ጠርዝ ላይ ያለ ስጋቴ – በመንትዮሽ። ከሥርጉተ ሥላሴ

12.12.2013

ስጋት እንደሚፈቀድልኝ አስልቼ ሃሳቤን ንፉግ ሳልሆን ልገልጽ ወሰንኩ። መወሰንና መቁረጥ መልካም ናቸው። ካሰቡት

የሚያድርሱ ሰጋሮችና ገሮችም።

በሌላ በኩልም ከመንፈስ መታከት ይታደጋሉ – ይመስለኛል። እመቤት ነፃነትና ፊታውራሪ ሂደት እውኃ በሚያደርግ ፋስ ለማን አዘነሉት?! የፊታውራሪ ሂደት የትርታ – ትብብር አሳማ ስንቱን ገበርዲን ስንቱን ሙሉወርድ ዋጠው? ስንት አቅም ባከነ – ስንት ፍቅርስ አለቀሰ? ስንት አብሮነትስ ተከፋ? ሰረዘው … ሰወረው? ፊታውራሪ ሂደት ብዙም ሳንርቀው ግራው – ቀኙ – ማዕከላዊነትን አግቶ ወይንም ነካክቶ። የቅርቡን ስናስበው ሁለት ምርጫ ይዞ ቀረቦ ነበር። ዘንባባ ወይንስ ሳንጃ በማለት አፈሳፈሰን። እኔ ከአበጠው ቋጥኝ አፋፍ ላይ ሆኜ ናዳውን ለእህትና ወንድሜ፤ እህትና ወንድሜም አጸፋውን በመልቀቅ ተቀጣቀጠን። የባሰው ግን ሺዎች አለፉ፤ በእስር ማቀቁ … ስንት የፍቅር ቤት – ትዳር ተፈታ፤ ተናደ ~~~ አብሶ ህፃናት የወላጅ ናፍቆት አሰቃያቸው፤ ፍቅርና እንክብካቤ አጥተው ቀጨጩ። ኢዲህቅ፣ አማራጭ፤ ህብረት፤ ቅንጅት ….

ቅንጀት እራሱ ኢዲአፓ፤ አላይንስ፤ ግንቦት፤ አንድነት፤ መድረክ፤ ጥምረት፤ ዝም አንልም፤ ግንቦት ዲ፤  የጥቃቱ ሰለባዎች በፋመ በቀል እዬተቀቀጡ ያሉ- የነገ ትውልድ ተስፋዎች ትብብር …. ያንተ ያለህ …. የመከታከት ምዕራፋችን

ዬት ላይ ይቆናጠጥ ይሆን? …

ሎቢያችን በመደማመጥ የሚሰክነውስ መቼ? መንፈሳችን ከቋሳ ጸድቶ የጸዳ ማግሥት መቼ ይሆን ልደቱ? ክብሮቼ … በመኢህድ ዙሪያ ቢሆን በሥነ ደንብ ፊርማ ግብግብ የነበረውንም ታውቁታላችሁ። አንዲት ብሄራዊት ሀገር – በህብረ ቀለም ያጌጠች፤ አንድ የነጠረ ግን በብዙ የራቀን ፍላጎትን የሰነቀ የነፃነት ራዕይ፤ አንድ መነሻ – አኃቲ መዳረሻ፤ ትርጉም ሰጥና አጉራሽ ጉዞ ተከትሎ ስንጥቅ ትርትር ገጠመኝ። ያደክማል። …. እህህህ …

ባለፉት ሳምንታት አንድነት ከመኢህድ ጋር አብሮ ለመስራት አንድ እርከን ላይ መድረሱን አነበብኩ።

ተከትሎም ብቸኛው የፓርላም አባልና የነፃነት ፈላጊ ቤተሰብ አባል የሆኑት አቶ ግርማ ሰይፉ „ኡ ኡ የመደማጥ ያለህ“ በሚል እርእስ ከዘመንተኞች ጋር አብሮ ስለመሰራት አለስልስ ምኞታቸውን ከማሳሰቢያ ጋር አካፈሉን። ለማጣፈጫ አንድነት የአደራ መክሊትን ተግባር ላይ በማዋል ላይ ስለሚገኘው አቶ አንዱዓለም አራጌ የመጸሐፍ ምርቃ ላይ ሥርዓት አዘጋጅቶ አደባባይ በስሙ እንዲሰዬም ፍላጎቱን ነገረን። እንደ መዳረሻ ደግሞ ከኢሳት አንድ ሰበር ዜና አዳምጠን … ያው ዘኃ ግራው በአንድነት ዙሪያ ነው …

እኔ ልዩ ስጋት አደረብኝና … ሁኔታውን እንዲያብራሩልኝ ለተከበሩ ለአቶ ግርማ ሰይፉ ኢሜል አድራሻቸውን ከጹሑፋቸው ሥር ስላገኘሁት ቁልጭ ያለቸውን ስጋቴ ቅልብጭ ባለች አጭር ሀተታ ቋጭቼ ላኩላቸው። ቀኑ ነበር። መልሱን እዬጠበቅኩ ነው። ከትቢያም ይሁን ከጭድ ከታችኛው ክፍል የሚመጡ ቀና ዕይታዎች የነገ የተስፋችን መሪ ከሆኑት ይገኛል በማለት እዬጠበኩ ነው። መቼም ነፃነት የራበው የነፃነት ንፉግ እንደማይሆን በመስላት።

ትናንት – ደግሞ የሞቀ – የሰከነ – ጥልቅ – ተቆርቃሪነትን ያቀለመ መልእክት ከአደራ ጽኑ ጠበቂያችን ከአቶ አንዱዓለም አራጌ ዘሃበሻ ላይ አነበብኩ። ስጋቴም በዚህ ጥግ ዙሪያ ነበር። ለተከበሩ አቶ ግርማ ሰይፉ የፃፍኩትም ይኽንኑ የሙጥኝ ያለ ነበር። ልምዱ አለና። ክብረት ዳኛ ብርቱካን ሜዴቅሳ እስር ቤት ላይ ሁና ነበር አንድነት በአዲስ መልክ የማጠናከሪያ ምርጫ ያደረገው። እንዲሁም መድረክ የተወለደው። ስጋቴ ቅርንጫፍ ሳይሆን ሥር ያለው ነው። ፊታውራሪ ሂደት በበለኃሰብ እጅ፤ ካቴና ላይ ሆና ክብርት ዳኛ ብርቱካን ሜዴቅሳ ያገለለ ድራማ ከወነ አንድ መጋረጃ። ያን ጊዜ  „ዝም አንልም“ የሚል አንጃ በአንድነት ውስጥ ተፈጠረ። ከዚህ ሁሉ በላይ ስደት ላይ የምንገኘው በክፉም በደገሙ የምንገናኝ የእትብት ልጆች የፊታውራሪ ሂደትን ሃዲድ ተከትሎ በመጣው ጦስ በኢትዮጵውያን የመወያያ የጋራ ቤታችን ስንፋጭ እስከ መለያዬት አደረሰን። ሙጃው ወያኔም አራት ኪሎ ተራራ ላይ ሆኖ ከበሮውን ደለቀ …. ሄሮድስ መለስም አፈር እንደቀራባቸው ሳይተነብዩ ፍልቅልቅ ብለው ሳቁብን – ፈነደቁ።

የተስፋችን ማህደር የነበረችው ክብረት ዳኛ ብርቱካን ሜዴቅሳ ለትውልዱ የመጀመሪያ ሴት በመሆን በአንድ ሀገራዊ የብሄራዊ ፓርቲ መሪ ስለነበረች የብቃቷን ጡት ወተት ለመቀለብ ቀን ስንቆጥር መክኖና ፈልሶ ቀረ። እኔ ረቂቅ ናፍቆት ነበረኝ። መድረክ ላይ በአካል ስላዬኋት እሳሳላትም ነበር። ህልሜ ግን ተኖ ቀረ። አንዲት የቆረጠች እርግጠኛሴት አዲስ ቡቃያ ወጣት፤ ከምንም ነገር ጋር ንክኪ የሌላት ሰንደቅን የታጠቀች ብቸኛ የነፃነት አርበኛ ያላስተናገደ የዴሞክራሲ ትግል ፍቺ የለሽ ቅልሞሽ ነበር ለእኔ። እሷ ከመፈታቷ በፊት ሁሉ ነገር ተከወነ። ስትፈታ መግቢያ ቤቷ ከውስጥ ተከርችሞ፤ አደራ ያስረከበቻቸው የአንድነት ቤተሰቦቿ ጉልቻቸውን በፋስ ፈረካክሰው፤ በጎሪጥ ዳርና ዳር ሆነው በእሳትና በቃጠሎ ታጥረው አገኘቻቸው … ምን ይሁን? መግቢያ ያጣቸው አብነት … እንደ ተዘጋባት … ጨርሱትን እኔ አቅም የለኝም። አቤቱ ድህነትህ መቼ ይሆን!

የእኔ ስጋት ምንጭ ይህ ነው። ትናት እነ – አቶ ሰዬ  ዘውድ ተድፍቶላቸው ብርቴን … ዛሬ ደግሞ እነ – አንባሳደር ስዩም አንዷለምን …. ይሆን – ይሆን? …. የፊታውራሪ ሂደት የማጥቃት ወቅቱ ተመሳሳይ ነው። ያው የምርጫ ዋዜማ። መደረክ ያን ጊዜ፤ ዛሬ መኢህድ፤ አቶ ሰዬ ትናት ዛሬ አንባሳደር ስዩም መስፍን። የሚኮረኩር ነገር አለው።  የሚመጠምጥ ነገር። ብርቴም እንደ ዛሬው እንደ አንዱዓለም ውዳሴ ይደረደርላት፤ ቅኔ ይዘርፍላት ነበር – በሁላችንም። አቡነዘሰማያት ተዘውትሮ ይደገምላትም ነበር። ስለሆነም የአደራ ዋቢው አቶ አንዱዓለም የዓመቱ ምርጥ ሰው ሆኖ መመረጡ የነገን የመታገያ ወርዱን ሊያጠበው ወይንስ ሊያሰፋው የትኛው ይሆን ቅዱ የቦዩ፤ ጥግ የሚያሳጣ ይሆን – ይሆን መዝሙሩ? ተንጠልጥሏል ስጋቴ …. ጭንቅን ታጥቆ – ትዝብትን ተሸክሞ – ተስፋ ማጣትን አርግዞ …. እግዚኦ ነው እግዚኦ!

በሌላ በኩል አያድርገው እንጂ አቶ አንዷለምን የሚያገል ሁኔታ ቢፈጠር እኛ እንደፈረደብን አጋ (ቡድን) ለይተን ደግሞ እንደ ትናንቱ መፋለጡን እንቀጥላለን? ይህም የመንትያው ስጋቴ ሥጋና ነፍስ ነው። የፊታውራሪን ሂደትን መርኃ ግብር ውስጥ ቼክ ማድረግ አለብን። እስከ መቼ በቆራጣና ቆልማማ አፍንጫው እዬዳነሰብን ይኑር?! ትርፍና ኪሳራውን እንመትረው። ጠቀሜታውን እንፈታትሽው። እንደ ኖርንበት ሁኔታ ይህ የታደለ የሽፍታ አስተዳደር ወያኔ በአገኘው የመተንፈሻ ጊዜ ተጠቅሞ የለበጣ ልጥፍ ድራማውን የሚከውንበት አዲስ ለም ማሳ እንዳናዘጋጅ ጠንቀቅ።

ስጋት ወጥሮኛል ~ መፈናፈኛ ነስቶ ያባትለኛል ~ ሰንጎ ይፈትለኛል። በዬጊዜው በሚከፋፈለው የኮርኒስ ግድግዳ እንኳን ሆኖ ደፋ ቀና የሚለው የነፃነት ፈላጊ ቤተኛ ዛሬም ሌላ ስንጠቃ ይጠብቀው ይሆን? ሌላ የመሬት ክፍፍል ዕጣ ፈንታ? እ! ከሁሉ የሚያሳዝኑኝ በተለይ ነጭ ሀገር ተወልደው የሚያድጉ ልጆች ደንበርና ወሰን በዬጊዜው እዬተሰራላቸው በፍልሰቱ መንደር ሰላም አጥተው ከአቻዎቻቸው ጋር አብረው እንዳያሳልፉ ተስፋቸውን ሲኦል መልቀቃችን ነው …. ተሳህለነ!

ውህደቱም ሆነ ጥምረቱ፤ አዲስ የማጠናከሪያ በሉት የማሟያ ሂደቱን እላይ ባሉት ተወስኖ ተግባራዊ ይሆናል። ታች ያለው አባል የሚሰማው አባል እንዳልሆነው ልክ እንደ እኛበመግለጫ ነው። መግለጫውን ተከትሎ መለያዬት ሲመጣ ታች ያለው ወገን ነው በጠላትነት ተፈራርጆ ሲዋቃ ውሎ የሚያደረው።  እጅግ የማከብራችሁ መንፈሰቼ፤ የሀገሬ ልጆች ከእንግዲህስ ሞኝ አንሁን። የተስማሙት እነሱ ሲለያዩም እነሱ ብቻ ይሁኑ …። እኛ በምን እዳችን ነው በዬጊዜው እንዲህ እምንተረተረው። አለቅን – ሳሳን እኮ! ስደቱ የማይቻል ሸክም፤ በዛ ላይ ደግሞ በዬዕለቱ አጀንዳ ስንሰነጣጠቅ የምንገኘው …. ስለምን ነው? ረዳት ጠያቂ አልባ እኮ ፈለስን!

ክብሮቼ ልብ ልንለው – በማስተዋል ልንመረምረው የሚገባው ጉዳይን እንሰበው …. ከልብ ውስጣችን እባካችሁን በሞቴ እንምራው። ለምናምንበት አካል የምንችለውን እናድርግ። … ሃሳብን በሃሳብ እናታግል በመከባበር በሥልጡን ሁኔታ። ከዚህ በተረፈ እኛ ቢያንስ በስደት ተሳስብንና ተዛዝነን እንደ ተፈጥሯችን በአብሮነት እንኑር …. የሱባኤ ጊዚያችን በተመክሯችን ጥሪት እናበልጽገው። መሪዎቻችንም ቁርጣቸውን ሲያውቁ እነሱ መከባበርን አዝምረው፤ ፈርኃ ፈጣሪን ጥሪት አድርገው፤ መግባባትን አድምጥው፤ ለመቻቻል እጃቸውን ሰጥተው፤ ሁሉን ቻል በማድረግ ለኢትዮጵያዊነት ሊታገሉ ይችላሉ። አልበላም እያለ ለሚያስችግር ልጅ ብትባላ ብላ፤ ባትበላ ተዎው ሲባል፤ ራህብ ሲያኮራምቶ ለምኖ ይበላታል። እስኪ በዚህ መንገድ ደግሞ ይሞከሩ … መሪዎቻችን …

የፊታውራሪ ሂደት ከነቤተሰቡ ጥቃት ቀጥተኛ ሰለባ የሆነው የ አደራ ቤተኛ አቶ አንዱዓለም አራጌ ፤ – አምርሮ ህሊናው ያዘነው፤ ወጣት የነፃነት ደቀመዝሙር አቶ አንዱዓለም አዝመራውን ከአውድማው ማዬት ጓግቶ ግን …. ምች ሊያጠቃው ዳታ (ዝግመት)ሲፈታተነው መረረው ። መሆንን ያሰተማረን አቶ አንዷለም ይገባዋል። እውነቱንም ነው።ከትናንት ዛሬ እዬተጫነን ጉም እዬለበሰ ሲያዘግም፤ ተስፋው እዬራቀ ሲመጣ …. የፋመው ሲበርደው፤ የጋመው ሲቀዘቅዝ፤ ማግስት ከቅርበት ጋር ሲጣላ፤ ጉድጓድ ውስጥ በቋሳ የተነቀሰ በደል ተሸክሞ ፍዳ ሲከፍል፤ መተንፈሻ ቧንቧው ተጋርዶ አዬር ሲያጣ  - ሲቀረቀርበት፤ ድቅድቅ ባለ እስር ቤት – በተፈነ ጉረኖ ወይንም በረት ሁኖ ያን የመካራ ሌሊት ጋር ለሚያስልፍ የነፃነት ራህብተኛ አርበኛ ጨለማ ነው። ረግረግ ነው። ጨቀጨቅ ነው። ጥቁር ውስጥ ሆኖ ተስፋ አድርጎ እራሱን የሰጠበት ነገር ውሉ ሲላላ … ተስፋው ሲተረተር…. እሳትና ረመጥን ለመረጠ የመሆን ጀግና መርግ ነው ከባድ። ስለሆነም ከቋያው በተወሰነ ደረጃ ትንሽ ራቅ ያለው ቤተሰብ ቀለማሙን የአደራ ቡቃያ ከብክቦ ማሳደግ ግድ ይለዋል …. መልእክቱ ውስጥን ይመረምራል። መንፈሱ ውስጥን ያፋጥጣል። እያንዳንዱ ቃል ውስጥን ይፈታትሻል …. ከራስ ጋር ታርቆ „ሀ“ ብሎ „ሁ“ እንዲቀጥል መባታልን መታጠቅ … ገፋ አድርጎ መሄድን ይጠይቃል። ጫናው ከባድ ቢሆንም ….

እንደ – መሰብሰቢያ

አደራን ተቀብሎ ስለፍትህ የጸናው፤ የቀለጠበት ድርጅት ቢያንስ እውነተኛ ቦታውን እንዳይነሳው …. ስጋቴ ጠርዝ ላይ ነው ያለው … ወድቆ እንዳይፈጠፈጥ እዬሰጋሁ ነው …. እናንተስ ውዶቼ? ያቺ አጋሩም ብቻዋን በአንድ ክንድ አሳር ላይ ያለ ትዳርን ስንቅ በማቀበል፤ ሁሉን ችላ ጽናትን በመቀለብ፤ ታይተው የማይጠገቡ ጮርቃዎች የአባት ናፍቆት እዬቀጣቸው እንዲያድጉ በቀንበጥነታቸው በሄሮድስ መለስ ሰባራ ገል ሌጋሲ ተፈርዶባቸዋል። ደማሞቹ ሁለት ህጻናት ውስጣቸው ያለቅሳል – በናፍቆት ተርመጥምጧል፤ የደጁንም የቤቱንም ሙሉ ኃላፊነት …. የወሰደቸው የነፃነት ትግሉ ዓይነተኛ አካላዊ ክንፍ ባለቤቱም የሰው ህይወትን የመፈወስ የላቀ ሙያዊ ድርሻ፤ የወያኔው እውር ደህንነት አራዊቶች በዬምትንቀሳሰቀስበት ስንዝር የስለላ ጫና … ተሸክማ ያልበላቸውን ዕዳ ስትከፍል በመንፈሱ አንዱ … ያያታል። የማይገፉ ሌሊቶች ካለ መፍትሄ የተፈጥሮን ሂደት ተከትለው ይነጉዳሉ። …  ታዲያ በመራር – የብረት አጥር ኑሮው ከእንቡጦቹ ተለይቶ መኖሩ ላይበቃ የሚቀልጥለት አደራ ቡቃያው ሲጫጫ ውስጡ ተክኖ እንዳይታመም ጠርዝ ላይ ያለው ሌላው የተከደነና እምቅ ስጋቴ ነው …. ማህከነ! አብረን ቆዬን ሳትሰለቹኝ። ኑሩልኝ ታዳሚዎቼ።

እልፍነና እልፍነታችን በተግባር እልፍ እናድርገው።

«ድምጽ አልባው አሳዛኝ የወገኖቻችን ለቅሶ በሳዑዲ አረቢያ ሪያድ የኢትዮጵያ ኮሚኒቲ ግቢ!»

