ወያኔን አትንኩ የሳውዲ መንግስትን ተቃወሙ፣ ከመረቁ አቅርቡልኝ ከሥጋው ጾመኛ ነኝ

December 3, 2013
አዜብ ጌታቸው

ማቆሚያ ያጣው የክህደት – እርከን

የሳውዲ መንግስት በወገኖቻችን ላይ የፈጸመው ግፍና ኢ.ሰባዊ ተግባራት በመላው አለም የሚገኘውን ኢትዮጵያዊ ሁሉ አስቆጥቷል! አስቆጭቷል!።

ይህ በወገኖቻችን ላይ የተፈጸመው ግፍና በደል ብሄራዊ ውርደት እንጂ ተራ-ወንጀል አይደለም፡: ብሄራዊ ውርደት ደግሞ የደም- እዳ ነው!። በደም ሥሮቹ ዋሻ ኢትዮጵያዊ ደም የሚሹለከለክበት ዜጋ ሁሉ ይህን የደም-እዳ ሊጋራ ተፈጥሮ ግድ ይለዋል። ግድ የማይለው ካለ፦ እሱ አንድም ከተፈጥሮ እዝ ውጭ ነው። አልያም ኢትዮጵያዊ አይደለም። ከተፈጥሮ እዝ ውጭ የሆነ ፍጡር ሊኖር እንደማይችል ከግንዛቤ በማስገባት፤ ለግዜው ኢትዮጵያዊ አይደለም የሚለውን ይዘን እንጓዝ።

በህውሃት አስኳልነት የሚንቀሳቀሰው የወያኔ መንግስት እንደ መንግስት ላለፉት 22 ዓመታት በተለያዩ ግዚያት የሃገርን ህልውና የሚቧጥጡ ፤ የሕዝብን ደህንነት አደጋ ላይ የሚጥሉ፤ እንደ ግለሰብም የግለሰብ መብትን የገሰሱ እጅግ በርካታ ጥፋቶችን በጥናት ሲያከናውን ቆይቷል። የወያኔ መንግስት በህዝብ ላይ ቂም የሚይዝ ጉደኛ መንግስት ነው። የወያኔ መንግስት የሚያስተዳድረውን አገርና ሕዝብ የሚጠላ! ከዚህ በፊት በሃገራት ታሪክ ያልታየ ወደፊትም ሊታይ የማይችል የአለማችን ብርቅዬ  መንግስት ነው።

ወያኔ ይህን አደረገ ሲባል ሁሌ እንደነቃለን /SURPRISE/። ከዚህ በላይ ምንም አይነት ክህደት ሊፈጽሙ አይችሉም ብለን ስንደመድም እነሱ ግን የክህደታቸውን ደረጃ ከፍ አድርገው ያስደንቁናል/SURPRISE/
ድንበር ቆርሰው ለጎርቤት አገር ሰጥተው አስደነቁን/ SURPRISE/። ከዚህ በላይ ምን ሊመጣ ነው? ከዚህ በላይስ ምን ሊያደርጉ ይችላሉ? ብለን የድንበር መሬት ቆርሶ ለባዕድ መስጠት ማለት ከክህደቶች ሁሉ የከፋ የክህደት ጣራ ነው ስንል ደመደምን። ወያኔ ደግሞ የለም ይህ የመጨረሻው ክህደት አይደለም ። የድንበር መሬቱ ሲገርማችሁ እትብታችሁ የተቀበረበትን የመሃል አገር መሬታችሁንም ለውጭ ኢንቨስተር እንሸጣለን። እናንተንም አፈናቅለን ከነልጆቻችችሁ ጎዳና  እንጥላለን አሉና ስንቱን ጎጆ አፍርሰው ስንቱን አባ-ወራ ለጎዳና አዳሪነት ዳርገው አስደነቁን /SURPRISE/።

ቀጠሉም፦ የክህደት እርከናቸውን ብቻ ሳይሆን አድማሱንም አሰፉት። ከዓለማዊ (በህዝብና በሃገር ላይ ከሚፈጽሙት) ክህደት ወደ መንፈሳዊ ክህደት ተሸጋገሩ። የሃገር ቅርስ እያላችሁ የምትመጻደቁበትን ገዳም አርሰን ሸንኮራ እንዘራለን አሉ፡፡ የሙስሊሙን ወገን እውነተኛ መንፈሳዊ መሪዎች አባረው አብዮታዊ ዲሞክራት መሪዎችን አስቀመጡ።

መንፈሳዊው ክህደት ግን እንደ ዓለማዊው ክህደት እዳው ገብስ አልሆነላቸውም። መናንያኑ በሱባኤና በጸሎት ለአንድዬ ፋክስ ላኩ፤ ሼኮቹም በሰላት አላህን ምን እስክንሆን ነው የምትጠብቀው? አሉ። አንድዬ/አላህ ከብርሃን ፍጥነት በቀደም መልስ ሰጠ፡፤ ከሸንኮራውም ሆነ ከስኳሩ ቀድሞ “የህውሃቱ አንድዬ”ይሟሟ ዘንድ ማዘዣ ጻፈ!።ያም ግን የክህደታቸው እርከን መጨረሻ አልሆነም።

አሁን በቅርቡ ደግሞ የሳውዲ አረቢያ መንግስት በወገኖቻችን ላይ ግፍና በደል በፈጸመበት ቅጽበት  “የሳውዲ መንግስት ስደተኞቹን ማባረር መብቱ ነው” በማለት የክህደት እርከናቸውን ከፍ አድርገው አስደነቁን።/SURPRISE/
ነገ ደግሞ ከዚህ የባሰ ምን አይነት ክህደት ፈጽመው እንደሚያስደንቁን ማሰብም መገመትም የሚከብድ ይመስለኛል። እውነት! እውነት! እላችኋለሁ! እነሱ ግን እኛ ለማሰብና ለመገመት እንኳ የሚያዳግተንን ቀጣዩን የክህደት እርከን በማንጠብቀው ፍጥነት በተግባር ፈጽመው ዳግም ያስደንቁናል።

ይህ ሂደት ደግሞ እነሱ እስካልጠፉ ካልጠፉ ወይም ኢትዮጵያ የምትባል ሃገር እስካልጠፋች ቀጣይ ነው። የኛ ጫንቃ መሸከሙ ይክበደው እንጂ የነሱ የክህደት እርከን ከፍ እያለ መሄዱ አይቀርም።ፕሮፌሰር መስፍን የክህደት ቁልቁለት ያሉትን ልብ ይሏል።ለእኔ ግን የክህደት ዳግት …እየሆነ ነው።

ወደ ሁለተኛው የጽሁፌ ክፍል ልግባ፡ በሣውዲ አረቢያ በሚገኙ ወገኖቻን ላይ የተፈጸመው ግፍና አረመኔያዊ ተግባር ያስቆጣው በተለያዩ አገራት የሚገኝ ኢትዮጵያዊ በሚገኝበት ሃገር የሳውዲ ኤንባሲ እየተገኘ ተቃውሞውን በምሬት ገልጿል። በኔ እይታ ይህ በመላው አለም የሚገኘው ኢትዮጵያዊ ያሰማው ተቃውሞ ከዚህ በፊት በየትኛውም አገር ዜጋ በዚህ መጠንና ርብርብ የተደረገ አይመስለኝም። የምዕራቡ አለም ታላላቅ ሚዲያዎች ለጉዳዩ በቂ ሽፋን ሰጥተውት ቢሆን ኖሮ የኢትዮጵያዊያኑ ተቃውሞ ምን ያህል የአለማችን መነጋገሪያ ሆኖ በሰነበተ ነበር። ያም ሆነ ይህ በቂ ሽፋን ተሰጠውም አልተሰጠው የኢትዮጵያኑ ድምጽ ከፍ ብሎ ተሰምቷል።ውጤትም አስገኝቷል።

የሳውዲን መንግስት በመቃወም ረገድ ኢትዮጵያዊው ሁሉ አንድ ሆኖ ቆሟል። ለምን ቢባል ብሄራዊ ውርደት ነውና ! ብሄራዊ ውርደት ደግሞ ከላይ ለመግለጽ እንደሞከርኩት የደም እዳ በመሆኑ ኢትዮጵያዊ  ሁሉ ስሜቱ ሊነካ ግድ ብሏል።
ይህ ብሄራዊ ውርደት ያስቆጨው አብዛኛው ኢትዮጵያዊ ቁጣውን በሳውዲ መንግስት ላይ ብቻ አልገደበም። የአረብና የምዕራባዊያን ሎሌነቱን በተደጋጋሚ ባረጋገጠው የወያኔ መንግስት ላይ ጭምር እንጂ።ለምን ካልን? ይህ ብሄራዊ ውርደት እንዲፈጸም ምክንያት የሆነው ሃገርና ሕዝብ ጠሉ የወያኔ መንግስት በመሆኑ የሚል ነው መልሱ።

በተለያዩ ጸሃፍትና ሚዲያዎች ሲገለጽ የነበረውን መደጋጋም ባይሆንብኝ በሳውዲ የሚገኙ የበርካታ ሃገራት ዜጎች በሳውዲ መንግስት የተሰጠው የ7 ወር ግዜ ሳይጠናቀቅ ዜጎቻቸውን ወደ ሃገራቸው በመመለስ ከዚህ መሰሉ ችግር ታድገዋቸዋል። የወያኔ ባለስልጣናት ግን በተቃራኒው የኢትዮጵያዊያኑን ህገ-ወጥነት በመመስከር የተፈጸመውን ግፍ የተጋነነ እያሉ ሰነበቱ። በመሆኑም የኢትዮጵያኑ ቁጣ ከሳውዲ ባላነሰ በወያኔ መንግስት ላይ በረታ።ይህ ብቻ አይደለም፤ ሰማያዊ ፓርቲ በአዲስ አበባ ሳውዲ ኤንባሲ የጠራውን የተቃውሞ ሰልፍ የአጋዚ ታጣቂዎች በዘግናኝ ቅጥቀጣ በመበተን የወያኔ መንግስት በሳውዲ የተፈጸመብን ግፍ ተባባሪ መሆኑን አረጋገጠ። ይህም ደግሞ ኢትዮጵያዊያኑ በወያኔ መንግስት ላይ የሚያሰሙትን ቁጣ አጠናከረው።

ይህ በእንዲህ እያለ ተቃዋሚውን ኢትዮጵያዊ የተቀላቀሉ የወያኔ ካድሬዎችና ቅልቦች የሳውዲን መንግስት እንጂ ወያኔን መቃወም ትክክል አይደለም። ወያኔን አትንኩ ሳውዲን ብቻ ተቃወሙ በማለት ከመረቁ አቅርቡልኝ ከሥጋው ጾመኛ ነኝ ሲሉ እንደሰነበቱም ተመልክተናል።

እንደኔ እንደኔ እነዚህ ወገኖች የሳውዲ መንግስትን ለምን እንደሚቃወሙም የገባቸው አይደሉም። የማድረግ እንጂ የማሰብ ሃላፊነት ስላልተሰጣቸው አንዳንዴ የሚያደርጉትና የሚናገሩት ነገር ሲቃረን እንኳ አያስተውሉም።

ይህ ብሄራዊ ውርደት አለም አቀፍ መልክ መያዙ ወይም በውጭ መንግስት መፈጸሙ እንጂ ልዩ ያደረገው፤ የወያኔ  መንግስት በሃገር ውስጥ ባለው ዜጋና በሃገሪቷ ላይ ተደጋጋሚ ሃገርና ህዝብ አዋራጅ ተግባር ፈጽሟል።
እነዚህ የወያኔ ቅልቦች፦ በደል፤ ግፍና ግድያ ድንበር ዘለል እስካልሆነ ድረስ በሃገር ውስጥ በተፈጸመ ግድያና ክህደት ላይ ተቃውሞ ሊቀርብበት አይገባም እያሉ እንደሆነ የተረዱ አልመሰለኝም።

እነዚህ የወያኔ ቅልቦች፦ የሚያገባን ከሪያድና ከጅዳ የተባረረው ኢትዮጵያዊ ጉዳይ እንጂ  ከጉራ ፋርዳ በግዴታ የተፈናቀለው ኢትዮጵያዊ ጉዳይ የኛ ጉዳይ አይደለም እያሉ እንደሆነ የገባቸው አይመስለኝም።
እነዚህ የወያኔ ቅልቦች፦ የሚያንገበግበን በሪያድ ጎረምሶች የተደፈሩት እህቶቻችን ጉዳይ እንጂ በወያኔ ታጣቂዎች የተደፈሩት የተቃዋሚ ድርጅት አባላት ጉዳይ አያገባንም። ይህም ሲያንሳቸው ነው እያሉ እንደሆነ ያወቁ አልመሰለኝም። ለነገሩ የተሰጣቸው ሃላፊነት የማድረግ እንጂ የማሰብ አይደለምና ሊረዱም፤ ሊገባቸውም ሆነ ሊያውቁም አይችሉም።

ለነኚህ ወገኖች ላመላክት የምሻው (ማንበብ ከተፈቀደላቸው) የሳውዲ መንግስት እነሱ አትንኩብን ከሚሉት ከወያኔ መንግስት ምን ያህል የተሻለ መሆኑን ነው።

• በመጀመሪያ ደረጃ እኛ በሳውዲ መንግስት ላይ የተቆጣነው ወገኖቻችንን ከሳውዲ እንዲወጡ በማዘዙ አይደለም። የሳውዲ መንግስት ያንን ማድረጉ መብቱ ነው።  ቁጣና ተቃዉሟችን ትእዛዙን በአግባቡና ሰባዊ በሆነ መልክ ባለመፈጸሙ ነው፡፡ እንደሰማነው ደግሞ የሳውዲ መንግስት ስደተኞችን የሚያስወጣው ለዜጎቹ ስራ ዕድል ለመክፈት ነው፡፤ በአንጻሩ የወያኔ መንግስት ዜጎቹን ወልደው ከብደው ከኖሩበት ሃገር የሚያፈናቅለው ለውጭ ሃብታሞች የስራ ዕድል ለመስጠት ነው። ልብ ካላቸሁ ልዩነቱን ልብ በሉ ።የሳውዲ መንግስት ለዜጎቹ ሲል ስደተኛን አባረረ።ወያኔ ለውጭ ባለሃብት ሲል ዜጎቹን አፈናቀለ አሰደደ።

• ሴቶቻችን ላይ የመድፈር ወንጀል የፈጸሙት የሳውዲ ጎረምሶች እንጂ የሳውዲ መንግስት ፖሊሶችና ታጣቂዎች አይደሉም። ሃገር ውስጥ ባሉ በተቃዋሚ ድርጅት አባላት ላይ የመድፈር ወንጀል የሚፈጽሙት ግን መንግስት  ደሞዝ የሚከፍላቸው የስርአቱ አካሎች ናቸው።  ! ተደብቃችሁም ቢሆን ይህንንም አስቡ።

በቅርቡ ተክሌ የተባሉ አንድ ጸሃፊ ከወደ ካናዳ “…ሰልፋችንን ልንቀማ …” በሚል ርዕስ ለንባብ ያቀረቡት ጽሁፍም ይህንኑ የወያኔ ቅልቦች “የወያኔ መንግስት አይነካብን” ግርግር በስፋት ተመልክቷል። አቶ ተክሌ ስጋት አላቸው። ሰልፋንም ይቀሙናል የሚል።በርግጥም አንዳንድ ቦታ ተስክቶላቸዋል ተብሏል።ስኬት በምን እንደሚለካ ግልጽ ባይሆንም…በበኩሌ የአቶ ተክሌን ስጋት እጋራለሁም አልጋራምም።

የአቶ ተክሌን ስጋት እጋራለሁ

የወያኔ መንግስት ዲያስፖራውን ለመበተን ከፍተኛ ባጀት መድቦ በተለይ ወጣቶችን በልዩ ልዩ ጥቅማጥቅም በመደለል ወደ ሃገር ቤት ጠርቶ ስልጠና ሰጥቶ ሊያሰማራ መሆኑን ከሰማሁበት ቅጽበት ጀምሮ ይህ መንግስት እድሜው ካላጠረ መጪው ግዜ አስፈሪ መሆኑ ታይቶኛል።የኢትዮጵያዊነትን እሴቶች በአግባቡ ለመረዳት እድሉና አጋጣሚው (exposure) ያልነበረው በውጭው አለም ያደገ ትውልድ የወያኔ መንግስት እነኚህን እሴቶች ለማጥፋት የሚሄድበትን መንገድና ተንኮል እንዲረዳ አይጠበቅበትም። መኖሩን ስለማያውቀው ነገር መጥፋት ሊያውቅ አይችልምና።ይህን ክፍል እንደ አውቆ አጥፊዎቹ ጎልማሳና አዛውንት የወያኔ ቅልቦች ልንኮንነውም ሆነ በጥፋተኝነት ልንጠይቀውም ይከብደናል።

የወያኔ መንግስት እንኳን በውጭው አለም ለሚገኝ ወጣት ትውልድ ቀርቶ በሃገር የሚገኘውንም ወጣት በግሎባ ላይዜሽን ጥራዝ ነጠቅ ፍልስፍና በውጭው አለም ባህል፤ ሙዚቃ፤ አልባሳት፤ ፊልሞችና በመሳሰሉት ግሳንግሶች እያጠመደው እንደሆነ እያየነው ነው።በመሆኑም በተለይ በወጣቶቻችን ላይ ከፍተኛ ትኩረት መስጠት ይገባናል እላለሁ። በወጣቶች ጀርባ የሚንቀሳቀሱ ተባዮችን በማጋለጥ ወጣቱን ማንነቱን የማያውቅ ዜጋ ከመሆን ልንታደገው ይገባል። ይህ ወያኔን ከመቃወም እንቅስቃሴ ባላነሰ በትኩረት ሊሰራበት የሚገባ ተግባር ነው።የአቶ ተክሌን ስጋት የምጋራውም በዚህ ምክንያት ነው።

የአቶ ተክሌን ስጋት አልጋራም

የአቶ ተክሌን ስጋት የማልጋራው ደግሞ በአንድና አንድ ምክንያት ብቻ ነው። የወያኔ መንግስት ምንም እንኳ ከፍተኛ በጀት መድቦ ከዚህ ቀደም በነበረበት የጥንካሬ መሰረት ላይ ተመልሶ ለመቀመጥ እየተንደፋደፈ መሆኑ እውነት ቢሆንም ከውስጡ በተከሰቱና ከውጭም ባሉ ችግሮች እንደ አንጋሬ ተወጥሮ የሚገኝበት ወቅት ነው። በሚከተላቸው የተሣቱና የሃገሪቷን አቅም ያላገናዛቡ ፖሊሲዎች ምክንያት የተከሰተው የኑሮ ውድነት ከአጋዚ ሰራዊት ሰደፍ በበለጠ ህዝቡን እየደቆሰው ነው። ሙስሊሙ፤ ክርስቲያኑ፤ ገበሬው፤ የዩኒቨርሲቲ ተማሪው፤ መምህራኑ፤ ሰራዊቱ ….ሁሉም ውስጥ ቁስል አለ።ሁሉም ፍትኑን መድሃኒት ይሻል። መደሃኒቱ ደግሞ ወያኔን ማስወገድ ነው። ወያኔ እንደ መንግስት ደግፈው ያቆሙትን ምሶሶዎች አጥቷል፡፤ ከዚህ አንጻር የወያኔ ደጋፊዎች እንኳን የኛን ሰልፍ ለመንጠቅ ቀርቶ ራሳቸውም ከወያኔ ጓዳ ጓዛቸውን ጠቅልለው እብስ የሚሉበት ግዜ ሩቅ የሚሆን አይመስለኝም።

በዚህ ወቅታዊ ሁኔታ ላይ ተመርኩዤ የአቶ ተክሌን ስጋት  ስቃኘው ከኛ ይልቅ ወይኔ ነው መስጋት ያለበት ባይ ነኝ።

ይህን ስል ግን እጃችንን አጣጥፈን እየተመለከትን ወያኔ እንደ ባሉን ከሰማይ ወርዶ እግራችን ስር ፈንድቶ ይጠፋል በሚል ግብዝነት አይደለም። እንዲያውም ከመቼውም ግዜ በበለጠና በተለየ መልክ መንቀሳቀስና መስራትን የሚጠይቅ የታሪክ አጋጣሚ ላይ እንደምንገኝ አጽንኦት ሰጥቼ መግለጽ እሻለሁ።ምክንያቴም፦ የወያኔ መንግስት ከፍተኛው ስጋት የዲያስፖራው እንቅስቃሴ መሆኑ ግልጽ ነው። በመሆኑም የሚጨብጠው የሚይዘው ያጣው የወያኔ መንግስት ከፍተኛ በጀት የመደበበት ዲያስፖራውን የማዳከም የመበተን ከተቻለም የመቆጣጠር ፕሮጀክት በርካታ ወገኖችን ሊያነሆልል ስለሚችል ይህን እድል እንዳያገኝ በተደራጀ መልክ ልንቀሳቀስ ይገባልና ነው።

ምን ማድረግ ይገባናል?

