለመውሰዳቸው ችግሩ ተባብሶ መቀጠሉ ታውቋል።

አንደኛው ዲፕሎማት 9 ዘመዶቹን ሲያስቀጥር፣ ሌላዋ ደግሞ 8 ቤተሰቦቿንና የብሄሩዋን ልጆች ብቻ በመምረጥ አስቀጥራለች። ቀሪዎቹ 13 ሰዎች ደግሞ የሌሎች ዲፕሎማቶች ዘመዶችና ወዳጆች ናቸው።

ዲፕሎማቶቹ በሳውድ አረቢያ የሚኖራቸው ቆይታ ከ4 አመት የማይዘል በመሆኑንም ጊዜያቸውን ሀብት በማከማቸት እንደሚያጠፉ ታውቋል። ምንም እንኳ መንግስት ወደ ሳውድ አረቢያ የሚደረገው ህገወጥ ጉዞ እንዲቆም ቀደም ብሎ መመሪያ ቢያስተላልፍም፣ በሳውዲ በሚገኘው የኢትዮጵያ ኮሚኒቲ ሊቀመንበር አማካኝነት የህገወጥ የሰዎች ዝውውር በዲፐሎማቶች አማካኝነት ሲካሄድ መቆየቱን መረጃው ያሳያል።

በእስር ቤት ውስጥ የሚገኙ በሺዎች የሚቆጠሩ ኢትዮጵያውያን ሊሴ ፓሴ እንዲሰራላቸው በተደጋጋሚ ሲጠይቁ፣ ዲፕሎማቶቹ ” ስብሰባ ላይ ናቸው” በሚል ለጥያቄያቸው መልስ እንደማይሰጡ መረጃው ያመለክታል።  የሳውዲው ችግር እንደተፈጠረ የውጭ ጉዳይ ሚኒስትሩ ለዲፕሎማቶቹ በሰጡት ጥብቅ ትእዛዝ ለአንድ ወር ያክል ፈጣን አገልግሎት በመስጠት ከ130 ሺ በላይ ሰዎች ወደ አገራቸው እንዲመለሱ ለማድረግ ቢችሉም፣ በአሁኑ ጊዜ ወደ ቀድሞ ሁኔታቸው መመለሳቸው ታውቋል። በእስር ቤቶች ውስጥ የሚገኙ በርካታ ኢትዮጵያውያን አሁንም ሊሴ ፓሴ እንዲሰራላቸው በተደጋጋሚ ወደ ቆንስላው ስልክ እንደሚደውሉ ቢታወቅም፣ አገልግሎት እያገኙ አለመሆኑ ግን ታውቋል።

የጁነዲን ባለቤት በድርድር ተፈቱ !!/ከኢየሩሳሌም አርአያ/

December 27/2013

የቀድሞ የኦህዴድ/ኢህአዴግ አመራር አባልና ሚኒስትር የነበሩት አቶ ጁነዲን ሳዶ ባለቤት በውስጥ በተደረገ ድርድር ከእስር እንዲለቀቁ መደረጉን የቅርብ ምንጮች ለዝግጅት ክፍላችን ገለጹ። « ከሳኡዲ ኤንባሲ ገንዘብ ተቀብለው ሲወጡ እጅ ከፍንጅ ተይዘዋል» በሚል በሽብርተኝነት ወንጀል እንዲከሰሱ የተደረጉትና ለአንድ አመት የታሰሩት የአቶ ጁነዲን ባለቤት ወ/ሮ ሃቢባ መሐመድ ከሕወሐት መሪዎች በተላለፈ ቀጭን ትእዛዝ እንዲፈቱ መደረጉን የጠቆሙት ምንጮቹ አክለውም ይህ ሊሆን የቻለው በስደት ከሚገኙት አቶ ጁነዲን ሳዶ ጋር በተደረገ ምስጢራዊ ድርድር ላይ “መንግስት ከዚህ ቀደም በወሰዳቸው እርምጃዎች፣ ፖለቲካዊ ምስጢራዊ ጉዳዮችና ገዢውን ፓርቲ የሚመለከቱ ማንኛውም ነገሮች በየትኛውም ቦታ ላለማጋለጥ፣ ላለመናገር፣..” ከጁነዲን ጋር ከስምምነት ከደረሱ በኋላ ባለቤታቸው እንዲፈቱ መደረጉን አስታውቀዋል።

 በሙስና የተጨማለቁት አባዱላ ገመዳ እንዲሁም ደ/ፂዮንና ፀጋዬ በርሄ ከጁነዲን ጋር እንደተደራደሩ ምንጮቹ አያይዘው ገልፀዋል። መጀመሪያም ወ/ሮ ሃቢባ የሰሩት ወንጀል ኖሮ አይደለም የታሰሩት ያሉት ምንጮቹ አቶ ጁነዲን ከስልጣን ለማንሳት ሲባል ብቻ የተወሰደ እርምጃ መሆኑን ገልፀዋል። ጁነዲን ባለቤታቸው ከታሰሩ በኋላ በስልጣን ላይ እያሉ እንዲያውም ያለመከሰስ መብታቸው ሳይነሳ ሚሚ ስብሃቱ በምታዘጋጀው ራዲዮ ጣቢያ « ጁነዲን መታሰር አለባቸው፤ መንግስት እስከ አሁን እርምጃ የማይወስደው ለምንድነው?..ባለቤታቸው አሸባሪ ናት» በማለት የፍ/ቤትን ነፃነት ጭምር በሚጋፋ መልኩ ቅስቀሳ ይካሄድ እንደነበረ ምንጮቹ አስታውሰዋል። አቶ ጁነዲን ከአገር ከወጡ በኋላ እውነቱን እያወቁ መደራደራቸውና ባለቤታቸውን በማስፈታት ሌሎች ንጹሃን የሙስሊሙ ማህበረሰብ ተወካዮች ላይ በተዘዋዋሪ በመፍረድ የኢህአዴግና ካንጋሮው ፍ/ቤት ተባባሪ መሆናቸው አሳዛኝ ነው ብለዋል ምንጮቹ።

 አቶ ጁነዲን ምናልባትም « ባለቤቴ በፍ/ቤት ነፃ ተባለች» በሚል በኢትዮጲያ የፍትህና የፍ/ቤት ነፃነት እንዳለ አስመስለው ሊናገሩ እንደሚችሉ ማረጋገጫ የለም ያሉት ምንጮቹ አክለውም ጁነዲን ምንም አሉ ምን በስልጣን እያሉ ለፈፀሙት ወንጀል መጠየቃቸው እንደማይቀር መታወቅ አለበት ብለዋል።

የዉህደት ሐሳብና ፈታኙ የብሄር ፖለቲካችን

December 27/2013
 ከአብረሃ ደስታ
ህዝብ ለውጥ ይፈልጋል። የሰው ልጅ በተፈጥሮው ለውጥ ፈላጊ ነው። ሰው የሚኖረው ለመለወጥ ነው። ለውጥ ለማምጣት የወደፊት የጉዞ መስመራችን መቀየስ ያስፈልጋል። የወደፊት የጉዞ መስመራችን ለመቀየስ ትክክለኛውን የፖለቲካ አቅጣጫ መምረጥ ይኖርብናል። ትክክለኛውን የፖለቲካ አቅጣጫ ለመምረጥ አማራጭ የሐሳብ መንገዶችን ማዘጋጀት ያስፈልጋል። አማራጭ የሐሳብ መንገዶችን ለማዘጋጀት የተለያዩ የየራሳቸው አማራጭ መንገድ ያላቸው ተቃዋሚ (አማራጭ መንገድ አቅራቢ) የፖለቲካ ፓርቲዎች መኖር አለባቸው። 

ገዢው ፓርቲ የራሱ አማራጭ ሐሳብ መንገድ ያቀርባል። ተቃዋሚዎችም ሌላ አማራጭ መንገድ ያቀርባሉ። ከሁሉም አማራጮች የተሻለውን መንገድ ይመረጣል። የተሻለውን መንገድ የሚመርጠው አካል ማነው? መንገዱ የሚመርጠው ተጓዡ ነው። ተጓዡ ማነው? ህዝቡ ነው። ህዝቡ በነፃነት የተሻለውን መንገድ ለመምረጥ ዕድል ይሰጠዋል። ከዛ ሁላችን አብዛኝው ህዝብ በመረጠው መንገድ አብረን እንጓዛለን። የተሻለ ለውጥም እናመጣለን። ለውጥ ካላመጣን የመረጥነው መንገድ ትክክል አልነበረም ማለት ስለሚሆን በሚቀጥለው ምርጫ ሌላኛው መንገድ እንከተላለን።

ህዝብ የተሻለውን የሐሳብ መንገድ ለመምረጥ ስለ አማራጮቹ ሙሉ መረጃ ሊኖረው ይገባል። አማራጭ አቅራቢዎቹም (ገዥው ፓርቲና ተቃዋሚዎች) የየራሳቸው የሐሳብ መንገድ ለህዝብ በነፃነት ማቅረብ ይኖርባችኋል። ገዢው ፓርቲ የመንግስት ስልጣንና ሃብት ስለተቆጣጠረ የመንግስት መዋቅርና ሃብት ተጠቅሞ ከህዝብ ጋር በቀላሉ መገናኘት ይችላል።

የሚፈተኑት ተቃዋሚዎች ናቸው። ተቃዋሚ ፓርቲዎች አማራጭ የሐሳብ መንገድ አቅራቢ እንዲሆኑ ከህዝብ ጋር ተገናኝተው አማራጫቸውን የሚያቀርቡበት ዓቅም ሊኖራቸው ይገባል። ተቃዋሚዎች ዓቅም እንዲኖራቸው መጀመርያ የህዝብ ድጋፍ ሊኖራቸው ይገባል። የህዝብ ድጋፍ ለማግኘት ወደ ህዝብ ወርደው መቀስቀስ አለባቸው።

የኢትዮጵያ ህዝብ በብሄር፣ በጎጥ ወዘተ የተከፋፈለ ነው። በጎጥና በብሄር የሚያስብ ሰው ለመቀስቀስ የግድ ስለ ጎጥና ብሄር ማንሳት አለብህ። “እኛ ለናንተ ጥቅም የቆምን ነን፣ እነ እገሌ ጠላቶቻችን ናቸው …ወዘተ” እያልክ የ“እኛና እነሱ” ፖለቲካ መጫወት አለብህ። ይህን ዓይነት ከፋፋይ ስትራተጂ ግን ትክክለኛ የሐሳብ መንገድ ሊሆን አይችልም። ምክንያቱም የመላው ሀገር ህዝብ ወደ አንድ አቅጣጫ መርቶ ሁላችን ተባብረን ለውጥ የምናመጣበት አማራጭ ሐሳብ አይደለም። “የኛና የነሱ ፖለቲካ” ከፋፋይ ነው።

ትክክለኛ የሐሳብ መንገድ ሁሉም ኢትዮጵያውያን በአንድነት ወደ አንድ አቅጣጫ መርቶ ለውጥ የሚያመጣ እንጂ ኢትዮጵያውያን ከፋፍሎ እርስበርሳቸው እንዲጠራጠሩና እንዳይግባቡ የሚያደርግ መሆን የለበትም። ትክክለኛ የሐሳብ መንገድ ለማስተዋወቅ “ለሁሉም ህዝቦች የሚጠቅም ይሄ ነው፤ ይህ መንገድ ከተከተልን ሁላችን አንድ ላይ የተሻለ ደረጃ እንደርሳለን” ብለን ማለት አለብን። አንድ አቅጣጫ መከተል የራሳችን ወይ የየግላችን ማንነት፣ ባህል፣ ቋንቋ፣ ሃይማኖት ወዘተ መርሳት አለብን ማለት አይደለም። በአንድ ሀገራዊ የፖለቲካ አቅጣጫ ለመራመድ የግድ አንድ ሃይማኖትና ቋንቋ መያዝ የለብንም። የየራሳችን ማንነት ይዘን ኢትዮጵያዊ በሆነ የጋራ ማንነታችን አንድ መሆን እንችላለን።

ግን የኢትዮጵያውያን የፖለቲካ ንቃተ ህሊና አነስተኛ ነው (ፖለቲከኛ እንዲህ ብሎ መደምደም የለበትም አይደል? አንዳንዶቹማ “ለህዝብ ያለህ ንቀት የሚያሳይ ነው ይሉኛል”)። በዚህ ምክንያት ህዝብ ለመጀንጀን የሀገር (የጋራ ጉዳይ) ከምታነሳ የጎጥና የብሄር ጉዳይ ብትቀላቅል የአከባቢው ህዝብ የበለጠ ያምነሃል፣ ይደግፈሃል። ጎጥና ብሄር ለይተህ “እንዲህ አደርግላቸዋለሁ …” ስትላቸው የበለጠ ይደግፉሃል። ይህን ዓይነት የፖለቲካ ቅስቀሳ ድጋፍ ብታገኝበትም መርሁ ግን ስህተት ነው። ምክንያቱም ለሁሉም ኢትዮጵያውያን በጋራ የሚጠቅም አቅጣጫ መቀየስ ሲገባህ ለተወሰነ የሕብረተሰብ ክፍል ብቻ መቆምህ በራሱ ሀገራዊ የጋራ ጉዞው በአሉታዊ መልኩ ይጎዳዋል።

ግን የፖለቲካ ፓርቲ የህዝብ ድጋፍ ያስፈልገዋል። የፖለቲካ ድርጅት ትክክለኛና ሀገርዊ የሐሳብ መንገድ ቢኖረው እንኳ የህዝብ ድጋፍ ከሌለው ዋጋ የለውም። እናም ብዙ የኢትዮጵያ ተቃዋሚ ፓርቲዎች ሀገራዊ አጀንዳ ይዘው በአከባቢና በብሄር የተደራጁ አሉ። ከነዚህ ፓርቲዎች ዉስጥ ዓረና ትግራይ፣ የኦሮሞ ፌደራላዊ ኮንግረስ፣ ደቡብ ሕብረት ወዘተ ይገኙባቸዋል።

እነዚህ የፖለቲካ ድርጅቶች ክልላዊ ወይ የብሄር ፓርቲዎች መሆናቸው የአከባቢው ወይ የብሄሩ ተወላጆች ድጋፍ እንዲያገኙ ይረዳቸዋል። ወደ ሀገራዊ ፓርቲነት ሲሸጋገሩ የአከባቢው ህዝብ ድጋፍ ሊያጡ ይችላሉ። ምክንያቱም የኢትዮጵያ ህዝብ በብሄርና በአከባቢ ተከፋፍለዋል። የብሄር ፖለቲካ ነጣጥሎናል። በኢትዮጵያዊነት ማሰብ እንደ ከሃዲና ለህዝቡ ጥቅም የማይቆም የከሰረ ፖለቲከኛ ያስቆጥራል። የኢትዮጵያዊነት ስሜት በብሄርና ጎጥ ተተክቷል። ስለዚህ የብሄር ፖለቲካ ፈተና ሁኗል።

ተቃዋሚዎች የብሄር ፖለቲካ በፈጠረው ችግር ምክንያት የህዝብ ድጋፍ የሚያገኙበት ስትራተጂ ነድፈው በብሄርና በክልል ተደራጅተዋል። ግን የህዝብ ድጋፍ ማግኘት ለፖለቲካ ፓርቲ አስፈላጊ እንጂ በራሱ ግብ አይደለም። ምክንያቱም የፖለቲካ ፓርቲዎች የሚታገሉት የህዝብ ድጋፍ ለማግኘት ብቻ አይደለም። የፖለቲካ ፓርቲ ዓላማ አማራጭ የፖለቲካ አቅጣጫ በመቀየስ በሀገሪቱ የተሻለ የፖለቲካና የኢኮኖሚ ለውጥ ማምጣት መቻል ነው።

የተሻለ ለውጥ ለማምጣት ተቃዋሚ ፓርቲዎች በትረ ስልጣን መጨበጥ አለባቸው። በትረ ስልጣን መጨበጥ በራሱ ግብ ባይሆንም አማራጭ ፖሊሲዎችን ተግባር ላይ ለማዋል የሚረዳ ስትራተጂ ነው። ምክንያቱም ስልጣን ካልተያዘ አማራጭ ፖሊሲህን በሀገር ደረጃ ተግባራዊ ማድረግ አይቻልም። ስልጣን ለመያዝ ደግሞ በሀገሪቱ ያለው ገዢ ፓርቲ ማሸነፍ የግድ ይላል። ገዢውን ፓርቲ ለማሸነፍ በሀገር ደረጃ መንቀሳቀስ የግድ ነው። በሀገር ደረጃ ለመደራጀት ከሌሎች ብሄሮች ወይ ክልሎች የመጡ ፓርቲዎች ጋር ግንባር ወይ ሕብረት ወይ ዉህደት መፈፀም ግድ ይላል። ከሌሎች ጋር ዉህደት መፈፀምም ፈተና አለው፤ “ከጠላቶቻችን ጋር አብረዋል” የሚል ስም የማጥፋት ዘመቻ ይከፈትብሃልና።

ዓረና ፓርቲ እንውሰድ። ዓረና ክልላዊ ፓርቲ ነው። በክልል ደረጃ እየተንቀሳቀሰ የትግራይ ህዝብ ድጋፍ እያገኘ ነው (ወይ ያገኛል ብለን እንገምት ሐሳብ ለመስጠት እንዲመቸኝ)። ዓረና የህዝብ ድጋፍ አግኝቶ ካሸነፈ የሚይዘው ወንበር የትግራይ ክልል ነው። ዓረና የትግራይ ክልል ፓርቲ እስከሆነ ድረስ የሚያሸንፈው በትግራይ ብቻ ይሆናል። ዓረና በትግራይ ክልል ካሸነፈ በኋላ ምን ያደርጋል? ሀገራዊ ስልጣን መያዝ አይችልም። ታድያ ምን ያድርግ? ትግራይን ይገንጥል???