December 12/2013

በሪያድ የኢትዮጵያ ኮሚኒቲ መዝናኛ ክበብ ሰራተኞች ሰንደቃላማችን በተሰቀለበት ግቢ ግፍ እና በደል እየተፈጸመባቸው መሆኑን ገለጹ

በኢትዮጵያን ሃገሬ ከጅዳ ዋዲ

በሳውዲ አረቢያ ሪያድ ከተማ ሁለት የጸጥታ ጥበቃዎችን ጨምሮ ከ13 በላይ ኢትዮጵያውያን ሰራተኞች በስሩ እንደሚገኙ የሚነገርለት ይህ የመዝናኛ ማዕከል ከተቆርቆረ ሁለት አስርተ አመታትን ቢያስቆጥርም ከቅርብ ግዜ ወዲህ በተለያዩ ሰንካላ ምክንያቶች ከትርፋማነት ይልቅ ኪሳራ፤ ከእድገት ይልቅ ውደቀትን እያቀነቀነ አሁን ላለበት ደረጃ መድረሱን የሚናገሩ እማኞች በሰራተኞቹ ላይ እየተፈጸመ ያለው በደል ከመቸውም ግዜ በላይ እየከፋ መምጣቱን ገልጸዋል።

ይህ የኮሚኒቲ ማህበር ካፍቴሪያ ማዕከል ዛሬ ላለበት አሳፋሪ ደረጃ ምክንያት መሆኑ የሚነገረው በተለያዩ ወቅቶች በሪያድ የኢትዮጵያ ዲፕሎማቶች ጀርባ ታዝለው ያለችሎታቸው አመራር የሚሆኑ ግለሰቦች ከኮሚኒቲው ካፍቴሪያ ሰራተኞች ጋር በቅርበት ተነጋግረው የካፍቴሪያውን መሰረታዊ ችግር ለመቅረፍ የሚጠበቅባቸውን ሃላፊነት ከመወጣት ይልቅ ከማህበሩ መተዳደሪያ ደንብ እና ስርአት ውጭ በብሄር ተከፋፍለው እርስ በእርስ በመጋጨት በሪያድ የኢትዮጵያ ዲፕሎማቶች ተላላኪ እና አፋሽ አጎንባሽ በመሆናቸው መሆኑንን ይጠቅሳሉ። የኮሚቲው አመራር አባላቶች ዲፕሎማቱ በሚሰጧቸው ትዕዛዝ እንደሚንቀሳቀሱ የሚናገሩ ምንጮች ከ10 አመት በላይ ያለ ደሞዝ ጭማሪ ደፋ ቀና የሚሉ ኢትዮጵያውያን ወገኖቻችንን መብት በመደፍጠጥ ፍሬ ፈርስኪ በሆኑ ጉዳዩች ተጠምደው «ሲሻም ያልበላ ሲሻር ይቆጨዋል እንዲሉ» በተለያየ አቅጣጫ የወጪ ቀዳዳዎችን በማበጀት ወደ ማህበሩ ካዝና ዲፕሎማቱ እጃቸውን እንዲሰነዝሩ በመጋበዝ በሚፈጸም አስነዋሪ ተግባር ለኮሚኒቲው ውድቀት ግንባር ቀደም ምክንያት መሆናቸውን አክለው ይገልጻሉ። በዚህም ምክንያት የኮሚኒቲው ካፍቴሪያ በየአመቱ ኪሳራ አሳይቷል እየተባሉ አንገታቸውን እስከዛሬ አንገታቸውን ለመድፋት የተገደደዱት የኮምኒቲው ካፍቴሪያ ሰራተኞች በሳውዲ አረቢያ ውስጥ እየጨመረ የመጣውን የኑሮ ውድነት ተከትሎ ከዛሬ 10 አመት በፊት በተቀጠሩበት ደሞዝ የስደት አለሙን ህይወት መግፋት ተስኗቸው ለከፍተኛ ችግር በመዳረግ ላይ መሆናቸውን ተናግረዋል።

በሳውዲ አረቢያ ምድር በባዕዳን የሚፈጸምብን ግፍ እና ስቃይ ሳያንሰን ባዲራችን ከፍ ብሎ በሚውለብለበት የኢትዮጵያ ኮሚኒት ግቢ በገዛ ወገኖቻችን መገፋታችን ያሳዝናል ያሉ አንድ የካፍቴሪያው ሰራተኛ ባለተዳር እና የሶስት ልጆች አባት መሆናቸውን ገልጸው ዛሬ በየአመቱ የመኖሪያ ፈቃዳቸውን ለማሳደስ እስከ 10 ሺህ ሪያል ለማውጣት እንደሚገደዱ አውስተው ለምኖርበት መኖሪያ ቤቴ በየስድስት ወሩ ከምከፍለው የቤት ኪራይ ጋር ተዳምሮ በ 2 ሺህ ሪያል ደሞዝ አይን ካልገለጹ ልጆቼ ጋር ኑሮን ማሸነፍ ተስኖኝ አቤት ለምለው አጥቼ በነዚህ ጨካኞች የሚፈጸምብኝን በደል ሳልወድ በግድ ለመቀበል ተገድጃለሁ ብለዋል። በተጠቅሰው ካፍቴሪያ ከ 8 ሰአት በላይ ያለ ተጨማሪ ክፍያ « ኦቨር ታይም» ሃይማኖታዊ በአላትን ጨምሮ ደስታ ምን እንደሆነ ሳያውቁ ከእጅ ወደ አፍ የሆነውን ኑሮቸውን ለማሸነፍ ደፋቀና እያሉ መሆናቸውን የሚናገሩ እነዚህ ወገኖች ተጨማሪ ስራ ሰርተው እራሳቸውን መደጎም የሚችሉበት ግዜ እንደሌላቸው እና አቅማቸው እንደማይችል ጠቁመው ጉዳዩ ያችን እልባት እስኪያገኝ ለወግን ተቆርቋሪ የሆኑ ኢትዮጵያዊ ሁሉ በጸሎት ከጎናቸው ይቆም ዘንድ ተማጽነዋል።

ይህ የኮሚኒቲ ማህበር እንደ ማህበር ህጋዊ ህልውና አጊቶ ስራ ከጀመረ ሁለት አስርት አመታትን ማስቋጠሩን የሚያወጉ አንዳንድ እድሜ ጠገብ አባላቱ በተጠቀሱት አመታት የአንባሳደሩን መኖሪያ ቤት ጨምሮ በሪያድ የኢትዮጵያን ኤንባሲን በ20 ሚልዮን ሪያል ወጪ አስገንብቶ ለኢትዮጵያ ህዝብ ያስረከበ ታላቅ እና ስመጥር ማዕከል እንደ ነበር በማስታወስ ዛሬ ይህ የኮሚኒቲ ማህበር ግቢ ጥቂቶች እንዳሻቸው የሚያዙበት የአይንህ ቀለም አላማረኝም እያሉ የገዛ ወግናቸውን በቡጢ እይነረቱ ከግቢ የሚያባርሩበት ከሰሪዎቻቸው አምልጠው ህይወታቸውን ለማትረፍ ወደ ቅጥር ግቢው በሚመጡ እህቶቻችን ላይ ጾታዊ ጥቃት የሚፈጸምበት እና የወገኖቻችን ሬሳ የሚቆጠርበት የጥቂት ወሮበሎች መሸሸጊያ መሆኑ አሳዛኝ እና ሳፋሪ ነው ብለዋል። በአጠቃላይ ከቅርብ ግዜ ውዲህ ይህ በሪያድ የኢትዮጵያ የኮሚኒት መዝናኛ ማዕከል በወገኖቻችን ላይ ኢሰባአዊ ድርጊት የሚፈጸምበት መዕከል ለመሆኑ ምስክርነታቸውን የሚሰጡ ምንጮች የመዝናኛው መዕከል ሰራተኞች አብዛኛዎቹ የወጣትነት እድሜያቸውን እዛው የኮሚቲ ማእከል ውስጥ የጨረሱ እና በብስጨት ለስኳር በሽታ ለድም ግፊት እና መስል ተዛማጅ በሽታዎች ተዳርገው የተጎሳቆሉ በመሆናቸው ሌላ ስራ ፈልገው የማግኘት እድል እንደሌላቸው በማውሳት የሚመከተው አካል አሁን የሳውዲ አረቢያ ሰራተኛ እና ማህበራዊ ጉዳይ ሚኒስቴር መ/ቤት ያወጣውን ህግ መስረት በማድረግ የደሞዝ ጭማሪ ሊደረግላቸው እንደሚገባ እና የሳውዲ አረቢያ መንግስት አሁን ባወጣው ህግ መስረት የተጠቀሱትን ወገኖቻችንን ከህገወጥነት ለመታደግ የመኖሪያ ፈቃዶቻቸው በኤንባሲው ስር ሊሆን የሚቻልበትን መፍትሄ ማፈላለግ በሪያድ የኢትዮጵያ ኤንባሲ ሃላፊነት መሆኑንን ይገልጻሉ።

ይህን ተከትሎ በሪያድ የኢትዮጵያ ኮሚኒቲ አክሳሪ ነው በሚል ለአያሌ አመታት ሲመዘበር መቆየቱን የሚናገሩ የሪያድ ነዋሪዎች በሳውዲ አረቢያ የኢትዮጵያ አንባሳደር መሃመድ ሃሰን የቅርብ ዘምድ እንደሆኑ የሚነገርላቸው የኮሚኒትው ሊቀመንበር ሼክ ሙስጠፋ ሁሴን አሊዬ ምንጩ የማይታወቅ 2 ሚልዮን ሪያል «25 ሚልዮን ብር » ከሳውዲ አረቢያ ወደ ሶስተኛ ሃገር ሊያሻግሩ ሲሞክሩ በሳውዲ አረቢያ መንግስት ደህነት ሃይሎች ቁጥጥር ስር ውለው እስካሁንም እስር ቤት እንደሚገኙ ይገልጻሉ።

የጋምቤላ ክልል በህንድና በሳዑዲ ኩባንያዎች ላይ ዕርምጃ እንዲወሰድ ጠየቀ

December 12, 2013

የህንዱ ኩባንያ ‹‹ከቆመለት ዓላማ በተቃራኒ ከአካባቢው ደን ጣውላ በማምረት ሲያጓጉዝ በተጨባጭ ተይዟል››

የጋምቤላ ክልላዊ መንግሥት ሦስት የውጭ አገር ኩባንያዎች ከፍተኛ ችግር ታይቶባቸዋል፣ የፕሮጀክት አፈጻጸማቸውም ደካማ ነው በሚል የፌዴራል መንግሥት ዕርምጃ እንዲወስድ ጠየቀ፡፡

የክልሉ መንግሥት በቅርቡ ለግብርና ሚኒስቴር፣ በግልባጭ ደግሞ ለጠቅላይ ሚኒስትር ጽሕፈት ቤት በጻፈው ደብዳቤ የህንድ ኩባንያዎች የሆኑትን ካሩቱሪንና ቬርደንታ ሃርቨስት፣ እንዲሁም የሼክ መሐመድ አል አሙዲ ኩባንያ የሆነው ሳዑዲ ስታር የእርምትና የማስተካከያ ዕርምጃ እንዲወሰድባቸው ጠይቋል፡፡

በጋምቤላ ክልል ፕሬዚዳንት አቶ ጋትሉዋክ ቱት ኮት ተፈርሞ የወጣው ደብዳቤ እንደሚያመለክተው፣ የክልሉ መንግሥት በነዋሪዎች አስተያየት ላይ ተመርኩዞ የራሱን ግምገማ አካሂዷል፡፡ ክልሉ ባካሄደው ግምገማ በተለይ እነዚህ ሦስት የውጭ አገር ኩባንያዎች ከፍተኛ ችግር እንደታየባቸውና የፕሮጀክት አፈጻጸማቸውም ደካማ መሆኑን አረጋግጧል፡፡

ከእነዚህ ኩባንያዎች መካከል ካሩቱሪ አግሮ ኢንዱስትሪ ተጠቃሽ ነው፡፡ ካሩቱሪ በ2000 ዓ.ም. በኑዌር ዞንና በኢታንግ ልዩ ወረዳ አንድ መቶ ሺሕ ሔክታር መሬት ወስዷል፡፡ ኩባንያው ከወሰደው መሬት ውስጥ 25 ሺሕ ሔክታር መሬት ላይ ምንጣሮ አካሂዷል፡፡ ነገር ግን ከመነጠረው መሬት ታርሶ በዘር የተሸፈነው ስምንት ሺሕ ሔክታር መሬት ነው፡፡ ከዚህ ውስጥ በ7,750 ሔክታር በቆሎ፣ በ250 ሔክታር ሸንኮራ አገዳ አልምቷል፡፡ ነገር ግን ኩባንያው ሥራ ከጀመረ አምስት ዓመት ቢሆነውም እስካሁን ከሙከራ የዘለለ ለገበያ የቀረበ ምርት አለመኖሩ በክልሉ ተጠቅሷል፡፡

የክልሉ ፕሬዚዳንት ደብዳቤ እንደሚያስረዳው፣ ኩባንያው በቢዝነስ ፕላኑ ለአካባቢው ኅብረተሰብ ማኅበራዊ አገልግሎት የሚውሉ ግንባታዎችን እንደሚገነባ ቢገልጽም፣ ግንባታው ካለመካሄዱም በላይ የመሬት ግብርም በወቅቱ አልተከፈለም፡፡

ኩባንያው የባሮ ወንዝ ወደ ማሳው እንዳይገባ በወንዙ ዳር የሠራቸው ግድቦች በአካባቢው ኅብረተሰብ ላይ ከፍተኛ ጎርፍ አደጋና ከፍተኛ የንብረትና እርሻ ውድመት አስከትለዋል ብሏል፡፡

በሁለተኛ ደረጃ የተቀመጠው የህንዱ ኩባንያ ቬርዳንታ ሃርቨስት አግሮ ኢንዱስትሪ ነው፡፡ ይህ ኩባንያ በ2000 ዓ.ም. በክልሉ ማጃንግ ዞን ጎደሬ ወረዳ 3,012 ሔክታር መሬት ተረክቧል፡፡ ‹‹ድርጅቱ ከመነሻው መሬቱን ሲረከብ ሻይ ቅጠል ለማልማት ቢሆንም፣ የእርሻ ሥራውን እያከናወነ የሚገኘው በአካባቢው ከፍተኛ የሆነ ጥቅጥቅ ደንና ወንዞችና ጅረቶች በሚገኙበት ሥፍራ በመሆኑ፣ ብዙ ደን እየወደመና ወንዞችና ጅረቶችም እየደረቁ መሆናቸው እየተስተዋለ ነው፤›› ሲል ክልሉ ለፌዴራል መንግሥት የጻፈው ደብዳቤ ያመለክታል፡፡

‹‹ድርጅቱ ከቆመለት ዓላማ በተቃራኒ ከአካባቢው ደን ጣውላ በማምረት ሲያጓጉዝ በተጨባጭ ተይዟል፤›› ሲል ደብዳቤው ጨምሮ ያስረዳል፡፡

ክልሉ ለፌዴራል መንግሥት የጻፈው ይህ ደብዳቤ ያንፀባረቃቸው ሐሳቦች ከዚህ በፊት በነበሩት ጊዜያት የካዳቸው እንደነበሩ ለጉዳዩ ቅርበት ያላቸው ወገኖች ያስታውሳሉ፡፡ ይህ ኩባንያ የአካባቢው ነዋሪዎችና የአካባቢ ተቆርቋሪዎች እየሄደበት ያለው መንገድ አግባብ አለመሆኑን በተደጋጋሚ ሲገልጹ፣ የቀድሞው ፕሬዚዳንት አቶ ግርማ ወልደ ጊዮርጊስ ታህሳስ 2003 ዓ.ም. ለግብርና ሚኒስትሩ አቶ ተፈራ ደርበው በጻፉት ደብዳቤ፣ ‹‹በምንም ምክንያት የደን መሬት ለእርሻ መሰጠት ስለሌለበት ደኑን ማልማት ለሚፈልጉ ሰዎች፣ ወይም በሕዝብ ተሳትፎ እንዲለማ ተገቢው እንዲፈጸም እጠይቃለሁ፤›› ሲሉ ማሳሰባቸው ይታወሳል፡፡

ነገር ግን በወቅቱ የግብርና ሚኒስቴርም ሆነ የክልሉ መንግሥት ቦታው ቁጥቋጦ እንጂ የደን መሬት አለመሆኑ እየተጠቀሰ የቅሬታ አቅራቢዎች ጥያቄ ውድቅ መደረጉ ይታወሳል፡፡ ከአራት ሳምንት በፊት የዚህ ኩባንያ ንብረት በእሳት የወደመ ሲሆን፣ በውድመቱ የተጠረጠሩ ስምንት ሰዎች በቁጥጥር ሥር ውለዋል፡፡

የክልሉ መንግሥት ይህንን እውነት ባመነበት ደብዳቤ ላይ ለኩባንያው የተሰጠው መሬት በደንና በወንዞች የተሞላ መሆኑን ከመግለጹም በላይ፣ ኅብረተሰቡ በቦታው ላይ የይገባኛል ጥያቄ እየቀረበና እሮሮም እያሰማ መሆኑን አምኖአል፡፡

በሦስተኛ ደረጃ የተቀመጠው ሳዑዲ ስታር ግብርና ልማት ኩባንያ ነው፡፡ ይህ ኩባንያ በ2001 ዓ.ም. በአኙዋ ዞን አቦቦ ወረዳ አሥር ሺሕ ሔክታር መሬት ተረክቧል፡፡ ኩባንያው ሰባት ሺሕ ሔክታር መሬት ቢመነጥርም፣ አርሶ በዘር የሸፈነው 135 ሔክታር መሬት ብቻ ነው፡፡

ኩባንያው ወደ ሥራ ከገባ አምስት ዓመታት ቢያስቆጥርም በርካታ ሥራዎቹ በጅምር ቀርተዋል፡፡ ወደ እርሻ የሚወስደው ዋናው መንገድ በድርጅቱ ከባድ ተሽከርካሪዎች በየጊዜው እየተባላሸ ኅብረተሰቡ እጅግ የሚመረርበት እንደሆነና ይህንን መንገድ ሳዑዲ ስታር በአስፋልት ደረጃ ለመገንባት የገባውን ቃል እንዳላከበረ ክልሉ ለፌዴራል መንግሥት በጻፈው ደብዳቤ አስታውቋል፡፡ ሳዑዲ ስታር በከፍተኛ የማኔጅመንትና የፋይናንስ ቀውስ ውስጥ እንደሚገኝ መረጃዎች እየጠቆሙ ከመሆኑም በላይ የኩባንያው ንብረት ለጉዳት እንደተዳረገ ይነገራል፡፡

የፌዴራል መንግሥት እነዚህ ኩባንያዎች ያሉበት ወቅታዊ ሁኔታ ገምግሞ ዕርምጃ እንዲወሰድ ክልሉ ጥያቄ አቅርቧል፡፡ 

በጅዳ ቆንስል በር ውላ የምታድረው እህት ክራሞት …(ነቢዩ ሲራክ)

December 11/2013

ይህችን እህት በጅዳ ቆንስል መስሪያ ቤት በር ተቀምጣ ካየኋት ሳምንት አልፏል። አልፎ አልፎ ላነጋግራት ብሞክርም መልስ አትሰጥም። መጀመሪያ የየኋት ቀን አካባቢ ከስራ ለተፈናቀሉ እህቶች አነሰም በዛ መጠለያ እያለ ፣ ለምን በር ላይ ትሆናለች? ብየ የጠየቅኳቸው የቆንስሉ ጸጥታ አስከባሪ " አንተየ የዚህች እህት ጉዳይ አስቸጋሪ ነው ። ከመጠለያው ብዙ ቆይታለች ፣ አሁን በር  ላይ የሆነችው ሃገር ቤት ለመሄድ ወረቀቷ አልቆ እያለ " ሃገር ቤት አልሄድም!" በማለቷ እነረደሆነ ተነግሮኛል ። " በመጠለያው የነበሩት ሰነዳቸው ባሳር በመከራ አልቆ ሲሸኙ ወደ ሃገር ቤት አልሸኝም ብላ ረብሻ ከማንሳት አልፎ ከተዘጋጀው መኪና ወርዳ ይህን የምታየው ሚኒባስ መስታውት ሰብራዋለች!  ከዚያን ቀን ወዲህ አትበላም አትጠጣም ፣ እኛንም የገረመን ይሄ ነው!  ሚን ታደርጋለህ! " ነበር ያሉኝ ... 

