ሰራዊቱን ዝም ለማሰኘት የታቀደ የመጀመሪያ ዙር ስራ የተቃዋሚ ደጋፊ የተባሉ ወታደሮችን ለማጥቃት የታቀደ ግምገማ ሊደረግ መሆኑ ታውቋል

Juni 23,2017

ከጦር ሃይሎች የተገኘው መረጃ እንደተመለከተው በመከላከያ ሰራዊቱ ሁሉም እዞች በወታደሮች ላይ ግምገማ ሊደረግ መሆኑ ታውቋል::የግምገማው ዋናው ሂደት በሰራዊቱ ውስጥ የተገኘው የኢሕአዴግ ድምጽ አነስተኛ መሆኑ እና ይህ እንዴት ሊሆን ይችላል ከሚል አንጻር ተጠርጣሪ የተቃዋሚ ደጋፊ የተባሉ ወታደሮችን ለማጥቃት የታቀደ ግምገማ ሲሆን በግምገማው ላይ ሞባይሎች እንደሚፈተሹ እና ተቃዋሚዎችን በተመለከት ውስጥ ለውስጥ ፕሮፓጋንዳ ያራግባሉ እንዲሁም አለማቀፍ ጉዳዮችን በተመለከተ ከሚዲያ መረጃዎችን ይዘው መተው ያወራሉ የሚባሉ ወታደሮች የግምገማው ሰለባ እንደሚሆኑ ውስጥ አዋቂ ምንጮች ተናግረዋል::የመከላከያ ሰራዊቱ ከሲቭል ደህንነት እና ከኢንሳ በተመደቡ እና የወታደሩን ካኪ ለብሰው በመመሳሰል በሚሰልሉ የሕወሓት አባላት አቅራቢነት ወንጀሎች ተቀነባብረው ግምገማውን እንደሚያጦዙት ይጠበቃል ሲሉ ምንጮቹ አክለው ገልጸዋል::

የለውጥ ፈላጊ ሃይሎችን ደግፋችሁሃል በሚል ለጥቃት የተዘጋጀው ይህ ግምገማ አለመተማመን እና ጥርጣሬ በሞላው የመከላከያ ሰራዊቱ ውስጥ ልዩነቶችን በማስፋት በአንድ ብሄር የበላይነት የሚተዳደረውን አምባገነን ወታደራዊ አመራርን በማጠናከር ሌሎች ብሄሮች በፍርሃት እና በስጋት እንዲኖሩ ለማሸማቀቅ የሚያደርግ እንዲሁም ሰራዊቱን ለለውጥ ያነሳሳሉ የሚባሉ መኮንኖችን እና ወታደሮችን ሰብስቦ ለማሰር እና ደብዛቸውን ለማጥፋት የታቀደ እንደሆነ ታውቋል:ግምገማው የሚመራው በተለያዩ እና በጄነራልነት ማእረግ ባላቸው የሕወሓት መኮንኖች ሲሆን ሰራዊቱን ዝም ለማሰኘት የታቀደ የመጀመሪያ ዙር ስራ መሆኑን ምንጮቹ ገልጸዋል::

ይህ በእንዲህ እንዳለ 450 የሕወሓት አባላት ተመልምለው ለወታደራዊ ስልጠኛ በሚል በተለያዩ የምስራቅ አውሮፓ አገሮች ለትምሕርት ሊላኩ መሆኑ ሲታወቅ ከአንድ ብሄር ብቻ ለምን/እንዴት ይህ ሆነ የሚል ጥያቄ መነሳቱን እና ምንም አይነት ምላሽ እንዳልተሰጠው ታውቋል::ምንጮቹ አያይዘው እንዳሉት ልሰላም አስከባሪ ሃይል ከፍተኛ አመራር እንዲሆኑ ለስልጠና የታጩት የሕወሃት አባላት ጉዟቸው እንደማይሰረዝ እና ጉዞውን ለተቃወሙት መኮንኖች ከፍተኛ ጉዳት ሊያስከትል ይችላል ሲሉ ገልጸዋል::

ቆንጂት ስጦታውm

ባሕር ዳር ኮንሠርት ላይ በፈነዳ ቦንብን ምክንያት በማድረግ በርካታ ወጣቶች ታሠሩ፤

April 29,2017

ባሕር ዳር ኮንሠርት ላይ በፈነዳ ቦንብን ምክንያት በማድረግ በርካታ ወጣቶች ታሠሩ፤

ሚያዚያ 21 ቀን 2009 ዓ.ም፤ በባሕር ዳር የመስቀል አደባባይ በነበረ የዘፈን ኮንሠርት ላይ ምሽት 1፡30 አካባቢ በፈነዳ ቦንብ ዝግጅቱ ተቋርጦ የመከላከያ ሠራዊትና የፌደራል ፖሊሶች ጥይት ይተኩሱ እንደነበር የመረጃ ምንጮቻችን ጠቁመዋል፡፡

የዳሽን ቢራ ስሙን ወደ ባላገሩ መቀየሩን ተከተሎ በባሕር ዳር ከተማ የዘፈን ኮንሠርት በማዘጋጀት ለሕዝብ የማስተዋወቅ የመጀመሪያ ሙከራው ሲሆን ኩኩ ሰብሰቤና አረጋኸኝ ወራሽ ነበሩ፡፡ ወንድሞቻችን እየተገደሉና እየታሰሩ ምንም ዓይነት ዘፈንና ጭፈራ አንፈልግም በሚል የባሕር ዳር ከተማ ሕዝብ ወደ ኮንሠርቱ እንዳልሄደ ነው የነገሩን፡፡ የሥርዓቱ ደጋፊዎች የሆኑ ጥቂት ሰዎች በታደሙበት በዚህ ኮንሠርት ኩኩ ሰብስቤ ‹‹ቻልኩበት›› እያለች በመዝፈን ላይ ሳለች ድንገት ከፍተኛ የቦንብ ፍንዳታ ተሰማ፡፡ በዚህም አደባባዩ ውስጥ የነበሩ ቁጥራቸውና የጉዳት መጠኑ በውል ያልታወቁ ሰዎች ጉዳት ደርሶባቸዋል ተብሏል፡፡

ኩኩ ዘፈኗን አቋርጣ መጠጊያ ፍለጋ ለመሸሽ ተገዳለች፡፡ መድረኩ ላይ የነበሩ ሰዎች ሁሉ ዘፈኑን አቋርጠው የሸሹ ሲሆን ከፌደራል ፖሊስና ከመከላከያ ከፍተኛ ተኩስ ተከትሏል ብለውናል መረጃዎቻችን፡፡ አስተያየቱ የሠጡን ሰዎች ‹‹እኛ አገር አጥተን የምን ‹ባላገሩ› የሚል አተላ ሹፈት ነው›› ብለውናል፡፡ ይህን ተከትሎ ባለፉት ጥቂት ሰዐታት ብቻ ከመቶ ያላነሱ ወጣቶች በገፍ ታሥረዋል ብለውናል፡፡ በቀበሌ 15፣ 04፤03፣ 05፣ 06 አካባቢዎች የተገኘ ማንኛውም ሰው እየታሠረ እንደሆነ የመረጃ ምንጮቻችን ተናግረዋል፡፡

በሌላ በኩል ከአዲስ ዘመን እስከ አምባጊወርጊስና ትክል ድንጋይ ድረስ ከፍተኛ ውጥረት እንዳለ መረጃዎች ያመለክታሉ፡፡

ኦባንግ ሜቶ ከከፋ አደጋ ተረፉ!

April 29, 2017

• “ዳግም የመኖር እድል ተሰጠኝ፤ ተማርኩበት፤ እናንተም ተማሩ”

“ጥቁሩ ሰው” ኦባንግ ሜቶ በሁሉም ስፍራ፣ በየትኛውም አጋጣሚ ለሚፈልጋቸው ሁሉ “አለሁ” የሚሉ ኢትዮጵያዊ ናቸው። ዘረኝነትን፥ ዘውገኝነትን፥ ጎሠኝነትን አጥብቀው ይዋጋሉ። ይጸየፉታል። ከዘር ቆጠራና ከቂም የጸዳች ኢትዮጵያን ማየት ህልማቸውና የመጨረሻ ግባቸው ነው።

ሰብዓዊነት ለአፍታም ከአንደበታቸው የማይለይ፣ በሚያውቋቸው ሰዎች ሁሉ የሚወደዱ፣ ግልጽ ተናጋሪነታቸው ልዩ የሚያደርጋቸው ኦባንግ በዚሁ ባህሪያቸው “አባ ነቅንቅ” የሚል ስም ተሰጥቷቸዋል። በስደት ለሚሰቃዩ የኢትዮጵያ ልጆች /እሳቸው ቤተሰቦቼ የሚሏቸው/ በጠሯቸው ቦታና ሁሉ በመገኘት ለሚያሳዩት ትጋት አቻ የላቸውም። ኢትዮጵያን በመወከል በከፍተኛ ቦታዎች የሚሟገቱ፣ ያዘነውን የሚጎበኙ፣ ለሴት እህቶቻችን ቀድመው የሚደርሱ እኚህ ውድ ሰው በድንገተኛ የመኪና አደጋ ተዓምር ሊባል በሚችል አጋጣሚ ከሞት የመትረፋቸው ዜና ስንሰማ ደንገጠናል። እርሳቸው ብቻ ሳይሆኑ አብሯቸው የነበረ ባልደረባቸውም ከዚህ ዘግናኝ አደጋ አምልጧል።

ባለፈው ሳምንት መገባደጃ ሚያዚያ 14 2009ዓም /22.04.2017 ከዋሽንግተን ዲሲ ወጣ ብሎ የደረሰባቸውን የመኪና አደጋ አስመልክቶ “ዳግም የመኖር ዕድል ተሰጠኝ፤ ተማርኩበት፤ እናንተም ተማሩበት። ዜናው የእኔ ከአደጋ መትረፍ ሳይሆን በቅጽበት የምትሰናበተውን ህይወታችንን በሚገባ ልንጠቀምበት እንደሚገባ መማሩ ላይ ነው” ሲሉ ነበር የገለጹት።

“አዎ” አሉ ጥቁሩ ሰው። “አዎ! ሞትን ለቅጽበት አየሁት። እንዳልወሰደኝ ስረዳ ሰዎች በቅጽበት ታሪክ እንደሚሆኑ በመረዳት በህይወት ዘመናቸው ደግ ለመስራት ለራሳቸው አለመማላቸው አሰብኩ” ሲሉ መልዕክታቸውን የጀመሩት ኦባንግ “እንኳን ነገ፣ በደቂቃዎች ምን እንደምንሆን ማስተማመኛ በሌለበት ሁኔታ ሰዎች ስለበቀልና ሌላውን ስለማጥፋት ስልት እየነደፉ ለመኖር መምረጣቸው አሳዘነኝ”።

ይህንን ሲናገሩ “የሚጸጽተዎ ነገር አለ እንዴ?” የሚል ጥያቄ ሰንዝረን ነበር። ኦባንግ ግን መልሳቸው ሌላ ነው። “እኔ ጸጸት ብሎ ነገር አላውቅም። የምጸጸትበት ነገርም ስለመፈጸሜ አስቤ አላውቅም። ነገር ግን ለወገኖቼ መሥራት የሚገባኝን እንዳልሰራሁ አስባለሁ። በተለያዩ ምክንያቶች ያስብኩትን ያህል አልተጓዝኩም። ይህ ከጸጸትም በላይ ነው። ምክንያቱም ዘረኝነትን ረግጠንና ቀብረን መጓዝ አለመቻላችን መድሃኒት የሌለው የቅዠት ተስቦ በሽተኛ አድርጎናል” ብለዋል። በውል የማይታወቅ ዘመን ወደኋላ በመሄድ ለአሁኑ ትውልድና ለአገራችን በማይጠቅም ጉዳይ ላይ ጉልበት፣ ሃብትና ጊዜ እየባከነ መሆኑንን የጠቆሙት ጥቁሩ ሰው “ከዚህ አዙሪት ሳንወጣ ሞት ይወስደናል፥ ለትውልድ የማይድን ቁስል ትተን፥ ትውልዱን መርዝ ወግተን እናልፋለን” ይላሉ።

ተፈጥሮ በጥድፊያ ወደ ሞት እየገፋችን ባለበት ሰዓት ሰው ሌላውን ስለመበቀልና ስለማጥፋት ዕቅድ ይዞ መስራቱ ከምንም ነገር በላይ ልብ የሚሰብር እንደሆነ ኦባንግ በሃዘኔታ ነው የገለጹት። “የማውቃቸውም ሆነ የማላውቃቸው በርካታ ወዳጅ ቤተሰቦች እንዳፈራሁ አውቃለሁ። ይህን ዜና ሲሰሙ እንደሚያዝኑ እረዳለሁ። ከዜናው በላይ ግን ለሚሰሙ ትምህርት እንዲሆን ይህንን መልዕክት ለማስተላለፍ ስል መናገርን መርጫለሁ። ዳግም የመኖር ዕድል ስለተሰጠኝ የዕድሉ ተጠቃሚ ለመሆን ስል ከሞት መልስ የተማርኩትን አካፍያለሁ። ለሚሰማ ትልቅ ጉዳይ ነው” ሲሉ ማሳሰቢያ አዘል መልክታቸውን ኦባንግ አስተላልፈዋል።

ከዘርና ከዘረኛነት ቋት ወጥተው “ከጎሳ በፊት ሰብዓዊነት” በሚል አዲሲቷ ኢትዮጵያ ልትተከልበት የሚገባውን መርህ የሚያቀነቅኑት ኦባንግ “መለስ ሲነገረው ቢሰማና ለአንድ ቀን ቀና ሰው ስለመሆን ቢያስብ፣ ብለን ብንመኝ ቢያንስ በቅርቡ ያለቁትን በሺህ የሚቆጠሩ ወገኖቻችንን ነፍስ ማትረፍ፣ እየሰፋ የመጣውን የጎሳ በሽታ መቀነስ በቻልን ነበር። ግን ያሳዝናል በተቃራኒው ነው የሆነው። ያለመውንና ያሰበውን ሳያይ ህይወቱ በጥላቻና በዘረኝነት እንደመረረች ሄደ” ሲሉ የቀናነት እጥረት በሽታ ክፋት ያስረዳሉ።

የኮምፒውተር እቃ ለመግዛት አንድ መደብር ደረሰው ሲመለሱ የ18 ዓመት ወጣት ሴት በፍጥነት እያሽከረከች ሊያመለጡት በማይችሉበት ሁኔታ ተምዘግዝጋ ኦባንግ የሚያሽከረክሩትን መኪና በሳቸው በኩል ጎኑንን መታችው። ወጣቷ በከፍተኛ ፍጥነት ላይ ስለነበረች የኦባንግ መኪና ምቱ እንዳረፈባት ወደ ጎን ተገለበጠች። በመጨረሻም የአውራ ጎዳናው ጠርዝ መኪናዋን ያዛትና በቋፍ ተደግፋ እግሯን ሰቅላ ተገልብጣ ቆመች። የመውጫ በሮቹ በሙሉ ተቀርቅረውና ተጨረማምተው ስለነበር ዕርዳታ ሰጪዎች ባደረጉት ድጋፍ ኦባንግና ባልደረባቸው በኋለኛው በኩል ባለው የእቃ መጫኛ በር ሾልከው እንዲወጡ ተደረገ።

አደጋው ከደረሰ በኋላ አካባቢው ላይ የነበሩ ሰዎች እያነቡ ውስጥ የነበሩት እነ ኦባንግ ሲወጡ ሰላም መሆናቸውን ሲመለከቱ መገረማቸውን መስክረዋል። ፖሊስም ያለ አንዳች ጭረት፣ ደም፣ ስብራት፣ … ኦባንግና ባልደረባቸው መትረፋቸው “ድንቅ” ተብሎ ሊገለጽ እንደሚችል ሁኔታዎች ከተረጋጉ በኋላ ተናግሯል። እንደ ፖሊስ ገለጻ መኪናዋ ከተመታቸበት ቦታ ትንሽ ወደ አሽከርካሪው ተጠግቶ ቢሆን ኖሮ ዛሬ ኦባንግ “ከሞት መልስ ተማርኩ” ለማለት እንደማይበቁ ይሆኑ ነበር። ይህንኑ አስመልክቶ ጥቁሩ ሰው “በፈጣሪ ኃይል ከሞት ተረፍኩ፣ ዳግም የመኖር ዕድል ተሰጠኝ ያልኩት ለዚህ ነው” ብለዋል።