ከዚህ በፊት የነበረው የተቃውሞ እንቅስቃሴ በዘፈቀደ የሚከናወን፤ በአብዛኛው የወያኔ መንግስት ለሚፈጽመው ኢሰባዊና ኢ.ዲሞክራሲያዊ ተግባራት የተቃውሞ ምላሽ መስጠትን ብቻ ያለመ ነው። አለፍ ሲልም የወያኔ የግፍ በትር ያረፈባቸውን ተጎጂ ዜጎች በገንዘብና በሞራል መርዳት ነው። አልያም በተቃዋሚነት ቆመው የሚታገሉ የተደራጁ ወገኖችን መርዳት ነው።  ይህ ብቻ ደግሞ የወያኔን መንግስት አውርዶ የምንናፍቀውን ዲሞክራሲያዊ ስርአት ለመገንባት የሚደረገውን ትግል ከግብ አያደርስም።

ከዚህ በኋላ በውጭው አለም ያለው የወያኔን መንግስት ብሄራዊ ጥፋት ለማስቆም የሚታገል ኢትዮጵያዊ ሁሉ! ሕዝባዊና አካባቢያዊ ድርጅት መፍጠር ይገባዋል፡፤ይህ ህዝባዊ ድርጅት ፡ ኢትዮጵያን እንታደግ የሚል አንድና ግልጽ አላማን ያማከለ የየትኛውም የፖለቲካ ድርጅትን ፕሮግራምና አቋም በተለይ የማይቀበል ወይም በተለይ የማይነቅፍ የፖለቲካ ድርጅት አባል የሆነው ያልሆነው በጸረ ወያኔ አቋሙ ብቻ ተመዝኖ የሚቀላቀልበት ሆኖ ተጠሪነቱም በዛው በተቋቋመበት ሃገር ላለው ኢትዮጵያዊ ብቻ የሆነ አደረጃጀት መከተል ይገባል።

እስካሁን ትግላችንን የጎዳው እርስ በርስ መጠራጠርና አልያም ግዴለሽነት በመሆኑ ይህ አዲስ አደረጃጀት ከምንም ነገር በፊት ቅድሚያ ሊሰጠው የሚገባው ፍጹም በሆነ መቀራረብና መተማመን ላይ የተመሰረተ አባላት ሊያከብሩት የሚገባ የዲሲፒሊንና የአሰራር ደንብ  አውጥቶ ተግባራዊ ማድረግ ነው።
ይህ ህዝባዊ ድርጅት አደረጃጀቱ እንደ እድርና ማህበር ሁሉ ሕዝባዊ መልክ ኖሮት እንቅስቃሴው ግን እንደ ፖለቲካ ድርጅት ልዩ ልዩ ንኡሳን ኮሚቴዎች የያዘ ሊሆን ይችላል።

ለምሳሌም የመረጃ  ክፍል፤ የዲሲፒሊንና ሥነ ስርአት ክፍል፤ የመድረክ ዝግጅት ክፍል፤ የፋይናንስ ክፍል፤ የአባላት ምልመላ ክፍልና ሌሎችም እንደአካባቢው ሁኔታ ሊኖሩ የሚገባቸው ክፍሎችን ማካተት ይችላል።

የመረጃ ክፍሉ፤  በአባላት መካከል የነቃ የመረጃ ልውውጥ የሚደረግበትን መንገድ እያመቻቸ በአካባቢው ያሉ የወያኔ ጀሌዎችን  ለይቶ በማወቅ የሚያደርጉትን እንቅስቃሴ ተከታትሎ የማጋለጥ ሚና ይጫወታል።

የዲሲፒሊን ክፍሉም በአባላት ቸልተኝነት የሚፈጠሩ ስህተትና ጥፋቶችን በአግባቡ በማረም የህዝባዊ ድርጅቱን ውስጠ ደንብ ተግባራዊነት ያረጋግጣል። መተማመን እንዲሰፍንና አባላት ለህገ ደንቡ ተገዢ እንዲሆኑ ያደርጋል።
የቅስቀሳና መድረክ ዝግጅት ክፍሉም የወቅቱ ሁኔታን አስመልክቶ ልዩ ልዩ መድረኮችን በማዘጋጀትና በማመቻቸት የአባላትን ሁለንተናዊ ግንዛቤ የሚያበለጽጉ ስራዎችን ይሰራል።ሌሎቹም ንዑሳን ክፍሎች እንደዛው የተሰጣቸውን ሃላፊነት ይመራሉ።
አደረጃጀቱ በተለይ በህቡ ቢሆን ጠቀሜታው የጎላ ይሆናል። ምክንያቱም በወያኔ ጀሌዎች የሚደረግን እንቅስቃሴ ለማክሸፍም ሆነ በየአካባቢው የሚኖሩ እንደ ቸርች ኢትዮጵያ ኮሚኒቲ የስፖርት ኮሚቴ የወጣቶች ኮሚቴ ፤ የሴቶች ኮሚቴ፤ የመሳሰሉትን ተቋማት ድምጽ ሳይሰማ ያለ ችግር መቆጣጠር ያስችለናል።

ይህ እንግዲህ ቀጣይ እንቅስቃሴያችንን በመንደፍ ረገድ እንደ መነሻ የቀረበ ሃሳብ ሲሆን፡፤ በጽሁፌ ላመላክተው የፈለኩት አብይ ጉዳይ ግን ከዚህ ቀደም ስናደርገው የነበረው የትርፍ ግዜ የዘፈቀደ “ሲያመች ብቻ” አይነት እንቅስቃሴ የትም እንደማያደርሰንና በአፋጣኝም ተቀራርበን ተማምነንና ተግተን የምንሰራበትን መንገድና ዘዴ መፈለግ እንዳለብን ነው። ይህን ማድረግ ካልቻልን የወያኔን ዘላለማዊ መንግስትነት የኛንም ዘላለማዊ ተቃዋሚነት ተቀብለን ሲገሉ እያለቀስን፤ ሲያስሩ እንዲፈቱ እየጠየቅን፤ ሲያፈናቅሉ ተፈናቃዩን እየረዳን፤ …. የራሳችንንም የሀገራችንንም መጨረሻ መጠበቅ ነው……
azebgeta@gmail.com

የኢህአዴግ የድርድር ጥያቄና የግል እይታዬ – ከፋሲል የኔዓለም (ጋዜጠኛ)

December 3/2013

አንድ፣ ኢሳት ፣ ኢህአዴግን እና ግንቦት7ትን የተመለከተ ዘገባ ካቀረበ በሁዋላ አንዳንዶች ዜናውን ሲጠራጠሩት ተመልክቻለሁ፣ ያሽሟጠጡም አልታጡም። መጠራጠርም፣ ማሽሟጠጥም የሰውልጅ ባህሪ በመሆኑ አልገረመኝም። ትንሽ የገረመኝ አንዳንድ “ጋዜጠኞች” መረጃውን ካገኙ በሁዋላ በራሳቸው መንገድ አጣርተው ሀቁን ማውጣት ሲችሉ እነሱም እንደሌላው መልሱን በማንኪያ እንዲቀርብላቸው መፈለጋቸው ነው። ጋዜጠኛ “ጥቆማ” ከተሰጠው ተመራምሮ፣ የምርምር ስራውን ይጽፋል እንጅ እንደ አንባቢ መልሱ ተዘጋጅቶ እንዲቀርብለት አይጠብቅም፣ ጥያቄ መጠየቅማ ማንም ይጠይቃል፣ ጋዜጠኛን ጋዜጠኛ ወይም ተመራማሪ የሚያደርገው ለጠየቀው ጥያቄ ላይ ታች ብሎ መልስ ማቅረብ ወይም በአሰባሰባቸው መረጃዎች ላይ ተንተርሶ ትንተና መስጠት ሲችል ነው ( በሁለተኛው መስፈርት መሰረት ተመስገን ደሳለኝን እና በእስር ላይ የሚገኘው ውብሸት ታየን አደንቃለሁ)።

ሁለት፣ ዜናውን እንደሰማሁ መጀመሪያ የመጣልኝ ጥያቄ “እና ምን ያስገርማል?” የሚለው እንጅ፣ “ድርድሩ የተጠየቀው መቼና በእነማን በኩል ነው?” የሚለው አልነበረም። የአለም የፖለቲካ ታሪክ በግጭትና በድርድር የተሞላ ነው። “ድርጅቶች ይጋጫሉ፣ ይደራደራሉ፣ ምን ያስገርማል?”፣ በፖለቲካ ትግል” በመቃብሬ ላይ ..” የሚባል ነገር የለም። “ለምን ሰበር ዜና ሆነ ታዲያ?’ እንዳትሉኝ፣ ሰበር ዜና ማለት አስገራሚ የሆነ ዜና ማለት አይደለም ።

ሶስት፣ ቀጥሎ የመጣልኝ ጥያቄ “ኢህአዴግ ከግንቦት7 ጋር መደራደር ለምን ፈለገ?” የሚለው ነው። ይህን ጥያቄ ለመመለስ ” የፖለቲካ ድርጅቶች የእንደራደር ጥያቄ የሚያቀርቡት መቼ ነው?” የሚለውን ማየት ነበረብኝ። የፖለቲካ ድርጅቶች በአብዛኛው ለድርድር የሚቀመጡት ህልውናቸውን ለማቆየት ወይም ተደራድሮ የሚገኝ ጥቅም ሳይደራደሩ ከሚገኝ ጥቅም ( ጉዳት) የተሻለ ሆኖ ሲያገኙት ነው። በዚህ ንድፈሀሳብ ላይ ተመስርቶ ኢህአዴግ እና ግንቦት7 አሁን ያሉበትን ቁመና መፈተሽ ይገባል። ኢህአዴግ ከመለስ በሁዋላ ኢህአዴግ አለመሆኑ ይታወቃል።ሊቀመንበሩ ድርጅቱን ይዞ ለመቀጠል ተቸግሯል፣ (ምናልባትም በቅርቡ ይፋ የሚሆኑ መረጃዎች እንደሚያመለክቱት ከፍተኛ የገንዘብ ችግር አጋጥሞታል)፣ የ ህዝቡ ልብ እንደሸፈተ አውቋል፣ ወጣቱ ለውጥ እንደሚፈለግ ተረድቷል፣ ሰራዊቱ የሚተማመንበት ሀይል እስኪያገኝ እንጅ እንደሚከዳው ተገንዝቧል። በአጠቃላይ መጪው ጊዜ ለኢህአዴግ ብሩህ አለመሆኑን ግንባሩ ጠንቅቆ ያውቃል። በዚህ አደጋ ውስጥ ሆኖ ጊዜ ለመግዛትና ድርጅቱን ለማጠናከር የድርድር ጥያቄ ቢያቀርብ አይገርምም።

ግንቦት7 ለኢህዴግ “አጣዳፊ ጠላት” (immediate threat) ሆኗል እያልኩ አይደለም፣ ነገር ግን እምቅ ጠላት ( potential threat) መሆኑን አልጠራጠርም ። አንድ ድርጅት ለሌላው ድርጅት አጣዳፊ ጠላት የሚሆነው ፣ አሁን ባለበት ሁኔታ፣ ከተቃራኒው ድርጅት የበለጠ ወይም ተመጣጣኝ የሆነ የሀይል ሚዛን ሲኖረው ነው። ግንቦት7 ኢህአዴግን ዛሬውኑ ለማስወገድ አይችልም ምክንያቱም ከኢህአዴግ የሚበልጥ ወይም ተመጣጣኝ የሆነ ሀይል የለውምና ፤ ነገር ግን በጊዜ ሂደት እንደሚያስወግደው መገመት ይቻላል፣ ከመለስ በሁዋላ ያለውን ሁኔታ ብታጠኑ የኢህአዴግ የሀይል ሚዛን ወደ ታች እየወረደ፣ በአንጻራዊ መልኩ የግንቦት 7 የሃይል ሚዛን ደግሞ ወደ ላይ እየወጣ ነው፣ የ ግንቦት7 መሪዎች በዚህ አመት የሀይል ጥቃት እንደሚጀመሩ አስታውቀዋል፣ በዚህ አመት ቀርቶ በሚቀጥሉት 3 አመታት ጥቃት ከፈጸሙ እያደጉ መሆኑን የሚያሳይ ነው ( 4 ፓይለቶች መክዳታቸውንም አንዘንጋ)። የፖለቲካ ሳይንቲስቶች እንደሚሉት ሁለት አይነት ሀይል አለ። አንዱ መቺው ሀይል ( hard power) ሲሆን ሌላው ደግሞ መለስተኛው ሀይል ( soft power) ነው። መቺው ሀይል የሚባለው ወታደራዊው ሀይል ነው። በዚህ በኩል ኢህአዴግ ከግንቦት7 በብዙ እጅ የሚልቅ ጉልበት አለው። ነገር ግን ግንቦት7ትም በዚያው ጎዳና እየተጓዘ መሆኑን መርሳት የለብንም።

መለስተኛ ሀይል (soft power) የሚባለው ደግሞ የፕሮፓጋንዳ መሳሪያዎችን፣ ጥራት ያለው የሰው ሀይልን ( መሪም ተከታይም)፣ ህዝባዊ ድጋፍ ፣ የካፒታል አቅም ፣ የቴክኖሎጂ ተጠቃሚነት የመሳሰሉትን ያካትታል። ግንቦት7 በዚህ በኩል ከፍተኛ ጉልበት መገንባቱን መመስከር ይችላል። ከኢህአዴግ ተመጣጣኝ የሆነ ካፒታል ባይኖረውም፣ ከሌሎች ድርጅቶች የተሻለ ካፒታል( ገንዘብ)እንደሚኖረው ከስራዎቹ መገመት ይቻላል ። የተማሩ ሰዎችን በመያዝ በኩልም፣ ከኢህአዴግ ቢበልጥ እንጅ አያንስም። በፕሮጋንዳውና በህዝብ ድጋፍ በኩልም እንዲሁ። እንዲያውም የግንቦት7 የፕሮፓጋንዳ ማሽኖች ከኢህአዴግ የተሻሉ ለመሆናቸው ብዙ አስረጅ አይጠይቅም፣ የግንቦት7 ራዲዮና ዌብሳይት እስከዛሬ ሳያቋርጥ እየሰራ ነው፣ ጠንካራ የፓልቶክ ደጋፊዎችም አሉት። ኢህአዴግ ራሱ የሚሰራላቸው ፕሮፓጋንዳም ቀላል አይደለም። ኢህአዴግ ቢያንስ በውጭ ያለውን ድጋፉን፣ በተለይም ለጀመራቸው የአባይ እና ተመሳሳይ ፕሮጀክቶች ማስፈጸሚያ ገንዘብ ለመለመን ሲል ግንቦት7ን ለድርድር ቢጠይቀው አይገርምም። ኢሳት የግንቦት7 ነው ብሎ ስለሚያስብም፣ ኢሳትን እንዲያስቆምለት ልደራደርህ ቢል አሁንም አይገርምም። (በኢሳት ላይ እንኳ ቀልድ የለም፣ መደራደር ከፈለገ ከኢሳት ጋር እንጅ ከግንቦት7 ጋር ሊሆን አይችልም፣ ምክንያቱም ግንቦት7 ስለኢሳት ምንም የሚያገባው ነገር የለምና፣ ከኢሳት ጋር ድርድር ከተጀመረም ለኢሳት የገንዘብ ድጋፍ በማድረግ ዙሪያ እንጅ፣ ከስራው ጋር የተያያዘ እንደማይሆን መቶ በመቶ እርግጠኛ ነኝ)

አራት፣ ኢህአዴግ ከግንቦት7 ጋር ብቻ ነው ወይ ድርድር የመረጠው? እኔ ባለኝ መረጃ ኢህአዴግ በእነ ፕ/ር ኤፍሬም ይስሀቅ በኩል ላለፉት 4 ወራት ከእነ አቶ ሌንጮ ለታ ድርጅት ጋር ሲነጋገር ነበር። ይህን ጠንቅቄ አውቃለሁ። ከኦብነግ ጋርም እንዲሁ ተደጋጋሚ የድርድር ጥያቄዎች ቀርበዋል። እነዚህ ድርጅቶች በፓርላማ “አሸባሪ” የተባሉ ናቸው። እና ለግንቦት7 ጥያቄ ቢያቀርብ ምን ይደንቃል? ፖለቲካ እኮ ፊት ለፊት የምትናገርውና በውስጥ የምታደርገው የተለየ ነው። That is politics. በነገራችን ላይ ” አንደኛው የአለም ጦርነት የተጀመረው በድብቅ በሚካሄድ ፖለቲካ የተነሳ ነው” ተባለና ፖለቲካ ግልጽነት እንዲኖረው ተብሎ አዲስ አስተሳሰብ ለረጅም ጊዜ ተራመደ። ፖለቲካ ግን ዛሬም ፊትና ጀርባ እንደያዘ ቀጥሎአል።

አምስት፣ “ጥያቄው በእነማን በኩል ቀረበ?’ የሚለውንም ለራሴ አንስቻለሁ። የድርጅቱ መሪዎች መልሱን ለመስጠት ፈቃደኛ አልሆኑም፣ ነገር ግን የራሴን ግምቶች አስፍሬአለሁ። አንድ፣ በቅርቡ በእነአቦይ ስብሀት የተመራ ቡድን አሜሪካ ከርሞ ሄዷል። ሁለት፣ ፕ/ር ኤፍሬም አሜሪካ ከርመዋል፣ ኦነጎችን ለማስታረቅም ላይ ታች ሲሉ ከርመዋል። ሶስት፣ በቅርቡ የአውሮፓ እና የካረቢያን አገሮች ስብሰባ በአዲስ አበባ ተካሂዷል፣ ብዙ ዲፐሎማቶችም አዲስ አበባ ነበሩ። አራት፣ ኖርዌይና ሆላንድ ሁሌም ተቃዋሚዎችን ለማቀራረብ ይሰራሉ። ይዋል ይደር እንጅ ትክክለኛውን መልስ እናገኛለን። መልሱ ግን ከጠቀስኳቸው ሰዎች ወይም አገሮች በአንዱ ሊሆን እንደሚችል እገምታለሁ። የእንደራደሩ ጥያቄ ለመቅረቡ ግን መቶ በመቶ እርግጠኛ ነኝ። እስከዛው እንደ ጋዜጠኛ መላ ምት በማስቀመጥ ምርምራችን መቀጠሉ ተገቢ ነው።

ስድስት፣ ግንቦት7 ለምን ይህን ድርድር ይፋ ማድረግ ፈለገ? ኢህአዴግ አስቀድሞ በኢቲቪ ” ከግንቦት7 ጋር ሲያደርግ የነበረው ድርድር ከሸፈ” ብሎ መግለጫ ቢሰጥ ምን ሊፈጠር እንደሚችል አስቡት? የግንቦት7 ደጋፊዎች የድርጅቱን መሪዎች በጥሩ አይን የሚያዩዋቸው አይመስለኝም፤ ግንቦት7ትም ውስጥ አለመተማመን ይፈጠርና ድርጅቱን ከሁለት ሊከፍለው ይችል እንደነበር መገመት ይቻላል፣ ዲሞክራሲያዊ ነኝ የሚል ድርጅት ከአባሎቹና ከህዝቡ የሚደብቀው ነገር መኖር የለበትም። ግንቦት7 በመግለጫው “ድርድር መደረግ ካለበት ከሁሉም ድርጅቶች ጋር ነው፣ ሁሉንም ነገር ግልጽ እናደርጋለን የምንደብቀው የለንም” ብሎአል። ትክክል ነው። እውነተኛ ድርድር ሲጀመር ለጊዜው ይፋ የማይወጡ ነገሮች ሊኖሩ ይችላሉ፣ ድርድር ተጠየቅሁ ብሎ መግለጫ መስጠቱ ግን የሚገርም አይመስለኝም። ግንቦት7 መረጃውን ከኢህአዴግ ቀድሞ ይፋ ማድረጉ ድርጅቱን ከመከፋፈል ማዳን ብቻ ሳይሆን ንቅናቄው ከኢህአዴግን አንድ እርምጃ ቀድሞ የ ሚያስብ መሆኑን ለማሳየትም ጠቅሞታል።