ዓረና ፓርቲ ትግራይን የመገንጠል ዓላማ የለውም። አማራጭ ሐሳቡ ለህዝብ አቅርቦ በህዝብ ተመርጦ መንግስታዊ ስልጣን ከህዝብ ተቀብሎ ኢትዮጵያ ሀገራችን ወደ ተሻለ ለውጥ የምት ሸጋገርበት መድረክ ይከፍታል። ስለዚህ ዓረና የተደራጀው በክልል ሁኖ ዓላማው ግን ሀገራዊ ከሆነ ምን ማድረግ አለበት? ከሌሎች ኢትዮጵያውያን የፖለቲካ ድርጅቶች ጋር ዉህደት ወይ ሕብረት ወይ ግንባር መፍጠር የግድ ነው።

ዓረና ከሌሎች ድርጅቶች ጋር ዉህደት ለመፈፀም በሚዘጋጅበት ግዜ ህወሓቶች የከፈቱት የማጥላላት ዘመቻ አለ። “ዓረና ከትግራይ ህዝብ ጠላቶች፣ የደርግ ስርዓት ርዝራዦች፣ ደቂቀ ምኒሊክ ወዘተ በማበር የትግራይን ህዝብ ለመጨቆን እየተንቀሳቀሰ ነው” ይላሉ። ታድያ ዓረና ከሌሎች ድርጅቶች ጋር ካላበረ ትግራይን ማስገንጠል አለበት? አይሆንም። ወይስ ህወሓት እንዳደረገው ሁሉ ዓረናም የራሱ አሻንጉሊት ድርጅቶች መፈብረክ ይኖርበታል?

ህወሓት ትግራይን የማስገንጠል (ማሌሊት የመመስረት) ዓላማ ይዞ ታግሎ ካሸነፈ በኋላ ኢትዮጵያን መቆጣጠር ሲያምረው ከሌሎች ጋር (ራሱ የፈበረካቸው አሻንጉሊቶች ቢሆኑም) ማበሩ አልቀረም። እኛ ግን ህወሓት ከጠላቶቻችን ጋር አብረዋል ብለን አልተከራከርንም፣ ጠላትም የለንም። ህወሓት “ጠላቶቻችን” እያላቸው ያሉ ሰዎች የደርግና የኢህአፓ ፖለቲከኞች የነበሩ ናቸው። ህወሓት ራሱ ግን ከደርጎችና ከኢህአፓዎች ጋር ነው እየሰራ ያለው። ኦህዴዶች የተማረኩ የደርግ ወታደሮች ናቸው። ብአዴኖችም የኢህአፓ ተገንጣዮች ናቸው።

እኛ ሰው በድሮ ታሪኩ የመመዘን ባህል የለንም። የደርግ ኢሠፓ ወይ የኢህአፓ አባል ስለነበረ ብቻ የህዝብ ጠላት ነው አንልም። ማንም ሰው በህዝብ ላይ ወንጀል ሰርቶ ከሆነ በሕግ ይጠየቃል እንጂ ህወሓትን ሲቃወም እንደ ጠላት የሚታይ፣ ህወሓትን ሲያገለግል ግን ወዳጅ የሚባል ከሆነ ተቀባይነት የለውም። ለማንኛውም የህወሓት ታሪክ የሃይል ታሪክ ስለሆነ ህወሓት የጠመንጃ ጉልበቱ ተጠቅሞ፣ አሻንጉሊቶችን ፈብርኮ ህዝቦች ያለ መልካም ፍቃዳቸው እየገዛ ይገኛል። የህወሓት የሃይል አገዛዝ ለማንም አልጠቀመም።

ዓረና ግን የራሱን አሻንጉሊት ድርጅቶች በመመስረት ሌሎች ህዝቦችን በሃይል የመግዛትና የመጨቆን ዓቅም ይሁን ዓላማ የለውም። ምክንያቱም የዓረና መንገድ ሰለማዊ ትግል እንጂ እንደ የህወሓቱ የትጥቅ ትግል አይደለም። ዓረና የህወሓት/ኢህአዴግ መንገድ አይከተልም። ደኢህዴን በኢህአዴግ ተፈጠረ። ኦህዴድ በብአዴን ተፈጠረ። ብአዴን በህወሓት ተፈጠረ። ህወሓትም በጠመንጃ ተፈጠረ። ስለዚህ አራቱ የኢህአዴግ ድርጅቶች የጠመንጃ ውጤት ናቸው።

ዓረና የተፈጠረው በሐሳብ ነው። ስልጣን ለመያዝ የሚታገለውም በህዝብ ምርጫ (ሰለማዊ መንገድ) እንጂ በጠመንጃ አፈሙዝ አይደለም። ስለዚህ ህወሓት እንዳደረገው የራሱ አሻንጉሊቶች አይመሰርትም። ዓረና ራሳቸው ችለው፣ በራሳቸው መንገድና ዓላማ ከሚጓዙ ሌሎች ድርጅቶችን ነው ዉህደት መፍጠር የሚፈልገው።

በሰለማዊ ትግል አንድ ፓርቲ ከሌሎች ፖለቲከኞች ጋር አብሮ ሲሰራ ወይ ዉህደት ሲፈጥር ዉህደቱ የሚከናወነው ከፖለቲከኞቹ ጋር ሳይሆን ከመራጭ ህዝቡ ነው። ምክንያቱም ሰለማዊ ታጋይ ስልጣን የሚይዘው በህዝብ ፍቃድ (ምርጫ) ነው። ያለ ህዝብ ፍቃድ ስልጣን አይዝም። ስልጣን ካልያዘ ህዝብ የሚጎዳበት ወይ የሚጠቅምበት አጋጣሚ አይኖርም።

በትጥቅ ትግል ስልጣን የሚያዘው በሃይል ነው። የህዝብ ፍቃድ መጠየቅ አያስፈልግም። ለዚህም ነው ህወሓት ኦህዴድን ለኦሮሞ ህዝብ፣ ብአዴን ደግሞ ለአማራ ህዝብ ራሱ መርጦ የሸሞላቸው። የኦሮሞ ህዝብ ምርጫ ኦህዴድ ሳይሆን ኦነግ ሊሆን ይችላል። ግን ኦነግ በህወሓት ስላልተወደደ ኦህዴድ ተመረጠላቸው። ኦህዴድ የተመረጠበት ምክንያት ለኦሮሞ ህዝብ የተሻለ ስለሆነ ሳይሆን ለህወሓት (ከኦነግ) የተሻለ ታዛዥ ስለነበረ ነው። የአማራ ህዝብ ምርጫም ብአዴን ላይሆን ይችል ነበር። ግን ብአዴን በህወሓት ስለተመረጠ የአማራ ህዝብ ገዢ ተደርጎ ተሾመ። ደኢህዴንም እንደዚሁ። ስለዚህ በትጥቅ ትግል በህዝብ ያልተመረጡ (‘የህዝብ ጠላቶች’ ልበለው በህወሓትኛ ቋንቋ) ገዢዎች ስልጣን የሚይዙበት ዕድል አለ።

በሰለማዊ ትግል ግን በህዝብ ያልተመረጠ ፖለቲከኛ ስልጣን የሚይዝበት አጋጣሚ አነስተኛ ነው። ምክንያቱም ስልጣን የጠመንጃ ሳይሆን የህዝብ ነው። ስለዚህ ዓረና ፓርቲ ከሌሎች ድርጅቶች (በህወሓት ቋንቋ መሰረት ‘የትግራይ ህዝብ ጠላቶች’) ዉህደት ቢፈጥር እንኳ ፖለቲከኞቹ በህዝብ ሊመረጡ ወደ ህዝብ ስለሚቀርቡ በህዝብ የማይፈለጉ ግለሰቦች ስልጣን የሚይዙበት ዕድል አይኖርም።

ዓረና ከአንድነት ፓርቲ፣ ከኦፌኮ፣ ከድቡብ ሕብረት፣ ከሰማያዊ ፓርቲ፣ ከኢዴፓ፣ ከመኢአድ ወዘተ ዉህደት ቢፈጥር በነዚህ ድርጅቶች ያሉ ፖለቲከኞች በሚቀጥለው ምርጫ ለህዝብ ይቀርባሉ። ህዝብ ከመረጣቸው ህዝብ ወክለው ይመጣሉ፣ በህዝብ ድምፅና መልካም ፍቃድ ስልጣን ይይዛሉ። ዓረናም በህዝብ ከተመረጠ ህዝብ ወክሎ ሐላፊነት ይሸከማል። ከተመረጡት ፖለቲከኞችም አብሮ ይሰራል።

በህዝብ ከተመረጡና ዓረናም ከነሱ ጋር አብሮ ከሰራ “ዓረና ከትግራይ ህዝብ ጠላቶች ጋር …” ገለመሌ ብሎ ነገር አይሰራም። ምክንያቱም ዓረና አብሮ የሚሰራው በህዝብ ከተመረጡ (ወይ ለምርጫ ከሚቀርቡ) ፖለቲከኞች ጋር ነው። በህዝብ ከተመረጡ (ወይ ከሚመረጡ) ሰዎች ጋር አብሮ መስራት ከህዝብ ጋር አብሮ እንደመስራት ነው። ምክንያቱም አንድ ፖለቲከኛ ከህዝብ ጋር አብሮ መስራት አለበት። ከህዝብ ጋር አብሮ ለመስራት ህዝብ ከመረጣቸው ወይ ከሚመርጣቸው ፖለቲከኞች ጋር አብሮ መስራት ይጠይቃል። ህዝብ የሚሳተፈው በተወካዮቹ በኩል ነውና።

ስለዚህ “የትግራይ ጠላቶች” ምናምን ብሎ ነገር የለም። ምክንያቱም ግለሰቦቹ ወይ ድርጅቶቹ የትግራይ ህዝብ ባይመርጧቸው እንኳን ሌላ የመረጣቸው (የሚመርጣቸው) ህዝብ አለ። የአማራ ህዝብ መኢአድ ወይ ኢዴፓ ወይ ብአዴን ወይ ግንቦት ሰባት (ከተወዳደረ) ሊመርጥ ይችላል። መብቱ ነው። የህዝብ ድምፅ መከበር አለበት። የኦሮሞ ህዝብ ኦፌኮ ወይ ኦህዴድ ወይ ኦነግ (ከተወዳደረ) ሊመርጥ ይችላል። መብቱ ነው፤ የህዝቡ ድምፅ ማክበር አለብን። የትግራይ ህዝብ ዓረና ወይ ህወሓት ወይ ዴምህት (ከተወዳደረ) ሊመርጥ ይችላል። ድምፁ ማክበር አለብን።

የትግራይ ህዝብ የአማራ ህዝብ ድምፅና ፍላጎት ማክበር አለበት። የአማራ ህዝብም የኦሮሞ ህዝብ ድምፅ ማክበር አለበት። ሁሉም ህዝቦች የየራሳቸው ምርጫ (ተወካዮች) ይልካሉ። የሁሉም ተወካዮች ደግሞ ለህዝብ ሲሉ አብረው፣ ዉህደት ፈጥረው ይሰራሉ። “ይሄ ጠላታችን ነው፣ ይሄ ወዳጃችን ነው” ምናምን የለም። ምክንያቱም ጠላትህ ከሆነ አትምረጠው። በሌሎች ህዝቦች ከተመረጠ ግን አክብረው። ምክንያቱም አንተ ባትፈልገው እንኳ ሌሎች ይፈልጉታል። የራስህ ምርጭ እንዲከበርልህ ደግሞ የሌሎችን ምርጫ ማክበር አለብህ።

ሌላው መሰረታዊ ጉዳይ ደግሞ ድርጅታዊ ዉህደት ሲፈፀም የፓርቲዎቹ አይድዮሎጂ፣ ፖሊሲና ፕሮግራም መሰረት ያደረገ እንጂ የፖለቲከኞች ያለፈው ታሪክ መሰረት ያደረገ መሆን የለበትም። ምክንያቱም ዉህደት የሚፈጥሩት ግለሰቦቹ (ፖለቲከኞቹ) ሳይሆኑ የድርጅቶቹ ራእይ፣ ዓላማ፣ ፕሮግራም ወዘተ ነው። ስለዚህ ፓርቲዎች በዓላማ ከተስማሙ ቢዋሃዱ መልካም ነው። ህዝብ ጠንካራ አማራጭ የፖለቲካ ድርጅት ያስፈልገዋልና።

የኦሮሞ ፌደራላዊ ኮንግረስም (ኦፌኮ) ቢሆን ብሄር መሰረት አድርጎ የተደራጀ ነው። የኦሮሞ ህዝብ ድጋፍ ለማግኘት ‘ለናንተ ጥቅም የቆምኩ ነኝ’ ብሎ መቀስቀስ አለበት። ይህን ካላደረገ ግን ድጋፍ የሚያገኝበት ዕድል ይጠባል። ምክንያቱም ባሁኑ ግዜ የኦሮሞ ህዝብ የኦነግ የ‘ተበድለናልና እንገንጠል’ ሐሳብ እየቀረበለት ነው። የኦሮሞ ህዝብ ‘ያለፈው በደል እንርሳውና አሁን ስለ ኢትዮጵያ አንድነት እናስብ’ በሚልና ‘በደሉ ይብቃን፣ እንገንጠል’ በሚል መስቀለኛ መንገድ ቁሟል።

ኦፌኮ የኦሮሞ ህዝብን የመገንጠል ሐሳብ ሳይደግፍ ከሌሎች ኢትዮጵያውያን ጋር በአንድነት የመንቀሳቀስ አማራጭ ቢከተል የኦነግና የኦህዴድ የማጥላላት ሰለባ ይሆናል። ‘ኦፌኮ ከታሪካዊ ጠላቶቻችን፣ ደቂቀ ምኒሊክ … በማበር የኦሮሞን ህዝብ ጭቆና ለማራዘም እየተንቀሳቀሰ ነው’ ብለው በህዝብ ፊት ይከሱታል። የኦሮሞ ህዝብ ያለፈው በደል በመቀስቀስ የህዝብ ድጋፍ ያሳጡታል። ኦፌኮ የኦሮሞ ህዝብ ድጋፍ ከሌለው ደግሞ ዋጋ የለውም።

ኦፌኮ ከሌሎች የኢትዮጵያ ድርጅቶች ጋር ሕብረት መፍጠር የማያዋጣው ከሆነ ምን ማድረግ አለበት? ለብቻው መንቀሳቀስ? ለብቻው ተንቀሳቅሶ የኦሮሞን ህዝብ ድጋፍ አግኝቶ በኦሮምያ ከተመረጠና የክልሉ ስልጣን ከተቆጣጠረ ለብቻው መንግስትነት መመስረት ይችላል? በኦሮምያ ክልላዊ መንግስት መመስረት ይችላል (በፌደራላዊ የመንግስት አወቃቀር መሰረት)። ሀገራዊ ወይ ማእከላዊ መንግስት ግን መመስረት አይችልም። ሀገራዊ መንግስት ለመመስረት የግድ ከሌሎች የፖለቲካ ድርጅቶች ጋር ግንባር ወይ ዉህደት መመሰረት ይኖርበታል።

ሌላው አማራጭ ህወሓት እንዳደረገው ሁሉ ኦፌኮም ኦሮምያን ከተቆጣጠረ በኋላ በሌሎች ክልሎች የራሱ አሻንጉሊቶች መስራት ይኖርበታል። ይህ አሻንጉሊቶችን የመፈብረክ ስትራተጂ ግን አያዋጣውም። ምክንያቱም (አንድ) ግዜው ያለፈበትና ተቀባይነት የሌለው ነው። ህወሓትም አሻንጉሊቶች በመፈብረኩ አልተመሰገነምና። (ሁለት) ኦፌኮ በሰለማዊ ትግል የሚያምን እስከሆነ ድረስ በሌሎች ክልሎች የራሱ አገልጋይ ፓርቲዎች የማቋቋም ዓቅም አይኖረውም። አሻንጉሊቶችን መመስረት የሚቻለው በጠመንጃ ሃይል ብቻ ነው።

ታድያ ይህን ሁሉ ፈተና ካለ ኦፌኮ ለብቻው መንቀሳቀሱ ምን ይፈይዳል? ኦሮምያን ለመገንጠል? አይመስልም። ምክንያቱም የመገንጠል ጥያቄ ቀላል መልስ የለውም። (አንደኛ) እኔ እስኪገባኝ ድረስ ኦፌኮ ኦሮምያን የማስገንጠል ዓላማ የለውም። (ሁለተኛ) ኦሮምያን የማስገንጠል ዓላማ ቢኖረው እንኳ በቀላሉ አይሳካም። ምክንያቱም ኦፌኮ ሰለማዊ ታጋይ ነው። ሀገር የማስገንጠል ጉዳይ በቀላሉ በሰለማዊ ትግል የሚሳካ አይደለም። ሀገር ማስገንጠል የሚቻለው በሃይል እርምጃ ነው።

(ሦስተኛ) የኦሮሞን ህዝብ ጥያቄ ጭቆናን የማስወገድ ጥያቄ እንጂ የመገንጠል ጥያቄ ላይሆን ይችላል። ምክንያቱም (ሀ) የኦሮሞ ህዝብ የኢትዮጵያ መሰረት ነው። ማን ከማን ሊገነጣል? (ለ) የኦሮሞ ህዝብ የመገንጠል ሐሳብ ቢደግፍ ኑሮ ኢትዮጵያ በፈራረሰች ነበር።

ስለዚህ ኦፌኮ ኦሮምያን የማስገንጠል ሐሳብ ይኖረዋል የሚል ግምት የለኝም። እናም የማስገንጠል ዓላማ ከሌለው፣ አሻንጉሊቶችም መፈብረክ ካልቻለ፣ መንግስታዊ ስልጣን ለመቆጣጠር አማራጭ ሐሳብ ካቀረበ ከሌሎች ድርጅቶች ጋር በጋራ መስራት ግድ ይለዋል።