አያይዘውም በቀናነት፣ በታማኝነት፣ በጸዳ ህሊና፣ በሃቅ፣ በመታመን፣ ለአገርና ለህዝብ ከመስራት የበለጠ የሚያኮራ ነገር እንደሌለ ተናገረዋል። በዘርና በጎሳ ተቧድነው፣ ጥላቻን መነሻ መሠረታቸው አድርገው፣ ሌላውን ለማጥፋትና ለመበቀል ዝግጅት እያደረጉ ላሉ፣ ዘመኑ በውል በማይታወቅ ጊዜ ወደኋላ ተመልሰው ቂምን የሚያራግቡና የክፋት ዘርን የሚረጩ ሁሉም ቆም ብለው በማሰብ ራሳቸውን ወደ መግዛት ብልኃትና ጥበብ እንዲመለሱ ጥሪ አስተላልፈዋል።

እሳቸው ከሞት አፋፍ መልስ የተማሩት ይህንን ነውና በግላቸው ከቀድሞው በላይ ራሳቸውን ለህዝብ እንደሚያስረክቡም ቃል ገብተዋል። ዜናውን አስቀድማ የነገረችን ምስክር “ኦባንግን ማጣት እንደ አገር ክስረት ነበር የሚሆነው። ኦባንግ ጀርባቸው የጸዳ፣ ለሚፈለገው ዓይነት ኃላፊነት የሚታመኑ፣ ታላቅ ራዕይ ያላቸው፣ ከነፈሰው ጋር የማይነፍሱ፣ ራሳቸውን ሆነው በነጻነት የሚኖሩ፣ የአንደበት ሳይሆን የተግባር ሰው የሆኑ … ኢትዮጵያዊ” ስትል ገልጻቸዋለች። አያይዛም “ከሚሠሩት ከፍተኛ ሥራ 10 በመቶውን ብቻ አደባባይ የሚያወጡ፣ ጊዜና ትውልድ በሰዓቱ ክብር የሚሰጣቸው ሰው እንደሆኑ አምናለሁ። የተረፉትም ለዚሁ ዓላማ ነው” ስትል ይህንን የተናገረችው የሚሰሩትን ሥራ ሁሉ በቅርብ ጠንቅቃ ስለምታውቅ መሆኑንንም አመልክታለች።

ኢትዮጵያን አስመልክቶ በከፍተኛ ቦታዎች በዝግ ስለሚሠሩት ሥራ ለምን በአደባባይ እንደማይገልጹ በተደጋጋሚ ኦባንግ ተጠይቀው “ገና ምን ሰራን፣ ሥራው ራሱ ሲገልጸው ማየት ይሻላል” የሚል መልስ በዚሁ ገጽ ላይ መመለሳቸው አይዘነጋም።

የመኪናውን አደጋ ያደረሰችው የ18 ዓመት ወጣት ምንም ጉዳት እንዳልደረሰባት ለመረዳት ተችሏል። የመኪና አደጋ ሲደርስ ሰዎች በአብዛኛው እርስበርስ ሲካሰሱና ሲሰዳደቡ በተደጋጋሚ የታየ ቢሆንም በዚህ አደጋ ወቅት ኦባንግ ልጅቷን በማረጋጋትና በማጽናናት የፈጸሙት ተግባር የልጅቷን ቤተሰቦችና ባካባቢው የነበሩትን ሁሉ ያስደመመ እንደነበር በቦታው የነበሩ የዓይን እማኞች ተናግረዋል፡፡

የዝግጅት ክፍላችን ለአቶ ኦባንግ፣ ለባልደረባቸውና ለልጅቷ፣ እንዲሁም ለወዳጆቻቸው ሁሉ እንኳን ደስ አላችሁ ይላል።
ከጎልጉል የድረ ገጵ ጋዜጣ የተወሰደ

የአማራ ክልል ማረሚያ ቤት ኮሚሽን እንዳስታወቀው በክልሉ 66 ሽህ 102 ዜጎች በፍርድ እና ያለፍርድ እስር ቤት ውስጥ ይገኛሉ።

Aptil 20,2017

ሚያዝያ ፲፪ (አሥራ ሁለት) ቀን ፪፲፻፱ ዓ/ም ኢሳት ዜና :- የክልሉ ማረሚያ ቤት ኮሚሽን እንዳስታወቀው በክልሉ 66 ሽህ 102 ዜጎች በፍርድ እና ያለፍርድ እስር ቤት ውስጥ ይገኛሉ።

በክልሉ የእስረኛው ቁጥር በከፍተኛ ሁኔታ እያሻቀበ በመሄዱ የክልሉ ባለስልጣናት መፍትሄ እንዲሰጡበት ጠይቋል። እስረኞቹን ለማስተናገድ የተበጀተው በጀት ማለቁንም ኮሚሽኑ አስታውቋል። እስረኞቹ በአማካኝ ከ5 እስከ 10 ዓመታት በፍርድ ወይም ያለፍርድ በእስር እንደሚማቅቁ የገለጸው ኮሚሽኑ፣ ክልሉ ለ 22 ሺ 26 እስረኞች በቀን 9 ብር በድምሩ 203 ሺ 139 ብር፣ በአመት ደግሞ 73 ሚሊዮን 130 ሺ 40 ብር ወጪ ቢያደርግም፣ አሁን የእስረኞች ቁጥር በ3 እጥፍ በመጨመሩ ለማስተናገድ አለመቻሉን የክልሉ የማረሚያ ቤት ኮሚሽን ገልጿል፡፡

 የክልሉ ማረሚያ ቤት ለእስረኞች ህክምና ያወጣውን 2 ሚሊዮን 246 ሺ ብር ለመክፈል አልቻለም። የሁለት አመት ውዝፍ የህክምና ወጪ ለመክፈል ባለመቻሉም የጤና ተቋማት ለማስተናገድ ፈቃደኛ አንሆንም እያሉት መሆኑንም ገልጿል። እያንዳንዱ እስረኛ በአማካኝ 5 ዓመት በእስር ቤት ቢቆይ በጠቅላላው 1 ቢሊዮን 365 ሚሊዮን ፣ 200 ሺ ብር ምንም እሴት በማይጨምር ነገር ላይ ወጪ የደረጋል በማለት የችግሩን አሳሳቢነት ገልጿል።

የእስረኞች ቁጥር በአንዴ ያሻቀበው በ2008 ዓም የታየውን ህዝባዊ የለውጥ እንቅስቃሴ ተከትሎ ያለምንም የፍርድ ውሳኔ የታሰሩ ወጣቶች መበራከታቸውን ተከትሎ ነው። ይህ አሃዝ በማረሚያ ቤት አስተዳደር ስር የሚገኙ እስረኞችን እንጅ በየወረዳው እና በየቀበሌው ታስረው የሚገኙትን ዜጎች ቁጥር አያካትትም። በክልሉ በሚገኙ ወረዳዎችና ቀበሌዎች ለአመት፣ ለወራት ወይም ለሳምንታት የሚታሰሩት እስረኞች ቁጥር ቢደመር በክልሉ የሚገኘው እስረኛ ቁጥር ከተጠቀሰው በብዙ እጅ ይልቃል። በአማራ ክልል ያለውን የእስረኞች ቁጥር ግምት ውስጥ በማስገባት በመላ አገሪቱ በሚገኙ ህጋዊ በሚባሉ ማረሚያ ቤቶች ውስጥ በመቶ ሺዎች የሚቆጠሩ እስረኞች እንደሚኖሩ ዘጋቢያችን አስተያየቱን አሰፍሯል።

ህዝብ ተፈናቅሎ እያለቀሰ ባለበት ሰአት የመሰረት ድንጋይ አላስቀምጥም

April 20,2017
ሚያዝያ ፲፪ (አሥራ ሁለት) ቀን ፪፲፻፱ ዓ/ም ኢሳት ዜና :- በቂርቆስ ክ/ከተማ ወረዳ 9 የሚገኝ 10 ሺህ ካሬ/አንድ ሄክታር/ ለሆቴል ግንባታ በካሬ 650 ሺህ ብር ሊዝ የገዙት የኳታሩ ባለሃብት ፣ አገዛዙ ቦታው ላይ የሰፈሩትን ነዋሪዎች በሙሉ አንስቶ ቦታውን አጽድቶ መጨረሱን በመግለጽ የመሰረት ድንጋይ እንዲያስቀምጡ ቢጋብዝም፣ ባለሃብቱ ግን ‹‹ህዝብ ተፈናቅሎ እያለቀሰ ባለበት ሰአት የመሰረት ድንጋይ አላስቀምጥም›› ማለታቸውን ነዋሪዎች ገልጸዋል። የገዢው ፓርቲ ባለስልጣናት ባለሃብቱን ለማግባባት ተደጋጋሚ ሙከራ ያደረጉ ሲሆን፣ የኳታሩ መሪን የኢትዮጵያ ጉብኝት አስታኮ የመሰረት ድንጋይ ለማስቀመጥ ቀይ አሸዋ አፍስሰው የተጠረበ ድንጋይና ስሚንቶ አዘጋጅተው ቢጠብቁም፣ ባለሀብቱ ባለመቀበላቸው ድንጋይ የማስቀመጥ ስነስርዓቱ አልተከናወነም። የአካባቢው ነዋሪዎች መረጃውን ከክፍለ-ከተማውና የወረዳው መስተዳድር አካላት ማግኘታቸውን ተናግረዋል። የኳታሩ ባለሃብት ያነሱትን ጥያቄ ተከትሎ የአዲስ አበባ መስተዳድር “ከዚህ በፊት የቤት ግምቱ ይሻሻላል፣ የመኖሪያ ቤት መስሪያ ምትክ ቦታ በስምምነታችሁ መሰረት ይሰጣችኋል ፣ ይህ እስኪፈጸም በግዳጅ መፈናቀል አይኖርም” በማለት ለህዝቡ በአደባባይ የገባውን ቃል አጥፎ፣ ህዝብን በመከፋፈል፣ የተሳሳተ መረጃ በመስጠትና አፍራሽ ወጣቶችን አሰማርቶ በግዳጅ ለማፍረስ ከጀመረው ድርጊት አለመቆጠቡን ነዋሪዎች ይገልጻሉ። መስተዳድሩ ለተፈናቃዮች የተሰጠው ቤት ይህ ነው በማለት ለባለሃብቱ የልደታ ኮንዶሚንየምን ማሳየቱን የሚገልጹት ነዋሪዎች፣ “ከእኛ መንግስት ይልቅ የኳታሩ ባለሃብት ያሳዩት ‹ሰብዓዊነት› በልጦ መገኘቱ፣ ይህ መንግስት እንደ ዜጋው እየተመለከተን ነው ብለን ለመቀበል አስቸግሮናል ›› በማለት ያሉበትን አሰቃቂ ሁኔታ ገልጸዋል። ተከራይ የቀበሌ ቤት ነዋሪዎች ሙሉ በሙሉ፣ ባለይዞታዎች ደግሞ በአብዛኛው ቤታቸውን በላያቸው ላይ አፍርሰው የግንባታ እቃዎችን በነጻ እንዲወስዱ በተፈቀደላቸው ‹አፍራሽ ወጣቶች› ፈርሶ ከአካባቢው እንዲለቁ የተደረጉ ሲሆን፣ በተለያየ ምክንያት ያለቀቁ ባለይዞታዎች የትንሣኤ በዓልን ‹‹ሌባ ሲጠብቁ ›› ማሰለፋቸውን በምሬት ገልጸዋል፡፡ እነዚሁ ባለይዞታ ነዋሪዎች — ያሉበትን አደገኛ ሁኔታ ቀኑን በሙሉ እዚያው ለሚውሉ የፖሊስ አባላት ቢያስረዱም ‹‹ እኛ ከዋናው መንገድ ወደ ውስጥ ለመግባት አንችልም፣ እኛም ለራሳችን እንፈራለን፣ አልታዘዝንም ›› በማለት መልስ መስጠታቸውን፣ ‹‹አፍራሽ ወጣቶችም ፖሊሶችን አፍርሰው ከሚያገኙት የጥቅም ተጋሪዎች እንዳደረጓቸውና ምንም እንደማይደረጉ በድፍረት የሚናገሩ መሆኑን፣ በሌላ በኩል አንዳንድ ፖሊሶች ‹‹ ይህ ወጣት የተወለደበትንና ያደገበትን ሠፈር ከማፍረስ መከላከል ሲገባው፣ ይህን ዓይነት ድርጊት ሲፈጽም እያያችሁ እኛን ምን አድርጉ ትላላችሁ›› ሲሉ በወጣቶቹ ሁኔታ ማዘናቸውን እንደገለጹላቸው አስረድተዋል፡፡

በኢትዮጵያዊነትና በኢትዮጵያ ሀገራዊ ኣንድነት ላይ የተቃጣው ጦርነትና የአርበኞች ግንቦት 7 ሀገር ኣድን ትግል

February 18,2017

ነዓምን ዘለቀ

ራሱን ህዝባዊ ወይኔ ሃርነት ትግራይ  በማለት  በሚጠራው የጸረ-ኢትዮጵያ መሰሪዎች አምባገነናዊ አገዛዝ ላለፉት ሃያ አምስት አመታት  የዘለቀ  ስቃይ እና ጥቃት ኢላማዎች የነበሩት የኢትዮጵያ አንድነትና ኢትዮያዊነት ብቻ ሳይሆኑ  የኢትዮጵያ ብሄር ብሄረሰቦችም በተናጠል እና በየተራ ግፍ እና ስቃይ ሲቀበሉ ቆይተዋል ፣ አሁንም በከፋ መልኩ ስቃዩ ቀጥሏል። ጸረ ኢትዮጵያዊው ሕዝባዊ ወያኔ ሃርነት ትግራይ በተደራጀ መልኩ  የጥፋት ሰይፉን በዋናነት የመዘዘበት  ኢትዮጵያዊነት ደግሞ አንዳንዶች እንደሚያምኑት የብሄር ብሄረስቦች ማለትም የኦሮሞው፣የአማራው ፣ የትግሬው፣የሶማሌው ፣የሲዳማው፣የጉራጌው ፣ የአፋሩ፣የከምባታው  እንዲሁም የሌሎች ብሄረሰቦች  ድምር ማንነት ብቻ ሳይሆን  ኢትዮጵያዊነት ከብሄሮች ድምር (The sum of its parts) በላይ ነው።  ኢትዮጵያዊነት ለዘመናት የተገነባ ማንነት ነው። የየትኛውም ብሄር ወይም ነገድ ባህልና ቋንቋ ብቻውን ኢትዮጵያዊነትን አይገልጸውም፣ አይበቃውም፣  አይተረጉመውም።

ነዓምን ዘለቀ

ኢትዮጵያዊነት ሚሊዮኖች በጋራ የምንጋራው ውስጣዊ ማነትታችን ነው። ስነ-ልቦናዊም ህሊናዊ ባህሪያት ያሉት  ልንገልጸው ከምንችለው በላይ ረቂቅ ነው ፡፡ ለዘመናት የተገነባውና ሚሊዮንኖች በጋራ የሚጋሩት ይህ ማነንታችን መሰረታችን ከሆነው ብሄር ማንነት በላይ ሁለመናችንን የሚገዛን  መንፈስ  ነው።ድሃ ብንሆንም፣ በጨቋኝ ስርዓቶች ወስጥ ብናልፍም  የአውሮፓ ቅኝ ገዢዎችን አሳፍሮ  በደም የተከበረው፣በማህበራዊ ትስስር የተገመደው ኢትዮጵያዊ ማንነታችን ያረካናል፣ ያጠግበናል። ከሁለት ብሄር  እና ከዚያ በላይ ቤተሰብ የተገኙ ሚሊዮኖች  ኢትዮጵያዊነትን በብሄር አጥር እንደማናቆመው  ህያው ማሳያዎች ናቸው። በአዲስ አበባ፡ በአዳማ ፣በደሴ፡ በሃረር፣ በድሬዳዋ፣ በጎንደር፣ በባህር ዳር፡ ጅማ፣ አዋሳ  በአጠቃላይ በኢትዮጵያ ዋና ዋና ከተሞች  ተወልደው ያደጉ ሚሊዮን ከተሜዎች  (Cosmopolitans) በመሆናቸው ራሳቸውን ከተወለዱበት ብሄር/ዘውግ ማነንት ጋር የሚያቆራኙበት ሁኔታ ባለመኖሩም፣ ማንነታቸው ኢትዮጵያዊነት ነው።