በአገር ውስጥ ያሉ ጋዜጠኞች በኢህአዴግ በኩል ያለውን መልስ ይዘውልን እንደሚቀርቡ ተስፋ እናድርግ።

ሳውዲ አረቢያ ጎዳና ላይ የኢትዮጵያውያን ደም ብቻ ነው የሚፈሰው

December 3/2013

ሳውዲ አረቢያ ጎዳና ላይ የኢትዮጵያውያን ደም ብቻ ነው የሚፈሰው፡፡ የሚያለቅሱትም ኢትዮጵያውያን ሆነዋል፡፡ ኦጋዴን ታነባለች፤ ጋንቤላ ውስጥ ተወላጆቹ ለአረቦቹ እትብታቸው የተቀበረበትን መሬት ትተው እየሸሹ ነው፡፡ በኦነግ ስም መታሰር አሁንም እንደቀጠለ ነው፡፡ ቀድሞ የታሰሩትንም ማዕከላዊ፣ ዝዋይ፣ቃሊቲ….እየማቀቁ ነው፡፡ ከየ አካባቢው ኢትዮጵያውያን መሬታችሁ አይደለም ተብለው ያፈሩትን ተነጥቀው እየተባረሩ ነው፡፡ ሙስሊሞቹ ታስረዋል፡፡ መስጊድ ውስጥ ፖሊስ ገብቷል፡፡ ገዳማት ለሸንኮር አገዳ ተከልለዋል፡፡ ወጣቱ ስራ አጥቷል፡፡ ተቃዋሚዎችና ጋዜጠኞች ‹‹አሸባሪዎች›› ተብለው እየተሰቃዩ ነው፡፡ ህገ መንግስቱን ጠቅሶ መብትን ማስከበር ያስደበድባል፡፡ ያሳስራል፡፡

ኢትዮጵያ እንዲህ ሆነች፡፡ እምነት ምኑም ባይሆን በኢኮኖሚው ያስለቅሱታል፡፡ ከእነሱው ተጠግቶ ለኢኮኖሚው ግድ ባይኖረው በእምነቱ ይመጡበታል፡፡ ይህንም ቢሆን ‹‹ዝም›› ብሎ ቢያልፍ እህቱ ሳውዲ ውስጥ ተደፍራ ስትሞት ‹‹ህገ ወጥ ስለነበረች ነው›› ይሉታል፡፡ ለዚህ ሰቆቃ ሰላማዊ ሰልፍ ሲወጣ ይደበደባል፡፡ ይታሰራል፡፡ ብቻ በአንድም ሆነ በሌላ ኢትዮጵያ ታነባለች፡፡ የሚያሳዝነው ግን እንዲህ እያነባች መጨፈሯ ነው፡፡

አንድ የአማርኛ ፊልም ላይ ነው፡፡ ተዋናዮቹ ‹‹ጥሮ ግሮ›› የሚለውን ቃል ወደ እንግሊዘኛ ለመተርጎም ሞክረው መጣር መጋር በኢትዮጵያ እንጅ ሌላ አገር እንደሌለ አምነው ይተውታል፡፡ እንደ እኔ ኢትዮጵያ እያነባች የምትዳንስ ብቸኛዋ አገር ትመስለኛለች፡፡ እያነቡ እስክስታ የእኛው ብቻ መገለጫ ይመስለኛል፡፡ ሰቆቃ ተለይቷት የማታውቀው አገር እያረረች ትስቃለች፣ እያነባች እስክስታውን ታስነካዋለች፡፡ ይህ የሚደረገው በገዥዎቿ ትዕዛዝ ቢሆንም የሚያለቅሱትም የሚዳንሱትም ግን ምስኪኖቹ ህዝቦቿ ናቸው፡፡

በአሁኑ ወቅት ‹‹ብሄር ብሄረሰቦችና ህዝቦች›› ለህዳር 29 ዳንስ እየተለማመዱ ነው፡፡ ይህ ሁሉ በሆነበት ‹‹ብሄር ብሄረሰቦችና ህዝቦች›› የሚባሉት በተድላና በደስታ እንደሚኖሩ ሲነገር ኢትዮጵያዊ መሆናቸውን እየራጠራለሁ፡፡ አንዳንዴ ደግሞ ህቡዕ ይሆኑብኛል፡፡ መቼም ብሄር ብረሰቦችና ህዝቦች የሚባሉት ሳውዲ፣ ኦጋዴን፣ ጉራፈርዳ፣ ነቀምት፣ አዲስ አበባ……ኢትዮጵያ ውስጥ የሚሰቃዩትን ውጭ ሊሆኑ አይችሉም፡፡ ሳውዲ ውስጥ እህቱ የሞተችበት እንባውን በቅጡ ሳይጠራርግ ይጨፍራል፡፡ መሬቱን የተነጠቀው፣ ወንዱሙ የታሰረበት፣ ከክልል የተባረረ…..እርር ድብን እያለም ቢሆን በትዕዛዝ እስክስታውን ይመታል፡፡ እያረረ ይስቃል፡፡

ህዳር 29ኝም ሆኑ ሌሎቹ በዓላት ለእኔ እንደዚህ ናቸው፡፡ ቋንቋህ ተከብሮልሃል ተብሎ መብቱን በአፍ መፍቻው መናገር ሳይጀምር ሰቆቃ የደረሰበት ህዝብ፣ የብሄርን መብት ተከብሮልሃል ተብሎ ከስም ያላለፈ ጥቅም ያላገኘ ‹‹ብሄርና ብሄረሰብ›› ከልቡ የሚያከብረው በዓል ሊሆን አይችልም፡፡ አዎ ህዳር 29 መብገኛ፣ እያረሩ የሚጨፈርበት፣ ህገ መንግስታዊ መብት ከጭፈራና ማስመሰል ያለለፈበት እያረሩ የሚስቁበት ቀን ነው፡፡

የምስራቅ ኢትዮጵያ ፖለቲካ (ተመስገን ደሳለኝ)

December 3/2013

…አውሮፕላኑ ቅዳሜ ጠዋት ሶስት ሰዓት ላይ ድሬዳዋ አየር ማረፊያ ደርሶ ከተርሚናሉ ስወጣ፣ ተጠራጥሬ ሰዓቴን ተመለከትኩ፤ የድሬ የጠዋት ፀሐይ ከተለመደው ንዳዷ ጋር የአዲስ አበባን የቀትር መራራ ፀሀይን ታስከነዳለች፤ እናም አጥበርባሪ ጨረሯን ያለምህረት ስትለቅብኝ፣ ጓደኛዬ መኪና ይዞ እቦታው እስኪደርስ መጠበቁ በገዛ ፍቃድ መለብለብ ስለመሰለኝ፣ በቀጥታ ከተደረደሩት ታክሲዎች አንዱን ይዤ ወደ ከዚራ አመራሁ፤ ድሬ የሄድኩት በዋናነት ከማህበራዊ ጉዳይ ጋር በተያያዘ ምክንያት በመሆኑ ሊቀበለኝ የተዘጋጀውን ጓደኛዬን ደውዬ ከማውቃቸው የአንዱን ሆቴል ስም ጠቅሼ እዚያ እንድንገናኝ ነገርኩት፡፡

የሆቴሉ ፍተሻ ከወትሮው ጠንከር፣ ጠጠር ያለ በመሆኑ ትዕግስትን ይፈትናል፡፡ እንዲህም ሆኖ ወደ ውስጥ ስንዘልቅ ማረፊያ ክፍሎች በሙሉ መያዛቸው ተነግሮን ቀኝ ኋላ ለመዞር ተገደድን፤ ይሄኔም ነው የጓደኛዬ ፊት ልውጥውጥ ሲል ያስተዋልኩት፤ ጭንቅላቴን በማነቃነቅ በምልክት ምን እንደተፈጠረ ጠየኩት፤ ለአፍታ አመንትቶ ከፊት ለፊታችን በግምት አስር ሜትር ርቀት ላይ ወደቆሙ ሁለት ሰዎች ጠቆመኝ፤ ልብ ብዬ አየኋቸው፤ ሁለቱንም ከዚህ ቀደም አይቻቸው አላውቅም፤ ደግሞም በዙሪያችን ከሚርመሰመሱ ሰዎች የተለየ ምንም አይነት ሁኔታ ላስተውልባቸው አልቻልኩም፤ እናም ወደ ጓደኛዬ ዞሬ በግርታ ግንባሬን ቋጥሬ ጥያቄ በተሞላ ዓይን አተኮርኩበት፤ ጓደኛዬም ከሁኔታዬ እንዳልገባኝ ተረድቶ ከሹክሹክታም ዝቅ ባለ ድምፅ ‹‹ደህንነቶች ናቸው፣ እየተከታተሉህ ነው›› አለኝ፤ ቢሆኑስ ታዲያ!? በግዴለሽነት ትከሻዬን እየሰበቅሁ ‹‹ለራሳቸው ጉዳይ መጥተው ሊሆን ይችላል›› ብዬው ወደ ሌላ ሆቴል አቀናን፤ እዛም የተለቀቀ ክፍል አለመኖሩ ተነግሮን ፊታችንን ከእንግዳ መቀበያው ‹‹ዴስክ›› ዘወር ስናደርግ እነዛ ‹ደህንንቶች› ቆመው ተመለከትኳቸው፡፡ አሁን ከልምዴ በመነሳት ክትትል ሊሆን እንደሚችል ለማመን በተቃረበ ጥርጣሬ ተውጬ ሌላ ሆቴል ደርሰን ክፍል ጠየቅን፤ በለስ ቀናንና የሆቴሉን መስፈርት አሟልቼ ሳበቃ ጓደኛዬን ቡና ቤቱ ውስጥ እንዲጠብቀኝ አድርጌ፣ ክፍሉን ከተረከብኩ በኋላ ሻንጣዬን አስቀምጬ፣ ገላዬን ተለቃልቄ፣ ልብስ ቀይሬ ደረጃውን መውረድ እንደጀመርኩ ከሰዎቹ ጋር ፊት ለፊት ተገጣጠምኩ፡፡ የጭንቅላት ሰላምታ ሰጥቼ አለፍኳቸው፤ ምላሽ የለም፤ ፈገግ አልኩ፡፡ ከወዲሁ የሰሞኑ ምስራቅ ኢትዮጵያ አክራሞቴ ምን ሊመስል እንደሚችል አሰብኩና፣ በልጅነቴ ከሰፈር ማቲዎች ጋር የምንጫወተውን የአኩኩሉ ድብብቆሽ አስታውሼ፣ በድጋሚ ለራሴ ፈገግኩ፡፡
ገና ከአዲስ አበባ ስነሳ ማህበራዊ ጉዳዬን ስጨርስ የድሬዳዋ፣ ሐረር እና ሶማሌ ክልልን ወቅታዊ የፖለቲካ ትኩሳት ለማዳመጥ ለተጨማሪ ስድስት ቀናት የሚያቆይ ፕሮግራም አስቀድሜ ይዤ ነበር፤ ከአራት ቀን ቆይታ በኋላም ቀጥታ ወደዚሁ ስራዬ ነበር የገባሁት፡፡ ለጉዳዩ ትኩረት እንድሰጥ ያደረገኝ በቅርቡ ሐረር ከተማ ውስጥ በተከበረው ‹‹የዓለም የመቻቻል ቀን›› ላይ በክልሉ የተንሰራፋው መድልዎና የሐብሊ ተፅዕኖ ተደብቆ፣ ፍትሐዊ አስተዳደር የሰፈነ ለማስመሰል መሞከሩ፤ እንዲሁም ህዳር 29 ቀን በሶማሌ ክልል ዋና ከተማ ጅጅጋ (ጅግጅጋ) የሚከበረውን ‹ስምንተኛው የብሔር ብሔረሰብ ቀን›ን አስመልክቶ አካባቢውን ከዋጠው ስጋት በተቃራኒው መንግስት እየነዛ ያለው የሀሰት ፕሮፓጋንዳን ከተጨባጩ እውነታ ጋር ለመፈተሽ ፍላጎት አድሮብኝ ነው፡፡

ፊታችሁን ወደ ምስራቅ…

ምስራቅ ኢትዮጵያ ከሀገሪቱ የ3ሺ ዓመት ታሪክ ዕኩሌታውን ሰላምና መረጋጋት የተሳነው ከመሆኑም በላይ፣ ለማዕከላዊ መንግስት የስጋት ምንጭ ሆኖ ነው ዛሬ ድረስ የቀጠለው፡፡ ከአቶማን ተርኪሽ ወታደሮች እስከ አል-ሸባብ ሰርጎ ገቦች ድረስ መተላለፊያ ‹‹ኮሪደር›› ሆኖ አገልግሏል፡፡ በተለይም የኢትዮጵያ ሶማሊያውያን የዘር ግንድ ከጐረቤት ሀገራት ሶማሊያና ጅቡቲ ጋር የሚተሳሰር መሆኑና የሃይማኖትና የኢኮኖሚ ምንጭም ተመሳሳይነት አካባቢውን በበቂ ደረጃ ለመቆጣጠር አስቸጋሪ እንዳደረገው የፖለቲካ ተንታኞች ያምናሉ፤ ነዋሪዎቹ በቀላሉ ከአንዱ ሀገር ወደ ሌላው እየተዘዋወሩ የሚኖሩ መሆናቸውም ሌላው ችግር እንደሆነ ይጠቀሳል፡፡ ቅኝ ገዥዎቹ የአውሮፓ ሀገራት በበኩላቸው አካባቢውን ‹ፍሬንች ሶማሌ ላንድ›፣ ‹ብሪታኒያ ሶማሌ ላንድ› እና ‹ኢታሊያ ሶማሌ ላንድ› በሚል ከፋፍለው ማስተዳደራቸው፣ ከሶማሊያ ነፃነትም በኋላ የሞቃዲሾን ቤተ-መንግስት የተቆጣጠሩ ገዢዎች ‹ታላቋን ሶማሊያ እንመሰርታለን› በሚል ቀቢፀ ተስፋ ከአንድም ሶስቴ የኢትዮጵያን ወሰን ተሻግረው የኃይል ወረራ መፈፀማቸው የአካባቢውን ውጥረት ይበልጥ አባብሶት ነበር፤ ከዚያም ባሻገር የዚያድባሬ ሶማሊያ መፈራረስም የቀጠናውን ሠላምና ፀጥታ ከድጡ ወደ ማጡ አድርጎታል፡፡

በዚህ ሁሉ ከባቢያዊ ውጥረት እየታመሰ እስከ 1983 ዓ.ም. ድረስ በአንድነት በሐረርጌ ክፍለ ሀገር ስር ሲተዳደር የቆየው የምስራቁ የሀገራችን ክፍል፣ ኢህአዴግ ወደ ስልጣን ሲመጣ ባነበረው ‹‹ፌደራሊዝም›› በሶስት ሊከፈል ችሏል፤ ‹‹የሶማሌ እና ሐረር ክልል›› እንዲሁም ‹‹የድሬዳዋ አስተዳደር›› በሚል፡፡ ይህ ሁኔታም ከዚህ ቀደም በውጭ ተፅዕኖ ይተራመስ የነበረውን ‹ጂኦ-ፖለቲክስ› ብሔር ተኮር ለሆነ ተጨማሪ አዲስ ቁርቁስ አጋለጠው፡፡ በአናቱም ከቅርብ ጊዜ ወዲህ በተለይ ኦጋዴን፣ ጎዴ፣ ደጋሀቡር፣ ቀለፎን የመሳሰሉ ከተሞች ክልሉን ‹እንገነጥላለን› የሚሉት የኦጋዴን ብሔራዊ ግንባር ታጣቂዎች መርመስመሻ መሆናቸው አካባቢውን የስጋት ቀጠና አድርጎታል፤ ይህንን ጉዳይ በተመለከተ ድሬዳዋ ላይ ያነጋገርኳቸውና በሽግግር መንግስቱ ወቅት የአስተዳደሩ አባል የነበሩ አቶ ኡስማን (ለዚህ ፅሁፍ ስማቸው የተቀየረ) ‹‹የዚህ ሁሉ ተጠያቂ ለጣልቃ ገብነቱ ያልተመቹትን የአካባቢው ልሂቃን ‹ለወረራ የመጡ የዚያድባሬ መኮንኖች› እያለ አሸማቅቆ ከፖለቲካው ገፍቶ በማስወጣት ክልሉን ዛሬ ላለው ደካማ አስተዳደር የዳረገው ኢህአዴግ ነው›› ይላሉ፡፡ በግልባጩ የፌዴሬሽን ም/ቤት አፈ-ጉባዔ ካሳ ተክለብርሃን የተገፉት ሰዎች ኢትዮጵያዊ አለመሆናቸውን ለ‹‹ዘመን›› መፅሄት የገለፀው እንዲህ በማለት ነበር፡-

‹‹ሶማሊያ የፈራረሰበት ወቅት ስለነበር በጣም ትላልቅ የሶማሊያ ተፈናቃዮች የሰፈሩባቸው ካምፖች ነበሩ፡፡ እንደሚታወቀው ኢትዮጵያ አንዱ የስደተኞች ካምፕ የነበረባት አገር ነበረች፡፡ በተለይ አርትሼክ አካባቢና ሌሎች አካባቢዎችም ትልልቅ ካምፖች ነበሩ፡፡ በዚህ ጊዜ የመጡ የዚያኛው ሶማሊያ መኮንኖች፣ ሲቪል ሰራተኞች ኢንጂነሮችና ፓይለቶች ነበሩ፤ በአካል ያገኘናቸው የምናውቃቸው እነዚህ ከኢትዮጵያ ሶማሌ ጋር የሚለያቸው ነገር ስላልነበረ በአብዛኛው በስደተኛነት ከመጡ በኋላ የአካባቢውን የፖለቲካ ስልጣኑንም ያደራጁት እነሱ ነበሩ፡፡ አንዱ ትዝ የሚለኝ ይሄ ነው፡፡ ይሄንን የኢህአዴግ ሰራዊትና ከላይ የሄደው የኢትዮጵያ ሰራዊት ሊለየው አይችልም ብቻ ሳይሆን ያ የመጣውን እንዳለ የሚያቅፍ ሁኔታ ነው የነበረው በአካባቢው፡፡ ስለዚህ ለረጅም ጊዜ ያ ኃይል ነው እንግዲህ አዲስ በተፈጠረው አጋጣሚ የታላቋ ሶማሊያን አስተሳሰብ የኢትዮጵያ ሶማሊያ ላይ ለመዝራት ትልቅ ጥረት ያደረገው››

ይህ ክርክር በራሱ ኢህአዴግ ‹‹ፊታችሁን ወደተረጋጋችው ምስራቅ ኢትዮጵያ (ሶማሊ ክልል) መልሱ›› ያለበት አውድ የተለመደው የቅጥፈት ፕሮፓጋንዳ እንጂ አካባቢው የጦርነት ወረዳን ያህል የሚያሰጋ መሆኑን ያመላክታል ፡፡ እናም ከአርቲስቶች እና ጋዜጠኞች እስከ ምክትል ጠቅላይ ሚኒስትር ደመቀ መኮንን ፊት-አውራሪነት የተካሄደው የጉብኝት ፕሮግራም፣ መንግስት ምንም እንኳ የህዝቦችን አንድነት ‹የማጥበቅ ዕቅድ› የሚል የዳቦ ስም ቢሰጠውም፣ ‹ሶማሌ ክልል ፍፁም ሰላም ነው› የሚል የሀሰት ፕሮፓጋንዳን ለመንዛት መሆኑን ለመረዳት በአካባቢው ያለውን የፀጥታ አጠባበቅ ብቻ መመልከቱ በቂ ይመስለኛል፡፡