የህዝብ (ወይም የፖለቲከኞች) የመገንጠል ሐሳብ ወደ ኢትዮጵያዊ የአንድነት ሐሳብ ማሸጋገር ይቻላል። ህዝብ የመገንጠል ጥያቄ ለምን ያነሳል? በአንድነት መኖር ስላልተመቸው ነው ሊሆን የሚችለው። አንድ ህዝብ ከሌሎች ጋር በአንድነት የመኖሩ ጉዳይ ካንገሸገሸውና መገንጠልን ከመረጠ በቃ ጭቆና አለ ማለት ነው። ፍትሕ፣ እኩልነትና ነፃነት የለም ማለት ነው። ምክንያቱም ፍትሕ፣ እኩልነትና ነፃነት ቢኖር ኑሮ በአንድነት መኖርን የሚጠላበት ምክንያት አይኖርም ነበር። ስለዚህ ጭቆናን በማስወገድ፣ ፍትሕ በማንገስ፣ እኩልነት በማስፈን፣ ነፃነት በመስጠት የህዝቦች የመገንጠል ጥያቄ ማስቀረት ይቻላል። የኦሮሞ ህዝብ የሚገባውን ያህል ካገኘ መገንጠልን የሚመርጥበት ሁኔታ አይታየኝም።

አንድነት ለዴሞክራሲና ለፍትሕ ፓርቲም (አንድነት) እንውሰድ። የአንድነት ፓርቲ ሐሳብ ኢትዮጵያውያን ሳንከፋፈል በአንድነት መቆም እንድንችል ጥረት ማድረግ ነው። ጥሩ ሐሳብ ነው። ግን ስለ አንድነት ስናወራ ስለ መከፋፈላችንም ማሰብ አለብን። ሀገራዊ አንድነት ለማምጣት ጥረት የምናደርገው ስለተከፋፈልን ነው። ምክንያቱም ኢትዮጵያውያን ባንከፋፈል ኑሮ ስለ ሀገራዊ አንድነት ባልተጨነቅን ነበር። ስለ የአንድነት አስፈላጊነት ካወራን መከፋፈሉ አለ ማለት ነው። ስለዚህ አንድነት ፓርቲ ስለ ሀገራዊ አንድነት መዘመር ብቻ ሳይሆን ኢትዮጵያውያን ተከፋፍለን እንዳለንም መገንዘብ አለበት።
እንበልና አንድነት ፓርቲ ከሌሎች የጎሳ ድርጅቶች መዋሃድ አይፈልግም። ግን እንደ ፓርቲ በምርጫ ይወዳደራል። በሀገር ደረጃ ተወዳድሮ አሸንፎ ስልጣን ለመያዝ በአማራ፣ ትግራይ፣ ኦሮምያ፣ ደቡብና ሌሎች ከተሞች ዘልቆ መግባት አለበት። ግን አንድነት ፓርቲ ከኦፌኮ ሳይግባባ ኦሮምያ ለመግባት ይከብደዋል። ፓርቲው (አንድነት) የሀገርና የህዝብ አንድነት የመጠበቅ ዓላማ ካለው መጀመርያ የተለያዩ በጎሳ የተደራጁ ፓርቲዎች ወደ ዉህደት እንዲመጡ ጥረት ማድረግ አለበት።

በብሄር የተከፋፈለ ህዝብ ወደ አንድነት ለማምጣት ምን መደረግ አለበት? በብሄር የተደራጁ ፓርቲዎች መተቸት፣ መንቀፍ? አይሆንም። ምክንያቱም ሀገራዊ አንድነት ለማምጣት በብሄር የተደራጁ ፓርቲዎች ሕብረት ወይ ግንባር ወይ ዉህደት የሚፈጥሩበት (ወደ አንድ የሚመጡበት) ሁኔታ ማመቻቸት እንጂ በብሄር ስለ ተደራጁ ብቻ ከነቀፍናቸው መከፋፈሉን እያጠበብነው ሳንሆን እያሰፋነው ነው። ‘በብሄር ስለተደራጁ ከነሱ ጋር አንወሃድም’ የሚል አቋም ከተያዘ ሌላ መከፋፈል መፍጠር ነው።

የኢትዮጵያውያን አንድነት ለመጠበቅ መጀምርያ ልዩነታችንን መቀበል አለብን። አንድነት ለማምጣት መከፋፈላችንን እንወቅ። መከፋፈላችን አንደግፈውም። ግን ተከፋፍለናል። መከፋፈላችን ስህተት ነው። ምክንያቱም መከፋፈል አልነበረብንም። ክፍፍላችን ግን እውነታ ነው። ስለዚህ ችግሩ ለመፍታት መጀምርያ እውነታው እንዳለ መቀበል አለብን። ክፍፍሉ ስለማንደግፈው ብቻ እውነታው በመካድ መፍትሔ ማምጣት አንችልም።

እንበልና! መኪኖች በሚንቀሳቀሱበት መንገድ ላይ ቦምብ ተጠምዷል። መንገዱ ተሽከርካሪዎች ስለሚተላለፉበት በመንገዱ ላይ ቦምብ መጠመዱ ስህተት ነው። ምክንያቱም በመንገድ ላይ ቦምብ ከተጠመደ ተሽከርካሪዎች ሊረግጡትና ቦምቡ ሊፈነዳ ይችላል። ከፈነዳ ደግሞ ጉዳት ያደርሳል። ስለዚህ በመንገድ ላይ ቦምብ መጠመዱ ተቀባይነት የለውም። ይሄ ጥሩ ሐሳብ ነው። በመንገድ ላይ ቦምብ መጠመዱ ስህተት መሆኑ ስለተስማማን ብቻ መኪና ይዘን እያሽከረከርን ቦምቡ ረግጠን ማፈንዳት አለብን ካልን ግን ሌላ ተጨማሪ ስህተት መስራት ነው።

የቦምቡ መንገድ ላይ መጠመድ ተቀባይነት የለውም። ግን ቦምቡ ተቀብሯል። የቦምቡ መቀበር ስህተት ቢሆንም የቦምቡ መቀበር (መጠመድ) ግን እውነታ ነው። አሁን ጉዳዩ መሆን ያለበት የቦምቡ መቀበር ስህተትነት መስበክ ሳይሆን መፍትሔ መፈለግ ነው። መፍትሔ ለመፈለግ መጀመርያ እውነታው መቀበል አለብን። እውነታው ቦምቡ ተቀብሯል። ቦምቡ ከረገጥነው ይፈነዳል። ጉዳት ያደርሳል። የቦምብ አጥማጁ ዓላማ ይሳካል። ታድያ ምን ማድረግ አለብን? ቦምብ መጠመዱ አውቀን መኪናችን እናስቁም (ቆም ብለን እናስተውል)። ከዛ የተጠመደው ቦምብ የሚመክንበት መንገድ እንፍጠር። ቦምቡ ይምከን። ከዛ ጉዟችን እንቀጥል። የብሄር ጉዳይ የቦምብ ጉዳይ ነው። ችግሩ እስካለ ድረስ ስለማንፈልገው ብቻ የሌለ ያህል ቆጥረን የብሄር ቦምቡ ረግጠን ማፈንዳት የለብንም። ኢትዮጵያዊነታችንን ለማስቀጠል የብሄር ቦምቡ ማምከን ይኖርብናል።

አንድ ተግባር ለመፈፀም ስናስብም በመራጩ ህዝብ ሊፈጠር ስለሚችል ስሜት መገንዘብ ይኖርብናል። ፖለቲካ ስለ ‘ትክክለኛነት’ ብቻ አይደለም፤ ስለ የህዝብ አስተያየት ጭምር እንጂ። ስላለፈው ጭቆና ማንሳት ተገቢ ባይሆንም በህዝቦች ትውስታ እስካለ ድረስ ጭቆናው መካድ የለብንም። አንድ ምሳሌ ልስጥ። ሰማያዊ ፓርቲ ‘የአጤ ምኒሊክ መቶኛ የሙት ዓመት’ አስታውሷል። ማስታወሱ በራሱ ችግር የለበትም። ጉዳዩ አጤ ምኒሊክ ጥሩ ነገር ማበርከታቸው ወይ ህዝቦች ክፉኛ መጨቆናቸው አይደለም። የአንድ መንግስት ተግባር ላንዱ ጥሩ ሲሆን ለሌላው መጥፎ ስሜት ሊፈጥር እንደሚችልም መረዳት ጥሩ ነው።

የአጤ ምኒሊክን ታሪክ ማስታወስ ለሰማያዊ ፓርቲ ሰዎች ጥሩ ስሜት ሊፈጥር ይችላል። የምኒሊክ ስም ማንሳት የማይፈልጉ ህዝቦች ግን አሉ። ሰማያዊ ፓርቲ የፖለቲካ ድርጅት እስከሆነ ድረስ መራጭ ህዝቦችን በማያስቀይም መልኩ መንቀሳቀስ ይገባው ነበር። ‘የምኒሊክ ስርዓት ለመመለስ የሚቋምጡ ሃይሎች አሉ’ የሚል ፕሮፓጋንዳ በሚነዛበት ወቅት ስለምኒሊክ ታላቅነት ማውራት ከጥቅሙ ኪሳራው ያመዝናል። በፖለቲካ የመራጭ ህዝብ ስሜት ቅድምያ ሊሰጠው ይገባል።

ኢህአዴግ ህዝቦችን የመከፋፈል ስትራተጂ ለስልጣኑ ማራዘምያ ስለሚጠቅመው ይከተለዋል። እናም በመከፋፈል ስትራተጂው ተቃዋሚዎች አንድነትና ጥንካሬ ፈጥረው ከስልጣን እንዳያወርዱት ይከላከላል። ተቃዋሚዎች ይህ የኢህአዴግ የመከፋፈል ስትራተጂ በንቃት ተከታትለው ማሸነፍ ካልቻሉ ኢህአዴግን ከስልጣን ማውረድ አይችሉም። ኢህአዴግ በተቃዋሚዎች ጠንካራ ሕብረት ከስልጣን ባይወርድ እንኳ በራሱ ግዜ በስብሶ ከጥቅም ዉጭ ይሆናል።

ኢህአዴግ በስልጣን ለመቆየት ሲል ህዝቦች መጨቆኑ ይቀጥላል። ምክንያቱም አሁን ባለው ሁኔታ መሰረት ገዢው ፓርቲ ህዝብ ከማፈን አልፎ ፍትሕ በማንገስ ህዝብ መግዛት ይችላል የሚል ግምት የለኝም። ህዝቦችም ፀረ ጭቆና መነሳታቸው አይቀርም። ህዝቦች ተቃውሟቸውን በሰለማዊ መንገድ መግለፅ እንዳይችሉ ከታፈኑ ሌላ አማራጭ የተቃውሞ መንገድ መከተላቸው አይቀርም። እናም ህወሓት በዴምህት ይፈተናል። ኦህዴድ በኦነግ ይፈተናል። ብ አዴን በግንቦት ሰባት ይፈተናል። ኢህአዴግ ስልጣኑ ለህዝብ ሳይሆን ለሌሎች ባለጠመንጃዎች ለማስረከብ ይገደዳል።

ግን ስልጣን በዴሞክራሲያዊ መንገድ ለህዝብ ቢሰጥ ጥሩ ነው። ገዢዎቻችንና የትጥቅ ትግል የመረጡ ወንድሞቻችን ሳይገድሉና ሳይገደሉ በሀገራችን በሰላም የሚኖሩበት ሁኔታ ቢመቻች መልካም ነው።
ለስልጣን ተብሎ መገዳደል ይብቃ።

It is so!!!

ከጅዳ የሽሜሲ ጊዜያዊ ማቆያ የሚደርሰኝ ሮሮ !

December 27/2013

"የሳውዲ መንግስት ህጋዊ ሰነድ የሌላቸው ሳውዲን ለቀው አንዲዎጡ ያስተላለፈውን እና የኢትዮጵያ ኢንባሲና ቆንስለወ መስሪያ ቤቶች ዜጎች ሀጉን አክብረው ወደ ሃገራቸው እንዲወጡ
ያስተላለፉትን ተደጋጋሚ ማሳሰቢያዎች በመረዳት ወደ ሃገር ለመግባት ወደ ሽሜሲ መጠለያ በመሄድ እጃችን የሰጠን ዜጎች እየተንገላታን ነው! " በማለት ሮሮና ቅሬታቸውን ያቀረቡ ወገኖች መጠለያ እንደገቡ በኢትዮጵያ መንግስት የመጓጓዣ ሰነድ የተሰጣቸው ቢሆንም የሳውዲ ፖስፖር ሃላፊዎች የቀረበላቸውን ሰነድ በማጣራት የመውጫ ሰነድ ለመስጠት አንግልት አያደረሱባቸው መሆኑን ገልጸውልኛል። ጉዳያቸውን ለማስፈጸም በአውቶቡስ ላይ እና በመጠለያው ግቢ ውስጥ ተበትነው በመጠባበቅ ላይ እንደሆኑ የገለጹልኝ እኒህ ወገኖች የአቅመ ደላማ ሴቶችና ህጻናትን እንግልት ከግምት ውስጥ በማስገባት የጅዳ ቆንስል ሃላፊዎች ከሚመለከታቸው የሳውዲ መንግስት ሃላፊዎች ጋር በመነጋገር አስፈላጊውን ትብብር ያደርጉላቸው ዘንድ ጠይቀዋል።

እኒሁ ሮሯችን ለሚመለከታቸው እንዳሰማ የተማጸኑኝ ወገኖች ወደ ጅዳ ቆንሰል ሃላፊዎች ስልክ ደውለው ስልክ ስለማያነሱ ወደ እኔ መደወላቸውን የገለጹልኝ ሲሆን ወደ ሃገር ግቡ ተብለን ወደ ሃገር እንግባ ባልን እንግልት ሊደርስብን አይገባም ሲሉ " አሁን በደል እያደረሰብን ያለው ሳውዲ ኢሚግሬሽን መፍትሄ እንዲሰጠን ዲፕሎማቶች የተቻላቸውን ያድርጉልን! " ሲሉ መልዕክታቸውን አስተላልፈዋል ። በሌላ በኩል ወደ መጠለያው ገብተው አስፈላጊውን ሰነድ ያሟሉ አንዳንድ ነዋሪዎች መካከል ሻንጣችን ጠፋብን የሚሉና ከአንድ ሻንጣ በላይ እንዳይዙ የተከለከሉ ነዋሪዎችም ተመሳሳይ ቅሬታቸውን ገልጸዋል።

ጉዳዪን ለማሳወቅና ዝርዝር ማብራሪያ ለማግኘት ወደ ጅዳ ቆንስል ሃላፊ ወደ አቶ ዘነበ ከበደ እና ወደ ምክትላቸው አቶ ሸሪፍ ስልክ በመደወል ያደረግኩት ሙከራ ዛሬም አልተሳካም!

ሰላም

ነቢዩ ሲራክ

ብኣዴን – የሕወሓት አሽከሮች እና ለውጥ ፈላጊዎች ተፋጠዋል::

December26/2013

 :በቅርቡ ጠቅላላ ጉባዬ ሲጠራ የደፈረሰው ይጠራል ተብሎ ይጠበቃል::‪

የጄነራል አበባው ስልክ መጠለፍ አሁንም በጦር ሰራዊቱ ውስጥ ያለውን ሽኩቻ እና ዘረኝነት ያመለክታል::

ምንሊክ ሳልሳዊ :- የሟቹን የአቶ መለስ ዜናዊን ሞት ተከትሎ በሕወሓት እና በብኣዴን መካከል ልዩነቶች የሚፈጥሩ ሁኔታዎች ተከስተው አሁንም በስፋት ቀጥለው ይገኛሉ::የተለያዩ የብኣዴን ሰዎችን በሰብብ አስባብ የሚያንጠባጥበው ሕወሓት አሁንም አሽከሮቹን አሰማርቶ ለውጥ ፈላጊዎችን ወደ ገደል ለመግፋት አየተሯሯጠ ነው:: የብኣዴን ካድሬዎች የለውጥ ጥያቄዎች ማንሳታቸውን ተከትሎ ከሕወሓት አሽከር ከሆኑት ጋር በስብሰባ ላይ በተፈጠረ አለመግባባት ስብሰባው እንደተበተነ ታውቋል::

በዚህ ሳምንት ውስጥ ሁለት ግዜ የካድሬዎች ስብሰባ ተጠርቶ የመጀመሪያው በሕወሓት አሽከሮች እና በለውጥ ጠያቂዎች መካከል የተፈጠረው አለመግባባት ስብሰባው ሲበተን ...ለሁለተኛ ጊዜ የተጠራው ስብሰባ በከፊል ካድሬዎቹ ስላልመጡ ለሚመጣው ሳምንት የተላለፈ መሆኑን ታውቋል::በሕወሓት አሽከሮች እና በብኣዴን ለውጥ ፈላጊ ካድሬዎች መካከል የተነሳው ፍጥጫ የሕወሓት አመራሮች በሃይል ሊፈቱት ይችላሉ የሚል ስጋት ጨምሯል::

አዲስ በወጣው እቅድ መሰረት በአማራው ክልል በድጋሚ አዲስ የፓርቲ አደረጃጀት ጥርነፋ እንደሚደርግ እና በዚህ መካከል አስቸጋሪ እና አድመኞች የጸረ ሰላም እና የጸረ ሕዝብ ሃይሎችን የመደምሰስ እንዲሁም በአዲሱ የፓርቲ አደረጃጀት ውስጥ አስፈላጊው ጥቅማጥቅሞችን ለአዳዲስ አባላት መስጠት የሚል ይገኝበታል::ውስጥ ውስጡን እየቀሰቀሱ ችግር በፓርቲው ላይ የሚፈጥሩ ካድሬዎችን በማስወገድ በአዳዲስ መተካት የሚሉ እቅዶች ተይዘዋል::