       ይህ ከተነገረኝም "ወዲህ ሃገር ቤት አልገባም!" ያለችው እህት ለቀናት  በቆንስሉ በር አልጠፋችም። ከተቀመጠችበት ወንበር ጀርባ ባለው ግድግዳ " ህጋዊ ሰነድ የሌላችሁ እና የወጣውን የሳውዲ ህግ መስፈርት የማታሟሉ ወደ ሃገር ግቡ !" የሚለው የቆንስል ማስታወቂያ ይታያል ። ከአጠገቧ በፕላስቲክ ኪስ የታጨቀ ጓዟን አስቀምጣ ፣  በሆዷ ቁርአን ታቅፋ አንገቷን ከመድፋት ባለፈ በአካባቢው አዛን ስትሰማ የዘወትር ጸሎቷን (ሰላቷን) ወንበሯን ፈቀቅ አድርጋ እንደምትሰግድ አንድ ዘወትር እንቅስቃሴዋን የሚከታተል ወዳጀ አጫውቶኛል... እንዲህ ሆና ኮርመት ብላ ውላ ታድራለች! ቀን ጸሃይ ሲወቃት ፣ ማታ ወበቁ ይፈራረቅባታል ! ካየኋት ቀን ጀምሮ ወደ መጠለያው እንድትገባ ብዙ ሁነን ብንማጸናትም አልተሳካልንም ...

       ከሃገሯ በጤና የመጣችው እህት ችግር ውጋቷን እንድንጋራ ስንጠይቃት አትመልስም  !  ወደ ሃገር ቤት እንድትገባ በጅዳ ቆንስል ልትሸኝ ቢሞከርም አልተሳካም። የ"ሃገር ቤት ግቢ!" " አልገባም!" አለ መግባባት  ፍርሻ ከመምጣቱ በፊት አንዳንዴ ኦሮምኛና ብዙ ጊዜ ግን የተሰባበረ  አረብኛ እየቀላቀለች መናገር ይቀናት እንደነበር አንድ " በመጠለያው እያለች አውቃታለሁ!" ያሉ ወንድም አጫውተውኛል። ያን ሰሞን ወደ መጠለያው እንድትገባ ተለምና ብትገባም በመጠለያው ውስጥ ካሉ ግፉአን ጋር ግብ ግብ ፈጥራ መውጣቷን ሰምቻለሁ  !

     ይዚህች ግፉዕ እህት ሰላም የነሳና አዕሮዋን ያወከ የውስጥ ህመም ሚስጥር አይታወቅም! ትሰማለች ፣ ለመናገር አልፈቀደችም!  ባሳለፍናቸው የበር ላይ ውሎዋ ትንፍሽ ብላ ስትናገር ቢያን እኔ እስከ ዛሬ አልሰማኋትም ! ውስጧ እንጅ ውጭ አካሏ የተጎዳ አይመስልም! ከሁሉም የሚገርመው ይህች እህት ጤናዋ ታውኮ እንኳ ሃገር ቤት ከወገኖቿ ጋር መቀናቀል ሞት መስሏታል  ! ሌላው አስገራሚ ሂደት  የዚህችን መልከ መልካም እጣ ፈንታ የምንመለከትም ህጋዊ ሰነድ የሌለን ብዙዎች የሳውዲን መንግስት የምህረት ቀቢጸ-ተስፋ ሰንቀን ጤናችን ተጠብቆ እያለ" በሰላም ሃገር ቤት ግቡ !" የሚለውን የመንግስትና የወገን ምክር መቀበል አቅቶናል !  እንዴት ነው ነገሩ ...?

አንድየ ይታረቀን ከማለት ባሻገር ምን ይባላል :) ብቻ እሱ ያቅልለው እንጅ የሚሰማ የሚታየው ይከብዳል ! ... ያማል ... ያማል  !

ነቢዩ ሲራክ 

“የወደፊቷ ደቡብ አፍሪካ ከማንዴላ ጋር መያያዟን እጠራጠራለሁ” ፕሬዚዳንት መንግሥቱ

December 11/2013

ለማንዴላ የገንዘብ ድጋፍ ሰጥተናል፣ ታምመው አስታመናል

የኔልሰን ማንዴላን ሕልፈት በማስመልከት አውስትራሊያ ከሚገኘው ኤቢኤስ ሬዲዮ የአማርኛ አገልግሎት ጋር ቃለ ምልልስ አድርገዋል፡፡ መንግሥቱ ለሬዲዮው በሰጡት ቃለ ምልልስ እንደገለጹት፣ በእሳቸው በትረ ሥልጣን ወቅት ማንዴላ የአገሪቱን ከፍተኛ የክብር ሽልማት ከመጎናፀፈቸውም ባሻገር፣ የአንድ መቶ ሺሕ ዶላር ገንዘብ ተበርክቶለቸዋል፡፡ ይህና ቀሪው ንግግራቸው እንዲህ ቀርቧል፡፡

‹‹ማንዴላና የተወሰኑ ተከታዮቻቸው ወደ ኢትዮጵያ በስውር መጥተው፣ ወታደራዊ ሥልጠና አግኝተውና እግረ መንገዳቸውን ሞሮኮን ጐብኝተው ወደ ደቡብ አፍሪካ ማምራታቸውን ተገንዝቤያለሁ፡፡

‹‹በዚያን ጊዜ አሜሪካኖች በአማካሪነት ኢትዮጵያ ውስጥ ነበሩ፡፡ እስራኤሎችም ነበሩ፡፡ ከደቡብ አፍሪካ ጋር ግንኙነት የነበራቸው በመሆኑ የማንዴላን ኢትዮጵያ ውስጥ መገኘትና ወታደራዊ ሥልጠና በመከታተል እግር በእግር እየተከታተሉ መረጃ ሲሰበስቡ ስለሰነበቱ፣ ሰውየው አገራቸው እንደደረሱ ወዲያውኑ እጃቸው ተይዞ ወህኒ ቤት ገብተዋል፡፡

‹‹በሮቢን ደሴት ውስጥ ብቻ ሳይሆን በተለያየ ጊዜ ከአንድም፣ ሁለት ሦስት ጊዜ ጆሃንስበርግ ውስጥ ታስረዋል፡፡ የመጨረሻውና ትልቁ ለ27 ዓመት የታሰሩበት ጊዜ ነው፡፡

‹‹እኔ ማንዴላን በስም እንጂ በገጽ አይቼ አላውቅም፡፡ ልጆች ሆነን በምንሰማው ሁሉ ስለአፓርታይድ ያለንን ጥላቻ በተለያየ መልኩ የምንገልጽ ሰዎች ነበርን፡፡ በኢትዮጵያ አብዮት ወቅት ተለቅቀው በመጀመሪያ ደረጃ ዚምባቡዌ በሁለተኛ ደረጃ ኢትዮጵያ መጥተዋል፡፡ እንደ አጋጣሚ በዚያን ጊዜ የአፍሪካ መሪዎች ስብሰባ በሚካሄድበት ጊዜ እሳቸውም የስብሰባው ተሳታፊ ነበሩ፡፡ አጋጣሚ ሆኖ ጤናቸው በጣም የተጐሳቆለና ብርድ ቢጤም መትቷቸው ታመው ስለነበር እኛ ዘንድ ከአንድ ሳምንት በላይ አስታምመናል፡፡ ጠና ያለ በሽታ ስለነበር ሐኪሞች ተሰባስበው የሚቻለውን ሕክምና ሁሉ አድርገው አስታምመናል፡፡

‹‹ስለታሪካቸው፣ ስለ ወህኒ ቤቱ፣ ስለሌላውም ሁሉ በሰፊው አነጋግሬያቸው አጫውተውኛል፡፡ በመጨረሻም የጠየቁኝ ነገር ነበር፡፡ የዚያን ጊዜ ከእስር ቤት እንደወጡ ስለዓለም ወቅታዊ መረጃ ያላቸው ግንዛቤ ውስን ስለነበረ እንዴት ሆኖ ነው ሶቪየት ኅብረት እንዲህ ዓይነት ሥራ የሠራው? ለመሆኑ ዓለም አቀፋዊ ስብሰባ አልተደረገም ወይ? አልተነጋገራችሁም ወይ? በዚህ መልኩ እንዴት ነው አብዮት የተቀለበሰው፣ ወዘተ በማለት እነ ጐርባቾቭ ስለሠሩት ሥራ በመጸጸት፣ የእኔ አገር ለሶሻሊዝም በጣም የተመቻቸች (ፈርታይል) ነች፤ የምናራምደው ይኼንኑ ነው አሉኝ፡፡ አይ እንደዚህ ዓይነት ውሳኔ ላይ ከመድረስዎ በፊት እስቲ ጊዜውንና ወቅቱን ይዩት፡፡ እርስዎ ዓለምን የሚያውቁበት ሁኔታ በእስር ቤቱ ምክንያት ምን እንደሚመስል ትንሽ ሰንብተው ይመልከቱና የሚወስዱትን ዕርምጃ ቢያመዛዝኑ ይሻላል፡፡ እኔ የምደግፈውና እናንተም ያነሳችሁት መፈክር ‹አንድ ሰው አንድ ድምፅ› (ዋን ማን፣ ዋን ቮት) ባላችሁት መርህ መሠረት የደቡብ አፍሪካ ሕዝብ ነፃነቱን ያግኝና ከዚያ በኋላ የትኛውን የዕድገት አቅጣጫ እንከተል የሚባለውን ነገር ልታዩት ትችላላችሁ አልኳቸው፡፡ ይህን ያህል ነው የተነጋገርነው፡፡

‹‹በእኛ በኩል ምን የምንረዳው ነገር ካለ ብንላቸው ምንም ነገር የለም፡፡ በአሁኑ ጊዜ በፖለቲካ ውሳኔ ነው የተፈታሁት፡፡ ነፃነታችንም በዚሁ መልኩ የተገኘ ስለሆነና ሌላ ትግል የሚጠይቅ ባለመሆኑ ምንም ዕርዳታ አያሻኝም አሉ፡፡ እኔ እንኳ ትጥቅ ወይም ሌላ ያስፈልግ ይሆን በሚል ነው የጠየቅኳቸው፡፡ ለሰውየው ትልቅ ክብር ስላለኝ በመሪ ደረጃ ያን ጊዜ ባይሆኑም አውሮፕላን ማረፊያ ድረስ ሸኘኋቸው፡፡ የዚያን ጊዜ ኦሊቨር ታምቦ በፅኑ ታሞ ስለነበር እርሱን ስዊድን ሄጄ ልጠይቅና ህንድ ደርሼ ወደ አገሬ እመለሳለሁ አሉኝ፡፡

‹‹መቼም ከእስር ቤት ነው የወጡት፡፡ ምንም ነገር የላቸውም በሚል ግምት አንድ መቶ ሺሕ የአሜሪካ ዶላር ቼክ ሰጠኋቸው፡፡ ከዚያ በኋላ የተገናኘነው ዚምባቡዌ ነው፡፡ ዚምባቡዌ በዚያን ጊዜ የገለልተኛ ንቅናቄን ታስተናግድ ስለነበር በዚያን ጊዜ ነው የተገናኘነው፡፡

‹‹ብዙ ሰዎች ሰውየውን ለማነጋገር ያስቸግሩ ስለነበርና የነበራቸውም ጊዜ በጣም ውስን ስለበር እኔም በዚያ ላይ ተጨምሬ ማስቸገር አልፈለግሁም፡፡ ማንዴላ እንደ ብርቅ ናቸው፡፡ ግማሹ ቀርቦ ለማነጋገር፣ ምን ዓይነት ሰው ነው፣ ምንስ ይመስላል በሚል ብዙዎች መሪዎች ከፍ ያለ ጉጉት ስለነበራቸውና የማነጋገር ጊዜ ስላነሰ፣ እኔ በዚህ ጊዜ ፕሮቶኮሌን ልኬ ሳነጋግራቸው፣ በከፍተኛ ችግር ውስጥ ያሉ ሰው ናቸው፡፡ እንጃ ምን ያህል እንደሚያነጋግሩዎት አሉኝ፡፡ አይ እንግዲያውስ እግረ መንገዳችንን ስብሰባው ላይ እንዴት ነዎት? ተሻለዎት? ምን አዲስ ነገር አለ? አልኳቸው፡፡ አመሰግናለሁ ኢትዮጵያ ውስጥ ለተደረገልኝ ሁሉ በሚል ተለያየን እንጂ የሰፋ ውይይት አላደረግንም፡፡

‹‹ኢትዮጵያ በመጡ ጊዜ እንደሚታወሰው በከፍተኛ ክብርና ሥርዓት በወቅቱ ኢትዮጵያ ውስጥ የነበረውን የኢትዮጵያን የክብር ኰርዶን ነው የሸለምናቸው፡፡ ስለተደረገው ትግልና ስለሳቸው ማንነትም ሰፋ ያለ ንግግር አድርጌያለሁኝ፡፡ በዚያው መሠረት እሳቸውም አንፃራዊ መልስ ቀደም ብሎ ኢትዮጵያን እንዴት እንደሚያውቋት፣ ኢትዮጵያ ብቸኛ የነፃነት ኰከብ ሆና እንደኖረችና ከልጅነት ጀምሮ ኢትዮጵያን ሲያስቡ፣ እንደተስፋ ሲመለከቱ የኖሩ መሆናቸውን፣ በሒደትም ያዩትና የተገነዘቡት ይኼንኑ መሆኑን የሚገልጽ ታሪካቸውን ተናግረዋል፡፡ ዛሬ ተመልሼ መጥቼ መካከላችሁ ስቆም የሚሰማኝ እንደገና የመወለድ ዓይነት ነው በሚል በጣም ልብ የሚነካ ንግግር አድርገዋል፡፡ ከዚያ በኋላ ዚምባቡዌ ከመገናኘታችን በቀር አላገኘኋቸውም፡፡ ከፕሬዚዳንትነት ወርደው ሌሎች ሥራውን በሚመሩበት ጊዜ ብዙ ኢትዮጵያውያን ችግር ይደርስባቸው ስለነበር ኢትዮጵያውያንን አትንኩ፣ አገራቸው ነው፣ ይኑሩ ተንከባከቧቸው ብለው በታቦ ምቤኪ ጊዜ በመናገራቸው ዛሬ ኢትዮጵያውያን ሁሉ ይኼ ነገር በከፍተኛ ደረጃ ይሰማቸዋል፡፡ የሰሞኑም ሐዘን በኢትዮጵያውያን ላይ ልዩ ስሜት እንደሚያሳድርባቸው አልጠራጠርም፡፡ ይኼን ነው የማውቀው፡፡ ሌላው ጽፈዋል፡፡ ‹ረጅሙ ጉዞ› የሚውን መጽሐፍ ጽፈዋል፡፡ እዚያ መጽሐፍ ውስጥ ስለኢትዮጵያ የሚያውቁትን፣ ያዩትንና የተደረገላቸውን ነገር አትተው በአክብሮትና በፍቅር ጽፈዋል፡፡ ይኼንን ነው ስለማንዴላ የማስታውሰው፡፡

በማንዴላ ሕልፈት ምን ተሰማቸው?

እዚህ በደቡባዊ አፍሪካ አካባቢ የምንገኝ ሰዎች የሰውየውን የጤና ሁኔታ እናውቃለን፡፡ በየጊዜውም እንሰማለን፡፡ መሪዎች ወንድሞቼም ሁሉን ነገር ስለሚያውቁ ይነግሩኛል፡፡ የጊዜ ጉዳይ እንጂ ሰውየው ዕድሜያቸው ውስን እንደሆነ ስለምናውቅ፣ ሆስፒታልም ለመጀመሪያ ጊዜ በረጅሙ መቆየታቸው፣ ልባቸው በከፍተኛ ደረጃ መታወኩ ብሎም መናገር እንደተሳናቸውና እንዳይሞቱ ያህል ይጠበቁ ስለበር፣ ነገ ተነገወዲያ ከማለት ባሻገር ስለሰውየው በቂ ግንዛቤ ስለነበር፣ ሕልፈታቸው እንግዳ ወይም ያልተጠበቀ ነገር አልሆነም፡፡ ያዘንነው ቀድም ብሎ ስለሆነ ሞታቸው ለኔ በግሌ ልዩ ሁኔታ አልፈጠረም፡፡

ወደፊት እንዴት ያስታውሷቸዋል?