የቦምባስ ዕገታ

ዘንድሮ ለስምንተኛ ጊዜ ‹‹ሕገ-መንግስታችን ለህዳሴያችን›› በሚል መሪ ቃል የሚከበረው ‹‹የብሔር ብሔረሰቦች ቀን›› በሶማሌ ክልል ዋና ከተማ ጅጅጋ በመሆኑ በአካባቢው ያለውን የፖለቲካ ትኩሳት ለመለካት ረቡዕ ህዳር 11 ቀን 2006 ዓ.ም. ወፍ ጭጭ ሳይል ነበር ድሬዳዋን ለቅቄ ወደ ሐረር ጉዞዬን የተያያዝኩት፡፡ ይህንን ሰዓት የመረጥኩት ከቅርብ ጊዜ ወዲህ አዲስ አበባ ላይ እንኳ ጋብ እየለ የመጣውን የደህንነት ሰራተኞች ክትትል ድሬዳዋ ላይ በየደረስኩበት ሲያንዣብብብኝ፣ በማስተዋሌ፣ ምናልባት ከዕይታ ውጪ መንቀሳቀስ ብችል በሚል እሳቤ ነበር፡፡ መኪናው ከአንድ ቀን በፊት የተከራየሁትና ድሬ ውስጥ ያልተጠቀምኩበት በመሆኑ፣ በስጋት የሚንጠውን የደንገጎ አቀበትም ሆነ ጥንታዊቷን ሐረር ከተማ አቋርጠን እስክናልፍ አንዳች ችግር አላጋጠመንም፡፡ ይሁንና ከሐረር በግምት 80 ኪሎ ሜትር ያህል ርቀት ላይ በሶማሊያ ክልል የምትገኘው ቦምባስ ከተማ ደርሰን ጥቂት እንደተጓዝን፣ መኪናውን ዳር አስይዞ እንዲያቆም አንድ የትራፊክ ፖሊስ ለሹፌሩ የእጅ ምልክት አሳየው፤ ይሄኔም ነው ድሬ ላይ እንደ ተሰወርኩባቸው እርግጠኛ ሆኜ በልቤ ከሳቅኩባቸው ሁለቱ ሰላዮቼ ጋር ፊት ለፊት የተፋጠጥነው፡፡ ለመጀመሪያ ጊዜ ስሜን ጠርተው አነጋገሩኝ፤ እኔም ከምንም ነገር በፊት መታወቂያቸውን እንዲያሳዩኝ ጠየቅኩ፤ ሳያቅማሙ አሳዩኝ፤ ወዲያውኑም የአፍ መፍቻ ቋንቋው አማርኛ እንዳልሆነ የአነጋገር ዘዬው በግልፅ የሚያስታውቀው አንደኛው የደህንነት አባል፣ ከዚህ በላይ ጉዞውን መቀጠል እንደማልችልና በቀጥታ ወደ ድሬዳዋ መመለሱ እንደሚጠቅመኝ ሊነግረኝ ሞከረ፡፡ ከመገረሜ ብዛት ንግግሩን ለመረዳት ጥቂት ሰከንዶች ፈጅተውብኝ ነበር፡፡ መቼም ይህ ሰው ቀልደኛ መሆን አለበት! አለዛ በገዛ ሀገሬ የት ድረስ መሄድ ወይንም የት ቦታ ጉዞዬን መግታት እንዳለብኝ ሊወስንልኝ ባልደፈረ ነበር፤ ሆኖም ንዴቴን ዋጥ አድርጌ ምን ማለት እንደፈለገ እንዲያስረዳኝ በትህትና ጠየኩት… ይኼኔ ጓደኛው ጣልቃ ገባና ወደ ጅግጅጋ ለመሄድ ማሰቤን እንደደረሱበትና ወደ ከተማው እንድገባ እንደማይፈቅዱልኝ ቆጣና ኮስተር ብሎ አሳወቀኝ፡፡ እኔም ፈርጠም ብዬ እዚህ ድረስ መጥቼ ጅጅጋ ሳልደርስ እንደማልመለስ ቁርጡን ነገርኳቸው፡፡ ቃለ-ምልልሱ እየከረረ ሲሄድ ማስፈራራቱን ወደ ሹፌሩ አዞሩትና በብርቱ ያዋክቡት ያዙ፤ ይህ ድርጊታቸው ያልጠበቅኩት በመሆኑና የሹፌሩንም ምላሽ አለማወቄ መጠነኛ ድንጋጤ አጫረብኝ፡፡ እንደገመትኩትም ሁኔታውን በፍርሃት ተውጦ ይከታተል የነበረው ሹፌር ትንሽ እንኳ ሳያንገራግር መኪናውን ቆስቁሶ ወደ ሐረር አዞረው፡፡

‹‹ምን ሆነሃል?›› አልኩት በንዴት ጮኽ ብዬ፡፡

‹‹ወንድሜ እኔ ቤተሰብ የማስተዳድር ሰው ነኝ፡፡››

Are Medias infected by Woyane disease or simply jiving?

December 2, 2013

Bravery is a trait that is much needed in Media-journalism than any other occupation. Confronting tyranny with bare hand not only require bravery but, principled stand on public interest. When Eskider Nega  and Reyot Alem and many more before them face-off ethnic tyranny that cause so much pain and suffering bare hand on the battle ground there is no whatsoever excuses for anyone in a distance places to decompose their responsibility to the people and stand tall

Every week I glance through all Ethiopian online Medias to catch up with what is happening to my people and country. Beside ESAT and a few online Medias as my primary source of daily news, I take a pick over the rest not so kosher sites to see how far they drift to divert the burning issue of our people for whatever reason they do it.

Naturally, no one have much expectation from the official TPLF’s pimps for doing the job they are paid to recycle rubbish everyday of the year.  After all they accepted they can’t rise up out of rubbish recycling business. I can understand the motivation to take the low road and to remain down there for too long. But, the real problems are the rest of Medias that claim to be free but drift allover the map aimlessly; distracting the struggle to rid the ethnic tyranny we are condemned under.

After observing the online Medias for extended period I came to conclusion that, either they are infected with Woyane disease or simply jiving us on their responsibility. It could also be their ambition clouding their mind to use Media as a vehicle to achieve their other agenda.

First thing is First

When it comes to real Media, for that matter political party or civic organization the ultimate measure is how intensely they go after things that are important for the public interest. And, what is important is not what tyranny claim it did or does to jive the public to stay uninvited.

Therefore, if people are under tyrannical rule like we Ethiopians are, Free Media duty is to go after the brazen ruling regime that is killing and robbing our people. Likewise, if people are under democratic rule like Americans are, it is to go after the elected representatives to see if they are doing the job they elected to do or goofing around to fill their pocket book with corruption.

It might sound too idealistic for some of our contemporary elites that made public interest an academic or ideological exercise to generate paper in abandoning our people for tyranny or foreign perks they can put their hands on. But, many brave souls stood firm for the public interest and made it possible for their people to live free of tyranny.  Ethiopians have our own brave souls on the frontline that paid and paying with their lives and limbs as a vanguard of the people’s interest. If only we all back them up to free us from tyranny.

Unfortunately, those that can’t tell the difference between public interest and petty interest became noxious in society to prolong the life of tyranny. Therefore, in tyranny ruled nation like Ethiopia there is absolutely noting better for any Media, political party or organization as important as going after tyranny until it unconditionally surrenders for the people will.

Thus, when one observe reports, news pieces or anything that resemble recycled rubbish that shouldn’t belong in any self-respecting ‘Free Media’ we can’t help but say it isn’t kosher and make sure it never get away.

What isn’t KOSHER?

The very meaning of ‘Free Media’ is to be the adversary of tyranny period. In other word, the first and only priority of Free Media is to be the vanguard of the public interest. Thus, rejecting anything tyranny isn’t only a duty but the guiding principle that drives Free Media. Therefore, entertaining direct and indirect rubbish coming out of tyranny isn’t only kosher but, in bad taste; if not a crime against the public interest.

Let’s take few examples of not so kosher way of massaging rubbish and presenting it as worthy news.  Content sourced from tyranny via a third party or unverifiable sources’ with off the wall story and the untimely content that distract from the pressing issue are some of the  substandard news to qualify for Free Media reporting that doesn’t worth the ink and space wasted on it.

For example ‘India can partner Ethiopia in space technology’ by IANS (Indo-AsianNews Service).

It says

‘Addis Ababa, Nov 28 (IANS) With Ethiopia launching a new space programme last month, India can have a promising partnership with Africa in this frontier technology, India’s outgoing ambassador here has said’

It goes on to say… can…should…would… with absolutely no verifiable value worthy of news. It is also tacky for a Media to provide a personal Gmail contact; ‘Hadra Ahmed can be reached at hadraahmed@gmail.com’ (It isn’t clear Hadra works for Ethiomedia or IANS where the news suppose to originate)

Another one is from AFP titled ‘Over 50,000 illegal Ethiopian workers sent home from Saudi Arabia’  quoting the Ethiopian Foreign Ministry.

It says,

ADDIS ABABA (AFP) – Ethiopia has flown home over 50,000 citizens in Saudi Arabia after a crackdown against illegal immigrants in the oil-rich state, the foreign ministry said Wednesday.

Strangely, the Foreign Ministry’s website doesn’t claim 50,000 returned but estimate the total numbers to be between 50 to 80 thousands.

But, given the urgency of the crises in Saudi Arabia and knowing what the brazen Woyane regime is capable, the last thing Ethiopians expect from ‘Free Media’ is what a departing Indian diplomat’s wild imagination on space exploration may be or worthy news from the regime’s sources. For that we have Reporter and Addis Fortune or more like Mis-Reporter and Mis-Fortune

What possible value could water down reporting and unverifiable sourced news serves the public interest?

If the message is to say the regime is doing its job repatriating migrant workers or Ethiopia under Woyane is advancing in space technology to send satellite or space crew to the orbit just because some foreigner said so, it is a deliration of duty that wouldn’t be expected ‘Free Media’ based in the free world.

Another example of not kosher news is from Tadias Magazine titled NYC Ethiopians Make Presence Felt at the Saudi Mission to the United Nations

By Tadias Staff on Wednesday, November 20th, 2013

‘New York (TADIAS) — Ethiopians in New York made their presence felt outside the Permanent Mission of Saudi Arabia to the United Nations on Monday, November 18th.’

The water down report that supposed to cover a demonstration titled it ‘Ethiopians make their presence felt’ and picked a featured picture of one woman out of the 100s at its disposal. It added ‘diverse crowd included members of the Caribbean and other African communities joining fellow Ethiopians’ and completely ignored the 100s of report to the role of the ruling Ethiopian regime that was also the target of the demonstration all over the world. It also failed to interview the demonstrators as one would expect from ‘Free Media”.

Is it possible Media can be more than water down report or cut-and-paste flyby news coming from every direction that suit someone’s wishes, imagination, fantasies and illusions?  If that isn’t the case, how is it people waste valuable time and misuse technology that can be better used for the ‘real thing’ intended? Better yet, what is the use of Free Media if it isn’t to squeeze tyranny and its riffraff that live-off the sweat and blood of the people?

Seriously, what would make full grown adults with all the opportunities the free world offers them (knowledge, freedom, technology, access…) without contributing a penny to make it turn around and reduce such privilege to undermine the very people and country that struggle for the same privilege?

Could it be fear, corruption or lack of confidence that rattle their mind to make them a walking danger for public interest?

Personally, when it comes guarding the public interest I don’t see much effort in most Ethiopian online Medias.  The two examples are not isolated incidence. Opinion aside, wouldn’t it be nice for Medias to do investigative reporting on what is important to our people? Say for example, why the brazen regime is wasting public money to buy telescope (‘explore space’) when it couldn’t put up temporary shelter on earth to Ethiopian migrant workers it trafficked in the Middle East and claim to repatriate? How it is a country under Woyane where having an e-mail is a luxury buying telescope turned into exploring space worthy of  news?

Better yet, couldn’t it be more productive if Free Medias goes, say after EFFORT and its army of corrupt merchants-of-death that is robbing the country blind so that the money can be recovered and used for public good? What about confronting the self-declared ethnic Apartheid regime to surrender for democracy? I mean; the real things that make a difference.

On the more urgent issue of the suffering of our people, how come the ‘Free Media’ not looking into the estimated 400 ‘employment agencies’ permitted by the regime’s Labor Ministry to traffic humans in the name of job opportunity? Are these agencies TPLF owned business enterprises in human trafficking? Questions and more question …investigation and more investigation in public interest.

I almost gave up on most of Ethiopian online Medias until ESAT showed up and changed the Media landscape. The very existence of ESAT– rattling tyranny to see the screaming of its stooges and apologists by itself is priceless. When we add what ESAT does to educate us it is worth billions of dollars of free lessons. In fact, the messengers of tyranny and poverty should contribute double for being freed from recycling rubbish.

While we are at it, I recommend establishing The ESAT Foundation and give at least 10% of our income and to allow us to leave our Estate for the Foundation. After all, as we are obligated to give for spiritual reasons, what could be a better cause than freeing our mind from rubbish propaganda?

In conclusion, if you call yourself ‘Free Media’ and happen to neglect your responsibility Ethiopians are watching. The day of impunity is closing faster than you think. Shape-up-or-ship-out is the message that would ring more and more frequently.

As the struggle for democracy intensifies, the responsibility of Free Media is noting more than to stand guard for public interest. If you are not up to it, say so and do what you do best.

Freedom from tyranny is coming; there is no way around it. The question for one-and-all of us is ‘to-be-or-not-to-be’ on the right side of history. When it comes to the Media, it is ‘‘to-be-or-not-to-be’ free in defending the public interest from tyranny and its riffraff. Whichever sides of history we choose determine our fate. For sure, there is no glory to be on the side of tyranny. It is the last place a self respecting person chooses.

The article is dedicated to our suffering people under the medieval kingdoms of Arabia and at the hand of the self-declared ethnic regime of Ethiopia.

የወያኔ አገዛዝ በመልዕክተኞቹ በኩል ላቀረበው የ“እንደራደር” ጥያቄ ከግንቦት 7 የፍትህ፣ የነፃነትና የዲሞክራሲ ንቅናቄ የተሰጠ ምላሽ

December 2/2013

ወያኔ ኢትዮጵያ ዉስጥ የገነባዉ ሥርዓት በከፍተኛ ችግሮች የተወጠረ ነው። ከቅርብ ጊዜ ወዲህ ደግሞ የመሪው ሞት በወያኔ መሀል ያስከተለው ቀውስ፤ የሕዝብ ሁለገብ ትግል ከጊዜ ወደ ጊዜ እየጎለበት መሄድ የፈጠረበት ስጋት እና ምርጫ በደረሰ ቁጥር የሚደርስበት ጭንቀት መጨመር ተደማምረው ውጥረቱን ወደ ከፍተኛ ደረጃ እያደረሱት መሆኑን የሚያሳዩ በቂ ምልክቶች አሉ። የእስካሁኑ ተሞክሮዓችን እንደሚያሳየው ወያኔ ውጥረት ሲበዛበትና መዉጪያና መግቢያዉ ሲጠፋዉ ፣ ተቃዋሚ ድርጅቶችን “እንወያይ፣ እንደራደር” በማለት ለውጥረት ማስተንፈሻ ጊዜ የሚገዛ መሆኑን ነው። ሰሞኑን በወያኔ አገዛዝ መልዕክተኞች በኩል የደረሰንን “የእንደራደር” ጥያቄ ንቅናቄያችን በዋናነት ያየው ወያኔ እንደለመደው ድርድርን ለውጥረት ማስተንፈሻነት ለመጠቀም እየሞከረ መሆኑን ነው።

የኢትዮጵያ ሕዝብ የሚመኘው ዲሞክራሲያዊ ለውጥ በሰላማዊ መንገድ በሚደረግ ትግልና በጠረጴዛ ዙሪያ በሚደረጉ ዉይይቶች ቢመጣ የግንቦት 7 ምርጫ መሆኑን ንቅናቄያችን በተደጋጋሚ ግልጽ አድርጓል። ግንቦት 7ን ሁለገብ ትግል ውስጥ እንዲገባ ያስገደደው የወያኔ እምቢተኝነትና እብሪት ብቻ ነው።

የግንቦት 7 ሥራ አስፈጻሚ ኮሚቴ የሰሞኑ የወያኔ የእንደራደር መልዕክት እንደደረሰው በጉዳዩ ዙሪያ በሰፊው ከተወያየ በኋላ ይህ ጉዳይ የኢትዮጵያን ሕዝብ ባጠቃላይ እንጂ ግንቦት 7ን ብቻ የሚመለከት ጉዳይ እንዳልሆነ ከድምዳሜ ላይ ደርሷል። ይህ ጉዳይ የኢትዮጵያ ሕዝብ ለዴሞክራሲያዊ ሥርዓት ግንባታ ከሚያደርገው ትግልና እየከፈለ ካለው መስዕዋትነት ጋር በቀጥታ ግንኙነት አለው። በመሆኑም፤ ለቀረበልን ጥያቄ ግልጽ መልስና፤ ድርድር ስለሚባለው ጉዳይም ያለንን አቋም ጉዳዩ በቀጥታ ለሚመለከተው የኢትዮጵያ ሕዝብና የተለያዩ የፖለቲካ ድርጅቶች ሁሉ ለማቅረብ የሚያስችል ተጨማሪ አጋጣሚ አድርገን ወስደነዋል። በዚህም መሠረት ለቀረበልን ጥያቄ የሰጠነዉን መልስና አቋማችንን በድርጅታችን ድረ ገጽ ላይና በሌሎች መገናኛ ብዙሀን በኩል በይፋ ለመግለጽ ወስነናል።

በድርድር ስለሚመጣ ለውጥ ያለን የመርህ አመለካከት:

ከዚህ በፊት በተደጋጋሚ ለኢትዮጵያ ሕዝብ ግልጽ እንዳደረግነው ድርጅታችን ከምሥረታው ጀምሮ የትግል ስልቱን ሲወስን እምነቱ አድርጎ የተነሳው ዴሞክራሲያዊ ለውጥ በሀገራችን በሰላማዊ መንገድና በድርድር ቢመጣ በእጅጉ የሚፈልገውና የሚመኘው መሆኑን ነው:: ድርጅታችንን ወደ ሁለንተናዊ ትግል የገፋው በመግቢያው ላይ እንደገለጽነው የወያኔ እብሪት ብቻ ነው:: የቀረበልን ምርጫ በባርነትና በውርደት መኖር ወይም ለነፃነት እየታገልን መሞት ቢሆን ኖሮ ንቅናቄያችን የሚመረጠው ምን ግዜም ለነፃነትና ለአገር አንድነት ታግሎ በክብር መሞት መሆኑን በተደጋጋሚ ለሕዝብ ግልጽ አድርገናል። ይህ የማይናወጥ አቋማችን ደግሞ ለይምሰል የተቀመጠ አቋም ሳይሆን ከልባችን የምናምንበትና ኢትዮጵያን ጨምሮ በዓለም ዙሪያ የሚገኙ አባላቶቻችንን ያሰባሰብንበት አቋም ነው። ዛሬ በትግሉ ግንባር የምንንቀሳቀሰውና ወደ ግባችን የሚወስደንን ተጨባጭ እርምጃዎች እየወሰድን ያለነውም በዚሁ አቋማችን ዙሪያ ነዉ።

ይህ አቋማችንና እምነታችን በአንድ ላይ ጎን ለጎን የሚሄዱ ሁለት መርሆችን አጣምሮ የያዘ ነዉ። አንደኛው፣ ሂደትን በሚመለከት ሁሌም ለድርድር ክፍት መሆኑን የሚያመለክት ሲሆን፣ ሁለተኛው ደግሞ፣ ይህ የድርድር ሂደት እንዲያው ለለበጣ የሚደረግ ሳይሆን ወደሚፈለገው ነጻነት በአነስተኛ መስዕዋትነት ሊያደርስ ይችል ከሆነ በሩን ላለመዝጋት እንጂ፣ በምንም አይነት ዋና ውጤቱን፤ ማለትም ኢትዮጵያን እውነተኛ ዴሞክራሲያዊ ሀገር ማድረግን፤ የሚቀይር ወይንም ከዚያ ያነሰ ውጤትን ለመቀበል መፍቀድን ፈጽሞ የማያመለክት መሆኑን ነው::

በእኛ በኩል ድርድሩን አስፈላጊና ጠቃሚ የሚያደርጉት መነሻ የፖለቲካ እሳቤዎችም ከእነኝሁ ሁለት መንታ ገጽታዎች የሚመነጩ ናቸው:: በድርድር ለሚገኝ ፍትሀዊና እውነተኛ ውጤት ክፍት መሆናችንን ሁሌም እናሳያለን፤ ነገር ግን ይህን የምናደርገው የሕዝብ የሥልጣን ባለቤትነት የተረጋገጠባትን ኢትዮጵያን እውን ማድረግ የሚጠይቀውን ማንኛውንም መስዋዕትነት መከፈል አለበት የሚለውን መሠረታዊ የአካሄድ መርህ በመመርኮዝ እንጂ መርሀችንን ለድርድር ለማቅረብ እንዳልሆነ በግልጽ መታወቅ ይኖርበታል::