ይህ በእንዲህ እንዳለ የሕወሓት የጦር መኮንኖች የአማራ እና በኦሮሞ ወታደሮች ላይ ከፍተኛ ዘረኝነት እያራመዱ መሆኑ ታውቋል:: የተለያዩ ማእረጎች የስልጣን እርከኖች እና ወታደራዊ ጥቅማጥቅም የሚሰጠው ትግሪኛ ተናጋሪ ለሆኑ ብቻ ነው ሌሎቹ ምንም የሚወረወር ፍርፋሪ የላቸውም::በሰራዊቱ ውስጥ ዘረኝነት መንሰራፋቱ እንዲሁም አደርባዮች መስፋፋታቸው አስፈላጊውን ለውጥ እንዳይመጣ ያደረገው መሆኑን ምንጮቹ ጠቁመዋል::ከዚሁ ጋር በተያያዘ ዜና ጄኔራል አበባውን ጨምሮ የቀድሞ የብኣዴን ታጋዮች እና የዛሬ የጦር ሰራዊቱ መኮንኖች ከግንቦት ሰባት ጋር ግንኙነት ሊፈጥሩ ይሽላሉ በሚል ስልካቸው ተጠልፎ እንደነበር ታውቋል:: የከፍተኛ መኮንኖቹ ስልክ መጠለፉ እንደታወቀ እሰጥ አገባዎች የተደረጉ ሲሆን ስብሰባ ይጠራል ያሉት የሕወሓት ጄኔራሎች አስካሁን ዝምታን መርጠዋል:; ይህ በሰራዊቱ ውስጥ የተንሰራፋው ሽኩቻ እና ዘረኝነት ተስፋፍቶ መቀተሉን ያመለክታል ሲሉ ምንጮቹ ተናግረዋል:: በዚህ ጉዳይ ዙሪያ ሰፋ ያለ ዘገባ ይቀርብበታል::

ለኢትዮጵያ ሰማያዊ ፓርቲ ምስክርነት

December 26/2013


ከፕሮፌሰር አለማየሁ ገብረማርያም
ትርጉም በነጻነት ለሀገሬ

ሰማያዊ ፓርቲን እንደፖለቲካ ድርጅት/ፓርቲ ለምን እንደምደግፈው፣

እ.ኤ.አ ዴሴምበር 15/2013 ከዋሽንግተን ዲሲ ወጣ ብላ በምትገኘው አርሊንግተን ከተማ የስብሰባ አዳራሽ በተዘጋጀው የሰማያዊ ፓርቲ የመጀመሪያ ስብሰባ ላይ ተገኝቼ  ንግግር እስካደረግሁባት ዕለት ድረስ በበርካታ ጥያቄዎች እወጠር ነበር፡፡ አንደኛው ተደጋግሞ የሚጠየቀው ጥያቄ ለበርካታ ዓመታት ገለልተኛ ሆኘ እና ከማንኛውም የፖለቲካ ፓርቲ ወይም ቡድን ጋር ሳልወግን ከቆየሁ በኋላ በአሁኑ ጊዜ ለሰማያዊ ፓርቲ ለምን ያልተቋረጠ ድጋፍ በመስጠት ላይ እንደምገኝ በሚቀርብ ጥያቄ ላይ የሚያጠነጥን ነው፡፡

በኢትዮቱብ ድረገጽ/ethiotube.com በሰጠሁት ቃለ ምልልስ በግልጽ እንዳስቀመጥኩት ለሰማያዊ ፓርቲ ቀጣይነት ያለው ድጋፍ የምሰጥበት ዋና ምክንያት የኢትዮጵያ ትኩስ ወጣት ኃይል የሀገሩን መጻኢ ዕድል የመወሰን እና በሰላማዊ የትግል ሂደት በመሳተፍ ለውጥ ለማምጣት ዝግጁ ነው የሚል ሙሉ እምነት ያለኝ በመሆኑ ነው፡፡ በአሁኑ ጊዜ ከኢትዮጵያ ህዝብ ውስጥ ከ35 ዓመት የዕድሜ ክልል በታች የሚገኘው የህብረተሰብ ክፍል 70 በመቶ ይሸፍናል፡፡ እንዲሁም በአሁኑ ጊዜ በኢትዮጵያ ውስጥ በአብዛኛው የሰብአዊ መብት ድፍጠጣ ሰለባ ሆኖ የሚገኘው ወጣቱ የህብረተሰብ ክፍል ነው፡፡ አብዛኛው የወጣት ህብረተሰብ ክፍል የኢትዮጵያ የማጎሪያ እስር ቤቶች የፖለቲካ ጭቆና እና ማስፈራራት፣ ከህግ አግባብ ውጭ በዘፈቀደ በቁጥጥር ስር የመዋል እና እስራት፣ የስቃይ፣ የመብት እረገጣ እና ከህግ አግባብ ውጭ የእስር ቤት አያያዝ ሰለባ ዒላማ ሆኖ ይገኛል፡፡ አብዛኞቹ የኢትዮጵያ ወጣቶች ስር በሰደደ የስራ አጥነት ወጥመድ ተጠፍረው እና ጥራት ያለው የትምህርት ዕድል እና የኢኮኖሚ ተጠቃሚነት መብታቸውን ተነፍገው በሀገራቸው ላይ የበይ ተመልካች ሆነው ይገኛሉ፡፡ እዚህ ላይ የእኔን “አስረጅ” ምሰክርነት ለማስመዝገብ እንዲሁም ለሰማያዊ ፓርቲ ‘ምስክርነት’ ለመስጠት ያህል  በማያወላውል መልኩ የኢትዮጵያ ወጣቶች የቆሸሸውን የጎሳ ፖለቲካ፣ አስፈሪውን የኃይማኖት ጥላቻ  እና በውሸት ድር እና ማግ የተደወረውን የቅጥፈት ተምኔታዊ ፖለቲካ በጣጥሰው በመጣል “ፍቅር የነገሰበት የኢትዮጵያ ማህበረሰብ” የሚባል አንጸባራቂ ከተማ ከተራራው አናት ላይ እንደሚገነቡ ያለኝን የማይታጠፍ እምነት ለመግለጽ እወዳለሁ፡፡ ይህ የተቀደሰ ተግባር የዛሬው ወጣት ትውልድ ቋሚ ታሪካዊ ዕጣ ፈንታ ነው የሚል ጽኑ እምነት አለኝ፡፡

የእኔ “አስረጅ” ሆኖ መቅረብ የእራሴን ሀሳብ እና አስተያየት ከመግለጽ ባለፈ በምንም ዓይነት መልኩ የሰማያዊ ፓርቲን፣ የአመራሩን ወይም የአባላቱን ያለፈውን፣ የአሁኑን እና የወደፊቱን ድርጅታዊ እና ድርጅታዊ ያልሆነ አቋም አይወክልም፡፡ በሰማያዊ ፓርቲ ላይ ምንም ዓይነት ሚና የለኝም፡፡ ያለኝ ብቸኛ ሚና ቢኖር “የሰማያዊ ፓርቲ ቁጥር 1 አድናቂ” መሆኔን በኩራት መግለጼ ብቻ ነው፡፡ እዚህ ላይ የእኔ ለሰማያዊ ፓርቲ ‘በአስረጅነት’ በጽናት መቆም ቅንድቦችን ከፍ ሊያደርግ ይችላል፡፡ የሰማያዊ ፓርቲ ጠንካራ ደጋፊ በመሆኔ ከአንዳንድ ወገኖች ህብረተሰቡን በእድሜ እየለያየ የሚል ትችት ሲሰነዘር ሰምቻለሁ፡፡ እኔ በእድሜ በመከፋፈል መረጃ የመስጠት ጨዋታ ተጫወትኩ እንጅ በስልጣን ላይ ያለው ገዥው አካል እንደሚያደርገው ሁሉ በዘር ወገኔን በመከፋፈል የቁማር ጨዋታ አልተጫወትኩም፡፡ በዚህ ጉዳይ ላይ ወጣቱ ኃይል ብይን እንዲሰጥበት በአክብሮት እጠይቃለሁ፡፡ ጆርጅ ኦርዌል እንዳሉት ‘ዓለም አቀፋዊ ማጭበርበር ተንሰራፍቶ በሚገኝበት በዚህ ዘመን ስለእውነት መናገር አብዮታዊ ድርጊት ነው‘፡፡ በአሁኑ ጊዜ የፖለቲካ አጭበርባሪነት፣ የሞራል ዝቅጠት እና አታላይነት ተንሰራፍቶ በሚገኝበት ሁኔታ እኔ ስለሰማያዊ ፓርቲ እየሰጠሁት ያለው ‘አስረጅነት’ እንደ ‘አብዮታዊ ድርጊት’ ይቆጠራል የሚል ዘርፈ ብዙ አመለካከት አለኝ፡፡

የሰማያዊ ፓርቲ ቁጥር: 1ኛ  አድናቂ ለምን ሆንኩ?

በመጀመሪያ ደረጃ ሰማያዊ ፓርቲን የምደግፍበት ምክንያት ከወጣቶች፣ በወጣቶች፣ ለወጣቶች፣ የተቋቋመ የፖለቲካ ፓርቲ ስለሆነ ነው፡፡ ሰማያዊ ፓርቲ የአብዛኛውን የኢትዮጵያን ህብረተሰብ ፍላጎት እና ጥቅም ሊወክል የሚችል ፓርቲ ስለሆነ ነው፡፡ በአሁኑ ጊዜ ከኢትዮጵያ ህዝብ ከ35 ዓመት የዕድሜ ክልል በታች ያለው የህብረተሰብ ክፍል 70 በመቶውን ይሸፍናል የሚለውን ሀቅ ላሰምርበት እፈልጋለሁ፡፡ (የሚቀርበውን መረጃ ታሳቢ በማድረግ በአሁኑ ጊዜ በኢትዮጵያ አማካይ የህይወት እድሜ ከ49 – 59 ዓመት ነው፡፡)

የኢትዮጵያ የአቦሸማኔው ትውልድ (ወጣቱ ትውልድ) ብዙሀኑን የኢትዮጵያ ህዝብ ለመወከል የሚያስችል የራሱን የፖለቲካ ፓርቲ ማቋቋም ይፈልጋል፡፡ የአቦሸማኔው ትውልድ ለራሱ/ሷ መናገር፣ ለራሱ/ሷ መቆም፣ ለሴቶች፣ ለወንዶች መቆምን ይፈልጋሉ፡፡ የእራሳቸውን እና የአገራቸውን ዕጣ ፈንታ ሊወስኑ የሚችሉት እራሳቸው ወጣቶቹ ብቻ ናቸው፡፡

የጉማሬዎቹ ትውልድ (የእኔ ትውልድ) የፖለቲካ ፓርቲዎች በጉማሬዎቹ፣ ለጉማሬዎቹ የተቀመሩ እና በእነርሱ የአስተሳሰብ ንፍቀ ክበብ ውስጥ የታጠሩ ፍልስፍናዎች ስለሆኑ ከእረፍትየለሾቹ የኢትዮጵያ አቦሸማኔዎች (የወጣቱ ትውልድ) ህልሞች፣ ውስጣዊ ፍላጎቶች፣ ዓላማዎች እና የጋሉ ስሜቶች የስምምነት እምነቶች ንፍቀ ክበብ ውጭ ናቸው፡፡ እኛ የኢትዮጵያ የጉማሬዎች ትውልድ (የእኔ ትውልድ) የአቦሸማኔዎችን ትውልድ (የወጣቱን ትውልድ) ፍልስፍናአና አስተያየት አንረዳውም፡፡ ይህም በመሆኑ ብዙዎቻችን በጎሳ እና በክልል (“ባንቱስታን” ወይም “ክልላዊ”) የፖለቲካ ጭቃ፣ በሚያጣብቅ የጎሰኝነት ዝቃጭ ቆሻሻ፣ እና በታሪካዊ ምክንያተቢስ ጥላቻ  ውስጥ ለበርካታ ዓመታት ተዘፍቀን ስንዋኝ የቆዬን ስለሆነ ለስኬታማነት የማንበቃ የተሽመደመድን የህበረተሰብ ክፍል ነን፡፡ በሌላ በኩል ደግሞ የኢትዮጵያ የአቦሸማኔ ትውልዶች (የወጣቶች ትውልድ) የጥንቱ ወይም የኋላቀር ፋሽን የጎሳ ማንነት ፖለቲካ እስረኛ መሆን አይፈልጉም፣ እንዲሁም ከጥንት ጊዜ ጀምሮ ከእራሳቸው ጋር በጥብቅ ተቆራኝቶ በታሰረ የታሪክ ክስተት መንገድ ላይ ለመራመድ አይፈልጉም፡፡ እንዲሁም ነጻነታቸውን በማወጅ እና የእራሳቸውን ዕጣ ፈንታ ለመምረጥ በመወሰን የእራሳቸው የሆነቸውን ኢትዮጵያ መፍጠር ይፈልጋሉ፡፡

“የኢትዮጵያ የጉማሬ ቡድን” ታማኝ አባል እንዳለመሆኔ መጠን የኢትዮጵያ የአቦሸማኔ ትውልድ ከኢትዮጵያ የጉማሬ ትውልድ በጣም ልዩነት አለው የሚለውን እውነታ ለመቀበል እቸገራለሁ፡፡ ለእኔ እና ለእኔው የጉማሬ ትውልድ የዱላ ቅብብሎሹን ለአቦሸማኔው ትውልድ በማቀበል ከጎን ሆነን የአቦሸማኔውን ትውልድ በትህትና የምናግዝበት የመጨረሻው ጊዜ እየደረሰ መሆኑን ለመቀበል እቸገራለሁ፡፡ ለዚህም ነው እራሴን ከጉማሬ ትውልድ ወደ “አቦ -ጉማሬ” ትውልድ ያሸጋገርኩት፡፡ ይህንን ሽግግር “የአቦ – ጉማሬ ትውልድ መነሳሳት” በሚለው ትችቴ ላይ መዝግቤ ማስቀመጤ የሚታወስ ነው፡፡

በሁለተኛ ደረጃ የወደፊቱ የኢትዮጵያ ወጣት ዕጣ ፈንታ በጥልቅ ያሳስበኛል፡፡ ከጥቂት ዓመታት በፊት ለማስታወስ እንደሞከርኩት ሁሉ “ደስታ የራቀው እና በመጥፎ ሁኔታ ላይ የሚገኘው የኢትዮጵያ ወጣት በጊዜ ቀመር ተሞልቶ ለመፈንዳት በመጠባበቅ ላይ የሚገኝ የሰው ቦምብ የመሁኑን ሀቅ ያመለክታል፡፡ የወጣቱ ተስፋ መቁረጥ፣ ከጊዜ ወደ ጊዜ ደስታ እየራቀው መሄድ፣ በቅዠት ህይወት ውስጥ መኖር እና ለብዙ ጊዜ በሚቆይ የኢኮኖሚ ቀውስ በመደቆስ ጥንካሬን ማጣት፣ የኢኮኖሚ ዕድሎችን እና ተጠቃሚነትን ያለማግኘት እና የፖለቲካ ጭቆና በገፍ ተንሰራፍቶ መገኘት ሊፋቅ የማይችል አስተማማኝ መረጃ ነው፡፡ ወጣቱ ለነጻነት ያለው ጥልቅ ፍላጎት እና የለውጥ ፈላጊነት ስሜት በእራሱ ማረጋገጫ ነው፡፡ እዚህ ላይ ሊነሳ የሚችለው ብቸኛ ጥያቄ የሀገሪቱ ወጣቶች ለውጥን ሊያመጡ የሚችሉት እየጨመረ በመጣው ወይም በሌላ በሰላማዊ የለውጥ አማራጮች…የሚለው ነው፡፡” ሰማያዊ ፓርቲ ተስፋ ያጣውን የወጣት ኃይል ወደ ሰላማዊ ሽግግር በማምጣት በኢትዮጵያ ውስጥ ወሳኝ ሚና ይጫወታል የሚል እምነት አለኝ፡፡

ሦስተኛ በወጣት ኃይል አድራጊ እና ፈጣሪነት ላይ በሙሉ ልቤ እተማመናለሁ፡፡ የወጣት ሀሳብ እና ጥልቅ የለውጥ ፈላጊነት ስሜት ልብን፣ አዕምሮን እና ሀገርን የመለወጥ ኃይል አለው፡፡ የወጣት ኃይል በዓለም ላይ ከሚገኙ ጠብመንጃዎች፣ ታንኮች እና የጦር አውሮፕላኖች በላይ የበለጠ ኃይል አለው፡፡ የአሜሪካ የሲቪል መብቶች እንቅስቃሴ የተካሄደው በወጣቶች ኃይል በተከፈለ የጉልበት መስዕዋትነት አማካይነት ነው፡፡ አብዛኞቹ በአመራር ቦታ ላይ የነበሩት እና የመብት ተሟጋቾች ወጣቶቹ የህብረተሰብ ክፍሎች ነበሩ፡፡ ዶ/ር ማርቲን ሉተር ኪንግ በቢርሚንግሀም አላባማ የተካሄደውን የሲቪል መብቶች ሰላማዊ እንቅስቃሴ ሲመሩ የ26 ዓመት ወጣት ነበሩ፡፡ በዚያን ጊዜ ጆን ሌዊስ የ23 ዓመት ወጣት የነበሩ ሲሆን 24 ጊዚያት ታስረዋል፣ እንዲሁም ድርጊቱን ሊያስታውሱት በማይችሉት መልኩ በብዙ አጋጣሚዎች ሰውነታቸው ድቅቅ እስከሚል ድረስ ተደብድበዋል፡፡ እ.ኤ.አ በሜይ 6/1963 በበርሚንግሃም ከ2000 በላይ የሚሆኑ አፍሪካ አሜሪካውያን የሁለተኛ፣ የመለስተኛ ሁለተኛ እና የአንደኛ ደረጃ ትምህርት ተማሪዎች የዘር መድልኦን በመቃወም ሰልፍ በመውጣታቸው ብቻ ለአሰቃቂው እስር ተዳርገዋል፡፡

ወጣት አሜሪካውያን በቬትናም ላይ በእብሪት በመነሳሳት የተካሄደውን ጦርነት እንዲቆም አድርገዋል፡፡ በካሊፎርኒያ የዩኒቨርስቲ የተጀመረው የመናገር ነጻነት እንቅስቃሴ በአሜሪካ የመናገር ነጻነትን እና የዩኒቨርስቲ አካዳሚ ነጻነትን አጎናጽፏል፡፡ ያለወጣቱ ድምጽ መስጠት ባራክ አቦማ ለፕሬዚዳንትነት መመረጥ አይችሉም ነበር፡፡ ኮሚኒስታዊ ገዥዎችን እና በቅርቡም በሰሜን አፍሪካ እና በመካከለኛው ምስራቅ አገሮች ለመለወጥ አስቸጋሪ ናቸው ተብለው ይታሰቡ የነበሩትን ርህራሄየለሽ አምባገነኖች በሰላማዊ ትግል አንኮታኩቶ በመጣሉ እረገድ ወጣቱ ኃይል ወሳኝ የሆነ ሚና ተጫውቷል፡፡