እኔ እዚህ ቁጭ ብዬ ስለደቡብ አፍሪካ መተንበይ ያስቸግረኛል፡፡ በውጪው ዓለም በብዙ እንደሚነገረው ለረዥም ጊዜ በእስር መማቀቃቸውና ለነፃነት መታገላቸው ብዙ ብዙ የሚደነቅ፣ የሚወደዱበት፣ የሚከበሩበትና ጀግና የሚያሰኛቸው ሥራ ቢኖርም በሌላ በኩል ደግሞ ውስጥ ያሉ የትግል አጋሮቻቸውንና ጓዶቻቸው በአንዳንድ ችግርና ድክመት ምክንያት ደስተኞች አይደሉም፡፡ ተቃዋሚም አላቸው፡፡ ይኼንን የውጭው ዓለም በውል የሚያውቀው አይመስለኝም፡፡ እስር ቤት በነበሩ ጊዜ ረዥምና ሰፊ ውይይት ተደርጎ ነው እንለቃችኋለን ነፃነታችሁን ታገኛላችሁ፣ አመራርም ላይ ትቀመጣላችሁ፤ ነገር ግን በምንም ዓይነት ሁኔታ ደቡብ አፍሪካን ልትለውጡ አትችሉም፡፡ የነጩን ኅብረተሰብ ሀብት ንብረት ልትነኩ አትችሉም፤ ወይም የጊዜውን ሶሸሊዝም ወይም ማኅበራዊ ሥርዓት የሚባል ነገር አይታሰብም፡፡ በዚህና በዚያ ዓይነት ሁኔታ እንድንኖር ፈቃዳችሁ ከሆነ ነፃነታችሁን ለመስጠት በሚል መንገድ ከውስጥም ከውጭም ከፍተኛ ተፅዕኖ የተደረገባቸው ሰዎች ናቸው፡፡ በዚህ ሁኔታ ወጥተው ያለውን ሥርዓትና ኢኮኖሚ እንዳለ ተቀብለዋል፡፡ በዚህ ምድር በጥቁር ሕዝብ ላይ ግፍ ተፈጽሞ እንደሆነ ደቡብ አፍሪካን የሚያክል የለም፡፡

መግደል፣ መግረፍ፣ ማሰቃየት፣ ማሰርና ማስራብ ብቻ ሳይሆን ወይም ኢሰብዓዊ የጉልበት ሥራ ማሠራት ብቻ ሳይሆን ጥቁሮች እንዳይራቡ፣ እንዳይወለዱ በየምክንያቱና በጤና ችግር ወደ ሆስፒታል በሚሄዱበት ጊዜ በሚስጥር እንዳይወልዱ እያመከኑ የኖሩ ናቸው የአፓርታይድ አራማጆች፣ ነጮቹ፡፡ ብዙዎቹ ጥቁሮች ለዚህ ያላቸው ጥላቻ ወሰን የለውም፤ መናገር ያቅታል፡፡ በእንዲህ ዓይነት መንገድ ከእነሱ ጋር መኖር አለበት ወይ? የሀብት ክፍፍሉና የኑሮ ሁኔታም በእንዲህ ዓይነት መልኩ መቀጠል አለበት ወይ? የሚሉ ብዙ ተቃዋሚዎች አሉ፡፡ ማንዴላ የሚታሰቡበትና የሚከበሩበት የ27 ዓመት እስር ብሎም ደግሞ ነፃነት የማምጣቱ ጥረት አሁን ያለችውን ደቡብ አፍሪካ የመፍጠሩ ነገር እንደተጠበቀ ሆኖ፣ የወደፊቷን ደቡብ አፍሪካ በሚመለከት አዲሱ ትውልድ ያለው ዓላማ ከእነማንዴላ የተለየ ነው፡፡ ዛሬ ነፃነት አለ ብለው ብዙዎች አያምኑም፡፡ የነፃነት ሰንደቅ ዓላማ ነው የምናውለበልበው እንጂ ሁሉም ነገር የነጮች በመሆኑ፡፡ ተወላጁ ቦታ የለውም ተብሎ ስለሚታመንና እውነትም ስለሆነ የወደፊቷ ደቡብ አፍሪካ ከማንዴላ ጋር መያያዟን እጠራጠራለሁ፡፡ (ሪፖርተር)

የምስራቅ ኢትዮጵያ ፖለቲካ ፪ – ከተመስገን ደሳለኝ (ጋዜጠኛ)

December 11/2013

ባለፈው ሳምንት የምስራቅ ኢትዮጵያ ፖለቲካን ተጨባጭ እውነታዎችን ቃኝቼ ተከታዩን ክፍል በይደር አቆይቼው እንደነበረ ይታወሳል፤ እነሆም ዛሬ እንዲህ እቀጥላለሁ፡-
ሐረር እንደ ማሳያ

(መቼም ኢህአዴግ በብቸኝነት የሚኩራራበት የፖለቲካ ‹ስኬት›፣ ለዘመናት አንድ ሆኖ የኖረ ሕዝብን ‹ብሔር ብሔረሰቦች› በሚል ከፋፋይ የ‹ክርስትና ስም› እጥምቆ በአደባባይ ማስጨፈር ከሆነ ሰነባብቷል፡፡ ርግጥ ነው በአንድ ወቅት በፍትህ ጋዜጣ ላይ ‹‹የብሔር ብሔረሰቦች መብት እስከ መጨፈር›› በሚል ርዕስ የታተመ መጣጥፍን ተከትሎ ‹ፀረ-ብሔር ብሔረሰቦች› ተደርጌ በተመሰረተብኝ ክስ ፍርድ ቤት መመላለሴ ዛሬም ድረስ መቋጫ አላገኘም፤ ርግጥ ነው ኢትዮጵያውያን ወንድም እህቶቼ በስታዲዮሞች እየተሰባሰቡ የራስ ፀጉራቸው ላይ ላባ ሰክተው፣ ቆዳ አገልድመው እየዘለሉ ትርኢት ከማሳየት ባለፈ የመልካም አስተዳደር፣ የኢኮኖሚ፣ የፖለቲካ መብቶቻቸው ተጠቃሚ መሆን አልቻሉም፡፡ …እውነታው ይህ ቢሆንም ወደ አጀንዳችን /የከሸፈው ፌደራሊዝምን/ ወደ መፈተሹ በአዲስ መስመር እንመለስ፡፡

ቋንቋን መሰረት ያደረገው ኢህአዴግ ሰራሹ ‹ፌደራሊዝም› አወቃቀር የሀገሪቱ መፃኢ ዕድል የተቋጠረበት ‹የሰዓት ቦንብ› መሆኑን ለመረዳት የምስራቅ ኢትዮጵያዋን ሐረር እንደ መሳያ መውሰዱን ግድ የሚያደርጉ በርካታ ገፊ ምክንያቶች አሉ፡፡ እንደሚታወቀው የሐረር ከተማ አመሰራረት ብዙሃኑ ህዝብ ከሚኖርበት ‹ጀጎል› ከተሰኘው በግንብ የተከለለ ቅፅር ጋር ይያያዛል፡፡ በ16ኛው ክፍለ ዘመን አጋማሽ ራሳቸውን ከብሔር ወረራ ለመከላከል በአካባቢው ነዋሪዎች እንደታነፀ በርካታ ድርሳናቶች የሚናገሩለት ጥንታዊውና ታሪካዊው የጀጎል ግንብ በአምስት (ሐረር፣ ኤረር፣ ሠንጋ፣ ቡዳ እና በርበሬ በር በሚባሉ) በሮች የተከፋፈለ ነው፡፡

ጀጎል ከ40ሺ ለማያንሱ የክልሉ ነዋሪዎች መጠለያ ሲሆን፣ ከነዚህ ውስጥ ከዘጠኝ ሺህ በላይ የሕዝብ ቁጥር ያላቸው የሐረሪ ተወላጆች እንደሆኑ መረጃዎች ያሳያሉ፡፡ ይህም ሆኖ መስከረም 30 ቀን 1997 ዓ.ም. ‹‹የሐረሪ ሕዝብ ክልል መንግስት ሕገ-መንግስት›› በሚል ርዕስ ተሻሽሎ የፀደቀው አዋጅ፣ ስርዓቱ በአደባባይ ከሚመፃደቅበት ቋንቋን መሰረት ያደረገ ‹ፌደራሊዝም› የሚቃረኑ እና ከዴሞክራሲ ባህሪያት ጋር የሚጋጩ በርካታ አንቀፆች የታጨቁበት መሆኑ ለጠቀስኩት ሀገራዊ ስጋት መነሻ ነው፡፡ ለማሳያም ያህል የክልሉ ምክር ቤት ይቋቋምበታል ተብሎ በሕገ-መንግስቱ ውስጥ የተካተተውን የምርጫ ሕግ መመልከት የሚችል ይመስለኛል፡፡ ይህ ሕገ-መንግስት ተሻሽሎ ከመፅደቁ ሶስት ዓመት ቀደም ብሎ በስታስቲክ ባለሥልጣን ይፋ የተደረገው መረጃ የክልሉ ነዋሪ ህዝብ ብዛት በጥቅሉ 131,139 እንደሆነ ይገልፅና በየብሔሩ ሲከፋፈል ደግሞ ኦሮሞ 41%፣ አማራ 22.77%፣ ሐረሪ 8.65%፣ ጉራጌ 4.34% ሶማሌ 3.87%፣ ትግራይ 1.53%፣
አርጎባ 1.26% መሆኑን ይዘረዝራል፤ በስፋት የሚነገሩ ቋንቋዎችም ኦሮምኛ 56%፣ አማርኛ 27.53%፣ ሐረሪ 7.33%፣ ሶማሊኛ 3.70%፣ ጉራጌኛ 2.91%… ነው ይለናል፡፡

በመሬት ያለው እውነታ ይህ ቢሆንም የክልሉ ሕገ-መንግስት ደግሞ በአንቀፅ 49 ‹‹የሐረሪ ሕዝብ ክልል ምክር ቤት›› በሁለት ጉባዔዎች እንደሚመሰረት ከገለፀ በኋላ፣ እነርሱም ‹‹የህዝብ ተወካዮች ጉባኤ›› እና ‹‹የሐረሪ ብሔራዊ ጉባዔ›› እንደሆኑ ይነግረናል፤ ይኸው አንቀፅ በቁጥር 2 እና 3 ላይ ‹የሕዝብ ተወካዮች› ሃያ ሁለት፣ የሐረሪው በብሔሩ ተወላጆች ብቻ የሚወከሉ 14 አባላት ይኖሩታል ይላል፡፡ ይህ ሁኔታ በምርጫ ወቅት እንዴት እንደሚተገበር ደግሞ በአንቀፅ 50 ላይ ‹‹የጉባዔዎች አከፋፈል፣ አወካከልና አመራረጥ›› በሚል ርዕስ ስር እንደሚከተለው ተብራርቷል ‹የሕዝብ ተወካዮች› ለተሰኘው ጉባኤ ከጀጎል ነዋሪዎች አራት፣ ከጀጎል ውጪ ከሚገኙ የከተማና የገጠር ቀበሌ ገበሬ ማህበራት 18 አባላት ይመረጡበታል፡፡ ለሐረሪ ብሔራዊ ጉባኤ ደግሞ በክልሉና ከክልሉ ውጪ በሌሎች የኢትዮጵያ ከተሞች ከሚኖሩ የሐረሪ ብሔረሰብ ውስጥ 14 አባላት ይመረጡበታል፡፡ ይሁንና ሕጉ ብዙሃኑን የአካባቢው ነዋሪዎች የፖለቲካ ውክልና ከመንፈጉ በተጨማሪ ከክልሉ ተቋማትም ሆነ መብቶች እንዲገለሉ አድርጓቸዋል፡፡ በተለይም በራሱ በመንግስት መረጃ ሳይቀር በተወላጅነትም ሆነ ቋንቋውን በመናገር ከኦሮሞ ብሔር ቀጥሎ በሁለተኛነት የሚገኙት፣ እንዲሁም አብላጫውን የፖለቲካ ስልጣን ከያዘው ከሐረሪ ብሔረሰብ አባላት ከእጥፍ በላይ ቁጥር እንዳላቸው የተረጋገጠው አማርኛ ቋንቋ ተናጋሪዎች በዞን ደረጃ እንኳ እንዲዋቀሩ አለመደረጉ ‹ፌደራሊዝሙ› ከአፋዊነት አለማለፉን ያመላክታል (በተለያዩ የሀገሪቱ ክልሎች በዞን ደረጃ እንዲዋቀሩ የተደረጉ ጥቂት የማይባሉ ብሔሮች እንዳሉ ልብ ይሏል) እንዲህ አይነቱ አደረጃጀት ሌላው ቢቀር እንኳ በዚህ ዘመን ፋሽን ከሆነው ‹‹ውጡ፣ ክልላችሁ አይደለም!›› ከሚለው ነውረኛ
ፖለቲካ የመታደግ ጉልበት ሊኖረው የሚችልበት ዕድል ሰፊ ነው፡፡ በርግጥ ይህ ሁናቴ ዛሬም ድረስ መፅናቱ ‹ብሔረሰቡን እወክላለሁ› የሚለው የእነ አዲሱ ለገሰ ብአዴን ከተላላኪነት ያለፈ ሚና እንደሌለው የሚያመላክት ይመስለኛል፡፡

የሆነው ሆኖ የሙግቱ ዋነኛ መግፍኤ የጀጎል ነዋሪ ከሆኑት ውስጥ ከሶስት እጅ ለሚልቁት አራት፣ ለተቀሩት ጥቂት ሐረሪዎች ደግሞ አስራአራት የምክር ቤት ወንበር ከመስጠቱ ጋር ይያያዛል፡፡ በዚህ ሕግ መሰረት በጀጎል የምርጫ ክልል ከአራቱ ወንበሮች ውጪ ሐረሪ ያልሆነ የትኛውም ፓርቲም ሆነ ግለሰብ ለውድድር መቅረብ እንደማይችል በግልፅ ተደንግጓል፡፡ እንዲህ አይነቱ አናሳዎችን በብዙሃኑ ላይ የሚሾም ኢ-ፍትሃዊ የሥልጣን ክፍፍል አብዛኛውን የክልሉ ነዋሪ በገሃድ እየተንፀባረቀ ላለው ባይተዋር አገዛዝ ከማጋለጡም በላይ፣ ከመልካም አስተዳደር ጋር በአዋጅ የተፋታ እስኪመስል ድረስ በሙስናና በአድሎአዊነት ለተተበተበ ስርዓት ዳርጎታል፤ ይህ ሁኔታም በህዝቦች መካከል መከፋፈል እንዲፈጠርና በጥላቻ ምሽግ ውስጥ እንዲያደፍጡ ማስገደዱ አይቀርም፡፡

በጥቅሉ የብዙዎችን መብት ጨፍልቆና አንዱን ነጥሎ ተጠቃሚ የሚያደርግ ስርዓት ማንበር የማታ ማታ ጊዜውን ጠብቆ ከሚፈነዳ አደጋ ጋር ማላተሙና የብሔር ግጭት የመቀስቀስ መዘዝ ማስከተሉን አስቀድሞ ለማወቅ ነብይ መሆን አይጠበቅም፤ የኢህአዴግ ‹‹እኔ ከሌለሁ ኢትዮጵያ ትበታተናለች›› ፉከራም ይህን መሰል ተንኮል ከገመደው የክልል አወቃቀር ቀመር ጋር የተያያዘ ይመስለኛል፡፡ በርግጥ ወደ እንዲህ አይነቱ ድምዳሜ የሚገፋን የሃሳቡ አመንጪዎችም ሆኑ መበታተናችን አይቀሬ እንደሆነ የሚያረዱን ራሳቸው የኢህአዴግ መስራቾች መሆናቸው ነው፡፡ በተቀረ ‹የምንከተለው የፌደራል ስርዓት ቋንቋን መስፈርት ያደረገ ነው› እስከተባለ ድረስ በሐረሪ ያለው አስተዳደር በራሱ በኢህአዴግ አጋፋሪነት በፀደቀው ህገ-መንግስትም ጭምር ተቀባይነት እንደሌለው ከገዥዎቻችን የተሰወረ አለመሆኑ አከራካሪ አይደለም፡፡ በነገራችን ላይ የሐረሪ ብሔራዊ ሊግ ከፈለገ በክልሉ ምክር ቤት ሰላሳ ስድስቱም ወንበሮች ላይ የመወዳደር መብት ተሰጥቶታል፡፡ በግልባጩ ኦህዴድን ጨምሮ በሐረሪ ብሔረሰብ አባላት ያልተመሰረተ ማንኛውም የተቃዋሚ ፓርቲ ከሃያ ሁለቱ ወንበር ውጭ በአስራ አራቱ ላይ እጩ ማቅረብ እንደማይችል በሕግ ታውጇል፤ የስራ ቋንቋንም በተመለከተ በክልሉ ነዋሪዎች ከአማርኛ ቋንቋ በሁለት እጅ ያነሰ ተናጋሪ ያለው ሐረሪ እና በስፋት የሚነገረው ኦሮምኛ ብቻ እንዲሆኑ መደረጉም ራሱ አገዛዙ ከሚያቀነቅንለት የቋንቋ ‹ፌደራሊዝም› ጋር ይጣረሳል፡፡ በርግጥም የስርዓቱ ‹ኤጲስ ቆጶሳት› ደጋግመው ‹ለአስራ ሰባት ዓመታት የታገልነው ሁሉም ኢትዮጵያዊ በአፍ መፍጫ ቋንቋው እንዲማር፣ እንዲዳኝ፣ እንዲተዳደር… ነው› የሚሉት ሀቲት ማደናገሪያ መሆኑን ለመረዳት ከዚህ የበለጠ ክስተት ሊኖር አይችልም፡፡

በአናቱም የክልሉ ፕሬዝዳንት እና ም/አፈ ጉባዔ ከሐረሪ ብቻ የሚመረጡ ሲሆን፣ ዋናውን አፈ-ጉባዔ ደግሞ በጋራ ሁለቱ ጉባኤዎች እንደሚመርጧቸው በአዋጅ ተደንግጓል፡፡ እንዲሁም በፌደራሉ ህገ-መንግስት ላይ የተካተተውና አጨቃጫቂው ‹‹የራስን እድል በራስ የመወሰን መብት›› የተሰጠው በተናጠል ለሐረሪ ብሔረሰብ ብቻ ነው፡፡ ይህ አይነቱ ልዩ ችሎታም ሆነ ከላይ የተጠቀሰው ልጓም አልባ ሥልጣን በሌሎች ክልሎች በተመሳሳይ መልኩ ለሚገኙ ብሔሮች አልተሰጠም፤ ለምሳሌ በደቡብ ሲዳማ፣ ስልጤ፣ ጉራጌ…፤ በአማራ ክልልም የአገው ብሔረሰብ ከሐረሪ የበለጠ ቁጥር ቢኖራቸውም በዞን ደረጃ እንዲዋቀሩ ከመፍቀድ ያለፈ ያገኙት ልዩ መብት የለም፡፡

በነገራችን ላይ ሐረሪ እንዲህ ለሀገር አንድነት አስጊ በሆነ መልኩ እንዲደራጅ የተደረገው በተወላጆቹ ፍላጎት እና ጥያቄ ነው የሚል እምነት የለኝም፤ ምክንያቱም የብሔረሰቡ አባላት እንደማንኛውም ዜጋ በኢትዮጵያዊነታቸው የሚያምኑና የሚኮሩ መሆናቸውን ከታሪክ መረዳቱ አያዳግትም፡፡ እናም በግሌ የዚህ ሁሉ መግፍኤ ስልጣኑን ለማስጠበቅ ኤርትራን እና አሰብን የመሰለ የሀገር ጉሮሮ (ወደብ) ኃላፊነት በማይሰማው መልኩ አሳልፎ የሰጠው ኢህአዴግ እንደ መጠባበቂያ አስልቶ ያጠነጠነው የተንኮል ድር ይመስለኛል፡፡ የክልሉ ህገ-መንግስትም ሆን ተብሎ ወደ አንድ ወገን እንዲያጋድል መደረጉ (በአንዳች ክፉ ቀን ሊመዘዝ የሚችል አደገኛ የፖለቲካ አጀንዳ ማቀፉ) ከላይ የጠቀስኳቸውን ማሳያዎች ያስረግጥልናል፡፡

የኃይማኖት መቻቻል… 

የሐረሪ ክልል ሌላኛው ችግር የኃይማኖት ልዩነት ያነበረው ውጥረት ለነዋሪው ሕዝብ ተጨማሪ ስጋት መፍጠሩ ነው፡፡ ከዓመታት በፊት በእንግሊዝ ዋና ከተማ ለንደን አልቃይዳ እንዳቀነባበረው የታመነውን የቦንብ አደጋ አድርሷል ተብሎ ተጠርጥሮ ከተያዘ በኋላ ዘግይቶ በነፃ የተለቀቀው ሐምዲ ኢስሐቅ የሐረሪ ተወላጅና የጀጎል ልጅ መሆኑ ክልሉ በማዕከላዊ መንግስቱ በአይነ ቁራኛ እንዲታይ አድርጎት እንደነበረ ይታወሳል፡፡ ሐምዲ በአደጋው ተጠርጥሮ ጣሊያን ሮም ውስጥ በቁጥጥር ስር ከዋለ በኋላ ዓለም አቀፍ ሚዲያዎች ለዜናው ከፍተኛ ሽፋን መስጠታቸውን ተከትሎ፣ በወቅቱ አንድ ጊዜ ብቻ ታትማ የጠፋችው ‹‹መዝናኛ›› መፅሔት ባቀረበችው ሰፊ ዘገባ እንዲህ በማለት ማስነበቧ አይዘነጋም፡- ‹‹በሐረር ጥብቅ የእስልምና ሃይማኖት ትምህርት ስር እየሰደደ ነው፡፡ አንዳንድ ሃይማኖተኞች እስከ ፓኪስታንና አፍጋኒስታን በመዝለቅ የእስላማዊ ትምህርትና ትግል ስልጠናን በመቅሰም እንደሚመለሱ ተረድቻለሁ፡፡ በዓለም አቀፍ ደረጃ በእስልምና ሃይማኖት ተከታዮች ላይ የሚደርሰውን ጥቃት በቁጣና በቁጭት የሚመለከቱት ቁጥራቸው ቀላል አይደለም፡፡ ‹እውነት ከእኛ መካከል የተፈጠረው ሐምዲ ይህንን ሰርቶ ከሆነ አደንቀዋለሁ› ብሎኛል አንድ ወጣት፡፡››