ስለዚህም:

ሀ)    የድርድሩ ውጤት የኢትዮጵያን ሕዝብ የሥልጣን ባለቤትነት ያረጋገጠ የዴሞክራሲያዊ ሥርዓትን በአስቸኳይ እውን ማድረግ መሆን ይኖርበታል:: ይህ ዋናው ግብ ሆኖ ከዚህ በመለስ የሚኖሩ በሂደት የሚገኙ አነስተኛ ግቦች ሊኖሩ ይችላሉ (ለምሳሌ የፖለቲካ እስረኞች ማስፈታት…ወዘተ):: ሆኖም በምንም አይነት ለእነኝህ መለስተኛ ግቦች ተብሎ ዋናውን ግብ የሚያሳጣ ወይንም ጊዜውን ያላግባብ የሚያስረዝም ድርድር፣ ድርድር ነው ብሎ ድርጅታችን አይቀበልም። ስለዚህም ዋናው የድርጅታችን ዓላማና ግብ የሆነው የኢትዮጵያ ሕዝብ የሥልጣን ባለቤትነት ፣ በፍጹም ለድርድር የሚቀርብ ጉዳይ አይደለም:: በሥልጣን ላይ ባለው ኃይል በኩል ወደዚህ ግብ ለመድረስ ቁርጠኝነቱ በሌለበት ሁኔታ በሚደረግ ማንኛውም አይነት ድርድር ውስጥ ግንቦት 7 አይሳተፍም::

ለ)  በግንቦት 7 እምነት ማንኛውም ድርድር ወያኔ ከግንቦት 7 ጋር በተናጠል የሚያደረገው ሳይሆን ጉዳዩ የሚመለከታቸውን ሁሉንም የፖለቲካ ኃይሎች ያካተተ መሆን ይኖርበታል:: ድርጅቶችን በተናጠል እየለያዩ “እንደራደር” ማለት በራሱ ጊዜያዊ የፖለቲካ ጥቅም ስሌትን የያዘ እሳቤ እንጂ፣ በዘላቂነት አገሪቱን እውነተኛ ዴሞክራሲያዊ አገር ለማድረግ መፈለግን አያመለክትም:: ለአንድ ድርጅት ለብቻው የሚመጣ ወይም የሚጠቅም ዴሞክራሲያዊ ሥርዓት የለም:: ዴሞክራሲያዊ ሥርዓት የመፍጠር ፍላጎት ያለው ድርድር በአገሪቱ ያሉትን የተለያዩ የፖለቲካም ሆነ የሲቪክ ኃይሎችን ያካተተና ያመኑበት መሆን ይኖርበታል:: የሚደረገው ድርድርም ማን በስልጣን ላይ ይውጣ ወይንም የፖለቲካ ስልጣንን ባሉት ኃይሎች መሀከል እንዴት እናከፋፍለው የሚል የስልጣን ቅርምት ድርድር ሳይሆን፤ ሕጋዊና የሕዝቡን የሥልጣን ሉዓላዊነት ባረጋገጠ ሁኔታ የፖለቲካ ስልጣን እንዴት እንደሚያዝ ፍትሀዊ የሆነ ሂደትን ለማስጀመር የሚደረግ ድርድር መሆን አለበት::

ሐ) ቀደም ብለን እንደጠቀስነው ይህ ጉዳይ የሚመለከተው አንድን ድርጅት ወይንም የፖለቲካ ድርጅቶችን ብቻ ሳይሆን መላውን የኢትዮጵያን ሕዝብ ነው:: ይህ እስከሆነ ድረስ እንዲህ አይነት ድርድር ከሕዝቡ በተደበቀ ሁኔታ በሚስጥር የሚካሄድበት ምንም ምክንያት የለም::

2)   ከዚህ በፊት ከወያኔ ጋር ከተደረጉ ድርድሮች ያገኘናቸው ተመክሮዎችና ከዚህ በመነሳት ወደፊት በሚደረጉ ምንም አይነት ድርድሮች እንዳይደገሙ ለመጠበቂያ የሚሆኑ ከአሁኑ መወሰድ ያለባቸው እርምጃዎች

ከማንኛውም ወገን ጋር የሚደረግ ድርድር የተደራዳሪዎቹ ምንነት፤ ውስጣዊ ባህርያቸውን፤ ከተለምዶ ተግባራቸው ያላቸውን ተአማኒነትና ወደዚህኛው ድርድር ያመጣቸውን ምክንያቶች በበቂ ከመገንዘብ ጋር ተያይዞ የሚታይ ጉዳይ ነው:: ቃሉን አክባሪና ተዓማኒ ከሆነ ሰው ጋር የሚደረግ ድርድርና ያለፈው ታሪኩ ምንም አይነት የተዓማኒነት ባህርይ ከማያሳይ ቡድን ጋር የሚደረግ ድርድርም ሆነ ለድርድሩ የሚደረግ ዝግጅት ለየቅል ናቸው:: ይህ ማለት ግን ተዓማኒነት ካለው ኃይል ጋር ብቻ ነው ድርድር የሚካሄደው ማለት አይደለም:: በፍጹም ተዓማኒ ካልሆነ ኃይል ጋር የሚደረግ ማንኛውም ድርድር ግን ድርድሩ በእርግጥም ተግባራዊ ሊሆን የሚችል መሆኑን የሚያሳዩ ጠንካራ መጠበቂያዎች (System of Verification) እንዲሁም ግልጽ የመተግበሪያ ሥርዓቶች (Implementation Mechanism) ሲደረጉለት ብቻ ነው ከምር ሊወሰድ የሚችለው:: ከዚህም ባሻገር ግን መጀመሪያውኑ ወደ ድርድር የሚመጣው ለጊዜያዊ የፖለቲካ ጥቅም ሳይሆን በእዉነተኛ መንፈስ ከድርድር የሚመጣውን ውጤት በመፈለግ መሆኑን የሚያሳዩ “የመተማመኛ” ምልክቶች ሲያሳይ ነው በእርግጥም ወደ ድርድር የመጣው ከልቡ ድርድሩንና ከድርድሩ የሚመጣዉን ዉጤት ፈልጎ መሆኑን ለማመን የሚያስችለው::

ወያኔ ከተቀናቃኝ ወገኖች ጋር “ድርድር” ሲያደርግ የመጀመሪያ ጊዜዉ አይደለም:: እኛ እስከምናውቀው ድረስ ምናልባት በኃይል ይበልጡኛል ብሎ ከሚያምናቸው ወገኖች ጋር ካልሆነ በስተቀር፣ በረሃ ከነበረበት ጊዜ ጀምሮ በማንኛውም ጊዜ ለቃሉ ታማኝ፤ ለመርሁ እውነተኛ፤ ለደረሰበት ስምምነት ተገዢ ሆኖ አያውቅም:: ይልቁንም ሶስተኛ አደራዳሪ ወገኖችን በሚያሸማቅቅና በሚያሳፍር መልኩ ውሸትን እንደ አዋቂነት፤ ማጭበርበርን እንደ ብልጠት፤ የተስማማበትን በገሀድ ማፍረስን እንደ የአመራር ብልሀት አድርጎ የሚያይ፤ ምንም እፍረትና ጨዋነት የሚባል ነገር ያልፈጠረበት እኩይ ኃይል ነው:: ከራሱ የድርጅት ጥቅምና በስልጣን ከሚገኝ የዝርፊያ ሀብት ማካበት ባሻገር፤ ለአገር ዘላቂ ጥቅም ብሎ የራሱን ጥቅም አሳልፎ የሚወስደው ምንም እርምጃ እንደሌለ በተግባር በተደጋጋሚ ያረጋገጠልን ኃይል ነው:: በግንቦት 7 ውስጥ ያለን ወገኖች ይህንን የወያኔ ባህርይ በንድፈ ሀሳብ ደረጃ ሌሎች ጽፈውት ያነበብነው ሳይሆን፣ እራሳችን በተግባር በተሳትፈንበት ሂደት ያገኘነው ጥልቅ ግንዛቤ ነው:: ይህንን ደግሞ በአንድ አጋጣሚ ብቻ ሳይሆን ከድርጅቱ ታሪክ ጋር የተጣበቀ፤ በአመራር አባላቱ ላይ እንደ ግል ባህርይ የሰረጸ መሆኑን እስክንገነዘብ ድረስ በተደጋጋሚ የተመለከትነው ነው:: ስለዚህም ከዚህ ኃይል በኩል የሚመጣን የ “እንደራደር” ጥያቄ ከዚህ በፊት እንዳደረገው ለገባበት የፖለቲካ ውጥረት ማስተንፈሻ፣ ለውሸት ፕሮፓጋንዳው መጠቀሚያ፤ ለጊዜያዊ የፖለቲካ ትርፍ መሰብሰቢያ፤ የዴሞክራሲ ታጋዮችን ትጥቅ ማስፈቺያና ወኔ መስለቢያ አድርጎ እንዲጠቀምበት በፍጹም አንፈቅድለትም:: ስለዚህም ከላይ በመርህ ደረጃ ከጠቀስናቸው ሶስት ጉዳዮች በተጨማሪ ምንም ዓይነት ድርድር ከመደረጉ በፊት ወያኔ ጉዳዩን ከምር የወሰደው መሆኑን የሚያሳዩ “የመተማመኛ” እርምጃዎች መውሰድ አለበት ብለን እናምናለን::

እነኝህም፣

ሀ)  ሁሉንም የፖለቲካ እስረኞች፤ ጋዜጠኞች፤ የሰብአዊ መብት ተሟጋቾች ያለምንም ቅድመ ሁኔታ መፍታት:: ይህ ደግሞ በግልጽ     የሚታወቁ እስረኞችን ብቻ ሳይሆን በድብቅ የተቋቋሙ ማጎሪያና ማሰቃያ ቤቶች ያሉትን ሁሉ ማጠቃለል አለበት።

ለ)  በሕዝብ በተለይ በተቃዎሚ ኃይሎች ላይ ወያኔ በየቀኑ እያካሄደ ያለውን ወከባና እንግልት ባስቸኳይ ማቆም፣ ሰብዓዊና የዜግነት መብታቸውን ማክበር አለበት።

ሐ)   በፖለቲካ ምክንያት ከዚህ በፊት የተወሰዱ ሁሉም ዓይነት ፍርድ ተብዮ ውሳኔዎች እንዲሻሩ ማድረግ፤ በሂደት ላይ ያሉ ከፖለቲካ ጋር የተያያዙ ምንም አይነት ክሶችን ማቋረጥ አለበት።

መ)   ሕዝብን በፍርሃትና በስጋት ለማቆየት ሆነ ተብለው የወጡ አፋኝ ህጎችን በአስቸኳይ ማንሳት አለበት።

ሠ)   ማንኛውም ድርድር ገለልተኛ የሆኑ ሶስተኛ ወገኖች ባሉበት፤ የድርድሩ ሂደት በምስልና በድምጽ ተቀርጾ በገለልተኛ ወገኖች እጅ ብቻ የሚቀመጥ፣ የድርድሩ ቦታም የተደራዳሪ ወገኖች በጋራ በሚስማሙበት ቦታ መሆኑን መቀበልና ይህንንም በግልጽ ለኢትዮጵያ ሕዝብ ማሳወቅ አለበት።

እነኝህ ከላይ ያስቀመጥናቸው በወያኔ በኩል የሚወሰዱ “የመተማመኛ” እርምጃዎች ለተቃዋሚዎች ተብሎ የሚወሰዱ እርምጃዎች አይደሉም:: ወያኔ እነዚህን እርምጃዎች ለመውሰድ ቁርጠኝነት ሳይኖረው ለእውነተኛ ዴሞክራሲያዊ ሥርዓት መመስረት የሚደረግ ድርድር ላይ ከምር ይሳተፋል ብለን ማመን በፍጹም ስለማንችል ነው ::

እስከዚያው ድረስ ግን ግንቦት 7ም ሆነ ሌሎች ለዴሞክራሲያዊ ሥርዓት መመስረት በቁርጠኝነት የምንታገል ኃይሎች፣ ወያኔ እነኝህን የመተማመኛ እርምጃዎች እስኪወስድና ቀደም ብለው በተቀመጡት መርሆች መሠረት በሚደረግ ድርድር በተግባር ሊመነዘር የሚችል ስምምነት፣ አልፎም ለምንም አይነት ማጭበርበርና መንሸራተት እድል የማይሰጥ ጠንካራ መጠበቂያዎች መኖራቸው እስኪረጋገጥ ድረስ፣ የጀመርነውን ትግል ይበልጥ አጠናክረን የምንገፋበት እንጂ በምንም አይነት ለአንድ አፍታም ቢሆን በድርድር ስም የማንዘናጋ መሆኑን አበክረን እናስታውቃለን::

የግንቦት 7: የፍትህ፣ የነፃነትና የዲሞክራሲ ንቅናቄ ሥራ አስፈጻሚ ኮሚቴ፣

ኅዳር 23፣ 2006 ዓ:ም

አይ አበሻ! አበሻና ሆድ፤ ክፍል ሁለት (ፕ/ር መስፍን ወ/ማርያም )

December 2, 2013

አበሻ ድግስ ይወዳል፤ ድግስ የሚወደው መብላትና ማብላት ስለሚወድ ነው፤ ለመብላት የአበሻ ምክንያቱ ብዙ ነው፤ ልጅ ተወለደ ብሎ መብላት ነው፤ ልጅ ክርስትና ተነሣ ብሎ መብላት ነው፤ ልጅ አገባ ብሎ መብላት ነው፤ ልጅ ሞተ ብሎ መብላት ነው፤ አበሻ ሰው ቀብሮ ሲመለስ በንፍሮ ይጀምርና ቀስ በቀስ ወደሌላው ይተላለፋል።

Prof. Mesfin Woldemariam

ሃይማኖትም ቢሆን ለመብላት ካልሆነ የነፍሱ ጉዳይማ በጣም ሩቅ ነው፤ ሕያዋን ለነገሥታት፣ ሙታን ለካህናት ይገብራሉ፤ በሚለው መመሪያ መሠረት
ግብር መቀበል ያለ ነው፤ ክርስቶስ ተወለደ መብላት ነው፤ ክርስቶስ ተጠመቀ መብላት ነው፤ ክርስቶስ ሞተና ተቀበረ መብላት ነው፤ ክርስቶስ ተነሣ መብላት ነው፤ ማርያም አረገች መብላት ነው።

ማኅበርም የሚጠጣው (የሚበላው ለማለት ነው፤) ለመብላት ነው፤ አምላክ በተለያዩ ስሞቹ፣ ቅድስት ማርያም በተለያዩ ስሞችዋ፣ መላእክት፣ ቅዱሳን፣ ሰማዕታት ሁሉ ለመብላትና ለማብላት ያገለግላሉ፤ ወደመንግሥተ ሰማያት ለመግባት አማላጅ ሊሆኑ የሚችሉ ሁሉ ማኅበር ለመብላት ምክንያት ሊሆኑ ይችላሉ፤ የሌሎች አገሮች ክርስቲያኖች በመብል አይመለሱም፤ ገበያቸው በጠገራ ብር ነው፤ ስለዚህም አብሮ መብላት ብሎ ነገር የለም።

አበሻ የሚበላው የመጣውን ሲቀበል ብቻ አይደለም፤ የሚሄደውን ሲሰናበትም መብላት ይወዳል፤ ሞትም ቢሆን ለመብላት ምክንያት ነው፤ ቀብር ብሎ እዝን እያቀረቡ መብላት ነው፤ ሠልስት ብሎ መብላት ነው፤ ለሰባት መብላት ነው፤ ለዓርባው መብላት ነው፤ የሙት-ዓመት ደግሶ መብላት ነው፤ በቀብር ላይም ቢሆን ለቅሶውም ‹‹ሆዴ! ሆዴ!›› ነው።

ለአበሻ ጾምም ቢሆን ለመብላት ነው፤ የጾም ትልቁ ምሥጢሩ ምግብ እንዲናፍቅ ለማድረግ ነው፤ የፍስኩ የተትረፈረፈ ምግብና ጥጋብ ባይኖር ማን ይጾማል? የለየላቸው ጠጪዎች በሁዳዴ መለኪያውንና ብርጭቆውን አርግፍ አድርገው የሚተውት ሲፈሰክ በናፍቆት ዊስኪውንና ቢራውን ለመጋት ነውኮ! ይህ ባይሆን አንድ ጊዜ ሞጣ ያየሁትየበግ ሌባ ለምን ይጦም ነበር? ታሪኩ እንዲህ ነው፤ በሞጣ አውሮጵላን ማረፊያ አንድ የበግ ቆዳ የያዘ ሰውዬ በፖሊሶች ይጠበቃል፤ እንደሰማሁት በግ ሰርቆ ጫካ ይወስድና ቆዳውን ገፎ ለመሸጥ ወደገበያ ሲሄድ ተይዞ ነው፤ የሁዳዴ ጾም ስለነበረ ሥጋውን ለማይጾሙ አውሬዎች ጫካ ውስጥ ጥሎ ነው! አሁን ይህ ሰውዬ የሚጾመው ሲፈሰክ ደህና አድርጎ በናፍቆት ለመብላት ካልሆነ ለሌላ ለምንድን ነው ሊባል ነው?

ሥራም ቢሆን ለመብል ነው፤ ከመኝታው ሲነሣ ጀምሮ እስኪተኛ ቢበላ ደስታውን አይችለውም፤ለገና፣ ለፋሲካ፣ ለእንቁጣጣሽና ለመስቀል ለገናና ለፋሲካ፣ ለእንቁጣጣሽና ለመስቀልም ከሌሊት ጀምሮ ከአንዱ ቤት አንዱ ቤት እየተዘዋወሩ በመብላት ቀኑ ያልፍ የለም እንዴ! በእውነት አበሻ መብላት የሚወደውን ያህል ማብላትም ይወዳል፤ ስሞት! ስቀበር! አፈር ስገባ! … ወዘተ. እየተባባለ የጠገበውን ሰው በቁንጣን እንዲሰቃይ ማድረግ የአበሻ ልዩ የፍቅር መግለጫ ነው! መጎራረስም አለ፤ ፍቅርና ጉርሻ ሲያስጨንቅ ነው እየተባለ ፍቅርና ሆድን ያያይዛል፤ አነጋገሩ አበሻ ለመብላት ያለውን እንጂ ፍቅርን አይገልጽም፤ ማሰጨነቅንና ፍቅርን ምን አገናኛቸው! አበሻ ሌላም ተረት አለው፤ የወለዱትን ካልሳሙለትና የሠሩትን ካልበሉለት ደስ አይለውም ይባላል፤ የልጅ ፍቅር ከምግብ ፍቅር ጋር ተስተካክሎ የቀረበ ይመስላል፤ ደሞም ብቻውን የበላ ብቻውን ይሞታል፤ ይላል፤ ጉድ ነው! ሲሞትም ተከተሉኝ የሚል ይመስላል!! ለነገሩማ ፍቅርምኮ አበሻ ዘንድ ምግብ ነው፤ ሆዴ! አንጀቴ! ጎንደሬዎች ሲያሳምሩት ደግሞ ራቴዋ! ይሉታል።

ዛሬ ዛሬ አበሻ ከማብላት ይልቅ ማጠጣት ይወዳል፤ እስቲ ሰዎች ሰብሰብ ብለው በሚጠጡበት ቦታ ብቅ በሉ፤ ያቺን የፈረደባትን ጉበት ለማቃጠል በአቦ፣ በሥላሴ የማይል የለም፤ ቸገረኝ ብሎ ገንዘብ የሚጠይቅ አይምጣ እንጂ ለማብላትና ለማጠጣት፣ ለአንድ ጥሪኝ ፈሳሽ አበሻ ቸር ነው፤ በላኤ ሰብስ በማርያም ስም አንድ ጥሪኝ ውሀ ሰጥቶ አይደለም እንዴ የበላው ሰው ሁሉ የተሰረዘለት? አበሻ በሆድ አይጨክንም።

ለአበሻ ምግብ ክቡር ነው፤ ስለዚህም ምንም ነገር ሲበላ ተቀምጦ ነው፤ ፈረንጅ ቂሉ በየመንገዱ እንደመጋዣ ያመነዥካል፤ በየመንገዱ ማመንዠክ ምግቡን ማዋረድ ነው፤ ከዚያም በላይ ቆመው ሲበሉ ወደጉልበት ይወርዳል ይላል፤ ለአበሻ ጨጉዋራና ጉልበት በቀጥታ የተገናኙ ናቸው፤ ሳይንሱ የሚለው ሌላ ቢሆንም አበሻ አበሻ ምን ቸገረው?