በአሁኑ ጊዜ በኢትዮጵያ በስልጣን ወንበር ላይ ተፈናጥጠው የሚገኙት ገዥዎች የንጉሳዊውን አገዛዝ እና አምባገነናዊውን የወታደራዊ መንግስት በትጥቅ ትግል ለማንበርከክ ሲፋለሙ የነበሩ ወጣት “አብዮተኞች” ነበሩ፡፡ በእርጅና የእድሜ ጊዚያቸው ግን ለአንዴ እና ለመጨረሻ ጊዜ ከኢትዮጵያ ምድር ለማስወገድ ሲፋለሙት የነበረውን ጭራቅ ሆነው ተቀምጠዋል፡፡ ከዚህ አንጻር በኢትዮጵያ ዴሞክራሲያዊ ህብረተሰብ ለመመስረት ለበርካታ ዘመናት መስዕዋትነትን በመክፈል የእራሳቸውን ድርሻ በመወጣት ላይ ባሉት የኢትዮጵያ ወጣቶች ኃይል ላይ ሙሉ እምነት አለኝ፡፡ እ.ኤ.አ በ2005 አሁን በስልጣን ላይ ያለው የኢትዮጵያ ገዥ አካል ታጣቂዎች እንደ አበደ ውሻ በአዲስ አበባ መንገዶች ላይ በመክለፍለፍ በመቶዎች የሚቆጠሩ ወጣቶችን በጥይት ጨፍጭፈዋል ገድለዋል፣ በአስር ሺዎች የሚቆጠሩትን ደግሞ ለእስራት ዳርገዋል፡፡ (በዚያን ጊዜ በሰው ልጅ ህይወት ላይ በጣም አስደንጋጭ እና አስፈሪ የሰብአዊ መብት ድፍጠጣ ወንጀል በማየቴ በኢትዮጵያ የሰብአዊ መብት ተሟጋችነት አንደቀላቀል ተገድጃለሁ፡፡) በአሁኑ ጊዜም እንኳ የኢትዮጵያ ወጣቶች ለዴሞክራሲ፣ ለህግ ልዕልና፣ ለነጻነት እና ለሰብአዊ መብት ጥበቃ ሲባል የደም፣ የላብ እና የእንባ መስዕዋትነት በመክፈል ላይ ይገኛሉ፡፡ የኢትዮጵያ ምርጡ እና ብሩህ አዕምሮ ያለው ወጣት እየተቀጣ፣ ፍርደገምድል ፍርድ እየተበየነበት፣ እየታሰረ፣ እና ጸጥ እረጭ ብሎ እንዲገዛ እየተደረገ ነው፡፡ ከእነዚህ የወጣት ዝርዝር የመጀመሪያው እረድፍ ላይ የሚገኙት ብርቱካን ሚደቅሳ፣ እስክንድር ነጋ፣ አንዷለም አራጌ፣ ርዕዮት ዓለሙ፣ በቀለ ገርባ፣ አቡበካር አህመድ፣ ውብሸት ታዬ፣ ኦልባና ሌሊሳ፣ አህመዲን ጀቤል፣ አህመድ ሙስጣፋ፣ ተመስገን ደሳለኝ፣ በቅርቡ ከህይወት የተለየው የኔሰው ገብሬ እና ሌሎች ለቁጥር የሚያታክቱ ትንታግ የኢትዮጵያ ወጣቶች ናቸው፡፡

በመጨረሻ ሆኖም ግን አስተዋጽኦው ቀላል ካልሆነው ከሰማያዊ ፓርቲ ፕሮግራም ጋር ሙሉ በሙሉ እስማማለሁ፡፡ ሰማያዊ ፓርቲ በደንብ አስቦበት እና የሀገሪቱን ዘርፈ ብዙ ችግሮች ለመቅረፍ የሚያስችል ተግባራዊ ፕሮግራም ነድፎ የሚንቀሳቀስ ፓርቲ ነው፡፡ ከእኔ ልዩ አተያይ እና ስጋት አንጻር በፍትሀዊ አስተዳደር፣ በሰብአዊ መብቶች እና በህግ የበላይነት አተገባበር ላይ ትኩረት በማድረግ የፓርቲውን ፕሮግራም ስገመግመው በጠንካራ መሰረት ላይ የተዋቀረ ልዩ ፓርቲ ሆኖ አግኝቸዋለሁ፡፡ ፓርቲው ሙሉ በሙሉ ነጻ የሆነ እንዲሁም ከፖለቲካ ተጽዕኖ እና ጣልቃገብነት ፍጹም ነጻ የሆነ እና ብቃት ያለው የፍትህ ስርዓት በሀገሪቱ እንዲመሰረት ድጋፍ ያደርጋል፡፡ ዳኞች ሲያጠፉ መከሰስ ያለባቸው መሆኑ እንደተጠበቀ ሆኖ በሙያቸው በቋሚነት ጡረታ እስከሚወጡበት ጊዜ ድረስ ተቀጥረው እንዲሰሩ ያደርጋል፡፡ ፓርቲው ህገመንግስታዊ ፍርድ ቤት ከነሙሉ ስልጣኑ ጋር እንዲቋቋም ድጋፍ ያደርጋል፡፡ ኢትዮጵያ ፈርማ ባጸደቀቻቸው ዓለም አቀፍ ውሎች እና ስምምነቶች ለመገዛት እና ለተግባራዊነታቸውም ዕውን መሆን ፓርቲው ጠንክሮ እንደሚሰራ ቃል ገብቷል፡፡ የግለሰብ መብቶችን ጥበቃ የመናገር እና የእምነት ነጻነቶችን ጨምሮ ተግባራዊ እንደሚያደርግ ፓርቲው ቃል ገብቷል፡፡ መንግስት እና ኃይማኖት በግልጽ መለያየት እንዳለባቸው ፓርቲው በጽኑ ያምናል፡፡ ፓርቲው ማንኛውንም በብዙሀን መገናኛ ዘዴዎች ላይ የሚደረግን ቅድመ ምርመራ አጥብቆ ይቃወማል፣ እንዲሁም ከህግ አግባብ ውጭ የሲቪክ ማህበረሰብ ድርጅቶች እና ማህበራት እንዳይዘጉ ያደርጋል፡፡ የሀገሪቱ የጦር እና የደህንነት ኃይል ታማኝነቱ ለሀገሪቱ ህገመንግስት መሆን እንዳለበት እና በምንም ዓይነት መልኩ ለፖለቲካ ፓርቲ፣ ለጎሳ ቡድን፣ ለክልል ወይም ለሌላ አካል ታማኝ መሆን እንደሌለበት ፓርቲው በፕሮግራሙ ላይ አጽንኦ በመስጠት አስፍሮታል፡፡ የፓርቲው የኢኮኖሚ፣ የፖለቲካ፣ የማህበራዊ እና የባህል ጉዳዮችም እንደዚሁ በተመሳሳይ መልኩ ትኩረትን በጣም የሚስቡ ናቸው፡፡

ሰማያዊ ፓርቲን  እንደ  ንቅናቄ እና የኢትዮጵያ የአቦሸማኔዎች (ወጣቶች) ትውልድን እውነተኛ ድምጽ ለምን እንደምደግፍ፣

እንደ እራሴ ሀሳብ ሰማያዊ ፓርቲ እንደማንኛውም ተወዳድሮ ስልጣን በመያዝ ወደ ስልጣን ቢሮ ከሚገባ  የፖለቲካ ድርጅት የበለጠ ነው፡፡ ሰማያዊ ፓርቲ እንደፖለቲካ ድርጅት እራሱን ቢያዘጋጅ እና በተለመደው መልክ ምርጫ ቢያሸንፍ እና የፓርላማ ወንበር ቢይዝ ምንም አዲስ የማገኘው ነገር የለም፡፡ ከ80 በላይ “የተመዘገቡ ፓርቲዎች” ባሉባት ሀገር (በጣም አብዛኞቹ ለይስሙላ የተቋቋሙ የጎሳ የፖለቲካ ፓርቲዎች) እና ገዥው “ፓርቲ” በ99.6 በመቶ በሚያሸንፍበት ሁኔታ ከግማሽ ነጥብ በመቶ ያነሰ ድምጽ ለማግኘት እንደሰማያዊ ፓርቲ ሁሉ ሌላ ፓርቲ ተመዝግቦ ለዚህች በጣም በጣም ትንሽ ለሆነችው ድምጽ ለመወዳደር የመሞከሩን አስፈላጊነት ትርጉምየለሽ ያደርገዋል፡፡ ለዚህም ነው ሰማያዊ ፓርቲን በኢትዮጵያ ከወጣቶች፣ ለወጣቶች፣ በወጣቶች የተቋቋመ የወጣቶች ንቅናቄ ነው የሚል እምነት ያለኝ፡፡

“የሰማያዊ ፓርቲ ንቅናቄን” የኢትዮጵያ ወጣቶች ለእራሳቸው እና ለወደፊቱ ትውልድ የሚተላለፍ ህልማቸውን እና ሀሳቦቻቸውን የሚተገብር ድርጅታዊ ተቋም አድርጌ እወስወደዋለሁ፡፡ እንደ ንቅናቄ ሰማያዊ ፓርቲ በብዙ የአቅም ደረጃዎች ላይ በማገልገል ላይ ይገኛል፡፡ የኢትዮጵያን ወጣቶች ስለብዙው የሀገራቸው ታሪክ፣ ልማዶች እና ባህሎች እንዲያውቁ የሚያደርግ “የትምህርት” ተቋም ነው፡፡ የኢትዮጵያ ወጣቶች የማትከፋፈል የአንዲት ኢትዮጵያ፣ ኃያል ወራሪውን የአውሮፓ ኃይል አሸንፋ እና አሳፍራ የመለሰች የኩሩ አርበኞች ዘር የትውልድ ሀረግ መሆናቸውን ያስተምራል፡፡ እንደ አሁኑ ሳይሆን በአንድ ወቅት ኢትዮጵያ በዓለም እና በአፍሪካ ለሚኖሩ ጥቁር ህዝቦች የኩራት ፈርጥ ነበረች፡፡ የአሁኑ የሰማያዊ ፓርቲ ንቅናቄ የቀደመውን ኩራታችንን እንደገና መልሶ ለኢትዮጵያውያን ህዝቦች የማጎናጸፍ ዓላማን ሰንቆ ተነስቷል፡፡

“የሰማያዊ ፓርቲ ንቅናቄን” ዋና ዋና ዕሴቶች እጋራለሁ፡፡ ሰማያዊ ፓርቲ ገዥዎችን እና ኢፍትሀዊነትን በሰላማዊ የትግል ስልት መንገዶች የማስወገድ እምነት አለው፡፡ በዓለም ላይ በየትኛውም ቦታ ገዥዎችን እና ኢፍትሀዊነትን በሰላማዊ የትግል ስልቶች በመጠቀም ለማስወገድ እሰብካለሁ፡፡ ሰማያዊ ፓርቲ በኢትዮጵያ ወጣቶች የሽግግር ኃይል ላይ እምነት አለው፡፡ ባለፉት ሰባት ዓመታት በኢትዮጵያ “እና በአፍሪካ” ላይ ወጣቶች የጻፍኳቸውን የሰኞ ዕለታዊ ትችቶች በሙሉ መልክ በማስያዝ በጥራዝ ቢዘጋጁ የኢትዮጵያ ወጣቶችን የሽግግር ኃይል በተጨባጭ የሚያመላክት ማስረጃ ይሆናልሉ፡፡ የእኔ መፈክርአሁንም በፊትም ወደፊትም ፣ “የኢትዮጵያ ወጣቶች ተባበሩ፣ በፍጹም እጅ እንዳትሰጡ፣ ኃይል ለኢትዮጵያ ወጣቶች!” ነው፡፡

የሰማያዊ ፓርቲ ንቅናቄ አንድ ግብ ብቻ አለው፣ “ፍቅር የነገሰበትን የኢትዮጵያ ማህበረሰብ” መፍጠር፣ ልክ ዶ/ር ማርቲን ሉተር ኪንግ በረዥሙ የትግል ጉዟቸው በአሜሪካ የሰብአዊ እና የሲቪል መብቶችን በማለም “ፍቅር የነገሰበት ማህበረሰብን” ለመመስረት እንዳደረጉት ተጋድሎ ሁሉ፡፡ ዶ/ር ኪንግ እንዲህ ብለው አስተማሩ፣ “የሰላማዊ ትግል ማህበራዊ ለውጥ መጨረሻው ዕርቅ ነው፣ መጨረሻው ኃጢያትን ተናዝዞ ንስሀ መግባት ነው፣ መጨረሻው ፍቅር የነገሰበትን ማህበረሰብ መመስረት ነው፣ እንግዲህ ይህ ዓይነቱ አስተሳሰብ እና ፍቅር ነው በባላንጣነት የሚተያዩትን ወገኖች ወደ ጓደኝነት የሚያመጣው፡፡” “ፍቅር የነገሰበት የኢትዮጵያ ማህበረሰብ“ ከክልላዊነት (ባንቱስታን) አመድነት በአጭር ጊዜ ውስጥ እንደሚወጣ እምነቴ የጸና ነው፡፡

“ፍቅር የነገሰበት የኢትዮጵያ ማህበረሰብ” የሰማያዊ ፓርቲ ንቅናቄ መሰረቱ አንድነት፣ ሰላም እና ተስፋ ነው፡፡ “ፍቅር የነገሰበት የኢትዮጵያ ማህበረሰብ” ሰው በመሆኑ ብቻ አንድ ይሆናል፣ በሌላ በኩል ደግሞ ከከፋፋይ የጎሰኝነት እና ከአፍቅሮ የጎሰኝነት ስሜት ነጻ ይሆናል፡፡ ይህ ዓይነቱ ማህበረሰብ እኩልነት፣ ፍትሀዊነት እና ተጠያቂነት ያለው ህብረተሰብ ለመመስረት ጥረት ያደርጋል፡፡ “ፍቅር የነገሰበት የኢትዮጵያ ማህበረሰብ“ ከእራሱ እና ከጎረቤቱ ጋር ሰላም ፈጥሮ የሚኖር ህብረተሰብ ነው፡፡ ሰማያዊ ፓርቲ ከጎሳ አለመቻቻል እና ጥላቻ ነጻ የሆነ እንዲሁም ከፍርሃት፣ ጥልቅ ጥላቻ እና ከገዥዎች እና ከጨቋኞች ነጻ የሆነ ማህበረሰብ ይፈጥራል የሚል እምነት አለኝ፡፡ ሰማያዊ ፓርቲ ሁሉንም ኢትዮጵያዊ ደኃ እና ሀብታም፣ ወጣት እና ሽማግሌ፣ ወንድ እና ሴት፣ ክርስቲያን እና ሙስሊም… ለማለም ነጻ፣ ለማሰብ ነጻ፣ ለመናገር፣ ለመስማት እና ለመጻፍ ነጻ፣ ከጣልቃገብነት ነጻ ሆኖ ለማምለክ፣ ለመፍጠር ነጻ፣ ለመስራት ነጻ እና ነጻ ለመሆን ነጻ የሆነ ዓላማ ይዞ ነው የተነሳው፡፡ የሰማያዊ ፓርቲ ንቅናቄ ሰላምን በአግባቡ በመጠቀም ጥላቻን፣ የጥላቻ መንፈስን፣ ለመጣላት መቸኮልን፣ ወደ ጓደኝነት፣ መተሳሰብ እና መከባበር በማሻጋገር ለኢትዮጵያ ህዝብ ሰላምን ያመጣል የሚል እምነት አለኝ፡፡ ንቅናቄው ከመራራ ትችት በውይይት፣ ከመቃረን በስምምነት፣ ከጥላቻ በፍቅር፣ እና ጭካኔን፣ ወንጀለኝነትን እና ታጋሽየለሽነትን ለማሸነፍ የሰው ልጅን ክብር ከፍ የሚያደርጉትን መርሆዎች እንደሚከተል እምነቴ የጸና ነው፡፡ “ፍቅር የነገሰበት የኢትዮጵያ ማህበረሰብ“ “የተስፋ እና የህልሞች መሬት” ነው፡፡ ይህ ማህበረሰብ ወጣቶች ለእኩል ዕድሎች፣ ለእኩል መብት እና ፍትህ እንዲያስቡ የሚያደርግ ነው፡፡ ይህ ማህበረሰብ የኢትዮጵያ ወጣቶች ነጻ ሆነው ተስፋዎቻቸውን እና ህልሞቻቸውን በጋራ መካፈል እንዲችሉ የሚያበቃ ነው፡፡ በኢትዮጵያ ወጣቶች የማይገታ ተስፋ አንዳላቸው ጽኑ እምነት አለኝ፡፡