በ2004 ዓ.ም. አፈንዲ ሙተቂ በተባለ ፀሐፊ ተዘጋጅቶ፣ የቅጂ መብቱን በመጋራት የሐረሪ ባህል፣ ቅርስና ቱሪዝም ቢሮ ወጪውን በመሸፈን ‹‹ሐረር ጌይ›› በሚል ርዕስ ባሳተመው መጽሐፍ ላይም ሐረር ‹‹እስላማዊ ከተማ ናት›› ተብሎ መገለፁ በራሱ የሚያመለክተው ጉዳይ አለ፤ መቼም ዓለማዊቷን ከተማ ‹እስላማዊት›› እያለ የሚጠራን መጽሐፍ መንግስታዊው ተቋም አሳትሞ ማሰራጨቱ፣ ሃይማኖትና መንግስት የተነጣጠሉ ናቸው ብሎ በአዋጅ ለሚለፍፈው ኢህአዴግ መራሹ ስርዓት ምፀት ይመስለኛል፡፡ በርግጥም ‹‹ኢትዮጵያ የክርስቲያን ደሴት ናት›› የሚሉትንም ሆነ፣ ሐረርን እስላማዊ ለማድረግ የሚያሴሩትን እንዲህ አቅፎና ደግፎ ‹በኃይማኖታችን መንግስት ጣልቃ አይግባ› ያሉ መዕምናን ተወካዮችን (መንፈሳዊ መሪዎችን) ሰብስቦ ማሰሩ አገዛዙ የመጨረሻው አፈና ደረጃ ላይ መድረሱን የሚያመላክት ነው፤ የፖለቲካ ተንታኞችም ‹መንግስታዊ ሽብርተኝነት› የሚሉት ይህ አይነቱን ተግባር ነው ብዬ አስባለሁ፡፡

ድሬዳዋ 

ሌላኛው የምስራቅ ኢትዮጵያ ውጥንቅጥ የፖለቲካ መገለጫ የድሬዳዋ አስተዳደር ነው፡፡ ኢህአዴግ ወደ ሥልጣን በመጣባቸው የመጀመሪያዎቹ ዓመታትና በቀድሞዎቹ ስርዓታት ድሬ በሀገሪቱ ግንባር ቀደም የንግድ እንቅስቃሴ ከሚደረግባቸው ጥቂት ከተሞች አንዷ እንደነበረች ነዋሪዎቿ ዛሬም ድረስ በትዝታ ያስታውሳሉ፡፡ ለዚህም እንደምክንያት የሚጠቀሰው በዳግማዊ አፄ ምኒሊክ ዘመነ መንግስት ከአዲስ አበባ፣ ድሬዳዋ እና ጁቡቲ ድረስ ተዘርግቶ የነበረው የባቡር መስመር ነው፡፡ ይሁንና ኢህአዴግ ትግል ላይ በነበረበት ወቅት ከፍተኛ ሕዝባዊ ተቃውሞ ያሰሙበት ከነበሩ የሀገሪቷ ከተሞች ድሬዳዋ አንዷ መሆኗ ቂም እንዲይዝባት ከመግፋቱም በላይ ‹የነፍጠኛ መከማቻ› ተብላ በ‹ጥቁሩ› መዝገብ መስፈሯ ባለፉት ሃያ ሁለት የስልጣን ዓመታት ባለችበት ትረግጥ ዘንድ በማይታየው የስርዓቱ ‹ክፉ እጅ› ለመዳመጥ ዳርጓታል፡፡

የሆነው ሆኖ ድሬ በተጧጧፈ የንግድ ሂደት ደምቃ የምትታይበት ያ የመኸር ዘመኗ እንደ ጉም በንኖ፣ ለአስከፊ ድህነትና ሥራ እጥነት እጅ መስጠቷን ለማስተዋል ከተማዋን ለጥቂት ሰዓታት ብቻ ተዟዙሮ መቃኘቱ በቂ ይመስለኛል፡፡ ርግጥ ነው የኢኮኖሚዋ ዋልታ ከምድር ባቡርና ጨርቃ ጨርቅ ፋብሪክ (ኮተን) በተጨማሪ ሕጋዊም ባይሆን የኮንትሮባንድ ንግድ እንደነበረ ይታወቃል፡፡ ይሁንና ዛሬ ከሞላ ጎደል ሶስቱም የሥራ ዘርፎች በጥልቅ እንቅልፍ የተወሰዱ መስለዋል (ምንም እንኳ ከታማኝ ምንጭ ባላረጋግጥም ኮንትሮባንዱ ‹ፖለቲካዊ ቡራኬ› ማግኘት በቻሉ የስርዓቱ የጥቅም ተጋሪዎች በድብቅ እንደሚሰራ ይነገራል) ምድር ባቡርን በተመለከተ ግን በህይወት ለመኖሩ ደፍሮ የሚከራክር ይኖራል ተብሎ አይታሰብም፡፡ 

በርግጥ ለድርጅቱ መፍዘዝ ብሎም መክሰም እንደምክንያት የሚቀርበው ‹ኪሳራ› ቢሆንም ስማቸውን መናገር ያልፈለጉ፣ የተቋሙ የሒሳብ ሠራተኛ የነበሩ አንድ የድሬዳዋ ነዋሪ በዚህ አይስማሙም፤ እንደእርሳቸው አገላለፅ መስሪያ ቤቱ ለኪሳራ የተዳረገው የህወሓት ሰዎች ከጀርባ ባሴሩበት ደባ ነው፤ ‹‹በኤፈርት ስር ከተቋቋሙ ድርጅቶች አንዱ የሆነው የትራንስፖርት አገልግሎት መስጠት ላይ የተሰማራው ‹ትራንስ› ከጅቡቲ የሚጫኑ እንደ የዕርዳታ ስንዴና ማዳበሪያ መሰል ምርቶችን በጨረታ እንዲያሸንፍ ይደረግና በጣም እርካሽ በሆነ ዋጋ ለምደር ባቡር የኮንትራት-ኮንትራት ይሰጠዋል፤ ይህ ሁኔታም እየተደጋገመ ሲሄድ ድርጅቱን ለኪሳራ ዳረገው፤ በዚህ ላይ ማነጅመንቱ በተቋሙ ንብረትና ጥቅም ላይ ሙስና ሲፈፅም፣ የስርዓቱ መሪዎች አይተው እንዳላየ ያልፉ ነበር፤ ሠራተኛ ማህበሩ ሳይቀር በግልፅ ለፀረ-ሙስና ሪፖርት ያቀረበባቸው፣ ነገር ግን በሕግ ያልተጠየቁ የአስተዳደር ኃላፊዎች አሉ›› ሲሉ ገደል አፋፍ ስለቆመው የቀድሞ የድሬ ‹ደም-ስር› ምድር ባቡር በቁጭት ይናገራሉ፡፡ በአሁኑ ወቅት የድርጅቱ ንብረት በሙሉ በመከላከያ ቴክኖሎጂ (መቴክ) ለሚመራው የብረታ ብረት ኢንዱስትሪ ተላልፎ ተሰጥቷል፡፡ ከሰራተኞቹም አብላጫው ተባርረው አምስት መቶ ለሚሆኑት ኢንዱስትሪው ከጥቅምት 30 ቀን 2003 ዓ.ም ጀምሮ ደሞዝ እየከፋላቸው እንደሚገኝና ከነበሩት 19 ሞተሮች (ባቡር) መካከልም አገልግሎት የሚሰጡት አራት ብቻ እንደሆኑ የድርጅቱ ቅርብ ሰው አረጋግጠውልኛል፡፡ ከአዲስ አበባ-መተሀራ እና ከካሳራት-ኤረር በጠቅላላ 114 ኪ.ሜ. ለሚሸፍን የድልድይ (ሀዲድ) ዕድሳት ይውል ዘንድ የአውሮፓ ህብረት የለገሰውን 60 ሚሊዮን
ዩሮንም (ከ1.1 ቢሊዮን ብር በላይ የወሰደው የብረታ ብረት ኢንዱስትሪ የረባ ስራ ሳይሰራ ‹‹ቄሱም ዝም…›› መሆኑ ብዙዎችን ግራ ከማጋባቱም በላይ በሀገሪቷ ኃላፊነት የሚሰማው መንግስት ያለመኖሩ ማሳያ ነው፡፡

በአናቱም መንግስት ሕገ-ወጡን የኮንትሮባንድ ንግድ በኃይል ሲያስቀር፣ ካለበት ኃላፊነት አኳያ አማራጭ የስራ ዘርፎችን አለመፍጠሩ ለችግሩ መባባስ ዋነኛ ምክንያት ሆኖ ይቀርባል፡፡ በተለይም በከፍተኛ ባለስልጣናት አንደበት ሳይቀር የ‹ደረቅ ወደብ› አገልግሎት መስጫ በድሬዳዋ እንደሚመሰረትና ለአካባቢው ነዋሪ አማራጭ የሥራ ዕድል እንደሚሆን ተደጋግሞ ከተነገረ በኋላ፣ ሃሳብ ተቀይሮ ሞጆ ላይ እንዲመሰረት መደረጉ ከተማዋ ‹አልቦ ተቆርቋሪ› መሆኗን እንደሚያሳይ በአንድ ወቅት የመስተዳደሩ ምክር ቤት አባል የነበሩ ግለሰብ ይናገራሉ፡፡ የግለሰቡ መከራከሪያ ‹‹ድሬዳዋ ለጁቡቲ ካላት ቅርበት አኳያ የከባድ መኪናዎችን ምልልስ ያፈጥነዋል፤ ይህ ደግሞ በወደብ ላይ ለሚከማቹ ጭነቶች የሚወጣውን የውጭ ምንዛሬ ያስቀራል›› የሚል ነው፡፡ በርግጥም ከአዲስ አበባ እምብዛም ከማትርቀው ሞጆ ይልቅ፣ ለእንዲህ አይነቱ አገልግሎት ድሬዳዋ የተሻለች መሆኗን ለመረዳት ጥናትና ምርምር የሚጠይቅ አይመስለኝም፡፡

የድሬ ፖለቲካ…

የድሬዳዋ ነዋሪዎችን በተመለከተ በ1998 ዓ.ም (በፈረንጆች 2007 ዓ.ም) በስታስቲክ ባለስልጣን የተደረገው ቆጠራ እንደሚያሳየው አጠቃላይ የሕዝብ ብዛቷ 341 ሺህ 834 ሲሆን፤ ኦሮሞ 45%፣ ሶማሌ 24.3%፣ አማራ 20.7%፣ ጉራጌ 4.5%፣ ትግራይ 1.2%፣ ሐረሪ 1.01% ቁጥር አላቸው፡፡ በስፋት የሚነገሩ ቋንቋዎች ደግሞ ኦሮምኛ 46.1%፣ አማርኛ 33.2%፣ ሶማሊኛ 13.4%… መሆናቸውን ይዘረዝራል፡፡ ይሁንና ድሬ በተፃፈው ሕግ እንደ ሀገሪቱ መዲና አዲስ አበባ በፌደራል መንግስት ስር መዋቀሯ ቢደነገግም፣ በገሃድ ያለው እውነታ የሚያሳየው (በተለይም ከምርጫ 97 በኋላ) ኦህዴድና ሶሕዴፓ (የሶማሌ ሕዝብ ዴሞክራሲያዊ ፓርቲ) ባልተፃፈ ሕግ በሚፈራረቁበት አድሎአዊና ብልሹ መስተዳደር ውላ-ማደሯን ነው፤ በርግጥም ዛሬ በሥልጣን ላይ ካለው የኦህዴዱ አሳድ ዚያድ በፊት፣ የከንቲባነትና የምክትሉን ወንበር አንድ የምርጫ ዘመንን ዕኩል በመክፈል ሁለቱ ድርጅቶች በየሁለት ዓመት ተመንፈቁ ሲቀያየሩበት መቆየታቸው የሚያመላክተው ዓብይ ጉዳይ ፌደራሊዝሙ በሕይወት ለመኖሩ በ‹ሳይንስ›ም ቢሆን ሊረጋገጥ አለመቻሉን ነው፡፡

በድሬዳዋ የሚታየው ሌላኛው ‹ፌደራሊዝማዊ› ፌዝ፣ ከነዋሪው ሕዝብ ቁጥር ኦሮምኛ ተናጋሪው 46.1% ሆኖ ሳለ የሥራ ቋንቋ አማርኛ መሆኑ ነው፤ ማንነትን በ‹ቋንቋ› የሚወስነው ኢህአዴግ ድሬዳዋ ላይ ተመሳሳይ መንገድ አለመከተሉ (…መቀነቱ ማደናቀፉ) በኦሮሞ ተወላጆች ላይ የሚደረገውን ተቋማዊ ጫና የሚያመላክት ይመስለኛል፡፡ መቼም ሌላው ቢቀር እንኳ ቢያንስ ራሱ የቀረፀው ‹ፌደራሊዝም› ሁለቱንም የሥራ ቋንቋ ማድረግ የሚቻልበት በቂ መፍትሄ እንደማያጣ ግልፅ ነው፡፡ ይህ ኩነት ኦህዴድም ልክ እንደ ብአዴን ከተላላኪነትና ቱርጁማንነት ያለፈ የፖለቲካ ቁመና የለውም ወደሚል ጠርዝ ይገፋል (በነገራችን ላይ የአጀንዳው ተጠየቅ በዚህ መልኩ የቀረበው ከራሱ ከኢህአዴግ ርዕዮተ-ዓለም አንፃር እውነታውን ለመፈተሽ ሲባል ነው እንጂ በግሌ የብሔር ፖለቲካ ለኢትዮጵያችን ይበጃታል ብዬ ስለማምን አይደለም)

እንደ መውጫ

ቋንቋ ተኮር ፌደራሊዝሙ ኢህአዴግ ወደ ሥልጣን ከመጣ በኋላ እንደ አዲስ ሀገር ማዋቀሪያ አማርጭ ፖሊሲ ተደርጎ ሲጠነሰስ የፌደራሊዝሙ ቅርፅ አገሪቱን ይበታትናል ከሚለው ድምፅ ባላነሰ፣ ደርዝ ያለው ሙግት ሆኖ ቀርቦ የነበረው በሀገሪቱ የረዥም ጊዜ የሕዝብ ለሕዝብ ፖለቲካዊ ግንኙነት በአንድ ቋንቋ ብቻ የሚወሰን ማህበረሰባዊ ቡድን (ብሔር) ካለመገኘቱ ባለፈ፣ ያንን የተወሰነ ቋንቋ የሚናገረው ስብስብ በአንድ በተወሰነ መልክዐ-ምድራዊ ቅፅር ውስጥ አይገኝም የሚል ነበር፡፡ ይህንን ክርክር ከዚህ ፅሁፍ አውድ አንፃር ተጨባጭ የሚያደርገው የጠቀስኳቸው ሁለቱ የምስራቅ ኢትዮጵያ አካባቢዎች ናቸው፡፡ በሁለቱም ክልል ውስጥ ከኦሮሞ እስከ ትግሬ፣ ከአማራ እስከ ሶማሌ… ከጠንካራ ኢኮኖሚያዊ አደረጃጀትና የየራስ ወጥ መለዮ ጋር መገኘታቸው መልክዐ-ምድራዊውን የፌደራሊዝም ቅርፅ ትክክለኛ አማራጭነት ለማስረገጥ በቂ ማሳያዎች ይመስሉኛል፡፡

ከዚህ ባሻገር የኢህአዴግ ‹ፌደራሊዝም› እንኳን ድርጅቱ ሥልጣን ላይ ባለበት ወቅት ቀርቶ፣ በሕዝባዊ ማዕበል በሚወድቅበት ጊዜም ቢሆን በአንድ ጀንበር መቀየር እንደማይቻል ቢታወቅም ሂደታዊ የእርምት አካሄድ ብቸኛው ፖለቲካዊ ትክክለኝነት ይመስለኛል፡፡ ምክንያቱም ይህ ፌደራሊዝም የብሔር ግጭትን ከመከላከል በላይ ተራምዶ፣ ሰሞኑን እንዲያ ‹አሸሼ-ገዳሜ› የሚባልለትን በሕዝቦች መካከል አንድነት ሊያጠብቅ ቀርቶ በአግባቡ ባለመተግበሩ (ለምሳሌ በሐረሪና ድሬዳዋ የሚገኙ፣ ነገር ግን በክልሎቹ ስልጣን ውስጥ ያልተወከሉ ብሄሮች) የተፈጠሩት ኩነቶች ወደሰዓት ቦንብነት እየተቀየሩ የመጡትን የተለያዩ ቋንቋ ተናገሪዎች የእርስ በእርስ ትንቅንቆች
መግራት ከማይችልበት ደረጃ ላይ እየደረሰ ነው፡፡ ይህ ኩነት “ደግሞ የእዚህች አገር ህልውናን ለመፈታተን ጥቂት ጊዜያቶችን ብቻ መጠበቅ የማይቀር ዕጣ ፈንታ ያደረገው ይመስለኛል፡፡

THE FUTURE IS IN OUR HANDS

December 11, 2013

Imru Zelleke (Ambassador)

The high fever that has spread the all over the Diaspora seems to have simmered down to a tolerable level. Most of refugees in Saudi Arabia have been repatriated home and the few left will get back soon. Those still in jeopardy are the ones under care of the UNHCR in Yemen, for whom a permanent residence is to be found. Otherwise Ethiopians refugees are in dire and precarious conditions in Middle East and African countries where they are abused and often killed.

The refugees that have returned seem to have fallen from the frying pan into the hot brazier. It is said that upon arrival home whatever processions (money, jewelry, valuable items) they have manage to save are confiscated by the regime, and they are forced to go back to their Kilil of origin; places where they run away from to begin with. The problem has evidently moved from Saudi Arabia back to Ethiopia their home land.

Without indulging into a lengthy and verbose discourse it should be obvious that the core of the problem is at Home in Ethiopia. People living in peace and freedom in their own country do not migrate unless they are subject to extremely unfavorable conditions at home. Ethiopians love their country and are not traditionally migrants, it is only in the last four decades of the post-revolutionary era that such mass migration has been occurring. Moreover, Ethiopia has presently the highest brain drain in the world. This trend will certainly continue as long as the coercive ethnic dictatorship at home is not removed and replaced by an all embracing national democratic system of governance.

At the cost of many precious lives and resources, attempts to establish a government based on democracy and freedom have been many throughout the years. Alas, all have failed ignominiously leaving in their wake a people deprived of freedom, basic rights reduced to beggary and mendacity in their own land. We all know the degradation and humiliation that our society is subjected too, yet we don’t seem to react as we should against such perfidy; but for making long winded statements and pursuing a plethora of people and political groups who so far have led us to nowhere.