ለመሆኑ ከሆድ ጋር ያልተያያዘ ነገር አበሻ ምን አለው? ነገርን በሆድህ ያዘው ምን ማለት ነው? ነገርን ማብላላት የማሰብ ምትክ መሆኑ ነው፤ ልጆች ሆነን አይጥ አበላሁት እንል ነበር፤ አሸነፍሁት ለማለት ነው፤ ዛሬም ቢሆን ቁማርተኞች በላሁ-ተበላሁ ይባላሉ፤ አይጥ ከማብላት ገንዘብ ወደማብላት ተለወጠ እንጂ ከሆድ አልወጣም፤

አበሻ በሆዱ የማይዘው ምን ነገር አለ? ፍቅርም፣ ጥላቻም በሆድ ነው፤ ቂምም በሆድ ነው፤ ምኞትም ፍላጎትም በሆድ ነው፤ ተስፋም በሆድ ነው፤ መጥኔ ይስጠው የአበሻ ሆድ! ሁሉን ከተናገሩት ሆድ ባዶ ይቀራል፤ አይ የአበሻ ሆድ! የነገር ስልቻ ከመሆኑ በላይ ነገር አልቆበት ‹‹ነገር እንዳይርበው(!)›› ጥንቃቄ ማድረግ አለበት! የአበሻ ሆድ እህል ቢያጣና ከእህል ባዶ ቢሆንም ከነገር ባዶ መሆን የለበትም፤ እህል ቢጠፋም ነገር አይጥፋ!

የአበሻና የሆድ ነገር በዚህ አያበቃም፤ አበሻ ሲያመው ቡዳ በልቶት ነው፤ ቆንጆውን ሁሉ ቡዳ ይበላዋል፤ ልብ በሉ ለአበሻ በዓይንም ይበላል ማለት ነው! አንዳንዴም ሲያመው መድኃኒቱ ምግብ ነው፤ ለሆድ ቁርጠት ብላበት፤ አበሻ ሲሞትም ለቅሶው ሁሉ ስለሆድ ነው፤ ‹‹የኔ ሆድ፣ ሆዴ እንዴት ይቻለው! ፋሲካን የት ልፈስክ?››

እስከናካቴው ‹‹ሆድ›› የሚባል ቃል ከአበሻ ቋንቋ ፈጽሞ ቢሰረዝ ቋንቋው ብቻ ሳይሆን አበሻም ጉድ ይፈላበታል፤ አእምሮ፣ ኅሊና የሚባሉትን ቃላት አበሻ አያውቃቸውም፤ ተግባራቸውንም ሁሉ ለሆድ ሰጥቶታል።

ጀኔራል ጻድቃን ገ/ትንሳይ እና የአየር ሀይሉ አዛዥ ጄኔራል አበበ ተ/ሀይማኖት ከስልጣናቸው ለመልቀቅ ደብዳቤ መጻፋቸውን በመዘገቤ ክስ ተመሰረተብኝ

November 30/2013

ሰሞኑን መቼም ተወጥረናል በጭንቅ አምጠናል ገናም እያማጥን ነው…..በዚህ መሀል ወዳጄ የሆነ ጋዜጠኛ ለጃኖ መጸሔት ቃለ-ምልልስ እናድርግ አለኝ፡፡ መቼም መጠየቅ ነበር የለመድኩት አሁን አሁን እኔው ተጠያቂ ሆኛለሁ እና እሺታዬን በእሺታ አጽንቼ ጀመርን፡፡ ልጁ በዋዛ የሚለቀኝ አልሆነም እና ረዘም አድርገን እሱ ጥያቄውን ወርወር ያደርጋል እኔ ለመልሱ ስንጣጣ እውላልሁ..ነካክቶ እያናገረኝ ነው ተከታተሉት….

ጃኖ፡-ጋዜጠኛ ግሩም ተ/ኃይማኖት በመጀመሪያ በስደት ካለህበት ሃገር ካለህ የተጣበበ ጊዜ ቀንሰህ ይህን ቃለ ምልልስ ለማድረግ ፈቃደኛ በመሆንህ በሞያ አገሮችህና በአንባብያን ስም ከልብ እናመሰግናለን፡፡

ግሩም ተሀይማኖት፡-በእርግጥ እኔም ላመሰግናችሁ ይገባኛል፡፡ ያውም በብዙ ምክንያት…አንደኛ ልገልጸው የሚገባኝን ሀሳብ እንድገልጽ ስታደርጉኝ ሁለተኛ፡-ነፃ ፕሬሱ መንምኖ ጥቂቶች ብቅ ባሉበት ሁኔታ በርትታችሁ ለሁሉም ሰው ነጸ መድረክ በመሆናችሁ አመሰግናለሁ፡፡ እኔም ለሰዎች ቃለ-መጠይቅ ማቅረብ እንጂ መጠየቅ ስላለመድኩ እንድለምድም እድሉን ሰጣችሁኝ ደግሜ አመሰግናሁ፡፡

ጃኖ፡-በሀገር ውስጥ በስራ ከነበርክባቸው እንጀምርና የትኞቹ ፕሬሶች ላይ ሰርተሃል? በግልህ አሳታሚ ነበርክ?

ግሩም ተሀይማኖት፡- ሀገር ውስጥ እያለሁ በጣም በርካታ መጸሔቶችና ጋዜጦች ላይ ሰርቻለሁ፡፡ ገና ተማሪ እያለሁ አዲስ ዘመን ላይ ጋዜጠኛ ክፍሌ ሙላት አድማስ አምድን በሚሰራበት ሰዓት ጽሁፍ ለመጀመሪያ ጊዜ አወጣልኝ፡፡ ከዚያ በኋላ እስካሁን ለቁጥር በሚታክት ሁኔታ ሰርቻለሁ፡፡ ምኒልክ እና ዜጋ መጸሔቶች ዳግማዊ፣ ትውስታ፣ መብረቅ፣ ዳግማዊ ወንጭፍ፣ ቅይጥ፣ ክብሪት፣ የፍቅር ሕይወት፣ ገመና፣ አስኳል ሳተናው፣ ምኒልክ….የመሳሰሉትን ጋዜጦች ሰርቻለሁ፡፡ ግል ሚዲያው ላይ ከአስራአንድ አመት በላይ ሰርቻለሁ፡፡ በዚህን ጊዜ ውስጥ በ1990 ዓ.ም ላይ በምዝግባ ቁጥር 02764/90 የሆነ ንግድ ፍቃድ አውጥቼ ‹‹ገመና›› የሚል ጋዜጣ አሳትሜም ነበር ፡፡

ጃኖ፡-እንዴት ነበር በወቅቱ የነበረው የስራ ሁኔታ?

ግሩም ተሀይማኖት፡- በወቅቱ የነበረው በጣም አስፈሪ እና በስጋት የተሞላ በሙሉ ፍላጎት የሚሰራ እና ብዙ መሰዋዕትነት የተከፈለበት ሁኔተ ነበር፡፡ የያኔውን የስራ ሁኔታ ለማስታወስ አሁን ላይ ሆኜ የትዝታ መነጽሬን ስከፍተው ብዙ አሳዛኝ እና ጥቂት ደስ የሚል ነገር አስታውሳለሁ፡፡ ነፃ-ፕሬሱ ብዙ መሰዋዕትነቶች ተከፍለውበታል፡፡ ታስረናል፣ ተደብድበናል፣ ተገርፈናል..በእርግጥ የጓደኞቼን አልኩ እንጂ ከመታሰርና ከመደብደብ አልፎ መገረፍ ላይ አልደረስኩም፡፡ በርካታዎች ግን ተገርፈዋል፡፡ መታሰር ግን እስክጠግብ አይቼዋለሁ፡፡ ታፍነን ታስረናል፡፡ በስልክ እየተጠራን ማዕካላዊ ወንጀል ምርመራን ለበርካታ ጊዜ ጎብኝተናል(የምንጠራበት ጊዜ ከመብዛቱ የተነሳ ጉብኝት ተጠርቻለሁ እንባባል ነበር) ከምንም በላይ ሁለተኛ ፖሊስ ጣቢያ እኔና ጓደኛዮ ዳንኤል ገዛኸኝ ታስረን የገጠመን ሁኔታ ምን ጊዜም ስለ ፕሬሱ ሲነሳ ትውስ ይለኛል፡፡ ሰው ላይ ሊፈጸም የማይገባው ኢ-ሰብዓዊ ድርጊት ተፈጽሞብናል፡፡እራቴን አራት ኪሎ ዘውዲቱ ሆቴል እየበላሁ በሲቪል ለባሾች ተያዝኩኝ፡፡ ሌሊቱን ስደበደብ አደርኩ፡፡ ለሽንት ስሄድ በውሻ ሁሉ አስነክሰውኝ ለዛውም ከእስረኛ ጋር ሳይሆን ጊቢው ውስጥ ከኢህአፓ ጊዜ ጀምሮ የቆሙ ሽንት ሲሸናበቸው የነበሩ ውስጣቸው አይጥ የሚርመሰመስባቸው ቮክስዋገን መኪና ውስጥ ነው ለአንድ ሳምንት የታሰርኩት፡፡

ማንም ሊያስበው የሚገባው በኢንፎርሜሽን፣ በግንኙነት ዘመን የገዛ ሃሳብህን አትግለጽ፣ የገዛ ጽሁፍህን አትጫር ትባላለህ፣ ትባየለሽ እንባለለን፡፡እነሱ ያሰቡትን ፣የጻፉትን ግን እንድትቃወም እንኳን ላይፈቀድልህ ሁላ ይችላል፡፡ ደግሞም አሁንም ቢሆን አይፈቀድም፡፡ ተናገር ተብለህ ንግግርህ ተመዝኖ፣ ብዕርህ ተገድቦ፣ ልሳንህ ተመርምሮ በመናገር፣ በመጻፍ መብትህ ተወንጅለህ ትታሰራለህ፡፡ እንታሰራለን፡፡ ስንቶች ታሰረዋል? ስንቶች ተሰደናል? ማንስ ይህን ያህል ማለት ይችላል?

ጃኖ፡-አሁን ካለው ሁኔታ በግል ፕሬስ ለመሰማራትና ፈቃድ ለማውጣት እጅግ አስቸጋሪ ሁኔታ ነው ያለው አንተ ሃገር ውስጥ በነበርክበት ጊዜ እንዴት ነበር? ማስታወሻ፡- አሁን ፈቃድ ለማውጣት ካፒታል፣ ምሩቅ የሆነ ባለሙያ፣ ኃላፊዎች መጥተው የሚያዩት በቂ ቢሮ፣ ኮፒውተር፣ ፕሪንተር፣ መቅረፅ ድምፅ፣ ዲጂታል የፎቶ ካሜራ፣ የሽያጭ መመዝገቢያ ማሽን በግድ ማሟላት ያስፈልጋል አንተ ከነበርክበት ጊዜ ጋር አነፃፅረህ ንገረኝ?

ግሩም ተሀይማኖት፡- አሁን ሱሪ በአንገት አውጣ አይነት ትዕዛዝ ነው፡፡ ነጻ ፕሬስ ክፍት ነው፣ የመናገር ነጻነት አለ ለማለት ያህል ነው፡፡ ግን ወደዛ እንዳትገባ ነገሮቹን ያከፉት አጣብቂኙን በደንብ ያጠበቡት፡፡ ለፕሬስ ስራ አስፈላጊ የሆኑ ነገሮች ቢሆንም ከዚህ የበለጠም የምታሟላው ነገር ሊኖር ይችላል፡፡ እኔ ፍቃድ ባወጠሁበት ጊዜ ይሄ ሁሉ ጣጣ የለም ነበር፡፡ አሁን እኮ ሁሉን ነገር አሟልተህ ፍቃዱን አውጥተህ ስትሰራ ደስ ባላቸው ጊዜ ሊያቆሙህ ይችላሉ፡፡ የአንተ መስራትም ሆነ ማናገር በእነሱ ቸርነት ላይ ተመስርቶ የተንጠለጠለ ነው፡፡

ጃኖ፡-በወቅቱ የታሰርክበት፣ የተከሰስክበት፣ በፓሊስ (በደህንነት) የተሳደድክበት በዚህ ዙሪያ የገጠመህ ነገሮች ነበሩ?

ግሩም ተሀይማኖት፡- መታሰር፣ መከሰስ…መሳደድን ካነህማ ትዝታውን ሁሉ ባነሳው ይሄ መድረክ ላይበቃ ነው፡፡ ለመጀመሪያ ጊዜ የተከሰስኩት በዳግማዊ ጋዜጣ ነው፡፡ ከዛ በኋለ በራሴ የህትመት ድርጅት ስር አሳትመው በነበረው ገመነ ጋዜጣ የተከሰስኩት ነው ሰቅጣጭ የነበረው፡፡ የተከሰስንበትን ዜና ሙሉ መረጃ አቅርበን ነበር፡፡

በዜናው የዳሰስነው…ኢህአዴግ አዲስ አበባን ከተቆጣጠረ በኋላ በጦርነቱ ለተጎዱ ቤተክርስቲያናት ማደሻ ከጎንደር አገረ ስብከት ጽ/ቤት ጥያቄ ቀረበ፡፡ በወቅቱ ጠ/ሚኒስትር ለነበሩት አቶ ታምራት ላይኔ ነበር ጥያቄው የቀረበው፡፡ ምንም አይነት ባጀት የለንም 10 ቶን ቡና ተፈቅዶላችኋል እሱን ወስዳችሁ ሽጡና በትርፉ የተወሰኑትን አድሱ ተባለ፡፡ ይሄን ቡና ወስዶ የመሸጡን ሀላፊነት የሀገረ ስብከቱ ጳጳስ አንድ ዲያቆን ወከሉ፡፡ ቡናው ተሸጦ ግን ለቤተክርስቲያኗ ማደሻ ሳይሆን ለአፍ ማሰሻ፣ ለኪስ ማደለቢያ ነው የሆነው፡፡

ቢታይ ቢታይ ሁሉም ዝም..ሆነ፡፡ ቄሱም ዝም መጽሀፉም ዝም እንደሚባለው ዝም ሆነ፡፡ ነገሩ የከነከናቸው አንዳንድ ካህናት ቤተክህነት ድረስ ለክስ ከጎንደር መጡ፡፡ ምንም የምናውቀው ነገር የለም ተባሉ፡፡ መፍትሄም ሊያገኙ አልቻሉም፡፡ እንዲያውም ማስፈራሪያ ሁሉ ታከለላቸው፡፡ በዚህን ጊዜ ‹‹ገመና›› የተባለ ጋዜጣ አሳትም ነበረ እና ሙሉ መረጃውን ሰጡኝ፡፡ አጣርቼ ትክክለኛ ማስረጃ በመሆኑ ለህዝብ አቀረብኩት፡፡ የመረጃውንም ኮፒ ጋዜጣው ላይ አተምኩ፡፡ ወዲያው በብፁዕ ወ ቅዱስ አቡነ ጳውሎስ ክስ ተከፈተብኝ፡፡ የክሳቸው ፍሬ ሀሳብ ትክክለኛ እና መጠየቅ ያለበትን ነው የጠየቁት፡፡ ‹‹ገመና›› የተባለ ጋዜጣ ያወጣውን ዘገባ አይተን ሁኔታውን ለማጣራት ሞክረናል፡፡ የተጠቀሱት ግለስብ የቀረበብኝ ማስረጃ ፎርጅድ ነው እኔ ስለሁኔታው አላውቅም ስላሉ ጋዜጠኛው ላይ ክስ ተመስርቶ ያለው ማስረጃ እንዲረጋገጥ፡፡ ትክክለኛ ከሆነ የጉዳዩ ባለቤቶች እንዲጠየቁ፡፡ ያቀረበው ማስረጃ ትክክለኛ ካልሆነ እና ፎርጅድ ከሆነ የእምነታችንን ክብር የሚያወርድ ነገር በሀሰተኛ ማስረጃ በማቅረቡ እንዲጠየቅ..ይላል፡፡ በዚህ ክስ ቅሬታ የለኝም፡፡

ለመርማሪ ፖሊሱ ግን ገንዘብ ሰጥተው ትንሽ ቅጣትም ያሰፈልጋቸዋል፡፡ በደንብ መርምርልኝ ማለታቸው ከሀይማኖት አባት የሚጠበቅ ይሆን? እኔ አልጠብቀውም ነበር፡፡ በማወቅም ባለማወቅም በድለውኛል፡፡ ኢ-ሰብዓዊ ድርጊት እንዲፈፀምብኝ አድርገዋል፡፡ ዛሬ እሳቸው እውነቱ ቦታ ሄደዋል፡፡ ነፍሳቸውን ይማር ለበደሉኝ ሁሉ ይቅር ይበላቸው፡፡ እኔ ይቅር ብያቸዋለሁ፡፡

ክትትል ሲደረግብኝ ቆይቶ ዘውዲቱ ሆቴል ራት እየበላሁ ሳለ ተያዝኩ፡፡ ፖሊስ ጣቢያው ጊቢ ውስጥ ገና ከመግባቴ ጀምሮ ዱላ ተቀበለኝ፡፡ ውብሸት የሚባል መርማሪ ወዲያው ስልክ ደውሎ መያዜን ሲናገር ከቢሮው ውጭ ብቀመጥም እየሰማሁት ነው፡፡ ቃል ለመስጠት ፍቃደኛ ባለመሆኔ ሶስት ፖሊሶችን ጠርቶ ከራሱ ጋር አራት ሆነው ሰማይ ምድሩ እስኪዞርብኝ አዞሩኝ፣ ቀጠቀጡኝ፡፡ በግድ ግን ቃሌን ለመስጠት ፍቃደኛ አልሆንኩም፡፡ መረጃው አለህ? ያለህ መረጃ ፎርጅድ ነው ተብሏል፡፡ እላዩ ላይ ያለው ማህተም የጎንደር የሀገረ ስብከቱ ጳጳስ አይደለም አለኝ፡፡ /አንድ ወረቀት ላይ ያረፈ ማህተም እያሳየኝ/ የእሳቸው ማህተም ይሄ ነው ..›› ሲለኝ ግን እልህ ያዘኝ፡፡ ማህተሙን ከዚህ ወረቀት በኋላ መቀየራቸውን የሚያረጋግጥ ትንሳዔ ዘ ጉባኤ ማተሚያ ቤት ማህተም ያስቀረጹበት ማስረጃ እንዳለኝ ጭምር ቃል ሰጠሁ፡፡ ይህንን የሰጠሁትን ቃል ግን ወዲያውኑ ደውሎ የነገራቸው ፊቴ ነው፡፡

በሚያሳዝን ሁኔታ ተከሳሽ የሆነው ዲያቆን ጉዳዩን እንዲከታተል በብጹዕ አቡነ ጳውሎስ ትዕዛዝ ተላከ፡፡ በዛው ማታ ሲበር መጣ፡፡ ይሄኔ ነገሮች ሁሉ ጎረበጡኝ፡፡ በጣም ተጠራጠርኩ፡፡ ከምሽቱ አራት ሰዓት ተኩል ላይ ቤቴ ሄደን መረጃውን እንድናመጣ ፈለጉ፡፡ ግደሉኝ እንጂ አልሄድም እናቴ በዚህ ሰዓት እንድትደነግጥ አልፈልግም አልኩ፡፡ ሰበቤ በእናቴ ሆነ እንጂ እሳቸውስ መረጃው እንዲጠፋ ካልፈለጉ እንዴት ብሩን ያጨበረበረውን ሰው ይልካሉ? ለምንስ እሰኪነጋ መጠበቅ ሳይፈልግ ዲያቆኑ መጣ? ፍርድ ቤት ስቀርብ ካልሆነ ላለማቅረብ ወሰንኩ፡፡ ዳግም ዱላ ተጀመረ፡፡ እነሱ ሳይበቃቸው እኔ ተዝለፍልፌ ስለወደኩኝ መሰለኝ ድብደባው የተጠናቀቀው፡፡ ራሴን ስለሳትኩ እንዴት እንደነበር ብዙም አላውቅም፡፡ ራሴን ሳውቅ ግን ሌሊት ስምንት ሰዓት አካባቢ ይመስለኛል፡፡