ለሰማያዊ ፓርቲ ምን ማድረግ እንዳለብን እንጠይቅ፣

ሁሉም ኢትዮጵዊ በተለይም የእኔ የጉማሬው ትውልድ ከሰማያዊ ፓርቲ ንቅናቄ ጎን እንድንቆም  አበረታታለሁ፣ እማጸናለሁም፡፡ አውቃለሁ፣ ብዙዎቻችሁ ቀደም ሲል ድጋፋችሁን ለመስጠት በሞከራችሁበት ጊዜ በተፈጠረው ያልተሳካ የትግል ውጤት ምክንያት ተገቢነት ያላቸው ጥያቄዎች፣ ብዥታዎች፣ እና ጥርጣሬዎች ሊኖሯቹህ እንደሚችሉ እገነዘባለሁ፡፡ “እነዚህ ወጣት እና የአመራር ልምድ የሌላቸው ሰዎች ትክክለኛውን ነገር የሚሰሩ ለመሆናቸው ምን ማስተማመኛ አለን?“ በማለት ተጠይቂያሁ፡፡ እኔም እንዲህ የሚል መልስ ሰጠሁ፣ “ልምድ ያለን እና እምነት የሚጣልብን የጉማሬው ትውልድ አመራሮች የሆንነው ከዚህ ቀደም እንዴት ሰራን?“ አፍሪካ በማያቋርጥ አምባገነናዊ የአገዛዝ መዳፍ ስር ወድቃ ስለምትገኝ የወጣቱን የህብረተሰብ ትኩረት የሚስቡ በርካታ ነገሮች እየተፈጠሩ ነው፡፡ የሰማያዊ ፓርቲ ንቅናቄ አመራሮች፣ አባላት እና ደጋፊዎች ስብዕናዎቻቸው ከምን ከምን ነገሮች እንደተዋቀሩ አሳይተውናል፡፡ የተዋቀሩባቸው የመሰረት ድንጋዮች በዝርዝር ሲታዩ የሚከተሉትን ያካትታል፡ ድፍረት፣ የሞራል ጽናት፣ ስነስርዓት፣ ብስለት፣ ጀግንነት፣ ክብር፣ የመንፈስ ጽናት፣ ፈጣሪነት፣ ትህትና፣ ሀሳብ አፍላቂነት እና እራስን ለመስዋዕትነት ማዘጋጀት ናቸው፡፡ ስብዕናዎቻቸውን በማክበር ላለመንበርከክ ሲሉ በቁጥጥር ስር ውለዋል፣ ታስረዋል፣ እንዲሁም ተደብድበዋል፡፡ ሰላማዊ ትግሎቻቸውን አላቋረጡም፡፡ እኛን በማሳመን ሙሉ ድጋፋችንን ከማግኘታቸው በፊት ሌላ ምን ተጨማሪ መስዕዋትነት መክፈል ይኖርባቸዋል? ወጣቶች እና አዲስ ነገር ለማምጣት ጥልቅ ፍላጎት ያላቸው ናቸው፣ በሰላማዊ ትግል ለውጥ ለማምጣት ተገቢው ልምድ ያላቸው ሲሆን ይህንኑ ልምዳቸውን እስከመጨረሻው ይቀጥሉበታል፡፡

አንዳንድ ሰዎች ሰማያዊ ፓርቲ ለገዥው አካል ወይም ለሌላ ድብቅ ዓላማ ላላቸው ኃይሎች ተቀጣሪዎች ላለመሆናቸው ምን ማረጋገጫ አለ በማለት ይጠይቃሉ፡፡ ይህንን ጉዳይ አስመልክቶ የምለው ነገር ቢኖር የሰማያዊ ፓርቲ አመራሮች፣ አባላት እና ደጋፊዎች የገዥው አካል ታማኝ ሎሌዎች ናቸው ብለን የምናስብ ከሆነ ፕሮፌሰር መስፍን ወልደ ማርያም፣ ፕሮፌሰር ያዕቆብ ኃይለማርያም እና ፕሮፌሰር ዓለማየሁ ገብረማርያምም ሊጠቀሱ የሚችሉ ታማኝ ሎሌዎች ናቸው ማለት ነው፡፡ ገዥው አካል ብልህ ከሆነ ሰማያዊ ፓርቲ ስለየህግ የበላይነት እና ስለዴሞክራሲያዊ አስተዳደር ያሉትን ፕሮግራሞች በመገናኛ ብዙሀን ለማስተላለፍ እንዲችል መፍቀድ ይኖርበታል፣ ይህን ካደረገ እኔ ለዚህ ደጋፊ ነኝ፡፡ በአሁኑ ጊዜ ገዥው አካል ሁሉንም የፖለቲካ እስረኞች (በሚስጥር እስር ቤቶች የሚገኙትን ጨምሮ) የሚለቅ ከሆነ፣ ጨቋኝ ህጎችን የሚሰርዝ ከሆነ፣ የሰብአዊ መብት ድፍጠጣዎችን እና ምርጫ ማጭበርበርን የሚያቋም ከሆነ ከመንገድ በመውጣት የመጀመሪያ በመሆን እነሱን በማሞገስ የምዘምር እሆናለሁ፡፡ ጉዳዩ በስልጣን ላይ ስላሉት ሰዎች አይደለም፣ ሆኖም ግን ጉዳዩ በስልጣን ላይ ስላሉት ጭራቃዊ ድርጊት ስለሚፈጽሙት ሰዎች እንጅ፡፡

ባለፉት አስርት ወይም ከዚያ በላይ ዓመታት ተመስርተው በመንቀሳቀስ ላይ የነበሩት እና በመንቀሳቀስ ላይ የሚገኙት የፖለቲካ ድርጅቶች ሙሉ በሙሉ በሚባል መልኩ ስኬታማ ሳይሆኑ እንደቀሩ አንዳንድ ሰዎች ይነግሩኛል፡፡ እንዲህ በማለትም ይጠይቁኛል፣ “ሰማያዊ ፓርቲም ስኬታማ ሳይሆን የሚወድቅ ላለመሆኑ ምን ዋስትና አለህ?“ ሰማያዊ ፓርቲ ላለመውደቁ ምንም ዓይነት ዋስትናዎች የሉም፡፡ ስኬታማ ሳይሆን የሚወድቅ ከሆነ የሰማያዊ ፓርቲ አመራሮች እና አባላት ጽናት እና እራስን ለስነስርዓት ያለማስገዛት፣ የዓላማ ጽናት እና እራስን መስዕዋት ለማድረግ ያለመቻል ጉድለት ሊሆን አይችልም፡፡ በዋናነት ለውድቀቱ ምክንያት ሊሆን የሚችለው ድጋፍ ያለማግኘት፣ ቅን መንፈስ ያለመኖር፣ በእራስ የመተማመን ጉድለት፣ የለጋሽነት እጥረት እና በአገር ውስጥ ካለው ኢትዮጵያውያን/ት ወገኖች እና ከዲያስፖራው ማህበረሰብ የማቴሪያል እና የሞራል ድጋፍ ለማግኘት ያለመቻል ነው፡፡ ፓርቲው ስኬታማ ባይሆን እና ለውድቀት ቢዳረግ በእብሪትነት ተነሳስተን፣ የሌባ ጣታችንን ወደ ፓርቲው በመቀሰር፣ “ተናግሬ አልነበረም!“ ስንል ሦስቱ ጣቶቻችን ደግሞ ቀስ ብለው ወደ እኛ እያመለከቱ መሆናቸውን መዘንጋት የለብንም፡፡ ኔልሰን ማንዴላ እንዲህ ሲሉ ተማጽነዋል፣ “እኔን በማስመዘግባቸው ስኬቶች አትገምግሙኝ፣ይልቁንም ምን ያህል ጊዜ እንደወደቅሁ እና ከውድቀቶች ተመልሸ እንደተነሳሁ እንጅ” ብለዋል፡፡ ከዚህ አንጻር ሰማያዊ ፓርቲ ወደፊት ምን ያህል ጊዜ አዳልጦት ይወድቃል ብለን ከመገምገም ይልቅ ፓርቲው በእኛ እገዛ እና ድጋፍ ከውድቀቱ እንደገና ለመነሳት ምን ያህል ጊዜ ጥረት ያደርጋል የሚለውን ነው መገምገም የሚኖርብን፡፡

ባለፉት በርካታ ጊዚያት እንደታየው የሚያዋጡት የገንዘብ ድጋፍ አላግባብ ሊባክን ይችላል የሚል ስጋታቸውን አንዳንድ ሰዎች ገልጸውልኛል፡፡ ጠንካራ የሆኑ የተጠያቂነት እና ግልጸኝነት ዋስትናዎችን ማግኘት ይፈልጋሉ፡፡ እንዲህ ብለውም ይጠይቁኛል፣ “ባለፉት ጊዚያት ሌሎች እንዳደረጉት ሁሉ ሰማያዊ ፓርቲም በእርሱ ላይ ያለንን እምነት ላለመሸርሸሩ በምን ሁኔታ ማረጋገጥ እንችላለን?”

በሰሜን አሜሪካ ያለው የሰማያዊ ፓርቲ የድጋፍ ስብስብ በጣም ጠንካራ እና በስነስርዓት የታነጸ የኢትዮጵያ ወጣት ኃይል ስለሆነ ከዚህ ስብስብ ጋር መተዋወቄ እና አብሬም መስራቴ ታላቅ ክብር እና ደስታ ይሰጠኛል፡፡ እነዚህ ወጣት ኢትዮጵያውያን/ት የኢትዮጵያን ወጣቶች ትግል ለመደገፍ ከኪሳቸው በርካታ ገንዘብ በማውጣት በስራ ላይ እንዲውል በማድረግ ላይ ይገኛሉ፡፡ የሙያ ስብጥራቸውን ስንመለከት ወጣት ፕሮፌሽናሎች፣ በንግድ የሙያ ዘርፍ የተሰማሩ ወንዶች እና ሴቶች እንዲሁም የኢትዮጵያን የጎሳ፣ የጾታ እና የባህል ህብረ ብሄር የሚወክሉ ናቸው፡፡ የተያቂነትን እና ግልጸኝነትን ዋጋ በሚገባ የተገነዘቡ ናቸው፡፡ እርስ በእርሳቸው በመተማመን እና ለእሴቶቻቸው ተገዥ በመሆን ድጋፋቸውን የሚሰጡ ናቸው፡፡ ለወጣቶቹ ዕድሎችን በመስጠት መሞከር እና ለምሰጠው የድጋፍ ገንዘብ ችግር የለብኝም፣ ምክንያቱም ወጣቶቹ የዚህ አይነት ዉርደት ላይ መውደቅ አንደማይሹ ተገንዝበአለሁ፡፡ መርህን በሚያከብሩት የኢትዮጵያ ወጣቶች እና ህዝቦች ታላቅ እምነት አለኝ፣ የኢትዮጵያ ወጣቶች ትክክለኛውን ነገር ይሰራሉ የሚል እምነት የእኔ ዋስትና ነው፡፡

እ.ኤ.አ ዴሴምበር 15/2013  በኣርሊንግቶን ከተማ አዳራሽ ለመጀመሪያ ጊዜ በተጠራው የሰማያዊ ፓርቲ ስብሰባ ላይ በመገኘት ባደረግሁት ንግግር የሰማያዊ ፓርቲ ሊቀመንበር ይልቃል ጌትነት እርዳታ ለመሰብሰብ እና ለኑስ አምስት ሳንቲም ልመና ወደ አሜሪካ አልመጣም በማለት ለተሰበሰበው ታዳሚ ተናግሬ ነበር፡፡ ሰማያዊ ፓርቲ ከእኛ በሰሜን አሜሪካ ከምንኖር ኢትዮጵያውያን/ት እርዳታ ወይም የገንዘብ ልገሳ አይፈልግም፡፡ ይልቁንም ይልቃል ወደ አሜሪካ የመጣው ገዥው አካል በሰማያዊ ፓርቲ ላይ እያደረሰ ያለውን አስቸጋሪ ሁኔታ፣ የህግ ስርዓት ሂደቱን፣ በአባላቱ ላይ የሚደርሱባቸውን ችግሮች፣ ጨካኝ አምባገነናዊ ስርዓት ባለበት ሁኔታ ፓርቲው ዓላማዎቹን ለማሳካት እንዴት እየሰራ እንዳለ እና የኢትዮጵያ ወጣቶች ነጻ እና ዴሞክራሲያዊት ኢትዮጵያን ለመገንባት በሚደረገው ትግል ላይ ያሏቸውን ህልሞች እና ተስፋዎች ለእኛ ለወገኖቹ ለማካፈል ነው፡፡

በአሜሪካ ከተሞች ለሰማያዊ ፓርቲ ስብሰባዎች በተያዙ ፕሮግራሞች ሁሉ በመገኘት በኢትዮጵያ በሰላማዊ መንገድ ለውጥ እንዲመጣ ለሚታገሉት ባለራዕይ ወጣቶች ለይልቃል፣ ለሰማያዊ ፓርቲ አባላት እና ለንቅናቄው ድጋፍ ሰጭ ጀግኖች ወጣቶች አቀባበል ማድረግ እንዳለብን ለመግለጽ እወዳለሁ፡፡ በከተማው የስብሰባ አዳራሽ የሚካሄዱትን ስብሰባዎች ወጣት መሪዎች እንደእነ ይልቃል፣ እስክንድር፣ አንዷለም፣ ርዕዮት እና ሌሎች ብዙዎቹ በግል ያደረጓቸውን የጀግንነት ስራዎች በማወደስ ብቻ የምናልፈው ሳይሆን በአዳራሹ ማክበር ያለብን ሌሎችም ወጣት ጀግኖች በአደባባይ በመንገዶች በመውጣት ተቃውሟቸውን እንዲህ እያሉ ላሰሙት ጭምር ነው፣ “አንለያይም! አንለያይም!“ (እንደተባበርን እንኖራለን!) ወይም ኢትዮጵያ፣ አገራችን! ኢትዮጵያ፣ አገራችን! (ኢትዮጵያ፣ የእኛ አገር!)፡፡ (አንለያይም! አገራችን፣ ኢትዮጵያ! በማለት ወጣቶቹ ድምጻቸውን ከፍ አድርገው ሲጮኹ ስሰማ ሁልጊዜ ይነሽጠኛል፡፡)

የሰማያዊ ፓርቲ መሪ ይልቃል እዚህ በመካከላችን መገኘቱ ለእኔ እ.ኤ.አ በ2005 በተደረገው ምርጫ የተጭበረበረውን ድምጽ በመቃወም ሰላማዊ ሰልፍ ወጥተው በአምባገነኑ መሪ ትዕዛዝ በታጣቂዎች በግፍ ያለቁት ወጣቶች እንዳልሞቱ የሚያደርግ ኩራትን በመፍጠር እለቱን እንድናስታውሰው ያደርገናል፡፡ ይህ ዕለት የህግ የበላይነት ምንም ይሁን ምን መቀጠል እንዳለበት እና ለነጻ እና ለፍትሀዊ ምርጫ ዕውን መሆን በሰላማዊ ትግል ሲፋለሙ ለነበሩት እና በግፍ ለተገደሉት ወጣቶች መታሰቢያ ይሆን ዘንድ የይልቃል በመካከላችን መገኘት ሕያው ምስክር ነው፡፡

ለሰማያዊ ፓርቲ ንቅናቄ ምን ማድረግ እንችላለን? የተሸለ ጥያቄ ሊሆን የሚችለው ለወጣት ጀግኖቻችን፣ ሲፋለሙ ህይወታቸውን ላጡት፣ በእስር ቤት በመማቀቅ ላይ ለሚገኙት፣ የግርፋት ስቃይ እየተፈጸመባቸው ላሉት፣ በየዕለቱ ማስፈራራት ለሚፈጸምባቸው፣ ስቃይ እና ውርደት ለሚፈጸምባቸው  ምስጋናችንን፣ ክብር መስጠታችንን እና አድናቆታችንን እንዴት ነው መግለጽ የምንችለው? የሚል ይሆናል፡፡

ሰማያዊ ፓርቲ ማግኘት የሚችለውን ማንኛውንም ድጋፍ ማግኘት ይፈልጋል፡፡ የሞራል ድጋፋችንን ይፈልጋሉ፡፡ የእኛን ማበረታታት ይፈልጋሉ፣ እኛ በእነርሱ ላይ እምነት ያለን መሆኑን ማወቅ ይፈልጋሉ፡፡ ከሁሉም በላይ ወጣቶችን በሙሉ ለመድረስ እንዲችሉ፣ ለትምህርት እና ለግንዛቤ መፍጠሪያ ፕሮግራሞች ማስፈጸሚያ ሊውሉ የሚችሉ ከእኛ የማቴሪያል ድጋፍ ይፈልጋሉ፡፡ ድርጅታዊ ህልውናቸውን ለማጠናከር እና በመላ አገሪቱ ቀጣይነት ባለው መልኩ መንቀሳቀስ እንዲችሉ የእኛን የማቴሪያል ድጋፍ ይፈልጋሉ፡፡ ጠንካራ የህግ መከላከያ ገንዘብ ለማግኘት የእኛን ድጋፍ ይፈልጋሉ፡፡ በአፍሪካ አህጉር አላግባብ በበለጸጉ፣ ሙስናን በሚያራምዱ እና ምህረትየለሽ አምባገነኖች ላይ ትግል ለማድረግ የማቴሪያል ድጋፍ ይፈልጋሉ፡፡

ለሰማያዊ ፓርቲ ንቅናቄ የምናደርገው የገንዘብ ድጋፍ በሰላማዊ ትግል ለፍትህ፣ ለእኩልነት፣ ለዴሞክራሲ እና ለሰብአዊ መብቶች መጠበቅ የሚያደርጉትን በቅርብ በመደገፍ ምስጋናቸንን በማቅረብ ከጎናቸው መሆናችንን ለመግለጽ ነው፡፡ ለሰማያዊ ፓርቲ ንቅናቄ ያለን ስጦታ ሰላሟ በእራሷ የተጠበቀ ኢትዮጵያን ለማየት ሀብትን ማፍሰስ ነው፡፡ እንሰጣለን፣ እንለግሳለን፣ በዚህም መሰረት ቀጣዩ የኢትዮጵያ ትውልድ በእኛ ስህተት እና ድንቁርና በተፈጠረው ሁኔታ ሳይቸገር በአዲሲቱ ኢትዮጵያ በሰላም ይኖራል፡፡ የእኛን ወጣት ትውልድ መደገፍ የእያንዳንዳችን እና እንደሀገርም የማህበረሰባችን ኃላፊነት ነው፡፡ እኛ ልጆቻችንን፣ ሁሉንም በኢትዮጵያ ያሉ ወጣቶችን ካልረዳን… ማን እንዲረዳ ይፈለጋል?