We are ninety million man and women, the ruling gang count maybe a few thousand at the center, are they really invincible? No! their strength is our weakness and incoherent attitude towards our own existence. The ordinary people in Ethiopia have realized a long time ago that their fate is in their hands, they have risen and demonstrated more than once their patriotism and ultimate desire for freedom and justice. It is time to give them a helping hand, free of ulterior motifs. Actually they don’t even need us, all the resources required are available at home. This said, we in the Diaspora that enjoy unlimited economic and political resources, could accelerate the process and bring about peace and a promising future to our brethren in Ethiopia.

We have all the human and materiel means in our hands, let’s abandon all these squabbles and divisions amongst ourselves and make a common front to liberate the country from the scourge that is destroying it. Let’s make a real brotherly effort for an ETHIOPIAN RENAISSANCE. The high spirit of patriotism and indignation that has risen amongst the Diaspora, offers the opportunity to form a broad national political movement that will help install a genuine democracy in Ethiopia. For my part I am willing to assist and help a truly made effort to realize this goal.

If we fail our people in this noble endeavor, it we will be a disavowal of our own humanity for which future generations not forgive us.

Respectfully.

Imru Zelleke.

THE FUTURE IS IN OUR HANDS

December 11, 2013

Imru Zelleke (Ambassador)

The high fever that has spread the all over the Diaspora seems to have simmered down to a tolerable level. Most of refugees in Saudi Arabia have been repatriated home and the few left will get back soon. Those still in jeopardy are the ones under care of the UNHCR in Yemen, for whom a permanent residence is to be found. Otherwise Ethiopians refugees are in dire and precarious conditions in Middle East and African countries where they are abused and often killed.

The refugees that have returned seem to have fallen from the frying pan into the hot brazier. It is said that upon arrival home whatever processions (money, jewelry, valuable items) they have manage to save are confiscated by the regime, and they are forced to go back to their Kilil of origin; places where they run away from to begin with. The problem has evidently moved from Saudi Arabia back to Ethiopia their home land.

Without indulging into a lengthy and verbose discourse it should be obvious that the core of the problem is at Home in Ethiopia. People living in peace and freedom in their own country do not migrate unless they are subject to extremely unfavorable conditions at home. Ethiopians love their country and are not traditionally migrants, it is only in the last four decades of the post-revolutionary era that such mass migration has been occurring. Moreover, Ethiopia has presently the highest brain drain in the world. This trend will certainly continue as long as the coercive ethnic dictatorship at home is not removed and replaced by an all embracing national democratic system of governance.

At the cost of many precious lives and resources, attempts to establish a government based on democracy and freedom have been many throughout the years. Alas, all have failed ignominiously leaving in their wake a people deprived of freedom, basic rights reduced to beggary and mendacity in their own land. We all know the degradation and humiliation that our society is subjected too, yet we don’t seem to react as we should against such perfidy; but for making long winded statements and pursuing a plethora of people and political groups who so far have led us to nowhere.

We are ninety million man and women, the ruling gang count maybe a few thousand at the center, are they really invincible? No! their strength is our weakness and incoherent attitude towards our own existence. The ordinary people in Ethiopia have realized a long time ago that their fate is in their hands, they have risen and demonstrated more than once their patriotism and ultimate desire for freedom and justice. It is time to give them a helping hand, free of ulterior motifs. Actually they don’t even need us, all the resources required are available at home. This said, we in the Diaspora that enjoy unlimited economic and political resources, could accelerate the process and bring about peace and a promising future to our brethren in Ethiopia.

We have all the human and materiel means in our hands, let’s abandon all these squabbles and divisions amongst ourselves and make a common front to liberate the country from the scourge that is destroying it. Let’s make a real brotherly effort for an ETHIOPIAN RENAISSANCE. The high spirit of patriotism and indignation that has risen amongst the Diaspora, offers the opportunity to form a broad national political movement that will help install a genuine democracy in Ethiopia. For my part I am willing to assist and help a truly made effort to realize this goal.

If we fail our people in this noble endeavor, it we will be a disavowal of our own humanity for which future generations not forgive us.

Respectfully.

Imru Zelleke.

እዩኝ እዩኝ ደብቁኝ ደብቁኝን ያመጣል :: አቶ ሀብታሙ አያሌው = ከኢህአዴግ ወደ መድረክ የተላከ ሰርጎ - ገብ

December 11/2013
ምኒልክ ሳልሳዊ

እዩኝ እዩኝ ደብቁኝ ደብቁኝን ያመጣልጋሻው መርሻእንዳለመታደል ሆኖ የሀገራችን ፖለቲካ የሚተረማመሰው በአማተሮችና ሆድ - . አደር አሽከሮች ነው ይህ በመሆኑ ተቃዋሚ ፓርቲዎች ከገዥው ፓርቲ ጋር ከሚደርጉት ትግል የበለጠ የሚያደክማቸው አግድም / ሆርዞንታል / እርስ በርስ የሚያካሂዱት መቦጫጫቅ ነው ለዚህ ደግሞ ምቹ ሁኔታዎችን በማመቻቸት በኩል የራሳቸው አስተዋጽኦ ሚያደርጉ ሰርጎ - . ገቦች በየዘመኑ ይነሳሉ ምንም እንኳን ይህ አላስፈላጊ መሸነቋቆጥና ስድብ / መተቻቸት አላልኩም / የማልወደው ቢሆንም የአውራው ፓርቲ የውስጥ አርበኞች የትግሉን ስሜት ለማቀዝቀዝ የሚያደርጉት እሰጥ አገባና , አጀንዳ መዘዛ , እውነተኛ የተቃዋሚ ፓርቲ አባላትና ሀገር ወዳድ ዜጎች ባላወቁት ወጥመድ እየገቡ መሆኑን ስመለከት የሚያውቁትን መረጃ አለማጋለጥ የሚረጩትን መርዝ ሰርጎ እንዲገባ እገዛ ማድረግ መስሎ ስለተሰማኝ ይህንን እውነት ለመከተብ ተነሳሁ .

 ለጽሁፌ መነሻ የሆነኝ ነሀሴ 11 በወጣው ላይፍ መጽሄት ላይ አቶ ሀብታሙ አያሌው ያደረገው ቃለ መጠይቅና ከዚህ በፊት ያደረጋቸው አፍራሽ ንግግሮች ናቸው . እውነቱን ከማሳየት ውጭ ሌላ ምንም አላማ የሌላት ይህች አጭር ጽሁፍ ተናጋሪውና አንባቢዎች በቅን ልቡና ያነቡልኝ ዘንድ በቅድሚያ አሳውቃለሁ . ደራሲ በዓሉ ግርማ የህሊና ደወል በሚለው መጽሀፉ ገጽ 173 ላይ በአንደበቱ እየሸነገለ ከሀዲ የሆነውንና በኢትዮጵያ ስም እየማለ የይሁዳን ገጸ ባህሪ የሚተውነውን ኢትዮጵያዊ ሲገልጸው - ውዲቷ ሀገሬ እናት ኢትዮጵያ ብሎ ባንደበቱ የሚያሞጋግሰኝ ሞልቷል በየ ቤቱ ምላስ አልነበረም እኔን የቸገረኝ ቤዛ የሚሆን እጅ ነው ያጠረኝ ባፉ ተናግሮ በጁ ከሚክደኝ ከወጣቱ ትውልድ ከሸክም አድነኝ . ይላል ባለ ብሩህ አእምሮው ደራሲ በዓሉ ግርማ . ከኢህአዴግ ቤት በመተጣጠፍ ስልት ሰተት ብሎ ወደ አንድነት ም / ቤት የገባው አክሮባቲስቱ ሀብታሙ አያሌው እና ግብረ አበሮቹ በአፋቸው ኢትዮጵያ ኢትዮጵያ እያሉ በተግባራቸው ግን የታጋዩንና የህዝቡን ስሜት ለማቀዝቀዝ ሲታትሩ እንመለከታቸዋለን . ለመሆኑ ሀብታሙና መሰሎቹ ስለ ኢትዮጵያ የመናገር ሞራል አላቸው ? ራሳቸውን የታጋይ ቁንጮ አድርገው የሚቆጥሩት በምን መስፈርት ነው ? እነዚህንና መሰል ጥያቄዎችን አንባቢ የሚፈርዳቸው ሆኖ አቶ ሀብታሙ በላይፍ መጽሄት ላይ ወደ ቀባጠራቸው ጉዳዮች እንለፍ .

  ከኢህአዴግ ፓርቲ ስለለቀቀበት መንገድ ሀብታሙ ከኢህአዴግ ፓርቲ የለቀቀበትን መንገድ ሲያብራራ « ኢህአዴግ ቤት እያለሁ ወፍራም ደመወዝ ነበረኝ መኪና ተመድቦልኝ የተለያዩ አበሎች ይከፈለኝ ነበር ....... » ነገር ግን ኢህአዴግ ለተቃዋሚዎች ያዘጋጀውን ጽዋ መጠጣት ለእኔ ክብር እንደሆነ በማሰቤ በቃኝ ለማለት አልተቸገርኩም ይለናል . ከኢህአዴግ ጋር ፍች የፈጸመበትን ምክንያት በሀብታሙ አንደበት ሲገልጽ አንባቢን ያማልላል . ይቀጥልና ኢህአዴግ ቤት ሀሳብ መሸጥ ስለማይቻል ወጥቻሁ ይለናል . አባባሉ እውነት ነው ኢህአዴግ ቤት ህሊና እንጅ ሀሳብ አይሸጥም . እውነተኛው የአወጣጡ ምክንያት ይህ ነው ? የሚል ጥያቄ መነሳቱ አይቀርም . ይህ ከነበረስ ኢህአዴግን ከለቀቀበት 2002 ዓም ጀምሮ አንድነት እስከገባበት 2005 ዓም ድረስ የት ነበር ? ስለዚህ ጉዳይ በተለያዩ ቃለ መጠይቆች ሀብታሙ አያነሳልንም . መቸም እንደ እየሡስ ክርስቶስ ገዳም ገብቶ የሚል የዋህ አይኖርም . በቅርብ የሚያውቁት ምክንያቱን ሲገልጹ ከአስካሉካ ትሬዲንግ ጋር በተያያዘ በተፈጠረው ውዝግብ የድርጅቱ ባለቤት በስደት ወደ ጀርመን ሀገር ሲያቀና ሀብታሙ በበኩሉ ወደ ደቡብ አፍሪካ እንደሄደ ነው .

  ለመሆኑ የተቃዋሚዎችን ጽዋ ለመጨለጥ የቆረጠ ሰው ደቡብ አፍሪካ ምን ወሰደው ? አንዳንዶች በደቡብ አፍሪካው የአለም ዋንጫ ሰዎችን ወደ ደቡብ አፍሪካ እልካችኋለሁ እያለ በወገኖቻችን ላይ የተለያየ ግፍ ሲፈጽም ከነበረው አቶ ግርማይ ብርሀኔ ጋር ንክኪ የነበረው ሀብታሙ የተነሳው የተቃውሞ ወጀብና የተዘረፍን ለቅሶ ሁለቱንም ለስደት ዳርጓቸዋል በሚል ይስማማሉ . ለዚህም እንደመከራከሪያ የሚያቀርቡት አቶ ግርማይ ብርሀኔ ከጀርመን ተይዞ ሲመጣ ሀብታሙ የመከላከያ ምስክር ሆኖ መቅረቡን ነው . ድንቄም የጠቃዋሚን ጽዋ መጨለጥ ¡ ¡ ¡ ከዚህ ሁሉ በኋላ በሀገር ወዳድ ወጣቶች የተመሰረተውን ባለራዕይ ወጣቶች ማህበርን በአቦሸማኔ ፍጥነት ወደ አንድነት ብሄራዊ ምክር ቤት ለማሳለጥ ተጠቅሞበታል . ወደ አንድነት ም / ቤት ከመግባቱ እና የፈረመበት ብዕር ሳይደርቅ የተለመደውን እንካ ስላንትያ ዲስኩሩን ከፓርቲው እውቅና ውጭ ከመድረክ አመራሮች . ጋር በመሆን ጀመረ ዘመናቸውን በሙሉ ለሀገር ሲታገሉ የኖሩ አዛውንት ምሁራንን በአላዋቂ ብዕሩ ያበሻቅጣቸው ገባ መድረክ መፍረስ አለባት ; . መድረክ የፓርቲዎች ሳይሆን እንደ አፍሪካ ህብረት የመሪዎች ስብስብ ነው , የሰማያዊ ፓርቲ አባላት ከአንድነት የወጡት አቅም ስላልነበራቸው ነው , ወዘተ የሚሉ አፍራሽ ንግግሮችን ከአንድነት ፓርቲ እውቅናና ፈቃድ ውጭ ሲናገር እውነት ይህ ሰው ከኢህአዴግ ለቆ ወጥቷል ? ያስብላል .

 በዚህ ንግግሩም የመድረክ ከፍተኛ አመራሮች ከኢህአዴግ ወደ መድረክ የተላከ ሰርጎ - . . ገብ መሆኑን ይስማማሉ አንድነት ከመድረክ መውጣት አለበት , መድረክ በአስቸኳይ ይፍረስ , ምናምን የሚሉትን የፓርቲውን ሊቀመንበር ጨምሮ የአንድነት አባላትና አመራሮች አይስማሙበትም ከዚህ በመቀጠል መድረክን የማፍረስ ተልዕኮ አልሳካ ሲል ሰማያዊ አልዋሀድም አለ ሲል ዘለፋ ጀመረ ለመሆኑ ትናንት ስለመፍረስ ባወራበት አንደበት ዛሬ ስለ መዋሀድ የማውራት ሞራል ከየት አገኘ ( ከዚያው ከላኩህ ሰዎች ካልሆነ ) . እንግዲህ ይህ ሰው ነው ኢህአዴዴግ ቤት ሀሳብ መሸጥ አይቻልም የሚለን . ስልብ አሽከር በጌታው እቃ ይኮራል . በጌቶቹ ሀሳብ እንጅ በራሱ ላለመመራቱ አንዱ ማሳያ ይህ እንፍረስ እንዋሀድ ዝባዝንኬው ነው . ሌላው በዚሁ መጽሄት ላይ ሀብሙ እንዳለው " የራስን ገጽታ ለመገንባት የሌሎችን መልክ ማቆሸሽ " የሚለው አባባል በአግባቡ ሊገልጸው የሚችለው ኢንጅነር ይልቃል ጌትነትን ወይስ አቶ ሀብታሙን ? መልሱን አንባቢ ይፍረድ . ለምሳሌ መጋቢት 8/2005 ዓም ግራዚያኒን ለመቃዎም የተደረገውን ሰላማዊ ሰልፍ ያነሳሱት አቶ ታዲዎስ ታንቱ ናቸው . ለዚህም ተገቢ አክብሮት ሊቸራቸው የሚገባ ቢሆንም ሌሎች መድረኩን በመቆጣጠር የማይገባቸውን ውዳሴ ለመሸመት ተጠቅመውበታል ሲል ሰማያዊ ፓርቲን ይከሳል . ለመሆኑ በዚህ ሰልፍ የማይገባውን ውዳሴ የሸመተው አቶ ሀብታሙ ወይስ ሰማያዊ ፓርቲ ? መቸም ሀብታሙ ሰማያዊ ፓርቲ ያደረገውን አስተዋጽኦ ረስቶት ከሆነ ደግሜ ላስታውሰው እወዳለሁ . የሰማያዊ ፓርቲ አመራሮች ሰልፉን ለማሳካት ማንኛውንም መስዋዕትነት ለመክፈል ቁርጠኛ ከመሆናቸው በላይ የሚያፈልገውን ሙሉ ወጭ / የቲሸርት , የህትመት ጨምሮ / , መኪና , ጀነሬተርና ሞንታርቦ በመከራየት ያደረጉትን ክብር ያለው ስራ ልንክደው አንችልም . ሌላው ደግሞ በሰልፉ ዋዜማ ለቅስቀሳ የወጡትን የፓርቲውን አባላትና የማህበሩን አመራሮች በቁጥጥር ስር ሲውሉ የሰማያዊ ፓርቲ ከፍተኛ አመራሮች እኛንም እሰሩን በማለት ፖሊስ ጣቢያ ገብተው አንወጣም በማለታቸው ለእስርና ድብደባ መጋለጣቸውን ሀብታሙ አልሰማም እንዴ ? በጣም የሚያስገርመው በሰልፉ እለትም የፓርቲውን ሊቀመንበር ኢ / ር ይልቃል ጌትነትን ጨምሮ እነ ዶ / ር ያዕቆብ ኃ / ማርያም , አቶ ታዲዎስ ታንቱ ; እንዲሁም ከ 40 በላይ ወጣቶች ሲታፈሱ የጸጥታ ሀይሎች ሀብታሙን እንድንይዝ አልታዘዝንም ብለው በግልጽ መናገረቸው ኢህአዴግ የሀብታሙ መታሰር ከእነዚህ ሰዎች በላይ ኪሳራ ውስጥ የሚጥለው ሆኖ ወይስ የሚሰጠው ጋዜጣዊ መግለጫ በሀብታሙ ፊታውራሪነት እንዲመራ ተፈልጎ ? ይህ ሁሉ ሆኖ ታዲያ ዛሬ ሌሎች ተጠቅመውበታልን ምን አመጣው ? ሰው ተጠቀመበት የሚለው ሂሳብ ይወራረድ ቢባል እንኳን የሀብታሙን ያክል ውዳሴ ለመሸመት የተሯሯጠና የደከመ የለም .

  ከ 1997 በኃላ ባለው የተቃውሞ ጎራ የአንድነት ለዲሞክራሲና ለፍትህ ፓርቲን ያክል ሰፊ መሰረት እና አደረጃጀት ያለው ፓርቲ አልተፈጠረም ብየ አምናለሁ . ለአንድነት ፓርቲ ነባር አባሎችና አመራሮች ብሎም አሁን እያደረገ ላለው እንቅስቃሴ ተገቢውን ክብር እሰጣለሁ . ነገር ግን አንድነት ገርበብ አድርጎ የከፈተውን በሩን በደንብ ካልዘጋ ወይም ጠንካራ ጥበቃ ካልቀጠረ ባጭር ጊዜ ውስጥ ወጣ ወጣና እንደ ሸንበቆ .............. ! እንዳይሆን ስጋት አለኝ . እስከ መቼ ድረስስ ነው አንድነት የኢህአዴግ ካድሬዎችን አመራር እያደረገ የሚቀጥለው . ለዚህ መከራከሪያ ደግሞ የፓርቲውን ሊቀመንበር ጨምሮ , ስየ አብርሀ , ሀብታሙና ጓደኞቹ እንዲሁም የአቋም አልባ መገለጫ የኢንጅነር ግዛቸው ሽፈራው መውጣትና መግባት የአንድነትን ነባር አባሎችና አመራሮች ያስኮርፋልና ቢታሰብበት እላለሁ . ባጠቃላይ ቆራትና ማንኛውንም መስዋዕትነት ለመክፈል ዝግጁ የሆኑ አባሎች የሞሉበትን አንድነት ከተቀላቀለ አጭር ጊዜ የሆነው / የፈረመበት ቀለም ያልደረቀው / ሀብታሙ ኢህአዴግ ባስታጠቀው የሴራ ፖለቲካ ከኔ በላይ ተቆርቋሪ የለም በሚል አስመሳይነት ከፓርቲው ነባር አባላት በላይ አድራጊ ፈጣሪ ሆኖ ፓርቲውን ወደ አዘቅት ለመክተት ሲጣደፍ ሲታይ , ለፓርቲው የመሪነት መስፈርት ከኢህአዴግ ቤት መምጣት ብቻ ይሆን እንዴ . ወይም የፓርቲው ነባር አባላት ለአመራርነት አይመጥኑም ? ያስብላል .