ሽንቴ ስለመጣ ካጋደሙኝ አግዳሚ ወንበር ላይ ቀና ብዬ ሽንት ቤቱ የቱ ጋር እንደሆነ ተረኛውን ፖሊስ ጠየኩት፡፡ አሳየኝ እና ተነስቼ ስሄድ ውሻዋን ጃስ..ጃስ..ብሎ ሲያደፋፍራት እግሬን ዘነጠለችን፡ ወይም ዘነጠለኝ፡፡ የውሻውን ፆታ ስለማላውቅ ነው ሁለቱንም የተጠቀምኩት፡፡ እየተሳሳቁ ደግፈው አንስተውኝ ጊቢው ውስጥ ቆማ የበሰበሰች እና ሽንት የሚሸናባት አይጥ የሚርመሰመስባት አሮጌ መኪና ውስጥ ከተቱኝ፡፡ በማግስቱ ጓደኛዬ ዳንኤል የጋዜጣዬ ዋና አዘጋጅ ስለሆነ መታሰሬን ሰምቶ ፖሊስ ጣቢያ መጣ፡፡ ሳምንት ሙሉ እዛች የሚሸናባት መኪና ውስጥ አሳለፍን፡፡

ከአዲስ አበባ ዩኒቨርስቲ ተነስቶ በመላ ሀገሪቱ ያዳረሰው የተመሪዎች አመጽ ረቡዕ ሚያዚያ 10/ 1993 ቀን በአሳዘኝ ሁኔታ የተጠናቀቀው የነበረውን ሁኔታ ከጠዋት ጀምሮ ያነዊነ ሁኔታ በመዘገቤ ከማስፈረሪያ ጀምሮ ክስ ድረስ ደርሸለሁ፡፡ አርብ ሚያዚያ 12 ቀን 1993 ዓ.ም የታተመው ምኒልክ ጋዜጣ ላይ ነበር ዘገባውን ያቀረብኩት፡፡ ዜናውን እንደልብ ለመዘገብ እንዲያመቸኝ ብዬ በትረካ መልክ ‹‹..ከመኖሪያ ቤቴ ፊት ለፊት ያለውን ቅ/ ማሪያም ቤት ክርስቲያ ለመሳለም ስጠጋ ጥያቄያችን ካልተመለሰ አንማርም ያሉት የዩንቨርስቲው ተማሪዎች ጊቢውን ሞልተውታል፡፡

 ምንድን ነው ብዬ ስጠይቅ ካተማራችሁ ጊቢውን ለቃችሁ ውጡ መባለቸውን ነገሩኝ…›› በመለት ጀምሬ ሙሉ ቀን የየሁትን የሞተውን የቆሰለውን ሁሉ በዘገባዬ ገለጽኩ፡፡ ነገሩ የመጣው ከኋላ ነው፡፡ ለካ ራሴ ለይ ራሴ ጠቁሜ ነበር፡፡ ቅ/ማሪያም ጋር ያለ ጋዜጠኛ ማነው? ብዙ ሳይደክሙ አገኙኝ፡፡

በሰዓቱ እኔ አቡዋሬ አካባቢ ነበር ተከራይቼ የምኖረው እንደ አገጣሚ እናቴ ገር የደርኩ ቀን ነበር ቅ/ማርያም ውስጥ ያንን ሁኔታ ያየሁት፡፡ እነሱ ሊይዙኝ ሲመጡ ደግሞ እዛ አልነበርኩም፡፡ የተከራየሁት ቤት ነበርኩ፡፡ ወንድሜን ይዘውት ሄዱ፡፡ ወንድሜ መታሰሩን ስሰማ ሮጬ ሄድኩ፡፡
ሌላኛው እና አስቂኝ ክሴ አስኳል ጋዜጣ ላይ ዋና አዘጋጅ ሆኜ ስሰራ ነው፡፡ ህወሀት ለሁለት ተከፈለ የሚለውን ዜና በቅድሚያ ለህዝብ የደረስነው እኛ ነበርን፡፡ ከዛ ሁኔታዎችን እየተከታተልን ስንሰራ ጀኔራል ጻድቃን ገ/ትንሳይ እና የአየር ሀይሉ አዛዥ ጄኔራል አበበ ተ/ሀይማኖት ከስልጣናቸው ለመልቀቅ ደብዳቤ መጻፋቸውን ማክሰኞ ግንቦት 7 ቀን 1993 በወጣው አስኳል ጋዜጣ ላይ አተምነው፡፡ ይህን ጋዜጣ ለስድስት አመት በዋና አዘጋጅነት የሰራሁት እኔ በመሆኔ በወቅቱም ክሱ ወደ እኔ ነው የመጣው፡፡ ግንቦት 10 ቀን 1993 ከማዕከላዊ ወንጀል ምርመራ መርማሪው ስልክ ደውሎ ጠራኝ፡፡ ቀኑ አርብ ነው በዚህ ቀን ማዕከላዊ መሄድ አደጋ አለው፡፡ ዋስ ካልተሳካ ቅዳሜ እና እሁድን እዛው መቆየት ነው፡፡ ስለዚህ ሰኞ ለመሄድ አሰብኩ፡፡ አጋጣሚ ሰኞ ደግሞ አስኳል ጋዜጣ ማክሰኞ ስለሆነ የሚወጣው ማተሚያ ቤት ስለሚገባ ስራ መሯሯጥ ነበር፡፡ ማክሰኞ እለት ስሄድ መርማሪው የለም፡፡ ማታ ላይ ኢትዮጵያ ሬድዬ በዜና እወጃው ሁለቱም ጄኔራሎች ስልጣናቸውን መልቀቃቸው ዘገበ፡፡ ደስ አለኝ፡፡ ረቡዕ ዕለት በጠዋት ስሄድ ከመርማሪው ጋር ስንገናኝ ስልጣናቸውን መልቀቃቸው እውን ከሆነ የምከሰሰው ለምንድን ነው አልኩት፡፡ እኔ ምን አውቃለሁ ብሎ ቃል ሰጠሁና የማዕከላዊ ፖሊስ ጣቢያ አዛዡ ጋር አቀረበኝ፡፡ ለማንኛውም ዋስ ይጥራ ተብሎ አውለውኝ በዋስ ወጣሁ፡፡ ብቻ ብዙ ክስ አለብኝ፡፡

ጃኖ፡-አጠቃላይ በሀገር ውስጥ ከመቼ እስከ መቼ ዓ.ም በስራ ላይ ቆይህ?

ግሩም ተሀይማኖት፡- የእኔ የስራ ዘመን የሚጀመረው ከልጅነቴ ነው፡፡ ጋዜጣ አዙሬ ሸጬ ከሁሉም አንዳንድ ትርፌን ይዤ እገባና ማታ ማታ አነበለሁ እጽፋለሁ፡፡ በፖስታም ሆነ በአካል ሄጄ እሰጣቸዋለሁ፡፡ በደንብ የጀመርኩት ግን በ1986 ነው፡፡ ሀገሬን ለቅቄ እስከወጠሁበት 1997 መጨረሻ ድረስም ሰርቻለሁ፡፡

ጃኖ፡-ከዚያስ ምን ተፈጠረ (ለስደት ያበቃህ) ምንድን ነበር?

ግሩም ተሀይማኖት፡- አስኳል ጋዜጣን በዋና አዘጋጅነት ለስድስት አመት ሰርቻለሁ ብዬሀለሁ፡፡ በዛን ወቅት ‹‹ወግድ ይሁዳ›› በሚል ርዕስ ታዲዮስ ታንቱ ተከታታይ ጽሁፍ ይጽፍ ነበር፡፡ ይህ ጽሁፍ ዝም ብሎ የተጻፈ አይደለም፡፡ ብዙ ሰዎች ከመጀመሪያው ስላላዩት በስሜታዊነት፣ በጥላቻ የተጻፈ ነው የሚመስላቸው፡፡ ግን አይደለም፡፡ አቶ በላይ ግደይ ‹‹ኢትዮጵያ ሀገሬ እና..›› የሚል መጽሀፍ አሳትመው ነበር፡፡ የኢትዮጵያን ታሪክ ሁሉ ጠቅልለው የትግራይ አድርገውታል፡፡ ለዛ ምላሽ ነው ታደዲዮስ ታንቱ ‹‹ወግድ የይሁዳ›› ብሎ ምላሽ የሰጠው፡፡ በእሱ ምክንያት 22 የትግራይ ባለስልጣናት ተፈራርመው ከሰሱን፡፡ ከዚህ ክስ በኋላ መግቢያ መውጫ ጠፋ በኋላ ነገሩ ክፋ ብዙ ዛሬ ልገልጽ የማልችለው ነገር ተከሰተ ሀገሬን ጥዬ ወጣሁ፡

ከኢትዮጵያ ዜጎች ጋር በተያያዘ በሳውድ አረቢያ ከፍተኛ የሆነ አደጋ ማንዣበቡን ኢትዮጵያውያን ተናገሩ

November 29/2013

ህዳር ፳(ሃያ)ቀን ፳፻፮ ዓ/ም ኢሳት ዜና :-በሳውድ አረቢያ የሚታየው ሁኔታ እጅግ አስፈሪ ነው ይላሉ ያነጋገርናቸው ዜጎች። ከ40 ሺ በላይ ኢትዮጵያን በእስር ቤቶች ውስጥ ይገኛሉ። ወደ አገራቸው ለመመለስ የሚፈልጉ በአስር ሺዎች የሚቆጠሩ ዜጎች ቀናቸውን ይጠባባቃሉ። የኢትዮጵያ መንግስት በመቶ ሺ የሚቆጠረውን ስደተኛ ለማስተናገድ የመደበው የሰው ሀይል 40 ብቻ ነው። የሳውድ አረቢያ መንግስት ደግሞ በተዘዋዋሪ መንገድ ኢትዮጵያውያን ከአገሪቱ ምድር ተጠራርገው እንዲወጡ እየቀሰቀሰ ነው። ሁኔታው በዚህ ከቀጠለ፣ በኢትዮጵያ ታሪክ ታይቶ የማይታወቅ አደጋ ሊፈጠር ይችላል ብሏል  አንድ ስሙ እንዳይገለጽ የፈለገ ጋዜጠኛ።
በዛሬው እለት በተለያዩ የሳውዲ ከተሞች የተበተነው የኤስ ኤም ኤስ መልዕክት  ህጋዊ ለተባሉትም ሆነ ህገወጥ ለሚባሉት ኢትዮጵያውያን የማስጠንቀቂያ ደወል ነው ይላሉ እኝህ ጋዜጠኛ።

በሞባይል ስልኮች የተበተነው ኤስ ኤም ኤስ ኢትዮጵያውያንን ቀጥራችሁ የምታሰሩ እንዲሁም መኖሪያ ቤት ያከራያችሁ ሁሉ በአስቸኳይ እንድታስወጡ፣ ይህን ባታደርጉ ግን 100 ሺ ረያል ትከፍላለችሁ የሚል እንደሆነ ያነጋገርናቸው ኢትዮጵያውያን ገልጸዋል። ይህን መልእክት ተከትሎ በርካታ ኢትዮጵያውያን ከተከራዩበት ቤት ተባረዋል። 9 ኢትዮጵያውያንን ወደ አስጠጋው ኢትዮጵያዊ በመደወል መታሰቢያ ቀጸላ አነጋግራቸዋለች። እርሱ እንደሚለው መልክቱ መተላለፉን ተከትሎ ጓደኞቹ ከቤታቸው እንዲወጡ ተደርጎ በእርሱ ቤት ተጠልለዋል::

ከቤታቸው ከተባረሩት መካከል አንዱ ከ8 ወራት በፊት አባቱ ቤታቸውን ሸጠው ፣ በኪራይ ቤት እየኖሩ በህጋዊ መንገድ እንደላኩት ይናገራል። አሁን ቤትክን ለቀህ ውጣ ተብሎ ህይወቱ አደጋ ላይ ወድቋል::

የሳውዲ መንግስት በኦፊሴል እንዲህ አይነት መልክት ያስተላልፍ እንደሆነ የጠየቅነው ጋዜጠኛ፣ መንግስት በቀጥታ እንዲህ አያደርግም ነገር ግን እርሱ ባሰማራቸው ሰዎች አማካኝነት መልክቶችን እንደሚሰድ ይታወቃል ብሎአል።

የኢትዮጵያ መንግስት ጠንካራ የዲፕሎማሲ ዘመቻ በማድረግ በመቶሺዎች የሚቆጠሩ ኢትዮጵያውያንን ህይወት መታደግ ሲችል በቀን ይህን ያክል ሰው አስመጣሁ በማለት ፕሮፓጋንዳ ይነዛል የሚለው ጋዜጠኛው፣ በሳውዲ የቀረው ኢትዮጵያዊ ወደ አገር ቤት የተመለሰውን በብዙ እጥፍ ይበልጣል ሲል በአገሪቱ ያለውን እውነታ አስረድቷል።

በሌላ በኩል ከሳውድ አረቢያ ወደ የመን የገቡ 3 ሺ ያክል ኢትዮጵያውያን በምግብ እጥረት ተጎሳቁለው እንደሚገኙ እስር ቤት ድረስ በመሄድ ጋዜጠኛ ግሩም ተክለሀይማኖት ጎብኝቷቸዋል።

በቅርቡ ሪያድ አሚራ ኑራ ዩኒቨርሲቲ በተነሳው ሁከት በአውቶብስ ተጨፍልቃ የሞተችው ነፍሰጡር ኢትዮጵያዊት ምስል ይፋ ሆነ

November 29/2013

ኢትዮጵያን ሃገሬ ከጅዳ በዋዲ

በሳውዲ አረቢያ ከእሳት ወደ ረመጥ ያመራው የወገኖቻችን ህይወት አሰቃቂ እና ዘግናኝ በሆኑ አደጋዎች ታጅቦ ግፍ እና መከራው ቀጥሏል::

በቅርቡ ሪያድ አሚራ ኑራ ዩነቨርስቲ በተነሳው ሁከት በአውቶብስ ተጨፍልቃ የሞተችው ነፍሰጡር ኢትዮጵያዊት ምስል ይፋ ሆነ። ከአስራ ስምንት ዓመት በታች የሆኑ እንዲያዩት አይመከርም።

ኖቬብር 24 2013 ምሽት ሚን ዛህሚያ እይተባለ ከሚነገርለት ግዜያዊ መጠለያ «ወገን ማሰቃያ » ጣቢያ በ17 አውቶብስ ተጭነው ኤርፖርት እንወስዳችሃለን ተበልው ሪያድ ከተማ መለዝ እይተባለ ወደ ሚጠራ አሚራ ኑራ ዩንቨርስቲ እንዳቀኑ በሚገርላቸው እገኖቻችን እና በሳውዲ ፖሊሶች መሃከል በተነሳ ግጭት በአውቶብስ ተጨፍልቃ የሞተችው ነፍሰጡር እህታችን አሰቃቂ ሞት ይፋ ሆነ ።

በሪያድ የኢትዮጵያ ዲፕሎማቶች እና በኢትዮጵያ ውጭ ጉዳይ ሚኒስቴር ተወክለው ወደ ሳውዲ አረቢያ እንደግቡ የሚነገርላቸው የልዑካን ቡድን አባላቶች ይህን የወገኖቻችንን ዘግናኝ አሟሟት በዓይናቸው አይተውት እንደነብር የሚናገሩ ምንጮች ህይወቷ በአሰቃቂ ሁኔታ ላለፈቸው ነፍሰጡር ከማዘን ይልቅ ጉዳዩ ይፋ እንዳይወጣ አደጋው በተከሰተበት ወቅት ፎቶ ያነሱ ኢትዮጵያውያን ወገኖቻችንን የቅረጹትን ይህን ምስል ለማንም አሳልፈው እንዳይሰጡ ያስፈሯሯቸው ነደነበር ገልጸዋል።

በሳውድ አረኢያ ወገኖቻችን ላይ እይደረሰ ባለው አሰቃቂ ሁኔታ ኢትዮጵያውያን ከመቸውም ግዜ በላይ የከፋ ሁኔታ ውስጥ ስለሚገኙ ድምጻቸውንን ከፍ አድርገን መጮህ ይጠበቅብናል ።

Ethiopia most restrictive Sub Saharan Country, Freedom House reports 2013

November 29/2013

Ethiopia has one of the lowest rates of internet and mobile telephone penetration in the world, as meager infrastructure, a government monopoly over the telecom sector, and obstructive telecom policies have notably hindered the growth of information and communication technologies (ICTs) in the country. Despite low access, the government maintains a strict system of controls over digital media, making Ethiopia the only country in Sub-Saharan Africa to implement nationwide internet filtering. Such a system is made possible by the state’s monopoly over the country’s only telecom company, Ethio Telecom, which returned to government control after a two-year management contract with France Telecom expired in December 2012. In addition, the government’s implementation of deep-packet inspection technology for censorship was indicated when the Tor network, which helps people communicate anonymously online, was blocked in mid- 2012.

Internet Freedom

Prime Minister Meles Zenawi, who ruled Ethiopia for over 20 years, died in August 2012 while seeking treatment for an undisclosed illness. Before his death was officially confirmed on August 20th, widespread media speculation about Zenawi’s whereabouts and the state of his health prompted the authorities to intensify its censorship of online content. A series of Muslim protests against religious discrimination in July 2012 also sparked increased efforts to control ICTs, with social media pages and news websites disseminating information about the demonstrations targeted for blocking. Moreover, internet and text messaging speeds were reported to be extremely slow, leading to unconfirmed suspicions that the authorities had deliberately obstructed telecom services as part of a wider crackdown on the Ethiopian Muslim press for its coverage of the demonstrations.
In 2012, legal restrictions on the use and provision of ICTs increased with the enactment of the Telecom Fraud Offences law in September,1 which toughened a ban on certain advanced internet applications and worryingly extended the 2009 Anti-Terrorism Proclamation and 2004 CriminalCode to electronic communications.2 Furthermore, the government’s ability to monitor online activity and intercept digital communications became more sophisticated with assistance from the Chinese government, while the commercial spyware toolkit FinFisher was discovered in Ethiopia in August 2012.
Repression against bloggers, internet users and mobile phone users continued during the coverage period of this report, with at least two prosecutions reported. After a long trial and months of international advocacy on behalf of the prominent dissident blogger, Eskinder Nega, who was charged with supporting a terrorist group, Nega was found guilty in July 2012 and sentenced to 18 years in prison.
Read Freedom House reports 2013, Full report about Ethiopia
Read Freedom House reports 2013, Full Report
Source:  http://www.freedomhouse.org/

በኢትዮጵያ የአሳታሚዎች ቁጥር ለመቀነስ የጋዜጣ ህትመት ዋጋ ጨመረ

November 28/2013

በዛሬው እለት ከኢትዮጵያ ከሚገኙት የነጻው ፕሬስ አባላት ባገኘነው መረጃ መሰረት የህትመት ዋጋ ጭማሬ መንግስት በህትመት ላይ ያደረገ ሲሆን አሳታሚውችን እና ጋዜጠኞችን ለማመናመን ያደረገው ትልቁ ጥረት ነው ሲሉ ገልጸዋል ። እንደ ጋዜጠኞቹ አገላለጽ ከሆነ ከምርጫ 97 በኋላ ከጊዜ ወደ ጊዜ ወረቀት ተወደደ እየተባለ የህትመት ውጤት የበለጠ እንዲወደድ በማድረግ አብዛኞቹን አሳታሚዎች ከአገልግሎት ውጭ ማድረጋቸው የሚታወስ ነው ። ከዚህም በላይ ደግሞ የአሳታሚ ንግድ ፈቃድ ለማውጣትም ከፍተኛ ዋጋን ለማስያዣነት እንደሚጠየቅ የመገናኛ ብዙሃን ጉዞን በአጭሩ የሚያስቀር ሂደት ተያይዘውታል ሲሉ ገልጸዋል ። በአንድ ነጠላ መጽሄት 10 ብር ዋጋ ህትመት እናትማለን ብለው ማተሚያ ቤቶች ማሳወቃቸውን ጠቁመው አሳታሚዎች ለአከፋፋይ እና ለአዟሪዎች የሚከፈለውን ክፍያ ሲያወዳድሩት የሚሸጠው መጽሄት ትርፋማ ሊሆን እንደማይችል እና ህብረተሰቡም የመጽሄቱን ዋጋ ከ 13 እስከ 15 ብር ዋጋ ደፍሮ ሊገዛ የማይችልበት አቅም ላይ ስላለ አሳታሚዎች በኪሳራ ምክንያት ድርጅቶቻቸውን ዘግተው ከስራ ውጭ ሊሆኑ እንደሚችሉ ገልጸዋል ።

ይህ በእንዲህ እንዳለ ጋዜጠኞች በማስፈራሪያ ዛቻ ላይ እንደሚገኙ እና ለህይወታቸው አስጊ በሆኑበት ሁኔታ ላይ እንዳሉ ጠቁመዋል ።በዚህ ሁለት እና ሶስት ወራት ብቻ ከሶስት ጊዜ በላይ ለጥያቄ ትፈለጋላችሁ ተብለው ሁለት ስማቸው እንዲጠቀስ ያልፈለጉ ጋዜጠኞች በሶስተኛ ፖሊስ ጣቢያ ቀርበው ቃላቸውን ሰጥተው ታስረው በዋስትና እንደ ተለቀቁ እና ጉዳያቸው በፍርድቤት እንዳለ እና የፍርድ ቤት ቀጠሮአቸውን እየጠበቁ እንደሆነ ገልጸዋል።

መንግስት በሚያመቸው መልኩ የፕሬሱን ጉዳይ እያንቀሳቀሰው ያለ ሲሆን ከዚህ በፊት የአቶ ክፍሌ ሙላት ይመራ የነበረውን የነጻ ፕሬሱን በሃይል የነጠቁት እና በእነ አቶ ወንደሰን እንዲመራ የአቶ በረከት ስምኦን አመራሮች የሰጡአቸውን እና በአሁን ሰአት የነጻው ፕሬስ ብለው የመሰረቱት ድርጅት በአባልነት ያልተመዘገቡትን እና ከወያኔ መንግስት በኩል ልንሰራ ሳይሆን ነጻ ሆነን ህዝብን ልናገለግል ይገባናል የሚልቱን ጋዜጠኞች ጥቃት እንዲፈጸምባቸው ማድረጋቸው አሳፋሪ እና ለነጻ ፕሬሱ አባላቶች ትልቅ ውርደት ነው ሲሉ ጠቁመዋል ።  

የህዝባችን መከራ የወያኔ የፖለቲካ መጠቀሚያ አይሆንም!