ዘውግ ሳይለይ ከሁሉም ማህበረስቦች መሰረታቸው  የሆነ እንዲሁም  ከእያንዳንዱ የዘውግ ማህበረስብ የተወለዱ/ወይንም መሰረታቸው የሆኑ ሚልዮኖች በቀዳሚነት  የማንነታቸው መገለጫ ያደርጉት ኢትዮጵያዊነት በሂደት በህልቆ መሳፍርት ውስብስብ የረጅም ዘመናት ታሪካችንን የሚመግቡ ብዙ የታሪክ  ጅረቶች የተገነባ ነው። ኢትዮጵያዊነት ረጅም የዘመናት ጉዞ ውጤት ነው። ውድቅት፣ ማንሰራራት፣ መነሳት፣ መስፋትና መጥበብ በተፈራረቁባት ጥንታዊት  የሆንችው ኢትዮጵያ   ምድር ደቡብ የነበረው ማህበረስብ ወደ ሰሜን ሲፈልስ፡ የሰሜኑ  ህዝብ ወደ ድቡብ ሂዶ ሲሰፍር ፡ ምስራቅ የነበረው ወደ ምእራብ ፣ ከመሃል ወደ ደቡብ ፣ከደቡብ ወድ ምስራቅ፣ ከሰሜን ወደ መሃል  ወዘተ፡ ለስራ፣ ለግጦሽ፣ ለግብርና፣ ለንግድ ልውውጥ፣ የቋንቋና የባህል መወራረሶች፡ በመዋለድ፡ በመዛመድ፡ በግጭትም ሆነ በሰላም  ማህበረስቦችን ያገናኘ፣ ያስተሳስረ ፡ በረጅም ዘመናት ግንኙነቶች ውርርሶች የተገመደ ፣ የተገነባም   ሀገራዊና ብሄራዊ ማንነት ነው ኢትጵያዊነት ።

ኢትዮጵያዊነት ዛሬ በምትገኘው ኢትዮጵያ ድንበር ውስጥ የሚገኙ ልዩ ልዩ ማህበርሰቦች ሀገራዊ መጠሪያ ብቻ ሳይሆን  በብዙ ሚልዮኖች የሚቆጠሩ  የኢትዮጳያ ልጆች  የህልውናቸው፣ የማንነታቸው መገለጻጫ ነው።  ኢትዮጵያዊነት በልዩ ልዩ የሀገሪቱ ክፍሎች የሚገኙ ሚልዮኖችን ያስተሳሰረ ማንነት ነው። ኢትዮጵያዊነት በጸረ-ኢትዮጵያዊ የትግራይ ነጻ አውጭ አገዛዝና በተባባሪዎቹ በተቃጣበት የሰነልቦና የታሪክ ክህደት፣ የታሪክ ብረዛ፣ የባህልና የሞራል ሽርሸራ፣ ጦርነት  ብዙ ቢደማም፣  ብዙ ቢቆስልም ማንም ምድራዊ ሀይል ሊበጣጥሰው ያልቻለ ውስብስብ እና ረቂቀ ሆኖ ቀጥሏል። አሁንም  ለህልውናው እየተጋደለ ሲሆን፣ኝ በአንጻሩ የኢትዮጵያዊነት ጠላቶቹ እየተዳከሙ የመጡበት ውቅት ላይ  እንገኛለን።

የዚህ ትውልድ አባቶች፣ አያቶች ፣ቅድም አያቶች የሰሩዋቸው ታሪኮች በረጂም ዘመናት ሂደት የተገነባው የኢትዮጵያዊ ማንነት ግንባታ አካል ብቻ ሳይሆኑ እነዚህ አያት ፣ ቅድማያቶቻችን ደማቸውን አፍሰሰው ፣አጥንታቸውን ከስክሰው፣ ህይወታቸውን ገብረው ኢትዮጵያዊነትን አለምልመውታል። በአለም ታሪክ በብቸኝነት የአውሮፓ ቅኝ ገዢዎችን ተቋቁማ፣ ሀገራዊ ነጻነትዋን ጠብቃ የኖረች ኢትዮጵያ የምትባለውን ወብ አገር አውርሰውን አልፈዋል።  የአውሮፓ ወራሪ  ጣልያኖች ላይ በኢትዮጵያውያን መስዋእትነት የተገኘው ታላቁ የአድዋ ድል የዚህ ትውልድ  ቅድመ አያቶች መስዋአትነት ስለከፈሉ፣ ህይወት ሰለገበሩለት ነበር።  በባርነትና በቅኝ ተጘዥነት ሲማቅቁ ለነበሩ በአለም ዙሪያ ለሚገኙ የጥቁርና የአፍሪካ  ህዝቦች ትልቅ የሞራልና የስነልቦና መነቃቃትን የፈጠረው አንጸባራቂው የአድዋ ድል የአማራ፡ የኦሮሞ፡ የወላይታ ፡የትግሬ፡ የጉራጌ የከንባታና ሌሎች የጦር ኣበጋዞችና ከእነዚህ ማህበረስቦች የሄዱ ሰራዊቶች ለኢትዮጵያ አንድነትና ነጻነት ኢትዮጵያዊነትን በመገንባት የጋራ መስዋትንነት የተከፈለበት የድል ታሪክ እንጂ የአንድ ብቸኛ ዘውግ ወይንም ብሄር ብቻ የተገኘ ድል አይደለም። በኣድዋ ከዘመቱት የኢትዮጵያ የሰራዊት ኣባላት መካከል የዚህ ጸሃፊ በኣባቱ በኩል ቅደመ ኣያቱ የሆኑትንና ከትውልድ ቀዬቸው ከጌጃ ፡ ሸዋ  ተነስተው ከራስ መኮንን ጉዲሳ ሰራዊት ጋር በመዝመት ሀረርጌ  የሰፈሩትን የሸዋ ኦሮሞ  ኣቶ  ጃቶ ወለገራን ይጨምራል።

በሁለተኛውና 5 አመታት የቆየው የጣልያን ፋሽቶች የወራራ ዘመን በአስር ሺዎች የሚቆጠሩ ኢትዮጵያውያን ከአራቱም ማዕዘን ያሳዩት  የአርበኝነት  ተጋድሎ፡ አኩሪ ጀግንነት ኣና  መስዋእትነት  ለኢትዮጵያ ሀገራዊ ነጻነትና አንድነት የተደረገ፣ ለኢትዮጵያዊነት  የተከፈለ ዋጋ ነበር። ራስ አበበ አረጋይ በቸሬ በሸዋ ፣ኮ/ል አብዲሳ አጋ በጣልያን በረሃዎች፡ እንዲሁም ከወጣቱ ኣርበኛ ደጃዝማች አብቹ አስከ ደጃዝማች በላይ ዘለቀ በጎጃም ፣ ከራስ አሞራው ውብነህ በጎንደር አስከ ደጃዝማች ገረሱ ዱኪ፡ ከልጅ ሀይለማርያም ማሞ አስከ ሻለቃ በቀለ ወያ ፣ከጀ/ል ጃጋማ ኬሎ በሸዋ አስከ ኡመር ሰመተር የኢትዮጵያ አርበኞች የጀግነት ታሪክ ለኢትዮጵያ ሀገራዊ ነጻነት በኢትዮጳዊት የጋራ ብሄራዊ ማንነት ስር የሚገኝ ታሪክ እንጂ የአንድ ዘውግ ወይንም የአንድ ነገድ ቋንቋ ተናጋሪዎች ብቻ ሊሆን አይችልም። እነዚህ በአስር ሺዎች የሚቆጠሩ አርበኞ ያፈሰሱት ደም፡ የከስከሱት አጥንት ፡ የገበሩት ኣይተኬ የህይወት መስዋእትነት  የጋራች የሆነውን ኢትዮጵያውነትን ለማለምለም ግዙፍ አሰተዋጾ አድርጓል። በኣምስቱ ኣመት የፋሽስት የጣሊያን ወረራ ዘመን መስዋእትነት ከከፈሉትና ከኣርበኝነት ትግሉ በሁዋላ በህይወት ከተረፉት ኣርበኞች መካከል የዚህ ጸሃፊ በእናቱ እናት በኩል የወንድ ቅድመ ኣያቱ ባላምበራስ እሻግሬ ተሰማ በፋሽስቶች ጋር በተደርግው የኣርበኝነት ተጋድሎ የተሰዉ ፡ ባላንበራስ ደምሴ ተሰማ ታላቅ ወንድማችው እንደዚሁ የተስው፡ እናም በህይወት የተረፉትን ፊታውራሪ ተገኔ ተሰማ፡ ቀኛዛች ጥላሁን ተስማን ፡ “አጥሬ ተሰማ የባህር አዞ ጠላቱን ገዳይ ኣናዞ ኣናዞ” ተብሎ የተገጠመላቸውን ሻምበል ኣጥሬ ተሰማን ፡ የኣርበኝነት ገድላቸ የተጻፈላቸውንና ከመሰረታቸው ከሰሜን ሸዋ ኣማራ የሆኑትን ስባቱን ወንድማማች የባሌና የሀረር ኣርበኞች ይጨምራል።

ከሰባት ወራት በፊት ጀግናው የጎንደር ህዝብ  በጎንደር ከተማ ላይ ባቀጣጠለው ታላቅ ህዝባዊ የእቢተኝነት ተቃውሞ ሰልፍ የወያኔው መንጋ ለ25 ኣመታት የኦሮሞና የአማራን ነገዶች ለመነጣጠል ያንሰራፋውን የከፋፍለህ ግዛ ሴራ የበጣጠሰ ብቻ ሳይሆን፣ በአማራው ህዝብ ዘንድ የሚገኘውን ከአንድ ብሄር በላይ የሆነውን፤ ከሌሎቹ ብሄሮች ጋር የሚጋራውን ኢትዮጵያዊነት ያረጋገጠ ጭምር ነው፣ የወያኔ ስርአት በዘርጋው ክልላዊነት ለሃያ አምስት አመታት ሲሰብክ የኖረውን ብሄርተኝነትንም ሰብሮ የወጣ፣  መቋቋም የሚችል (Resilient)  ክስተት ሆኖም አይተናል።

ላለፉት 25 አመታት የተሰበከውን የኢትዮጰያን  የመቶ አመት ታሪክ ተረትነትም አጋልጧል። የአክሱም ሀውልት ለወላይታው   ምኑም  አይደለም በማለት  ለብዙ ዘመናት የተገነባውን ኢትዮጵያዊነትን በማሳነስ፡ በማንኳሰስ  ዓመታት ያስቆጠሩት የትግራይ ነጻ አውጪ ነን ባዮች ዛሬ  የኢትዮጵያዊነት፣ ሀገራዊ ማንነት ካባ በማጥለቅ እንደለመዱት ህዝብን ለማጭበርበር እየሞከሩ ይገኛሉ። እነዚሁ በጭካኔ የተካኑ መሰሪ ወያኔዎች ላለፉት 25 አመታት እንዳደርጉት ሁሉ አሁንም ኢትዮጵያና ህዝቦችዋ፣ ዜጎቹዋን ከዳር እስከዳር በጭካኔያዊ አርምጃዎቻቸው የማጥቃትና የማድማት ተግባራቸው ተጠናክሮ እንደቀጠለ ሁላችንም በየእለቱ የሚያመንና  የሚያንገበግበን እውነታ ቢሆንም፣  ኢትዮጵያውያንን በጅምላ እየፈጁ፣ ከዚያው 40 ዓመት ካረጁበት  የዘር ከረጢታቸውም ሳይወጡ የኢትዮጵያዊነት ሰባኪ  ሆነው ብቅ ብለዋል።  ።

በቅርቡም ኢትዮጵያዊነትንና ኢትዮጵያውያንን ቤት አልባዎች በሚል  ከጥበትና የከድንቁርና ብቻ በሚመንጭ ድፍረት የተናገሩም ሰምተናል፡፡ ኢትዮጵያዊነት  ሁሉ ቤቱ ነው፡ የኢትዮጵያዊነት  ቤት ከሀረር እስከ ጎንደር  ፡ ከእንድብር እስከ ኢሉባቡር፣ ከጂማ እስከ መተማ ፣ ከወሎ እስከ ያቤሎ፡ ከወላቃይት አስከ ወልቂጤ ከኦሮሞ የቅደመ ኣያቴ ትውልድ ቦታ ከጌጃ፡ ሸዋ እስከ ጅጅጋ፡ ሀረር፡ ኣማራ ቅድሜ ኣያቶቼ መሰረታቸው ከሆነው ከቡልጋ ፡ ሸዋ እስከ ባሌ ጎባ  የኢትዮያውያና የኢትዮጵያዊነት ቤቱ ነው። ይህን  መብት የሚነቀንቅ ምድራዊ ሃይል አይኖርም። አራቱም የሀገሪቱ ማእዘናት  የኢትዮጵያዊነት ቤቶች ናቸው።

በዚህ ረጅም ዘመና ሂደት እንደማንኛውም ሌሎች ሀገሮች ታሪክ ታሪካችን ብዙ በጎ ጎኖች የነበሩት ቢሆንም  አሉታዊ ጎኖችም ነበሩት ፣ ታሪካችን አልጋ በአልጋ አልነበረም፡፡ በእነዚህ አሉታዊ የታሪካችን ጎኖች ሳቢያ ኢትዮጵያዊነት ሁሉም የቋንቋና የባህል ማህበረሰቦች  በእኩልነት የኔም ነው የሚሉት፣ ባለቤትነት፣ ባለድርሻነት የሚሰማቸው የእድገት ደረጃ አልደረሰም ለማለት ይቻላል።  ምክነያቱም አድጎ ለምልሞ  አላለቀም ፣ ሂደት ነው።  ሁሉም አገሮች የተጓዙበት ሂደት የተለየ አይደም። ከእንግሊዝ ኣስከ ቻይና ከሩስያ እስከ ህንድ ገና ኣላለቁም። የሁለት መቶ ኣመት ታሪክ ያላት ዲሞክራሲያዊ ሰረት ከባርሪያ ኣሳዳሪ ኢኮኖሚ ጋር ተጣምሮ፣ የጡቁሮች፡ የሴቶችና ከኣንግሎ ሳክስን ውጭ የነበሩ ማህበረሰኖች ሲብደሉ የነበሩባት ሃያልዋ አሜሪካም ፡ የጎደሉ መብቶች፡ ነጻነችን በህገ መንግስታዊ አርምጃዎችና በህዝብ ትግል እያስተካከልች መጥታለች። ሂደቱዋን ግን ኣልጨረስችም።

ከላይ እንደተጠቀሱትና እንዳልተጠቀሱትን  የኣለም ሀገሮችና ህዝቦች የኛም ሂደት ወደ ሚቀጥለው እድገቱ የሚሸጋገረው ወያኔዎች እንደሞከሩት ኣሁንም በሁልም ጎራ የሚገኙ ጽንፈጮች እንደሚሞክሩት ያለፈውን በማፍረስ ወይንም በብሄር  ማንነቶች ብቻ እንዲተካ፣ እንዲሳሳ በማድረግ ሳይሆን ሁሉን አቃፊ ሁሉንም የቁዋንቋና ባህል ማህበረሰቦች እኩልት፡ የሚረጋገጥበት፣ አሳታፊ የሆነ ዲሞክራስያዊ  የፓለቲካ ስርአት  እውን ማደረግ ስንችል ነው። በቀላል ቋንቋ ኢትዮጵያ የሁሉም የጋራ እናት እንጂ እንጀራ እናት ያለመሆንዋን የሚያረጋግጡ ሁኔታዎች መፍጠር ሲቻል ነው። እስካሁን ይህን ማድረግ አልቻልንም,። በጥቁሩ ዓለም  ብቸኛው ሀገራዊ ነጻነት የነበራትን ሃገር ለህዝቧ፣ ለማህበርስቦቿ እኩልነት፣  ነጻነት የሰፈነባት ሀገር  ማድረግ ይገባናል።በዚህም ነው  ኢትዮጵያዊነትን ወደ ሚቀጥለው የእድገት ደረጃ ማሸጋገር የሚቻለው።

ኢትዮጵያዊነት ወደ ሚቅጥለው የእድገት ደረጃ ሊሸጋገር የሚችል ሁሉን አሰባሳቢ፣ ሁሉን አቃፊና አሳታፊ ዲሞክራሲ የፖለቲካ ስርአት በትግላችን መመስረት ሲቻል ብቻ ነው። ይህን ማድረግ ካልተቻለ እስከአሁን የነበው የጋራ ብሄራዊ ማንነት — ኢትዮጳያዊነት– እንዲሁም የኢትዮጵያ ሀገራዊ አንድነትም አደጋ ላይ ሊወድቁ ይችላሉ ። በዚህ ትውልድ ኢትዮጵያዊያን  ፊት የተደቀነው ትልቁ ፈተናም  የጋራ ቤታችን የሆነችው ኢትዮጵያን  የተጋረጠባት  አደጋ ነው፡፡ዛሬ ላይ የምንገኝ የዚህ ትውልድ ኢትዮጵያውያንም  እረፍት የነሳን ፣ እንቅልፍ ያሳጣን ይህ በኢትዮጵያ ሀገራዊ አንድነትና በኢትዮጵያዊነት ላይ የተቃጣው አደጋ ነው።