  ሌላው ሊተኮርበት የሚገባው የሀብታሙ ሴራ በቀጣይ የአንድነት የአመራር ምርጫ ቁልፍ ቁልፍ ቦታዎችን በእርሱና በጓደኞቹ ካልተያዙና ሽማግሌዎች / በእርሱ አገላለጽ / ገለል ካላሉ ፓርቲውን የመሰንጠቅና ሌላ ፓርቲ የማቋቋም አላማው እንዳለው ነው . ለዚህ አላማው ማስፈጸሚያ በዙሪያው የሚሰበስባቸው ጭፍራዎቹ ከፍተኛ ድርሻ ይኖራቸዋል የሚል ግምት አለኝ . እየሱስ ክርስቶስ በምድር ሲመላለስ ሌጊዎን የተባለውን የሰይጣን ጨፍራ ከሰውየው ላይ ወጥቶ ወደ እሪያዎቹ / አሳማዎቹ / እንዲገባ እንደገሰሰው ሁሉ ሀብታሙና መሰሎቹን ሌጊዎን ሆይ ከአንድነት ቤት ውጡና ወደ ዘመዶቻችሁ ግቡ እላለሁ . ይሁንና ግለሰቡ በቅርቡ ማንነቱ ተጋልጦ በአደባባይ እርቃኑን እንደሚቀር አልጠራጠርም . እስከዚያው ድረስ የክቡር ዶ / ር ጥላሁን ገሰሰን እንክርዳድ እንክርዳድ የተንከረደደ ስንዴ መስሎ ገብቶ ስንቱን አሳበደ . የሚለውን ዘፈን ጋብዘነው ብንለያይስ ?

ኢትዮጵያ ለዘላለም ትኑር ! !

ዶ/ር ቴዎድሮስ የሳዑዲውን ጉዳይ ለግል ዝና ማግኛ አውለኸዋል በሚል በጓዶቻቸው መወቀሳቸውን ለመንግስት ቅርብ የሆነ ሚዲያ ዘገበ

December 11/2913

 የውጭ ጉዳይ ሚ/ር ቴዎድሮስ አድሃኖም በሳዑዲ አረቢያ በወገኖቻችን ላይ የደረሰውን ጥፋት ተከትሎ በፌስቡክ እና በትዊተር አማካኝነት ለሕዝብ መረጃ መስጠታቸው በኢሕአዴግ ባለስልጣናት ዘንድ እንዳልተወደደና እንደተተቹበት ለመንግስት ቅርብ እንደሆነ የሚነገርለይ ድሬ ቲዩብ የተባለው ድረ ገጽ ዘገበ። “የዶ/ር ቴዎድሮስ ግልጽና ተወዳጅ የዲፕሎማሲ ስልት በፖለቲካ ጓዶቻቸው ዘንድ እንዳስወቀሳቸው ተነገረ” ሲል ዘገባውን ያሰፈረው ድሬ ቲዩብ ዶ/ሩን በማሞካሸት ባቀረበው ዘገባው “አብዛኛው ፖለቲከኛጋ የማይታይ ቀለል ብሎ የሚያሸንፍ ስብዕና (Disarming Personality) የተላበሰና እንደሌሎቹ የተጠና ፖለቲካዊ ዲስኩር የማይደረድር፤ ካለበት የስልጣን ከፍታ አንጻር እሱን ማግኘት አይከብድም…በለውጥ ሀይል የተሞላና አብረውት ቢያወጉ የማይሰለች ተወዳጅ ነው የሚሉት ብዙዎች ናቸው የሚለው ዘገባ…አሁን አሁን ግን ይህ ባህሪ በፖለቲካ ጓዶቻቸው እንዳልተወደደላቸው ነው የሚነገረው፡፡” ሲል ገልጾታል።

ድረ ገጹ ጨምሮም “በሶሺያል ሚዲያው ንቁ ተሳታፊ የሆኑት ዶ/ር ቴዎድሮስ በሳዑዲ ተመላሾች ዙሪያ በዋናው ሚዲያና በሶሺያል ሚዲያው ላይ በተደጋገሚ መታየታቸውና የነበራቸው ንቁ ተሳትፎ ከሁለት ሳምንታት በፊት በተደረገ አንድ ስብሰባ ላይ “ክስተቱን ለግል ዝና ማግኛነት አውለኸዋል” በሚል በፖለቲካ ጓዶቻቸው አስወቅሷቸዋል፡፡” ካለ በኋላ በተጨማሪም “በስብሰባው ወቅት ካስወቀሷቸው ጉዳዮች ሌላኛው፣ ለሳዑዲ ተመላሾች ማቋቋሚያ ባለሀብቶች የ7 ሚሊየን ብር እርዳታና ከተመላሾቹ የተወሰኑትንም በመቅጠር የስራ ዕድል ለመስጠት የተስማሙበት ጉዳይ ሲሆን፤ ይህ የዶ/ር ቴዎድሮስ አካሄድ ግን በመንግስት ለተመላሾቹ የተያዘውን በአነስተኛና ጥቃቅን የማደራጀት እርምጃ ይቃረናል በሚል ነበር በፖለቲካ ጓዶቻቸው ያስወቀሳቸው፡፡” በማለት የውጭ ጉዳይ ሚ/ሩንና በድርጅታቸው ውስጥ የተፈጠረባቸውን ወቀሳ ዘግቦታል።

ዶ/ር ቴዎድሮስ አድሃኖም በቀጣዩ ምርጫ የኢትዮጵያ ጠ/ሚ/ር ሊሆኑ ይችላሉ፤ ለዚህም ነው በግል ዝና ግንባታ ላይ የተሰማሩት የሚሉ አስተያየቶች በተደጋጋሚ ሲደመጡ መቆየታቸው ይታወሳል።

አንዱዓለም አራጌ ከእስር ቤት “እኔ እስሩ አልከበደኝም፤ በጣም ያሳዘነኝ ግን በኔ መታሰር ልትጠቀሙበት አልቻላችሁም” አለ

December 11/2013

(ዘ-ሐበሻ) የ2005 ዓ.ም የዘ-ሐበሻ አንባቢዎች ምርጥ ተብሎ የተሰየመውና በቃሊቲ ማረሚያ ቤት ዕድሜ ልክ እስራት ተፈርዶበት የሚገኘው ወጣቱ ታጋይ አንዱዓለም አራጌ እስር ቤት ሊጠይቁት ለሄዱት የተቃዋሚ ፓርቲ መሪዎች መልዕክት አስተላለፈ። በጣም ማዘኑንም ገለጸ።

ዕድሜ ልክ እስራቱን ተቀብሎ እስር ቤት የሚገኘው አንዷለም አራጌ “ይቅርታ አልጠይቅም” በሚል እስካሁን በእስር ቤት እየማቀቀ ሲሆን “በእኔ መታሰር ብዙ ልትጠቀሙበት ስትችሉ አለመጠቀማችሁ ያሳዝነኛል:: እኔ አሁን በእስር ባለሁበት ሰዓት የኢትዮጵያን ሕዝብ የነፃነት ትግሉን ወደ ፊት ለመግፋት አጋጣሚ ሊሆንላችሁ ቢችልም አልተጠቀማችሁበትም ” ሲል የተቃዋሚ ፓርቲ መሪዎችን መውቀሱን የዘ-ሐበሻ ታማኝ ምንጮች ገልጸዋል።

“እኔ መታሰሩና፤ በእስር ቤት እየደረሰብኝ ያለው ስቃይ አልከበደኝም። የከበደኝ ግን በኔ መታሰር ልትጠቀሙበት አለመቻላችሁ ነው። በኔ መታሰር መንግስት ብዙ ጫና ውስጥ እንዳለ ይታወቃል። በኔ መታሰር ብዙ ሥራ ልትሰሩበት፤ ትግሉን ወደፊት ልታስኬዱበት ስትሉ ይህን አላደረጋችሁም” ያለው አንዷለም አራጌ አሁንም የመንፈስ ጥንካሬው አብሮት እንዳለ በ እስር ቤት ካነጋገሩት ወገኖች መካከል ስማቸው እንዳይጠቀስ የፈለጉ የተቃዋሚ ፓርቲ አመራር ለዘ-ሐበሻ ገልጸዋል።

አንዷለም አራጌ የፌደራሉ ማረሚያ ቤት የሚጠይቁህን ሰዎች ስም ዝርዝር አስመዝግብ ተብሎ ተጠይቆ የነበረ ሲሆን እርሱ ግን ማንም ሰው መጥቶ ሊጠይቀኝ መብቱ ነውና ስም ዝርዝር አውጥቼ አልሰጥም ሲል ፈቃደኛ አለመሆኑን ዘ-ሐበሻ ከዚህ ቀደም መዘገቧ አይዘነጋም።

ሰመጉ በቤንሻንጉል ጉሙዝ የሰብአዊ መብት ጥሰት መፈጸሙን አስታወቀ

December 10/2013

ታህሳስ ፩(አንድ)ቀን ፳፻፮ ዓ/ም  ኢሳት ዜና :-በቤንሻንጉል ጉሙዝ ክልል በተለያዩ ዞንና ወረዳዎች አማራ ናችሁ ተብለው በተባረሩ በሺዎች በሚቆጠሩ ዜጎች  ላይ የሰብአዊ መብት ጥሰት እና አካላዊ ጉዳት እንደተፈፀመ የሰብአዊ መብቶች ጉባኤ ባካሄደው ጥናት አረጋግጧል ፡፡

በክልል በተለያዩ ዞንና ወረዳዎች ውስጥ ይኖሩ የነበሩ ቁጥራቸው ከ10 ሺህ  በላይ የሚገመቱ ዜጐች ለረዥም አመታት ይኖሩበት ከነበረው አካባቢያቸው የዚህ ክልል “ተወላጆች አይደላችሁም” በማለት በሀይልና በግዳጅ ቤት ንብረታቸውን ጥለው ከመጋቢት 15/2005 ዓ.ም ጀምሮ እንዲሰደዱ መደረጋቸውን  ተቋሙ አውስቷል፡፡

በዚህም ምክንያት ህፃናትና ሴቶች እንዲሁም አቅመ ደካማዎች በቂ ምግብና ህክምና ባለማግኘታቸው በከፍተኛ ችግር ላይ ወድቀው እንደነበር ከቤንሻንጉል ጉሙዝ ክልል ዞን ቡለን ወረዳ ከአካባቢያቸው የተፈናቀሉ ሰዎች ተወካዮቻቸው አቤቱታና የምስክርነት ቃል ማረጋገጡን የሰብአዊ መብቶች ጉባኤ ያካሄደው ጥናት አመልክቷል፡፡

ጉባኤው  በአካባቢው በመገኘት የጉዳዩን ስፋትና ተፈናቃዩች በዚህ ጊዜ የሚገኙበትን አጠቃላይ ሁኔታ ለማጣራት መቻሉንም ገልጿል።

ተፈናቃዮቹ አሁን የሚገኙበት ሁኔታ አስቸጋሪ ነው ያለው ሪፖርቱ፤ በአንዳድ አካባቢዎች ለምሳሌ በካማሼ ዞን ተፈናቃዮቹ ወደ ቦታቸው እንዲመለሱ የተደረገ ቢሆንም ከተመለሱ በኃላ ንብረታቸው በመወሰዱና በመጥፋቱ ለመቋቋምና ወደ ነበሩበት የኑሮ ሁኔታ ለመመለስ አልቻሉም ። ለእርሻ ግብዓት የሚሆኑ እንደ ዘር ፣ማዳበሪያ የመሳሰሉትን ለመግዛት አለመቻላቸውን፤ ብድርም ለመውሰድ ሲጠይቁ ብሔረሰባቸው እየተጠቀሰ አድልዎ እየተፈፀሙባቸው እንደሚገኝ የሰመጉ ባለሙያዎች በአካባቢዉ ተገኝተው ባጣሩበት ወቅት ከተጐጂዎቹ አንደበት ለመረዳት ችለዋል፡፡ በመተከል ዞን ቡለን ወረዳ በባሩዳ ቀበሌና በአካባቢው ካሉት ቀበሌዎች የተፈናቀሉት ሰዎች

ብዛት 5 ሺ እንደሆነ የተፈናቃዮዎቹ ተወካዩች የገለፁ ሲሆን እነዚህ ተፈናቃዮች በአማራ ብሔራዊ ክልላዊ መንግስት ውስጥ በሚገኙት ጓንጓና ቻግኒ ከተሞች ውስጥ በብዛት ይገኛሉ፡፡ ይሁንና በሌሎች አካባቢዎችም በዘመድ ወዳጅ ቤት ውስጥ ተጠግተው እንደሚገኙ የተወሰኑ ተፈናቃዮችና ተወካዮቻቸው ቻግኒ ከተማ ውስጥ ለሰመጉ ባለሙያዎች ለማጣራት በሄዱበት ወቅት አረጋግጠውላቸዋል፡፡ በተለይም ይህንን የማጣራት ስራ በሚሰሩበት ወቅት በቻግኒ ከተማ ውስጥ ብቻ በተለያዩ ቦታዎች ተበታትነው የሚገኙ ተፈናቃዮች ብዛት 500 እንደሚደርስ በአካል ተገኝተው ለመረዳት ችለዋል፡፡

ተፈናቃዮቹ ለሰመጉ እንደሚያስረዱት የደረሰባቸውን ከፍተኛ በደልና እንግልት እንዲሁም የሚገኙበትን አስቸጋሪ ሁኔታ በተለያዩ የሀገር ውስጥ ጋዜጦችና የውጭ ሚዲያ በመናገራቸው ምክንያት እስራት ዛቻና ክትትል እየተፈፀመባቸው እንደሆነና በከፍተኛ ስጋት ላይ እንደሚገኙ በምሬትና የተስፋ መቁረጥ ስሜት በዶቢ፣ ያሶ፣ ባሩዳ ከተማ የተፈናቃይና ተወካዮቻቸው ለሰመጉ ያቀረቡት አቤቱታና የምስክርነት ቃል አስረድቷል፡፡

ለረዥም አመታት ያፈሯቸውን ንብረቶችና የእርሻ መሬታቸውን በአካባቢው ባለስልጣናትና በሌሎች ብሔረሰብ አባላት መነጠቃቸው፣ በባሩዳ ከተማ ህጋዊ በሆነ መንገድ ያፈሯቸው የሚንቀሳቀስና የማይንቀሳቀሱ ንብረቶቻቸውን እንዳያዙበት መደረጋቸው፣ መታወቂያ እንዳያወጡ መከልከላቸው፣ ልጆቻችው በትምህርት ቤቶች ውስጥ ገብተው እንዳይማሩ የተለያዩ አድልኦና ጫና እንዲደርስባቸው መደረጉ፣ በእርሻ ስራ የሚተዳደሩትን አርሶ አደሮችንም የምርጥ ዘርና ማዳበሪያ “የዚህ ክልል ተወላጅ አይደላችሁም” በሚል አድልኦ እንደሚደረግባቸውና እንደሚከለከሉ፣ በጥቅሉም ”እናንተ የዚህ ክልል ባለቤት አይደላችሁም ስለዚህ ለቃችሁ ውጡ” መባላቸውንና ይህንንም በተቃወሙት ላይ ዛቻ፣ ድብደባ፣ ንብረት ነጠቃና ለእሰራት ጭምር እንደተጋለጡ የተፈናቃይ ተወካዮች ለሰመጉ በፃፉት ከ140 በላይ ተፈናቃዮች ፊርማ ያረፈበት ማመልከቻና የተለያዩ ሰነዶች አመልክተዋል፡፡

የባሩዳ ቀበሌ ተፈናቃዮች “  በአካባቢው አስተዳደር አካላትና በሌሎች የክልሉ ብሄረሰብ አባላት የተነጠቁትን የተለያዩ ንብረቶች ተመላሽ አለመደረጉን ፣በአሁኑ ወቅት ከሌሎች ብሄረሰቦች እየተለዩ ማስፈራሪያና ድብደባ እየተፈፀመባቸው  መሆኑ፣ ምንም አይነት እገዛና ማቋቋሚያ አለመደረጉ፣ የእርሻ ግብዓትን እንደ ዘር ማዳበሪያ ያሉ ግብዓቶችን “እናንነተ የዚህ (ብሄር) አባላት ናችሁ” በማለት እየተከለከሉ ነገር ግን ለሌሎች እየተሰጠ እንደሚገኝና በፌዴራል መንግስት አማካኝነት ቢመለሱም የዞንና የቀበሌ አስተዳደር አካላት “እናንተ ከዚህ ክልል ውጪ ናችሁ” በማለት ልዩ ልዩ አድልዎና መገለል እየተፈፀመባቸው እንደሚገኝ ለሰመጉ አመልክተዋል፡፡

ቤንሻንጉል ጉሙዝ ክልል የሚገኙ የአማራ ተወላጆች ለረዥም አመታት ይኖሩበት ከነበረው ቦታ “ የዚህ አካባቢ ሰዎች አይደላችሁም” በማለት ከተፈናቀሉ በኋላ ወደ ነበሩበት ቦታ ይመለሱ እንጂ ምንም አይነት እገዛ ከመንግስት እንዳልተደረገላቸውና ይባስ ብሎም እንግልትና የተለያዩ አስተዳደራዊ በደሎች እየተፈፀመባቸው እንዳለ ዘጋቢያችን ሪፖርቱን ተከትሎ ባደረገው ማጣራት ለማረጋገጥ መቻሉን ገልጿል።

አዳዲስ መረጃዎች በኢትዮጵያውያን የሳዑዲ አረቢያ ውሎ ዙሪያ (ከነብዩ ሲራክ ከሳዑዲ አረቢያ)

ጅዳና ጀዛን – በጅዳ እና በጀዛን የሚገኙ የህግ እስረኞች በህግ ተይዘው ፍርድ ከተሰጣቸው በኋላ ለአመታት የሚጉላሉ እና በጥርጣሬ ተይዘው ፍርድ ቤት ያልቀረቡ ዜጎች የድረሱልን ጥሪ ተበራክቷል። “ትኩረቱ ሁሉ ወደ ሃገር ተመላሾች መሆኑ ብቻ ሳይሆን ድሮም ተረስተናል አሁንም ተረስተናል! ” እያሉ ነው! የሰሚ ያለህ!

ጅዳ – ከጅዳ ወደ ሃገር ቤት የሚተመለሱ ዜጎች ቁጥር ወደ 60 ሽህ መጠጋቱን መረጃ ደርሶኛል። ይህ በእንዲህ እንዳለ የጅዳ ቆንስል መስሪያ ቤት ከአሰሪዎች ጋር የትሰሩ ማናችሁም ዜጎች ያለማወላወል በሰላም ወደ ሃገር ግቡ በሚል ባሳለፍነው ያሰራጨው ጥብቅ ማሳሰቢያን ተከትሎ ወደ ሃገር ቤት ለመግባት የሚዘጋጁት ዜጎች ቁጥር ከፍ እያለ መጥቷል። ከዚሁ ጋር በተያያዥ “የሳውዲ ህግ ተለዋዋጭ ነው ፣ የምህረት አዋጁን ያራዝሙት ይሆናል!” በሚል ያልተጨበጠ ተስፋን የሰነቁ በሽዎች የሚቆጠሩ ዜጎች መዘናጋት አግባብነት እንደሌላውና ” ህገ ወጥ ” በሚል የተፈረጁ ከሃገር ይውጡ የሚለው ትዕዛዝ ከሳውዲው ንጉስ ቀጥተኛ የተላለፈ የማይታጠፍ ትዕዛዝ መሆኑን መራጃ ስለሆነ ዜጎች መዘናጋትን አስወግደው ያለማወላዎል ቁርጣቸውን አውቀው ይህን መልካም እድል ተጠቅመው ወደ ሃገር ቢገቡ ይሻላል ” በሚል የሳውዲና የመንግስታችን ተወካዮች በአጽንኦት በመምከር ላይ ናቸው!