ሰማያዊ ፓርቲ ለእኛ ምን እንደሚያደርግልን እንጠይቅ፣

እ.ኤ.አ በኦገስት 2012 በአንድ ትችቴ ላይ “የአቦሸማኔው ትውልድ፣ የጉማሬው ትውልድ” በሚል ርዕስ እንዲህ ስል ጠየቅሁ፣ “ኢትዮጵያን ሊጠብቅ ሊያድን የሚችል ማን ነው?“ በሰላማዊ መንገድ በኢትዮጵያ ለውጥ ለማምጣት መከተል ያለብን መንገድ አገራዊ ውይይት ማድረግ እንደሆነ የኢትዮጵን ወጣቶች ተማጽኛለሁ፡፡ ከዚያን ጊዜ ጀምሮ አቤቱታዬን ለበርካታ ጊዚያት በተደጋጋሚ ሳቀርብ ቆይቻለሁ፡፡ የሰማያዊ ፓርቲ ንቅናቄን በመጀመሪያ በተጠናከረ መልኩ በእራሳቸው በፓርቲው አባላት ላይ በቀጣይም በመላው የኢትዮጵያ ወጣት ማህበረሰብ ላይ የዕርቅ ውይይት ማድረግ እንደሚያስፈልግ ጥሪ አቅርቤ ነበር፡፡ የኢትዮጵያ ብሄራዊ የዕርቅ ውይይት በኢትዮጵያ የወጣቱ ህብረተሰብ ውይይት መጀመር ቀጥሎ የሚፈጸም ይሆናል የሚል እምነት አለኝ፡፡

የኢትዮጵያ የአቦሸማኔ ትውልድ እራሳቸውን ማጠናከር አለባቸው፣ የእራሳቸውን የፖለቲካ እና የማህበራዊ ቦታ መፍጠር አለባቸው፡፡ አገራቸው ከአምባገነንነት ወደ ዴሞክራሲያዊ ስርዓት በሰላማዊ መንገድ ሽግግር ማድረግ እንድትችል የእራሳቸውን አጀንዳ በመቅረጽ ወጣቶቹ ዘርፈ ብዙ ውይይቶችን መጀመር አለባቸው፡፡ የቋንቋ፣ የኃይማኖት፣ የጎሳ፣ የጾታ፣ የክልል እና ወዘተ ገደብ ሳይኖር ወጣቶች የእራሳቸውን ግንዛቤ ለማሳደግ የዘመቻ እቅድ ማዘጋጀት እና በወጣቱ ማህበረሰብ ዘንድ ንግግሮችን ማድረግ አስፈላጊ ነው፡፡ ውይይቶቻቸው ግልጽ በሆኑ መርሆዎች፣ በእውነት፣ በዴሞክራሲያዊ ተግባሮች እና በነጻነት እና በሰብአዊ መብቶች መከበር ላይ የተመሰረቱ መሆን አለባቸው፡፡ ከፍርሃት እና ከጭፍን ጥላቻ ነጻ ሆነው መወያየት አለባቸው፡፡ ሆኖም ግን በመከባበር እና በሰለጠነ መንገድ መከናወን ይኖርበታል፡፡ ከሁሉም በላይ የአቦሸማኔው ትውልድ የውይይት ሂደቱን “የእራሱ” ማድረግ አለበት፡፡ የአቦሸማኔው ትውልድ በሚሰበሰብበት ጊዜ የጉማሬው ትውልድም ይገኛል፣ ነገር ግን በዝምታ  ማዳመጥ ነው ያለባቸው:: ወጣቱን የህብረተሰብ ክፍል በቀላሉ ለማታለል የሚችሉ መሰሪ የጉማሬው ትውልድ አበጋዞች ስለሚኖሩ ምንጊዜም ቢሆን የአቦሸማኔው ትውልድ ነቅቶ ባይነ ቁራኛ ሊጠብቃቸው ይገባል፡፡ በአረብ የለውጥ አመጾች/Arab Spring እንደታየው ሁሉ ወጣቶች በወጥመድ ተይዘው የታዩባቸው ሁኔታዎች ስለነበሩ የኢትዮጵያ ወጣቶችም በወጥመዶች እንዳይጠለፉ ጥንቃቄ ማድረግ አለባቸው፡፡ በመጨረሻም በማታለል የተካኑት የጉማሬው ትውልድ አባላት ወጣቶችን ከጨዋታ ውጭ እንዲሆኑ፣ እንዲጭበረበሩ፣ እንዲደለሉ ያደርጓቸዋል፡፡ መጠንቀቅ ተገቢ ነው::

የዕርቅ ወይይቶች በድንገት እና ተራ በሆነ መልኩ በወጣት የመብት ተሟጋቾች መካከል መጀመር እንዳለባቸው አምናለሁ፡፡ ለምሳሌ እንደዚህ ያሉ ውይይቶች በሚግባቡ እና ተመሳሳይነት አስተሳሰብ ባላቸው የሰብአዊ መብት ተሟጋች ወጣቶች መካከል በመንደር ወይም በጎረቤት ደረጃ መካሄድ ይችላሉ፡፡ ወጣት የሰብአዊ መብት ተሟጋች ወጣቶች አቅማቸውን፣ ያላቸውን እምቅ ኃይል፣ ዕድሎችን እና ችግሮችን ለይተው በማውጣት ዕቅድ ነድፈው ትናንሽ ህብረተሰብ አቀፍ የዕርቅ ውይይቶችን ማካሄድ ይችላሉ፡፡ በአሁኑ ወቅት ያሉትን ድርጅቶች፣ ተቋሞች፣ ማህበራትን እና መድረኮችን በመጠቀም ወጣት የሰብአዊ መብት ተሟጋቾች የዕርቅ ውይይቶችን በማካሄድ የወጣቶችን ግንዛቤ ማሳደግ  ይችላሉ፡፡

የዕርቅ ወይይት መነጋገርን ብቻ አይደለም የሚያካትተው ነገር ግን እርስ በእርስ በንቃት መደማመጥን ጭምር እንጅ፡፡ ወጣቶች ከኢትዮጵያ ብሄረሰቦች እርስ በእርስ በመማማር የእራሳቸውን ብዙሀንነት ማጠናከር ይችላሉ፡፡ በተጨማሪም የኢትዮጵያ የአቦሸማኔ ትውልድ ከጉማሬው ትውልድ ስህተቶች እና ከሌሎች አገሮች ወጣቶች ልምዶችም ለመማር ይችላሉ፡፡ የኢትዮጵያ አቦሸመኔ ትውልድ የሚያደርጓቸው የዕርቅ ውይይቶች በመርህ ላይ የተመሰረቱ እንዲሆኑ አጥብቄ እማጸናለሁ፡፡ ወጣቶች ደስተኛ ባልሆኑባቸው ነገሮች ላይ መቃወም መቻል አለባቸው፡፡ በነገሮች ላይ አለመስማማት ማለት የዕድሜ ልክ ጠላት መሆን ማለት አይደለም፡፡ የሰለጠነ ውይይት ማድረግ ለጉማሬው ትውልድ ከባድ ቢሆንም ለአቦሸማኔው ትውልድ ግን በጣም አስፈላጊ ነገር ነው፡፡

ምነው ዝምታ?

“ዓለም አቀፍ ማጭበርበር በተንሰራፋባት ምድር ላይ“ ዝምታ ከቃላት እና ከስዕል የበለጠ ይናገራል፡፡ ማርቲን ሉተር ኪንግ እንዲህ አሉ፣ “በመጨረሻ የምናስታውሰው የጠላቶቻችንን ቃላት አይደለም፣ ነገር ግን የጓደኞቻችንን ዝምታ እንጅ“፡፡ ይህንን ትችት ካጠናቀቅሁ በኋላ “ስለጓደኞቻችን” “ዝምታ” መናገር አለብኝ፣ ምክንያቱም አንዳንድ ጊዜ ዝምታ ከመናገር የበለጠ የመግለጽ ችሎታ አለው፡፡ የኢትዮጵያ ወጣቶች ፓርቲ መሪ ለመጀመሪያ ጊዜ ወደ ዋሽንግተን ዲሲ በመጡበት ጊዜ እና እስከ አሁን ድረስ ለበርካታ ዓመታት ታይቶ በማይታወቅ መልኩ እጅግ ብዙ ኢትዮጵያውያን ታዳሚዎች በተገኙበት ስብሰባ ላይ የወጣቶቹ መሪ ንግግር በሚያሰሙበት ጊዜ ትኩረትን በሚስብ መልኩ የአሜሪካ ድምጽ ወኪል ጋዜጠኛ ሳይገኝ ቀርቷል፡፡ የአሜሪካ ድምጽ ድርጊቱን ለመዘገብ አንድም ጋዜጠኛ ሳይልክ ቀርቷል፡፡ የአሜሪካ ድምጽ ዜናውን ለመዘገብ ለምን እንዳልተገኘ የማውቀው ነገር የለም፡፡ የሰማያዊ ፓርቲ ስብሰባ ግን ከተለያዩ የኢትዮጵያ ስፖርቶች፣ ባህላዊ፣ አካዳሚያዊ እና የማህበረሰብ ስብሰባዎች እንዲሁም የመጽሀፍት ርክክብ ፊርማ ስነስርዓት ሲኖር የአሜሪካ ድምጽ በሳምንቱ መጀመራያ እና በሳምንቱ ማጠቃለያ በዋሽንግተን ዙሪያ አካባቢ ሰፊ ሽፋን ሰጥቶ ከሚዘግበው የሚያንስ አለመሆኑን በእርግጠኝነት መናገር እችላለሁ፡፡ ምናልባትም ሰማያዊ ፓርቲ እና የኢትዮጵያ ወጣቶች ለአሜሪካ ድምጽ ምንም ያልሆኑ ቀላል ነገሮች ሊሆኑ ይችላሉ፡፡ የአሜሪካ ድምጽ ለወጣቶቹ ግድ ላይኖረው ይችላል፣ የኢትዮጵያ ወጣቶችም ለአሜሪካ ድምጽ ጉዳያቸው አይደለም፡፡

የአሜሪካ ድምጽ እንዲገነዘበው የምፈልገው ነገር ግን በሟቹ በቀድሞው ጠቅላይ ሚኒስትር መለስ ዝናዊ “ኢትዮጵያ  ላይ ዘር ማጥፋት” ፕሮፓጋንዳ አካሂደዋል የሚል ክስ በይፋ ባስታወቀበት ጊዜና ሌላም ጊዜ ወንጭፋቸውን ሲያነጣጥሩባቸው እና ቀስቶቻቸውን ሲቀስሩባቸው በነበረበት ወቅት ከእነርሱ ጎን ቆሜ ነበር፡፡ በዚያ ውንጀላ ጊዜ የአሜሪካ ድምጽ በጽናት ለመርህ የቆሙ መሆናቸውን፣ ለሙያው ክብር ሰጥተው ይዘግቡ እንደነበር፣ ያለአድልኦ እንደሚሰሩ ጊዜን አክብረው ደግመው እና ደጋግመው እንደሚዘግቡ ሽንጤን ገትሬ ተከራክሪያለሁ፡፡ የአሜሪካ ድምጽ በሰማያዊ ፓርቲ ጉባኤ ላይ በመገኘት እንደ ድሮው ሁሉ በጽናት ለመርህ ቆመው፣ ለሙያው ክብር ሰጥተው እና ያለአድልኦ የጉባኤውን ሂደት እንደሚዘግቡ እጠብቅ ነበር፡፡ ምናልባትም ኢትዮጵያውያን በአሁኑ ጊዜ የአሜሪካ ድምጽ የሚለውን ስያሜ የዝምታ ድምጽ ተብሎ መጠራት ጀመረ ወይ ብለው እየጠየቁ ይሆናል፡፡ የዝምታ ድምጹን ለመስማት እንቀጥላለን፣ ሆኖም ግን በዝምታ አይደለም የምንሰማው፡፡

ከዚህ በኋላ ዝምታ መኖር የለበትም፣ ድምጻችንን ከፍ አድርገን እንጩህ እና ለሰማያዊ ፓርቲ ንቅናቄ ድጋፋችንን እናሳይ፣ ዝምታን ከዚህ በኋላ እናቁም፡፡ ለሰማያዊ ፓርቲ ንቅናቄ ድጋፋችንን በይፋ እናውጅ፡፡ ቀጥ ብለን እንቁም እና በእነርሱ እንኩራ፡፡ ለሚያካሂዱት ሰላማዊ እና ግጭት አልባ የስርዓት ለውጥ ትግል አድናቆታችንን በመግለጽ ድጋፋችንን እንስጥ፡፡ ወደ ነጻነት የሚወስደው መንገድ የቱንም ያህል ረዥም ጉዞ ቢፈጅ ከእነርሱ ጋር መሆናችንን እናረጋግጥላቸው፡፡ ወጣቶቹ በመጨረሻም ድልአድራጊዎች ይሆናሉ፡፡ የሰማያዊ ፓርቲ ንቅናቄ አባላትን እንደምንወዳቸው በተግባር እናረጋግጥላቸው!

የኢትዮጵያ ወጣቶች ተባበሩ፣ በፍጹም እጅ እንዳትሰጡ፡፡ ኃይል ለኢትዮጵያውያን/ት ወጣቶች!

ታህሳስ 15 ቀን 2006 ዓ.ም

ትግሉ የሁሉንም ተሳትፎ የሚጠይቅበት ወሳኝ ምእራፍ ላይ ደርሷል

December 26/2013

ራሱን የብሄረ አማራ ዲሞክራሲያዊ ንቅናቄ (ብአዴን) ብሎ የሚጠራው ድርጅት በከፍተኛ የፖለቲካ ኪሳራ ውስጥ ገብቷል። የህወሃትን ዙፋን ከመጠበቅ ባለፈ ምንም ሚና የሌላቸው የብአዴን አመራሮች ያለፉትን ሶስት ወራት በተለያዩ መንገዶች የድርጅቱን አባሎች ሲገመግም ከርመዋል። በግምገማዎች ላይ እንደተረጋገጠው ብአዴን የህወሀትን ዙፋን ሊሸከሙ የሚችሉ ወጣቶችን ኮትኩቶ ለማሳደግ አለመቻሉ ነው። በብአዴን ውስጥ ለሚታየው የውስጥ ትርምስ በድርጅቱ ውስጥ የሚገኙ የግንቦት7 አባላትና ደጋፊዎች እየተጫወቱት ያለው ሚና በሌሎች ድርጅቶች ውስጥ ላሉ የንቅናቄው አባላት ጥሩ ትምህርት የሚሰጥ ነው። የንቅናቄው አባሎችና ደጋፊዎች በድርጅቱ ውስጥ የታቀፉ ወጣቶችን የፖለቲካ ግንዛቤ ከማሳደግ ጀምሮ ፣ የንቅናቄውን መረብ እስከ ወረዳዎች በመዘርጋት ከፍተኛ ሚና በመጫወት ላይ ናቸው። ሰሞኑን በገሀድ በየግምገማዎች ላይ ሲነገር እንደነበረው ብአዴን እወክለዋለሁ ከሚለው የአማራ ህዝብ ሙሉ በሙሉ ተነጥሎ በአየር ላይ የተነሳፈፈ ድርጅት ሆኗል።

ይህን እውነታ ዘግይተው የተረዱት የብአዴን ዙፋን ጠባቂ አመራሮች የሚይዙትን የሚጨብጡትን በማጣት የተለያዩ ውሳኔዎችን እያሳለፉ ነው። ታማኝ የሚሉዋቸውን ካድሬዎች በየወረዳዎች በመላክ በግንቦት7 የሚጠረጠሩትን ወይም የግንቦት7 አባሎች ናቸው ተብለው ከሚገመቱ ሰዎች ጋር በቀጥታም ሆነ በተዘዋዋሪ መንገድ ግንኙነት አላቸው ተብሎ የሚታሰቡትን ሰዎች በመያዝና በማሰቃየት ሌላው ወጣት ንቅናቄውን እንዳይቀላቀል ለማድረግ እቅድ ነድፈው ለመንቀሳቀስ አስበዋል። እንዲሁም አንድ ለአምስት የተባለውን አደረጃጀት በመስሪያ ቤቶች፣ በቤተሰብ፣ በትምህርት ቤቶችና በተለያዩ ተቋማት ላይ በስፋት በማውረድ፣ የሰውን የእለት ተእለት እንቅስቃሴ ለመቆጣጠር አልመዋል። ወጣቱ አካባቢውን እየለቀቀ ግንቦት7ን ለመቀላቀል የሚያደርገውን እንቅስቃሴ የአካባቢ ፖሊሶችንና የድንበር ጠባቂዎችን በማጠናከር ለመቆጣጠር ውሳኔ አሳልፈዋል።

በድርጅቱ ውስጥ የግንቦት7 ደጋፊዎች ናቸው ተብለው የሚጠረጠሩትን ወይም ዝንባሌ አላቸው የሚባሉትን ሁሉ ነቅሶ በማውጣት ለብአዴን ነፍስ ለመዝራት ሙከራ እየተደረገ ነው። እነዚህን ውሳኔዎች ያስፈጽማሉ የተባሉ በጭካኔያቸው ፣ በጎጠኝነታቸውና በንቅዘታቸው የሚታወቁትን የእነሱ ታማኝ ካድሬዎችን ወደ ፊት ለማምጣት በማሰብ ሰሞኑን ሹም ሽር አድርገዋል። ጉልቻ ቢቀያየር ወጥ አያጣፍጥም እንደሚባለው የሰዎች መለዋወጥ የብአዴንን ህልውና ከክስመት የሚታደገው አይሆንም።

ለመሆኑ ብአዴን የህወሀትን ዙፋን ከመጠበቅ በስተቀር ባለፉት 22 አመታት እወክለዋለሁ ለሚለው ህዝብ ምን ሰራ? ብአዴን ባለፉት 22 ዓመታት ከሰራቸው አሳፋሪ ስራዎች መካከል ሰፊው የአገራችን መሬት ለሱዳን ተላልፎ ሲሰጥ የስምምነት ፊርማውን ማስቀመጡ ነው። ከዚህ በተጨማሪ እወክለዋለሁ የሚለው የአማራ ህዝብ ከቦታ ቦታ ሲፈናቀል፣ ለአመታት ህዝቡ በኤድስና በወባ እንደቅጠል ሲረግፍ ፣ ወጣቱ ስራ አጥቶ በአደገኛ እጾች ደንዝዞና ተስፋ ቆርጦ የወጣትነት እድሜውን በከንቱ ሲያሳልፍ ብአዴን ዞር ብሎ ለማየት ፈቃደኛ አልሆነም።

የብአዴን ዙፋን ጠባቂነት የሰለቻቸው የድርጅቱ አባላት በተለያዩ ጊዜያት የውስጥ ትግል ሲያደርጉ ቆይተዋል። ብዙዎች በህወሀትና በተላለኪው ብአዴን የጸጥታ ሀይሎች ተገድለዋል፣ አንዳንዶች ድርጀቱን ለቀው ወጥተዋል፣ አንዳንዶች አሁንም በእስር ላይ ይገኛሉ።

ከቅርብ ጊዜ ወዲህ በብአዴን ውስጥ ብቻ ሳይሆን በመላ አገራችን ስር ነቀል ለውጥ ለማምጣት ፈቃደኝነታቸውን አሳይተው በግንቦት7 ስር ታቅፈው በመንቀሳቀስ ላይ ያሉት ወጣት አባላት የቀድሞ አባሎች የጀመሩትን ትግል በተደራጀና ስርአት ባለው መልኩ ለማስኬድ የጀመሩት ትግል ንቅናቄው በትኩረት የሚከታተለው ነው። ይህ ትግል ተጠናክሮ በሌሎች ድርጅቶችም ተግባራዊ እንዲሆን ግንቦት7 በተለያዩ የኢህአዴግ ድርጅቶች ውስጥ ላሉ አባሎቹ ጥሪውን ያስተላልፋል።

ግንቦት7 መላውን የኢትዮጵያ ህዝብ ከዘረኛው፣ ዘራፊውና ራዕይ አልባው የህወሀት ጎጠኛ አገዛዝ ለአንዴና ለመጨረሻ ጊዜ ለመገላገል እና በምትኩ የሁሉም የምትሆን ዲሞክራሲያዊት ኢትዮጵያን ለመገንባት የጀመረውን ትግል ከመቼውም ጊዜ በላይ አጠናክሮ ቀጥሏል። በዚህ ወሳኝ የትግል ምእራፍ ወቅት የሁሉም ኢትዮጵያዊ ተሳትፎ አስፈላጊ ነው ብሎ ንቅናቄው እንደሚያምን በተደጋጋሚ ሲገልጽ ቆይቷል። በተለይም በኢህአዴግ ድርጅቶች ውስጥ ታቅፈው በመንቀሳቀስ ላይ ያሉ እውነተኛ የስርአት ለውጥ እንዲመጣ የሚፈልጉ ሀይሎች የብአዴን ወጣት የግንቦት7 አባላት እያሳዩት ካሉት እንቅስቃሴ ልምድ በመውሰድ በውስጥ የሚያደርጉትን ትግል አጠንክረው እንዲገፉበት ንቅናቄያችን ጥሪውን ያቀርባል።

ድል ለኢትዮጵያ ህዝብ!!