ስለዚህ ነው የጋራ ትግላችን ዋና ተልእኮ ይህን  አደጋ መመከትንና  መቀልበስ  ይሆናል።የሀገር  አደጋውን ልንቋቋም የምንችለው፣ ለኢትዮጵያ ሀገራዊ አንድነት፣ ለኢትዮጵያ ሀገራዊ ማንነት ልምላሜና መጠናከር ዋስትና የሚሆነው ‘ ለሁሉም እኩል የሆነች፣ ሁሉም ዘውጎች፡ ሁልም ማህበረሰቦች የእኔም ናት የሚልዋት፤ መገለል፣ መገፋት፣ መረገጥ ያከተሙባት፤ ህዝቧ የስልጣን ባለቤት፣  ዜጎቿ ነጻ የሆኑባት፣ ባይተዋር ያልሆኑባት፣ ባለቤት የሚሆኑባት፣ የበይ ተመልካች ያልሆኑባት፣ ፍትሃዊ የስልጣንና የሀብት ክፍፍል የሰፈነባት፣ ሁሉም ተጠቃሚ ሁሉም የአገሪቱን ጸጋዎች፣ እሴቶች ባለድርሻ የሚሆኑባት፣ ሁሉም ማህበረስቦች/ በጠቅሉም የኢትዮጵያ ህዝብ የስልጣን ባለቤትነቱ የተረጋገገጠበት ሀገረ መንግስት (state) ስንመሰርት  እና ይህ የሚገለጽበት ህገ-መንግስታዊ ዴሞክራሲያዊ ስርአት እውን ማድረግ ስንችል ብቻ ነው። ይህን ሁኔታ በመፍጠር ብቻ ነው አገራችንን ከጥፋት ማዳን የሚቻለው።

የኢትዮጵያ ልዩ ልዩ ነገዶች የቋንቋና የባህል ማህበርስቦች ሙሉ ክብርና እኩልነት የሚጎናጸፉባት ፣ ሀገራዊ ማነንታቸው ለዘመናት ሁለንተናዊ ግንኙነች የገነቡት ትስስርና ውርርስ እንዲጠናከር በባለቤትነት፣ በዜግነት መብቶቻቸው  ሀገራዊ የጋራ ብሄርተኝነት – ኢትዮጵያዊንትን የሚያዳብሩባት፡ በእኩልነት የሁሉም የሆነች ኢትዮጵያ – የአማራው የኦሮሞው ፣ ጉራጌው፣ የከምባታው፣  የአፋሩ፣ የሶማሌው፣የኣንዋኩ  ወዘተ የሆነች ኢትዮጵያ – የሰው ልጅ በዘውግ ማንነቱ ብቻ ሳይሆን በቀዳሚነት ሰው በሰውነቱ ፡ በስብእናው በተፈጥሮና በፈጣሪ የተሰጡት ሁለንተናዊ ነጻነቶችና መብቶች  ከፍተኛ ክብርና ሞገስ የሚጎናጸፍባት ኢትዮጵያ ፡ የሰው ልጅ፡ የማናቸውም ኢትዮጵያዊ ዜጋ መብት፡ ነጻነትና  ክብር የነገሰባት፣ እንክባብካቤ የሚደረግባት፡የሚነገሱባት፡ የሚንስራፉባት ኢትዮጵያን እውን ስናደርግ ነው።

ኢትዮጵያዊነት የጋራ ብሄራዊ ማንነት  የሚጠናከረውና የሚያብበው የተገፉ፡ በታሪክ ሂደት  ተገቢ የስልጣን ውክልና ያልተጎናጸፉ  ማህበረሰቦች በእኩልነት  በፖለትካ ስርአቱ በፍትሀዊ የስልጣንና  የሀብት ክፍፍል ባለድርሻ የሚሆኑበት ስርዓት ሲዘረጋ ነው፣በዲሞክራሲያዊ ህገ-መንግስታዊ ስራአት የተረጋገጡ መብቶች ሲሟሉ ብቻ ነው። ያኔ ሁሉም የኔም ነው የሚለው  ከቨርዥን 1.0 ወደ ቨርዥን 2.0 ( የኮምፑተር ሶፍት ዋር አናሎጂ ለመጠቀም) የተሸጋገረ የሁሉም የጋራ ማንነት የሆነ ኢትዮጵያዊነት ያብባል። የሚያድጉ የሚዳብሩ እርምጃዎችንና ግንባታዎች በማድረግ የኢትዮጵያ ጸጋና ውበት የሆኑትን ልዩ ልዪ ባህሎችና ቋንቋዎች የእያንዳንዱ ኢትዮጵያዊ ሀበቶች ጭምር መሆናቸውን ማረጋገጥ ይገባል። ይህ ሁሉ ዕውን የሚሆነው የ በዙሃን (pluralism in all its manifestations) ህብረ ቀለምን በአንድነት(unity with diversity) ማሰተናገድና ማቻቻል  የሚችል ዲሞክራሲያዊ የፖለካ ስራአት  ስንመሰርት ነው። ይህን የፖለቲካ መሰረት ስንጥል ነው በሙሉ ትኩረትና በሙሉ ጉልበት አገራችን ኢኮኖሚያዊ አድገትና የቴክኖሎጂ ምጥቀት ተጠቃሚ እንድትንሆን፡ እንዲሁም ሁለንተናዊ ልማትና የተፈጥሮ ሀብታችን እንክብካቤ  ላይ በማተኮር ከድህነትና ጠኔ ነጻ የወጣ ጤናማ ኩሩ ህዝብ ለመሆን  የምንችለው ።

ከማንም የአለም ሕዝቦች በላይ የኢትዮጵያ ህዝብና በውስጡ የሚገኙ ማህበርሰቦች  ጥንታውያን ናቸው። ጥንታዊ ግሪካዊያን የታሪክ ጸሀፊዎች  ኣንዱ የሆነው ሄሮዶተስ የታወቀውና ጥንታዊ ኢትዮጵያውያንን ኣስመልክቶ የሚጠቀሰው “the blameless Ethiopians where the Gods love to feast with” ኣማልክት ከኢትዮጵያውን ጋር ድግስ መብላት ይወዳሉ ብሎ ነበር የጻፈው። ነብዪ መሐመድ- ለአደጋ ተጋለጡ የእስልም ተከታዮችን  ፍትህ ወደ ማያጉዋድለው   ወደ ኢትዮጵያ ንጉስ ሂዱ በለው ነበር  የላኩዋቸው። ሌሎች በታሪክ የተመዘገቡና ኢትዮጵያን የሚያሳዩት በጥንት ዘመን  ብዙ ብጎ ምግባሮችና ጻጋዎች ማማ የነበረች ምድርም እንደነበረች ይገልጻሉ። አሁንም ኢትዮጵያዊያን የዚያን የሩቅ ዘመን ከፍተኛ ስብዕናና የፍትህ እሴቶች የሚበልጡ የፍትህ፡ እኩልነት፡ የሰው ልጆች  ነጻነት የነገሰባት ዘመናዊ ሀገር መገንባት የማንችልበት ምክንያት የለም።ለዘመናት የኖረውን ከኣለም ሀገሮች ብቸኛው ሀገራዊ ነጻነት የነበረን ህዝቦች የማህበርስቦች እኩልነት፣ የዚጎች ነጻነት የሰፈነባት ሀገር እንድትሆን ማሸጋገር ፡ስንችል ነው ኢትዮጵያዊነት ወደ ሚቀጥለው የእድገት ደረጃ የሚሸጋገረው። ሀገራዊ የነጻነት የዘመናዊ ታሪካችን በዜጎች ነጻነትና ፍትህ  መመንዘር፡ ለሁሉም ማህበሰቦች እኩልነትን ማሟላት ስንችል ነው።

ስለዚህ ትግላችን ይህን የጋራ ቤታችን የሆነችዋን ኢትዮጵያ አገራችንን የማዳን ትግል ነው፡፡ ትግላችን  ኢትዮጵያዊነትና የኢትዮጵያዊት ቤት የሆነችውን ኢትዮጵያን እንደ ሀገር ማዳን ነው። ለኢትዩጵያዊነትና ለሁሉም ኢትዮጵያውያን መታገል የንቅናቄያችን መብትም በውዴታ የገባንበትም ግዴታ ነው። ከወያኔ ፋሽስታዊ የጨካኞች ስርአት ጋር የመረረ የከረረ ሁለገብ/ሁለንተናዊ ትግል ማድረግ ያለብንም ይህን የተሻለ የህዝብና የዜጎች መብቶችና ነጻነቶች የሚረጋገጡባት የፓለቲካ ስርአት እውን ለማድርግ ብቻ ሳይሆን የኢትዮጵያ ሀገራዊ አንድነትና ኢትዮጵያዊነት ህልውና   አደጋ ውስጥ በመሆናቸውም ጭምር  ነው።

ይህንን ኢትዮጵያን  የማዳን ሀገር አድን ታላቅ ራዕይና ተልዕኮ ቃል ኪዳን የሚመጥን ቃልን ወደ ተግባር ፡ ዲስኩርን ወደ ተግባር የሚተረጉም እንቅስቃሴዎችን ከከፍተኛ አመራሮቹና  በሺ የሚቆጠሩ  አባላቱ እያደረገ ይገኛል። አመራሮቹ  ታጋዮቹ  ሆነው ሲገኙ፣ መስዋዕትነት ሲከፍሉ ሲያታግሉና ሲታገሉ ቆይተዋል።የአርበኞች ግንቦት 7 ሀገራዊ  ራዕይና ተልዕኮ ለትልቅ ሀገር ለመቶ ሚሊዮን ህዝባችንን የሚመጥነውን ዲሞክራሲዊ ስራአት እውን  ማድረግ ነው። ንቅናቄችን ብዙ መስዋትነት እየከፈለም ነው። ወድፊትም ይከፍላል። ኢትዮጵያዊነትና ኢትዮጵያን ለማዳን ለህዝብ ነጻነትና ለሁሉም ዜግጎች መሰረታዊ መብቶች ለሁልም ዘውጎችና ማህበረሰቦች እኩልነት መታገል ብሎም ምስዋዕትነት መክፈል አጅግ የምንኮራበት እንጂ የምናፍረብት፣ ግንባራችንንም የምናጥፍበት በፍጹም አይሆንም።

አርበኞች ግንቦት 7 ውስት የሚገኙ አባላት የተሰባሰቡት በኢትዮጵያዊነት ነጻነትና ፍትህ የጠማቸው ስለሆኑ እንጂ ዘር እየተቋጠሩ አይደለም። ንቅናቄያችን የልዩ ልዩ  ዘውጎችና ብሄሮች ተወላጅ የሆኑ አባላት ቢኖሩትም ራዕይው ሀገራዊ፣ ኢትዮጵያዊ ነው። የጋራቸው የሚያስተሳስራቸው ያሰባሰባቸው ለዘመናት የተገነባው  ከሁሉም ብሄሮች ማንነት በላይ  የሆነው ኢትዮጵያዊነታቸው ነው። የንቅናቄው አርማ የኢትዮጵያ አንድነት ነው። ኢትዮጵያዊነት ነው።  ግባችን ዴሞክራሲያዊ የፖለቲካ ስርአት ነው።  ስለዚህም ነው አርበኛች ግንቦት 7 የወደፊትዋ ኢትዮጵያ በዜግነት እኩልነትና ነጻነት ላይ የተመሰረተ ሀቀኛ የዲሞክራሲያዊ ስርአት ለኢትዮጵያ አንድነትና በአገራችን ለሚገኙ ዘርፈ ብዙ ውስብስብ ችግሮች ብቸኛ አገር አድን የፓለቲካ መፍትሄ ነው ብሎ በጽኑ የሚያምነው የሚያቀነቅነው። መስዋእትነት በመክፈል  ላይ የሚገኘው።

ጥሪያችን ኢትዮጵዊነትና ኢትዮጵያ ሀገራችንን በትግችን ለማዳን ሁሉም ኢትዮጵያዊ ቆርጦ ለተግባራዊ ትግልና ኣስተዋጻኦ እንዲነሳ ነው!!

ኢትዮጵያና ኢትዮጵያዊነት  ለዘላለም ይኖራሉ!! ፡በትግላችን መስዋእትነት  አንድነቱዋ የተጠብቀ ዲሞክራሲያዊት ኢትዮጵያን እውን እናደርጋለን!!

ኑው ዮርክ፡ ፊብሩዋሪ 17፡ 2017

ሳይጀመር የተጨረሰው የኢህአዴግ ውይይትና ድራማው!!! | የኢ/ር ይልቃል ተወካዮች ለምን ከእረፍት በኋላ ተባረሩ?

January 21,2017

ይድነቃቸው አዲስ

ኢህአዴግ ከተቃዋሚ ፓርቲዎች ጋር ውይይት አድርጋለው ካለበት ቀን ጀምሮ ስለ ጉዳዩ ያለኝን መረጃ ለጠየቃችሁኝ በሙሉ ነገሩን ከፈረሱ አፍ እንዲሉ እንደሚከተለው ላካፍላችሁ ወድጃለው።
ድራማው የሚጀምረው ጥር 9 2009 ዓ.ም ወደ 10፡55 አካባቢ ለኢንጂነር ይልቃል ጌትነት በተንቀሳቃሽ ስልኩ ከኢህአዴግ ፅ/ቤት ስልክ የተደወለለት ዕለት ነበር። ደዋይዋ ስሟን ከተናገረች በኃላ የደውለችበትን ምክንያት ተናገረች። እንዲህ በማለት ” ኢህአዴግ ባዘጋጀውና ከተቃዋሚ ፓርቲዎች ጋር ሊያደርግ ባሰበው ውይይት ላይ እርስዎ በሊቀመንበርነት የሚመሩትን ሰማያዊ ፓርቲን የጋበዝን ቢሆንም እስካሁን ድረስ በፓርቲው በኩል የሚሳተፉትን ሰዎች ስም ዝርዝር አላሳወቃችሁንም ስለሆነም ከውይይቱ በፊት መታወቅ ስላለበት ስም ዝርዝራቸውን ሊነግሩን ይችላሉ? ” ስትል አክብሮት በተላበሰበት ንግግር የደወለችበትን ምክንያት ገለፀች። በስልክ መልዕክቱ ግራ የተጋባው ይልቃል ጌትነትም ፓርቲው የደረሰው ምንም ዓይነት የተፃፈ ደብዳቤ እንደሌለ ገልፃ ለነገ ለሚደረግ ውይይት በዚህ ሰዓት መደወል አግባብ አለመሆኑን ይናገራል። ከኢህአዴግ ፅ/ቤት የደወለችው ሴትዮ “ምናልባት ደብዳቤው በስህተት ሌሎች እጅ ገብቶ ሊሆን እንደሚችልና ማንም እጅ ቢገባም እርስዎ የሚሰጡኝን ሁለት ተሳታፊ ሰዎችን ስም ልመዘግብ። እውነተኛ አመራሩን ከምርጫ ቦርድ አረጋግጬ ነው የደውልኩት ” ስትል ይቅርታ በሚጠይቅ ቅላፄ ዳግም ጥያቄዋን አቀረበች። የድምፅ ምልልሱ የይልቃል ተንቀሳቃሽ ስልክ ላይ ይገኛል።

የእኔን እና የቀድሞው የፓርቲው ም/ሊቀመንበር እና የምርጫ ጉዳይ ሃላፊ የነበሩትን አቶ ስለሺ ፈይሳን እያቅማማ ቢሆንም አስመዘገባትና ንግግራቸው አለቀ። ወዲያው ተነጋግረን ከመቅረት ሄዶ አቋምን ማሳወቅ ተገቢ ነው የሚል መተማመን ላይ ደረስን። በማግስቱ ጥር 10 /2009 ዓ.ም የፓርቲያችንን አቋም ለማሳወቅ እኔ ይድነቃቸው አዲስ እና አቶ ስለሺ ፈይሣ ከጠዋቱ 2፡50 አካባቢ የህዝብ ተወካዮች ምክር ቤት ቅጥር ግቢ በር ተገኘን። ከመግባታችን በፊት አቶ የሺዋስ አሰፋ ከመኢአድ አመራሮች ጋር በሩ ላይ ተገኝቶ ስሙ እንደሌለና የፓርቲው ሊቀመንበር ኢንጂነር ይልቃል ጌትነት ያስመዘገቡት የሁለት ሰዎች ስም ዝርዝር ተነገረው። “የፓርቲው ሊቀመንበር እኔ ነኝ እዚህ ስማቸው ያሉ ሰዎች የተባረሩና የዲሲፒሊን ግድፈት ያለባቸው ሰዎች ናቸው” በማለት ተከራከረ። በሩ ላይ በፌደራል ፓሊሶች ተከቦ የተቃዋሚ ፓርቲ አመራሮችን መታወቂያ እያየና ከተመዘገበው ሥም ዝርዝር ጋር እያመሳከረ መግቢያና ማለፊያ ባጅ የሚሰጠው ግለሰብ ምንም ማድረግ እንደማይችል በቁጣ ተናገረና፤ ምንም ማድረግ በማይችለው ጉዳይ ላይ ባይጨቀጭቀው መልካም መሆኑን በመናገር ወደ ኃላ ገሸሽ እንዲል አሳሰበው።