ደማም – ካሳለፍነው ሳምንት ጀምሮ በደማም የሚገኙ ኢትዮጵያንን ወደ ሃገር መግባት ለማመቻቸት የሄዱት ልዑካን ከፊል ስራቸውን ሰርተው ቢመለሱም እጃችሁን ለመንግስ ት ስጡ የተባሉ ዜጎች አሻራ ለመስጠት እየተጉልሉ በመሆኑ ተሰምቷል። “ከስራ ወጥተን ከምንኖርበት ቤት ተፈናቅለን እየተቸገርን ነው !” ብለዋል።

ጀዛን – መኖሪያ ፍቃድ እያለን በመኖሪያ ቤታችን፣ በስራና በየመንገዱ በሚደረግ ፍተሻ ወደ ለእስር የተዳረጉ ዜጎች ጅዳ ለሚገኙት የጅዳ ቆንስል ም/ ኃላፊ ለአቶ ሸሪፍ በተደጋጋሚ አቤቱታ ቢያሰሙም ሃላፊው ከማረጋገት ከመርዳት ይልቅ እያበሳጩን ነው ብለውኛል። ቆንስል ጀኔራል አቶ ዘነበ ከበደ አልሰሙ ይሆን?

December 10/2013

ሪያድ – በመንፉሃና በአካባቢው የሚኖሩ ቪዛን በደላላ ገዝተው የመጡ ዜጎች ትናነት ከእኩለ ቀን እስከ ምሽት የሚከተሉት ጥያቄዎች ተሰብስበው በሪያድ ለኢትዮጵያ ኢንባሲ አቅርበዋል ። የማመልከቻና ጥያቄዎቻቸውን በጽሁፍ ልከውልኛል …
” ይድረስ ለኢትዮጵያ ኤምባሲ ዋናው ጽህፈት ቤት ሪያድ ።በቅድሚያ የማክበር ሰላምታችንን እያቀረብን በመቀጠል መልስ የሚሹ ጥይቄዎችን ለተከበረው ኤምባሲ በማቅረብ ኤምባሲያችንም ከሚመለከታቸው የሣዑዲ አራቢያ መንግስት ባለስልጣን ጋር በመነጋገር ይፈታልን ዘንድ ቀጣይ ጥያቄዎችን እናቀርባለን ።እነሱም
1: ነፃ የሙያ ቅየራ /free profishional change/ ይፈቅድልን ።
2 : ነቅል ከግለሰብ ወደ ሸሪካ እንድናደርግ ይፈቀድልን ።
3 : በሆነ ባልሆነ ምክንያት የሚደረግ የእቃማ በላግ ይቁምልን ።
4 : ፖሊሲ ባልተፈፀመ ወንጀል ይዞ ማሰር ያቁምልን ።
5 : ፖሊስ ባልተፈፀመ ወንጀል ይዞ እያንገላታን ያለ ፍርድ ከፍለህ ውጣ እያሉ የሚፈፅሙት ምዝበራ ይቁምልን ።
6 : ኢትዮጵያዊያን በኢትዮጵያዊያን ላይ የሚፈፅሙት የአየር በአየር ንግድ ከአንዳንድ ሳኡዲዎች ጋር በመሆን ቀርቶ ስራ እና ሠራተኛው በቀጥታ እንዲገናኙ ይደረግልን ።
7 : ለዕድሳት የሚሰጡ ኢቃማዎች በጊዜ ታድሰው ይመለሱልን።
8 : የሳኡዲ ወጣቶች በራሳችን እና በሴት እህቶቻችን ላይ የሚፈፅሙት እንደ ዘረፋ እና አስገድዶ መድፈር አጠቃላይ ወከባ እና በደል ይቁምልን ።
9 : ይህ ሁሉ የማይቻል ከሆነ የተከበረው ኤምባሲያችን ያወጠነውን የዕቃማ ሙሉ ወጪ ከነሞራል ካሳው ጠይቆልን በሰላማዊ መንገድ ወደ ሃገራችን የምንገባበትን ሁኔታ ይጠይቅልን።
በማለት ለተከበረው ኤምባሲ የምናቀርበው እኛ ሪያድ የምንኖር. ቁጥራችን በቀላሉ 1000 የሚጠጋ በመንፉሃ እና በዙሪያ ያለን ኢትዮጵያዊያን ነን።እቃማ ይዘን ስራ ተከልክለን ያለን የተበደልን እና ነገን ያላወቅን የኢትዮጵያ ዜጎች ነን አፋጣኝ መፍትሔ ይፈለግ ” የሚል ማመልከቻ ከ1000 በላይ ፊርማ ያሰባሰቡ ወገኖች በትናንትናው እለት የሪያድ ኢንባሲንና ከሃገር ቤት የመጡትን ከአምስት በላይ ከፍተኛ ዲፕሎማቶችን መፍትሔ ፈልግው አቤት ቢሉም መላ ማግኘቱ ቀርቶ ” ጥያቄያችሁ አግባብነት የለውም ፣ ይህንን የማይሆን ጥያቄ እንዳትንገላቱ ወደ ሃገር በሰላም ግቡ! ” የሚል መልስ እንደተሰጣቸው ገልጸውልኛል!

ወደ ሃገር የሚገቡ ዜጎች ስጋት: የሳውዲን ሁከት ተከትሎ “ወደ ሃገራችሁ እንኳን ደህና መጣችሁ! ” ያለን መንግስት በአስከፊው ስደት ከምንበላው ቆጥበን የጠራቀምነውን ንብረት ይዘው ሰገቡ መመሪያ እየተባለ የሚቀረጡበትና የንብረት መውረስ በማዋከቡ ዜና ሃገር ውስጥ በሚወጡ መገናኛ ብዙሃን እየተነገረ ነው ። ይህ መሰል አሰራር ጉዳይ ነዋሪውን በጣሙን አሳስቦታል።መንግስት ከቀረጥ ነጻ ለተቸገሩት ይፈቅዳል ተብሎ ሲጠበቅ ይህ አሳዛኝ ዜና በእርግጥም አሳዛኝ እስከፊ ነው።

ተቃዋሚ ተብለው የተፈረጁት ስጋት: በተለያየ አጋጣሚዎች መንግስት የሚያወጣቸውን መመሪያዎች በመቃዎም ሃሳብ የሰጠ ፣ በድምጻችን ይሰማ ደጋፊነት የተጠረጠረ እና በሳውዲ የመንግስት ተወካዮች የአስተዳደር በደል የሰላ ሂስ በማቅረባቸው በአይነ ቁራኛ እንታያለን ያሉ ዜጎች ወደ ሃገር ስንገባ እንዳንዋከብ እንሰጋለን በሚል ስጋታቸውን በመግለጽ ላይ ናቸው። ይህን ስጋት ይዥ የጠየቅኳቸው አንድ የጅዳ ቆንስል ከፍተኛ ሃላፊ ” ስጋቱ አይኖር ማለት ባይቻልም ይህን መሰል ስራ እስካሁን በገቡትበላይ አልተሰራም ፣ ከዚህ በኋላም ማሳደድ ማዋከብ ማሰር ብሎ ነገር አይኖም። ያመ ሆኖ በአልም አቀፉ ኢንተር ፖል ተፈላጊ የሆኑ ካሉ ይጠየቃሉ! ” ብለውኛል!

መረጃው በሹክሹክታ ቢደርሰኝም መረጃው እውነትነት አለው ፣ እናም በጅዳና በሪያድ የሚገኙ የመንግስታችን ተወካዮች ህዝባዊ አስቸኳይ ጥሪ በመጥራት በነዋሪው የሚቀርቡ ጥያቄዎችን ይመልሱ ዘንድ እመክራለሁ!

ጀሮ ያለው ይስማ!

Israel Follows Saudi Arabia, Planning Deportation of 500 African Migrants

December 10/2013

As Ethiopians removed from Saudi Arabia continue filing back into the country, Israel is also planning to deport 500 Ethiopians, possibly as early as January 2014.

Approximately 60,000 migrants from African countries – particularly Eritrea and Sudan, which make up the lion’s share at some 90 percent of the total – have entered Israel in recent years through the Sinai Peninsula. This has led to fears that the Jewish character of the country of 7.8 million is being threatened, as stated by Prime Minister Benjamin Netanyahu in a speech in May 2012.for more click here 

የወያኔንን ስርዓት ለማስወገድ በጋራ የሚደረግ ትግል ወሳኝ ነው !!! (ከገዛኽኝ አበበ ከኖርዌይ)

December 10/2013
ገዛኸኝ አበበ ከኖርዌይ

ለአንድ ሀገር የሚያስፈልገው ዋንኛው እና ቁልፉ ነገር ሰላም እና ነጻነት ነው:: ሰላም እና ነጻነት በሌለበት ሀገር የሚኖሩ ዜጓች፣   መብታቸው ይረገጣል ፣ ነጻነታቸው ይታፈናል  ዜጓች ለእስር፣ ለሞት፣ እና ለስደት ይደጋሉ:: ማንኛውም ሰው በሚኖርበት ሀገር በሚኖርበት ሰፈር ወይም አካባቢ እና በሚኖርበት ቤት ውስጥ በሰላም እና በነጻነት መኖርን ይፈልጋል::ነጻነት በምንም ዋጋ ሊተመን የማይችል ትልቅ ጸጋ ነው:: የሰው ልጆች በነጻነት በሚኖሩበት ሀገር መብታቸውን አስከብረው እና መብታቸው ተከብሮላቸው በሰላም እና በፍቅር በሀገራቸው ላይ ሲኖሩ ይታያሉ:: እንደ አለመታደል ሆኖ ሀገራችን ኢትዮጵያ በአለም ላይ ካሉት ሀገራት በግንባር ቀደምነት  የሰው ልጆች ነጻነታቸውን እና መብታቸውን የሚገፈፉበት ሀገር፣ የሀገሪቷ ዜጓች በጨቋኙ ገዥ ስርዓት ነጻነታቸውን ተገፈው ባሪያ ሆነው የሚኖሩበት ሀገር እንደሆነች በየጊዚው የሚወጡ አለም አቀፍ ሪፖርቶች ያስረዳሉ:: ወያኔ ኢህአዲግ የስልጣን ወንበሩን በሀይል ከተቆናጠጠበት ጊዜ ጀምሮ በየጊዜው በህዝባችን ላይ የሚያደርሰው ግፍ እና ጭቆና እየጨመረ መምጣቱ በአደባባይ የሚታይ እውነታ ነው:: ከዚህም የተነሳ በሀገራቸው ላይ የነጻነትን ሀየር መተንፈስ ያልቻሉ በየትኛውም ክልል ላይ የሚገኙ የሀገሪቷ ዚጓች በሀገራቸው ላይ መማር፣ መስራት፣ እና መኖርን እየቻሉ በሀገሪቷ ላይ እየተካሄደ ካለው አፋኝ እና ጨቋኙ ወያኔያዊ ስርዓገበሬው፣  ተማሪው፣  ፣ አስተማሪው ፣ ነጋዲው፣ ጋዜጠኛው ፣ ስፖርተኛው፣ ዘፋኙ፣ አርቲስቱ፣ ወዘተ...... በሁሉም እርከን ላይ የሚገኛው የህብረተሰብ ክፍል ሀገሩ ላይ በሰላም እና በነጻነት መኖርን ስላልቻለ ባገኘው አጋጣሚ ሁሉ በየጊዜው ለስደት ሲዳረግ ይታያል  :: ዋናው እና ወሳኙ ነገር ግን ከሁለት አስርት አመታት በላይ የዜጓችን መብት እያፈነ እና ነጻነታቸውን እየረገጠ ህዝባችንን ለስደት እያደረገ ያለውን ያለውን ይኼን ሰይጣናዊ እና አረመናዊን የወያኔን ስርዓት እንዴት እና ማን ያስወግደው የብዙዎቻችን ነጻነትን እና ፍትህን ናፋቂ ኢትዮጵያኖች ጥያቄ ነው ::

ት የተነሳ ሀገራቸውን እየጣሉ ይሰደዳሉ :: ማንኛውም ሰው ሀገሩን ጥሉ መሰደትን የሚፈልግ ያለ አይመስለኝም በሀገሩ ላይ በነጻነት እና በሰላም መማር መስራት እና መኖርን እስከቻለ ድረስ ::በአንድ ሀገር ላይ መልካም የሆነ መንግስታዊ አስተዳደር የማይካሂድ ከሆነ  አብዛኛውን ጊዜ ዜጓች ለስደት ይደረጋሉ በኢትዮጵያም እየሆነ ያለው ይህ ነው በአሁኑ ሰአት ለስደት የሚዳረገው የሀገራችን ዜጋ ሁሉም የማእበረሰብ ክፍል ነው::

በርግጥ በአሁኑ ሰአት ይህንን ስርዓት በመቃወም በሀገር ቤትም ከ ሀገር ቤትም ውጭ ብዙ የፖለቲካ ድርጅቶች እንደተቋቋሙ እና በተለያየ መንገድ እራሳቸውን እያደራጁ   እንዳሉ የምናየው እና የምንሰማው ነገር ሲሆን::የእነዚሀ  የፖለቲካ ድርጅቶች መብዛት የተለያዩ እንቅስቃሴዎችን ማድረግ  ሁላችንም በሀገራችን ላይ እንዲሆንልን የምንመኘውን እና የምንናፍቀውን የወያኔን መንግስት አስወግዱ ፍትህ፣ ሰላምን እና ነጻነትን  ያመጣልን ይሆን? የብዙዎቻችን ጥያቄ ይመስለኛል::

 እንደእኔ እንደእኔ በየጌዜው ቁጥራቸው እየጨመረ የሚመጣው የፖለቲካ ድርጅቶች መብዛት ለኢትዮጵያ ሕዝብ ሰላሙን እና ነጻነቱን ያመጣል የሚለው እመነቱ ባይኖረኝም ብዙም ተቀውሞ የለኝም :: ዋናው አላማ የወያኔን መንግስት ለመቃወም የተቋቋሙ የፖለቲካ ድርጅቶች ለተነሱለት ዓላማ በእውነተኛ ትግል ውስጥ  እስከሚገኙ ድረስ ምንም ጉዳት የለውም ::  ነገር ግን በአንዳንድ  የተቀዋሚ ፖለቲካ ድርጀቶች መካካል እየሆነ እና እያየነው ያለው ነገር አንባ ገነኑን የወያኔ ኢህአዲግን ስርአት ለመቃወም የተነሱ ማንኛውም የተቀዋሚ ድርጅቶች እራሳቸውን እንዲፈትሹ የሚገፋፋ ነገር ነው :: ይህን ያሉኩበትም ምክንያት አለኝ አንዳንዶች የፖለቲካ ድርጅቶች ለምን ዓላማ እንደተነሱ እንኮን የተነሱበትን ዓላማ የዘነጉት ይመስለኛል ምክንያቱም በአሁኑ ሰአት ሁሉም ሰው ሆነ ማንኛውም የተቃዋሚ ድርጅቶች ሊዋጋው እና ሊታገለው የሚገባ ትልቁ ቁጥር አንድ የኢትዮጵያ ሕዝብ ጠላት የወያኔ ኢህአዲግ መንግስት መሆን ሲገባው በአንዳንድ የተቃዋሚ ድርጅቶች እንደምናየው አንዱ የሌላውን ትግል ማንቆሸሽ እና ማጣጣል አላስፈላጊ እና ለነጻነት ለምናደርገው ትግል እንቅፋት የሚሆን ይመስለኛል::

በርግጥ በአሁኑ ሰአት ከሀገር ውጭ ሆነው እራሳቸውን መስዕዋት በማድረግ የወያኔን መንግስት እየተፋለሙ ያሉ ድርጅቶች ከሌሎች አጋሮቻቸው ጋር ጥምረትን በመፍጠር እና አብሮ በመታገል ዘረኛውን የወያኔን መንግስት በቁርጠኝነት እየተፋለሙት እና የወያኔን መንግስት እያስደነበሩት እንደለ የምንሰማው ዜና እሰየው የሚያስብል እና በርቱ የሚያሰኝ ቢሆንም ገና ግን ይቀራል ባይ ነኝ:: የጠላቴ ጠላት ወዳጂ ነው እንደሚባለው ማንም የፖለቲካ ድርጅት በማንኛውም መንገድ እና ማንኛውንም ስልት በመጠቀም ይሁን  የወያኔን እርኩስ ድርጊት ለመቃወም እስከተነሳ ድረስ ልንደገፈው እና ልናበረታታው ይገባል ባይ ነኝ :: እያንዳንዱ የፖለቲካ ድርጅት ወያኔን የሚታገልበት እና ወያኔን በመረጥኩት በዚህ መንገድ ብሂድ እና ብታገል እጥለዋለው ብሏ የሚያምንበት የእራሱ የሆነ እቅድ እና አላማ ሊኖረው ይችላል ነገር ግን ማንኛውም የተቃዋሚ የፓለቲካ ድርጅት በእኔ መንገድ እሳካልሂዱ ድርስ ብሎ ትክክል አንዳይደሉ መቁጠር  አግባብ የሆነ አይመስለኝም:: የትኛውም  የፖለቲካ ድርጅት በየትኛውም መንገድ ይሁን ይታገል እያንዳንዳችን ትኩረት ማድረግ ያለብን የጋራ ጠላታችንን የወያኔን መንግስት እና ስርዓት በጋራ ሆነን በአንድነት በመረባረብ ማስወገድ ለማያቋርጥ ሰላም እና ለዘለቂታዊ ነጻነት ወሳኝ ነው ባይ ነኝ:: በተናጥል እና እያንዳንዱ የተቃዋሚ ድርጅት ብቻውን የሚያደርገው ትግል የትም አያደርሰውም ምን አልባት ጊዚያዊ ድልን ሊያገኝ ይችል ይሆናል ግን ለአንዴ እና ለመጨረሻ ጊዜ ጨቋኙን የወያኔንን ስርአት አስወግዶ ዘለቂታ ያለው ሰላም እና ነጻነትን በሀገራችን ኢትዮጵያ ላይ ለማምጣት  በህብረት መታገል ይጠበቅብናል እያልኩኝ ይኼን አረመናዊ የወያኔን ስርዓት በጽናት እና በቁርጠኝነት እየታገላችው ያላችው የፖለቲካ ድርጅቶች የተነሳችውለት ዓላም የወያኔ ስርዓት እስኪወገድ ድረስ እጅ ለእጅ በመያያዝ በጋራ ትግላችውን አጠንክሩ ነጻነት እና ሰላም በሀገሩ ላይ የናፈቀው የኢትዮጵያ ህዝብ የወያኔ የዘር ፖለቲካ ሳይዘው አማራው ፣ጉራጌው፣ ኦሮሞው፣ ትግሪው፣ጋምቤላው ወዘተ ...... መላው የኢትዮጵያ ህዝብ ከጓናችው ይቋማል ባይ ነኝ::

ኢትዮጵያ በቆራጥ ልጆቿ ትግል ነፃ ትሆናለች!