November 28, 2013 

በሳውዲ አረቢያ ውስጥ እጅግ ብዙ ኢትዮጵያውያን አሁንምመከራና ስቃይ ላይ ናቸው። የደረጃ ጉዳይ ነው እንጂ ችግሩ በመካከለኛው ምስራቅ ሀገሮች በሚኖሩ ወገኖቻችን ላይ የተንሰራፋ ነው። በመላው አለም ተበትኖ የሚኖረው ኢትዮጵያዊ ካለማቋረጥ ያደረገው ወገንና ሀገር አኩሪ ጩኸትና አቤቱታ ችግሩ በአለም ዙሪያ ትኩረት እንዲያገኝ ባያደረግ ኖሮ የወገኖቻችን መከራ ከዚህም በከፋ መልክ ይቀጥል እንደነበር ጥርጥር የለውም። አንድ ቀን እንኳን ለሚገዛው ህዝብ ሀላፊነትና ተጠያቂነት ተሰምቶት የማያውቀው የወያኔ ጉጅሌ መንግስት እግሩን እየጎተተ ቢሆንም ወደ ችግሩ አቅጣጫ እንዲመለከት የተገደደው በዚሁ የወገን ጩኸት መሆኑ ግልጽ ነው።

ወያኔ ስላልቻለ ነው እንጂ ይህንን ከአለም አጽናፍ እስከ አለም አጽናፍ ያስተጋባ የወገን ደራሽ ድምጻችንን አዲስ አበባ ላይ እንደ አደረገው በሃይል ለማፈን ወደኋላ አይልም ነበር።

ሀፍረት የለሾቹ የወያኔ መንግስት ባለስልጣኖች ይህን የተጋለጠ ሀገርና ህዝብ አዋራጅ ተግባራቸውን እና በውሸት የተበከለ ገመናቸውን ለመሸፈን ከዚያም አልፈው የዋሆችን በማታለል የፖለቲካ ትርፍ ለማትረፍ የተለመደ ቲያትር መስራቱን ተያይዘውታል። ቴዎድሮስ አድሃኖም ችግሩ ባለበት በሳውዲ መሬት ላይ ሳይሆን የሳውዲ አረቢያ መንግስት በራሱ ወጪ አሳፍሮ ቦሌ አውሮፕላን ጣቢያ ባፈሰሳቸው ኢትዮጵያውያን መሃል እየተጎማለለ ያዛኝ ቅቤ አንጓች ቲያትሩን ሲሰራ ትንሽ እንኳን ሀፍረት አይታይበትም።

እነዚሁኑ ወደ ሀገር የተመለሱ አእምሯቸው በችግር የተመሰቃቀለ ዜጎች ወደ ካሜራ እየገፉ ስለ ሳውዲ ኤምባሲያቸውና ስለመንግስታቸው ‘ድንቅ” አገልግሎት እንዲናገሩ ያስጠኗቸውን ተመሳሳይ አረፍተ ነገር መስማት የሚያሳዝን ባይሆን ኖሮ ተወዳዳሪ የሌለው ኮሜዲ ይወጣው ነበር።

እውነቱ ዛሬ በሀገራችን የሰፈነው ስደትና አብሮት የሚመጣው መከራ ሁሉ ዋናው አምራች ፋብሪካ ወያኔ መሆኑ ነው። ወያኔ የገነባው ጥቂት ጀሌዎቹንና ሎሌዎችን ተጠቃሚ ያደረገና አብዛኛው ኢትዮጵያዊ በተለይ ወጣቱ በሀገሩ ተስፋ እንዲቆርጥ ያደረገው ስርአት ነው። የስደታችንና የመከራችን ምንጭ ስደት የሚመጣው በሀገር ተስፋ መቁረጥ ነው። እንጀራ ፍለጋና ጭቆናና አፈና ሽሽት አምልጠን በየባዕድ ሀገሩ እንድንከራተት የሚያደርገን የወያኔ ስርአት ነው። በታሪካችን ውስጥ ተሰደን በባዕድ የተዋረድነው በወያኔ ምክንያት ነው።

በሀገር ውስጥ በአፈና ስር ሆናችሁ፣ በውጪው አለምም በየኢምባሲው የምታሰሙት ጩኸትና የምታፈሱት እምባ እብሪትና ትእቢት ያደነደነውን፣ ዝርፊያ ያደነዘዘውን የወያኔን ልብ እንደማያሸብረው ማወቅ አለብን።

የወያኔ ሹማምንቶች ይግረማችሁ ብለው ከአላንዳች ሀፍረት ያውም በሳውዲ አረቢያ ወጪ ተጓጉዘው ሀገር የገቡትን ግራ የተጋቡ ስደተኞች ለፖለቲካቸው ማሳመሪያ በቴሌቪዥን ስእልና ፎቶግራፍ መነሻ ሲያደርጉትና ለፖለቲካ ስራ መሳሪያ ሲያውሉት እያየን ነው። በነሱ ቤት ብልጥ ፖለቲከኞች መሆናቸው ይሆናል። በኛ ቁስል ላይ እንጨት እየሰደዱ መሆናቸውን ግን ፈጽሞ አይሰማቸውም።

ወያኔ በመካከለኛው ምስራቅ ተሰደው ለፍተው የሚኖሩት ወገኖቻችን በምን ሁኔታ ላይ እንዳሉ ያውቃል። ቢያንስ በየኢምባሲው ያስቀመጣቸው ነጋዴዎች ይነግሩታል። ችግሩን እንዳላየና እንዳልሰማ የሚያየው ከዜጎች ይልቅ እነሱ አፈር ግጠው ለፍተው ለሚያመጧት የውጪ ምንዛሬ የበለጠ ፍቅር ስላለው ነው። በዚህ ተግባሩ ወያኔ ወገኑን የሸጠ ባሪያ ፈንጋይ ነጋዴ እንጂ የመንግስት መሪ መሆኑ ያጠራጥራል።

ግንቦት 7 የፍትህና ዴሞክራሲ ንቅናቄ ዘወትር እንደሚለው ሁሉ ይህ የዜግነትና የሀገር ውርደት፣ ይህ ሁሉ የወገን መከራ የሚቆመው የዚህ ሁሉ መሰረት የሆነው ወያኔና ስርአቱ ከመሰረቱ ሲነቀልና ሲወገድ መሆኑን ላፍታም አይዘነጋውም።

እንባችን የሚደርቀው ደማችን በየቦታው መፍሰሱ የሚቆመው መብታችን እንደዜጋ ተከብሮ ቀና ብለን የምንሄድበት ሀገር በትግላችን የተቀዳጀን ጊዜ ብቻ ነው።

ግንቦት 7ን ተቀላቀሉ በያላችሁበት ግንቦት 7 ሁኑ!! እኛ ከዚህ ውርደት ሞቶ የሚገኘው ነጻነት ይሻላል ብለን የተነሳን ልጆቻችሁ ነን። እርሰዎስ?

ድል ለኢትዮጵያ ህዝብ!!!

የወያኔ በዲሞክራሲ ቁማር እስከመቼ?

November 28/2013

በስልጣን ላይ ያለው የወያኔ መንግስት የዛሬ 22 ዓመት አንግቦት የነበረውን የዲሞክራሲ መፈክር በማየት ዲሞክራሲ የጠማው የኢትዮጵያ ህዝብ የደስታ ጮቤ በመርገጥ ነበር የተቀበለው፡፡ ነገር ግን ይህ መፈክር ድራማ መሆኑ እየዋል እያደረ ነበር እየተጋለጠ የመጣው። ጮቤ እየረገጠ፤ ትግሉን ተቀላቅሎ መስዋት የከፈለውን ህዝብ የቁልቁል ወደ ባሰ የመከራ ማጥ ከቶታል። ወያኔ እራሱ ህግ አውጥቶ እራሱ የማፍረስና በህጉ ያለመገዛት በስልጣን ላይ ያለው የወያኔ መንግስት የዛሬ 22 ዓመት አንግቦት የነበረውን የዲሞክራሲ መፈክር በማየት ዲሞክራሲ የጠማው የኢትዮጵያ ህዝብ የደስታ ጮቤ በመርገጥ ነበር የተቀበለው፡፡ ነገር ግን ይህ መፈክር ድራማ መሆኑ እየዋል እያደረ ነበር እየተጋለጠ የመጣው። ጮቤ እየረገጠ፤ ትግሉን ተቀላቅሎ መስዋት የከፈለውን ህዝብ የቁልቁል ወደ ባሰ የመከራ ማጥ ከቶታል።

ወያኔ እራሱ ህግ አውጥቶ እራሱ የማፍረስና በህጉ ያለመገዛት አባዜ የተጠናዎተው አንባገነን ስርአት መሆኑ በሃያ ሁለት አመታት የስልጣን ጉዞው አስመስክሯል፡፡ በትክክል እንደ ህገ-መንግስቱ ቢሆን ኖሮ ህገ-መንግስት የህጎች ሁለ የበላይ ህግ ነው፡፡ነግር ግን ወያኔ ያለምንም ከልካይ እንዳሻው ያለ ህዝብ ተሳትፎ ለስልጣናቸው እርዝማኔ ይመች ዘንድ ሲዘርዙትና ሲደልዙት ይስተዋላል፡፡ ሲፈልግ ስልጣን መብት ሲሰጥህ/ሽ ሳይፈልግ ደግሞ ሲከለክልህ/ሽ በስመ ዲሞክራሲ እየነገደ የሚኖር የማፍያ ስርአት ነው፡፡ የአምባገነን መንግስታት መለዬ በሆነው ሃይልን እየተጠቀመ በመግደል፤ በእስር፣ በመሳርያ እና በዱላ እያስጨነቀ የህዝቡን ስነ ልቦና በማድከም የስልጣን ቆይታውን ማርዘምም የስርአቱ ዋና አላማ፡፡ እንዲህ አይነቱ አምባገነንና በዲሞክራሲ ስም ህዝባችን ላይ ቁማር የሚጫዎት ስርአት ለኢትዮጵያውያችን አያስፈልግም፡፡ ስለዚህ ይህንን በጨካኝኔ የተሞላ ስርአት ከሃገራችንና ከህዝባችን ጫንቃ የምናስወግድበት ሰአት አሁንና አሁን ብቻ ነው።

በዲሞክራሲ ቸነፈር መመታታችን ሳያንሰን አገር አልባ ለመሆን በተቃረብንበት እና ማንነታችን ጥያቄ ውስጥ በገባበት በዚህ ጊዜ ዲሞክራሲን መናፈቃችን ብቻ ተፈጥሮአዊ አያደርገንም፡፡ በተፈጥሮ ያገኘነውን ነፃነት በተግባር ስናስጠብቅ ብቻ ነው፡፡ ይህ ሁሌ ፍዳና መከራ የሆነው በሃገራችን ላይ በጣም ገኖ ከእኔ በላይ ላሳር በማለት በሃይል በጉልበት በስልጣን ላይ በተቀመጠው የወያኔ ስርአት ነው፡፡ የወያኔ ስርአት ስልጣን ከያዘ ቀን ቀንን እየተካ፤ ሳምንት ሳምንታትን እየተካ፤ ወር ወራትን እየተካ፤ አመት አመታትን እየተካ ይኸው እነሆ 22 አመታችንን አስቆጠርን፡፡ በዚህ 22 ዓመት በብዙ ሺህ የሚቆጠሩ ለዲሞክራሲ፤ ፍትና ነፃነት የዘመሩ ዜጎች አልቀዋል፤ ለስደትም ተዳርገው የድራማው ሰለባ ሆነዋል፡፡ አሁንም ዝም ካልነው ሌላ ብዙ አስርት የመከራ አመታትን መጋፈጥ ሊኖርብን ነው፡፡ እስከመቼ ዝም እንደ ምንለው ግን ወገን አይገባኝም፡፡ አሁንም ህፃን፤ ወጣት፤  ጐለምሳና አዛውንት ወገኖቻችን ሲረግፍ፤ ሲሰደዱ ማየት ከሆነ ህልማችን መልካም! ግን ይህንን የሚያልምም ሆነ የሚመኝ ንፁህ ኢትዮጵያዊ ያለ አይመስለኝም፤ ከራሳቸው ከወያኔ ሆዳደር ካድሬዎች በስተቀር፡፡ ስለዚህ ወገኔ ሆይ ይህንን መንግስት ዝም ብለን ልናየው አይገባም፡፡ ወይም እንደ ፈለገ ሊፈነጭብን ቦታ መስጠት የለብንም፡፡ እስካሁን በኢትዮጵያ ህዝብ ላይ ያደረሰው ጭቆናና በደል ይበቃል ልንለው የግድ ነው፡፡

በዲሞክራሲ እጦት ሃገራችንን ማስጨነቁ አልበቃው ያለው ይህ ክፉ ስርአት በአሁኑ ጊዜ የህዝባችንን ኑሮ ከድጡ ወደ ማጡ አድርጎት ይገኛል፡፡ ህዝባችን በኑሮ ውጣ ውረድ ህይወቱ ሰላም አጥቷል። ወያኔ ስርአቱን የሚቃወሙትን ብሎም የዲሞክራሲ ጥያቄን ያነሱ ንፁሃን ዜጐችን መግደል፤ ማሰርና ማሰቃየት መለዬው ነው። ወያኔ ይህን ስትራቴጂ የሚጠቀመው ለሃገራቸው መልካም የሚመኙትን እና ለሃገር ይሰራሉ ተብለው የሚገመቱትን ሃገር ወዳድ ዜጐች ማጥፋት ከመፈለጉ የተነሳ ነው፡፡ ምክንያቱም እነዚህ ሰዎች ሁሌም ለሃገራቸው ደህንነት ለህዝባቸው ኑሮ የሚጨነቁ ስለሆኑ ስርአቱን የመደገፍ ፍላጎት ስለማይኖራቸውና እየፈፀመ ያለውን አረመኔ ተግባር ለህዝብ ሊያጋልጡብኝ ይችላሉ ብሎ ስለሚፈራም ነው፡፡ ታዲያ በዚህ ሁኔታ የሚቀጠለው እንዴት ነው? ውድ ኢትጵያውያን በአሁኑ ጊዜ ህዝባችን ስቃይ ላይ ነው፡፡ ልንደርስለትና ከህዝባችን ጐን ተሰልፈን  ነፃነታችን ማፋጠን ይገባናል፡፡

በስተመጨረሻም መጠየቅ የምፈልገው በዲሞክራሲ እየነገደ ያለው ይህ የወያኔ ስርአት በሃገራችን ገነባሁት፤ እያበበም ነው የሚለው የዲሞክራሲ ስርአት የቱ ይሆን?

በየትኛው ዲሞክራሲ፡ ነፃነትና ፍትህ ያለበት ሃገር ላይ ነው አንድ መንግስት ለ22 አመታት ሲገዛ ያየነው? ዲሞክራሲ፡ ነፃነት እና ፍትህ አሰፍናለሁ ብሎ ቃል የገባላትን እናት ሃገር ዛሬ ግን ድንበሯን በመሸራረፍ እየሸጧት፣ እየለወጧት ብሎም ህዝባችንን በኑሮ እሳት ረመጥ እያቃጠሉት፤ ነፃነቱ ቀርቶ የሃገራችንን ህዝቧን እየከፋፈሉ የብሄር ብሄረሰብ መብትን አስከብራለሁ እያሉ እርስ በእርስ ህዝቡን ማጋጨትና ማጨፋጨፉ ይሆን የሃገራችን ዲሞክራሲ መገለጫው? 

ነው ወይስ ዲሞክራሲ ለወያኔ ህዝቡን መከፋፈል፣ እንደልብ እንዳይናገር ማፈን፣ መሬትን ያለባለቤቱ ፈቃድ እየነጠቁ መሸጥ፣ ሙስናን ተዋጋሁ እያሉ በሙስና ተጨማልቆ መገኘት፡፡ ይሄ ነው የወያኔ ዲሞክራሲና እና ፍትህ? የቆሰለችውን ኢትዮጵያ አድንሻለሁ ብሎ ለባሰ ህመም መዳረግስ ለምን!? እውነት ግን በተቃራኒው በቁስሉ ላይ እየሸነቆሩ ማድማት ነበር እንዴ አላማቸው? የተራባችሁትን ሰላም እና ዲሞክራሲ እሰጣችኋለሁ ብሎ ቃል የገቡለትን ህዝብ እልል ብሎ ሲቀበል፣ በታሪኩ አይቶት የማያውቀው የመከራ ጦስ መክተት ነበር እንዴ የወያኔ አላማ!? ስራቸውና ተንኮላቸው የገባው/ት ለምን ብሎ ሲጠይቅ/ ስትጠይቅ ወደ ወህኒ እና ወደ ሞት መጣል መሆን አለበት እንዴ የዚያ የምስኪን ህዝብ ለሰራው ውለታ መልሱ? ታዲያ የወያኔ ዲሞክራሲያዊ ግዛት ይኼ ነው?

ዛሬ ህዝባችን የተወለደበትን ምድርና ቀየ በሃይል በማስለቀቅ መሬቱን በኢንቨስትመንት ስም እየተሸነሸነ እየተሸጠ ያለበት ሁኔታ ነው ያለው፡፡ ታዲያ ይሄ ጭቁን ህዝብ ምድሩን ለቆ ወዴት ይሂድ የትስ ይድረስ? ነው ወይስ ስርአቱ ኢትዮጵያን ለማፈራረስ ነው ቆርጦ የተነሳው? ወገኔ ሆይ ሃገር አለን ብለን የምንኮራው መቼ ይሆን? እስኪ መልሱልኝ፤ የቀን ከሌት ጥያቄየና በራሴ መልስም ለማግኘት ባለመቻሌ አንድ ብትሉኝና ለአምሮየና ለመንፈሰይ ሰላምን ባገኝ ነው ለዘመናት የሚመላለስብኝን ጥያቄዎች መሰንዘሬ፡፡ በእኔ በኩል ይህንን አፋኝና አምባገነን ስርአት ያለምንም ልዩነት በአንድ ልብ በቃ ልንለውና፤ በቁርጠኝነት ልንታገለው ይገባል ባይ ነኝ።

ድል ለጭቁኑ ኢትዮጵያ ህዝብ!!!