(ፎቶ መፍቻ) ከሕወሓት ጋር ድርድር ተቀምጠው የነበሩት ‘ተቃዋሚዎች’::

ይህ ሲሆን እነ ፕሮፌሠር በየነ ጴጥሮስ እና ፣ ከመንግስት ቀለብ እየተሰፈረላቸው የሚኖሩ የውሸት ፓርቲ ባለቤቶች አጠገባችን ነበሩ። ዘወትር ሳያቸው በስሙ የሚነግዱባት ህዝብ ፍዳ ፊቴ ድግን ስለሚል ደሜ ይፈላል። ስለሆነም አተኩሬ ማየት እንኳን አልፈልግም። በሰዓቱ አንድ ስሙን የዘነጋሁት የፎርቹን መፅሄት ጋዜጠኛ መግባት ተከልክሎ ፓርቲያችን ውስጥ ስለተፈጠረው ጉዳይ ጠይቆኝ እያወጋን ነበር። በስተመጫረሻም መግቢያ በሩ ላይ ስማችን እንደተመዘገበና መግባት እንደምንችል ተነግሮን እኔና ስለሺ ፈይሳ ወደ ውስጥ ዘለቅን። የህዝብ ተወካዮች ምክር ቤት ግቢ ውስጥ በሚገኘው መለስተኛ አዳራሽ ታደምን። ውይይቱ በግምት 3፡35 አካባቢ ይመስለኛል በጠቅላይ ሚኒስትር ጽሕፈት ቤት የዴሞክራሲ ሥርዓት ግንባታ ጉዳዮች ማስተባበሪያ ማዕከል ዋና አስተባባሪ በሆኑት አቶ ሽፈራው ሽጉጤ እና አቶ አስመላሽ ወልደሥላሴ መድረክ መሪነት ተጀመረ። አቶ ሽፈራው ሽጉጤ የመክፈቻ ንግግር አደረጉ። ውይይት መልካም መሆኑን እና መንግስት በሠላማዊ መንገድ ተደራጅተው ካሉ ሃያ ሁለት አገራዊ ፓርቲዎች ጋር ለመወያየት ዝግጁ መሆኑን ገለፁ። ወደ ዝርዝር አጀንዳ ከመግባታችን በፊት በቀጣይ ስለሚኖረው ውይይት አካሄድ ምን መምሰል አለበት በሚለው ላይ ለመወያየት መድረኩን ክፍት አደረጉት። የመጀመሪያው ተናጋሪ ፕሮሬሠር በየነ ጴጥሮስ ነበሩ። ዘወትር በሚናገሩበት የቀዘቀዘ የድምፅ ቃና መድረኩን ኢህአዴግ መምራት እንደሌለበትና ባለፉት ወራቶች የሞቱት ወገኖቻችንን በማሰብ ውይይቱ ከመጀመሩ በፊት የህሊና ፀሎት ቢደረግ መልካም ነው በማለት ሃሣባቸውን ገለፁ። የመድረክ መሪው አቶ ሽፈራው ሽጉጤ ባይፈቅዱም የውይይቱ ተሳታፊዎች በከፊል የፕሮፌሠር በየነ ጴጥሮስን አባታዊ ምክር ተቀብለን በራሳችን ፍቃድ ተነስተን ላተወሰኑ ሰኮንዶች ቆመን የህሊና ፀሎት አድርሠን ተቀመጥን።

በቀጣይ ስላለው አጠቃላይ አገራዊ ሁኔታና ስለ ውይይቱ ከተሣታፊዎች ሃሣብ ተሠነዘረ። ብዙዎቹ አሠለቺና ተደጋጋሚ ነበሩ። መንግስት ለሚዲያ ፍጆታ ብቻ ለማዋል መጥራቱን ገና ከጅምሩ አቶ ሽፈራው ሽጉጤ ለእነ አየለ ጫሚሶ ፣ ትዕግስቱ አወሉ እና መሠሎቻቸው ደጋግመው ዕድል ቸሩ። እነርሱም መንግስት በአገሪቱ ላይ አስከፊ ችግር ከመከሰቱ በፊት የማረጋጋት ስራ መስራቱን አደነቁ። የኢዴፓው ሊቀመንበር ዶ/ር ጫኔ ከበደ ትንሽ የተሻለ ነገር መናገራቸውን አስታውሳለው። አቶ ሽፈራው ሽጉጤ በመጀመሪያው ዙር እጅ አውጥተን ዕድል የሰጡን ቢሆንም አውቀው ይሁን ሳያውቁት ዘለሉን። ሁለተኛው ዙር ላይ እንደምንም ብለን ዕድሉን አገኘን። ከውይይቱ በፊት የተስማማንበት ሃሣብ ተናገረን እንዲህ በማለት ” በመጀመሪያ ደረጃ ውይይት መልካም ነው ብላችሁ ከልባችሁ አምናችሁ ከሆነ የጠራችሁትን እኛም የምንፈለገው ነገር ስለሆነ ጥሩ ነው። ፓለቲከኛ ሆኖ ውይይትን መግፋት አይቻልም። ግን አይመስለንም! እኛም እንሁን ፓርቲያችን ኢህአዴግን የሚያየው በጥራጣሬ መነፀር ነው። ይሁን ተጠራጥረን የትም ስለማንደረስ የምናምነውን ለመናገር እዚህ ተገኝተናል። ፓርቲያችን በመጀመሪያ እራሱ ገዳይና ችግር ፈጣሪ ሆኖ መታደስ አለበኝ ያለ ድርጅት መድረክ ይዞ እራሱ አወያይ ሆኖ መቅረቡን አይደግፍም። ይህም ውይይት የጥልቅ ተሃድሶ አካል አድርጎ ድርጅታችሁ ኢህአዴግ የሚያየው ከሆነ መታደሱ ለእናንተ እንጂ ለእኛ አያስፈልገንም። ሲቀጥል መንግስት እውነተኛ መፍትፍሄ ጠቋሚ ውይይት ከፈለገ ውይይቱ ውጭ ከሚገኙ ጠብመንጃ ካነሱትም ጋር ሆነ በሠላማዊ መንገድ የሚታገሉ ድርጅቶችን አጠቃሎ ማካሄድ አለበት። ውይይት በአገር ደረጃ ውጤት የሚያመጣው ስርዓቱ ትክክል አይደለም ብለው በምናምንበት መንገድ ለውጥ እናመጣለን ብለው እየሠሩ ያሉ ድርጅቶችን በሙሉ መሰብሰብ ሲችል ነው።

እንደ 1997ቱ ከፀሃይ በታች በማንኛውም ነገር ላይ እንወያየለን ተብሎ ጊዜ እንደተገዛበት አይነት መሆን የለበትም። ይህ አለመሆኑን በቀጣይነት ለህዝባችን የሚታይና የሚዳሠስ ማረጋገጫ መሠጠት አለበት። ካልሆነ የህዝብ ውክልና የሌላቸው ፓርቲዎች እንደ አሸን በፈሉበት ሁኔታ በህዝብ ስም መወያየትና በአብላጫ ድምፅ አቋም መያዝ ቀልድ ካልሆነ በቀር ተገቢ አይሆንም። መንግስት አስከፊ ደረጃ ከመድረሱ መታደሡ ተገቢ ነው የሚሉትንና ማህተማቸውን በኪሳቸው እየያዙ የሚዞሩትንም ትንሽ ሸንቆጥ አደረግናቻው። አንድ ቀን ዋጋ እንደሚያስከፍላቸውም ጭምር። የሚል የመጀመሪያ የሰማያዊ ፓርቲ ሃሣብ ተነገረ። ውይይቱ ከዛ በኃላ ብዙም ሳይቆይ የመድረኩ መሪ አቶ ሽፈራው ሽጉጤ የሻይ ሰዓት አልፎ ወደ አምስት ሰዓት እየተጠጋ ስለሆነ ለሻይ ሰዓት እንውጣ በማለት የመጀመሪያ ዙር ውይይቱ በሻይ ሰበብ እንዲቆም ሆነ። የሻይ ሰዓት ላይ ከእነ ፕሮፌሠር በየነ ጴጥሮስ ፣ የኦፌኮ ምክትል ሊቀመንበር አቶ ሙላቱ ገመቹ ፣ አቶ ገብሩ ገብረማርያም ጋር ውይይቱ ቀጠለ። እኛ ሰሚ ነበርን። ፕሮፌሠር በየነ በሽግግሩ ጊዜ የነበራቸውን የፓለቲካ ታሪክና የኢህአዴግ አታላይናትን አካፈሉን። በሰማያዊ ፓርቲ የቀረበውን ሃሣብም እንደሚደግፉት ለእኔና ለስለሺ ነገሩን። እንደውም በአራዳ ቋንቋ ህዝቡ በአሁን ሰዓት እኛን ከመንግስት ጋር እየተሞዳሞድን አድርጎ እንዳይስለን ስጋታቸውን አካፈሉን።

ትንሽ ፈገግ እንድንልም አደረጉን። ሻይ ቡናው ላይ ቆፍጠን ብለው ታዩኝ። ምናል መድረኩ ላይም እንዲህ ቢሆኑ ብዬ ተመኘሁ። የሻይ ሰዓቱ ስላለቀ በግምት ወደ አምስት ከሩብ አካባቢ ወደ አዳራሹ ገባን። ከመንግስት ሚዲያዎች በቀር የግል ህትመት ሚዲያዎች እንዲገኙ ስላልተፈለገ ይመስለኛል አልተጋበዙም። ለሁለተኛው ዙር ውይይት የቀድሞው ቦታችንን ያዝን። ድንገት በመሃል ከፍ ባለ ድምፅ አቶ ሽፈራው ሽጉጤ ሰማያዊን ወክላችሁ የመጣችሁ የሰማያዊ ፓርቲ አመራሮች አንድ ጊዜ ወደ ውጭ ኑልን” አሉን። የውይይቱ ተሣታፊዎች ትኩረት በሙሉ ወደ እኛ ሆነ፤ ዝምታ ቤቱን ዋጠው። በነገሩ ግራ የተጋባነው እኔ እና ስለሺ ምን አስበው ይሆን ? በሚል መንፈስ ከአዳራሹ በራፍ ተገኘን።

አቶ ሽፈራው ራቅ ብለው ከቆሙ ሶስት ጋርዶች ጋር ጠበቁን። እንደወጣን ለምን እንደተጠራን አቶ ሽፈራውን ጠየቅናቻው ። አቶ ሽፈራው ሽጉጤ ድምፃቸውን ቀንሰው “እናንተ እውነተኛው የሰማያዊ ፓርቲ አመራሮች አይደላችሁም የሚል መረጃ ደርሶኝ ነው። ስለሆነም ከአሁን በኃላ በስብስባው መካፈል አትችሉም” አሉን። እኛም የመጣነው ለይልቃል ተደውሎላት እንደሆነና እኛም የፓርቲው የማዕከላዊው ኮሚቴ አባል እንደሆንን ገለፅንላቸው። “እሱ ስህተት ነው አሁን ከምርጫ ቦርድ ፅ/ቤት ሃላፊ ድውዬ እንዳረጋገጥኩት እናንተ እውነተኛ አመራሮች አለመሆናችሁ ተነግሮኛል” በማለት እንድንወጣ አሳሰቡን። አርግ የተባሉትን ከሚያደርጉ ግለሠብ ጋር ብዙም ጊዜ ማጥፋቱ መፍትሄ እንደሌለው በመረዳታችን የግቢውን ቅጥር ግቢ ለቀን ወደ 5፡35 ወጣን። ይሁን እንጂ አቶ የሺዋሥ አሠፋና ግብረአብሮቹ ከወጣን በኃላ ተደውሎላቸው በጓሮ በር ገብተው መሣተፋቸውን አውቀናል። ህዝብ ምንግዜም አሸናፊ ነውና ህዝብን ማዕከል ያላደረገ ውይይት መጨረሻው ሽንፈትና ቅሌት ብቻ ይሆናል ብዬ አምናለው። የውይይቱም የመጨረሻ ገጽ ከቀድሞ የውይይት ታሪኮች የተለየ ይሆናል የሚል እምነት የለኝም፡፡ ድል የህዝብ ነው! ኢትዮጵያ ለዘላለም ትኖራለች !!

የወያኔ አስተዳደር በአለም እጅግ አደገኛ ከሚባሉት 19 አገሮች ተርታ ተመደበ

Desember 26,2016

ዘርይሁን ሹመቴ

በለንደን የሚገኘው ሌጋተም ኢንስቲትዩት (Legatum Institute) በሚያደርገው አመታዊ የጥናትና የምርምር ፕሮግራሙ በአለማችን የሚገኙ እጅግ ሃብታምና ለኑሮ አመቺ አገሮችን እንዲሁም በተቃራኒው እጅግ አደገኛ የሆኑትንም ዝርዝር ይፋ ያደርጓል።

ይህ ተቋም ዘጠኝ (9) ቁልፍ መስፈርቶችን በመጠቀም በ2016 እኤአ የአገራትን ብልጽግና እና ለኑሮ ተሰማሚነታቸውን በጥናትና ምርምር በተደገፈ ሁኔታ አቅርቧል። እነዚህ መስፈርቶች የሚያካትቱት የኢኮኖሚ ጥራትን፣ የንግድ አከባቢን፣ አስተዳደርን፣ ትምህርትን፣ ጤናን፣ ደህንነትና ጸጥታን፣ የግለሰብ ነጻነትን፣ ማህበራዊ ሃብትን እንዲሁም ተፈጥሮአዊ አካባቢን እንደሆነ ተቋሙ አስፍሯል።

ሰሜን ኮሪያና በጦርነት የምትታመሰው ሶሪያ መረጃ ለመሰብሰብ እጅግ አስቸጋሪ ስለሆኑ ይህ ተቋም በጥናቱና ምርምሩ ለማካተት እንዳልቻለ ገልጿል። በአጠቃላይ 149 አገራት በዚህ ጥናት እንደተካተቱ ተገልጿል።

በወያኔ አስተዳደር የምትገኘው ኢትዮጵያም በዚሁ የጥናትና የምርምር ተቋም አመዳደብ መሰረት በጣም አደገኛ፣ እጅግ ደሃ፣ ደስታ የራቃትና ለጤናም አደገኛ ከሚባሉት አገሮች መካከል 19ኛውን ደረጃ ይዛ ትገኛለች። እንደ ጥናቱ ተቋም መሰረት ኢትዮጵያ በተወሰኑ መስፈርቶች መሻሻል ብታሳይም በትምህርት በኩል እጅግ ዝቅተኛ ውጤት ማስመዝገቧን አስፍሯል። በተጨማሪም በስራ ፈጠራና ለስራ አመቺ ሁኔታን በማቅረብም ዝቅተኛ ውጤት አስመዝግባለች።

የመን፣ አፍጋኒስታንና ሴንትራል አፍሪቃ ሪፐፕሊክ በዚሁ ጥናት ተቋም መሰረት ለመኖር እጅግ አስቸጋሪና አደገኛ ከሚባሉት አገሮች ከ1ኛ እስከ3ኛ ያለውን ደረጃ በቅደም ተከተል ይዘዋል። በ2014 እኤአ በኢቦላ በሽታ ከ5 ሺህ በላይ ህዝቧን ያጣችው ላይቤሪያ በዚሁ በሽታ ምክንያት ከኢትዮጵያ አንድ ደረጃ ዝቅ ብላ 18ኛ ላይ ትገኛለች።

ወያኔ የመከላከያ ሰራዊቱ ወደ አርበኞች ግንቦት 7 እየተቀላቀሉ መሆኑን አመነ ።

Desember 12,2016

(ዘርይሁን ሹመቴ)

የወያኔን አገዛዝ በመክዳት ወደ ትጥቅ ትግሉ እየተቀላቀሉ የሚገኙ የመከላከያ ሰራዊት ቁጥር እየጨመረ እንደሆነ መረጃዎች ያሳያሉ። በቅርቡ በሰሜን ጎንደር ለነጻነት እየተዋደቁ ያሉትን ጀግኖች የአማራ ተወላጆችን ለመጨረስ ወያኔ ከላካቸው ወታደሮች አብዛኞቹ ወደ አርበኞች ግንቦት 7 ግንባር መቀላቀላቸው ይታወቃል። በቆራጥነት ቤተሰባቸውን ጥለው በየጫካው የሽምቅ ውጊያ በማድረግ ወያኔን እያርበደበዱ ያሉትን የአማራ ታጋዮችን ትጥቅ ለማስፈታት የሚልካቸው ወታደሮች ከነሙሉ ትጥቃቸው ወያኔን እራሱን ለመውጋት ከህዝቡ ጎን ለመቆም ግንባሩን ተቀላቅለዋል።