Mentally disabled Ethiopian housemaid faces beheading in Saudi Arabia.

The Horn Times Newsletter December 26, 2013
By Getahune Bekele-South Africa

In the first place, the charge was motivated by conjugation of hate and barbarity common in Saudi Arabia. Unable to disavow the accusation labeled against her without a lawyer or even an interpreter, with her hair disheveled and her face hoary with terror, eyes darting from one corner to the other, the Ethiopian woman stood before three heavily bearded Islamic judges silent and motion less.

She does not remember her own name and no one knows for how long she has been subjected to severe abuse by her Saudi employers. No passport or travel document was found in her possessions. The Horn Times is still trying to establish her real name and family address back home in Ethiopia.

Despite the great discrepancy between the police and her employer’s version of the incident, the 26-year-old mentally disabled woman was sentenced to death on Tuesday 24 December 2013, in the capital Riyadh for allegedly killing her abusive employer’s six-year-old girl, Lamis, by slitting her throat.

The court’s bizarre verdict based on conjecture and confession obtained under coercion by the notorious Saudi police, once again exposed the stone-age nature of the country’s legal system, which remains at odds with the international norm or practice.

According to the charge sheet, the battered Ethiopian housemaid slit the throat of Lamis, 6, with a kitchen knife   in July 2013 at Hota Bani Tamim, just South of Riyadh. An hour later, police found her trying to hide in the back yard of her employer’s house. Police alleged that the woman resisted arrest and put up a fight but was overpowered and taken into custody.

Delivering the verdict, the presiding judge told the mentally unwell Ethiopian woman who were muttering cryptic words to appeal against the death sentence within 30 days if she wishes to. Under such mental state, it was not clear if the condemned woman was cognizant of her rights.

From sleep and food deprivation, wealthy Saudis are known for dehumanizing foreign domestic workers by isolating them from friends and family, making them to work extra hours, and viewing them as cheap labor or mere commodities. Rape and forced confinement for weeks or months with no payment are still common.
To millions of housemaids from the Philippines, Bangladesh, Sri Lanka and Indonesia; the name Saudi Arabia is a connotation of demonic cruelty and 7^th century Arabian barbarism.

According to records, Saudi Arabia has a yearly average of 100 executions and publicly beheaded 27 housemaids in 2010 alone and most of those put to death were vehemently denying any wrongdoing till to the last minute.

Amnesty international says some of those who committed crimes such as murder either were defending themselves or mentally challenged because of prolonged abuse and unspeakable suffering at the hands of their employers.

International law prohibits the application of the death penalty against children under the age of eighteen at the time of the crime being committed, and the implementation of the death penalty on persons suffering from mental retardation or extremely limited mental competence.­

However, in January 2013, the Saudi Arabian regime executed an eighteen year-old Sri Lankan maid Rizana Nafeek arrogantly brushing off international condemnation. Several mentally retarded maids were also mercilessly beheaded as the international community continues to tolerate the barbaric oil sheikdom’s nefarious stubbornness.

infohorntimes@gmail.com
    

የህወሃት ጥበበኞች እና የአምልኮ እይታቸው

December 26/2013

ሰሞኑን በደማቅ ሁኔታ የአለምን ህዝብ አይን እና ጆሮን የሳበው የአፓርታይድን ስርአት ገርስሠው ለህዝባቸው እና ለሃገራቸው እንዲሁም ለተቀሩት አለማት የህዝብ ኩራት የነበሩት የኔልሰን ማንዴላ ህልፈተ ህይወት እንደነበር ማንም የሚረሳው አይደለም ። ይህ ዕርሳቸው ህልፈተ ህይወት የመላው አለምን መንግስታት እና የአለምን ህዝብ ከመሳቡም በላይ እድሜ የሚጨመር ቢሆን ሊጨምርላቸው የሚችል ህዝብ እንደሆነ በፍቅራቸው አሳይተዋል ። ማንዴላ እና ስራዎቻቸውን ስናስብ በአፓርታይድ ስርአት ውስጥ በነበሩት የአፍሪካ ሃገሮች ላይ ይደርስባቸው የነበረውን የዘረኝነት ጭቆና ከስሩ ነቅሎ ለመጣል ያደረጉት የህይወት መሰዋእትነት ክፍያ አሌ የማይባል የትየለሌ እንደሆነ የትግሉን መራራነት ያለፉት ወገኖች ብቻ ያውቁታል ።

ታዲያ አፍሪካ አገራቶች ለደረሰባቸው ጭቆና የትግል ስልታቸው በማንዴላ የሰላም አካሂያድ ባይፈታ ኖሮ ዛሬ ደቡብ አፍሪካ የደረሰችበት ደረጃ ባልደረሰች ነበር ለማለት ያስችላል ምክንያቱም የሰላማዊ ድርድሩ የቂም በቀል መልስ ሳይኖረው ፣ዘር ከዘሩ ሳይለይ ማንኛውም ሰው በሰውነቱ ተከብሮ የሚኖርባት አንዲት ደቡብ አፍሪካዊት አገር ለመፍጠር የተደረገ መሰዋእትነት እንደሆነ የአለም ምሳሌ የሆኑት ኔልሰን ማንዴላ የሰላም አርማ የሆናቸውን እጃቸውን ከፍ አድርገው ሰላም ሲሉ ዘምረውለታል ፣ታዲያ እንዲህ እንዲህ እያለን ስለ ማንዴላ እና የትግል ህይወታቸው እናንሳ ብለን ካልን ብዙ ጊዜያቶች ሊያስፈልጉን እንደሚችሉ እና ጊዜውም ላይበቃን ይችልም ይሆናል ።ነገር ግን ለዚህ ርእስ መነሻ ወደ ሆነው ጉዳይ ስናመራ የወያኔ ቆንጮ የነበረው እና ከአመት በፊት የእልፈተ ህይወቱ የተነገረለት መለስ ዜናዊን አስመልክቶ በአይጋ ፎረም ላይ የተለጠፈው እና አንድ የፌስቡክ ወዳጄ ያጋራኝን ምስል እና ጽሁፍ ሳይ እኔም የበኩሌን ሃሳብ እንድሰነዝር አስገደደኝ ፣ማገናዘብ የተሳነን ዜጎች ነን ማለት ነው ብዬ ድምዳሜ ላይ ከደረስኩ በኋላ መልሼ ለምን እንዲህ ከማለት ልዩነቶቹን በጥቂቱ ብሰነዝረው ሊረዱኝ ይችላሉ እና ሃሳቤን ላስቀምጠው ብዬ የእጄን ብእር ከወረቀት አወዳጀሁ።

ይሄውም "መለስ ህግ ሳይሆን ሀዋሪያ ነው ምን አልባትም በ2000 አመት ውስጥ አንዴ ሊደገም የሚችል መሪ" ይላል ሃሳቡ ፣በጣም ያስቃል ግን አንዳንድ ጊዜ ልንፈርድ የማንችለው ነገር ላይ እንደርሳለን ፣ለምንድ እንደሆነ ባላውቅም መለስን ከሃዋርያቶች አንዱ አድርገው ያለሙበት ምክንያት ባይገባኝም ልክ እንደ ጣኦት ስለሚያመልኩት ብቻ እንደሆነ  ግልጽ ሃሳብ ይሰጣል ። ሃዋርያቶች ወደዚህ ምድር ከመጡ ረጂም ዘመናትን አስቆጥረዋል ፣የመጸሃፍ ቅዱስ ህግጋትን ለህብ ካስተማሩ በኋላ ማናቸውም ሃዋርያቶች ይህችን ምድር እስከ ዘለአለሙ ተሰናብተዋል ከዚህም በኋላ የሚመጡትም  ሃዋርያቶች ሳይሆኑ ተከታዩቻቸው  እንጂ ሃዋርያቶች ሊሆኑም አይችሉም ፣ታዲያ በቅዱስ ቃሉ እንዲህ ማለቱን ስናይ እውነትም ጊዜው ደርሶአል ያሰኛል ፤  "ልጄ ሆይ ከእነርሱ ጋር በመንገድ አትሂድ ፣ከጎዳናቸውም እግርህን ፈቀቅ አድርግ ፣እግሮቻቸው ወደ ክፋት ይሮጣሉና ደምም ለማፍሰስ ይፈጥናሉና መርበብ በወፎች አይን ፊት ከንቱ ትተከላለችና እነርሱም በደማቸው ላይ ያደባሉ ።

      እንዲሁ ይህ መንገድ ትርፍን ለማግኘት የሚሳሳ ሁሉ ነው የባለቤቱን ነፍስ ይነጥቃል ጥበብ በጎዳና ትጮአለች በአደባባይ ድምጿን ከፍ ታደርጋለች  በአደባባይ ትጣራለች በከተማይቱ መግቢያ በር ቃልን ትናገራለች  እናንተ አላዋቂዎች እስከመቼ አላዋቂነትን ትወድዳላችሁ ?ፌዘኞች ፌዝን ይፈቅዳሉ ?ሰነፎችም እውቀትን ይጠላሉን?" ይላል በመጸሃፈ ምሳሌ        እውነት ስለ መለስ ስንናገር የምናውቀውን እና ለህዝብ ያደረገውን እያገናዘብን እና መልካም ስራውን ከመጥፎው ጋር እያወዳደርን የገለጽንበት ወቅት አለን ? ካለስ የትኛው ይጎላል? እውነት አለማወቃችን ይሆን እንዲህ የሃዋርያትን ቦታ ልንሰጠው የቻልነው ወይስ እኛም የጣኦቱ አምላኪዎቹ ሆነን እርሱ የሚመለክበት ግኡዙ ጣኦታን ነው ? 

ማንዴላ እና መለስ ከአንድነታቸው ልዩነታቸው ይሰፋል እና ልዩነቶቻቸውን ላስቀምጥ በመጀመሪያ   ማንዴላ ለአፍሪካውያኖች በሙሉ በአፓርታይድ ስርአት ለተጨቆኑ ዜጎች የታገሉ ታላቅ ሰው ሲሆኑ መለስ ዜናዊ  ትግል ሃርነት ትግራይ በሚል ለአንድ ብሄር የታገለ  ነው  ማንዴላ 27 አመታት በእስር ሲማቅቁ  መለስ በባንክ ዘረፋ ላይ ተሰማርቶ ግዳጁን ሳይወጣ ፈርጥቶ የሮጠ ደካማ ታጋይ ነበር ፣ ማንዴላ ከበላዮቻቸው የነበሩትን የነጭ ባለስልጣናትን  ብበሰላማዊ መንገድ ሰላም ለመፍጠር ድርድር ሲያደርጉ መለስ ዜናዊ በጅምላ እንዲገደሉ ያዘዘ መንግስት ነበር  ማንዴላ ለአንድ ተርም ብቻ  በመንግስት አስተዳደርነት ቆይተው ከአሁን በኋላ በቃኝ ብለው ሲወርዱ መለስ ለሃያ ሁለት አመታት ገዝቶ በሞት ተሸንፎ ከስልጣን የወረደ መሪ ነበር ፣ ማንዴላ የሃገራቸው ህዝብ ጥቁር ነጭ ብሎ እንዳይለይ የዘር መከፋፈል እንዳይኖር በአስቸኳይ አዋጅ ሲያውጁ መለስ ዘሮችን የከፋፈለ ሃገር የከፋፈለ ፣እና የሰዎችን ሰላም የነሳ መንግስት ነበር የማንዴላ መንግስት በነበሩበት ወቅት የነጮችን ታሪክ ለልጅ ልጅ እንዲቀር ማንም እንዳይነካው ሲያውጁ መለስ የኢትዮጵያን ታሪክ ያፋለሰ እና ያበላሸ መንግስት ነበር  ታዲያ አንድነታቸው ከማንዴላ ጋር ሲተያይ ሁለቱም የአፍሪካ አገር መሪዎች ሲሆኑ በመካከላቸው ያለው ሰፊው ልዩነት ፣ከህዝብ ክብር ለማንዴላ ሲያስገኝ ለመለስ ደግሞ በስራው ጥላቻን አስገኝቶአል ፣በመለስ ቀብር ስነስርአት ህዝብ በገንዘብ እና በግዳጅ ቀብር እንዲወጣ ሲታዘዝ ለማንዴላ ቀብር  ግን ከታላላቅ ባለስልጣኖች  ውጭ የአለም ታዋቂ ሰዎች ባለሃብቶች የፊልም ባለሙያዎች የሙዚቃ ባለሙያዎች የቴሌቪዥን ሾው አቅራቢዎች ለቀብራቸው በክብር በመገኘት ስንብት አድርገዋል ፣ለመለስ ይህ በአለም አቀፍ ህዝቦች ታውሶአል እንዴ ትብሎ ቢጠየቅ አረ እሱ ማነው ? የሚል ጥያቄ ያመጣል ታዲያ ሃዋርያነቱ ለማን ይሆን ? እኔም ነገር አላብዛ ስለዚህ ወዳጄ ሰሚር አያይዞ ከለጠፈልኝ ጽሁፍ ጋር እኔም እሰናበታችኋለሁ መልካም ቆይታ  የሰሚርን ጽሁፍ ከዚህ በታች ያዩታል እና  ያንብቡት ።

 "ማንዴላን በማሳበጥ የመለስ ራእይ አይሙዋሽሽምም " is killing አረ አይተ አይጋ ፎረም ሼም እወቁ ምን አልባት ሼምየለሽ ከማል ይሆን እንዴ እቺን ፅሁፍ የፃፉት?

,,,,,,,,መለስ ህግ ሳይሆን ሀዋሪያ ነው ምን አልባትም በ2000 አመት ውስጥ አንዴ ሊደገም የሚችል መሪ ,,,,,,,,,እያለ ታዋቂ የመንግስት ጋዳፊ እንደሆነ ይቅርታ ደጋፊ እንደሆነ የሚነገርለት አይጋ ፎረም ድህረገፅ ስለ ሀዋሪያው መለስ ፅሁፉን ይቀጥላል,,,,
እኛም ይህንን አንብበን የአይጥ ፎረም ብለነዋል,,,,,

A Humorous picture of Zenawi’s resurrection

‹‹መለስ ዛሬ የለም፡፡ አዲስ ጊዜ ነው፡፡ ደስ ብሎኛል፤ ቪዛዬም ያለምንም ቅድመ ሁኔታ ተሰጥቶኛል፡፡››...ማዳም አና ጎሜዥ <<ለመንግስታችን ዮዲት ጉዲት ለተቃዋሚው ደግሞ ሀና ጎበዜ >> የነበረችው ወ/ሮ ናት እንግዲህ ለሪፖርተር ጋዜጣ እንዲህ ያለችው።

እኛም በተራችን የአና ጎሜዝን ልብ በማሳበጥ የመለስ ራእይ አይደበዝዝም እንበል እንዴ ?

ያላቻ ጋብቻ

ጉዳዩ በህወሀት ደጋፊዎች እና በOromofirst ግሩፖች መካከል የተፈፅመውን ያላቻ ጋብቻ ይመለከታል።
ምን አልባትም political prostitution (the carpet crossing in pursuit of ambitions – hate monger) ሊባል ይችል ይሆናል።

እንግዲህ የጠላቴ ጠላት ወዳጄ ነው ብሂል polarized የሆኑ ቡድኖች አሸሼ ገዳሜ እያሉ ያሉበት ሁኔታ ነው ያለው። ለነገሩ እነዚህን ባላንጣዎች አንድ በማድረግ አፄ ሚኒሊክ ከመቶ አመት በሁዋላም ታሪክ ሰርተዋል። viva Minilik viva Teady Afro ብለን እንቀውጠው እንዴ ? ማነህ እንትና አንድ አባዱላውን በደሌ እስቲ አምጣ አሉ ጋሽ ወርቁ። አንድ ጊዜ በዌብሳይቱ ላይ ያሉትን ማስታወቂያዎችን ይጫኑ