አገዛዙ የአርበኞች ግንቦት 7 ሰርጎ ገቦች ወደ ኢትዮጵያ ሲገቡ ያዝከዎቸው ከማለት በስተቀር ከመከላከያ ሰራዊት እየከዱ አርበኞች ግንቦት 7ን ስለሚቀላቀሉ ሰራዊት መግለጫ ሲሰጥ አይሰማም። በብዛት ኤርትራ የሰለጠኑና የሰፈሩ ብሎ ወያኔ የሚፈርጃቸው የአርበኞች ግንቦት 7 ወታደሮች በተቃራኒው በመላ ኢትዮጵያ በተለያየ መልኩ በጥልቀት ገብተው ራስ ምታት እየሆኑበትና የነጻነት ትግሉን እዚያው አገር ውስጥ እያደረጉ እንደሚገኙ ወያኔ ራሱ ለመካድ አዳጋች ደረጃ ላይ ደርሷል። በቅርቡም በሰሜን ጎንደር ህዝቡን በማነሳሳት በማደራጀት እንዲሁም ወታደራዊ እርምጃ ሲወስዱ በቁጥጥር ስር አዋልኩዋቸው ባላቸው የአርበኞች ግንቦት 7 ና የኦነግ አባላት ላይ ክስ መስርቻለው በማለት አገዛዙ በርግጥም የትጥቅ ትግሉ ኢትዮጵያ ውስጥ እየተደረገ እንደሆነ ማመን ችሏል።

በመከላከያ ሰራዊት ውስጥም ሳይቀር የአርበኞች ግንቦት 7 አባላት ሰርገው ገብተውብኛል በማለት የተለያዩ ክሶችን አሁን አሁን እያቀረበ የሚገኘው የህውሃት አገዛዛ ከዚህ ቀደም ይህን በይፋ ለማመን ተቸግሮ እንደነበር ይታወቃል። የአርበኞች ግንቦት 7 ሊቀመንበር ፕሮፌሰር ብርሃኑ ነጋ በተደጋጋሚ ለመከላከያ ሰራዊቱ የወያኔ መጠቀሚያ ከመሆን የህዝብ አጋርነትን እንዲያሳይና ግንባሩን ተቀላቅሎ በአገዛዙ ላይ አፈ ሙዙን እንዲያዞር ያደረጉት ጥሪ በብዙ ለሚቆጠሩ ወታደሮች መክዳትና ወደ ነጻነት ጉዞው መቀላቀል አስተዋጾ አድርጋል።

አገዛዙ በአቃቢ ህጉ በኩል የአርበኞች ግንቦት 7 የአገር ውስጥ አባላት በተንቀሳቃሽ ስልክና በፌስቡክ በመጠቀም አዳዲስ አባላትን በደብረ ዘይትና በተለያዩ የመከላከያ ሠራዊት እየመለመሉ እንደሚገኙ ደርሸበታለው በማለት ባሳለፍነው አርብ ክስ መስርቷል። ከዚህ በተጨማሪም የአርበኞች ግንቦት 7 የአገር ውስጥ እንቅስቃሴ መረቡን በማስፋት በመረጃና ደኅንነት መስሪያ ቤትም ውስጥም ዘልቆ እንደገባ ክሱ ያመለክታል። በዚሁ እለት በቀረበው ችሎት ወያኔ ከአርበኞች ግንቦት 7 ጋር በመተባበር ሲሰሩ የነበሩ የመከላከያ ሰራዊት አባላትንም ወደ ክስ አቅርቢያለው ብሏል።በአጠቃላይ ከወያኔ ጋር የሚደረገው ትግል በርግጥም በኤርትራ ምድር ሳይሆን በኢትዮጵያ ውስጥ መሆኑንና የህዝቡ እምቢተኛነት የነጻነት ታጋዮችን እንቅስቃሴ ወደ ፊት እየመራው እንደሆነ አገዛዙ በአቃቤ ህጉ ያቀረባቸው ክሶች ማመሳከሪያ ሆነዋል።

የአውሮጳ ህብረት አባል በሆኑት ክብርት አና ጎመስ ላይ ህወት የተቃውሞ ፊርማ ማሰባሰብ ጀመረ

Desember 10,2016

በምርጫ 97 ወቅት የአውሮፓ ህብረት የምርጫ ታዛቢ ቡድንን በመምራት ኢትዮጵያ ቆይተው ከተመለሱ ወዲህ የህወሃት አገዛዝ በዘጎቹ ላይ የሚፈጽማቸውን የሰባአዊ መብት ጥሰቶች እየተከታተሉ በማጋለጥ  የታወቁትን  የአውሮጳ ህብረት ፓርላማ አባል ክብርት አና ጎመዝ በኢትዮጵያ ጉዳይ የሚያሰሙት ድምጽ እንዲያቆሙ ለመጠየቅ የህወሃት አገዛዝ በቅጥረኝነት ያሰማራቸው አባላቱና ደጋፊዎቹ የተቃውሞ ፊርማ ማሰባሰብ መጀመራቸውን ለማወቅ ተችሎአል

የህወሃት የውጪ ጉዳይ ሚንስቴር የህዝብ ግንኙነት ክፍል ጋር በቅርበት እንደሚሠራ የሚታወቀው አይጋ ፎረም የተባለው ድረ ገጽ ላይ አባላትና ደጋፊዎች እንዲፈርሙት ተለጥፎ ያለው የተቃውሞ ፊርማ ደብዳቤ ላይ በግልጽ እንደተቀመጠው  ክብርት አና ጎመስ ባለፈው ወር መጀመሪያ ሳምንት ላይ ብራስልስ በሚገኘው የአውሮጳ ፓርላማ ጽቤት ስብሰባ ላይ ተሳትፈው ወደ አገራቸው ሲመለሱ በህወሃት ደህንነቶች ተይዘው እስር ቤት የተወረወሩት ዶክተር መረራ ጉድናን ለማስፈታት ህብረቱ ጠንካራ አቋም በኢትዮጵያ ላይ እንዲወስድ የሚጠይቅ የውሳኔ ሃሳብ አዘጋጀተዋል  ። ክብርት አና ጎመስ የአውሮጳ ህበረት በህወሃት መራሹ አገዛዝ ላይ ጠንካራ እርምጃ እንዲወሰድ ረቂቅ የውሳኔ ሃሳብ ከማዘጋጀታቸው በተጨማሪ ለህብረቱ የውጪ ግንኙነት ሃላፊ ለሆኑት ለማዳም ፌደሪካ ሞርጋሪኒ ባለፈው ሳምንት በጻፉት ደብዳቤ ላ፤ ዶ/ር መረራ ጉዲና የታሠሩት በርሳቸው መሪነት የአውሮጳ ህበረት በኢትዮጵያ ውስጥ ስለሚፈጸመው የሰባዊ መብት ጥሰት ለመስማትና አገራችን ውስጥ እየተካሄደ ያለው ህዝባዊ እምቢተኝነት ወዴት እንደሚያመራ ለመገምገም  አዘጋጅቶት በነበረው ስብሰባ ላይ መሳተፍቸው እንደወንጀል ተቆጥሮ ነው ማለታቸው ህወሃትን ክፉኛ አስቆጥቶታል። ክብርት አና ጎመስ ባልደረባቸው ለሆኑት ኢጣሊያዊቷ የህብረቱ የውጪ ግንኙነት ሃላፊ በጻፉት ደብዳቤ  ዶ/ር መረራ ጉዲና በህወሃት አገዛዝ ሽብርተኛ ተብሎ ከተፈረጀውና ህብረቱ አዘጋጅቶት በነበረው በዚያ ስብሰባ ላይ ከተገኙት ሌላው እንግዳ የአርበኞች ግንቦት 7 ሊቀመንበር ፕሮፈሰር ብርሃኑ ነጋ ጋር ጎን ለጎ ተቀምጦ መታየታቸው ብቻ እንደወንጀለኛ እንዳስቆጠራቸው ይህም ኢትዮጵያ ወስጥ የዜጎች ነጻነትና ሃሳብን የመግለጽ መብት ምን ያህል የከፋ ደረጃ ላይ እንደሚገኝ አመልካች ነው ብለው መግለጻቸው ህወሃትንና ደጋፊዎቹን እጅግ ያናደደና የተቃውሞ ፊርማ እስከማሰባሰብ  ያደረሰ እንደሆነ በተቃውሞ ደብደቤው ላይ ተገልጾአ።

በዚህም የተነሳ ክብርት አና ጎመስ በኢትዮጵያ ጉዳይ ውስጥ እጃቸውን ከማስገባት እንዲቆጠቡ  ለመጠየቅ በህወሃት መሪነት የተጀመረው ፊሪማ የማሰባሰብ ዘመቻ ይህ ዜና እስከተጠናከረበት ጊዜ ድረስ የኢትዮጵያ ኤምባሲ በሚገኝባቸው አገሮች በሙሉ ውስጥ ለውስጥ እየተሰራጨ እንደሚገኝ ሆኖም በርካታ ትኩረት ለማግኘት ያልቻለና በራሱ በህወሃት አባላትና ደጋፊዎች ዘንድ ሳይቀር እንደ ትልቅ ተስፋ መቁረጥ እርምጃ እንደታየ ለዝግጅት ክፍላችን የደረሰ ከደረሰ መረጃ ለማወቅ ተችሎአል።

የኢትዮጵያ መንግሥት በብድርና በተለያየ መንገድ ከአለም አቀፍ ህብረተሰብ የሚያገኘውን ገንዘብ ለገጽታ ግንባታ አገልግሎት በማዋል በጣም ውድ ገንዘብ በመክፈል ትላልቅ የሎቢ ተቋሞችን ቀጥሮ ሲያሰራ እንደኖረ ይታወቃል። ካለፈው እንድ መት ወዲህ በመላው አገሪቱ በተለይም በኦሮሚያ፤ በኮንሶና  በአማራ ክልሎች ተቃውሞን ለማፈን ሲል እየተወሰደ ባለው የሃይል እርምጃ በመቶዎች የሚቆጠሩ ንጽሃን ዜጎች በግፍ መጨፍጨፋቸውና በሺዎች የሚቆጠሩት በጅምላ መታሠራቸው የአገዛዙን ፍጹም አምባገነንነትና አውሬነት ባህሪ ለአለም ህዝብ ያጋለጠ በመሆኑ  ተቀጥረው ይሠሩ የነበሩ የሎቢ ተቋሞች ሊያስተባብሉትና ሊሸፋፍኑለት ከሚችሉት በላይ እንደሆነባቸው በአሜሪካና በአውሮጳ ለህወሃት ተቀጥረው ከሚሠሩ እነዚሁ የሎቢ ድርጅቶች አካባቢ የሚወጡ መረጃዎች ያመለክታሉ።

የአርበኞች ግንቦት 7 ሰራዊት በወያኔ ጦር ላይ በተለያዩ ቦታዎች በተደጋጋሚ ጥቃት መፈፀሙን በመቀጠል ከፍተኛ ጉዳት ማድረሱ ታወቀ፡፡

November 24,2016

November 24, 2016

(የአርበኞች ግንቦት 7 ድምፅ ሬድዮ)

የኢትዮጵያ የቁርጥ ቀን ልጆች ነበልባል የአርበኞች ግንቦት 7 ሰራዊት ህዳር 10 ቀን 2009 ዓ.ም ለሊት ጎንደር ዳንሻ ከተማ ልዩ ስሙ አዲስ አለም በተባለ ቦታ ሰፍሮ ከሚገኝ የወያኔ መከላከያ ሰራዊት ላይ በፈፀመው ድንገተኛ ማጥቃት ከፍተኛ ጉዳት በማድረስ አጥቅቶ ተሰውሯል፡፡ በወሰደው ድንገተኛ የማጥቃት እርምጃም 15 የወያኔ ቅጥረኛ ወታደሮችን በመግደል ቁጥራቸው ያልታወቀ ደግሞ ማቁሰሉን አርበኛ ታጋይ ሪፖርተራችን ከስፍራው ባደረሰን ዘገባ አስታውቋል፡፡

የአርበኞች ግንቦት 7 ሰራዊት ጥቃቱን በመቀጠል ህዳር 13 ቀን 2009 ዓ.ም በአብደራፊ ከተማ ዙሪያ በህወሓት መከላከያ ሰራዊት ላይ ተመሳሳይ የደፈጣ ጥቃት የሰነዘረ ሲሆን ባደረገው ሰፊ የማጥቃት እርምጃም 25 በመግደልና 17 በማቁሰል በቅጥረኛው የህወሓት ጦር ላይ ጠንካራ ክንዱን በማሳረፍ የበላይነትን ተጎናፅፎ የህወሓት ቅጥረኛ ወታደሮችን እንቅስቃሴ በመግታት መበታተን እንደቻለ ሪፖረተራችን አክሎ ገልጿል፡፡

ጀግናው የአርበኞች ግንቦት 7 ሰራዊት እየፈፀመ ያለውን ቆራጥ ተጋድሎ ጥቃቱ በሚፈፀምበት ቦታ ሁሉ ሙሉ በሙሉ የህዝብን ድጋፍ እያገኘ ሲሆን የቆመለትን አላማ ከግብ ለማድረስ ትልቅ ጉልበት እንደሆነው ለማወቅ ተችሏል፡፡ የኢትዮጵያ ትንሳኤ እስኪሆን ድረስም ጀግኖች የአርበኞች ግንቦት 7 ነበልባል ሰራዊት ወደፊት በመግፋት በተግባር የኢትዮጵያ አለኝታነታቸውን እያስመሰከሩ ይገኛሉ፡፡

አርበኞች ግንቦት 7 ከመቀሌ ከተላከ ኮማንድ ፖስት ግብረኃይል ጋር ተዋግቶ ድል ተጎናጸፈ

November 20,2016

ከ
ዚህ ቀጥሎ እንደወረደ የሚነበበው ዜና አርበኞች ግንቦት 7 ራድዮ ከፎቶግራፍ ጋር አስደግፎ የዘገበው ዘገባ ነው::

የአርበኞች ግንቦት 7 ለአንድነትና ዴሞክራሲ ንቅናቄ ሰራዊት ህዳር 7 ቀን 2009 ዓ.ም በቃፍቲያ ሁመራ ልዩ ስሙ ማይነብሪ በተባለው ቦታ ከመቀሌ የተላከ የአስቸኳይ ጊዜ አዋጅ ኮማንድ ፖስት ግብረ ሀይል ጋር ባደረገው ውጊያ ከፍተኛ ድል ተጐናፅፏል።

ይህ ከመቀሌ የተንቀሳቀሰው የወያኔ የአስቸኳይ ጊዜ አዋጁ ኮማንድ ፖስት ግብረ ሃይል ዋና ተልዕኮ የአርበኞች ግንቦት 7 ሰራዊትን እንቅስቃሴ ለመግታት ታስቦ ሲሆን እጅግ ከፍተኛ ቁጥር ያለው ሰራዊት በ56 መኪኖች አጓጉዞ በቃፍቲያ ሁመራ ልዩ ስሙ ማይነብሪ በተባለ ቦታ ቢያሰፍርም ለሀገራቸውና ህዝባቸው ሲሉ ውድ ህይወታቸውን ለመክፈል የማይሰስቱት የአርበኞች ግንቦት 7 ሰራዊት በከፈቱት ድንገተኛ ማጥቃት 92 በመግደልና 65 በማቁሰል አንፀባራቂ ድል ማስመዝገባቸውን ከስፍራው የሚገኘው አርበኛ ታጋይ ሪፖርተራችን ባደረሰን ዘገባ ለማወቅ ተችሏል።

ይህ በእንዲህ እንዳለም የአርበኞች ግንቦት 7 ሰራዊት እንቅስቃሴን ለመግታት የተንቀሳቀሰውን የአስቸኳይ ጊዜ አዋጅ ግብረ ሀይል ኮማንድ ፖስትን ይመሩ ከነበሩ መካከል 5 አዛዦች የተገደሉ ሲሆን ከእነዚህም መካከል መቶ አለቃ ጣዕመ የሚባል እንደሚገኝበትም ታውቋል።

በተያያዘ ዜና የአርበኞች ግንቦት 7 ለአንድነትና ዴሞክራሲ ንቅናቄ ሰራዊት ህዳር 8 ቀን 2009 ዓ.ም በቃፍቲያ ሁመራ ሩዋሳ አካባቢ ማይጐነጥ ልዩ ስሙ ማይቆማ በተባለው ቦታ ሰፍሮ ከሚገኘው የ24ኛ ክፍለ ጦር ጋር ባደረገው ውጊያ አንድ ብርጌድ ካምፕ ሙሉ ለሙሉ ከማውደሙም በተጨማሪ በወያኔ መከላከያ ሰራዊት ላይ ከፍተኛ ኪሳራ ማድረሱን ከስፍራው የደረሰን የአርበኛ ታጋይ ሪፖርተራችን መረጃ ያመለክታል።

በዚሁ አካባቢ በተደረገው ውጊያ የወያኔው የ24ኛ ክፍለ ጦር ሰራዊት ከአርበኞች ግንቦት 7 ጀግኖች የሚሰነዘርበትን ጥቃት መቋቋም ተስኖት እንደነበረ ለማወቅ ተችሏል።

በእለቱ በተደረገው ውጊያ 120 የወያኔ መከላከያ ሰራዊትን በመግደልና 80 በማቁሰል በጠላት ላይ ከፍተኛ ጉዳት ያደረሰ ሲሆን በርካታ ቁጥር ያላቸው ከባድና ቀላል ተተኳሽ መሳሪያዎችን ከነመሰል ጥይቶቻቸው ጋር መማረካቸውንም ሪፖርተራችን ገልጿል።

በውጊያው እለት የቆሰሉ የወያኔ መከላከያ ሰራዊት ብዛት ቁጥር ስፍር የሌለው ከመሆኑ የተነሳ ሁመራ የሚገኘው ሆስፒታል በቁስለኞች መጥለቅለቁንና ከፍተኛ የመቁሰል አደጋ የደረሰባቸውን ደግሞ ወደ ጐንደር ሆስፒታል በመላክ ላይ መሆናቸውም ተገልጿል።

የአርበኞች ግንቦት 7 ለአንድነትና ዴሞክራሲ ሰራዊት ባደረገው ተከታታይ የማጥቃት ርምጃ የአካባቢው ነዋሪ ህብረተሰብ እጅጉን ከመደሰቱም በተጨማሪ ከትግሉ ጐን ለመሰለፍ ያላቸውን ቁርጠኝነት እየገለፁ እንደሚገኙም ታውቋል።

የወያኔ አገዛዝ ባለስልጣናትም በእነዚህ አካባቢዎች የሚገኙ ነዋሪዎችን አገዛዙን ለመፋለም ከአርበኞች ግንቦት 7 ሰራዊት ጋር እንዳይገናኙ አካባቢውን በመውረር ህብረተሰቡ ከቤቱ ወጥቶ እንዳይንቀሳቀስ በማድረግ ስራ ላይ ተጠምደው የሚገኙ ሲሆን፤የሞቱ የሰራዊቱ አባሎቻቸውንም ህዝቡ እንዳያይባቸው የራሳቸውን ሰዎች በመመልመል እንዲቀበሩ እያደረጉ መሆናቸውን ሪፖርተራችን አክሎ ገልጿል።

በደረሰባቸው የሰው ህይወትና የንብረት ኪሳራ እጅጉን የተደናገጡት የህወሀት አገዛዝ ባለስልጣናትም በአስቸኳይ ጊዜ አዋጁ ኮማንድ ፖስት ግብረ ሀይልና በ24ኛ ክፍለ ጦር ላይ ከአርበኞች ግንቦት 7 ሰራዊት የሚሰነዘረው ጥቃት ተጠናክሮ በመቀጠሉና ፋታ ሊሰጣቸው ባለመቻሉ በአካባቢው የጦር ሄሊኮፕተሮችን በማሰማራት አሰሳና ቅኝት ሲያደርጉ እንደነበረ ተገልጿል።

ይህ በእንዲህ እንዳለም የአርበኞች ግንቦት 7 ሰራዊት እስከአሁን ባደረጋቸው ውጊያዎችና ባስመዘገባቸው ድሎች በመደሰት በአካባቢው የሚገኙ የሚሊሸያ ታጣቂ ሀይሎች ከወንድሞቻችን ጋር ውጊያ አናደርግም በማለት በአገዛዙ ላይ እንዳመጹና ብዛት ያላቸው የሚሊሸያ አባላትም ከአርበኞች ግንቦት 7 ሰራዊት ጋር መሰለፋቸውን ከስፍራው የደረሰን የአርበኛ ታጋይ ሪፖርተራችን መረጃ ያስረዳል።

ኮንትራታቸውን የጨረሱ የወያኔ መከላከያ ሰራዊት አባላት አዲስ ኮንትራት እንዲፈርሙ የቀረበላቸውን ጥያቄ አንቀበልም አሉ።

Oktober 30, 2016

አክሊሉ ታደሰ

የወያኔ ሰራዊት አባላት የሆኑና የሰባት አመት ኮንትራታቸውን የጨረሱ አዲስ የሰባት አመት ኮንትራት እንዲፈርሙ የቀረበላቸውን ጥያቄ በአባላቱ ተቀባይነት ያለማግኘቱ ሲታወቅ በመከላከያም በኩል በወቅቱ ከሚገኝበት ሁኔታ ሳቢያ ሰራዊቱን ማሰናበት ያለመፈለጉ ታውቋል፡፡

የደረሰን መረጃ እንደሚያስረዳው የወያኔ መከላከያ ሰራዊት አባላት የሆኑ በ1999 ዓ/ምና 2001 ዓ/ም የተቀጠሩ የፈረሙት የሰባት አመት የስራ ኮንትራት በመጠናቀቁ ምክንያት ሁለተኛ ዙር የሰባት አመት ኮንትራት እንዲፈርሙ ደብዳቤ ቢደርሳቸውም በአብዛኛው የሰራዊቱ አባላት እስካሁን ለመፈረም ፈቃደኛ ያለመሆናቸው ይልቁንም ወደ የቤተሰባቸው መመለስ እንደሚፈልጉ ለማወቅ ተችሏል፡፡

መረጃው አያይዞም የመከላከያ ሰራዊቱ አመራር አካላት የምንገኘው በፈታኝ ወቅት ላይ ነው በሚል ኮንትራት የጨረሱትን የሰራዊቱ አባላት አዲሱን ኮንትራት እንዲፈርሙ ለማግባባት ቢሞክሩም እስከአሁን ያልተሳካላቸው መሆኑን ሲያስረዳ በአንፃሩም ሰራዊቱም በዚህ ወቅት ማሰናበት እንደማይችሉ ለአባላቱ የገለጹ መሆኑን ያስረዳል፡፡

በተጨማሪ ኮንትራቱን አንፈርምም ያሉት የሰራዊቱ አባላት በቆይታቸው ሊያገኙት የሚችሏቸውን ማንኛውም ጥቅማ ጥቅም በመከልከል አስገድዶ ለማስፈረም የተለመደው ሙከራ መደረጉ የማይቀር መሆኑን መረጃው ሲያስረዳ በአሁኑ ሰአት የወያኔ ስርአት የገጠመውን ፈተና በሰ ራዊት ሀይል ለመቋቋም በመጣር ላይ መሆኑና ተጨማሪ ሰራዊት መመልመል ያለመቻሉ ተጨማሪ ፈተና በሆነበት በአሁኑ ወቅት ኮንትራታቸው ን በጨረሱ የሰራዊቱ አባላትን በግዳጅ በስራ ለማቆየት እየተወሰደ ያለው እርምጃ ሊፈጥር የሚችለው ችግር ምልክቶች ከወዲሁ እየታዩ መሆኑንም ጨምሮ ለማወቅ ተችሏል

ፕሮፌሰር ብርሀኑ ነጋ ለኢትዮጵያ መከላከያ ሰራዊት ያደረጉት ጥሪ በመከላከያ ሰራዊቱ ዘንድ ከፍተኛ ተደማጭነትን እያገኘ መምጣቱ ታወቀ!

ናትናኤል ኃይለማርያም
Oktober 30,2016

የአርበኞች ግንቦት ሰባትሊቀመንበር ፕሮፌሰር ብርሀኑ  ለመከላከያ ሰራዊት አባላት፣የፌደራለ እና የክልል ፖሊስ አባላት፤ለአጋዚ ልዩ ጦር አባላት እና ለሌሎች ስርአቱ ታጣቂዎች ያደረጉት  ጥሪ  በሰራዊቱ ዉስጥ ከፍተኛ መነጋገሪያ  ከመሆኑም በተጨማሪ ሰራዊቱ ከህዝብ ጋር ለመቆም የመጨረሻ ዉሳኔ ላይ እንዲደርስ ያደረገዉ ጥሪ ነዉ ሲሉ እነዚሁ ምንጮች ጠቅሰዋል።የተደረገዉን ጥሪ መቀበላቸዉን ለማመላከት ሀሳባቸዉን የገለጹት የሰራዊቱ አባላት እንዳሉት “ መከላከያዉ የህዝብ ሳይሆን የህዉሀት ቡድን አገልጋይ እየሆነ መምጣቱን ሙሉ በሙሉ ያወቁበት ደረጃ ላይ መድረሳቸዉን እና ሊቀመንበሩ እንዳሉት ሰራዊቱ የቁም እስረኛ ሲሆን በተለይ ህዝባዊ እምቢተኝነቱ ከተጀመረ ጀምሮ ምን እንደሚያደርግ እና ወዴት እንደሚሄድ የጠራ አቅጣጫ ባለማግኘቱ እና ባለበት ከፍተኛ ጫና የተነሳ አማራጭ በማጣት በሰራዊቱ ዉስጥ እንደሚገኝ ተናግረዋል።

አክለዉም በአሁኑ ሰአት አዛዦቻቸዉ ድንጋጤ ዉስጥ ከመሆናቸዉ የተነሳ በሰራዊቱ ላይ ያለዉ ቁጥጥር እና ማስጠንቀቂያ በከፍተኛ ሁኔታ እየጨመረ መምጣቱን እንዲሁም ከአንድ ብሄር የሆኑ አባላት ባንድ ላይ ለግዳጅም ሆነ ለስምሪት እንደማይመደቡና በግል ህይወታቸዉ ዉስጥ ስለላን እያካሄዱ ነጻነታቸዉን ፍጹም እንደነጠቋቸዉም ገልጸዋል፡፤በዚህም ምክንያት ከሰራዊቱ መካከል ያሉ አንዳንድ አድር ባይ አባላትን ሳይቀር የሕዉሐት ገደብ ያለፈ ጥርጥር ወደተቃዋሚነት ስለለወጣቸዉ በአሁኑ ሰአት በጥቂት ቁጥር ከሚቆጠሩ የግል ሰዎቻቸዉ በቀር ሰራዊቱ ልቡ ከህዝብ ጎን ሆኗል ብለዋል፡፤  በየጊዜዉ ለግዳጅ ሲወጡ ወደነጻነት ታጋዮች ከነትጥቃቸዉ የሚቀላቀሉ እና በቡድን በመደራጀት በየጫካዉ የሚመሸጉ የሰራዊት አባላት ቁጥር ከቀን ወደቀን እየጨመረ መምጣቱንም አመልክተዋል።

ፕሮፈሰር  ብርሀኑ ነጋ ለሰራዊቱ ያደረጉትን  ጥሪ በርካታ ሰዎች ለዉጥ የሚያመጣ ጥሪ መሆኑን በመግለጽ እነሱን ባገኙት አጋጣሚ ሁሉ መከላከያ ሰራዊቱ ወገኑ ላይ መተኮስ እንዲያቆም እና የመሳሪያ ነጠቃን እና በ አስቸኳይ ጊዜ አዋጅ ሰበብ የሚደረግባቸዉን የጅምላ አፈሳ እንዲሁም ግድያ በመቃወም ወደጫካ ከገቡ ወጣቶች እና አርሶ አደሮች እንዲቀላቀል ጥሪ አቅርበዉ፤ ከሳምንታት በፊት በፍኖተ ሰላም ከተማ 18 የመከላከያ ሰራዊቶች እና አራት ያጋዚ አባላት ሰራዊቱን ከድተዉ መዉጣታቸዉን አስታዉሰዋል።በተለይ በአማራ ክልል አገዛዙ በስፋት ለማከናወን አቅዶ እየተንቀሳቀሰ ያለበትን የመሳሪያ  ነጠቃ ሽሽት ወደየጫካዎች በመግባት ላይ ያለዉ ህብረተሰብ እየጨመረ መምጣቱን እና የኮማንድ ፖስት አባላት ወጣቶችን ያለምንም ምክንያት ስለሚያስሩዋቸዉ በፍኖተ ሰላም በከተማዋ ዉስጥ አዛዉንቶች፤ሴቶች እና ህጻናት ብቻ እየቀሩ እንደሆነ ገልጸዋል።

በተያያዘ ዜናም በባህር ዳር ከተማ  ከስድስት ሳምንት በፊት ወቶ የነበረዉና መመዘኛዉ ከ10ኛ ክፍል በላይ የነበረዉ የመከላከያ ምዝገባ ፤ተመዝጋቢ በማጣቱ ምክንያት ማስታወቂያዉ ከወጣ ከሁለት ሳምንት በሗላ መስፈርቱ ወደ 6ተኛ ክፍል ዝቅ ብሎም ባለመሳካቱ በአሁኑ ሰአት ወጣቶች ወደ መከላከያ ቢገቡ ጥቅማጥቅሞችን እንደሚያገኙ ዉስጥ ዉስጡን በቅስቀሳ መልክ እየተወራ መሆኑን ነዋሪዎች ተናግረዋል።
ይህ በእንዲ እንዳለ የክልሉ አየር መንገድ ለአዉሮፕላን አብራሪነት እና ለቴክኒሺያንነት የቅጥር ማስታወቂያ ማዉጣቱን ተከትሎ ምናልባት በስራ አጥነት ሲሰቃይ የከረመዉን ወጣት በዚ መልክ በመመዝገብ ወደመከላከያ ስለጠና ሊወስዱት ይችላሉ የሚል ስጋት እንዳላቸዉም ጠቁመዋል። የህዋት መንግስት ለመከላከያ  እና ለፖሊስ አባላት መላቀቂያም ሆነ ፈቃድ መጠየቅ እንደማይቻል ቢያስተላልፍም እየከዱ እና እየጠፉ በሚለቁ አባላት ምክንያት አለመተማመን የመጣዉን የሰራዊቱን ቁጥር ለመጨመር በሰበብ አስባቡ በቁጥጥር ስር ያዋላቸዉን ወጣቶች በማባባል እና በማስገደድ ወደ ስልጠና ለማስገባት ሙከራ እያረገ ይገኛል ሲሉም ተደማጠዋል።

ከአመት በፊት ጀምሮ ሰራዊቱን እየለቀቁ የሚሄዱ አባላት ቁጥር  በተለይ ህዝባዊ ትግሉ ከተጀመረ በሁዋላ በመጨመሩ፤የህዋት መንግስት  በየክልሉ የመከላከያ  ሰራዊትነት ምዝገባን ለማካሄድ ከጥሩ የደሞዝ ክፍያ ጋር ጥሪ ቢያደርግም የሚመዘገብለት ማጣቱ በሌሎች አስገዳጅ መንገዶች ወጣቶችን በማታለል በግዳጅ ወደ መከላከያ ያስገባበት ሁኔታ መኖሩን ሲዘገብ መቆየቱ ይታወሳል።

የአርበኞች ግንቦት 7 ሰራዊቶች ከታጣቂው ገበሬ ጋር ጥምረት ፈጥረው የወያኔን ሰራዊት ድባቅ እየመቱት ነው።

Oktober 15,2016

የአርበኞች ግንቦት 7 ሰራዊቶች ከታጣቂው ጀግና ገበሬ ጋር ጥምረት ፈጥረው የወያኔን ሰራዊት ግንባር ግንባሩን በማለት መቶ ሰላሳ አምስ ለ 11 እየመሩት ነው ።
___________•••••••••••••___________••••••••••••__________\\\

#ETHIOPIA-revolution : ህውሀት በሰሜን አርማጭሆ የዘር ማጥፋቱን አጠናክሮ ቀጥላል ። በሰሜን ጎንደር አርማጭሆ የሚገኙ ወረዳዎች የጦርነ ቀጠና ሆነዋል ። ጦርነቱ ዛሬም እንደቀጠለ ሲሆን የአማራ ጀግና ገበሬዎች በየአቅጣጫው የህውሀትን ቅጥር ወታደር ትንፋሽ አሳጥተውታል ። ጫካዎች በሙት ወያኔያውያን አስከሬኖች ጠረናቸውን መቀየር ጀምረዋል የአርበኞች ግንቦት 7 ሰራዊቶች በታች አርማጭሆ ከገበሬው ጋር በመጣመር እስካፍንጫው የታጠቀውን የወያኔ ጦር መፈናፈኛ አሳጥተው ባልተፈጠርኩ እያሰኙት ነው ። የወያኔ መንግስት አሉ የተባሉትን የሜካናይዝድ ብረት ለበስ ጦሮች ዛሬ በአርማጭሆ ህዝብ ላይ አዝምቶ ከ 40 በላይ ንፁሀን አማራዎችን ሒወት አስቀጥፋል ። 

ይህውሀት ወታደር ያገኙትን ሁሉ በመግደል ላይ ሲሆኑ በታች አርማጭሆ ቆላ ደባ በተደረገ እልህ አስጨራሽ ውጊያ 11 የአርበኞች ግንቦት 7 እና 9 የአማራ ጀግና ገበሬዎች መስዋእትነት ሲከፍሉ በአንፃሩ ከጠላት የወያኔ ጦር 135 ወታደሮች ሲገደሉ 47 ደሞ ቀላልና ከባድ የመቁሰል አደጋ ደርሶባቸዋል ።

በመሆኑም በአሁን ሰአት መስዋእትነት እየከፈሉ የሚገኙት ጀግኖች ወንድሞቻችን ደቡብ ጎንደር ፣ አለፉ ፣ ዳባት ፣ ወገራ ፣ ደባርቅ ፣ ደንቢያ ፣ በለሳ ፣ እንዲሁም በመላው ኢትዮጵያ ለሚገኙ ወገኖች ትግሉን በአንድነት እንድትቀላቀሉ ጥሪ አስተላልፈዋል ።

ድል ለአርበኞች ግንቦት 7 ሰራዊት እና
ለጭቁኑ የኢትዮጵያ ህዝብ በሙሉ
ሞት ለባምዳው ወያኔና ለአቃጣሪ ካድሬዎቹ

የሰማያዊ ፓርቲ አመራሮች እና አባላት እየታደኑ መታሰር ጀመሩ

Oktober 11,2016

አሁን በደረሰን ዜና መሰረት የሰማያዊ ፓርቲ አመራር የሆኑት እንጂነር ይልቃል ጌትነት  ፣ ብሌን መስፍን ፣ወረታው ዋሴ ፣ወይንሸት ሞላ እና ሌሎችም ስም ዝርዝራቸው ያልተጠቅቀሱ አባሎች መታሰራቸውን ምንጮቻችን ከአዲስ አበባ ፖሊስ ኮሚሽን መስሪያቤት ከሶስተኛ ፖሊስ ጣቢያ ቅርንጫፍ ገልጸዋል ። ስማቸው እንዲጠቀስ ያልፈለጉ የፖሊስ አባላቶች በሌሎችም ዜጎጅ እና የፖለቲካ እንቅስቃሴ በሚያደርጉ ግለሰቦች ላይ እንዲሁም ፣መንግስትን ከሃገርቤት ሆኖ በፌስቡክ እና በሌሎች መገናኛ ብዙሃን የሚኮንኑ ጽሁፎችን የሚያወጡ ወጣቶችን አድኖ ለማሰር ደብዳቤ ከክፍተኛ ባለስልጣናቶች እንደተላከ እና ያንን ተግባራዊ ለማድረግ ከ72 ሰአታት እስከ 315 ሰአታት እንደተሰጣቸው ጠቁመዋል ።

ይህንን ለማድረግ የእያንዳንዱን የፖለቲካልም ሆነ የሌሎች አባል የሆኑ ዜጎችን የሚሰሩበትን መስሪያቤትም ሆነ ፣ስራዎቻቸውን አጣርተው ቢጨርሱም ፣እነሱን ለማፈን የሚንቀሳቀሱት አባላቶች ግን የትግራይ ተወላጅ የሆኑ የፖሊስ ኮሚሽን ታማኝ የሆኑ ሰራዊቶች ብቻ ናቸው ሲኡ አትተዋ።

በተለይም በዛሬው እለት የጀርመኗ ቻንስለር አንጌላ ምራክል በሃገሪቱ ላይ ጉብኝት እሚያደርጉበት ወቅት እንዲህ ማድረጋቸው የአምባገነንታቸው ምልክት ነው ሲሉ ፣የአዲስ አበባ ፖሊስ አባላቶች ገልጸዋል ። በሃገር ውስጥ በመሆን ብቸኛ የፖለቲካ ትግል የሚያደርገው እና ጠንካራ የፖለቲካ ፓርቲ ተብሎ የተሰየመው እንደዚሁም በወጣት አመራር እና ወጣት ሃይሎች የተሞላው ይሄው የሰማያዊ ፓርቲ ጥቃት በተቃዋሚዎች እና በገዥው ፓርቲ ዱላ ሲሰነዘርበት የቆየ ጠንካራ ፓርቲ ነው ሲሉም አክለው እነዚሁ ፖሊስ አባላቶች ገልጸዋል።

ማለዳ ታይምስ

በኢትዮጵያ እስረኞች አጥንትን ቀስ በቀስ በሚያፈርስ መርዝ እየተጠቁ መሆኑን ታውቀ

Oktober 11,2016

“ህወሃት በእስረኞች ላይ አጥንት የሚያመነምን መርዝ ይጠቀማል” እማኝ

"የባዮሎጂካል መሣሪያ ጥቃት ነው፤ ቤተሰብ ለልጆቻችሁ ድረሱ"

ከጥቂት ዓመታት በፊት የግንቦት ሰባት መሪዎች እና አባላት መታሰራቸው ይታወሳል። ብዙዎቹ ቃሊቲ የሚገኘው እስር ቤት ነበሩ። በእስር ቤት እያሉ በደረሰባቸው ያልታወቀ ሕመም ምክኒያት ሕይወታቸውን ያጡ መሪዎችም ነበሩ።ታዲያ አንዴ ከሜክሲኮ ወደ ሃያሁለት በታክሲ ተሳፍሬ ስሔድ በግምት የሃያ ዓመት ዕድሜ ያለው ልጅ ታክሲው ውስጥ ገብቶ አጠገቤ ተቀመጠ።

ታክሲው ሞልቶ መሔድ ሲጀምርም ወንድሜ ይቅርታህን የታክሲ ትከፍልልኛለህ ብሎ ጠየቀኝ። ዞር ብዬ ያየሁት ይህን ሲል ነበር። ድንጋጤ እና መሸማቀቅ ይነበብበት ነበር።ልቤ በጣም አዘነለት። ምን ሆነህ ነው? ከዬት ነው የምትሔደው፤ወዴት ነው የምትሔደው ብዬ ጠየኩት። እርሱም ከቃሊቲ እስርቤት ዛሬ መለቀቄ ነው አለ። ለምን ታሰርክ እንዴትስ ተለቀቅህ ስለው የቦሌ ሁለተኛ ደረጃ  ት/ቤት ተማሪ እንደ ነበረ እና ከመንገድ አፍሰው ወደ እስር ቤት እንደጣሉት ነገረኝ። የግንቦት ሰባት አባል እና ደጋፊ ናችሁ ብለው ቀን ከለሊት ሲገርፉን፤ ሲያስርቡን፤ መዓት መከራ ደርሶብናል፤ እንደምታዬው አእምሮዬ ራሱ ልክ አይደለም። ነገርግን በጣም ጤነኛ ልጅ ነበርኩ ብልህ አታምነኝም፤ ድሮም ትንሽ እብድ ነገር ነበርክ ብለህ ብታስብ አይገርመኝም አለ።

ፍርድቤት የሚባል ነገር አይተን አናውቅም።

መጀመሪያ ላይ ቤተሰብ እንዲጠይቀን ተፈቅዶላቸው ይጠይቁን የነበረ ሲሆን በኋላ ግን ተከለከሉ። ቤተሰቦቼን በአይኔ ካየሁ ሁለት ዓመት ሊሆነኝ ነው አለ። ከዚያም ወዲያው ስለ ራሱ ትቶ ሁላችንም ስለምናውቃቸው እና በግንቦት ሰባት ሰበብ እስርቤት ተጥለው ስለ ነበሩ መሪዎች ይነግረኝ ጀመር። እነ አቶ እከሌ እኛ ጋ ነው ታስረው የነበሩት። እንላላካቸውም ነበር። ምንም እንኳን እነርሱ እንደ እኛ ወደ ውጪ ብዙውን ግዜ እንዲወጡ ባይፈቀድላቸውም ፀሐይ እንዲሞቁ በሚያወጡዋቸው ሰዓት እየተላላክን የሚፈልጉትን እንገዛላቸው ነበር። ከቆይታ በኋላ እነ አቶ እንትናን እና አቶ እንትናን ከሌሎች ለይተው ሌላ ክፍል ውስጥ አሰሯቸው። በኋላም አይናችን እያየ ሰውነታቸው መፈራረስ ጀመረ። አፍንጫቸው፤ ጆሮዋቸው፤ አይናቸው ጣታቸው የስጋ ደዌ እንደያዘው ሰው ይፈራርስ ጀመር። አንድ ቀን ሊልኩኝ ሲጠሩኝ በድፍረት ምን ሆናችሁ ብዬ ስጠይቅእንደ ፍሊት ያለ መርዝ እየረጯቸው መሆኑን ነገሩኝ። መድሃኒቱንም እድሜ ለቻይና እናንተን የማሰናበቻ ቀላል መንገድ ተገኘ እያሉ ይፎክሩብናል፤ ይስቁብናል፤ የውሸታቸውን ሆስፒታል ይወስዱናል። ለቤተሰባችን ታመዋል ብለው ይነግራሉ ብለው ነገሩኝ አለ።

ከዚያስ በኋላ ስለው ቀስ በቀስ መንቀሳቀስ የማይችሉበት ደረጃ ላይ ደረሱ። በሚያስጠላ ሁኔታ ሰውነታቸው እየፈራረሰ ስለነበረ መሸፋፈን ጀመሩ። መጀመሪያ ወደዚያ ክፍል ከገቡት መካከልም እነ አቶ እንትና ሞቱ። ታመው ሞቱ ተብሎ ሲነገር ሰማን አለ።

ቤተሰብ እንዳያያችሁ ለምን ተከለከለ ብዬ ስጠይቀው፤ ምክንያቱን አላወቅንም ነበረ። በኋላ ግን ቤተሰባችን እንዳያዬን ከከለከሉ በኋላ ምግብ ያመጡልን ጀመረ አለ። ምግባቸውን መብላት ስለቀፈፈን የበላን እያስመሰልን እንደፋ ነበረ፤ ወደ ውጪ የመውጣት እድል ስናገኝም የሌሎች እስረኞችን ትራፊ እንበላ ነበር።ከቆይታ በኋላ ግን ምግቡን እንድንበላ አስገድደው እንቢ ስንል የሆነ መርፌ ወጉን። ቀስ በቀስ ሰውነታችን እየደከመ ሔደ፤ ቀስ በቀስ አእምሯችንም እየጨለመ ሲሔድ ይታወቀን ጀመር።

አንዳንዶቹ ልጆች ከሌሎቻችን በበለጠ መልኩ እንደ እብድ የለየላቸው ሆኑ። ታመው ነው እያሉ ሆስፒታል ይወስዷቸዋል። የአእምሮ ጭንቀት ነው እያሉ የስነልቦና ጠበብት መጥተው እንዲጎበኟቸው ያደርጉ ነበር። ከዚያ አውጥተው መንገድ ላይ ይጥሏቸዋል። ስንቶቹን ቤተሰብ እንዳገኛቸው እግዚአብሔር ብቻ ያውቃል አለኝ።

ሰፈሩን ያውቅ እንደሆነ ስጠይቀው በጣም ደስ አለው። አዲሳባ ሃያሁለት ተወልጄ ያደኩ መሆኑን እና ቦሌ ሁለተኛ ደረጃ ተማሪ እንደነበርኩ ነግሬህ ቤቴን እንደማውቅ ስትጠይቀኝ ችግሬ በጣም ገብቶሃል ማለት ነው አለኝ። እስከ ቤተሰቡ ቤትም ሸኘሁት። ያ ልጅ ምን ላይ እንደደረሰ አላውቅም። ነገርግን እግዚአብሔር በጥበቡ ካልደረሰለት በስተቀር በሕይወት አለ ብዬ አልገምትም።

ይህ ነገር ወደ አእምሮዬ የመጣው ትላንት የአሜሪካ ድምፅ ሬድዮን ዜና ስከታተል አንድ ብሔሩ ኦሮሞ የሆነ ኮማንደር በሰበታ የታሰሩ ልጆችን በተመለከተ የአጋዚ አዛዦች ስብሰባ ጠርተውን ለታሰሩት ልጆች ከምግብ ጋር መርዝ እንድንሰጣቸው መመሪያ ተላልፎልናል ብለው በመቆርቆር ሲናገሩ ስሰማ ነው። ከምንምግዜ በላይ አሁን አደጋ ላይ መሆናችን አሳሰበኝ። በየእስርቤት የታጎሩ የኦሮሞ እና የአማራ ልጆች እጣ ፈንታ ይሔው የተባለው መርዝ መሆኑ እረፍት ነሳኝ።

አሁን ሊበሉን ተነሱ ማለት ነው። አሁን ቤተሰብ ለልጆቹ መድረስ ይኖርበታል።ልጆቹ በእጁ እንዲገቡ እስኪያደርግ ድረስ ቤተሰብ መተኛት የለበትም። ይህ እንዲሆን ደግሞ ቤተሰብ ሚስጥሩን መረዳት ይኖርበታል።

ይህ ዜና እንዲሰራጭ ማድረግ አንዱ የመከላከያ መንገድ ሊሆን ስለሚችል እባካችሁ ለዚህ ጉዳይ ትኩረት በመስጠት ዘገባችሁን አጠናክሩ።

ወደ ሕዝቡ ሊደርስ በሚችልበት በማንኛውም መንገድ ይህ ዜና ይሰራጭ። እውነት መሆኑን ማመን ቢያቅታችሁም እንኳን በማሰራጨታችሁ የምትጎዱት ነገር ግን የለም።

(ለደህንነታቸው ስንል ይህንን መረጃ የላኩልን ማንነት ከማውጣት ተቆጥበናል፡፡ ፎቶው ለማሳያነት የተወሰደ ነው)

German leader calls for Ethiopia to open up politics after unrest

Oktober 11,2016

ADDIS ABABA, Oct 11 (Reuters) – German Chancellor Angela Merkel told Ethiopia on Tuesday to open up its politics and ensure police do not use heavy-handed tactics against protesters, after more than a year of unrest that rights groups say has led to about 500 deaths.

Merkel, who spoke at a news conference with Prime Minister Hailemariam Desalegn, arrived in Ethiopia after a fresh flare-up near the capital of the clashes that have cast a shadow over a nation with one of Africa’s fastest-growing economies.

The violence prompted the government to declare a nationwide state of emergency on Sunday. It says the death toll cited by rights groups is exaggerated and blames the wave of violence on “armed gangs” backed by foreigners.

Western states, which are among the biggest donors to what is still a poor nation, want their companies to win deals in Ethiopia but have become increasingly concerned by the government’s authoritarian approach to development.

“I made the case that you should have open talks with people who have problems,” Merkel told Hailemariam, adding that police should respond proportionately to protests.

Last week, protesters ransacked or torched about a dozen mostly foreign-owned factories, flower farms and other sites, accusing the government of building on seized land and stifling opposition.

Opponents blamed police for provoking a stampede at a festival in Oromiya that killed at least 55 people on Oct. 2.

“In a democracy there always needs to be an opposition that has a voice – in the best case in parliament,” Merkel added.

Opposition parties failed to win a single seat in parliament in the 2015 election, accusing the government of rigging the vote – charges which it denies. There was just one opposition lawmaker in the previous assembly.

“The government is not using extreme violence. If it happened, we will investigate the units involved,” the prime minister responded.

DEMAND FOR DIALOGUE

Addressing parliament the day before Merkel arrived, Ethiopia’s president called for an amendment to the election law to allow “alternative voices” to be heard – an offer that senior opposition figure Merera Gudina said was “too little, too late”.

Merera, chairman of the Oromo Federalist Congress, from a region where protests have raged, said Merkel should push for the release of political prisoners and a national dialogue.

The government denies it detains people for their politics.

In another show of German discontent, a diplomat said Addis Ababa had proposed that Merkel address parliament, but Berlin refused because it lacked any opposition members.

The diplomat, who asked not to be named, said the message being sent was that there was “no business as usual”.

The international community has praised Ethiopia for its economic achievements and development strategy. Under this, healthcare and other types of social support have spread across a country where most people rely on subsistence farming that has been hit by severe drought in the past two years or more.

A nation still renowned in the West for a devastating 1984 famine exacerbated by the policies of the then Marxist government, Ethiopia has been one of Africa’s fastest-expanding economies for the past 15 years of so. In 2015, growth was 10 percent.

But the lack of public space for criticism has risen up the agenda for Western powers. U.S. President Barack Obama told his Ethiopian hosts in Addis Ababa last year that greater political openness would “strengthen rather than inhibit” development.

The government said at the time it ensured political freedoms but differed over the pace of reforms that Washington wanted.

Till now, Chinese firms and financing have been a major driver of growth, building high-rise towers and a metro system in Addis Abba, and constructing a new railway that links the capital of the land-locked nation to Djibouti port.

Western investors have also secured deals. Britain’s Diageo and Heineken of the Netherlands have bought breweries, Dutch and Belgian firms run flower farms and companies such as Hennes and Mauritz (H&M) are starting to source clothes from Ethiopian plants.

Merkel also visited the headquarters of the African Union, which are in Addis Ababa. She called for the body to try to solve the conflict in Libya and also urged African states to increase efforts to fight Islamist militants.